ཚིག་དང་འཁྲུལ་པ་ཐམས་ཅད་རང་ཟད་དེ། སྣང་བ་དང་མི་སྣང་དུ་འཛིན་པའི་བློ་ཟད་ནས། འོད་ཀྱི་ནང་ནས་སོར་མོ་ཙམ་སྣང་བ་ལས་འཁོར་འདས་ཀྱི་འདུ་ཤེས་བྲལ་ཏེ། སྣང་བ་ཅིའི་ངོ་བོར་ཡང་མ་གྲུབ་བོ། །དེའི་ཚེ་འབྱུང་བའི་དགྲས་མི་ཚུགས། ཉི་ཟླའི་སྣང་བ་མེད། འགྲོ་འདུག་གི་འདུ་ཤེས་ནུབ། དྲན་པ་ཝལ་པོ་རྗེས་མེད་ཅིང་། མངོན་པར་ཤེས་པ་ཐོགས་པ་མེད། ཐུགས…

བས་ཀྱང་འཆིང་སྟེ། གཟུགས་མ་བསྡུས་པར་གཟུགས་བརྙན་སྣང་བ་བཞིན། མ་བཟུང་ན་ཉོན་མོངས་དུག་ལྔས་ཀྱང་གྲོལ་ཏེ། གཟུགས་བརྙན་གྱི་གནད་ཤེས་པས་མེ་ལོང་ལ་མི་གོས་པ་བཞིན་ནོ། །ཐུགས་རྗེ་ནང་དུ་ཐིམ་དུས་མེ་ལོང་གི་རྒྱབ་ཕྱིར་བསྟན་པ་བཞིན་བཟང་ངན་གྱི་གཟུགས་བརྙན་གང་ཡང་མི་སྣང་ལ། མེ་ལོང་ནང་གསལ་གྱི་ངོས་ལ་སྐུ་དང་ཡེ་ཤེས་འདུ་འབྲལ་མེད་པའི་དག…

ཁམས་གསུམ་དུ་མི་ལྡོག་པར་ཡིད་ཆེས་པའོ། །ཆོས་ཉིད་ཟད་པའི་རྟགས་གསུམ་ནི། ལུས་དུར་ཁྲོད་ཀྱི་རོ་ལྟར་གཤེད་མ་ལྔ་བརྒྱས་མཐའ་བསྐོར་ཡང་ཡ་ང་བ་དང་བག་ཚ་བ་མེད། ངག་བྲག་ཆ་ལྟར་གཏམ་གྱི་ཟུངས་ཟད་དེ་གཞན་གྱི་རྗེས་ཟློས་བྱེད། སེམས་བར་སྣང་གི་ན་བུན་ལྟར་སྐར་ཅིག་མ་ལ་བག་ཆགས་ཀྱི་ཕུང་པོ་མི་སྣང་བར་འཚང་རྒྱའོ། །གསུམ་པ་ཐོབ་པ་གསུམ་གྱིས་གཟེར…

པ་འགྲུབ་ལ། མཐར་ཐུག་གོང་མའི་རྒྱབ་བརྟེན་བྱས་ནས་ལྷག་མེད་དུ་སངས་རྒྱའོ། །གསུམ་པ་གྲོལ་ས་ཆེན་པོའི་རང་ས་ཟིན་ལུགས་ནི། དེ་ལྟར་སྣང་བ་བཞི་རྫོགས་ནས་གདོད་མའི་ཀ་དག་ཆེན་པོར་རང་གྲོལ་བ་ནི། དཔེར་ན་ཤེལ་གོང་དྲི་མ་སྦྱངས་པ་ལས་འོད་འབྱུང་སྟེ་ཉི་ཟེར་གྱི་རྐྱེན་དང་བྲལ་མ་ཐག །འོད་ལྔ་ནང་གསལ་དུ་ཐིམ་ནས་གནས་པ་ལྟར། དང་པོའི་ཀ་དག་ལས་ཕྱ…

དེད་དཔོན་རྒྱ་མཚོ་ནོར་བུ་ལེན་དུས་བྱ་རོག་དང་དུང་ལ་སོགས་པས་ཆུ་སྲིན་གྱི་སྒྲོ་འདོགས་བཅད་ནས་འགྲོ་བ་བཞིན་དུ། འདིར་ཡང་བླ་མའི་དྲུང་དུ་ཐོས་བསམ་གྱིས་སྒྲོ་འདོགས་ལེགས་པར་བཅད་ནས་བར་དོའི་འོད་གསལ་ལ་འཇུག་པ་སྟེ། དེའང་དབང་པོ་རབ་འབྲིང་ཐ་གསུམ་ལས། རབ་ཀྱི་རབ་སྦྲུལ་མདུད་མཁའ་ལ་བོར་བ་ལྟར་གྲོལ་བ་དང་། རབ་ཀྱི་འབྲིང་མཚོ་ནང་དུ་ཁ་…

མིག་ཧྲིག་གིས་བྱུང་དུས་སུ་གསལ་གདབ་བོ། །གསུམ་པ་ནི་བར་དོའི་གདམས་པ་སྐད་ཅིག་ཀྱང་མ་ཡེངས་པར་བསྒོམ་པའོ། །དེ་ཡང་ས་ས་ལ་ཐིམ་པས་ལུས་ལྕི་ཞིང་ལྡང་མི་ནུས། ཆུ་ཆུ་ལ་ཐིམ་པས་ཁ་ཆུ་སྣ་ཆུ་འཛག །མེ་མེ་ལ་ཐིམ་པས་ལུས་ཀྱི་དྲོ་སྡུད་པས། ཁ་སྣའི་སྒོ་སྐོམ། རླུང་རླུང་ལ་ཐིམ་པས་མིག་གྱེན་ལ་ལྡོག་ཅིང་ངར་ངར་རྐང་ལག་གཡབ། དེའི་ཚེ་སྐྱོད་བྱེད་…

གི་ངང་དུ་གྲོལ་ལོ། །དེ་ངོས་མ་ཟིན་ན་ཟེར་ཐག་དེ་ལས་མཆེད་པས་དུས་མ་འགྱུར་བར་སྣང་བ་འགྱུར་ཏེ། འོད་གསལ་གྱི་ཞིང་ཁམས་མེ་ལོང་གི་ངོས་ལ་ཉི་མ་ཤར་བ་ལྟར་སྣང་བ་ནི། ཕྱི་ས་རྡོ་རི་བྲག་རྩི་ཤིང་ནགས་ཚལ། ཉི་མ་ཟླ་བ་ལ་སོགས་པའི་སྣང་བ་རྣམས་ནུབ་ནས། ནང་ཆོད་ཉིད་འོད་གསལ་གྱི་རང་སྣང་རྣམ་པར་དག་པ་ཕྲ་ལ་དངས་པ། གསལ་ལ་འཚེར་བ། རང་བཞིན་གྱི་བ…

ཡེ་ཤེས་ཀྱི་དབྱེ་བས་རེ་རེ་བཞིན་བཅུ་བཅུ་སྟེ་བརྒྱ་ལྡན་དང་། དེ་ཉིད་ཕྱོགས་བཅུར་བརྒྱ་ཕྲག་བཅུར་སྣང་བས་སྟོང་ལྡན་དང་། དེ་ཉིད་ཀྱི་གདངས་ལས་ཡང་ཕྱོགས་བཅུར་དེ་སྙེད་སྣང་བས་འབུམ་ལྡན་དང་། དེ་ཉིད་ཀྱི་སྣང་བ་ལས་མཆེད་པའི་སངས་རྒྱས་ཀྱི་སྐུ་བསམ་གྱིས་མི་ཁྱབ་པ་ནམ་མཁས་གར་ཁྱབ་པ་ཀུན་ཏུ་གསལ་བར་འཚེར་བ། ལྷུན་སྡུག་པ། དཔངས་མཐོ་ཞིང་བ…

སྟེང་དུ་འོད་ཟླུམ་པོ་རྨ་བྱའི་གདུགས་ལྟ་བུའི་སྣང་བ་འཆར་རོ། །དེ་ནི་སྒྲོན་མ་བཞི་དབྱིངས་སུ་འཁྱིལ་བའི་སྣང་བའོ། །སྔ་མ་བཞི་ནི་རྡོ་རྗེ་སེམས་དཔའ་ཁོང་སེང་གི་ལམ་ཡེ་ཤེས་བཞི་སྦྱོར་གྱི་སྣང་བ་ཞེས་བྱ་སྟེ། དེའི་དུས་སུ་མི་འགྱུར་བ་གསེར་གྱི་ཐུར་མ་ལྟ་བུའི་གདམས་ངག་དྲན་པར་བྱའོ། །དེའང་སྙིང་ཆུ་ཞུགས་པ་གསེར་གྱི་ཐུར་མས་ཡིད་གཞུངས…

གསལ། སྐུ་ལྟར་ཤར་བས་ཤེས་པ་ཁ་ཕྱིར་མ་ཤོར། ཡེ་ཤེས་ལྟར་ཤར་བས་སྣང་བ་ཐམས་ཅད་ཟང་ཐལ། གཉིས་མེད་ལྟར་ཤར་བས་རང་གི་ཤེས་པ་རྩེ་གཅིག་གནས། མཐའ་གྲོལ་ལྟར་ཤར་བས་མཐའ་གང་ལ་ཡང་མི་གནས། མ་དག་པ་སྲིད་པའི་སྒོ་ལྟར་ཤར་བས་སྲིད་པའི་འབྱུང་ཁུངས་མི་འགག །དག་པ་ཡེ་ཤེས་ཀྱི་སྒོ་ལྟར་ཤར་བས་ཆོས་ཉིད་མ་བུ་འབྲེལ་ལོ། །ཡང་དེའི་ཚེ་དབང་པོ་དང་། སེམས་…

སུ་དབུགས་འབྱིན་པའོ། །དེ་ནས་མི་བརྗེད་པའི་གཟུངས་དང་ཏིང་ངེ་འཛིན་ཐོབ་པས་འཁོར་བར་མི་ལྡོག་ངེས་སོ། །དེ་ནས་ལྷུན་གྲུབ་ལ་གདིང་ཐོབ་པའི་ཚེ་ཐིམ་ལུགས་བརྒྱད་འབྱུང་བ་ནི། སྔར་ཕྱི་ཤར་ལུགས་བརྒྱད་པོ་ནང་དུ་ཐིམ་པ་སྟེ། དེའང་ཐུགས་རྗེ་ཕྱིར་གསལ་ནང་གི་ཐུགས་རྗེ་ལ་ཐིམ་པས་དཔེར་ན་ཉི་མ་ནུབ་པའི་འོད་ཟེར་ལྟ་བུའོ། །དེ་བཞིན་ཡེ་ཤེས་ཡེ་ཤ…

མགོ་གྱེན་དུ་བལྟ་ལ། ལྷ་མ་ཡིན་དང་དུད་འགྲོར་སྐྱེ་ན་སེར་པོར་སྣང་བས་མགོ་འཕྲེད་དུ་བལྟ་ཞིང་། དམྱལ་བ་དང་ཡི་དྭགས་ནག་པོར་སྣང་བས་མགོ་ཐུར་དུ་བསྟན་ཞིང་འགྲོ་བ་སྙམ་བྱེད་དོ། །ཡང་སྐྱེ་གནས་སོ་སོར་འཇུག་དུས། ལྷ་ཁང་དང་སྐྱེད་མོས་ཚལ་ནི་ལྷའི་སྐྱེ་གནས། འོད་ཀྱི་འཁོར་ལོ་ལྷ་མིན། ནམ་རྨུགས་པ་མི་ལུས་ཙམ་པོ། སྐྱེ་བོ་མང་པོའི་དབུས་མི…

སྤྲུལ་སྐུའི་ཞིང་དུ་དབུགས་ཕྱུང་སྟེ་བར་དོ་མེད་པར་གྲོལ་བའི་གདམས་ངག་ནི། འདིར་ཆོས་ཉིད་མངོན་སུམ་གྱི་དོན་མཐོང་ཡང་བསྒོམས་ལོང་མ་བྱུང་སྟེ། བར་དོའི་གྲོལ་ཚད་དང་མི་ལྡན་པ་རྣམས་ཆོས་ཉིད་ཀྱི་བར་དོ་ཤར་ཡང་ངོས་མ་ཟིན་ཏེ། སྲིད་པའི་བར་དོར་རྨི་ལམ་གྱི་ཆ་ཙམ་དུ་སྣང་བ་ལས་ཆོས་ཉིད་བདེན་པའི་བྱིན་རླབས་དང་། རིག་འཛིན་གྱི་སློབ་དཔོན་ཆ…

རྩ་ལྔར་གནས་པ་ལས། སྐད་ཅིག་གིས་ནུབ་ཕྱོགས་པདྨ་བརྩེགས་པའི་ཞིང་ཁམས་སུ། པདྨ་རིགས་ཀྱི་སེམས་དཔར་སྐྱེས་ཏེ། དེ་བཞིན་གཤེགས་པ་སྣང་བ་མཐའ་ཡས་ཀྱིས་མངོན་སུམ་དུ་ལུང་བསྟན་ནས། འདོད་ཆགས་དག་སྟེ་ལོ་བརྒྱ་ཉི་ཤུ་རྩ་ལྔར་གནས་པ་ལས། སྐད་ཅིག་གིས་བྱང་ལས་རབ་རྫོགས་པའི་ཞིང་ཁམས་སུ་ལས་ཀྱི་སེམས་དཔར་བརྫུས་ཏེ་སྐྱེས་པ་ལ་དེ་བཞིན་གཤེགས་པ་དོ…

དོན་སྐྱོ་ངལ་མེད་ཅིང་སྤྲོ་བར་རང་བཞིན་ལྷུན་གྱིས་གྲུབ་པར་མཛོད་ཅིག །དེ་ལྟར་རྒྱུད་དོན་མན་ངག་རྒྱ་མཚོ་ལས། ཟབ་མོའི་བཅུད་རྣམས་ཡང་ནས་ཡང་བསྡུས་པ། ངེས་གསང་སྙིང་པོ་ཚེ་གཅིག་སངས་རྒྱས་ལམ། །མཁའ་འགྲོ་སྙིང་ཏིག་གསང་བའི་སྒོ་ཕྱེ་ནས། །ཕྱི་རབས་སྐལ་ལྡན་འཇུག་པའི་ཐེམ་སྐས་སུ། །ཟབ་དོན་སྙིང་པོའི་ཡི་གེ་འདི་བརྩམས་ཏེ། །རྡོ་རྗེ་སྙིང…

ཤོགསྟོང་།

ནམ་མཁའ་སྐོར་གསུམ་ལས། ནམ་མཁའ་རབ་འབྱམས་བཞུགས་པ་ལེགས། །རིན་ཆེན་ཤོག་སྐྱའི་སྐོར་རྒྱབ་ཆོས་ཀྱི་རིམ་པ་ལས།

ནམ་མཁའ་རབ་འབྱམས་ཞེས་བྱ་བ། །དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །ཡེ་ནས་མ་བཅོས་རང་བཞིན་རྫོགས་པ་ཆེ། །བརྗོད་མེད་བསམ་འདས་མཉམ་ཉིད་ངང་ཉིད་ལས། །སྣ་ཚོགས་འཆར་སྒོ་ཡེ་ཤེས་རིགས་ལྔའི་གདངས། །རང་ཤར་རང་སར་གྲོལ་ལ་ཕྱག་འཚལ་ལོ། །ཤར་སྣང་འགྱུ་བ་ཡེ་ཤེས་རོལ་པའི་དབྱིངས། །དྲན་འཛིན་གཉེན་པོའི་བློ་ལས་འདས་པ་ནི། །གང་དང་མི་འགལ་ཀུན་ལས་འ…

བསྒྱུར་དུ་མེད། །སོ་མ་གཉུག་མ་མ་བཅོས་རང་ཀ་མ། །རང་བཞིན་ལྷུག་པ་ཡེ་གྲོལ་ཆོས་ཉིད་ལ། །བཅིངས་དང་གྲོལ་མེད་ནམ་མཁའི་མདུད་པ་བཞིན། །སྤང་བླང་འཁྲུལ་པའི་བྱུང་ཁུངས་ཟད་པ་ཡིན། །ཆེད་འཛིན་གཉེར་ཁ་མ་བྱེད་ཡན་དུ་ཆུག །བཟང་ངན་བླང་དོར་ཐམས་ཅད་སྤྲོས་པའི་བློ། །དེ་ལ་ཆེད་འཛིན་ཞིག་ན་ཡེ་ཤེས་དངོས། །ཐད་ཀར་བསྒོམ་ཡང་ཅི་དགོས་གང་བདེར་ཐོང་།…

སྡུག་བསྔལ་ཉིད་ལས་གྲོལ་བའི་སྐབས་མེད་དོ། །རང་བཞིན་དག་པའི་མཚོ་ལས་ཤར་བའི་རླབས། །དགག་ཅིང་སྒྲུབ་མེད་རང་བཞིན་ཤེས་པས་གྲོལ། །གྲོགས་དག་ཚུར་ཉོན་ཤེས་རབ་རིག་པའི་མཚོན། །རང་གི་སེམས་ལ་འདི་ལྟར་བརྟག་འཚལ་ལོ། །སྣ་ཚོགས་འགྱུ་བ་རླུང་འདྲ་བརྟགས་ན་མེད། །མ་བརྟག་ལྟར་སྣང་འདི་ལ་སོམས་དང་ཀྱེ། །ད་ལྟར་གར་གནས་དང་པོ་གང་ནས་བྱུང་། །ཐ་མ་…