འདུ་འཛིའི་རླུང་གིས་མ་བསྐྱོད་དང་། །ཉིན་མཚན་ཆོས་སྤྱོད་བཟང་པོས་འདའ་བ་སྟེ། །དམ་པ་རྣམས་ཀྱི་ཚུལ་ལ་འཇུག་པར་བྱ། །དད་པས་ཁམས་གསོ་ཐུབ་པའི་ཆོས་དྲུག་ནི། །མོས་པའི་དད་པས་གསོལ་འདེབས་བླ་མ་སྒོམ། །གུས་པའི་དད་པས་དཀོན་མཆོག་མཆོད་ལ་བརྩོན། །ཡིད་ཆེས་དད་པས་ཡི་དམ་སྒོམ་སྒྲུབ་བྱེད། །དང་བའི་དད་པས་ཆོས་ཉིད་དོན་ལ་གཞོལ། །མི་ལྡོག་དད་…

འབྲས་བུ་ལོང་། །ཆོས་དང་ཕྲད་དཀའ་བརྩོན་པས་ཉམས་སུ་ལོང་། །ཟབ་དོན་ཐོས་དཀའ་སྙན་བརྒྱུད་སྙིང་པོ་བསྒྲུབ། །འཁྲུལ་སྣང་བཅད་དཀའ་གཉིས་མེད་དོན་ལ་སྦྱང་། །མཐུན་སྐྱེན་ཚོགས་དཀའ་འཛོམ་དུས་ཉམས་ལེན་འབུངས། །འདིར་བདེ་ཕྱི་མར་བདེ་བའི་འདུན་གྲོས་ཡིན། ཆོས་ལ་ཞུགས་པའི་གལ་ཆེ་རྣམ་དྲུག་ནི། །ཕྱི་མ་རྒྱུན་རིང་སྦྱིན་པ་གལ་རེ་ཆེ། །བདེ་འགྲོའ…

མཐོང་། །དེ་དག་འབྱོར་ན་དོན་གཉིས་ལྷུན་གྲུབ་འགྱུར། །བྱ་བ་མ་ཡིན་རྣམ་དྲུག་སྤང་བ་ནི། །རྒྱུད་ཚོད་མི་ཤེས་གང་ཟག་གཤེ་སྐུར་སྤང་། །ལོག་འཚོའི་རྙེད་པས་དད་ལྡན་སུན་མ་འདོན། །བག་མེད་ཐོ་ཅོའི་སྨྱོན་སྤྱོད་ཤུགས་མ་དྲགས། །གཞན་ལ་ཁྱད་གསོད་མཐོ་དགོས་བརྙས་མ་བྱེད། །ལྟོ་རྒྱབ་ཆེད་དུ་དམ་པའི་ཆོས་མ་འདོར། །རྒྱུ་འབྲས་ཟབ་མོའི་རྟེན་འབྲེལ…

ཉིད་དོན་ལ་ལྟོས། །དེ་ལྟར་བྱས་ན་ཡང་དག་དོན་ལ་ཉེ། །སྐལ་བཟང་རྣམས་ཀྱི་གོམས་པའི་གནད་དྲུག་ནི། །གནས་ལུགས་བྱར་མེད་ཡིན་གྱིས་སྤྲོས་མེད་གནད། །སྒོམ་པ་འོད་གསལ་ཡིན་གྱིས་ཡེང་མེད་གནད། །སྤྱོད་པ་སྒྱུ་མ་ཡིན་གྱིས་བདེན་མེད་གནད། །འབྲས་བུ་ལྷུན་གྲུབ་ཡིན་གྱིས་རང་ཆས་གནད། །རྐྱེན་ངན་རང་གྲོལ་ཡིན་གྱིས་འཛིན་མེད་གནད། །བདེ་སྡུག་རང་སེ…

དེ་ལ་རྒྱན་དུ་བྱེད། །མངོན་དུ་གྱུར་བློ་འདོད་དགུ་འབྱུང་འདྲའོ། །ཐེག་ཆེན་ཆོས་ལ་འབྲེལ་བ་དྲུག་ལྡན་ནི། །དངོས་འཛིན་འཇིག་ལ་ལྟ་བ་ཉམས་མྱོང་འབྲེལ། །སྙོམས་ལས་སེལ་ལ་དད་པ་བརྩོན་འགྲུས་འབྲེལ། །ཐེག་དམན་སྐྱོབ་ལ་ཐབས་དང་ཤེས་རབ་འབྲེལ། །ཁོང་ཁྲོ་འབྱིན་ལ་རང་སྐྱོན་གཞན་བདེན་འབྲེལ། །འཕགས་ལམ་བགྲོད་ལ་མོས་གུས་སྙིང་རུས་འབྲེལ། །གོལ་…

པ་མེད་པར་རེ་བ་ཆེ་བ་རྣམས། །སྐལ་ངན་དམ་ཆོས་ཕྱོགས་མིན་རིང་དུ་སྤང་། །མཐར་ཕྱིན་སྐྱོན་ལས་གྲོལ་བའི་ཆོས་དྲུག་ནི། །བློ་བརྟན་རང་རྒྱུད་དགེ་ཞིང་བྱ་བ་ཉུང་། །སྙིང་རུས་ཞེ་བཅད་ཆེ་ཞིང་བཟོད་དང་ལྡན། །གཞན་གྱིས་མི་བརྫི་རྐྱེན་གྱིས་འཕྲོག་པ་མེད། །ཕྱི་ཐག་རྒྱུན་རིང་དད་གུས་ངོ་ལྐོག་མེད། །བློ་བཟང་གྲོས་འདུན་ཆེ་ཞིང་ཐབས་ལ་མཁས། །གཞན…

རྣམས་ལས་དམན། །ལྟ་སྒོམ་ལྟ་ཅི་ཆོས་དང་གནམ་ས་བཞིན། །བསྟན་པའི་ཆོམ་རྐུན་ཆོས་ལྟར་བཅོས་པ་སྟེ། །དད་ལྡན་ལོག་ལམ་ངན་འགྲོར་ཁྲིད་པས་སྤང་། །ཡ་བྲལ་དྲུག་གིས་མི་འགྲུབ་བསྟན་པ་ནི། །སེམས་བསྐྱེད་ཡོད་ཀྱང་སྨོན་ལམ་མ་བཏབ་ན། །གཟུགས་སྐུའི་སྒྲིབ་སྦྱོང་ས་བོན་ཐེབས་མི་འགྱུར། །སྙིང་རྗེ་ཡོད་ཀྱང་རང་འདོད་མ་ཟད་ན། །ཐེག་ཆེན་གཞན་དོན་སྤྱོད…

རྟགས་ཐོན་ཡང་རློམ་སེམས་མ་སྤངས་ན། །མཐར་ཐུག་བདུད་ཀྱིས་འཁྱེར་བའི་ཉེན་ཡོད་གཟབས། །དམ་ཅན་འདུ་ཡང་སྙིང་རྗེ་མི་ལྡན་ན། །མཐར་ཐུག་ལས་མཐའ་ལོག་པའི་ཉེན་ཡོད་གཟབས། །དགོངས་པ་མཐོ་ཡང་ཞེན་པ་མ་ལོག་ན། །མཐར་ཐུག་དྲེད་པོར་འཆོར་བའི་ཉེན་ཡོད་གཟབས། །འགྲོ་དོན་བརྩོན་ཡང་རང་འདོད་འཁྲིས་ཞུགས་ན། །མཐར་ཐུག་ཟོག་པོར་སོང་བའི་ཉེན་ཡོད་གཟབས། །ས…

མ་རྟག་ཏུ་བསྟེན་པ་གཅེས། །དུག་ལྔའི་མེ་དཔུང་རབ་ཏུ་གཞིལ་དཀའ་བས། །བྱང་ཆུབ་སེམས་བསྐྱེད་རྒྱ་མཚོ་བསྟེན་པ་གཅེས། །ལས་ངན་བསགས་པའི་བགྲོད་ལམ་མཐུར་བྱེད་པས། །ཐར་བའི་སྐས་ལ་ཡར་ལ་འཛེག་པ་གཅེས། །སྡེ་སྣོད་བསླབ་གསུམ་ཁྱད་པར་ཆོས་དྲུག་ནི། །ཉན་ཐོས་སྡེ་སྣོད་སྟོན་ལས་སྒྲའི་རྗེས་འབྲང་། །རང་རྒྱལ་རང་རྟོགས་རྟེན་འབྲེལ་ནང་ནས་འཆར། །བྱ…

སྒོམ་སྒྲུབ་ཆོས་ལ་རྩོལ་བ་དྲག་ཏུ་སྐྱེད། །སྨྲ་མང་འཁྲུལ་པའི་དགྲར་ལྡང་ནེ་ཙོ་འདྲ། །ངག་འཁྱལ་བྲེ་མོའི་གཏམ་འདྲ་སྨྲ་བཅད་གྱིས། །ཆོས་སྒྲུབ་མཚོ་གླིང་ནོར་བུ་ལེན་འདྲ་བས། །སྙན་བརྒྱུད་གདམས་ངག་ལྷུག་པར་སྤེལ་མི་བྱ། །འགྲོགས་ཡུན་རིང་ན་སངས་རྒྱས་སྐྱོན་མཐོང་བས། །མི་གཞན་རྣམས་དང་གནས་མལ་གཅིག་མི་བྱ། །འདི་དག་སྙིང་གཏམ་མཆོག་ཡིན་གུ…

བསགས་པས་འདི་བས་བདེ་སྟེ་བྲོད། །དམ་ཚིག་བསྲུངས་པས་མཁའ་འགྲོས་བསུ་སྟེ་བྲོད། །ཡི་དམ་བར་དོར་ལམ་སྣ་འདྲེན་ཏེ་བྲོད། །བླ་མ་མཆོག་དང་འདུ་འབྲལ་མེད་དེ་བྲོད། །སེམས་ཉིད་གོམས་པས་འོད་གསལ་འཆར་ཏེ་བྲོད། །འདའ་དཀའ་འཆི་བྲོད་གདམས་པ་ཟབ་མོ་ཡིན། །རྣལ་འབྱོར་རབ་ཀྱི་འཆི་རྒྱུ་མེད་དྲུག་ནི། །རང་རིག་དགོངས་པ་ཡེ་ནས་འཆི་རྒྱུ་མེད། །རང་བྱུ…

འཆོར། །གྲགས་འདོད་ཅན་དེ་མི་ཚེ་ལོ་འདོད་འཆོར། །ཟས་སྲེད་ཅན་དེ་ཟས་ཕྱིར་མུག་ལྟོར་འཆོར། །མི་རྒོད་ནོར་ཅན་ཁེ་སྤོགས་ཚོང་ལ་འཆོར། །དད་མེད་ཐོས་བསམ་ཆོས་དྲེད་རྒྱུས་ཅན་འཆོར། །ཐོས་ཆུང་བླུན་སྒོམ་ལོག་པའི་ལམ་དུ་འཆོར། །འཆོར་བ་དྲུག་པོར་མ་སོང་ཤིན་ཏུ་གཅེས། །སྐྱོན་རྣམས་བྱུང་ན་བསལ་ཐབས་ཆོས་དྲུག་ནི། །མོས་གུས་ཤོར་ན་ཡོན་ཏན་དཀའ་བ…

བའི་སྒྲོག་དྲུག་བཅད་པའི་མན་ངག་ནི། །ནོར་རྫས་མངོན་ཞེན་སྤེལ་སྲུང་སྒྲོག་གིས་འཆིང་། །རིགས་རྒྱུད་མངོན་ཞེན་ཁེ་གྲགས་སྒྲོག་གིས་འཆིང་། །རྣམ་གཡེང་ཆགས་ཞེན་འདུ་འཛིའི་སྒྲོག་གིས་འཆིང་། །ཐ་སྙད་ཚིག་ཞེན་ང་རྒྱལ་སྒྲོག་གིས་འཆིང་། །ཉམས་རྟོགས་མངོན་ཞེན་རློམ་སེམས་སྒྲོག་གིས་འཆིང་། །ཆོས་སྤྱོད་མངོན་ཞེན་གཉེན་པོའི་སྒྲོག་གིས་འཆིང་…

བཟུང་མཐོན་པོའི་ཆ་མ་འཛིན། །མ་དད་སྤྱོད་སྤངས་གཞན་གྱི་ངོ་མ་བསྲུང་། །སྙིང་རྗེས་ཕན་ཐོགས་ཁྱིམ་ཐབ་ནོར་མ་བསྲེལ། །ཕྱོགས་མེད་སྦྱིན་ཐོང་ཡུས་དང་ལན་མ་རེ། །ཉམས་ལེན་རང་རྐྱ་ཐུབ་པའི་ཆོས་དྲུག་ནི། །ངོ་ལྐོག་མེད་པའི་ཚུལ་ཁྲིམས་རྐྱེན་ངན་ཐུབ། །གདམས་ངག་ཁོང་ཁྲོལ་གང་ཡང་ཉམས་ལེན་ཤེས། །བར་ཆད་བགེགས་སེལ་ནད་གདོན་འདོན་ལ་མཁས། །ཐོས་བསམ…

རྐུན་མ་ནགས་བྲོས་རྐང་རྗེས་བྱེ་རིར་བཅད། །ཆུས་ཁྱེར་རམ་མདའ་སྐམ་ལ་རྒྱུག་པ་སྟེ། །གྱེར་བའི་སྨྲང་ཡོད་མདོས་གཏོང་ས་མི་ཤེས། །དེ་འདྲའི་གང་ཟག་བདེ་ཆེན་ས་དང་རིང་། །དཀའ་བའི་སྐྱོན་དྲུག་འབྱུང་བར་བསྟན་པ་ནི། །འཁོར་བར་འདུན་ལ་ཡང་དག་དད་པ་དཀའ། །ཁྲེལ་འཛེམ་མེད་པའི་བསླབ་གསུམ་བསྲུང་བ་དཀའ། །མཚན་ལྡན་མ་མཇལ་ཐར་ལམ་ཚུད་པ་དཀའ། །ཐབས་ལ…

པ་གནད། །དལ་ཚོགས་ལོང་གཏམ་སྨྲས་ཤིང་སླར་མང་བས། །ལོག་གནོན་མི་སྨྲ་གཅིག་པུར་འདུག་པ་གནད། །གཞན་སེམས་གཟུང་འཛིན་བྱར་དགོས་སླར་མང་བས། །ལོག་གནོན་གར་བབས་ངང་ལ་སྐྱུར་བ་གནད། །རང་སེམས་སྒྲིམས་ཤིང་འཇུར་བུ་སླར་མང་བས། །ལོག་གནོན་རང་བབས་ངང་དེར་གློད་པ་གནད། །བྱ་བྱེད་སྤྲོས་པ་བྱས་ཤིིང་སླར་མང་བས། །ལོག་གནོན་ཅོག་གཞག་རང་བབས་གཏོང་བ…

ངན། །གདམས་ངག་ཟོང་ཚོང་ལོག་འཚོ་འདྲེས་པས་ངན། །ཡི་དམ་རྐྱེན་བཟློག་ལམ་སྣ་སྟོར་བས་ངན། །ཆོས་སྤྱོད་ནོར་འཚོལ་ཐར་ལམ་སྟོར་བས་ངན། །ངན་པ་དྲུག་བྲལ་སྒྲུབ་པ་ཤིན་ཏུ་གཅེས། །ཐར་ལམ་རང་བཞིན་མ་དྲན་ཆོས་དྲུག་ནི། །ཡུལ་ལ་ཡེངས་པས་མོས་གུས་མ་དྲན་དང་། །མུ་ལྟོ་ཟས་འཚོལ་དཀོན་མཆོག་མ་དྲན་དང་། །གཤིས་ངན་སྦུབས་ཐུང་དམ་ཚིག་མ་དྲན་དང་། །མིག་…

འཁྲུལ་པའི་བག་ཆགས་འགོས་པས་བསླད། །ལོག་པའི་འཚོ་བ་རྣམ་དྲུག་སྤང་བ་ནི། །ཚུལ་འཆོས་བསླུ་བྲིད་རྙེད་པ་ལོག་འཚོ་ཡིན། ཁ་གསག་མགོ་སྐོར་རྙེད་པ་ལོག་འཚོ་ཡིན། །ཞེན་འདོད་གཞོགས་སློང་བྱེད་པ་ལོག་འཚོ་ཡིན། །ཆོས་དཔག་ངན་ཁྲམ་བྱེད་པ་ལོག་འཚོ་ཡིན། །ཐོས་བསམ་རྙེད་པ་འཚོལ་བ་ལོག་འཚོ་ཡིན། །ནོར་རྫས་ཐ་མལ་སྤྱོད་པ་ལོག་འཚོ་ཡིན། །ཚུལ་བཞིན་བས…

མི་སྦྱོར་ཆོས་མགོ་འདོན། །དེ་དག་ཐབས་མཁས་བཤེས་གཉེན་བཟང་པོའི་ལུགས། །དྲན་པའི་བྱ་ར་བཏང་བའི་ཆོས་དྲུག་ནི། །ཚེ་འདིར་ཤོར་རམ་དྲན་པའི་བྱ་ར་བཏང་། །ལེ་ལོས་གཡེངས་སམ་དྲན་པའི་བྱ་ར་བཏང་། །གོལ་སྒྲིབ་བྱུང་ངམ་དྲན་པའི་བྱ་ར་བཏང་། །འཁྲུལ་རྟོག་ཤོར་རམ་དྲན་པའི་བྱ་ར་བཏང་། །འཆལ་གཏམ་ཤོར་རམ་དྲན་པའི་བྱ་ར་བཏང་། །ཐ་མལ་ལུས་སམ་དྲན་པའི…

བཅས་པ་རྣམ་དྲུག་ནི། །གདམས་ངག་ཟབ་མོ་ངོ་སྤྲོད་བཅས་པ་དགོས། །ངོ་སྤྲོད་གོང་མའི་ཕྱག་བཞེས་བཅས་པ་དགོས། །ཕྱག་བཞེས་དེ་ཡང་ཉམས་མྱོང་བཅས་པ་དགོས། །ཉམས་མྱོང་དྲོད་ཚད་རྟགས་དང་བཅས་པ་དགོས། །དྲོད་རྟགས་ཐོབ་བྱའི་འབྲས་བུར་བཅས་པ་དགོས། །འབྲས་བུ་གཞན་དོན་མཛད་པར་བཅས་པ་དགོས། །ཡ་བྲལ་ལམ་དེ་གོལ་བའི་གནས་སུ་འཁྱོག །གཅེས་པའི་གདམས་ངག་རྣ…