ཅད་དང་བྲལ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་བྱེ་བ་གྲངས་མེད་པར་ཀུན་ཏུ་འབྱུང་བ་ལ་ཕྱག་འཚལ་ལོ། །དེའི་མཚན་བཟུང་ན་ཤི་འཕོས་ནས་སྒྲ་དབྱངས་ཡན་ལག་དྲུག་ཅུ་དང་ལྡན་པའི་སྤོབས་པ་ཕུན་སུམ་ཚོགས་པ་འཐོབ་པར་འགྱུར་རོ། །སངས་རྒྱས་བྱེ་བ་ཕྲག་བརྒྱད་ཅུ་ལ་དགེ་བའི་རྩ་བ་བསྐྱེད་པར་འགྱུར་རོ། །སྟེང་གི…

བ་ཐོབ་པར་འགྱུར་རོ། །མྱུར་དུ་བླ་མེད་བྱང་ཆུབ་ཏུ་འཚང་རྒྱ་བ་དང་། སེམས་ཅན་ཐམས་ཅད་ཀྱང་འཆི་འཕོ་དང་སྔོན་གནས་རྗེས་སུ་དྲན་པ་དང་། བརྡ་སྐད་ཤེས་པ་དང་། སྤོབས་པ་རྒྱུན་མི་འཆད་པ་དང་རིགས་མཐོན་པོ་ཆེན་པོ་དང་ཚེ་རབས་དྲན་པ་དང་། མངོན་ཤེས་ལྔ་དང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཐོབ་པར་འགྱུར་རོ། །འོག་ཕྱོགས་འཇིག་རྟེན་གྱི་…

དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནམ་མཁའི་དཔལ་དྲི་མེད་རྡུལ་སེལ་རབ་མཛེས་ཡོན་ཏན་གྱི་ཏོག་གི་འོད་མེ་ཏོག་པདྨ་བཻཌཱུརྱའི་འོད་ཟེར་རིན་པོ་ཆེའི་གཟུགས་ལྟ་བུའི་སྐུ་དང་ལྡན་པ་སྤོས་མཆོག་དམ་པས་མཆོད་པ་སྐུ་རྣམ་པར་སྤྲས་ཤིང་ལེགས་པར་བརྒྱན་པ་གཙུག་ཏོར་གྱི་གཙུག་ནས་ཉི་མའི་འོད་ཟེར་དཔག་མེད་ཟླ་འོད་སྨོན་ལམ་ག…

རབ་བརྒྱན་ཐོགས་མེད་འཁོར་ལོའི་དཀྱིལ་འཁོར་ཕྱོགས་བཅུར་འོད་ཟེར་རབ་འབྱིན་འཇིག་རྟེན་ཁམས་ཀུན་ཏུ་སྣང་བྱེད་ཏོག་གི་རྒྱལ་མཚན་རྒྱལ་པོ་ལ་ཕྱག་འཚལ་ལོ། །ཤར་ཕྱོགས་དེ་ཉིད་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཀོད་པ་ཐམས་ཅད་དྲི་མེད་འོད་ལ་ཕྱག་འཚལ་ལོ། །ལྷོ་ཕྱོགས་ཀྱི་དེ་བཞིན་གཤེགས་པ་དགྲ་བཅོམ་པ་ཡང་དག་པ…

པ་ལ་ཕྱག་འཚལ་ལོ། །འོག་གི་ཕྱོགས་ཀྱི་དེ་བཞིན་གཤེགས་པ་སེང་གེ་བསྒྱིངས་བའི་མིང་པ་ལ་ཕྱག་འཚལ་ལོ། །སྟེང་ཕྱོགས་ཀྱི་དེ་བཞིན་གཤེགས་པ་གསེར་འོད་གཟི་བརྗིད་འཇིགས་བྲལ་རྒྱལ་པོ་ལ་ཕྱག་འཚལ་ལོ། །དད་པའི་རིགས་ཀྱི་བུའམ་བུ་མོ་གང་གིས་སངས་རྒྱས་བཅུ་གཉིས་པོ་འདིའི་མཚན་བརྗོད་ལ་ཉི་མ་བཅུར་སྡིག་པ་ཐམས་ཅད་བཤགས་པར་བྱ། དགེ་བའི་རྩ་བ་ཐམས་ཅ…

ཕུན་སུམ་ཚོགས་པ་དང་། རིགས་དང་སྐྱེ་བ་རུས་དང་གཟུགས་དང་མཐུ་ཕུན་སུམ་ཚོགས་པ་དང་། རིས་འདྲ་བའི་སྐྱེ་བོའི་འཁོར་ཕུན་སུམ་ཚོགས་པ་ཡང་ཡོངས་སུ་འཛིན་ནོ། །ཞིང་བྱེ་བ་ཕྲག་སྟོང་གསེར་གྱིས་བཀང་སྟེ་བྱིན་པ་བས་མཚན་འདི་རྣམས་བཟུང་བའི་བསོད་ནམས་ཆེས་མང་ལ། རྟག་ཏུ་ཚེ་རབས་དྲན་པ་དང་། མི་ཁོམ་པ་སྤངས་ནས་བཟང་འགྲོར་སངས་རྒྱས་ལ་དད་པས་མཆོད་…

རྫོགས་པར་འགྱུར་རོ། །ཞེས་གསུངས་སོ། ༈ །སངས་རྒྱས་ཀྱི་དབུ་རྒྱན་ཞེས་བྱ་བ་ཐེག་པ་ཆེན་པོའི་མདོ་ལས། ཤར་ཕྱོགས་འཇིག་རྟེན་གྱི་ཁམས་ཏིང་ངེ་འཛིན་གྱིས་བརྒྱན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏིང་ངེ་འཛིན་གླང་པོ་དམ་པའི་དཔལ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་ལ་དེ་ན་བྱང་ཆུབ་སེམས་དཔའ་…

པར་རྫོགས་པའི་སངས་རྒྱས་པདྨ་དམ་པའི་དཔལ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་སོ། །ཞིང་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལག་ན་པདྨ་ཞེས་བྱ་བ་དེ་བཞིན་གཤེགས་པ་དེ་འདས་པའི་འོག་ཏུ་སངས་རྒྱས་པདྨ་དམ་པའི་གདུགས་ཀྱི་རྒྱལ་པོ་ཞེས་པར་འཚང་རྒྱའོ། །སངས་རྒྱས་དེ་དང་བྱང་སེམས་དེའི་མཚན་འཛིན་པ། དེ་དག་སྲིད་པར་སྐྱེས་པ…

བསགས་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་དཀྱིལ་འཁོར་སྣང་བ་དམ་པའི་དཔལ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་སོ། །ཞིང་དེ་ན་བྱང་སེམས་ཆེན་པོ་ཉི་འོད་ཅེས་བྱ་བ་དེ་བཞིན་གཤེགས་པ་དེ་འདས་ནས་འཚང་རྒྱ་སྟེ་སངས་རྒྱས་འཕགས་པའི་དཔལ་ཐམས་ཅད་རྫོགས་པ་མཚན་དམ་པའི་ལུས་ཀྱི་སྐུ་ཅན…

འཇིག་རྟེན་གྱི་ཁམས་དབང་དུ་གྱུར་པ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་གདུགས་གཅིག་པ་དམ་པ་ལ་ཕྱག་འཚལ་ལོ། །སངས་རྒྱས་དེ་ད་ལྟ་འཚོ་ཞིང་གཞེས་ལ། དེའི་མཚན་བཟུང་བས་ཐེག་པ་ཆེན་པོ་ལ་ཞུགས་པ་དེ་སྲིད་པར་སྐྱེ་བ་ན་ཚེ་རབས་དྲན་པ་དང་རིགས་ངན་དང་དབུལ་པོར་མི་སྐྱེ། ནམ་ཡང་ཕའམ་མས་མི་ཕོང…

སྨོན་ལམ་ནི་ཐེག་ཆེན་ལ་ཞུགས་པ་སུ་དག་བདག་གི་མིང་འཛིན་པ་དེ་དག་སྲིད་པར་སྐྱེས་ཤིང་སྐྱེས་པ་ཐམས་ཅད་དུ་རབ་ཏུ་བྱུང་བ་ཐོབ་པ་དང་། རབ་ཏུ་བྱུང་བ་ཐོབ་ནས་ཏིང་ངེ་འཛིན་སྟོང་ཐོབ་པ་དང་། ཏིང་ངེ་འཛིན་གཅིག་ཁོ་ནས་ཏིང་ངེ་འཛིན་བྱེ་བ་ཁྲག་ཁྲིག་བརྒྱ་སྟོང་མངོན་པར་བསྒྲུབ་པ་དང་། ཏིང་འཛིན་དེ་དག་ལས་ཀྱང་རྣམ་པར་མི་ཉམས་པ་དང་། འདས་པའི་ས…

མངོན་པར་འཕགས་པའི་རྒྱལ་པོའི་དཔལ་ལ་ཕྱག་འཚལ་ལོ། །ཐེག་ཆེན་ལ་ཞུགས་པ་གང་གིས་མཚན་འཛིན་པ་དེ་དག་སྲིད་པར་སྐྱེས་པ་ན་ཚེ་རབས་དྲན་པ་དང་། བློ་གྲོས་དང་ཤེས་རབ་དང་གཟི་བརྗིད་དང་། མཚན་དང་ལྡན་པར་མི་སྤྲོ་བ་དེ་ལྟ་བུའི་ཚིག་དང་སྤོབས་པ་མི་ཟློག་པ་དང་ལྡན་པ་དང་། དེ་དག་གིས་ཆོས་སྟོན་པ་ན་མདུན་ན་སངས་རྒྱས་ཀྱི་གཟུགས་གནས་པ་དང་། མ་ཐོས་…

རྟེན་ཁམས་འདི་སྐད་ཀྱིས་གོ་བར་བྱེད། ཆོས་འཆད་པ་ན་སེམས་ཅན་གང་དག་ཇི་ལྟར་མོས་པ་དང་ཅི་ནས་བླ་མེད་བྱང་ཆུབ་ལས་མི་ལྡོག་པ་དེ་ལྟ་བུར་ཆོས་སྟོན་པར་འགྱུར་རོ། །བསྐལ་པ་སྟོང་ཕྲག་དྲུག་ཅུར་འཁོར་བ་ལས་རྒྱབ་ཀྱིས་ཕྱོགས་པར་འགྱུར་རོ། །ཤར་ཕྱོགས་འཇིག་རྟེན་གྱི་ཁམས་རིན་པོ་ཆེ་ཞེས་བྱ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པ…

བྱང་ཆུབ་ཀྱི་མཐར་ཐུག་གི་བར་དུ་སངས་རྒྱས་རྣམས་དང་མི་འབྲལ་བ་དང་། བླ་མེད་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་། བསྐལ་པ་སྟོང་ཕྲག་སུམ་ཅུ་རྩ་ལྔར་འཁོར་བ་ལས་ཕྱིར་ཕྱོགས་པར་འགྱུར་ལ་བསོད་ནམས་ཀྱི་ཕུང་པོ་དཔག་ཏུ་མེད་པ་ཡོངས་སུ་བཟུང་བར་འགྱུར་རོ། །ལྷོ་ཕྱོགས་འཇིག་རྟེན་གྱི་ཁམས་སྤོས་མཆོག་དྲི་ཞིམ་ཞེས་བྱ་བ་ན། དེ་བཞིན་གཤེ…

དེ་དག་གིས་བསོད་ནམས་ཀྱི་ཕུང་པོ་འདི་དག་ཐོབ་པར་གསོལ་བ་བཏབ་པས་ད་ལྟ་མཚན་འཛིན་པ་ལ་ཡོན་ཏན་དེ་བཞིན་དུ་འབྱུང་ངོ་། །ལྷོ་ཕྱོགས་འཇིག་རྟེན་གྱི་ཁམས་གང་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པ་ལ་ཕྱག་འཚལ་ལོ། །ཐེག་ཆེན་ལ་ཞུགས་པ་གང་གིས་མཚན་འདི་འཛིན་པས་ཚེ་རབས་དྲན་པ་དང་། མངལ་ན་འདུག་བཞིན་དུ་…

འཚལ་ལོ། །ཐེག་ཆེན་ལ་ཞུགས་པ་གང་དག་མཚན་དེ་བཟུང་བས་ཚེ་རབས་དྲན་པ་དང་། བྱང་ཆུབ་སེམས་དཔའི་ཏིང་ངེ་འཛིན་ཉི་མའི་དཀྱིལ་འཁོར་སྣང་བ་དམ་པའི་དཔལ་ཞེས་བྱ་བ་ཐོབ་པར་འགྱུར་ཏེ། དེ་ལ་གནས་ནས་སངས་རྒྱས་ཀྱི་ཞིང་ཆུ་བོ་གངྒཱའི་བྱེ་སྙེད་ཀྱི་སངས་རྒྱས་རྣམས་མཐོང་བ་དང་། མི་ཕམ་པ་དང་འདྲ་བའི་བྱང་ཆུབ་སེམས་དཔའ་རྣམས་ཀྱི་ཡོན་ཏན་གང་ཡིན་པའི་…

བརྒྱ་སྟོང་དུ་རིའི་རྒྱལ་པོ་རི་རབ་ལྟ་བུའི་གསེར་གྱི་ཕུང་པོ་ཡང་དང་ཡང་དུ་ཕུལ་བ་བས་སངས་རྒྱས་ཀྱི་མཚན་བཟུང་བའི་ཕན་ཡོན་ཆེས་མཆོག་ཏུ་འགྱུར་རོ། །སངས་རྒྱས་འདི་རྣམས་ད་ལྟ་འཚོ་ཞིང་གཞེས་པ་སྟེ་སངས་རྒྱས་འདི་དག་གི་མཚན་བཟུང་བས་ཕན་ཡོན་ཚད་མེད་པ་འཐོབ་པས། བྱང་ཆུབ་སེམས་དཔའ་གང་ཞིག་སངས་རྒྱས་ཀྱི་ཡེ་ཤེས་བསམ་ཡས་འདོད་པ་དང་། སེམས་ཅ…

མདོ་ལས་གསུངས་པ། ཤར་ཕྱོགས་འཇིག་རྟེན་གྱི་ཁམས་མྱ་ངན་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔལ་བཟང་པོ་ལ་ཕྱག་འཚལ་ལོ། །མཚན་འདི་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ལྷོ་ཕྱོགས་འཇིག་རྟེན་གྱི་ཁམས་དགའ་བ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཙནྡན་དཔལ་ལ…

དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་པའི་དཔལ་ལ་ཕྱག་འཚལ་ལོ། །མཚན་འདི་ཐོས་པ་བླ་མེད་བྱང་ཆུབ་ལས་ཕྱིར་མི་ལྡོག་པར་འགྱུར་རོ། །ལྷོ་ནུབ་ཕྱོགས་ཀྱི་འཇིག་རྟེན་ཏོག་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་མཆོད་སྡོང་ལ་ཕྱག་འཚལ་ལོ། །མཚན་འདི་ཐོས་ན་བླ་མེད་བྱང་ཆུབ་ལས་ཕ…

དཔའི་སྤྱོད་པ་དང་ཚུལ་ཐམས་ཅད་ལ་མཁས་ཤིང་ཕ་རོལ་ཏུ་ཕྱིན་པའི་ཤེས་པ་ཡང་ཡོངས་སུ་འཛིན་པར་འགྱུར་རོ། །འོག་ཕྱོགས་འཇིག་རྟེན་གྱི་ཁམས་མཐའ་ཡས་པ་དང་ལྡན་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྣང་བའི་དཔལ་ལ་ཕྱག་འཚལ་ལོ། །དེའི་མཚན་ཐོས་ན་བླ་མེད་བྱང་ཆུབ་ལས་ཕྱིར་མི་ལྡོག་ཅིང་ཉེ་བར་ལེན་པའི་ཉོན་མོངས་པ་ཐམས…