ཏུ་མེད་པས་སེམས་ཅན་གྱི་ཁམས་དཔག་ཏུ་མེད་པ་དག་ལོངས་སྤྱོད་མི་ཟད་པ་དང་ལྡན་ཏེ་སུ་ཡང་ཅིས་ཀྱང་བྲེལ་བ་མེད་པར་འགྱུར་བ་ནི་གསུམ་པའོ། །གང་དག་ལམ་ངན་པར་ཞུགས་པ་དག་བྱང་ཆུབ་ཀྱི་ལམ་ལ་འགོད་པ་དང་ཉན་རང་གི་ལམ་ལ་ཞུགས་པ་དེ་དག་ཐེག་པ་ཆེན་པོ་ལ་གཟུད་པར་བྱེད་པ་ནི་བཞི་པའོ། །དེ་བཞིན་གཤེགས་པ་དེའི་གན་ན་ཚངས་པར་སྤྱོད་པ་དང་སེམས་ཅན་གཞན་ད…

སྡུག་བསྔལ་བ་དག་གིས་མཚན་ཐོས་པས། དེ་ཐམས་ཅད་ཞི་ཞིང་བྱང་ཆུབ་མཐར་ཐུག་གི་བར་དུ་ནད་དང་གནོད་པ་མི་འབྱུང་བ་ནི་བདུན་པའོ། །བུད་མེད་གང་དག་བུད་མེད་ཀྱི་སྐྱོན་གྱིས་ཡིད་བྱུང་ནས་སྐྱེ་གནས་དེ་ལས་ཐར་བར་འདོད་པ་དེ་དག་བུད་མེད་ཀྱི་དངོས་པོ་ལས་སླར་ལོག་སྟེ་བྱང་ཆུབ་ཀྱི་མཐར་ཐུག་གི་བར་དུ་སྐྱེས་པའི་དབང་པོ་འཐོབ་པ་ནི་བརྒྱད་པའོ། །སེམ…

ཀྱིས་ལུས་ཚིམ་པར་བྱས་ཏེ། ཕྱིས་ཆོས་ཀྱི་རོས་ཤིན་ཏུ་བདེ་བ་ལ་དགོད་པར་བྱེད་པ་ནི་བཅུ་གཅིག་པའོ། །གང་དག་སྒྲེན་མོ་བགོ་བ་མེད་པ་དབུལ་ཞིང་སྡུག་བསྔལ་བ་ཚ་གྲང་སྦྲང་བུ་ཤ་སྦྲང་དག་གིས་ཉེན་པ། ཉིན་མཚན་དུ་སྡུག་བསྔལ་མྱོང་བ་དག་ལ་གོས་སྣ་ཚོགས་དང་ཇི་ལྟར་འདོད་པའི་ནོར་བུའི་རྒྱན་ཕྲེང་དང་སྤོས་དང་བྱུག་པ་རོལ་མོ་སིལ་སྙན་ལ་སོགས་པས་སེ…

ཤིང་བླ་མེད་བྱང་ཆུབ་ཐོབ་པའི་བར་དུ་འགྱུར་རོ། །མཚན་འཛིན་པ་དེ་དག་ལ་བར་ཆད་དང་གདོན་ཐམས་ཅད་མི་འབྱུང་ཞིང་སྡུག་བསྔལ་ཐམས་ཅད་ལས་ཡོངས་སུ་ཐར་བ་དང་། འཇིག་རྟེན་དང་འཇིག་རྟེན་ལས་འདས་པའི་ཡོན་ཏན་ཐམས་ཅད་མངོན་དུ་འགྱུར་བ་དང་། འཆི་བའི་ཚེ་བྱང་ཆུབ་སེམས་དཔའ་བརྒྱད་རྫུ་འཕྲུལ་གྱིས་ལྷགས་ནས་ལམ་སྟོན་ཅིང་དག་པའི་ཞིང་དུ་སྐྱེ་བར་འགྱུར…

མཆོད་དོ་སྐྱབས་སུ་མཆིའོ། །འོད་དཔག་མེད་པའི་ཞིང་གི་ཡོན་ཏན་བཀོད་པའི་མདོ་ལས། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་གཅིག་གི་ཞིང་གི་བཀོད་པ་ཐམས་ཅད་བསྡོམས་པའི་སྟེང་དུ་དེ་ལས་ཆེས་འཕགས་པའི་ཡོན་ཏན་གྱི་ཁྱད་པར་བསམ་གྱིས་མི་ཁྱབ་པ་དག་པའི་ཞིང་ཁམས་བདེ་བ་ཅན་དུ། སངས་རྒྱས་འདི་ཉིད་ད་ལྟ་འཚོ་ཞིང་གཞེས་ལ་སྐུ་ཚེའི་ཚ…

ཆུབ་ཀྱི་མཐར་ཐུག་གི་བར་དུ་རིགས་བཟང་པོར་སྐྱེ་བ་དང་། བྱང་ཆུབ་སེམས་དཔའི་སྤྱད་པ་སྤྱོད་ཅིང་དགེ་བའི་རྩ་བ་རྒྱ་ཆེན་པོ་དང་ཕྲད་པ་དང་། ཀུན་གྱི་རྗེས་སུ་སོང་བ་སོགས་ཏིང་ངེ་འཛིན་དང་གཟུངས་ཀྱི་སྒོ་དུ་མ་ཐོབ་པ་དང་། དབང་པོ་ཚང་བ་དང་། བུད་མེད་དུ་མི་སྐྱེ་བ་དང་། ཚངས་པར་སྤྱོད་པ་རྣམ་པར་དག་པ་དང་། ལྷ་དང་བཅས་པའི་འཇིག་རྟེན་གྱིས་བ…

དེས་དགོངས་པར་མཛད་པས་བདུད་ཐམས་ཅད་ཀྱིས་གླགས་མི་རྙེད་པ་དང་། སེར་བ་དྲག་པོ་དང་ཡམས་དང་གནོད་པ་སོགས་འཇིགས་པ་ཐམས་ཅད་མེད་པ་དང་གང་གིས་ཞིང་དེར་སྐྱེས་པར་སེམས་བསྐྱེད་ན་དེ་མ་ཐག་ཏུ་བྱང་སེམས་ཕྱིར་མི་ལྡོག་པ་ཇི་འདྲ་བ་དེ་འདྲར་འགྱུར་བ་སོགས་རྒྱལ་བའི་ཐུགས་བསྐྱེད་ཀྱི་བསྔགས་པ་རླབས་པོ་ཆེ་རྒྱས་པར་གསུངས་སོ། ༈ །འཇམ་དཔལ་རྩ་རྒྱུད…

ལ་ཕྱག་བྱས་ནས་ཅི་འདོད་པའི་སྔགས་བཟླས་ན་མྱུར་དུ་གྲུབ་པ་སྩོལ་བར་འགྱུར་ཏེ། དེ་བཞིན་གཤེགས་པ་གསུམ་གྱི་མཚན་བསྒྲགས་པ་དང་ཕྱག་འཚལ་བས་ནི་བསོད་ནམས་ཆེན་པོ་འཕེལ་བའི་ཕྱིར་དང་། དེ་བཞིན་གཤེགས་པ་ཐམས་ཅད་ལ་ཡང་ཕྱག་འཚལ་བས་ངེས་པར་བྱང་ཆུབ་ལ་གཞོལ་ཞིང་དགེ་བའི་ཚོགས་རྫོགས་ཏེ་བྱང་ཆུབ་སེམས་དཔའི་གྲངས་སུ་འགྲོ་ཞིང་དེའི་སྔགས་ཀྱང་མྱུར…

སངས་རྒྱས་ཕལ་པོ་ཆེ་ལས། དེ་བཞིན་གཤེགས་པ་འདིའི་སྐུའི་བ་སྤུའི་བུ་ག་གཅིག་ལའང་ནམ་མཁའི་མཐའ་གཏུགས་པའི་ཞིང་ཁམས་རབ་འབྱམས་སྣང་བ་དང་། དེར་མ་ཟད་ཞིང་གི་རྒྱན་མེ་ཏོག་གཅིག་ལའང་དུས་གསུམ་གྱི་རྒྱལ་བ་སྲས་དང་བཅས་པའི་རྣམ་ཐར་རྒྱ་མཚོ་མ་ལུས་པ་སྣང་བའི་རྣམ་པར་འཕྲུལ་པ་བསམ་གྱིས་མི་ཁྱབ་པའི་ཡོན་ཏན་རབ་འབྱམས་རྒྱ་མཚོའི་ཚུལ་བསྔགས་པའི་…

ཐམས་ཅད་ལ་ཕྱག་འཚལ་ལོ། །མི་འཁྲུགས་པ་ལ་སོགས་པ་ཕྱོགས་བཅུའི་སངས་རྒྱས་ཐམས་ཅད་ལ་ཕྱག་འཚལ་ལོ། །ཤཱཀྱ་ཐུབ་པ་ལ་སོགས་པ་བསྐལ་པ་བཟང་པོའི་སངས་རྒྱས་ཐམས་ཅད་ལ་ཕྱག་འཚལ་ལོ། །ཕྱོགས་བཅུ་དུས་གསུམ་གྱི་སངས་རྒྱས་བཅོམ་ལྡན་འདས་གང་ཇི་སྙེད་ཅིག་བཞུགས་པ་ཐམས་ཅད་ལ་གུས་པ་ཆེན་པོས་ཕྱག་འཚལ་ལོ། །མཆོད་དོ་སྐྱབས་སུ་མཆིའོ། །ཞེས་དང་། གསེར་འོད་…

རི་བོའི་རྒྱལ་པོ་དང་། །སྤོས་མངོན་སྣང་བ་ཡོན་ཏན་རིན་ཆེན་བརྒྱན། །ཡེ་ཤེས་ཀྱི་དཔལ་ཀུན་དབྱངས་རྒྱལ་པོ་དང་། །ཐམས་ཅད་ཆོས་ལ་མི་འཇིགས་སྒྲོན་མ་ནི། །ཀུན་ཏུ་དགའ་བའི་ཤུགས་དཔལ་རྒྱལ་པོ་དང་། །སྒོ་ཀུན་ནས་ནི་ཡེ་ཤེས་རྣམ་སྣང་དབྱངས། །ཡོན་ཏན་རྒྱ་མཚོ་ཚད་མེད་པ་ཡི་འོད། །ཆོས་དབྱིངས་སྣང་བར་མཛད་པའི་འོད་ཟེར་ཅན། །ཡོན་ཏན་གྲགས་པ་ཐོགས…

འོད་ཟེར་དགའ་བའི་སྟོབས་རྒྱ་མཚོ། །ཀུན་ཏུ་སྣང་བའི་འོད་ཀྱི་དབང་པོའི་དཔལ། །དགའ་ཤུགས་ཡོན་ཏན་གྲགས་པའི་དབང་འོད་ཟེར། །ཆགས་མེད་ཡེ་ཤེས་ཕྱོགས་ཀུན་རྣམ་སྣང་འོད། །ཆོས་དབྱིངས་ནམ་མཁའ་ཀུན་ཏུ་སྣང་བའི་འོད། །དཔལ་ལྡན་རྣམ་པར་སྣང་བའི་མཛོད་སྤུའི་འོད། །མངོན་པར་མཁྱེན་པ་ཐམས་ཅད་ཀྱི་འོད་ཟེར། །གསེར་འོད་དམ་པ་གསེར་གདུགས་རིན་ཆེན་བརྩ…

པར་དགའ་བའི་གཟུགས་སྐུ་བཀོད་པའི་མཆོག །རྡོ་རྗེ་སྙིང་པོས་རབ་འཇོམས་དམ་པའི་སྒྲ། །རྣམ་པར་རྒྱལ་བའི་པདྨ་རྣམ་པར་གཟིགས། །སྣང་བའི་སྙིང་པོ་བླ་མ་འཕགས་པའི་སྐུ། །ཤེས་རབ་བརྩེགས་པ་སངས་རྒྱས་མཐུ་བོ་ཆེ། །སྨོན་ལམ་ཀུན་འབྱུང་རིན་ཆེན་གཟི་བརྗིད་འཕགས། །ཟླ་འོད་དང་ནི་མཛེས་ཆེན་ཀུན་ཏུ་བཟང་། །གང་ཞིག་དྲན་པས་མཆོག་རྣམས་ལེགས་སྩོལ་བ། །…

སངས་རྒྱས་ཀྱི་མཚན་ལྔ་སྟོང་བཞི་བརྒྱ་ལྔ་བཅུ་རྩ་གསུམ་པ་དང་། དམ་ཆོས་ཐར་པ་རིན་པོ་ཆེའི་མདོ་དང་། དཔང་སྐོང་ཕྱག་བརྒྱ་བ་དང་། ཕུང་པོ་གསུམ་པའི་མདོ་ལ་སོགས་པ་དང་། གཞན་ཡང་མདོ་སྡེ་རྣམས་ཀྱི་གླེང་གཞི་དང་གཞུང་ནས་བསྟན་པའི་སངས་རྒྱས་རྣམས་ཀྱི་མཚན་ཤིན་ཏུ་མང་པོ་བཞུགས་པ་ནི་དེ་དང་དེར་ཤེས་པར་བྱའོ། །དེ་ལྟར་སངས་རྒྱས་དེ་དག་གི་མཚན་…

སངས་རྒྱས་རྣམས་མཐོང་བ་དང་ཐོས་པ་དང་། དེ་དག་དང་འགྲོགས་པའི་དགེ་བ་སྐྱེ་བར་འགྱུར་བ་ནི། བྱང་ཆུབ་སེམས་དཔའ་སེམས་དཔའ་ཆེན་པོས་མི་ཟད་པ་མངོན་པར་སྒྲུབ་པའི་བློས་དོན་ཡོད་པ་དང་། བགེགས་མེད་པ་དང་། ཤིན་ཏུ་མཐར་ཐུག་པར་གྲུབ་པ་དང་། མི་སླུ་བ་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། འདུས་བྱས་ཐམས་ཅད་ལ་སྤྱོད་པའི་རྒྱུན་མི…

སྤྱོད་པའི་གནས་ཐམས་ཅད་ལས་མངོན་པར་འདས་ཏེ། དེ་བཞིན་གཤེགས་པའི་ཡེ་ཤེས་འདུས་མ་བྱས་པའི་མཐར་ཐུག་པར་འགྱུར་རོ། །ཀྱེ རྒྱལ་བའི་སྲས། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་བསྐྱེད་པའི་དགེ་བའི་རྩ་བའི་ཆོས་མ་འདྲེས་པ་ཡིན་པའི་ཕྱིར་རོ། །ཞེས་དང་། གཞན་ཡང་རྩ་ནང་དུ་མེ་ཕྲ་མོ་ལྟུང་བའི་དཔེ་སོགས་ཀྱི་སྒོ་ནས་ཀྱང་དེ་ལྟར་གསུངས་ཤིང་།…

སྦྱོང་ཞིང་མྱ་ངན་ལས་འདས་ནས་དེ་སྲིད་ཀྱི་ཡུན་རིང་པོ་འདས་ཀྱང་སངས་རྒྱས་ལ་བསྐྱེད་པའི་ཡོན་ཏན་ཟད་པར་མི་འགྱུར་བས་སངས་རྒྱས་ཀྱི་བདག་ཉིད་ཆེ་བ་ནི་རྣམ་པ་ཐམས་ཅད་དུ་ཁ་ན་མ་ཐོ་བ་མེད་ཅིང་ཤིན་ཏུ་རྣམ་པར་དག་པའོ། །ཞེས་དང་། དེ་བཞིན་དུ་ཕྱོགས་མཐའ་ཡས་པ་ན་བཞུགས་ཀྱང་འདི་ན་དངོས་སུ་བཞུགས་པ་དང་འདྲ་བར་གསུངས་ཤིང་། ཡང་། སངས་རྒྱས་བཅོམ…

སུམ་བཞུགས་པ་དང་འདྲ་བར་སངས་རྒྱས་ཀྱི་བྱིན་གྱིས་བས་ཐོགས་པ་མེད་ཅིང་ཆུད་མི་ཟ་བར་གྱུར་པས་རྗེས་སུ་འཛིན་པར་འགྱུར་བ་ལ་ཡིད་ཆེས་གཏིང་ཚུགས་པར་བྱའོ། །ངེས་པ་དང་མ་ངེས་པར་འགྲོ་བའི་ཕྱག་རྒྱ་ལ་འཇུག་པའི་མདོ་ལས། འཇམ་དཔལ་རིགས་ཀྱི་བུའམ་རིགས་ཀྱི་བུ་མོ་གང་ལ་ལ་ཞིག་གིས། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་…

སྣ་མའི་མེ་ཏོག་དང་། ཨུཏྤལ་དང་། པདྨ་དང་། ཀུ་མུ་ད་དང་། པདྨ་དཀར་པོ་དང་། མེ་ཏོག་ཆེན་པོ་རྣམས་བཀྲམ་པ་བྱེད་དུ་བཅུག་སྟེ། རང་སངས་རྒྱས་དེ་དག་ལ་ལྷའི་ཟས་རོ་བརྒྱ་དང་ལྡན་པ་བྱིན་ཅིང་ལྷའི་གོས་དག་ཀྱང་བྱིན་ཏེ། དེ་ལྟར་སྦྱིན་པ་བསྐལ་པ་གངྒའི་ཀླུང་གི་བྱེ་མ་སྙེད་དུ་བྱིན་ལ། རིགས་ཀྱི་བུའམ་རིགས་ཀྱི་བུ་མོ་གཞན་ཞིག་གིས་ནི། སངས་རྒ…

བྱུང་གི་བར་དུ་བར་མ་དོར་ཡོངས་སུ་ཟད་པར་མི་འགྱུར་རོ། །འཇམ་དཔལ་དེ་བཞིན་དུ་དེ་བཞིན་གཤེགས་པ་ལ་དགེ་བའི་རྩ་བ་བསྐྱེད་པ་ཇི་ལྟར་ཆུང་བ་ཡང་ཐམས་ཅད་མཁྱེན་པའི་ཡེ་ཤེས་ཀྱི་མེ་མ་བྱུང་གི་བར་དུ་བར་མ་དོར་ཡོངས་སུ་ཟད་པའམ་མཐར་ཐུག་པར་མི་འགྱུར་རོ། །འཇམ་དཔལ་དཔེར་ན་ཟླ་བའི་དཀྱིལ་འཁོར་ནི་ཇི་ལྟར་ཆུང་ཡང་འདི་ལྟ་སྟེ། བོང་དང་ཁྱོན་དང་ཆ…