དེ་ཡང་རིལ་པོའི་ས་ལྒང་གི་གོ་ལ་ཆེན་མོའམ། ཡངས་པའི་འཛམ་གླིང་གི་ས་གཞིའི་ཁྱོན་འདིར། གདོད་མའི་མིའི་རིགས་ཀྱི་འགྲོ་བ་ཐོག་མར་ཆགས་ནས་ད་ལྟའི་བར་དུ་རིགས་དང་། བྱད་དབྱིབས། ཁ་དོག ཆ་ལུགས་མི་གཅིག་པའི་མིར་གྱུར་པ་ཐམས་ཅད་ཕུགས་འདུན་གཅིག་མཚུངས་ཀྱིས་རང་ཉིད་ཀྱི་སྤྱི་ཚོགས་འཚོ་བ་ཕུན་སུམ་ཇེ་ཚོགས་དང་བདེ་བླག་ངང་འཕེལ་རྒྱས་སུ་འགྱུ…

༈ སྐྱེ་རྒུའི་བདེ་སྐྱིད་ཀྱི་འབྱུང་གནས་རྒྱལ་བ་མཉམ་མེད་དོན་ཀུན་གྲུབ་པ་ཆེན་པོའི་གསང་གསུམ་ཡེ་ཤེས་ཀྱི་སྒྱུ་འཕྲུལ་ངོ་མཚར་ཆོས་སྐུའི་རིང་བསྲེལ་གྱི་གཟུགས་སུ་བལྟམས་པ་གསུང་རབ་རྒྱལ་བའི་བཀའ་འགྱུར་རིན་པོ་ཆེ་དང་། ཐུབ་པའི་དགོངས་པ་རང་སྟོབས་ཀྱི་བཀྲལ་ནུས་པའི་འཕགས་ཡུལ་པཎ་གྲུབ་རྣམས་ཀྱི་མཛད་པའི་བསྟན་འགྱུར་རིན་པོ་ཆེ་སྟེ་མད…

སྐྱབས་རྗེ་གྲུབ་པའི་དབང་པོ་མཆོག་སྤྲུལ་པདྨ་སྐལ་བཟང་རིན་པོ་ཆེ་ནི་༡༩༤༣ལོར་བོད་མདོ་ཁམས་ཉི་མ་ཤར་ཕྱོགས་ཀྱི་སའི་ཆ། དལ་འབབ་རྫ་ཆུའི་སྟོད་རྒྱུད་དགེ་རྩེ་འགབ་མ་ཞེས་པའི་སྡེ་བར་ངོ་མཚར་བའི་མཚན་ལྟས་དང་བཅས་སྐུ་འཁྲུངས། བྱིས་པའི་དུས་ཉིད་ནས་སྐྱེས་ཐོབ་ཀྱི་མཁྱེན་རབ་དང་། བྱང་སེམས་ཀྱི་བསླབ་སྤྱོད་སོགས་དམ་པའི་མངོན་རྟགས་རང་ཆས་…

དུས་ཀྱི་ལྷ་སྟེ་དུས་ཀྱི་བདག། དུས་གསུམ་མཉམ་ཉིད་གཅིག་ཏུ་བཟླུམ།། དུས་དགྲའི་དབང་པོ་འཇིགས་བྱེད་རྒྱལ།། དུས་འདིར་དགེ་ལེགས་མཆོག་བྱིན་ཅིག། ལས་རླུང་དབུ་རྨོག་བཙན་པོའི་ཤེ་མོང་གིས།། ས་ཆེན་ཆོས་ཀྱིས་སྐྱོང་བ་བོད་ཀྱི་རྗེ།། རིགས་གསུམ་སྒྱུ་འཕྲུལ་མེས་དབོན་རྣམ་གསུམ་གྱི།། བཀའ་དྲིན་དྲན་པའི་ཐལ་མོ་སྤྱི་བོར་འདུད།། རྒྱལ་རྣམས་ག…

དུས་ཞེས་པ་སྲིད་གསུམ་རྔམ་ཟས་སུ་ཟ་མཁན་དེ་ཉིད་ཀྱང་ཟ་བ་པོ་དུས་དགྲའི་དབང་པོ་ཞེས་པ་དུས་ལས་འདས་ཤིང་ཐ་མལ་གྱི་སྣང་ཤེས་ལས་རིང་དུ་བརྒལ་བ། ཤིན་ཏུ་ཕྲ་ཞིང་ཀུན་ལ་ཁྱབ་པའི་མཁྱེན་པ་མངའ་བ་པོ། བཅུ་དྲུག་ལོ་ལོན་གྱི་གཞོན་ལུས་རྟག་ཏུ་འཆང་བ། སྐབས་རེར་འཇིགས་པའི་གད་མོ་ཆེན་པོ་གད་རྒྱང་དུ་སྒྲོག་ཅིང་འཇིགས་བྱེད་སྟོབས་འཆང་རྡོ་རྗེའི་…

རྐང་གཉིས་ནང་གི་གཙོ་བོ་མཆོག། སྨྲ་བའི་རྒྱལ་པོ་ཟླ་མེད་གཅིག། དྲང་སྲོང་ཆེན་པོ་ལྷའི་ཡང་ལྷ།། འགྲོ་བའི་བླ་མས་ཤིས་པ་སྒྲུབས།། ལེ་ཚན་དང་པོ། ལུས་སྲོག་ཕ་མས་བསྐྱེད་པའི་མི་ཡི་ལུས།། དགེ་སྲོག་དམ་པའི་མགོན་གྱིས་མ་སྐྱབས་ན།། སྨྲ་ཤེས་དུད་འགྲོར་གཏོགས་པའི་ཕྱི་མའི་མཐར།། ཉམ་ཐག་འགྱོད་པའི་གདུང་ཡུས་སུ་ལ་ཕོ།། རྟག་ཏུ་གཞན་ལ་བལྟ་བའ…

མི་ཤིགས་སེམས་ཀྱི་རྡོ་རྗེ་སྟོང་པའི་གཟུགས།། སྤྲོས་པའི་དྲི་མས་ཡོངས་དབེན་མཚན་དཔེའི་བདག། ཟུང་འཇུག་མཉམ་ཉིད་ཉག་གཅིག་ཐིག་ལེའི་སྐུར།། ཡེ་རྫོགས་རེ་དོགས་བྲལ་བའི་བརྡ་ཕྱག་འཚལ།། སྣ་ཚོགས་བློ་ཡི་ཀུན་རྟོག་སྒྱུ་མའི་འཕྲུལ།། སྨྲ་བ་ངག་གི་ལམ་གྱིས་ཉེར་མཚོན་པ།། གཡོ་བྱེད་རླུང་གིས་བསྐུལ་བའི་རི་མོའི་གར།། འདི་ན་ཐོལ་བྱུང་སྒྱུར་…

མ་ཆགས་མཚོར་འཁྲུངས་པདྨ་རྒྱལ།། དྲི་མེད་འོད་ཟེར་འཇིགས་བྲལ་གླིང་།། དབྱེར་མེད་བླ་མ་གུ་ཎའི་ཞབས།། སྒོ་གསུམ་གུས་པའི་རྒྱན་དུ་མཆོད།། མ་བཅོས་ཟང་ཐལ་ད་ལྟའི་ཤེས་པ་འདི།། ཆོས་སྐུའི་དགོངས་པ་ཀ་དག་ཆེན་པོ་རུ།། ཡེ་ནས་གནས་པའི་བཞུགས་ཚུལ་ངོ་ཤེས་པ།། རང་ངོ་རང་ཐོག་འཕྲོད་པ་དང་པོའི་གནད།། ཡུལ་མེད་རང་གསལ་རྗེན་པའི་གནས་ལུགས་དེའི།། …

མི་ཟད་ཚིག་གི་དཔལ་འཆང་ཚིག་གི་མཛོད།། དཔག་ཡས་ཚིག་ལ་དབང་བསྒྱུར་ཚིག་མཐའ་ཡས།། བདེན་ཚིག་མངའ་བ་ཚིག་བདག་སྨྲ་བའི་ལྷས།། གྲོས་འདེབས་སྨྲ་བའི་ཚིག་ལ་ཤིས་པ་སྒྲུབས།། ནང་གི་མུན་པ་སེལ་བ་ཉིན་མོའི་མགོན།། རྣ་བའི་དཔྱིད་དུ་སྙན་པ་རྒྱུད་མང་སྒྲ།། ངོ་མཚར་སྨན་གྱི་བསུང་ལྡན་ཚིག་གི་སྐྱེས།། སྙིང་གི་དགའ་སྟོན་སྦྱིན་པའི་ཆོ་གས་བྲེལ།། འ…

གང་ཐུགས་མཁྱེན་པའི་ཉི་མས་ལན་བརྒྱར་ཡང་།། མ་བཏང་བརྩེ་ཆེན་སྣང་བས་རབ་འཁྱུད་པ།། མཚུངས་མེད་འདྲེན་པ་འཇིགས་བྲལ་བླ་མ་དེས།། བདག་དང་ཁྱོད་བཅས་འབྲལ་མེད་རྟག་ཏུ་སྐྱོངས།། ཡིད་ཀྱི་ཆུ་གཏེར་འཕྱོ་བའི་ཀུན་རྟོག་རླབས།། སྣ་ཚོགས་གྱ་གྱུའི་རི་མོ་བགྲང་འདས་ཀྱང་།། གཏན་ལེགས་འདུན་མ་གྲོས་སུ་བགྲོ་བའི་གཏམ།། སླར་ཡང་གཞོན་ཆུང་ཁྱེད་ཕྱོགས་…

འཇིགས་མེད་སྨྲ་བའི་རྒྱལ་པོ་ལྷ་མིའི་གཙོ།། མཚུངས་བྲལ་ཡན་ལག་དྲུག་ཅུའི་དབྱངས་རྫོགས་པ།། བདེན་གསུང་རྡོ་རྗེའི་ལྗགས་ལྡན་རྒྱལ་རྣམས་ཀྱིས།། ཤིས་པའི་མེ་ཏོག་ཁྱོད་ལ་བསྙིལ་གྱུར་ཅིག། སྲིད་ན་མཆོག་ཏུ་གཅེས་པ་སྲོག་གི་རྒྱུན།། ཚེ་ཡི་ཉག་ཐག་སྲིན་བུའི་དར་སྐུད་ལ།། མི་རྟག་སྲིན་མོའི་འདོམ་གྱིས་གཞལ་བའི་ཁྱོན།། དོན་དང་ལྡན་པར་བགྱིད་…

དུས་གསུམ་རྒྱལ་བའི་ཞལ་སྐྱིན་འགྲོ་བའི་སྐྱབས།། འཆི་མེད་རྡོ་རྗེའི་སྐུ་བརྙེས་པདྨ་སྐྱེས།། མགོན་དེའི་རྗེས་ཞུགས་བཟང་པོའི་ལས་འཕྲོ་ཅན།། སྡེ་སྣོད་འཛིན་པའི་མཆེད་དེར་ཡང་འདི་གསོལ།། བྱས་བྱས་ཟིན་པ་མེད་པའི་བྲེལ་དོ་ཡིས།། སྔར་སོང་ས་འདིར་རྒྱུ་བའི་འགྲོ་མང་བསླུས།། ཕྱིས་འབྱུང་འདིར་སྣང་ལས་ལ་རྒོད་པོ་ཡི།། དབང་འབྱོར་སྲོག་གི་ཟ…

ངོ་མཚར་མཆོག་ཏུ་ཞི་བ་འདུས་མ་བྱས།། བདུད་རྩི་དམ་པ་ཐར་ལམ་སྟོན་པའི་མིག། སྙིང་གི་མུན་སེལ་རྣམ་གྲོལ་བདེ་བའི་ལམ།། དམ་པའི་ཆོས་ཀྱིས་སླར་ཡང་རྟག་ཏུ་སྲུངས།། ཡིད་གཅུགས་མཛའ་བའི་ཆོས་ཀྱི་མཆེད་མཆོག་ལ།། སྨོན་འདྲིན་བདེན་པའི་ངག་ལས་འཕོས་པའི་གཏམ།། ཟོལ་མེད་འཁྱོག་ལ་མ་དྲང་གཡོ་མེད་ཚིག། ཐོལ་བྱུང་གང་དྲན་རི་མོའི་འགྲོས་སུ་བཀོད།། ཡ…

ཚོགས་ཀྱི་དབུས་ན་ཆེན་པོའི་དཔལ་འཆང་ཞིང་།། ཞལ་གྱི་གསུང་གིས་ངོ་མཚར་བཅས་ཁྲིམས་སྟོན།། ཨོ་རྒྱན་མཁན་པོའི་རིང་ལུགས་འཛིན་པའི་གྲྭའི།། སྡོམ་བརྩོན་ཡོན་ཏན་ཅན་ཁྱེད་དར་ཅིག་གསོན།། ལུས་འདི་ཆུ་ཡི་ཆུ་བུར་ལྟ་བུ་སྟེ།། ཚེ་འདི་ནམ་གཞུག་དུས་ཀྱི་སྦྲང་མར་མཚུངས།། ལང་ཚོ་མི་བརྟན་དབྱར་གྱི་འཇའ་འདྲ་ན།། འདི་ཕྱིའི་དོན་ཆེན་ལྷུར་ལེན་འདུ…

འཁྲུལ་དང་ཅ་ཅོའི་དྲི་མ་རིང་སྤངས་པའི།། བདེན་གསུང་ཚངས་པའི་དབྱངས་ལས་འཕོས་མིན་ཡང་།། གསོང་པོར་སྨྲ་བའི་སྡེབ་ལེགས་ངག་གི་དཔལ།། ཡ་རབས་སྐྱེ་བོའི་རྣ་བའི་དཔྱིད་དུ་འབབ།། མཆོག་དང་མཆོག་མིན་བར་མའི་འགྲོའི།། ཐ་དད་བསམ་པའི་རྗེས་མཐུན་ཞིང་།། ཚིག་གིས་འགྲུབ་པའི་འཕྲུལ་ཆེན་པོར།། ངག་ནི་ཡིད་ཀྱི་ཟློས་གར་ཉིད།། མཁའ་དང་ཉི་ཟླ་ལྷུན་པ…

ཆོས་ཀྱི་མཚན་ཅན་ཆོས་མཛོད་འཆང་།། ཆོས་ལ་མངོན་དགའ་རབ་ཏུ་དགའ།། དགའ་བདེར་འགྲོ་བ་འགོད་མཛད་པ།། ཆོས་དགའ་མཆོག་ལ་མཆིད་འདི་འབུལ།། ཐ་མལ་ཟོལ་བསྟོད་མ་ཡིན་གཅམ་བུའི་ངག། ཡོན་པོར་བརྗོད་མིན་བླ་བརྡོལ་སྨྲ་བའང་མིན།། གང་ཁྱོད་གཞོན་ནུའི་མ་བཅོས་དྲང་པོའི་གཤིས།། ཡ་རབས་དམ་པའི་རྗེས་འགྲོར་ཁོ་བོས་བསྔགས།། སྔར་ཞིག་ཁྱེད་ཀྱིས་སྡེབ་ལེགས…

མཁྱེན་པས་ཤེས་བྱའི་དེ་ཉིད་ཇི་བཞིན་གཟིགས།། བརྩེ་བས་གདུལ་བྱའི་འགྲོ་ཚོགས་རྗེས་སུ་འཛིན།། བླ་མ་མཆོག་དང་དབྱེར་མེད་ལྷག་པའི་ལྷས།། རྟག་ཏུ་དགེ་བའི་ཤིས་པ་ཁྱོད་ལ་སྩོལ།། ལེགས་སམ་འོན་ཏེ་ཉེས་པའི་གཞིར་གྱུར་པའི།། འདུན་མའི་རྩ་བ་རང་གི་སེམས་རྒྱུད་དེ།། དེ་ཡང་དྲང་པོ་དང་ནི་འཁྱོག་པོ་རུ།། བཟང་ངན་བསམ་པས་ལམ་གྱི་གྱེས་གཞིར་དབྱེ།…

ལེགས་གསུང་ཡིད་འཇེབས་ཚངས་པའི་དབྱངས་སྙན་གྱིས།། མ་ལུས་གདུལ་བྱར་དྲང་པོའི་ལམ་སྟོན་ཅིང་།། ཞི་བའི་བདུད་རྩིས་འགྲོ་བའི་དབུགས་འབྱིན་པའི།། རྣམ་འདྲེན་ལྷ་མིའི་སྟོན་པས་དགེ་ལེགས་སྩོལ།། སྔར་སོང་འདས་པའི་གཟུགས་བརྙན་ཡིད་ཀྱི་ཡུལ།། ཕྱིས་འབྱུང་བློ་སྣའི་རི་མོ་མཐའ་ལ་རྡུགས།། འདུན་ལེགས་གཏན་བདེའི་གཏམ་བཟང་ཆེས་དཀོན་པས།། ངས་འདིར…

རྫོགས་ཆེན་སྡེ་གསུམ་ཀློང་དགུའི་མན་ངག་མཛོད།། རྫོགས་ཆེན་བཀའ་བབས་མཛོད་འཛིན་ཤིང་རྟ་ཆེ།། རྫོགས་ཆེན་བསྟན་པའི་མངའ་བདག་འཁོར་ལོའི་མགོན།། རྫོགས་ཆེན་གྲུབ་པའི་དབང་ཕྱུག་སྲས་བཅས་རྒྱལ།། ཆོས་དང་ཆོས་མིན་མི་ཤེས་ཆོས་པའི་གཟུགས།། རྣམ་གཡེང་འདུ་འཛིས་བག་མེད་འཕྱན་གྱུར་ན།། ལོ་ཟླའི་དམག་གིས་མི་ཚེའི་དཔུང་བཅོམ་སྟེ།། དོན་ཆེན་སྙིང་…

སྲས་བཅས་རྒྱལ་བའི་ཐུགས་བསྐྱེད་མཐུ་སྡོམ་པ།། རྣམ་པ་མི་ཡི་ཟོལ་འཆང་རིགས་བརྒྱའི་བདག། དྲན་པས་སྲིད་དང་ཞི་བའི་འཇིགས་སྐྱོབ་པ།། དམ་པའི་མགོན་གྱིས་ཁྱོད་ལ་རྟག་ཏུ་སྲུངས།། འདིར་སྣང་སྐྱིད་སྡུག་འདྲེས་མའི་མི་ཡུལ་འདིར།། དོན་མེད་ཆགས་སྡང་བྱ་བྱེད་སྤོས་རྒྱའི་རིས།། ཟད་པ་མེད་པས་མི་ཚེ་མཐར་གཏུགས་པའི།། གྱོང་འདིས་གཏན་གྱི་འདུན་ཕུ…