གཞན་དོན་འདོད་པ་བདུད་ལས་ཡིན། །དེ་ལྟར་རང་བྱུང་ལྷུག་པའི་ཚིག །བླ་སྨན་ཆོས་ཀྱི་སྤྱན་ལྡན་པ། །ཚེ་རབས་དགེ་བའི་བག་ཆགས་ཅན། །གུ་རུ་འཕེལ་གྱིས་སྡེབ་སྦྱོར་དང་། །རྣམ་དག་ལྟ་བའི་གསུང་གི་དབྱངས། །ནད་སེལ་སྨན་དང་ཀུན་རྫོབ་རྫས། །བཅས་ཏེ་ཁོ་བོར་སྤྲིངས་པས་ལན། །པད་འབྱུང་བི་མའི་སྙིང་ཐིག་ལ། །རྣམ་ཀུན་འབྲལ་མེད་དད་ཐོབ་པ། །ལས་རབ་རྩལ…

ལམ་ཆེ། །རྒྱུ་འབྲས་དགེ་སྡིག་སྤང་བླང་མ་འཆོལ་དགོས། །རྐྱེན་གྱིས་མི་འཕྲོག་དད་པ་རབ་བརྟན་ཞིང་། །ཐེག་ཆེན་སེམས་བསྐྱེད་རྒྱུད་ལ་འབྱོངས་བྱས་ནས། །ཚོགས་དང་མཎྜལ་མཆོད་སྦྱིན་གཏོར་མ་སོགས། །དགེ་བའི་ལས་གྱུར་ཆེ་ཕྲ་གང་ལའང་འབད། །ལམ་གྱི་རྣལ་འབྱོར་འདུས་བྱས་དགེ་རྩ་དགོས། །འབྲས་བུའི་རྣལ་འབྱོར་ཀུན་རྫོབ་གཙོར་མི་འཛིན། །དེ་ཡང་དཎྚི…

གནས་འགྱུའི་བཤད་རྒྱུན་བཙུགས་པ་སོགས། །ལུགས་ངན་མང་མང་མི་བསྒྲང་དེ་ཙམ་མོ། །བདག་འདྲ་བགྲང་བྱས་ནོན་དང་ནད་དབང་སོང་། །ཡི་གེ་འབྲི་བའི་སྐབས་སུ་མི་འདུག་ཀྱང་། །ཡ་རབས་རིགས་བཟང་གསུང་ངོ་མི་ལྡོག་ཙམ། །ཀྱེ་ཧོ་ལྟ་བའི་མཚན་ཉིད་ཁས་ལེན་ངོས་བཟུང་མེད། །འདི་ཞེས་འཆད་པ་རྨོངས་པར་མི་འགྱུར་རམ། །སེམས་ཀྱི་མཚན་ཉིད་ཅི་དང་ཅིར་བསྟན་ཡང་། …

ཅིག །ཉམས་རེ་སྐྱེས་པ་ཕྱོགས་དེར་མ་འཛིན་ཅིག །སྟོང་པ་ཡིན་ཞེས་ཁ་ནས་བརྗོད་བྱེད་ཀྱང་། །ལྟ་སྒོམ་སྤྱོད་པ་ཅང་མེད་སྟོང་པ་ལ། །ཡོད་ཀྱང་མ་བྱུང་བསམ་ནས་མ་སྒུགས་ཤིག །སྤྱོད་པའི་རང་བཞིན་བཅིང་གྲོལ་མེད་པའི་ངང་། །དྲན་འཛིན་གཉེན་པོས་རྒྱ་ཡི་བཅིངས་པ་ཡིས། །འཁོར་བར་འཁོར་ཞིང་སྲིད་པར་རབ་ཏུ་དུབ། །གཞན་ཡང་དེང་སང་རྫོགས་ཆེན་སྨྲ་བ་འགའ…

དབང་རྒྱལ་གྱིས། །གསུང་ངོར་གཏད་མེད་གུ་ཡངས་བློ་འདས་མཁན། །ལས་རབ་རྩལ་གྱིས་བྲིས་པ་དགེ་གྱུར་ཅིག། །། ༈ མདོ་སྔགས་བསྟན་པ་རྒྱ་མཚོའི་བདག །རྗེ་བཙུན་སངས་རྒྱས་ཀུན་འདུས་པ། །ཉི་གྲགས་རྡོ་རྗེ་འཆང་ལ་འདུད། །སྒྲུབ་བརྩོན་བསོད་ནམས་བསྟན་འཛིན་གྱིས། །ཉམས་སུ་ལེན་ཚུལ་ཡི་གེའི་ལན། །སྙིང་ཐིག་སྨྲ་མཁས་ལས་རབ་ཀྱིས། །མདོ་ཙམ་བརྗོད་པ་འདི…

གསང་ཆེན་སྔགས་ལ་ཉམས་ལེན་དྲིལ། །ཁྱད་པར་ཐེག་དགུའི་རྩེ་མོ་མཆོག །པད་འབྱུང་བི་མའི་སྙིང་ཐིག་དོན། །གཞི་རྩ་བྲལ་བ་སེམས་ཀྱི་གཤིས། །རང་བཞག་མ་བཅོས་བཞག་པའི་ཐབས། །འཕྲོ་གནས་ངོ་ཤེས་སྒོམ་པའི་ལམ། །རེ་དོགས་བྱ་རྩོལ་ལས་འདས་ཤིང་། །སངས་རྒྱས་རྒྱལ་པོ་རང་གི་སེམས། །གཞན་མིན་རང་ལས་འབྱུང་བ་ཡིན། །མ་བརྗེད་རྟག་ཏུ་རང་ཞལ་སྐྱོང་། །གཞི་…

འཛིན་ལ། །ལས་རབ་རྩལ་གྱིས་ཕུལ་བའོ། །རྟག་ཏུ་བཀྲ་ཤིས་བདེ་ལེགས་ཤོག །དགེ་འོ།། །། ༈ རྗེ་ཡིད་བཞིན་ནོར་བུ་རིན་པོ་ཆེ། །སྐད་ཅིག་དྲན་པས་བྱིན་གྱིས་རློབས། །མཚུངས་མེད་རྡོ་རྗེ་སྟོབས་མཆོག་ལ། །གསོལ་བ་འདེབས་སོ་ཐུགས་རྗེས་ཟུངས། །སེམས་ཆོས་ལ་མོས་པའི་པད་བསྟན་ཁྱོད། །སྐྱེས་བུ་ཆུང་ངུའི་བློ་དང་ནི། །སྐྱེས་བུ་འབྲིང་པོའི་བློ་སྤངས…

སོར་བྱང་སྔགས་ཀྱི་བསྲུང་མཚམས་དང་། །གནང་བཀག་འདོར་ལེན་བརྩོན་པ་གཅེས། །ལུས་ཀུན་རྫོོབ་མཐའ་ཀུན་མི་རྟག་འཇིག །ཁྱད་པར་འཛམ་གླིང་མི་ཚེ་ལ། །ཡིད་བརྟན་མེད་ཅིང་བློ་མི་ཁེལ། །ཆོས་ཕྱི་བཤོལ་མ་བྱེད་མྱུར་དུ་བརྩོན། །གནས་འཁོར་བ་གར་སྐྱེས་སྡུག་བསྔལ་ཁྲོད། །གང་བྱས་ལས་ལ་སྙིང་པོ་མེད། །དགེ་སྒྲུབ་སྡིག་སྤོང་དག་ལ་འབུངས། །དད་དང་མོས་ག…

ངང་དུ་ཞོག །རང་ངོ་རང་གསལ་ཤེས་པ་སྒོམ། །སེམས་བཅས་བཅོས་འཁྲུལ་བས་མ་བསླད་ཅིག །ཀོར་ཚེར་འཇུར་བུས་མ་འདེབས་ཤིག །བདེ་གསལ་ཉམས་ལ་མ་ཞེན་ཅིག །བྱིང་རྒོད་དབང་དུ་མ་ཤོར་ཅིག །གནད་དེ་ལ་སྒོམ་གྱི་ཞལ་ཁྲིད་ཚང་། །ཆོས་མེད་ཆང་རྒན་སྨྱོན་པའི་གཏམ། །ཆོས་མཛད་སྙན་ལ་ཚེར་བས་རྩུབ། །ཇོ་བཟང་རྣ་བར་དེ་བས་རྩུབ། །ལྷ་རི་དབང་རྒྱལ་པོའི་གངས་རིའི…

གང་ཟག་ལ། །བདག་འདྲས་གེགས་སེལ་བོགས་འདོན་འོས་མ་མཆིས། །ཇི་བཞིན་གསུངས་པ་ཇི་བཞིན་སྙིང་པོའི་དོན། །འོན་ཀྱང་གང་གི་ཞལ་ངོ་མི་ལྡོག་ཙམ། །འབྲོག་པ་རྒན་པོའི་འཆལ་གཏམ་འདི་ལྟ་བུ། །ལྟ་བའི་རང་བཞིན་ངོས་བཟུང་ཕྱོགས་ལྷུང་བྲལ། །སྒོམ་པའི་རང་བཞིན་མི་གཡོ་སེམས་འཛིན་མེད། །སྤྱོད་པའི་རང་བཞིན་ཐོགས་ཆགས་ཀུན་དང་བྲལ། །འབྲས་བུ་བྲལ་ཐོབ་མེ…

བཅོས་བསྒྱུར་མང་། །སངས་རྒྱས་རང་ལས་མ་རྙེད་གཞན་དུ་ཚོལ། །དེང་སང་འདི་འདྲ་ལམ་ངན་འཕེལ་བས་གནོད། །ཁྱོད་ཉིད་གཞོན་ནུའི་དུས་ནས་ལས་འཕྲོ་སད། །དེང་སང་སྙིང་ཐིག་ངེས་དོན་ཚུལ་འདི་རྨད། །རྟགས་མཐོང་དམ་རྫས་སྲུང་མདུད་ཚིགས་བཅད་ཕྲེང་། །སྤྲང་རྒན་འཁྱམ་པོ་ཕྲིན་ལས་མིང་གིས་ཕུལ། །དགེའོ།། །། ༈ མགོན་སངས་རྒྱས་སྟོང་གི་བྱིན་རླབས་རྣམས། …

མཛད་ཡོངས་ལ་མེད་ཐབས་མེད། །བྱམས་སྙིང་རྗེ་སྨོན་འཇུག་སེམས་བསྐྱེད་མཆོག །བློ་ཐེག་ཆེན་སྤྱོད་པ་རྒྱལ་བའི་སྲས། །ལམ་སྐྱེད་རྫོགས་བཟླས་པ་སྔགས་ཀྱིི་ཆོས། །ཐབས་མྱུར་ལམ་བསྒྲུབ་བྱའི་ཡང་རྩེ་ལགས། །ཁོང་གྲུབ་མཐའ་གཞན་ལ་མ་གྲགས་པའི། །ཆོས་ཐེག་དགུའི་ཡང་རྩེ་རྫོགས་པ་ཆེ། །འགྱུར་རྙིང་མའི་རང་ལུགས་བཀའ་གཏེར་གྱི། །སྔོན་གྲུབ་བརྙེས་ནམ་…

རྟོག་བྲལ་བརྗོད་མེད་ཆོས་སྐུའི་ངང་། །འདི་ཟབ་གནད་དགོངས་པའི་སྙིང་ཐིག་ལགས། །སྤྲང་ཆོས་མེད་སྨྱོན་པ་ལས་རབ་ཀྱིས། །གནས་དབེན་པར་དམ་བཅས་རྣལ་འབྱོར་པ། །ཁྱོད་ཨོ་རྒྱན་རྒྱ་མཚོར་ཕུལ་པ་འདིས། །དུས་ཀུན་ཏུ་ཐུགས་དམ་གོང་འཕེལ་ཞིང་། །ཚིག་འདི་ཡང་དོན་དང་ལྡན་པར་ཤོག། །། ༈ བཀའ་དྲིན་མཚུངས་མེད་བླ་མའི་ཞགས་ལ་འདུད། །སྔོན་བསགས་དགེ་བའི་…

གིས་སྨྲ། །མི་ཟད་འཁོར་བ་སྡུག་བསྔལ་རང་བཞིན་ལ། །སྙིང་ནས་ཞེན་ལོག་ཐར་འདོད་དྲག་པོ་དགོས། །སྔོན་བསགས་དགེ་གོམས་ལས་འཕྲོ་དལ་འབྱོར་རྟེན། །ཆུད་མི་གསོན་པར་ལྷ་ཆོས་ནན་ཏན་མཛོད། །ཚེ་འདིའི་བདེ་འབྱོར་རྨི་ལམ་ཐུན་གཅིག་འདྲ། །རྨི་ལམ་ནམ་སད་ངེས་པ་མེད་པས་ན། །དགོས་མེད་ཆོག་ཤེས་རྒྱུད་ལ་བསྟེན་པར་མཛོད། །སྐྱེས་ཙམ་ཉིད་ནས་འཆི་བ་འབྱུང…

བར་དགེ་བའི་སྤྱོད་པ་བྱ། །སྣང་སྲིད་བདེན་མེད་རྨི་ལམ་སྒྱུ་མར་སྦྱང་། །ནང་དུ་ཡང་དག་འཇོག་ལ་བློ་གཞོལ་ཞིང་། །ལམ་ཁྱེར་བོགས་དབྱུང་མཉམ་རྗེས་འདྲེས་པར་བྱ། །དེང་དུས་ཆོས་ལ་གལ་ཆུང་བྱེད་པའི་དུས། །གང་ཁྱོད་ཉམས་ལེན་ཕྱོགས་ལ་བློ་མོས་པ། །སྐལ་བཟང་མཆོག་གྱུར་དགེ་བའི་ལས་འཕྲོ་བཟང་། །བདག་འདྲ་རྨོངས་དང་གཡེངས་པའི་དབང་སོང་ཞིང་། །ཉམས…

༄༅། །པར་བྱང་སྨོན་ཚིག །རྒྱལ་དབང་པདྨའི་ཐུགས་བཅུད་ཐེག་དགུའི་ཕུལ། །བརྒྱུད་པ་དྲུག་ལྡན་ཟབ་མོ་གཏེར་གྱི་ལུགས། །གངས་ཅན་ཐུབ་བསྟན་མཛེས་པའི་རྒྱན་གཅིག་པུ། །དུས་མཐའི་སྐྱེ་དགུའི་དཔལ་དུ་འབར་གྱུར་ཅིག །ཚུལ་ཁྲིམས་བློ་གྲོས་ཀྱིས་སྨྲས་པའོ། ། ༈ བདུད་ཆེན་ཁྲོས་པའི་དྲག་ཤུལ་འབུམ་འཇོམས་མཁའ་མཉམ་སྒྱུ་འཕྲུལ་མཚན་དཔེའི་གཟུགས། །རྩིབ…