སྨན་སོགས་བྲན་ལ༔ བྷྲུཾ་ལས་རིན་པོ་ཆེའི་སྣོད་དུ་ༀ་ཨཱཿཧཱུྃ་ཞུ་བ་ལས་བྱུང་བའི་གཏོར་མ་མང་ཞིང་རྒྱ་ཆེ་བ་རོ་ནུས་པ་ཕུན་སུམ་ཚོགས་ཤིང་ཟག་མེད་ཀྱི་བདེ་བ་བསྐྱེད་པའི་ནུས་པ་དང་ལྡན་པར་གྱུར༔ ༀ་ཨཱཿཧཱུྃ༔ གསུམ་ ཨ་ཀཱ་རོ་ལན་གསུམ་གྱིས་བྱིན་གྱིས་བརླབས༔ དེ་བཞིན་གཤེགས་པ་བརྒྱད་འཁོར་དང་བཅས་པའི་ལྗགས་རྡོ་རྗེའི་སྦུ་གུས་གཏོར་མ་གསོལ་བ…

ནས༔ སྤྲུལ་པས་ཕྱོགས་བཅུར་གཞན་དོན བྱེད་པར་ཤོག༔ ཤིས་བརྗོད་ནི༔ སྟོན་པ་སངས་རྒྱས་རྣམས་ཀྱི་བཀྲ་ཤིས་ཤོགཿ སྐྱོབ་པ་དམ་ཆོས་རྣམས་ཀྱི་བཀྲ་ཤིས་ཤོག༔ འདྲེན་པ་དགེ་འདུན་རྣམས་ཀྱི་བཀྲ་ཤིས་ཤོག༔ བསླུ་མེད་དཀོན་མཆོག་གསུམ་གྱི་བཀྲ་ཤིས་ཤོག༔ སྨན་བླའི་མདོ་ཆོག་བྷོ་དྷི་ས་ཏྭའི་བྱ་རྒྱུད་སློབ་དཔོན་པདྨའི་བླ་མེད་ཀྱི་ལུགས་གཉིས་ལས་འདི་ན…

༄༅། །སངས་རྒྱས་སྨན་གྱི་བླ་མའི་སྒྲུབ་ཐབས་རབ་སྙན་ལྷའི་རོལ་མོ་བདུད་རྩི་དམ་པ་ཆོག་བསྒྲིགས་སུ་བྱས་པ་ཆོས་དབྱིངས་ཞལ་ལུང་ཞེས་བྱ་བ་བཞུགས་སོ། །

བླ་མ་སྨན་པའི་རྒྱལ་པོར་ཕྱག་འཚལ་ལོ། །དེ་ཉིད་ཇི་ལྟར་བསྒྲུབ་པའི་རིམ་པ་ནི། །སྐུ་གསུང་ཐུགས་རྟེན་མཆོད་ཚོགས་ལེགས་པར་བཀོད། །བདེ་བའི་གདན་ལ་འཁོད་ཅིང་འདི་ལྟར་རོ། །ༀ་ཨཱཿཧཱུྃ། སྐྱབས་ཀྱི་དམ་པ་ཀུན་གྱི་ངོ་བོ་ཉིད། །བླ་མ་སྨན་པའི་རྒྱལ་པོར་སྐྱབས་སུ་མཆི། །འགྲོ་ཀུན་དུག་གསུམ་རྒྱུ་འབྲས་ཀུན་སྦྱངས་ནས། །རྣམ་མཁྱེན་ཐོབ་ཕྱིར་སྨན་…

ཐམས་ཅད་ཀུན། །བཻཌཱུ་ཡི་ཞིང་བཀོད་ལྟ་ན་སྡུག །བདེ་བ་ཅན་གྱི་ཡོན་ཏན་ཡོངས་སུ་རྫོགས། །དེའི་དབུས་སེང་ཁྲི་པདྨ་ཉི་ཟླའི་སྟེང་། །རང་སེམས་ཧཱུྃ་ཡིག་མཐིང་ག་འོད་འབར་བ། །སྐད་ཅིག་སྟོབས་བཅུའི་བདག་ཉིད་སྨན་གྱི་བླ། །བཻཌཱུར་མཐིང་གའི་ལྷུན་པོ་ལྟ་བུའི་སྐུ། །མཚན་བཟང་སུམ་ཅུ་དཔེ་བྱད་བརྒྱད་ཅུས་བརྒྱན། ཕྱག་གཡས་མཆོག་སྦྱིན་ཨ་རུ་རྣམ་ར…

འོད་དང་འོད་ཟེར་འཕྲོ། །རྒྱལ་དང་རྒྱལ་བ་སྲས་བཅས་སྤྲིན་ལྟར་འཁྲིགས། །གསང་གསུམ་འབྲུ་གསུམ་འོད་ཀྱིས་ཤར་ཕྱོགས་ནས། །སྤྱན་དྲངས་དམ་ཡེ་གཉིས་མེད་གཅིག་ཏུ་གྱུར། །ཧཱུྃ། ཐུགས་བསྐྱེད་སྨོན་ལམ་མཐར་ཕྱིན་བཅོམ་ལྡན་འདས། །སྨན་གྱི་བླ་མར་ཕྱག་འཚལ་གསོལ་བ་འདེབས། །ཐུགས་རྗེས་གཟིགས་ཤིང་བྱིན་གྱིས་བརླབ་ཕྱིར་བྱོན། །དབྱེར་མེད་བཞུགས་ཤིང་…

གྱུར། །ཏདྱ་ཐཱ་ༀ་བྷེ་ཥ་ཛྱེ་སོགས། རྩེ་གཅིག་གསོལ་བཏབ་བརྩོན་ཏེ་བཟླ། །དབང་དང་འབྲེལ་ན་བུམ་བཟླས་ནི། །རང་སྲོག་སྔགས་ཀྱི་འོད་ཟེར་གཟུངས་ཐག་ལ། །འཁྲིལ་ཏེ་བུམ་པའི་ལྷ་ཚོགས་ཐུགས་ཀར་ཞུགས། །དེ་དག་སྐུ་ལས་ཡེ་ཤེས་བདུད་རྩིའི་རྒྱུན། །བབས་པས་བུམ་ཆུར་གཉིས་མེད་རོ་གཅིག་གྱུར། །ཐུན་མཐར། མཆོད་པ་དྲི་མེད་ཡོངས་དག་པའི། །རྣམ་མང་རྒྱ་ཆ…

ཐུགས་ཀར་ཉི་མའི་དཀྱིལ་འཁོར་གྱི་དབུས་སུ་ཧཱུྃ་ལས་སྔགས་ཀྱི་ཕྲེང་བས་བསྐོར་བ་དེ་ལས་འོད་འཕྲོས་ཡེ་ཤེས་པ་སྤྱན་དྲངས། དོན་གཉིས་བྱས། ལོག་པར་འདྲེན་པ་རྣམས་ཚར་བཅད་ཚུར་འདུས་ལྷ་སྔགས་ལ་ཐིམ་པས་བདུད་རྩིའི་རྒྱུན་བབས་བུམ་པར་འཁྱིལ་བས་ཡེ་ཤེས་ཀྱི་བདུད་རྩི་དྲི་མ་ཐམས་ཅད་སྦྱོང་བའི་ནུས་ལྡན་དུ་གྱུར། པར་བསམ་ ༀ་བཛྲ་པཱ་ཎི་ཧཱུྃ༔ ཅི་…

བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །སྙིགས་དུས་སྨོན་ལམ་དབང་གིས་སྐུར་སྤྲུལ་ནས། །ཤིན་ཏུ་ཉོན་མོངས་གདུལ་དཀའ་འདུལ་མཛད་པ། །ཐབས་མཁས་ཐུགས་རྗེ་ཆེ་མངའ་སྨན་པའི་རྒྱལ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག། ༈ སྐྱེ་རྒ་ན་འཆི་མཐའ་དག་རྟག་ཏུ་སྤངས ། །མ་རིག་མུན་པ་དྲུངས་འཇོམས་སྒྲོན་མེའི་ཚོགས། །དམིགས་པའི་མཐའ་སྤངས་ལམ་ག…

ཅེས་ཀུན་མཁྱེན་ཆོས་དབྱིངས་དྲི་མེད་རྩལ་གྱི་ཐུགས་གཏེར་དག་སྣང་གི་ཆོས་སྡེ་ལས་བྱུང་བའི་སྨན་ལྷའི་སྒྲུབ་ཐབས་རབ་སྙན་ལྷའི་རོལ་མོ་བདུད་རྩི་དམ་པ་ཞེས་པ་ལ། ༧རྗེཉིད་ཀྱིས་རྒྱས་སྤྲོས་ལྷན་ཐབས་གནང་བ་ལྟར་ཀུན་རྨོངས་ནམ་མཁའ་ཚེ་དབང་མཆོག་གྲུབ་ཀྱིས་ཁྲིགས་སུ་བསྡེབས་པ་ཀུན་ཏུ་བཀྲ་ཤིས་པར་གྱུར་ཅིག། །།

༄༅། །སྨན་བླའི་སྒྲུབ་ཐབས་ཁྲིགས་སུ་བྱས་པ་ཆོས་དབྱིངས་ཞལ་ལུང་ཞེས་བྱ་བ་ལས་སྒྲུབ་ཐབས་ལྷའི་རོལ་མོའི་ནང་མེད་པ་རྣམས་བཀོད་པ། ཧཱུྃ། མ་ལུས་སེམས་ཅན་སོགས། བཅོམ་ལྡན་བསྐལ་པ་སོགས། དེ་ཕྱིར་ཆོས་དབྱིངས་སོགས། ཆོས་རྣམས་ཀུན་གྱི་སོགས། ཞི་ཞིང་ཐུགས་རྗེ་སོགས། ཚུར་སྤྱོན་ཚུར་སྤྱོན་སོགས། དབྱེར་མེད་ཞེས་པའི་ཚབ་ཏུམྱ་ངན་མི་འདའ་ཐུགས་…

ཚོགས་གདུལ་བྱའི་ཡིད། ཀུན་ཏུ་ཚིམ་བྱེད་གསུང་རབ་རྒྱ་མཚོའི་གཏེར། །བཅོམ་ལྡན་སྨན་བླའི་གསུང་ལ་སོགས། གང་གི་ཐུགས་ནི་ཡེ་ཤེས་རྒྱ་མཚོའི་ངང་། །དམིགས་མེད་ཐུགས་རྗེ་རྦ་རླབས་ཆེར་གཡོས་ཤིང་། །སྨོན་ལམ་རྒྱ་མཚོའི་མཛད་པ་ལྷུན་གྲུབ་པའི། །བཅོམ་ལྡན་སྨན་བླའི་ཐུགས་ལ་ཕྱག་འཚལ་ལོ། །འགྲོ་བ་རྒྱུད་ལྔ་འཁོར་བའི་དཀྱིལ་འཁོར་དུ། །སྡུག་བ སྔ…

ཤེས་རབ་གྲུར་བཅུག་སྟེ། །ཞི་བ་རིན་ཆེན་གླིང་དུ་སྐྱེལ་མཛད་པ། །ཀུན་གྱི་དེད་དཔོན་དེ་ལ་ཀུན་ནས་འདུད། །སེམས་ཅན་ལས་ཀྱི་ཆུ་བོར་ནུབ་གྱུར་རྣམས། །དམ་ཆོས་བདུད་རྩིའི་ཟམ་པས་སྒྲོལ་མཛད་ཅིང་། །འཕགས་ལམ་ཡན་ལག་བརྒྱད་ལ་སྦྱོར་མཛད་པ། །གསུང་གི་མངའ་བདག་ཁྱེད་ལ་ཕྱག་འཚལ་བསྟོད། །རྩེ་གཅིག་ཁྱོད་བསྙེན་སོགས།། །།

༄༅། །སངས་རྒྱན་སྨན་གྱི་བླ་མའི་བྱིན་རླབས་དབང་གི་རིམ་པ་ཁྲིགས་ཆགས་སུ་གདབས་པ་བཞུགས་སོ། །

བླ་མ་སྨན་པའི་རྒྱལ་པོ་ལ་ཕྱག་འཚལ་ལོ། །དེ་ཡི་བྱིན་རླབས་དབང་གི་རིམ་པ་ནི། འོག་ཏུ་མཁོ་བའི་ཡོ་བྱད་རྣམས་ཚུལ་བཞིན་དུ་བསགས། སྒྲུབ་ཐབས་ལྟར་ལེགས་པར་བསྒྲུབ། ཐོག་མར་ཞི་བ་དང་ཕྱེད་མ་དང་དྲག་པོའི་སྦྱང་བ་སྤྱི་ལྟར་སྔོན་དུ་འགྲོ་བས། བཀྲུ་བྱབས་བསྐྲད་སྲུང་བྱེད་པའི་ཐོག་མར་ཁྲུས་བྱ་བ་ནི། རང་གི་སྙིང་གའི་ཧཱུྃ་ལས་འོད་ཟེར་འཕྲོས་པ…

ཨརྒྷཾ་ནས་ཤབྟའི་བར་གྱིས་མཆོད། བསྟོད་པར་འོས་པ་སོགས། ཕྱག་འཚལ་བསྟོད། ཞེས་པའམ་ཤོ་ལོ་ཀ་ཅི་རིགས་ཀྱིས་བསྟོད། དེ་རྣམས་ཀྱིས་བདུད་རྩིས་གང་བའི་བུམ་པ་ཐོགས་ནས་སློབ་མའི་སྤྱི་བོ་ནས་བཟུང་ལུས་ཀྱི་ཕྱི་ནང་ཐམས་ཅད་ཡེ་ཤེས་ཀྱི་བདུད་རྩིའི་ཆུས་བཀྲུས་དྲི་མ་ཐམས་ཅད་རྣག་ཁྲག་དང་སྦལ་སྦྲུལ་སྡོམ་སྡིག་གི་རྣམ་པར་ཐུར་དུ་སྦྱངས་ནས་འོག་གཞ…

མཆོག་སོགས། རྩ་སྔགས་དང་ལས་སྔགས་སྦྲེལ་ལ། སྡིག་པ་དང་སྒྲིབ་པ་ཐམས་ཅད་ཤཱནྟིང་ ཀུ་རུ་ཡེ་སྭཱ་ཧཱ། བགེགས་ཐམས་ཅད་ ཤཱནྟིང་ ཀུ་རུ་ཡེ་སྭཱ་ཧཱ། དུས་མ་ཡིན་པའི་འཆི་བ་ཐམས་ཅད་ཤཱནྟིང་ ཀུ་རུ་ཡེ་སྭཱ་ཧཱ། གདོན་ཐམས་ཅད་ཤཱནྟིང་ ཀུ་རུ་ཡེ་སྭཱ་ཧཱ། རིམས་ཐམས་ཅད་ཤཱནྟིང་ ཀུ་རུ་ཡེ་སྭཱ་ཧཱ། རྨི་ལམ་ངན་པ་ཐམས་ཅད་ཤཱནྟིང་ ཀུ་རུ་ཡེ་སྭཱ་ཧཱ། མཚ…

ན་ཡེ་སྭཱ་ཧཱ། ནད་ཐམས་ཅད་ཨ་པ་ན་ཡེ་སྭཱ་ཧཱ། ཉེ་བར་འཚེ་བ་ཐམས་ཅད་ཨ་པ་ན་ཡེ་སྭཱ་ཧཱ། དུས་མ་ཡིན་པའི་འཆི་བ་ཐམས་ཅད་ཨ་པ་ན་ཡེ་སྭཱ་ཧཱ། གདོན་ཐམས་ཅད་ཨ་པ་ན་ཡེ་སྭཱ་ཧཱ། རིམས་ཐམས་ཅད་ཨ་པ་ན་ཡེ་སྭཱ་ཧཱ། རྨི་ལམ་ངན་པ་ཐམས་ཅད་ཨ་པ་ན་ཡེ་སྭཱ་ཧཱ། མཚན་མ་ངན་པ་ཨ་པ་ན་ཡེ་སྭཱ་ཧཱ། སེམས་ཀྱི་ཀུན་ནས་འཁྲུགས་པ་ཐམས་ཅད་ཨ་པ་ན་ཡེ་སྭཱ་ཧཱ། གཞན་ཡང་གྲ…