ཡོངས་གྱུར་འཆི་མེད་མཆོག་སྦྱིན་ཡུམ། །སྟོན་མཚན་དབང་པོ་ཉ་རྒྱས་ལྟ་བུའི་མདོག །བརྒྱད་གཉིས་ལང་ཚོས་སྒེག་པ་ཞི་འཛུམ་ལྡན། །ཞལ་གཅིག་ཕྱག་གཉིས་དབུ་དང་ཕྱག་ཞབས་མཐིལ། །ཡེ་ཤེས་སྤྱན་བདུན་བཀྲ་ཞིང་དཀར་འཛིན་ཟུང་། །རབ་རྒྱས་མཐོན་མཐིང་ལྕང་ལོ་ལྟག་པར་འཕྱང་། །ཕྱག་གཡས་མཆོག་སྦྱིན་གཡོན་པས་ཨུཏྤ་ལ། །ལོ་འདབ་གེ་སར་བཞད་པ་ཐུགས་ཀར་བསྣམས།…

བསྡུས་ནས་འཁོར་ལོ་ཡིག་འབྲུར་ཐིམ་པར་གྱུར། །ཡི་གེ་བཅུ་པ་ཅི་ནུས་བཟླ་ཞིང་། སྔགས་སྤེལ་ཚིག་ཅན་ཡང་བཟླའོ། །ཐུན་མཐར། སྣང་སྲིད་ཡེ་ཤེས་ལྷ་ཡི་དཀྱིལ་འཁོར་པ། །བདག་ཉིད་ལ་ཐིམ་རང་ལྷར་གསལ་བ་ཡང་། །ཡས་མར་འདུས་ནས་ཐུགས་ཀའི་ཏཱྃ་ལ་ཐིམ། །དེ་ཡང་འོད་ཞུ་ཐིག་ལེ་ནཱ་དར་བསྡུ། །སེམས་ཉིད་མ་བཅོས་སྤྲོས་དང་བྲལ་བའི་དབྱིངས། །དམིགས་མེད་བདེ…

ཕྱག་ཞབས་གདུ་བུ་སོགས། །རིན་ཆེན་རྒྱན་ཀུན་རབ་མཛེས་པ། །ཞབས་གཉིས་རྡོར་སྐྱིལ་ཟླ་བ་ཡི། །རྒྱབ་ཡོལ་འོད་དང་འོད་ཟེར་འཕྲོ། །གནས་གསུམ་ༀ་ཨཱཿཧཱུྃ་ཡིག་དང་། །ཐུགས་ཀའི་ཆ་སྨད་ཏཱྃ་ཡིག་མཚན། །འོད་འཕྲོས་པ་ོཊ་ལ་ཞིང་ནས། །རང་འདྲའི་ལྷ་མོ་དཔག་མེད་པ། །སྤྱན་དྲངས་དམ་ཡེ་གཉིས་མེད་བསྟིམ། །རང་གི་ཐུགས་ལས་འོད་འཕྲོས་པས། །དབང་ལྷས་དབང་བསྐ…

མདོ་ཀྱུ་ར་དགེ་སློང་ཀརྨ་ཡེ་ཤེས་ངོར་སྤེལ།། །།སྟོང་པའི་ངང་ལས་པད་ཉི་ལ་ཧྲཱིཿལས་སྒྲོལ་མ་དམར་མོ། ཕྱག་གཡས་སྐྱབས་སྦྱིན་དང་། གཡོན་ལྕགས་ཀྱུས་མཚན་པའི་ཨུཏྤལ་འཛིན་པ། ལྷ་དང་མི་ལས་འདས་པའི་རྒྱན་དུ་མས་སྤྲས་པ། ཞབས་རོལ་པའི་སྟབས་ཀྱིས་མི་ཡི་དབང་པོ་མནན་པར་བསམ་ལ། ༀ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཞེས་ཅི་ནུས་བཟླས་མཐར། སྨོན་ལམ་…

མཆོག །རབ་ཁྲོས་པདྨ་རཱ་གའི་རི་བོ་ལྟར། །དྭངས་ཤིང་གསལ་ལ་འོད་འཚེར་ཞལ་བདུན་ལྡན། །མཆེ་གཙིགས་ལྗགས་བསྐྱོད་རལ་གཡེངས་སྨིན་མ་འབར། །ཕྱག་གཉིས་ནོར་བུ་ཆུ་ཤེལ་བདུད་རྩི་ཅན། །འོད་དཀར་བསིལ་བའི་རང་བཞིན་དཀྱིལ་འཁོར་བསྣམས། །དར་དང་རིན་ཆེན་རུས་པའི་རྒྱན་དང་ནི། །སྟག་གི་ཤམ་གསོལ་ཞབས་གཉིས་རོལ་སྟབས་ཀྱི། །འོད་དང་འོད་ཟེར་སྣ་ཚོགས་ཀློ…

པའི་གསལ་འདེབས་གང་འོས་བྱའོ། །མཐར་ནི་ལྷ་སྐུ་མི་དམིགས་སྟོང་པའི་ངང་། །མ་བཅོས་སྤྲོས་པ་བྲལ་བའི་ཀློང་དུ་བཞག །དགེ་བས་བདག་གཞན་སྔོན་བསགས་འཕྲལ་ལས་དབང་། །རྐྱེན་ངན་གྲོལ་ཞིང་བསམ་དོན་ཆོས་བཞིན་འགྲུབ། །མཁའ་མཉམ་འགྲོ་བ་རྣམ་པར་གྲོལ་བའི་ལམ། །བཀོད་པའི་ཕྲིན་ལས་གེགས་མེད་ཉིད་འགྲུབ་ཤོག །ཅེས་པའང་རིག་འཛིན་བླ་མའི་ཐུགས་ཀྱི་སྲས་མ…

དབེན་པར་གནས་པའི་དགེ་སློང་གཅིག་པུའི་གསོ་སྦྱོང་བཞུགས། སྭ་སྟི། དགེ་སློང་གཅིག་པུ་དབེན་པར་གནས་པ་དག་གིས་ཟླ་བ་ཕྱེད་ཕྱེད་ཀྱི་གསོ་སྦྱོང་བྱིན་རླབས་བྱ་ཚུལ་ནི། དང་པོ་ཐུབ་དབང་གི་སྐུ་དང་མཎྜལ་སོགས་མཆོད་པ་གང་འབྱོར་བཤམས་ལ། སངས་རྒྱས་ཆོས་སོགས་ལན་གསུམ། སེམས་ཅན་ཐམས་ཅད་སོགས་ལན་གསུམ། ཐམས་ཅད་དུ་ནི་ས་གཞི་དག་སོགས། མ་ལུས་སེམས…

ལགས་ཏེ། བདག་ཤཱཀྱིའི་དགེ་སློང་མིང་འདི་ཞེས་བགྱི་བའི་ཡང་གསོ་སྦྱོང་བཅུ་བཞི་པའམ། བཅོ་ལྔ་པ་ལགས་ལ། བདག་ཤཱཀྱའི་དགེ་སློང་མིང་འདི་ཞེས་བགྱི་བ་བར་ཆད་ཀྱི་ཆོས་རྣམས་ཀྱིས་ཡོངས་སུ་དག་གོ་ཞེས་བདག་སྨྲ་ན། བདག་ཡོངས་སུ་དག་པར་ལྷ་རྣམས་ཀྱིས་གཟུང་དུ་གསོལ། བདག་ཤཱཀྱའི་དགེ་སློང་མིང་འདི་ཞེས་བྱ་བས་ཚུལ་ཁྲིམས་ཀྱི་ཕུང་པོ་ཡོངས་སུ་རྫོག…

ཉེར་དགུ་ཆད་པའི་གནམ་སྟོང་ལ་གསོ་སྦྱོང་བཅུ་བཞི་པ་དང་། དེ་འཕྲོའི་གནམ་སྟོང་རྣམས་དང་། བཅོ་ལྔ་ཀུན་ལ་གསོ་སྦྱོང་བཅོ་ལྔ་པ་སྟེ། ཟླ་བཤོལ་སྐབས་ཟླ་བ་དེའི་སྔོན་རྗེས་གཉིས་ཀར་དུས་ཚིགས་འདྲ་བར་བརྗོད་དགོས་སོ། །མངྒ་ལམ།། །།

བཅོམ་ལྡན་མ་ཧཱ་མཱ་ཡཱའི་ཚོགས་མཆོད་འདོད་དགུ་མྱུར་སྟེར་ཞེས་པ་བཞུགས་སོ། །

བཅོམ་ལྡན་འདས་མ་ཧཱ་མཱ་ཡཱའི་སྒྲུབ་མཆོད་དམ། དབང་བསྐུར་ལ་སོགས་པའི་དུས་རྣལ་འབྱོར་ཕོ་མོ་ཟུང་དུ་གྱུར་པའི་དཔའ་བོའི་སྟོན་མོ་བྱ་བར་ཡང་གསུངས་ཏེ། ཚོགས་ཀྱི་འཁོར་ལོའི་གནས་ཉིད་དང་། །དཔའ་བོ་དང་ནི་དཔའ་མོ་ཡི། །སྟོན་མོར་གྱུར་པ་ཉིད་དང་ཡང་། །སྣ་ཚོགས་སྟོན་མོའི་རིམ་ཤེས་པས། །ཐབས་དང་ཤེས་རབ་གསང་བ་ཡིས། །མཆོག་ཏུ་གྱུར་པ་འདིར་བར…

ལྟར་བྱིན་གྱིས་བརླབས། ན་མོ། ཐབས་དང་ཤེས་རབ་གཉིས་སུ་མེད་པའི་ཚོགས་ཀྱི་འཁོར་ལོ་རྒྱ་ཆེན་པོ། རང་བཞིན་གྱི་རྣམ་པར་དག་པ་སྐྱེ་བ་མེད་པ། ངོ་བོ་རྣམ་པར་དག་པ་ཨཱ་ལི་ཀཱ་ལི། མཚན་ཉིད་རྣམ་པར་དག་པ་ཤ་ལྔ་བདུད་རྩི་ལྔར་རྒྱས་བཏབ་པ་འདི། འབུལ་བའི་གནས་ནི་བྱིན་རླབས་ཀྱི་རྩ་བ་བཀའ་བརྒྱུད་བླ་མ། དངོས་གྲུབ་ཀྱི་རྩ་བ་ཡི་དམ་ལྷ་ཚོགས། ཕྲིན་…

ཆར་ཆེན་སྩོལ། །འོག་མིན་མཁའ་སྤྱོད་ཞིང་ཁམས་ནས། །ཧེ་རུ་ཀ་དཔལ་དཔའ་བོ་ཆེ། །འདིར་གཤེགས་འདོད་ཡོན་ཚོགས་མཆོད་བཞེས། །མཆོག་ཐུན་དངོས་གྲུབ་ཆར་ཆེན་སྩོལ། །མཁའ་ཁམས་རྣམ་པར་དག་པ་ཡི། །སངས་རྒྱས་མཁའ་འགྲོ་བདེ་ཆེན་ཡུམ། །འདིར་གཤེགས་འདོད་ཡོན་ཚོགས་མཆོད་བཞེས། །མཆོག་ཐུན་དངོས་གྲུབ་ཆར་ཆེན་སྩོལ། །ས་ཁམས་རྣམ་པར་དག་པ་ཡི། །མི་འགྱུར་རྡ…

དཀྱིལ་འཁོར་དྲུང་དུ་འབུལ་ནས་བདུད་རྩི་བྲན་ལ། ནང་མཆོད་ལྟར་བྱིན་གྱིས་བརླབས་ཏེ། ༀ་ཨཱཿཧཱུྃ། གསུམ་གྱི་བར། བཅོམ་ལྡན་ཡབ་ཡུམ་ལྷ་མོ་བཞི་དུར་ཁྲོད་པ་རྣམས་དང་བཅས་པའི་ལྗགས་ཧཱུྃ་ལས་སོགས། ༀ་ཤྲཱི་ཧེ་རུ་ཀ་མ་ཧཱ་བཛྲ་སོགས་ནས། ཧ་ཧ་ཧོ་ཕཊ་བར་ལན་གསུམ་མམ་བདུན་གྱིས་ཕུལ་ནས། མི་བསྐྱོད་རྡོ་རྗེ་སོགས་དེ་ཉིད་ལྔ་པས་བསྟོད། ཆོས་རྣམས་གཟ…

གྱིས་རོལ་པར་བྱས་པའི་རྗེས་སུ། རྡོ་རྗེའི་གླུ་ཡང་བྱ་སྟེ། འགྲོ་བ་ཀུན་ནི་མཆོག་ཏུ་དགའ་བའི་རང་བཞིན་ཏེ། །རྣལ་འབྱོར་མ་ནི་འཁོར་ལོའི་རང་བཞིན་དུ་གནས་ཀྱི། །ས་གསུམ་མ་ལུས་འགྲོ་བ་སངས་རྒྱས་ཀྱི་རང་བཞིན། །སྙིང་རྗེས་གཞོན་ནུ་མ་དང་ལྷན་ཅིག་རོལ་པར་བྱོས། །གང་གིས་དོན་དམ་ལ་ནི་མ་བསྒོམས་པར། །དེ་ཡིས་སངས་རྒྱས་ཉིད་ནི་ཐོབ་པ་མ་ཡིན་ན…

བཟོད་གསོལ་སོགས་དཀྱུས་ལྟར་བྱའོ། །དེ་ལྟར་བཅོམ་ལྡན་འདས་སྒྱུ་འཕྲུལ་ཆེན་པོའི་མངོན་དཀྱིལ་འོད་མཚན་འཆང་བ་བཞི་པས་བཀྲལ་བར་གནང་བ་ལ། ཚོགས་མཆོད་གུད་དུ་སྦྱར་བ་འདི་ཉིད་འཇང་འོག་མིན་གླིང་གི་བླ་མ་དབང་རྒྱལ་གྱིས་ཉེ་བར་བསྐུལ་བ་ལྟར་ས་ཟླའི་ཡར་ཚེས་ལ་དཔལ་སྤུངས་ཐུབ་བསྟན་གླིང་གི་ཡང་དབེན་སྒྲུབ་བརྒྱུད་དར་རྒྱས་གླིང་དུ་སི་ཏུ་སྤྲུ…

གསོལ་འདེབས་ཀྱི་རིམ་པ་རྣམས་ཕྱོགས་གཅིག་ཏུ་བསྡེབས་པ་བྱིན་རླབས་བདུད་རྩིའི་གཏེར་མཛོད་ཅེས་བྱ་བ་བཞུགས་སོ། །