ཀུན་བཟང་དགོངས་པའི་དབྱིངས་མཛོད་གསང་བ་ཡང་ཐིག་ལས༔ སྔོན་དུ་འགྲོ་བའི་ལས་རིམ་ཉེར་མཁོ་ཕྱོགས་གཅིག་ཏུ་བསྡུས་པ་བཞུགས༔ སྐུ་གསུམ་བླ་མའི་ཚོགས་ལ་འདུད༔ ཕྲིན་ལས་སྤྱི་ཡི་སྔོན་འགྲོ་ནི༔ ལྷར་གསལ་ཏིང་འཛིན་རྡོར་དྲིལ་དང་༔ ཐོད་རྔ་རོལ་མོ་ཆུ་དང་སྤོས༔ ཕུར་པ་བྱིན་གྱིས་བརླབས་པ་དང་༔ དཀར་གསུམ་གཏོར་མ་བྱིན་བརླབས་ལ༔ གཉུག་གནས་ཕྱོགས་ས…

༄༅།། མཚམས་ལྷ་བསྐྱེད་པ་ནི། བཛྲ་མ་ཧཱ་ཤྲྀ་ཧེ་རུ་ཀོ྅་ཧཾ། རང་ཉིད་སྐད་ཅིག་གིས་དཔལ་ཆེན་པོ་བདུད་འདུལ་ཁྲག་འཐུང་རྡོ་རྗེ་གཞོན་ནུ་སྐུ་མདོག་མཐིང་ནག ཞལ་གཅིག་ཕྱག་གཉིས་གཡས་ཕུར་བུ་དང་གཡོན་དུང་ཁྲག་འཛིན་པ། ཞབས་གཉིས་བརྐྱང་བསྐུམ་དོར་སྟབས་སུ་བསྒྲད་ཅིང་། དུར་ཁྲོད་རོལ་པའི་ཆས་ཅན་ཁྲོ་གཏུམ་བཟོད་པར་དཀའ་བའི་གཟི་བརྗིད་ཆེར་འབར་ཞི…

དེ་ནས་སྒྲུབ་པའི་ཉུ་ལེ་བསྐྲད་པ་ནི༔ ཧཱུྃ༔ བདག་ཉིད་དབང་ཆེན་ཐུགས་ལས་སྤྲུལ་པ་ཡི༔ ལས་བྱེད་མ་མོ་ཁྲོས་པའི་རྒྱལ་མོ་ནི༔ སྐུ་མདོག་དམར་སྨུག་རལ་པ་ཁྲག་གི་མདོག༔ སྤྱན་གསུམ་སྡང་མིག་བསྒྲད་པ་གློག་ལྟར་འཁྱུག༔ སྨིན་མའི་མཚམས་ནས་ཁྲོ་ཆུང་མེ་སྟག་འཕྲོ༔ ཞལ་གདངས་མཆེ་བ་གངས་རི་ལྟ་བུར་གཙིགས༔ སྨ་ར་ཨག་ཚོམ་མེ་ལྕེ་ཁྱུགས་སེ་འཁྱུགས༔ རྔམ…

ཕུར་པ་གསང་བ་སྤུ་གྲིའི་རིག་འཛིན་བྱིན་འབེབ་བཞུགས་སོ༔ གང་ཞིག་དཀྱིལ་འཁོར་འདིར་ཞུགས་ནས༔ སྒྲུབ་པ་ཉམས་སུ་ལེན་པའི་ཚེ༔ བདག་གནས་ཡོ་བྱད་ཐམས་ཅད་ལ༔ བདེ་གཤེགས་དགོངས་པའི་བྱིན་དབབ་ཚེ༔ མཆེད་ལྕམ་ཆས་བརྒྱན་རོལ་མོ་བསྒྲགས༔ མདའ་དར་གཡབ་ཅིང་དཀྱིལ་འཁོར་བསྐོར༔ སྤོས་དང་ཤ་ཆེན་གུ་གུལ་བསྲེགས༔ གདུང་བའི་དབྱངས་ཀྱིས་འདི་སྐད་དོ༔ ཧཱུྃ༔…

༄༅། དེ་ནས་རྫས་ཀྱི་ཕུར་པ་ལ༔ རཀྟས་བྱུགས་ཤིང་ཡུངས་ཐུན་བརྡེག༔ གུ་གུལ་དུད་པས་བདུག་བྱས་ནས༔ སྔགས་དང་དམིགས་པ་འདི་བཞིན་བྱ༔ ཧཱུྃ༔ མཚན་མ་རྫས་ཀྱི་ཕུར་པ་མངོན་སྤྱོད་ལས༔ དྲག་པོ་སྒྲོལ་བའི་ཕོ་ཉར་མངགས་པའི་ཕྱིར༔ གུ་གུལ་བདུག་པས་བགེགས་བསྐྲད་བྱིན་ཆེན་དབབས༔ ཡུངས་ཐུན་གྱིས་བརྡེག་དཔའ་བོའི་ངར་ཡང་བསྐྱེད༔ དམར་ཆེན་བྱུག་པས་བཟོད་ད…

༄༅། ཕུར་པའི་འཛབ་དགོངས་རྡོ་རྗེའི་བཟླས་པ་ནི༔ ལས་གཞུང་བསྲང་ཞིང་བསྙེན་སྒྲུབ་སྐབས་བབས་ཚེ༔ གཙོ་འཁོར་ཀུན་གྱི་གནས་གསུམ་འབྲུ་གསུམ་དང་༔ ཁྱད་པར་ཡབ་ཡུམ་གཉིས་མེད་ཐུགས་ཀ་རུ༔ དྭངས་གསལ་འོད་ལྔའི་ཐིག་ལེ་ཟླུམ་པོའི་དབུས༔ ཀུན་བཟང་མཐིང་ཀ་ཞལ་གཅིག་ཕྱག་གཉིས་པ༔ ཆོས་དབྱིངས་ཟབ་མོ་དཀར་གསལ་དཀྱིལ་ཀྲུང་བཞུགས༔ གཅེར་བུ་ཞལ་སྦྱོར་མཉམ་…

ཕྲིན་ལས་ཕུར་པའི་ལྷ་ཚོགས་ཀྱི༔ སྔགས་བྱང་རྒྱས་པ་འདི་ལྟར་རོ༔ དང་པོ་གཙོ་བོ་ཡབ་སྔགས་ནི༔ ཨོཾ་བཛྲ་ཀཱུ་མ་ར་ཀཱི་ལི་ཀཱི་ལ་ཡ་སརྦ་བིག་ནན་བཾ་ཧཱུྃ་ཕཊ༔ གཙོ་མོ་ཡུམ་སྔགས་ནི༔ ཨོཾ་ཏིབ་ཏ་ཙཀྲ་རུ་ལུ་རུ་ལུ་བྷྱོ་ཧཱུྃ་ཕཊ༔ སྲས་བཞི་སོ་སོར་རང་སྔགས་ནི༔ ཨོཾ་བྷུདྡྷ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཨོཾ་རཏྣ་ཀཱི་ལི་ཀཱི་ལ་ཡ་ཧཱུྃ་ཕཊ༔ ཨོཾ་པདྨ་ཀཱ…

ཕུར་པ་བདུད་དཔུང་ཚར་གཅོད་ལས༔ སྲུང་བ་ཁྲོ་མཚོན་མེ་གུར་ཞེས་བྱ་བ་བཞུགས༔ དཔལ་ཆེན་རྡོ་རྗེ་གཞོན་ནུར་འདུད༔ ཡེ་ཤེས་ལྷ་རྣམས་ཐམས་ཅད་ཀྱི༔ ཕྲིན་ལས་སྒྲུབ་པའི་ཕོ་ཉ་ཡིན༔ འཇིག་རྟེན་དྲེགས་བྱེད་ཐམས་ཅད་ཀྱི༔ གོང་གནོན་གཉེན་པོ་སྟོབས་ཀྱི་ལྷ༔ རྡོ་རྗེ་ཕུར་པ་འདི་ཉིད་ནི༔ གུ་རུ་པདྨའི་ཐུགས་ཐིག་སྟེ༔ མཚོ་རྒྱལ་བདག་གི་ཡི་དམ་ལྷ༔ འདི་ཉ…

ཕུར་པ་བདུད་དཔུང་ཚར་གཅོད་ལས༔ ཟློག་པ་གནམ་ལྕགས་འཕྲུལ་འཁོར་བཞུགས་སོ༔ དཔལ་ཆེན་རྡོ་རྗེ་གཞོན་ནུ་དང་༔ ཡུམ་ཆེན་འཁོར་ལོ་རྒྱས་འདེབས་མ༔ སྤྲུལ་པ་ཡང་སྤྲུལ་བཅས་པ་ལ༔ སྒོ་གསུམ་གུས་པས་ཕྱག་འཚལ་ནས༔ ཟློག་པ་སྡེ་བརྒྱད་དམག་དཔུང་གི༔ མན་ངག་གནམ་ལྕགས་འཕྲུལ་འཁོར་བསྟན༔ ས་མ་ཡཱ༔ དེ་ཡང་དམིགས་པ་ཟབ་མོ་སྟེ༔ ཕྱི་སྣོད་རྡོ་རྗེའི་སྲུང་གུར…

༄༅།། སྡོམ་གསུམ་ཉམས་ཆག་བཤགས་པ་ཟག་མེད་བདུད་རྩིའི་ཁྲུས་བུམ་བཞུགས། ཧོ། དགོངས་ཤིག་དཀོན་མཆོག་རིན་ཆེན་གསུམ། །གསོན་ཅིག་རྩ་གསུམ་སྲུང་མར་བཅས། །ཉེ་བར་དགོངས་ཤིག་རྡོ་རྗེ་སེམས། །སྡིག་ལྡན་བདག་ལ་བརྩེ་བས་གཟིགས། །ཐོག་མ་མེད་པའི་ཀུན་གཞི་ནི། །སྤྲོས་བརྒྱད་སྐྱོན་ལས་ཉེར་གྲོལ་ཡང་། །གློ་བུར་ཀུན་བརྟགས་གཞན་དབང་གིས། །རང་ངོ་མ་ཤེ…

༄༅། །རྡོ་རྗེ་ཕུར་པའི་གསོལ་འདེབས་བྱིན་རླབས་གཏེར་མཛོད་ཅེས་བྱ་བ་བཞུགས། ཨེ་མ་ཧོ། རིགས་བདག་སྟོན་པ་ཀུན་བཟང་ཆེ་བའི་མཆོག །རིགས་བརྒྱའི་སྤྱི་མེས་རྡོར་འཆང་རྡོ་རྗེ་སེམས། །མཁའ་འགྲོའི་གཙོ་མོ་ལས་ཀྱི་དབང་མོ་ཆེར། །གསོལ་བ་འདེབས་སོ་མཆོག་ཐུན་དངོས་གྲུབ་སྩོལ། །རིག་འཛིན་བརྒྱད་དང་པདྨ་ཐོད་ཕྲེང་རྩལ། །བཀའ་བབས་མི་བརྒྱད་གཟུངས་མ…

༄༅། ཀཱིལཡམཱརཙམཱུསྟྭཾབྷནཡཱམསྠཙྪཻདཀབྷྱཿ མཱུལསཱདྷབིདྱདྷརཙིཏྟགརྦྷསྟི།། ༄༅། ཀཱིལཡམཱརཙམཱུསྟྭཾབྷནཡཱམསྠཙྪཻདཀབྷྱཿ མཱུལསཱདྷབིདྱདྷརཙིཏྟགརྦྷསྟི།། ཕུར་པ་བདུད་དཔུང་ཟིལ་གནོན་དམ་སྲི་ཚར་གཅོད་ལས༔ རྩ་སྒྲུབ་རིག་འཛིན་ཐུགས་བཅུད་བཞུགས་སོ༔ རྩ་གསུམ་ཡོངས་རྫོགས་ཕུར་པའི་ལྷ་ལ་འདུད༔ ཕྲིན་ལས་ལྷ་མཆོག་རྡོ་རྗེ་གཞོན་ནུ་ཡི༔ རྩ་བའི་སྒྲ…

༄༅། རྡོ་རྗེ་ཕུར་པའི་གསོལ་འདེབས་བསྡུས་པ་བཞུགས་སོ།། ཨོཾ་ཨཱ༔ཧཱུྃ། ཀུན་བཟང་རྡོར་འཆང་ལས་ཀྱི་དབང་མོ་ཆེ། །པད་འབྱུང་མཚོ་རྒྱལ་ཀུན་བཟང་གཞན་ཕན་པ། །ལུང་རིག་གླིང་པ་ཆོས་བདག་བརྒྱུད་བཅས་ལ། །གསོལ་བ་འདེབས་སོ་དབང་བསྐུར་བྱིན་རླབས་སྩོལ། །དཔལ་ཆེན་རྡོ་རྗེ་གཞོན་ནུ་ཡབ་ཡུམ་དང་། །ཀཱི་ལ་རིགས་བཞི་ཁྲོ་བཅུ་སྒོ་སྲུང་སོགས། །ལྷ་ཚོགས…

ཕུར་པ་དམ་སྲི་ཚར་གཅོད་ལས༔ ལུས་དཀྱིལ་རྒྱུན་ཁྱེར་དཔའ་བོ་གཅིག་སྒྲུབ་བཞུགས༔ རང་བཞིན་དབྱིངས་ཀྱི་ལྷ་ལ་འདུད༔ སྒྲུབ་རྫས་ཡོ་བྱད་སྤྲོས་པ་མེད༔ རྒྱུན་གྱི་ཉམས་ལེན་འདི་ལྟར་རོ༔ ཧཱུྃ་ཧཱུྃ༔ དབྱིངས་རིག་ཟུང་འཇུག་ཕུར་པའི་ལྷར༔ རང་ངོ་ཤེས་པས་སྐྱབས་སུ་མཆི༔ ཁམས་གསུམ་སེམས་ཅན་དབྱིངས་སྒྲོལ་ཕྱིར༔ རང་བཞིན་མཉམ་པའི་བསྒོམ་བཟླས་བྱ༔ ཧ…

༄༅། ལུས་དཀྱིལ་རྒྱུན་ཁྱེར་གྱི་རྗེས་ཆོག་ནི། ཨོཾ་ཤྲཱི་བཛྲ་ཀཱུ་མ་ར་ས་པ་རི་ཝ་ར་ཨརྒྷཾ་སོགས་ནས། ཤཔྟ་པྲ་ཏིཙྪ་པཱུ་ཛ་ཨཱ༔ཧཱུྃ། སརྦ་པཉྩ་ཨ་མྲྀ་ཏ་རཀྟ་བྷ་ལིང་ཏ་པུ་ཛ་ཨཱ༔ཧཱུྃ། བསྟོད་པ་ནི། ཧཱུྃ། དཔལ་ཆེན་རྡོ་རྗེ་གཞོན་ནུ་ཡབ་ཡུམ་དང་། །ཀཱི་ལ་རིགས་བཞི་བདུད་འདུལ་ཁྲོ་རྒྱལ་བཅུ། །སྒོ་བསྲུང་བཞི་དང་དབང་མོ་ཉི་ཤུ་བརྒྱད། །ཕུར་སྲུང…

ཡང་ཟབ་ཕུར་པའི་ཐུགས་སྒྲུབ་བདུད་དཔུང་ཚར་གཅོད་ལས༔ བསྐང་བཤགས་ཡིད་བཞིན་ཆར་འབེབས་བཞུགས་སོ༔ ཕྲིན་ལས་ཕུར་པའི་ལྷ་ལ་འདུད༔ བསྙེན་ཅིང་སྒྲུབ་པའི་རྣལ་འབྱོར་ལ༔ རྩ་བ་ཡན་ལག་དམ་ཚིག་ཉམས༔ ལུས་ངག་ཡིད་ལ་མི་དགེ་བའི༔ རྟགས་བྱུང་ནད་གདོན་བགེགས་ཀྱིས་ཉེན༔ མ་ལུས་བྱང་ཞིང་སེལ་བའི་ཐབས༔ བསྐང་བཤགས་འདི་ལ་བརྩོན་པར་བྱ༔ ས་མ་ཡཱ༔ ཡར་མར་ཚེས…

༄༅།། རྡོ་རྗེ་ཕུར་པའི་བསྐང་བསྡུས་ཡིད་བཞིན་གཏེར་མཛོད་བཞུགས་སོ།། བསྐང་རྫས་བསང་སྦྱངས་སྔོན་དུ་འགྲོ་བ་ལ། ཧཱུྃ། འོག་མིན་ཆོས་དབྱིངས་རང་སྣང་དག་ཞིང་ནས། །ཀུན་ཏུ་བཟང་པོ་རིག་འཛིན་རྡོ་རྗེ་ཆོས། །ལས་ཀྱི་དབང་མོ་པྲ་བྷ་ཧསྟི་དང་། །རིག་འཛིན་པདྨ་ཐོད་ཕྲེང་ཐུགས་དམ་བསྐང་། །ཡེ་ཤེས་མཚོ་རྒྱལ་དཔལ་གྱི་དབང་ཕྱུག་དང་། །ཁྲི་སྲོང་ལྡེ…

ཡང་ཟབ་ཕུར་པའི་ཐུགས་སྒྲུབ་ལས༔ ཕུར་སྲུང་བཅུ་དྲུག་གི་མཆོད་ཐབས་ཕྲིན་ལས་ཀུན་འགྲུབ་བཞུགས་སོ༔ རྒྱལ་ཀུན་ཕྲིན་ལས་ཀུ་མཱ་ར༔ དཔལ་ཆེན་ཕུར་པའི་ལྷ་ལ་འདུད༔ དག་སྣང་ཆོས་ཀྱི་ཆ་ལག་ཏུ༔ ཕུར་སྲུང་མཆོད་པའི་རིམ་པ་བསྟན༔ ས་མ་ཡཱ༔ དུར་ཁྲོད་ལ་སོགས་དབེན་གནས་སུ༔ རྩ་བའི་དཀྱིལ་འཁོར་གཞུང་བཞིན་ལ༔ བྷནྡྷའི་སྣོད་དམ་བསེ་སྡེར་དུ༔ འབྲུ་ནག་བ…

༄༅། ཀཱིལཡཙིཏྟསཱདྷནདུབིགྣཱནཙྪེདནཥུཿ སམཡཱིཀཱིལཱརཀྵཱིཔཱུཛཱསྱབིཎྚཱསརྦམརཎཱསྟི། ༄༅། ཀཱིལཡཙིཏྟསཱདྷནདུབིགྣཱནཙྪེདནཥུཿ སམཡཱིཀཱིལཱརཀྵཱིཔཱུཛཱསྱབིཎྚཱསརྦམརཎཱསྟི། ཕུར་པའི་ཐུགས་སྒྲུབ་དམ་སྲི་ཚར་གཅོད་ལས༔ དམ་ཅན་ཕུར་སྲུང་མཆོད་ཐབས་བསྡུས་པ་བར་ཆད་ཀུན་སེལ་བཞུགས༔ ན་མ་པདྨ་ཀཱ་ར་ཡེ༔ བླ་མ་པད་འབྱུང་བཀའ་དྲིན་ལས༔ བདག་འདྲ་མཁར་ཆེན་མ…

ཕུར་སྲུང་བཅུ་དྲུག་གི་གཏོར་མ་ཕུར་སྲུང་སྤྱན་འདྲེན་དང་བཅས་པ་དཔལ་འབར་གཟུགས་སྨན་རཀ་སྦྲེང་དར་ནག་གཡབ་སྤོས་དུད་དང་བཅས་ཏེ་བསྐུལ་བ་ནི་འདི་སྐད་དོ༔ ཧཱུྃ་བྷྱོ༔ སྔོན་ཚེ་རང་བྱུང་ཆོས་དབྱིངས་ཕོ་བྲང་ནས༔ དཔལ་ཆེན་རྡོ་རྗེ་གཞོན་ནུས་བཀའ་ཡིས་བསྔགས༔ དུར་ཁྲོད་མེ་རི་འབར་བའི་རྩེ་མོ་རུ༔ དཔལ་ཆེན་ལག་ན་རྡོ་རྗེའི་ལུང་གིས་བསྙེན༔ བལ་…