ཚོ་ལེན། །གཡོག་པོ་གཡོག་མོའི་སྙིང་ལ་ཅི་ཞིག་ཞུགས། །སྙིང་མེད་རྣམས་ལ་ད་དུང་ཐུགས་རྗེས་གཟིགས། །ཞེས་པ་འདི་ཡང་རང་གཞན་ཆོས་ལ་བསྐུལ་ཕྱིར་ཚོགས་དྲུག་རང་གྲོལ་གྱིས་སྨྲས་པའོ། །དྲིན་ཅན་བླ་མའི་ཞབས་ལ་འདུད། །མོས་པའི་བུ་ལ་བྱིན་གྱིས་རློབས། །བྱ་བཏང་ཚོགས་དྲུག་རང་གྲོལ་ངས། །ཞལ་གདམས་སྟེར་རོ་མ་ཡེངས་ཉོན། །རྨི་ལམ་ཡུལ་གྱི་རང་གཞན་ར…

དང་ངོ་མཚར་ཆེ། །འདི་ཉིད་ཐོས་ཚད་ཐམས་ཅད་ཀྱི། །རྒྱུད་ལ་ཕན་ཐོགས་འབྱུང་བར་ཤོག །ཅེས་པ་འདི་ཡང་སློབ་བུ་བསྟན་པ་ཕན་བདེ་ལ་ཚོགས་དྲུག་རང་གྲོལ་གྱིས་སྨྲས་པའོ།། །ནམ་མཁའ་འདྲ་བའི་སེམས་ཀྱི་གནས་ལུགས། །ཅེར་མཐོང་ཆོས་རྒྱལ་ཞབས་ལ་འདུད་དོ། །མ་མཐོང་ལྟ་བ་འདོད་པ་རྣམས་ལ། །སེམས་གྱི་གནས་ལུགས་སྟོང་གསལ་སྟོན་ཅིག །མི་བསམ་དགུ་བསམ་མི་འཁྱ…

ཀྱིས། །གང་བའི་རྐྱལ་བ་གོས་ཀྱིས་བཏུམས་པ་ཡིན། །ཤ་ཡི་ནང་དུ་སྲིན་བུ་ཞུགས་པ་བཞིན། །ལུས་ལ་སྲིན་བུ་བརྒྱད་ཁྲི་བཞི་སྟོང་གནས། །བུ་ག་དགུ་ནས་མི་གཙང་དྲི་ངན་འབྱུང་། །དེ་ལ་དགའ་ཞིང་འདོད་པ་ཤིན་ཏུ་འཁྲུལ། །རྒྱལ་པོ་བཙན་པོའི་བཀའ་ཁྲིམས་5དམ་པོ་བཞིན། །ཆོས་ཀྱི་རྒྱལ་པོ་སངས་རྒྱས་བཅོམ་ལྡན་གྱིས། །ཁྲིམས་སུ་བཅས་པའི་འདུལ་ཁྲིམས་ལས་འ…

མི་སྟེར་བཙོན་སྲུང་ཡིན། །ཉོན་མོངས་སྡུག་བསྔལ་འབྱུང་བའི་གཞི་མ་ཡིན། །སྙམ་དུ་བསམས་ན་ཆགས་པ་སྐྱེ་མི་འགྱུར། །བུད་མེད་སྤྱད་པས་སངས་རྒྱས་ཐོབ་པ་ན། །རྒན་རྒོན་རྣམས་ཚོ་སྔོན་ནས་སངས་རྒྱས་ཚར། །ཚུལ་ཁྲིམས་བསྲུངས་པས་སངས་རྒྱས་གོ་འཕང་ཐོབ། །ངས་ནི་ཚུལ་ཁྲིམས་མི་བསྲུང་ཅིའི་ཕྱིར་གཏོར། །ཆོས་རྣམས་སྒྱུ་མ་ཡིན་ཞེས་སངས་རྒྱས་གསུངས། །…

གཅིག་ཀྱང་མེད། །མ་འོངས་པ་ན་ད་དུང་བྱེད་པར་འགྱུར། །ཁོང་ཚོ་མ་རིག་ཉོན་མོངས་གདོན་གྱིས་སྨྱོས། །ང་བུ་ཡིན་པར་མ་ཤེས་གནོད་འཚེ་བྱས། །ངས་ནི་ཤེས་བཞིན་དྲིན་ཅན་ཕ་མ་ལ། །ཅི་ཕན་མ་གཏོགས་གནོད་བྱེད་ག་ལ་རུང་། །བདག་གིས་རྫོགས་པའི་བྱང་ཆུབ་ཐོབ་པ་ལ། །བཟོད་པའི་ཕར་ཕྱིན་ཡོངས་སུ་རྫོགས་དགོས་པས། །གནོད་བྱེད་མེད་ན་བཟོད་པ་སུ་ལ་བསྒོམ། །…

ཞིག་མེད། །མ་ལ་ཁྱད་པར་འབྱེད་པ་ཁྱོད་ཉིད་བླུན། །སྙམ་དུ་དགྲ་ལ་རང་གི་མ་ལྟར་གཅེས། །ཡང་ན་རང་ཉིད་དགྲར་བསྒོམས་ཕ་རོལ་དགྲ། །རང་དུ་སྒོམས་ལ་ཁོང་ཁྲོ་ཨེ་དགའ་དང་། །གནོད་འཚེ་བྱས་ན་འདོད་དམ་མི་འདོད་བརྟགས། །རང་གིས་ཁོང་ཁྲོ་གནོད་པ་མི་འདོད་ན། །དགྲས་ཀྱང་ཁོང་ཁྲོ་གནོད་པ་མི་འདོད་པས། །དེས་ན་རང་གིས་རང་ལ་དཔེ་ལོངས་ལ། །དགྲ་ལ་ཁོང་ཁ…

རྣམས་ལ་གསོལ་བ་འདེབས། །གཏི་མུག་དགྲ་འདི་ཐུལ་བར་བྱིན་གྱིས་རློབས། །འཁོར་བར་འཁྱམས་པའི་རྩ་བ་མ་རིག་པ། །དེ་ལས་འདུ་བྱེད་དེ་ལས་རྣམ་ཤེས་བྱུང་། །དེ་ལས་མིང་གཟུགས་དེ་ལས་སྐྱེ་མཆེད་དྲུག །དེ་ལས་རེག་པ་དེ་ལས་ཚོར་བ་བྱུང་། །དེ་ལས་སྲེད་པ་དེ་ལས་ལེན་པ་བྱུང་། །དེ་ལས་སྲིད་པ་དེ་ལས་སྐྱེ་བ་བྱུང་། །དེ་ལས་རྒ་ཤི་རྟེན་འབྲེལ་བཅུ་གཉི…

བསྒོམས་པས་གཏི་མུག་ཞི་བར་འགྱུར། །དགེ་འདིས་བདག་གཞན་སེམས་ཅན་ཐམས་ཅད་ཀྱིས། །གཏི་མུག་དགྲ་འདི་མྱུར་དུ་ཐུལ་བར་ཤོག །མཚན་ལྡན་བླ་མ་རྣམས་ལ་གསོལ་བ་འདེབས། །ང་རྒྱལ་དགྲ་འདི་མྱུར་དུ་ཐུལ་བར་བྱིན་གྱིས་རློབས། །ཧེ་ཧེ་ཁྱོད་ལ་ང་རྒྱལ་ཅིའི་ཕྱིར་སྐྱེ། །སྐྱོན་ཟད་ཡོན་ཏན་ཀུན་ལྡན་སངས་རྒྱས་ཀྱི། །ཡོན་ཏན་དེ་འདྲ་ཡོད་པ་མ་ཡིན་ནམ། །དེ་…

འགྲོའི་གཏད་སོ་ཅང་མེད་པར། །ཤི་བོའི་ལམ་སྣ་འདྲེན་པའི་སྙིང་ཁམས་ཅན། །རང་ཉིད་ནམ་འཆི་ངེས་པ་མེད་བཞིན་དུ། །གསོན་པོའི་བར་ཆད་སེལ་བའི་བྱིན་རླབས་ཅན། །ལེགས་པར་བསམས་ན་ཡི་མུག་མི་ལྡང་ངམ། །བསམ་ཞིང་བསམ་ཞིང་བྲང་ལ་ཏིག་ཏིག་བརྡུང་། །དེ་ལྟར་བསྒོམས་པས་ང་རྒྱལ་ཞི་བར་འགྱུར། །དགེ་འདིས་བདག་གཞན་སེམས་ཅན་ཐམས་ཅད་ཀྱིས། །ང་རྒྱལ་དགྲ་འད…

ཀྱིས། །ཕྲག་དོག་དགྲ་འདི་མྱུར་དུ་ཐུལ་བར་ཤོག །ཅེས་དུག་ལྔའི་གཉེན་པོ་འདི་ནི་ཨ་རིག་གི་དགེ་སློང་བྱམས་པ་བསྟན་སྐྱོང་གིས་བསྐུལ་ངོར་ཚོགས་དྲུག་རང་གྲོལ་གྱིས་སྨྲས་པའོ། །ཕ་བླ་མ་རྣམས་ལ་གསོལ་བ་འདེབས། །བུའི་སེམས་ལ་ཕན་པར་བྱིན་གྱིས་རློབས། །རི་སྨུག་པ་ཅན་གྱི་ཁྲོད་ཅིག་ན། །རྫའི་ཕུག་པ་རང་ཤོང་ཁྲ་ལྡེམ་མེ། །ཕྱོགས་ཕྱོགས་ན་འབྱོར…

སྒྲུབ་པ་སྙོམས། །ཚེ་འདི་དང་ཕྱི་མར་སྐྱིད་པར་ངེས། །དགེ་འདི་ཡིས་སྐལ་ལྡན་སློབ་མ་ཡིས། །ཚེ་བློས་ཐོངས་རི་ཁྲོད་ཟིན་པར་ཤོགཅེས་པ་འདི་ཡང་སློབ་བུ་དད་ལྡན་ཚེ་མགོན་ཀྱིས་བསྐུལ་ངོར་ཚོགས་དྲུག་རང་གྲོལ་གྱིས་སྨྲོས་པའོ།། །།ཕ་རྒན་ཆོས་རྒྱལ་ཞབས་ལ་འདུད། །ཉོན་དང་སྐལ་ལྡན་སྙིང་གི་བུ། །མཉམ་པར་བཞག་པའི་དུས་སྐབས་སུ། །ལུས་དང་སེམས་ལ་བ…

ཨེ་འོང་ཚད་ནི་མ་བྱུང་དུས། །ཅི་བྱུང་སྙམ་ནས་སེམས་མི་དགའ། །རྟོགས་པ་ཉམས་གཉིས་ནོར་རྟགས་ཡིན། །བོགས་འདོན་དེ་ཉིད་སྐྱོང་བ་ལ། །ཉམས་རྟོགས་བཟང་པོའི་འདོད་པ་སྤོངས། །དགེ་འདིས་རང་གཞན་ཐམས་ཅད་ལ། །མཉམ་གཞག་སྐབས་སུ་ཕན་པར་ཤོག །བླ་མ་དམ་པའི་ཞབས་ལ་འདུད། །དེང་སང་བསྐལ་བའི་སྙིགས་མ་ལ། །རབ་བྱུང་དགེ་སློང་འགའ་རེ་ཡིས། །བསླབ་པ་བླངས་ན…

འབོག །ད་དུང་གཞན་ལ་བསླབ་སྐྱོར་བྱེད། །སངས་རྒྱས་བྱང་སེམས་རྣམས་ཀྱིས་གཟིགས། །ཞལ་རས་ཕྱག་གིས་བཀབ་ནས་བཞད། །མི་ལ་ཆོས་བཤད་བན་རྒན་ཨང་། །ཁྱོད་ལ་ཅི་ཞིག་བྱུང་བ་ཡིན། །ལས་འབྲས་མི་བརྩི་སྡིག་པ་བྱེད། །ཁྱོད་ཀྱི་ཆོས་འདི་སུ་ཡིས་བསླབས། །བླ་མའི་མིང་ལ་ཅི་ཞིག་ཟེར།། རང་སྐྱོན་ཁ་བ་ཙམ་པ་བཞག །བླ་མས་འཇོག་དགོས་གསུང་ངམ་ཅི། །གཞན་སྐྱོ…

བློན་པོ་གླང་མགོ་ཅན་སོགས་ཀྱིས། །ནོམ་པར་བརྗེ་གིན་ཡོད་ནའང་ཐང་། །གཤིན་རྗེས་སྡོད་ཅེས་གསུང་བྱོན་ནས། །འདུག་རྒྱུ་ཡིན་ན་ཁྱོད་ཁག་མེད། །གལ་ཏེ་སྟེར་ས་འཁྱེར་ས་མེད། །མི་འཆི་སྡོད་རྒྱུ་མ་ཡིན་ན།། རྒྱུ་ནོམ་བསགས་པར་དོན་གོ་ནི། །ཅི་ཡོད་ཧིས་ཁར་ལག་པ་ཞོག །ལེགས་པར་བསམ་བློ་ཞིབ་ཏུ་ཐོངས། །ད་ལྟ་འཕྱུགས་ན་འཕྱུགས་བཙོག་ཡིན། །བན་རྒན…

རྫུན་ཆུད་གི །རྫུན་འདྲ་སྨྲས་ན་ལོས་གཏོང་ཟེར། །སྡིག་པ་བྱས་པའི་ཉེས་དམིགས་རྣམས། །བཤད་ན་བདེན་པར་མི་འཛིན་པར། །སྐྲག་འདྲ་བསླང་ནི་ལོས་ཡིན་ཟེར། །དགེ་བའི་ཕན་ཡོན་ཞིག་བཤད་ན། །འོ་ན་མང་པོ་ཅི་དགོས་ཟེར། །དམ་པའི་རྣམ་ཐར་ཞིག་བརྗོད་ན། །མི་བདེན་བསྟོད་ར་ཙམ་ཡིན་ཟེར། །སངས་རྒྱས་གསུང་ལས་ཡིད་མེ་ཆེས། །སྲོག་བཅད་འབྲས་བུ་ཚེ་ཐུང་ཞིང…

འདི་ན། །གྲུབ་མཐའ་རྣམ་པ་སྣ་ཚོགས་སྣང་། །འདི་དག་རྣམས་ལ་སྨོད་མི་རུང་། །སྤྱན་རས་གཟིགས་སོགས་སངས་རྒྱས་དང་། །བྱང་ཆུབ་སེམས་དཔས་གདུལ་བྱ་ཡི། །བློ་དང་འཚམ་པར་གསུངས་བ་སྟེ། །དེའི་ཕྱིར་ཕྱི་རོལ་མུ་སྟེགས་པ། །སོགས་ཀྱི་ཆོས་ལའང་སྨོད་མ་རུང་། །ཕྱོགས་བཅུའི་སངས་རྒྱས་བྱང་སེམས་ཀྱིས། འགྲོ་བ་གང་འདུལ་སྤྲུལ་བ་སྟོན། །སངས་རྒྱས་བྱང་…

སྔར་བཞིན་ལྷ་ཚོགས་གཅིག་མ་མཐོང་། །ཕྱག་སྐོར་མང་བོ་བྱས་པའི་འཕྲོར། །སྒྲོལ་མ་ཁྲོ་གཉེར་ཅན་སོགས་མཐོང་། །རྩ་རུ་སོང་བས་སྨུག་པས་བཏུམས། །གཞལ་ཡས་ཁང་སྒོ་འབྱེད་མ་ཐུབ། །ཕྱག་སྐོར་མང་བྱས་ནང་དུ་ཐར། །སྔར་དང་མི་འདྲ་ཅི་ཡིན་ཞུས། །ལན་དུ་ཁྱོད་ཀྱིས་ལམ་བར་ནས། །ཚུལ་ཁྲིམས་འཆལ་བའི་མི་དེ་ཡི། །བཙུན་པའི་ཆ་ལུགས་ཕུད་པས་བསྒྲིབས། །མི་ད…

མཐའ་ལ་ཐར། །དེ་ལ་འཁོར་བ་མཐའ་ཅན་ཟེར། །སྡོམ་པ་མ་ཞུས་མི་དགེའི་ལས། །སྤྱད་པ་འཁོར་བའི་གནས་འདི་ནས། །ནམ་ཡང་ཐར་བའི་དུས་མི་འབྱུང་། །དེ་ལ་འཁོར་བ་མཐའ་མེད་ཟེར། །མེ་ཏོག་ཙམ་པ་ཀ་བརྙིངས་ཀྱང་། །མེ་ཏོག་ཕལ་བའི་དོ་ཟླ་མིན། །དགེ་སློང་ཅི་ལྟར་ངན་ན་ཡང་། །ཐ་མར་སྐྱེ་བོའི་སྨད་བྱ་མིན། །དེ་སྐད་བཅོམ་ལྡན་འདས་ཀྱིས་གསུངས། །མ་འོངས་ཐུག་…

པ་ཐམས་ཅད་ཀྱིས། །རབ་བྱུང་ཙམ་གྱིས་ཆོག་སྙམ་ནས། །སྡོམ་པ་མ་བསྲུང་ཉེས་པ་ཆེ། །རྩ་བ་ཉམས་པ་སྨོས་ཅི་དགོས། །འདུལ་ཁྲིམས་ཕྲ་བ་ཉམས་ན་ཡང་། །གསོ་སྦྱོང་བཤགས་བསྡོམས་མ་བྱས་ན། །ཤི་ན་ཕྱི་མར་ཀླུ་རུ་སྐྱེ། །བྱེ་ཚན་ཉི་ཚན་ཁྱུང་སོགས་ཀྱིས། །འཇིགས་པ་སོགས་ཀྱི་སྡུག་བསྔལ་མྱོང་། །དེ་དག་བཟོད་པར་ག་ལ་ནུས། །ད་ལྟ་ཀུན་གྱིས་ཆོས་པར་བརྩི། །…

བལྟ་ས་ལྟ་མཁན་རོ་གཅིག་ཏུ། །འདྲེས་ནས་འདི་ཡིན་དེ་ཡིན་དང་། །འདི་བསྒོམ་དེ་བསྒོམས་གཅིག་ཀྱང་མེད། །ཁ་རོག་བསྡད་པ་འདྲ་ཞིག་འབྱུང་། །དཔེར་ན་སྤྲིན་མེད་སྟོན་གྱི་མཁའ། །དེ་ལ་ཇེ་གསལ་འགྲོ་རྒྱུ་དང་། །མི་གསལ་སྒྲིབ་རྒྱུ་མེད་པ་བཞིན། །དེ་ཚེ་མཉམ་གཞག་ངོ་བོ་དེ། །དེ་ལས་ཇེ་གསལ་འགྲོ་རྒྱུ་དང་། །མི་གསལ་འགྲིབ་རྒྱུ་མེད་པ་ཡིན། །དེ་ཚ…