ཞིང་ཁམས་གྲངས་མེད་མཐོང་། །ཚེས་བཅུའི་ཉིན་པར་བདུག་སྤོས་དང་། །མེ་ཏོག་མར་མེ་ལྷ་བཤོས་སོགས། །མཆོད་པ་བཟང་པོ་སུས་ཕུལ་བ། །ཚེ་འདིར་ཟས་ནོར་ལོངས་སྤྱོད་འཕེལ། །ཕྱི་མར་གཟུགས་བཟང་གཟི་བརྗིད་ཆེ། །བསོད་ནམས་ཅན་དུ་སྐྱེ་བར་འགྱུར། །ཚེས་བཅུར་ཚོགས་པ་ཐམས་ཅད་ལ། །བཟའ་བ་བཟང་པོ་སུས་དྲངས་ན། །སྐྱེ་བ་འདི་དང་སྐྱེ་བ་གཞན། །སངས་རྒྱས་གོ་…

རིགས་སུ་སྐྱེ་བ་དང་། །གཞན་གྱིས་མཆོད་ཅིང་བཀུར་བར་འགྱུར། །ཚེས་བཅུ་ལན་གཅིག་ཙམ་བཟུང་ན། །བསྐལ་བ་ཁྲི་ཕྲག་གཅིག་ཙམ་ལ། །བསགས་པའི་སྡིག་པ་ཀུན་དག་ནས། །ཕྱི་མ་རིག་འཛིན་ས་ཐོབ་ཅིང་། །གཞན་ཡང་ཚེས་བཅུ་ལན་གཅིག་ཙམ། །བཟུང་ན་བསྐལ་བ་གྲངས་མེད་གསུམ། །སྡིག་པ་དག་ནས་ཕྱི་མ་རུ། །དཔའ་བོ་མཁའ་འགྲོའི་གྲལ་དུ་སྐྱེ། །ཀུན་གྱི་ཚོགས་དཔོན་བྱ…

བཟུང་བའི་ཕན་ཡོན་ནི། །བཤད་ན་བརྗོད་ཀྱིས་མི་ལང་ངོ་། །དེ་ཕྱིར་ཚེས་བཅུ་འཛིན་པ་ཀུན། །དགའ་ཞིང་སྤྲོ་བས་ཇ་བཟང་ཐོངས། །ཚེས་བཅུ་ཉམས་པ་ཐམས་ཅད་ཀྱིས། །སླར་ཡང་གསོས་ནས་གང་ལེགས་གྱིས། །ཚེས་བཅུར་འཚོགས་པའི་སྔགས་འཆང་དང་། །ཨ་མཆོད་རྣམས་ཀྱིས་ཉིན་གཅིག་པུར། །འགྲིག་ལམ་ཀུན་སྤྱོད་ལ་སོགས་པས། །དད་ཅན་དང་བ་འདྲེན་པར་གྱིས། །ཧ་ཅང་ཆང་མང…

པའི། །མི་དེ་གདོན་གྱིས་ཟིན་པ་འམ། །ཡང་ན་ཡི་དྭགས་སྐྱེ་མཐའ་ཡིན། །ཚེས་བཅུར་གནོད་འཚེ་བྱེད་པ་ཀུན། །ཨོ་རྒྱན་པདྨས་བསླུ་བར་འགྱུར། །སྣང་སྲིད་ལྷ་འདྲེས་ཟ་ཁ་ཟུག །མི་ཁ་གྲ་མཆུ་རྒྱུན་དུ་སྡང་། །ཕྱི་མར་ངན་སོང་གནས་སུ་སྐྱེ། །དེ་ཕྱིར་འགལ་རྐྱེན་མ་བྱེད་ཅིག །ཚེས་བཅུའི་མཐུན་རྐྱེན་བསྒྲུབ་པ་ལ། །གོང་དུ་བཤད་པའི་ཕན་ཡོན་རྣམས། །འབྱ…

སྐྱེས་ནས་བྱང་ཆུབ་ཐོབ་པར་ཤོག །ཅེས་པ་འདི་ཡང་ཚོགས་དྲུག་རང་གྲོལ་གྱིས་སྨྲས་པའོ། །བོད་ཡུལ་སྐྱེ་དགུ་ཐམས་ཅད་ལ། །སྔོན་གྱི་རྒྱལ་བ་ལས་ལྷག་པའི། །བཀའ་དྲིན་ཆེ་བའི་ཇོ་བོ་ལ། །གསོལ་བ་འདེབས་སོ་བྱིན་གྱིས་རློབས། །ཚེ་རབས་འཁོར་བ་ཐོག་མེད་ནས། །ཐ་མ་ད་ལྟ་ཐུག་གི་བར། །འཁོར་བ་སྤྱི་དང་ཁྱད་པར་དུ། །ངན་སོང་སྡུག་བསྔལ་བསམ་མི་ཁྱབ། །མྱ…

འདི་འདྲའི་དལ་འབྱོར་གྱི། །ལུས་རྟེན་ཤིན་ཏུ་རྙེད་པར་དཀའ། །དལ་འབྱོར་བྱས་པའི་དོན་གང་ཡིན། །ཟེར་ན་མི་ཁོམ་གནས་བརྒྱད་དང་། །བྲལ་བས་དལ་བ་ཟེར་བ་ཡིན། །དམ་ཆོས་སྒྲུབ་པའི་མཐུན་རྐྱེན་དུ། །རང་འབྱོར་ལྔ་དང་གཞན་འབྱོར་ལྔ། །བཅུ་ཚང་བས་ན་འབྱོར་བ་ཟེར། །མི་ཁོམ་བརྒྱད་ནི་གང་ཡིན་ན། །དམྱལ་བ་ཡི་དྭགས་དུད་འགྲོ་དང་། །ཀླ་ཀློ་ཚེ་རིང་ལྷ…

གི །ལུས་ཐོབ་པ་ལ་ཚུལ་ཁྲིམས་སོགས། །དགེ་བ་སྣ་གཅིག་ཙམ་བྱེད་དགོས། །ཁྱད་པར་དལ་འབྱོར་མི་ལུས་ཤིག །ཐོབ་ལ་ཚུལ་ཁྲིམས་རྣམ་དག་གིས། །གཞི་བཟུང་སྦྱིན་པ་ལ་སོགས་པའི། །གྲོགས་བྱས་སྨོན་ལམ་དྲི་མེད་ཀྱིས། །མཚམས་སྦྱོར་བ་སོགས་དགེ་བའི་ལས། །མང་པོ་འཛོམས་ནས་ཐོབ་དགོས་ན། །ངན་སོང་གསུམ་ན་སྡུག་བསྔལ་གྱིས། །གཟིར་བས་དགེ་སེམས་ཙམ་སྐྱེ་དཀའ…

རྒྱུ་དེ་གསུམ་ཀ་ཚང་བ་ནི། །ཉིན་པར་སྐར་མ་བཞིན་དུ་དཀོན། །རང་ལ་དཔྱད་ན་དགེ་བའི་ལས། །གཙང་མ་བློ་བདེ་ངེས་པ་ཞིག །ཉི་མ་གཅིག་ཙམ་བྱས་པ་ཡང་། །མི་དྲན་དགེ་བའི་གྲངས་ནི་ཉུང་། །སྡིག་པ་མི་དགེ་ཞར་ཞོར་ལ། །ཉིན་རེ་བཞིན་དུ་བསགས་པ་ཡང་། །རྒྱལ་པོ་ཆེན་པོའི་དཀོར་མཛོད་བཞིན། །གང་ལ་བལྟས་ན་བསགས་འདུག་པས། །ད་རེ་ཚེ་ཞབས་འདི་ཉིད་ལ། །གཏན་…

ནས་ཤར་གྱི་ཕྱོགས་སུ་འཕྱོ། །དེ་བཞིན་ཕྱོགས་མཚམས་ཐམས་ཅད་ཀྱི། །རླུང་གིས་དེད་ནས་འཕྱོ་བ་དེའི། །བུ་གར་རུས་སྦལ་མགྲིན་པ་ནི། །ཆུད་དམ་མི་ཆུད་སངས་རྒྱས་ཀྱིས། །འཁོར་ལ་གསུངས་པས་འཁོར་རྣམས་ཀྱིས། །རྒྱ་མཚོའི་ཁ་ནི་ཆུང་ན་ཆུད། །སྲིད་ཀྱི་རྒྱ་མཚོའི་ཁ་དེ་ཆེ། །གསེར་གྱི་གཉའ་ཤིང་བུ་ག་མང་། །རྟག་ཏུ་ཕྱོགས་གཅིག་བསྡད་ན་ཆུད། །སྲིད་ཀྱ…

བསམ་པ་ཡིན་དབྱར་དུས་སུ། །སྲིན་བུ་ཤིན་ཏུ་མང་བའི་དུས། །ས་གཞི་ཕྱར་བ་ཙམ་ཞིག་གི །སྟེང་ན་དུད་འགྲོ་ཆུང་ངུ་ནི། །བརྩིས་ན་གྲངས་ཀྱིས་མི་ལང་ཡོད། །གྲོག་ཚང་ཆེན་པོ་ཞིག་ལ་ཡང་། །ཡུལ་གྲོང་ཞིག་གི་མི་ལས་མང་། །ལུང་ཕྲན་ཞིག་གི་སྲིན་བུ་ལ། །བོད་ཡུལ་མི་ཡི་གྲངས་ཙམ་ཡོད། །དུད་འགྲོ་ཁ་འཐོར་འདི་རྣམས་ལས། །དུད་འགྲོ་བྱིངས་ན་གནས་པ་མང་།…

བའི་སྟབས་ཀྱིས་དཀའ། །གལ་ཏེ་ངན་འགྲོར་སྐྱེ་ན་ཡང་། །ལས་ངན་ཟད་ནས་སླར་ཡང་མིའི། །ལུས་ཐོབ་ལོས་འོང་མི་དཀའོ། །སྙམ་ན་ངན་འགྲོའི་སྡུག་བསྔལ་ནི། །མྱོང་ཞིང་སྐབས་སྐབས་སྡིག་ལས་བྱེད། །ངན་འགྲོའི་གནས་ནས་ཤི་འཕོས་ཀྱང་། །སླར་ཡང་ངན་འགྲོའི་གནས་སུ་སྐྱེ། །མི་ལུས་ཐོབ་པ་ཕར་ལ་ཞོག །བདེ་འགྲོའི་སྒྲ་ཡང་ཐོས་པ་དཀའ། །ངན་འགྲོའི་གནས་ནས་ཤི…

རྒྱས་ཀྱི། །གོ་འཕང་འདི་ལ་བརྟེན་ནས་འཐོབ། །ནུས་པས་ཡིད་བཞིན་ནོར་ལས་ལྷག །ཡིད་བཞིན་ནོར་བུ་ཟས་གོས་སོགས། །ལོངས་སྤྱོད་འབྱུང་ཡང་དེ་ལྟ་བུའི། །གོ་འཕང་འཐོབ་པའི་ནུས་པ་མེད། །དེས་ན་ད་རེ་ཡིད་བཞིན་གྱི། །ནོར་བུ་ལས་ལྷག་དལ་འབྱོར་གྱི། །མི་ལུས་ཡང་ཡང་རྙེད་དཀའ་བ། །རྙེད་ནས་བླ་མ་དམ་པ་བསྟེན། །ཟབ་མོའི་གདམས་པ་རང་ཉམས་སུ། །ལེན་པའི…

གསུང་། །མཁན་ཆེན་བོ་དྷི་སཏྭ་ལ། །གསོལ་བ་འདེབས་སོ་བྱིན་གྱིས་རློབས། །རྙེད་དཀའི་དལ་འབྱོར་མི་ལུས་ཐོབ། །ཕྲད་དཀའི་བླ་མ་དམ་པར་ཕྲད། །ཞུགས་པར་དཀའ་བའི་ཆོས་སྒོར་ཞུགས། །ཤེས་པར་དཀའ་བའི་བླང་དོར་ཤེས། །ཐར་དཀའ་འཁོར་བའི་རྒྱ་མཚོ་ལས། །ཐར་ནས་བྱང་ཆུབ་གླིང་དུ་འགྲོ། །ཐུབ་པའི་མཐུན་རྐྱེན་འཛོམས་པ་འདི། །ཕོ་སྒོ་མོ་སྒོས་ཐོབ་པ་མིན།…

ཕོ་རྒོད་མི་རྒོད་ད་རེས་ཤེས། །ད་རེས་མི་ལུས་རིན་པོ་ཆེ། །ཆུད་ཟོས་སྟོང་ལོག་མ་སོང་བར། །ཚེ་རབས་གཏན་དུ་བདེ་སྐྱིད་པའི། །སོ་ནམ་དམ་པའི་ཆོས་བསྒྲུབས་ན། །གྲུང་པོ་སྤྱང་པོ་རྒོད་པོ་ཡིན། །ད་རེས་ཆོས་ཤིག་མ་བྱས་ན། །ཁོག་ན་དོན་སྙིང་མེད་པ་འམ། །ཡང་ན་སྨྱོ་འཚབ་ཆེ་བ་ཡིན། །རང་གིས་རང་ཉིད་བསླུས་པ་ཡིན། །རང་གིས་རང་མགོ་བསྐོར་བ་ཡིན། …

དང་། །ལོངས་སྐུ་རྒྱལ་བ་རྡོ་རྗེ་འཆང་། །སྤྲུལ་སྐུ་ཤཱཀྱ་ཐུབ་པ་སོགས། །ཕྱོགས་བཅུའི་རྒྱལ་བ་སྲས་བཅས་རྣམས། །གར་བཞུགས་ཞིང་ནས་གནས་འདིར་བྱོན། །མདུན་གྱི་ནམ་མཁར་འཇའ་འོད་ཀློང་། །པདྨ་ཉི་ཟླའི་གདན་ལ་བཞུགས། །སྨོན་ལམ་འགྲུབ་པའི་དཔང་པོ་མཛོད། །བདག་གིས་འདིས་མཚོན་དུས་གསུམ་དུ། །བསགས་པའི་རྣམ་དཀར་དགེ་བའི་མཐུས། །སངས་རྒྱས་བསྟན་པ…

སྐྱེ་བ་ཀུན་ཏུ་རྣམ་དག་གི །ལམ་དང་འབྲལ་བར་མ་གྱུར་ཅིག །བདག་ནི་ནམ་ཞིག་སངས་རྒྱས་ཚེ། །སེམས་ཅན་སྤྱི་དང་ཁྱད་པར་དུ། །འབྲེལ་ཐོགས་ཀུན་གྱིས་ཐོག་མར་དྲངས། །འཁོར་གྱི་ཐོག་མར་འགྱུར་བར་ཤོག །བདག་ནི་མཐོང་ཐོས་དྲན་རེག་ཀུན། །ཚེ་འདིར་ཚེ་དང་བསོད་ནམས་རྒྱས། །ཕྱི་མར་མངོན་མཐོ་ལྷ་མི་འམ། །ངེས་ལེགས་ཐར་བའི་བདེ་ཐོབ་ཤོག །མདོར་ན་སེམས་ཅ…

གཏིབས་པ་ལྟ་བུར་བཞུགས། །རྒྱལ་ཁམས་སྤྱི་དང་ཁྱད་པར་དུ། །གངས་ཅན་བོད་ཡུལ་མི་ཕྱུགས་རྣམས། །རྟག་ཏུ་བདེ་ཞིང་སྐྱིད་པའི་ཕྱིར། །བཀྲ་ཤིས་རྟགས་བརྒྱད་རྒྱལ་སྲིད་བདུན། །བཀྲ་ཤིས་རྫས་བརྒྱད་བདུད་རྩི་དང་། །ཨ་རུ་རྣམ་རྒྱལ་ལ་སོགས་པའི། །གང་ལ་གང་འདོད་ཆར་འབེབས་ཤིང་། །རོལ་མོ་དུ་མའི་སྒྲ་དང་བཅས། །ཤིས་བརྗོད་གླུ་དབྱངས་སྒྲོག་པར་གྱུར…

གྲོལ། །མཐུ་མེད་མཐུ་ལྡན་མགྲོན་པོ་རྣམས། །ལམ་སྐབས་བདེ་ཞིང་དོན་རྣམས་ཀུན། །བསམ་བཞིན་འགྲུབ་པའི་བཀྲ་ཤིས་ཤོག །གྲུ་དང་གྲུ་ཆེན་ཞུགས་པ་རྣམས། །ཆུ་ཡི་ངོགས་སུ་བདེར་ཕྱིན་ཅིང་། །མྱ་ངན་ལམ་གོལ་མགྲོན་པོར་ཕྲད། །བདེ་བླག་བགྲོད་པའི་བཀྲ་ཤིས་ཤོག །ལོངས་སྤྱོད་ཕུན་སུམ་ཚོགས་ལྡན་ཞིང་། །ཕན་ཚུན་འཐབ་རྩོད་མེད་པ་དང་། །ལྷ་ཡི་ཡུལ་བཞིན་…

སྤངས་ནས་དགེ་བའི་ལས། །རྟག་ཏུ་བྱེད་པའི་བཀྲ་ཤིས་ཤོག །སྒོས་སུ་གངས་ཅན་བོད་ཡུལ་གྱི། །ས་བཅུད་ཉམས་པ་སླར་འཕེལ་ནས། །མི་ཕྱུགས་རྫོགས་ལྡན་དུས་བཞིན་དུ། །བདེ་ཞིང་སྐྱིད་པའི་བཀྲ་ཤིས་ཤོག །ཡང་སྒོས་ཡུལ་འདིའི་མི་ཕྱུགས་ཀུན། །ཉིན་མོ་གང་དུ་སོང་ཡང་བདེ། །མཚན་མོ་གང་དུ་ཉལ་ཡང་བདེ། །རྟག་ཏུ་བདེ་བའི་བཀྲ་ཤིས་ཤོག །མདོར་ན་འགྲོ་ཀུན་སྡ…

༈ མཚོ་སྙིང་མ་ཧཱ་དེ་བ་ནས་ཡུལ་ཕྱོགས་གདུལ་བྱས་ཞུས་ལན་ཆབ་ཤོག་གི་སྐོར། ན་མོ་གུ་རུ། ཕུན་ཚོགས་ཚོགས་གཉིས་ཀྱིས་བསྐྲུན་སྐུ་མཆོག་མཚན་དཔེའི་དཔལ་དུ་འབར། །གསུང་སྙན་སྙན་འཇེབས་ཚངས་དབྱངས་ཆོས་སྒྲས་འཇིག་རྟེན་གསུམ་པོ་འགེངས། །ཟབ་གསལ་གསལ་སྟོང་ཐུགས་ནི་སྲིད་ཞིར་མི་གནས་ཆོས་ཀུན་གཟིགས། །ཕ་མ་མ་གྱུར་འགྲོ་བའི་སྐྱབས་གཅིག་ཆོས་རྒྱལ…