འདེབས། །རྒྱལ་བ་རྣམས་ཀྱིས་གསུངས་པའི་དམ་ཆོས་རྣམས། །རང་གཞན་རྒྱུད་ལ་སྐྱེ་བར་བྱིན་གྱིས་རློབས། །སྙིགས་མའི་དུས་འདིར་ཆོས་དང་གང་ཟག་ལ། །ཕྱོགས་མེད་དད་གུས་དག་སྣང་སྦྱོང་ཚུལ་དང་། །དམ་པ་གོང་མའི་རྣམ་ཐར་གསུང་བཞིན་དུ། །ཉམས་ལེན་བྱེད་ཚུལ་གླེགས་བམ་བཟང་པོ་འདིས། །པར་གྱི་ཁ་མགོ་བློ་ལྡན་མཁན་པོས་མཛད། །པར་ཡིག་བཟང་པོ་བསྐལ་བཟང་ས…

དར་ཞིང་རྒྱས་པ་དང་། །རྒྱལ་ཁམས་ཡོངས་ལ་བཀྲ་ཤིས་ལོ་ལེགས་ཤིང་། །བཀྲ་ཤིས་ཆེན་པོས་ས་གསུམ་ཁྱབ་གྱུར་ཅིག །ཅེས་བསྟན་འགྲོ་ཡོངས་ལ་ཕན་པའི་ཨོ་རྒྱན་སྤྲུལ་པའི་གླེགས་བམ་གྱི་པར་བྱང་ཉུང་འདུས་འདི་ནི། ཕྱོགས་མེད་རྒྱལ་ཁམས་འགྲིམས་པའི་རྣལ་འབྱོར་པ་གུ་ཡངས་ཡན་པ་བློ་བདེ་ཞབས་དཀར་པས། ཉམས་དགའ་རིག་པ་དྭངས་པའི་དབེན་གནས་བཀྲ་ཤིས་འཁྱིལ་པ…

ཆོས་བཤད་གཞན་ཕན་ཉི་མ་ཞེས་བྱ་བ་བཞུགས་སོ། །

དང་པོར་བྱང་ཆུབ་མཆོག་ཏུ་ཐུགས་བསྐྱེད་ནས། །བར་དུ་གྲངས་མེད་བསྐལ་པར་ཚོགས་གཉིས་བསགས། །ཐ་མར་མངོན་པར་རྫོགས་པར་སངས་རྒྱས་ནས། །ཆོས་འཁོར་བསྐོར་བའི་སྟོན་པར་མགོས་ཕྱག་འཚལ། །སངས་རྒྱས་བསྟན་པའི་ཉི་མ་འོད་པོ་ཆེ། །བོད་ཡུལ་མུན་པའི་གླིང་འདིར་འདྲེན་མཁས་པའི། །སྔོན་བྱོན་རྒྱལ་བློན་པཎ་གྲུབ་ཐམས་ཅད་ཀྱི། །སྐུ་དྲིན་ཡང་ཡང་དྲན་བཞིན་…

རྩ་བའི་བླ་མ་རྣམས། །མི་འབྲལ་སྤྱི་གཙུག་འཁོར་ལོའི་རྒྱན་དུ་བཞུགས། །བདག་གཞན་སྨིན་ཅིང་གྲོལ་བར་བྱིན་གྱིས་རློབས། །མི་ལུས་རྙེད་དཀའ་འཆི་བ་མི་རྟག་པ། །ངན་སོང་ངན་འགྲོའི་སྡུག་བསྔལ་ལེགས་བསམས་ནས། །མི་དགེ་སྤངས་ནས་དགེ་བ་སྒྲུབ་པའི་ཚུལ། །བླ་མ་རྣམས་ཀྱི་གསུང་བཞིན་བཤད་པར་བྱ།། ༈ །།འོ་འགྲོ་བ་ཡོངས་ཀྱི་སྔོན་ནས་མ་འདྲིས་པའི་མཛའ…

བསྐྱེད། བར་དུ་བསྐལ་ཆེན་གྲངས་མེད་གསུམ་དུ་ཚོགས་བསགས། མཐར་མངོན་པར་རྫོགས་པར་སངས་རྒྱས་ཏེ། ཡུལ་རྒྱ་གར་བྱ་རྒོད་ཕུང་པོའི་རི་སོགས་ནས་མཚན་དཔེས་མཛེས་པའི་སྐུའི་འོད་ཀྱིས་ཕྱོགས་ཀུན་འགེངས་བཞིན་ཡན་ལག་དྲུག་ཅུའི་གསུང་གིས་ལྷ་ཀླུ་གནོད་སྦྱིན་གྲུལ་བུམ་སོགས་འགྲོ་བ་སོ་སོའི་སྐད་དུ་ཆོས་ཀྱི་ཕུང་པོ་བརྒྱད་ཁྲི་བཞི་སྟོང་གསུངས་པ་ཐ…

ནས་སྡུག་བསྔལ་མྱོང་ཞིང་། དགེ་བ་བྱས་པ་རྣམས་ཀྱིས་མངོན་མཐོ་ངེས་ལེགས་ཀྱི་གོ་འཕང་ཐོབ་ནས་བདེ་ཞིང་སྐྱིད་པས་ན། སྡུག་བསྔལ་མི་འདོད་པར་བདེ་སྐྱིད་འདོད་པ་རྣམས་ཀྱིས། ཚེ་འདིར་སྡུག་བསྔལ་གྱི་རྒྱུ་མི་དགེ་བ་ཆུང་ངུ་ལ་ཡང་འཛེམ། བདེ་བའི་རྒྱུ་དགེ་བ་མཐའ་དག་སྒྲུབ་ཅེས་གསུངས་པ་ངས་འདིར་ཁྱེད་རྣམས་ལ་བཤད་རྒྱུའི་ཆོས་སོ། །ཆོས་བཤད་དེ་…

པར་བཤད་ན་ཁོང་རྣམ་པ་གོ་རིགས་བཟང་བའི་མཁས་པ་རྣམས་ཀྱིས་ཉན་ན་ཚིག་རྣ་བར་སྙན་ཅིང་བསམས་ན་དོན་སེམས་ལ་ཕན་པས་བཟང་ཀྱང་ཁྱེད་ཆོས་ངོ་མི་ཤེས་པའི་ཁྱིམ་པ་ཕོ་མོ་རྣམས་ཀྱིས་ཉན་ན་ཚིག་མི་གོ །བསམས་ན་དོན་མི་ཤེས་ཚེ། ཆོས་ཐུན་རིང་ན་སྐབས་ཤིག་ཉན་ན་ཡང་མི་འདོད། ཡུལ་དུ་སོང་ན་འགའ་རེས་དེ་རིང་བླ་མས་ཆོས་ཅི་གསུང་གི་དྲིས་ན། ཆོས་མང་པོ་གསུ…

མཁའི་མཐའ་དང་མཉམ་པའི་སེམས་ཅན་ཐམས་ཅད་ཀྱི་དོན་དུ་འཐོབ་བྱ་བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་ཅི་ནས་ཀྱང་མྱུར་བ་མྱུར་དུ་ཐོབ་པར་བྱ། དེའི་ཕྱིར་དུ་མཚན་ལྡན་གྱི་བླ་མ་འདིའི་དྲུང་ནས་དེ་རིང་ཉིན་དམ་པའི་ལྷ་ཆོས་ཉན་པར་བྱའོ་སྙམ་པའི་གསེར་སྦྱངས་བཙོ་མ་ལྟ་བུའི་བྱང་ཆུབ་ཀྱི་སེམས་ཡག་པོ་དེ་སྔོན་དུ་བཏང…

ངན་སོང་གསུམ་དང་ངན་འགྲོའི་རིགས་སུ་སྐྱེས་ན་སྡུག་བསྔལ་ཡོད་ཚུལ་དང་། དགེ་བའི་མཐུས་མངོན་མཐོ་ངེས་ལེགས་ཀྱི་གོ་འཕང་ཐོབ་ན་བདེ་སྐྱིད་ཆེ་ཚུལ་མ་ཤེས་པའམ། ཤེས་ཀྱང་མ་བསམ་པས་ལན་པ་ཡིན། དེ་བསམ་ཕྱིན་མི་དགེ་བ་སྤངས་ནས་ཆོས་མི་བྱེད་པའི་རང་དབང་མེད། འོ་ན་དལ་འབྱོར་རྙེད་དཀའ་ཇི་ལྟར་བསམ་དགོས་ཟེར་ན། དལ་འབྱོར་གྱི་མི་ལུས་རིན་པོ་ཆེ་…

ད་ཕྱིན་ཆད་མི་ལུས་ཤིག་ཐོབ་པ་ལ་རབ་འདུལ་ཁྲིམས་ཉིས་བརྒྱ་ལྔ་བཅུ་རྩ་གསུམ་བསྲུང་དགོས། དེ་མིན་ཀྱང་ཐ་ན་མི་དགེ་བཅུ་སྤོང་གི་ཚུལ་ཁྲིམས་ཙམ་ཞིག་ངེས་པར་བསྲུང་དགོས་ཏེ། མི་དགེ་བ་བཅུ་ནི། སྲོག་གཅོད། མ་བྱིན་ལེན། མི་ཚངས་སྤྱོད། རྫུན། ཕྲ་མ། ཚིག་རྩུབ། ངག་འཁྱལ། བརྣབ་སེམས། གནོད་སེམས། ལོག་ལྟ་འདི་རྣམས་ཡིན། འདི་རྣམས་མ་བྱས་ན་ཚུལ…

ཚོས་ཕར་ལྟོས་དང་། སྐྱེ་བོ་ཁྲི་ཕྲག་མང་པོ་འཚོགས་པའི་ཁྲོད་ན་རྒྱུ་དེ་གསུམ་སྒྲུབ་པ་ཉིན་པར་གྱི་སྐར་མ་ལྟར་དཀོན། བློ་ཁ་ཚུར་ལོག་ལ་རང་གི་སྤྱོད་ཚུལ་ལ་ལྟོས་དང་། རྒྱུ་དེ་གསུམ་སྒྲུབ་པ་ཕར་ཞོག །ཉིན་གཅིག་ཙམ་ཡང་དགེ་བ་གཙང་སིང་ངེ་བ་འདི་བྱས་ཞེས་དྲན་རྒྱུ་རིན་ཆེན་གསེར་བས་དཀོན། མི་དགེ་བཅུ་ཉིན་རེ་བཞིན་བྱས་པ་བགྲང་ན་ལམ་སྲང་དང་…

ཤེས་པར་བྱའོ་ཞེས་གསུངས། དཔེར་ན་གྱང་ངོས་སུ་སྲན་མ་གཏོར་ན་ས་ལ་ལྷུང་ནས་རེ་གཉིས་ཙམ་མ་གཏོགས་ཆགས་དཀའ་བ་ལྟར། སྲན་མ་ས་ལ་ལྷུང་བ་རྣམས་ངན་སོང་གསུམ་དང་ངན་འགྲོར་སྐྱེས་པའི་ཚོད་ཙམ་ཡིན། གྱང་ངོས་སུ་རེ་གཉིས་ཆགས་པ་མི་ལུས་རིན་པོ་ཆེ་ཐོབ་པའི་ཚོད་དང་མཉམ་ཞེས་སྔོན་གྱི་དམ་པ་འགའ་རེས་གསུངས། འོ་ན་དེ་འདྲ་ཡིན་ན་མི་མང་ངོ་སྙམ་ན། དེ་ང…

དེ་བཞིན་དུ་ས་སྟེང་ཐམས་ཅད་ན་ཡོད་པ་ཡིན། ས་ཕྱོགས་གཅིག་མིན། ས་སྟེང་གི་དུད་འགྲོ་འདི་རྣམས་ལས་རི་རབ་ཀྱི་ཆུ་མཚམས་མན་ཆད་ཀྱི་དུད་འགྲོ་མང་། དུད་འགྲོ་དེ་བས་ཡི་དྭགས་ཀྱི་སེམས་ཅན་མང་། ཡི་དྭགས་ལས་དམྱལ་བའི་སེམས་ཅན་རྣམས་མང་སྟེ། སངས་རྒྱས་ཀྱི་ཞལ་ནས། དམྱལ་བ་ནི་ས་ཆེན་པོའི་རྡུལ་ཙམ་མོ། །ཡི་དྭགས་ནི་བྱེ་མའི་གྲངས་ཙམ་མོ། །དུད་…

ལས་ལྷག །འདི་འདྲ་རྙེད་པ་ད་རེས་ཙམ་ཞིག་ཡིན། །ཞེས་གསུངས། དེས་ན་ད་ལྟ་ངེད་རང་ཚོས་གསེར་དངུལ་སྲང་གང་དོ་རེ་རྙེད་ནས། ཕྱི་ནས་བོར་སོང་ན། ཨ་ཁ། ཁོ་བོས་གསེར་རམ་དངུལ་དེ་ཕངས་ཟེར་འགྱོད་པ་སྐྱེ་ན། དེ་བཙལ་ན་རྙེད་པ་ཞིག་རེད། མི་ཁོམ་པའི་གནས་རྣམས་སུ་བསྐལ་བ་བརྒྱ་ཁྲིར་བཙལ་ཀྱང་རྙེད་དཀའ་བའི་མི་ལུས་རིན་པོ་ཆེ་ཡིད་བཞིན་གྱི་ནོར་བུ་…

བྱེད་པ་དེ་བས་ནི། །གང་ཞིག་མི་རུ་སྐྱེས་ནས་སྡིག་པའི་ལས། །བགྱིད་པ་དེ་ནི་ཆེས་རབ་བླུན་པ་ལགས། །ཞེས་གསུངས། ད་རེས་ཆོས་དར་བའི་ཡུལ་དུ་སྐྱེས་ནས། ཆོས་རྣམ་དག་ཅིག་མ་བྱས་ན། དཔེར་ན་རིན་པོ་ཆེའི་གླིང་དུ་ཕྱིན་ནས་ལག་སྟོང་མཆན་དུ་བཅུག་ནས་ཕྱིར་ལོག་པ་དང་འདྲ་སྟེ། འཕགས་པ་དཔའ་བོས། འདི་ན་རྨོངས་པ་བསོད་ནམས་གཏེར། །ཅུང་ཟད་ཙམ་ཞིག་མི…

དུད་འགྲོས་ཀྱང་ཤེས་ནས་བྱེད་པ་ཡིན་པས། ཆོས་མེད་ཕྱིན་ཆད་ནས་རྔ་མ་དང་རྭ་གཉིས་མེད་པ་མ་གཏོགས་དུད་འགྲོ་དང་ཁྱད་པར་སྤུ་ཙམ་ཡང་མེད་དེ། རང་རེས་ཚེ་འདིར་མི་གཞན་གྱི་མགོ་སྐོར་རྫུན་གཏམ་གླེང་འཐེན། རྐུས་བྱས་ཇག་ལ་སོང་ནས་རྒྱུ་ནོར་ཁྱེར་འོངས་ནས་ཕྱུག་པོར་བཏང་ན། དེ་ལ་བླུན་པོ་སེམས་མེད་འགའ་རེས་ཡིད་སྨོན་བྱས་བུ་རྒོད་པོ་ཟེར་བསྟོད་…

འགའ་རེས་ཇག་རྐུན་གཡོ་སྒྱུ་ཁྲམ་རྫུན་མ་བྱེད་བཞིན་རྒྱུ་ནོམ་བསགས་ཕྱུག་པོ་བྱས་ཀྱང་དེ་ལ་ཡང་བུ་དང་བུ་མོ་བཟང་པོ་མི་ཟེར། དེ་ཅིའི་ཕྱིར་ཞེ་ན། དཔེར་ན་གླང་རྒན་གྱིས་རྩྭ་ཆུ་འཐུངས་ནས་གྲོད་པུ་འགྲངས་པ་བཞིན། ཚེ་འདིའི་ཡུད་ཙམ་ཞིག་གི་བདེ་བ་ཡིན་པས་དོན་གོ་ཆུང་། འོ་ན་བུ་དང་བུ་མོ་བཟང་པོ་གང་ལ་ཟེར་ན། ཚེ་འདིར་མི་དགེ་བ་སྤངས་ནས། ད…

ལྔ་ཚང་། རྒྱལ་བའི་བསྟན་པ་དང་མཇལ། དགེ་བའི་བཤེས་གཉེན་གྱིས་ཟིན། ལྷ་ཆོས་བྱེད་དབང་ཡོད། བྱེད་ཐབས་ཤེས་པའི་དུས་འདིར། ཚེ་འདིའི་ཡུལ་མཁར་གཉེན་བཤེས་རྒྱུ་ནོམ་གང་ལའང་མ་ཆགས་པར་བྱས། ཚེ་རབས་གཏན་དུ་བདེ་ཞིང་སྐྱིད་པའི་སོ་ནམ་ལ་ཆོས་ཤིག་མི་བྱེད་པའི་ཐབས་མི་འདུག་སྙམ་དུ་བསམས་ནས། ཆོས་བྱེད་པ་ལ་བློ་ཐག་རྦད་ཆོད་བྱེད་དགོས་ཏེ། ཆོས་བ…

ད་བར་མ་ཤི་བ་བཟང་། མ་ཤི་ཡང་རྣམ་གཡེང་གི་དབང་དུ་སོང་ནས་ཆོས་ཤིག་མ་བྱས་པ་འདི་སྐྱོན་རེ་ཆེ་སྙམ་དུ་བློ་ཆོས་ལ་བསྐུལ་དགོས། དཔེར་ན་གསོད་སར་འཁྲིད་པའི་སེམས་ཅན་གྱིས་གོམ་པ་སྤོས་པ་ལྟར། ལོ་ཟླ་ཞག་དང་སྔ་དྲོ་ཕྱི་དྲོ་ཙམ་སོང་ནའང་འཆི་བདག་གི་དྲུང་དུ་ཐག་ཇེ་ཉེར་འགྲོ་བ་ཡིན་ཏེ། ཚོམས་ལས། དཔེར་ན་ངེས་པར་གསོད་པ་དག །གོམ་པ་གང་དང་གང་…