པས། དང་པོ་ཐག་འདོམ་གང་ལ་བྲེང་གི་འགྲོ །དེ་ནས་ཐག་པས་འཐེན་པ་དང་བསྐོར་བསྐོར་བྱས་པས། ཐག་པ་རིང་པོ་རྟོད་ཕུར་ལ་དཀྲིས་ནས། ཨོལ་ཀོ་ཕུར་པ་ལ་བཀལ་སྡོད་པ་མིན་པ་འཁྱོག་ཐབས་མེད་པ་འོང་། དེ་བཞིན་དུ་དང་པོ་ཆོས་ཤིག་བྱེད་སྙམ་རྒྱུག་ཀྱང་། ཚེ་འདིའི་ཟས་གོས་སོགས་ལ་ཞེན་པའི་རྟོད་ཕུར་མ་ཕྱིན་པས། འཁྱོག་ཐབས་མེད་པ་རེ་ཡོང་བར་སྣང་། དགེ་བ…

ཡོང་། རྩིད་བུ་ཆུ་མི་འདོད་པ་ལ་ཁ་ཆུར་བཅུག་ཀྱང་འགོས་པ་ཚུན་ཆད་སྤྲུག་ཏུ་འོང་། དེ་བཞིན་དུ་ཚེ་འདིའི་ཞེན་པ་བཙན་ཐབས་སུ་བཅད་ནས་ཆོས་ཤིག་མ་བྱས་ན། དེ་ནས་ཞེན་པ་མི་སྤོང་བར་ཕར་བསྐུལ་ཡང་ཚུར་སྨྲ་རུ་འོང་། སྔར་བསླབ་པ་ཚུན་ཆད་མེད་པར་བྱེད་གསུངས། གཡག་རྨེད་དེ་དམ་ན་རྨ་འཆོས་ཁལ་མི་བརྟན། དེ་བཞིན་དུ་ཚེ་འདི་ལ་གློད་མ་ཐོན་པས། རང་གཞ…

ཆོས་ཁ་དམས་ནས། མཐོན་པོ་རང་ཞིག་འཚོལ། མཐར་གང་ཡང་མིན་པ་རེ་འོང་བར་གདའ། །ཡང་མི་ཀོ་རློན་གྱིས་བཏུམས་པ་དེ་དང་པོ་ལྷོད་ལྷོད་འདྲ་ཡང་བསྐམས་ནས་འཁྱོག་ཐབས་མེད་པར་བསྡམས་ནས་ན་ཚ་བསྐྱེད། གྲི་རྣོན་གཅིག་གིས་དེ་ཧྲལ་ན་སྐྱིད་ལྷན་གྱིས་འགྲོ། དེ་བཞིན་དུ་ཚོམས་ལས། ནོར་བུ་རྣ་ཆ་བུ་དང་བུ་མོ་ལ། །ཡོངས་སུ་ཆགས་སེམས་གང་ཡིན་པ་བལྟས་ན། །ལྕ…

ལྔ་ཆ་ཡིན། ལྟོའི་ཞེན་པ་འདི་ཡང་ཧྲལ་བར་དཀའ་གསུངས། དམག་འཐབ་པའི་དུས་གཞུ་འཕོངས་བྱེད་དུས་རྨོག་གིས་མ་བདེ་བ་ལ། རྐང་ཆས་ཕུད་པས་མི་ཕན། རྨོག་དེ་རང་ཅི་ཕུད་བྱེད་དགོས། འབེན་དྲུང་དུ་བཞག་ནས་མདའ་རྒྱང་དུ་འཕེན། རྐུན་མ་ནགས་ལ་སོང་བའི་རྗེས་སྤང་ལ་གཅོད། འདྲེ་ཤར་དང་གླུད་ནུབ། ཆོས་མ་བྱུང་ཚད་ཚེ་འདི་མ་སྤངས་པས་ལེན་འདུག་པ་ལས། མཐོན་…

ནས། ད་ལྟ་མི་དགོས་ཀ་མེད་ཀྱི་བཟའ་བཏུང་མི་ཁྱེར་བར་ནམ་ཕུག་ཕན་དུ་རེ་བའི་གསེར་དངུལ་འདྲ་འཁྱེར་ཡོང་བར་འདྲ་བར་སྣང་། ཁས་བརྒྱ་སྨྲ་ཞེས་པ། ཁམས་པ་རྣམས་གཏམ་གཏོང་དུས་ཁས་བརྒྱ་སྨྲ། རྔ་མ་སྟོང་གཡུགས་ཀྱང་དོན་འདི་ཡིན་ཞེས། གཏམ་གྱི་མདོ་རེ་སྨྲ། དེ་བཞིན་དུ་ཐོས་བསམ་སྒོམ་གསུམ་ཅི་བྱས་ཀྱང་། ཆོས་མ་བྱུང་བ་ཚེ་འདིའི་སྐྱིད་འདོད་འདིས་…

ལགས་ཏེ། ཕ་ཡུལ་མེས་བཙན་ཞིག་དང་གཏན་བྲལ་བྱས་ཟེར་ལོ། དེ་བཞིན་ཚེ་འདིའི་མིག་ཉེས་འདིས། འདོད་ཡོན་རེ་དང་མྱོང་སྟེ། མཐོ་རིས་ཐར་པ་དང་གཏན་བྲལ་བྱས་གསུངས། ཐེམ་རྩ་ཞེས་པ་འདི་ནས་རྒྱ་གར་དུ་འགྲོ་བ་ལ་དཔག་ཚད་བརྒྱའི་ཕ་རོལ་གྱི་གཡང་ས་རྩད་གཅོད་པ་མིན་པ། ཐེམ་རྩའི་གཡང་ལ་ཟོན་མ་བྱས་པས་དེར་ལྷུང་ནས་ཤི་བ་བཞིན་དུ། ས་ལམ་མཐོན་པོའི་སྤངས…

ཟླ་བ་ཞེས་པ། ཞོག་ལུང་པར་མི་ཞིག་གི་བུ་ཤི་བས་གཟའ་ཟླ་བས་གནོད་བྱས་པས། དེར་ཁོ་ཟླ་བ་ལ་མི་ཤ་ལེན་ཟེར། ཁོས་ཚེས་བཅུ་བཞིའི་ནུབ་མོ། ཟླ་བ་འཆར་བའི་རི་མགོ་ཡིད་ལ་བཞག་ནས། བཅོ་ལྔའི་ནུབ་མོ་མདའ་གཞུ་ཁྱེར་ཕྱིན་པས། རི་མགོར་སླེབས་པ་དང་། ཟླ་བ་ཕ་ཚད་དུ་སོང་འདུག་པས། ཝས་གྱང་ར་བ་འདིས་བྱ་བཏང་ནས་ཟེར་ལོ། དེ་བཞིན་དུ་འོ་ཅག་ཅིས་ཀྱང་ཆོས…

ངེད་རང་ལས་ལྷག་པ་ཡོད། དམིགས་བུས་ཚང་ལ་གནམ་ཕུག་བྱས། སྦྲུལ་གྱིས་དེད་པ་དང་། ཁོ་རང་གིས་གནམ་ཕུག་བཟོས་པ་དེ་ལ་ཕྱིན། སྦྲུལ་གྱི་རྐེད་པར་སོ་བཏབ་ནས་གསད་ལོ། གཞན་ཡང་སྤྲས་ཀྱི་བྲག་རྒྱབ་ཏུ་བྱ་རོག་གིས་འུག་པས་བྱ་རོག་གི་ཕྲུག་གུ་བསད་ནས་ཟོས། བྱ་རོག་གིས་ཀྱང་འུག་པའི་ཕྲུག་གུ་ཁོས་གང་དུ་བསད་ས་དང་ཟོས་ས་དེར་ཁྱེར་ནས་བསད་ཟོས་ཀྱི་ལ…

གཉིས་ལྷན་ཅིག་ཏུ་མི་ཡོང་། པགས་པ་གཅིག་ལ་སྤུ་གྲང་ལག་པས་ཐེག་ཚད་གཅིག་དང་། རླིད་བུ་ཆུ་ཐུབ་གཉིས་འོང་ས་མེད་གསུངས། དེའི་རྒྱུ་མཚན། དཔེར་ན་རི་དྭགས་སྒྲ་ཡིས་ཕུང་། གླང་ཆེན་རེག་བྱས་ཕུང་། ཕྱེ་མ་ལེབ་གཟུགས་ཀྱིས་ཕུང་། ཉ་མོ་རོ་ཡིས་ཕུང་། སྦྲང་མ་དྲི་ཡིས་ཕུང་བ་བཞིན། ལུས་རེག་བྱ་འཇམ་པའི་གོས། རྣ་བར་སྙན་པའི་སྒྲ། མིག་ཏུ་མཛེས་པ…

ལེབ་མེའི་ཁ་དོག་ལ་ཆགས་ཏེ་ཕྱིན་པས་མེས་ཚིག ཉ་རོ་ལ་ཆགས་པས། ཉ་པས་ལྕགས་ཀྱུའི་རྩེ་ལ་ཤ་ལྟ་བུའི་རོ་ཞིམ་པ་ཞིག་སྦྱར་ཏེ་བཏང་བས། ཟས་དེ་ཟོས་པས་ལྐོག་མ་ལ་ལྕགས་ཀྱུས་ཕུག་སྟེ་འཆི་བ་ཡིན་པར་གདའ། ཡང་ལྷོ་བལ་ཚོ་ན། ཤིང་རྔ་བོ་ཆེ་འདྲ་བ་ཞིག་ལ་རྫས་དྲི་ཞིམ་པོ་ཞིག་བྱུགས་ཏེ་བཞག་པས། སྦྲང་མ་རྣམས་དྲི་ལ་ཆགས་པས་དེར་མང་པོ་ཚང་བཅས་ཏེ་སྦྲང…

བསགས་དང་བསྲུང་དང་བརླག་པས་གདུང་བ་ཡི། །ནོར་ནི་ཕུང་ཁྲོལ་མཐའ་ཡས་ཤེས་བྱ་སྟེ། །ནོར་ལ་ཆགས་པས་གཡེང་བར་གྱུར་པ་རྣམས། །སྲིད་པའི་སྡུག་བསྔལ་ལས་གྲོལ་སྐབས་མེད་དོ། །ཞེས་དང་། འཇིག་རྟེན་འདི་དང་ཕ་རོལ་དུ་འང་། །འདོད་པ་རྣམས་ནི་ཕུང་ཁྲོལ་བསྐྱེད། །འདིར་ནི་བསད་དང་བཅིངས་དང་གཅོད། །ཕ་རོལ་དུ་ནི་དམྱལ་སོགས་སྒྲུབ། །ཞེས་དང་། འདོད་པ་…

འདམ་བུ་འབྲས་བུས་འཇོམས་བྱེད་ཅིང་། །དྲེའུ་མོ་མངལ་གྱིས་འཇོམས་པ་ལྟར། །རྙེད་དང་བཀུར་སྟིས་མི་ངན་འཇོམས། །ཇི་ལྟར་སེར་བ་འབབ་པ་ཡིས། ལོ་ཏོག་ཐམས་ཅད་འཇོམས་པ་ལྟར། །དེ་ལྟར་རྙེད་དང་བཀུར་སྟི་ཡིས། །བྱང་ཆུབ་ལམ་ནི་འཇོམས་པར་བྱེད། ཇི་ལྟར་མེ་ཏོག་རྒྱས་པ་ཡི། །ཤིང་དང་མེ་ཏོག་མེས་བསྲེག་ལྟར། །དེ་བཞིན་རྙེད་དང་བཀུར་སྟི་ཡིས། །བྱང་…

སྡུག་བསྔལ་བ། འདོད་པ་ཆུང་རྣམས་དེ་ལྟར་མ་ཡིན་ཏེ། ཀླུ་མཆོག་རྣམས་ལ་མགོ་བོ་ཇི་སྙེད་པ། །དེ་ལས་བྱུང་བའི་སྡུག་བསྔལ་དེ་སྙེད་དོ། །ཞེས་དང་། །འདོད་པ་རྣམས་ནི་ཕུང་ཁྲོལ་བསྐྱེད་པ་དེ། །རྒྱལ་བའི་དབང་པོས་ཀིམ་པའི་འབྲས་འདྲར་གསུངས། །དེ་དག་སྤང་བགྱིད་དེ་ཡི་ལྕགས་སྒྲོག་གིས། །འཁོར་བའི་བཙོན་རར་འཇིག་རྟེན་འདི་དག་བཅིངས། །ཞེས་དང་། …

ཚང་བས་ན། །དེ་ཕྱིར་ཆང་ནག་མ་འཐུངས་ཞལ་གདམས་ཡིན། གསུངས། སློབ་དཔོན་ཀླུ་སྒྲུབ་ཀྱིས། ཆང་ནི་འཇིག་རྟེན་བརྙས་འགྱུར་ཞིང་། །དོན་ཡལ་ནོར་ཡང་ཟད་པར་འགྱུར། །རྨོངས་པས་བྱ་བ་མ་ཡིན་བྱེད། །དེ་བས་ཆང་ནི་རྟག་ཏུ་སྤོངས། །ཞེས་དང་། །མདོ་དྲན་པ་ཉེར་བཞག་ལས། མཐོང་དང་རེག་དང་བསྣམས་པ་ལས། །ཆང་གིས་མི་ནི་རྨོངས་པར་བྱེད། །དེ་བས་ཀུན་ཏུ་ཞགས་…

ཡིན། ཞེས་དང་། བཤེས་སྤྲིངས་ལས། ཇི་ལྟར་མཛེ་ཅན་སྲིན་བུས་ཉེན་པ་ན། །བདེ་བའི་དོན་དུ་མེ་ལ་ཀུན་བརྟེན་ཀྱང་། །ཞི་བར་མི་འགྱུར་དེ་ཉིད་འདྲ་བ་ནི། །འདོད་པ་རྣམས་ལ་ཆགས་པའང་མཁྱེན་པར་མཛོད། །ཅེས་དང་། ཕར་ཕྱིན་བསྡུས་པ་ལས། འདོད་པ་དེ་དག་ཐོབ་པ་དང་། །ཉིན་གཅིག་བཞིན་དུ་བརྟེན་པ་དང་། །མང་དུ་བསགས་པས་མི་ངོམས་ན། །དེ་ལས་ནད་ཆེ་གང་ཞིག…

འཇིགས་པ་དང་བཅས་པའོ། །རབ་ཏུ་འཇིགས་པ་དང་བཅས་པའོ། །ཚེར་མ་དང་བཅས་པའོ། །འཐིབ་པོ་དང་བཅས་པའོ། །ལམ་གོལ་བའོ། །ལམ་ངན་པའོ། །ལམ་ཁ་དབྲག་གོ །སྐྱེས་བུ་དམ་པ་མ་ཡིན་བསྟེན་པའོ། །ཞེས་དང་། དྭགས་པོ་ལྷ་རྗེས་ཀྱིས། ནོར་རྫས་སྒྱུ་མའི་བསླུ་བྲིད་སྡུག་བསྔལ་རྒྱུ། །ཕ་ཡུལ་བདུད་ཀྱི་བཙོན་རར་འཆིང་བྱེད་མཁན། །སུ་དག་འདི་ལ་ཞེན་པ་འཁོར་བར་འ…

དེ་ཡི་ཕྱིར་ན་བློ་ལྡན་དག །འདོད་པའི་གཞི་ལ་ཆགས་སྤངས་ཏེ། །ཆོས་སྒྲུབ་གཙོ་བོར་བྱ་བར་རིགས། །འདོད་ལ་ཆགས་བྲལ་བྱ་བའི་ཕྱིར། །འདོད་པའི་ཉེས་པ་དཔག་མེད་པ། །གཞུང་ལས་འབྱུང་བ་རྟོགས་བྱས་ལ། །རྟག་ཏུ་ཚུལ་བཞིན་ཡིད་ལ་བྱ། །ཞེས་དང་། རྒྱ་ཆེ་རོལ་པ་ལས། རྟག་ཏུ་གཟུགས་སྡུག་མཆོག་དང་སྒྲ་སྙན་དང་། །དྲི་ཞིམ་རོ་མཆོག་རེག་པ་བདེ་བྱེད་པ། །ད…

འདྲ། །རལ་གྲིའི་སོ་ལ་སྦྲང་རྩི་བརྐུས་དང་མཚུངས། །ཇི་ལྟར་སྦྲུལ་གྱི་མགོ་དང་ངན་སྐྱུག་སྣོད། །དེ་ལྟར་འདོད་འདི་མཁས་པ་རྣམས་ཀྱིས་རིག །བྱ་ཤ་ཁམ་བུ་འདྲ་ཞིང་གསལ་ཤིང་འདྲ། །རོ་ལ་ཁྱི་ལྟར་དགྲ་དང་བཅས་པ་ཡིན། །ཞེས་གསུངས། རྗེ་མི་ལས། །ཡུལ་དང་པོ་ཉམས་དགའ་སྐྱིད་སྐྱིད་པོ། །ལུས་ངག་ཡིད་གསུམ་འདྲད་པའི་སེ་བརྡར་མཁན། །བར་དུ་རྨོ་རྐོ་འ…

བཟོད་གླགས་མེད། །བར་དུ་བུ་ལོན་འདེད་དྲག་པོ། །ཐམས་ཅད་བྱིན་ཡང་མགུ་དུས་མེད། །མི་ཡི་བུ་མོ་ནང་དུ་བཅུག །དྲིན་ཅན་ཕ་མ་ཕྱི་རུ་ཕུད། །ཕ་ཡིས་བོས་ཀྱང་ལན་མི་སྟེར། །མ་ཡིས་བོས་ཀྱང་ཨང་མི་ཁུག །ཐ་མ་ཁྱིམ་མཚེས་སྙིང་རིང་པོ། །ཁྲམ་པའི་ཁ་ཚིས་བྱས་པས་ཕུང་། །རང་སྐྱེས་ཀྱི་དགྲ་བོ་སེམས་ལ་གཟན། །འཁོར་བའི་བཤལ་ཐག་དེ་སྤངས་པ་ཡིན། །འཇིག་ར…

བཞུགས་ཀྱིས་ལུང་པ་འགེངས། བར་དུ་ཤ་ཆང་གི་ཟས་ལན་ཅན། །ཕར་གཅིག་ལན་དུ་ཚུར་གཅིག་སྟེར། །ཐ་མར་ཆགས་སྡང་གི་གྱོད་གཞི་ཅན། །སྡུག་གྲོས་ཀྱི་གྱོད་རྩ་སེམས་ལ་གཟན། །སྐྱིད་ཚེའི་ཟ་གྲོགས་དེ་སྤངས་པ་ཡིན། །འཇིག་རྟེན་གྱི་ཉེ་དུ་ང་མི་འདོད། །ཅེས་དང་། ནོར་དང་པོ་བདག་སྐྱིད་གཞན་སྨོན་པོ། །ཅི་ཙམ་ཡོད་ཀྱང་ཆོག་ཤེས་མེད། །བར་དུ་སེར་སྣའི་མདུ…