མཚོན་འབད་པ་ལྷུར་བླངས་ནས། །དད་གཤིན་རྫས་རྣམས་དོན་དང་ལྡན་པ་དང་། །བསྟན་དང་འགྲོ་བའི་ཉེར་འཚོའི་གཞིར་གྱུར་སླད། །ལྷག་བསམ་དག་པས་རྒྱལ་མཚན་རྩེར་བཀོད་དེ། །ཐར་འདོད་སྐྱེ་བོ་ཡོངས་ཀྱི་དཔལ་དུ་བྱིན། །འདིས་མཚོན་དགེ་བ་དུང་དང་ཀུནྡ་ལྟར། །དཀར་བའི་དགེ་ཚོགས་ཇི་སྙེད་བསག་པ་དང་། །གསོག་འགྱུར་དགེ་རྣམས་གཅིག་ཏུ་སྡོམ་བྱས་ནས། །མཁའ་མ…

བཞུགས་གསོལ་འདེབས། །འདིས་མཚོན་རྣམ་དཀར་ཕུང་པོ་ཇི་སྙེད་པ། །འབྲེལ་ཐོགས་ལས་བྱེད་ཁུར་འཛིན་གཙོར་བྱས་པའི། །མཁའ་མཉམ་འགྲོ་བའི་ཚོགས་རྣམས་མ་ལུས་པ། །ཀུན་མཁྱེན་རྒྱལ་བའི་གོ་འཕང་འཐོབ་ཕྱིར་བསྔོ། །གཞན་ཡང་འདིར་འབད་བསོད་ནམས་ཕུང་པོ་ཡིས། །ཐུབ་པའི་བསྟན་པ་སླར་ཡང་ཆེས་ཆེར་འཕེལ། །བསྟན་འཛིན་བཤེས་གཉེན་དགེ་འདུན་ཐུགས་མཐུན་ཞིང་། །…

སྤྱོད་པ་ཉིད་གྱུར་ཅིག །གླེགས་བམ་གང་དུ་འཕེལ་བའི་ས་ཕྱོགས་སུ། །མི་ཤིས་རྒུད་པའི་མིང་ཡང་མི་གྲག་ཅིང་། །ཆོས་མཛད་ཆོས་ལུགས་ཡོངས་ལ་དག་སྣང་འབྱོངས། །རང་སྣང་དག་པ་འོག་མིན་ལྟར་གྱུར་ཅིག །མ་དག་ཞིང་རྣམས་དག་པའི་ཞིང་དུ་གྱུར། །མ་དག་འགྲོ་རྣམས་རྒྱལ་དང་རྒྱལ་སྲས་གྱུར། །མ་དག་འཁོར་བའི་མིང་ཡང་མི་གྲག་ཅིང་། །མ་རྣམས་བྱང་ཆེན་བརྙེས་…

པོའི་རྣམ་སྤྲུལ། ལྷ་ཐོ་ཐོ་རི་གཉན་བཙན་གྱི་སྐུ་རིང་ལ་ཙིནྟ་མ་ཎི་སོགས་དམ་པ་ཆོས་ཀྱི་དབུ་བརྙེས་ནས་ཟླ་བའི་ཕུང་པོ་གཟུགས་མཚོ་རིགས་བྱེད་བསེ་རུ། ཆོས་རྒྱལ་སྲོང་བཙན་སྒམ་པོས་ར་ས་འཕྲུལ་སྣང་གི་གཙུག་ལག་ཁང་བཏབ་ཅིང་དམ་པ་ཆོས་ཀྱི་སྲོལ་བཏོད་ནས་ལོ་མཚོ་ལག་མིག་གཟུགས། ཆོས་རྒྱལ་ཁྲི་སྲོང་ལྡེའུ་བཙན་གྱིས་དམ་པའི་ཆོས་དར་ཞིང་རྒྱས་པར…

ལེགས་བཤད་ཀུན་བཟངམཆོད་སྤྲིན་བཞུགས་སོ། །

ན་མོ་གུ་རུ་མཉྫུ་གྷོཥཱ་ཡ། ཕྱོགས་བཅུའི་ཞིང་ན་ལེགས་བཞུགས་ཀུན་བཟང་རྡོ་རྗེ་འཆང་དང་ཐུབ་དབང་སོགས། །རྒྱལ་བ་རབ་འབྱམས་ཐམས་ཅད་མདོ་སྔགས་བསྟན་པ་ཡོངས་ཀྱང་བདག་པོ་དངོས། །རྒྱན་དྲུག་མཆོག་གཉིས་གྲུབ་ཆེན་བརྒྱད་ཅུ་ལ་སོགས་རྒྱ་གར་པཎ་གྲུབ་ཚོགས། །བསྟན་པ་འཛིན་སྐྱོང་སྤེལ་བའི་སྐྱེས་མཆོག་ཡིན་ཞེས་ཡོངས་ལ་འབྲུག་བཞིན་གྲགས། །འཕགས་ཡུལ…

མཛད་ལོ་ཙཱ་བ་རྣམས་བཀའ་དྲིན་ཆེ། །སློབ་དཔོན་ཆེན་པོའི་ནུས་མཐུའི་རླུང་གིས་ལྷ་འདྲེ་གདུག་ཅན་ལྷོ་སྤྲིན་གཏོར། །མདོ་སྔགས་བསྟན་པའི་ཉི་ཟླ་ཟུང་གིས་བོད་ཡུལ་མུན་གླིང་གསལ་བར་མཛད། །མཉམ་མེད་ཇོ་བོས་གསུང་རབ་གདམས་པར་འཆར་བས་སྔར་མེད་ལམ་རིམ་བསྟན། །གདམས་པའི་མཛོད་འཛིན་བཀའ་གདམས་པ་ཡིས་རི་བོ་སིལ་ལྡན་ལྗོངས་འདི་དོག་པོར་བགྱིས། །ཉེ…

འཕུར་ནས་མཁའ་སྤྱོད་ཞིང་དུ་ལམ་ཆེན་བཏོད། །རྒྱལ་བ་གཉིས་པ་བློ་བཟང་གྲགས་པས་བསྟན་པ་ལོ་ལེགས་འབྲུ་བཞིན་སྤེལ། །ས་ཀུན་ལི་ཁྲིས་སྦགས་བཞིན་ངུར་སྨྲིག་འཛིན་པས་ས་ཐོག་ཁེབས་པ་བྱུང་། །མཛེས་ཞལ་ཚེམས་དཀར་ཆུ་འཛིན་གསེབ་ན་ལྗགས་གློག་གསུང་དབྱངས་འབྲུག་སྒྲ་ལྡིར། ལུང་རིགས་ཐོག་གིས་ལོག་སྨྲའི་བྲག་རི་བཤིག་ལ་ས་སྐྱ་པན་ཆེན་བསྔགས། །དམ་ཆོ…

བྱུང་འདི་རྨད། །ཐུབ་བསྟན་པད་ཚལ་སྐྱོང་ཞིང་ས་གསུམ་འགྲོ་བ་ཡོངས་ཀྱི་མ་རིག་མུན། །སེལ་ཕྱིར་སྐྱབས་མགོན་རྒྱལ་བ་པཎ་ཆེན་ཉི་ཟླ་ཀུན་གྱི་དཔལ་དུ་ཤར། །གསེར་རིའི་དབུསན་ལྷུན་པོ་ཇི་བཞིན་གངས་རིའི་ཁྲོད་ན་སེངྒེ་ལྟར། །གང་གིའང་འགྲན་པའི་ཟླ་བྲལ་རྒྱ་བོད་མཁས་གྲུབ་རྣམས་ཀྱི་ཞལ་སྒོ་ལས། །ལེགས་འོངས་ཆུ་འགོ་གངས་ལ་ཐུག་འདྲའི་གདམས་པ་ཁུང…

ཕྱིར་བདག་གིས་ལུས་སྟོང་སྤྲུལ་ནས་བསྟོད་དབྱངས་སྒྲོག་བཞིན་གུས་ཕྱག་འཚལ། །དངོས་འབྱོར་ཡིད་ཀྱིས་རབ་སྤྲུལ་ནམ་མཁའ་གང་བའི་ཀུན་བཟང་མཆོད་སྤྲིན་འབུལ། །བདག་གཞན་ཡོངས་ཀྱིས་ཆོས་སྤོང་ལས་སོགས་སྡིག་ལྟུང་གང་བསགས་མཐོལ་ལོ་བཤགས། །སྐུ་གསུང་ཐུགས་ཀྱི་ཕྱི་ནང་གསང་བའི་མཛད་པ་གང་ལའང་རྗེས་ཡི་རང་། །གསེར་གྱི་འཁོར་ལོ་རྩིབས་སྟོང་ཕུལ་ནས་…

ཟག་ཡོངས་ལ་བཟང་ངན་མེད་པར་མཐོང་ཐོས་དག་སྣང་བྱ། །མདོ་རྒྱུད་བསྟན་བཅོས་ཡོངས་ལ་ཆོག་ཤེས་མེད་པར་གང་མཐོང་ཁ་ཕྱེ་བལྟས། །གསར་རྙིང་གྲུབ་མཐའ་ཡོངས་ལ་ཕྱོགས་རིས་མེད་པར་གུས་པས་བསྙེན་བཀུར་བྱས། །བླ་མ་མཁས་གྲུབ་ཡོངས་ལ་ལོག་ལྟ་མེད་པར་ཆོས་འབྲེལ་མང་པོ་བཞག །མདོ་རྒྱུད་མན་ངག་ལོ་རྒྱུས་རྣམ་ཐར་བརྒྱ་ཕྲག་མང་པོའི་ཞལ་ཕྱེ་ཚེ། །ཚིག་གི་ངོ…

ཙཱ་པ། །ད་ལྟར་བཞུགས་པའི་མཁས་བཙུན་བཟང་གསུམ་འཛོམ་པའི་བསྟན་འཛིན་སྐྱེས་བུ་དང་། །མ་འོངས་པ་ན་འབྱོན་པར་འགྱུར་བའི་དགེ་བའི་བཤེས་གཉེན་ཐམས་ཅད་པོ། །དགྱེས་པར་བྱེད་པའི་མཆོད་པའི་མཆོག་ཏུ་ལེགས་བཤད་ཀུན་བཟང་མཆོད་སྤྲིན་སྤྲོ། །དེ་ལ་ས་བཅད་མང་བཀྲམ་ཆོས་གཏམ་ཁོ་ན་སྙན་ངག་མངོན་བརྗོད་ཀྱིས། །བརྒྱན་ན་ལེགས་བཤད་ཁྱད་ཆོས་ཐོན་ཅིང་མཁས་པ…

བཀའ་དང་བླ་མ་རྣམས་ཀྱི་གསུང་རྣམས་ལུང་དུ་དྲངས་ནས་བཤད་པར་བྱ་སྟེ། དེ་ཡང་ངོ་མཚར་རྨད་བྱུང་བཀོད་པའི་ཕྱོགས་བཅུའི་ཞིང་ཁམས་རབ་འབྱམས་མཐའ་ཡས་མུ་མེད་པ་ན་བཞུགས་པའི། རྒྱལ་བ་རབ་འབྱམས་འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་བསྐྱར་བ། ལྷ་དང་མི་རྣམས་ཀྱི་སྟོན་པ། ཐབས་མཁས་ལ་ཐུགས་རྗེ་ཆེ་བ་དཔག་ཏུ་མེད་པ་བཞུགས་ཚད་བརྗོད་ཀྱིས་ག…

པ་ཡོད་པ་ཕན་ཚུན་འདྲེས་པ་མེད་ཅིང་གནོད་བར་འགྱུར་བ་མེད་བར་གནས་ཞེས། ཏིང་འཛིན་རྒྱལ་པོ་ལ་སོགས་པའི་མདོ་རྒྱུད་བསྟན་བཅོས་མང་པོ་ནས་གསུངས། སངས་རྒྱས་རེ་རེའི་སྐའི་ཆ་ཤས་བ་སྤུའི་ཁུང་བུ་རེན་ཡང་། དག་དང་མ་དག་པའི་ཞིང་ཁམས་སངས་རྒྱས་དང་བྱང་ཆུབ་སེམས་དཔའ་སེམས་ཅན་མཐའ་ཡས་ཏེ། དེ་ཡང་རི་རབ་གླིང་བཞི་གླིང་ཕྲན་ཉི་ཟླ་ལྕགས་རི་མུ་ཁྱུད…

དེ་ལྟ་བུ་བྱེ་བ་ཕྲག་བརྒྱ་རེ་གནས། སྐུའི་རྡུལ་རེ་ལའང་དེ་འདྲ་གནས་ཤིང་དེའི་རྡུལ་རེ་ལའང་དེ་སྙེད་གནས། དེ་བཞིན་དུ་ལོངས་སྤྱོད་རྫོགས་པའི་སངས་རྒྱས་ཐམས་ཅད་ཀྱི་སྐུའི་དབྱིངས་ན་དེ་ལྟར་གནས་ཞེས་ཐེག་ཆེན་གྱི་མདོ་རྒྱུད་དུ་མ་ནས་གསུངས། དེ་ཙམ་དུ་མ་ཟད་འཕགས་པ་སྤྱན་རས་གཟིགས་སོགས་ས་ཐོབ་ཀྱི་བྱང་ཆུབ་སེམས་དཔའ་རེ་རེའི་སྐུའི་བ་སྤུ…

དབང་གིས། སངས་རྒྱས་གཅིག་ལ་ཡང་མཐོང་སྣང་མི་གཅིག་པ་སྣ་ཚོགས་སུ་མཐོང་། ལྷའི་སྐད་ལྟ་བུ་ཞིག་གི་སྒོ་ནས་ཆོས་གཅིག་གསུངས་ཀྱང་། སེམས་ཅན་རང་རང་གི་སྐད་དུ་སོ་སོས་དུ་མར་གོ་སྟེ། སྨན་གྱི་རྒྱུད་ཕྱི་མ་ལས། འཕགས་པའི་ཐུགས་རྗེ་ཕྱོགས་རིས་མེདན་ཡང་། །གང་ཟག་མོས་པས་མཐོང་སྣང་སོ་སོར་ཤར། །དཔེར་ན་མཁའ་ལ་ཟླ་བ་གཅིག་ཤར་ན། །ཆུ་ཡི་སྐྱོགས་…

ཕ་མཐའ་འདི་འོ་ཞེས་གཏིང་དཔག་དཀའ་སྟེ། ཆོས་རྗེ་འབྲུག་བ་ཀུན་ལེགས་ཀྱིས། ཆོས་དང་རྒྱ་མཚོ་གཉིས་ཀྱི་གཏིང་མི་དཔོག །གསུངས། དེས་ན་ཕྱོགས་བཅུའི་རྒྱལ་བ་རྣམས་ཀྱི་གསུང་རབ་རྣམས་བརྗོད་དགོས་རྒྱུ་ཡིནན། སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་གྲངས་མཉམ་ཞིག་མྱ་ངན་ལས་མི་འདའ་བར་བསྐལ་ཆེན་བྱེ་བ་མང་པོར་བརྗོད་ཀྱང་རྫོགས་པའི་ཡུལ་ལས་…

བདེ་མཆོག་ཉུང་ངུའི་རྒྱུད་ལས། མོས་པ་དུ་མའི་སེམས་ཅན་ལ། །སྤྱོད་པ་སྣ་ཚོགས་སྟོན་མཛད་དེ། །སྣ་ཚོགས་ཚུལ་གྱིས་གདུལ་བྱ་ལ། །ཐབས་ནི་སྣ་ཚོགས་སྟོན་པ་ཡིན། །ཟབ་མོའི་ཆོས་ནི་སྟོན་པ་ལ། །གལ་ཏེ་མོས་པར་མ་གྱུར་ཀྱང་། །སྨད་པ་དག་ཏུ་མི་བྱ་སྟེ། །ཆོས་ཉིད་བསམ་མི་ཁྱབ་དྲན་བྱ། །ཞེས་དང་། བདེ་མཆོག་རྩ་རྒྱུད་ལས། སེམས་ཅན་མོས་པ་བསམ་མི་ཁྱབ…

འཛིན་པའི་ཡིད་སྨོན་བྱེད་དགོས་ཏེ། བཟང་སྤྱོད་སྨོན་ལམ་ལས། རྒྱལ་བ་རྣམས་ཀྱི་དམ་པའི་ཆོས་འཛིན་ཅིང་། །ཞེས་པ་དང་། གཞན་ཡང་། རྒྱལ་བའི་དམ་ཆོས་མ་ལུས་འཛིན་པ་དང་། །ཞེས་སོགས་སྨོན་ལམ་བཏབ་པའི་ཕྱིར་རོ། །དེས་ན་དེ་ལྟ་བུའི་སྨོན་ལམ་རྣམས་ཚིག་ཙམ་དུ་མ་སོང་བ་བྱས་ནས་སྙིང་ཐག་པ་ནས་འདེབས་པར་བྱའོ། །ཁྱད་པར་ཕྱོགས་བཅུའི་སངས་རྒྱས་དེ་དག…

མགོན་པོར་སྤྲུལ་ནས། ནཱི་རཉྫ་ནའི་འགྲམ་དང་ལྕང་ལོ་ཅན་ནས་ལྷའི་དབང་པོ་བརྒྱ་བྱིན་ལ་ཀྲྀ་ཡ་དང་། རྣལ་འབྱོར་དང་། ཡོ་ག་གསུམ་གྱི་ཆོས་འཁོར་བསྐོར། ཀུན་རིག་རྣམ་སྣང་དུ་སྤྲེལ་ནས། གསང་བའི་བདག་པོ་ལ་ཏནྟྲ་བཅོ་བརྒྱད་ཀྱི་ཆོས་འཁོར་བསྐོར། རྡོ་རྗེ་སེམས་དཔར་སྤྲུལ་ནས། ལངྐའི་བདག་པོ་ལ་རྣལ་འབྱོར་མཆོག་གི་རྒྱུད་དང་། ཨ་ནུ་ཡོ་གའི་ཆོས་…