པ་ནུབ་ལ་ཉེ། །དུས་དེང་སང་གྲྭ་བ་ཕལ་ཆེར་གྱིས། །བྱམས་སྙིང་རྗེ་མེད་པའི་སྔ་ལྟས་སུ། །དམན་སྤྲང་པོ་ཁྱིམ་ལ་ལྷག་པར་སྣང་། །འདི་བལྟས་ན་བསྟན་པ་ནུབ་ལ་ཉེ། །དུས་དེང་སང་སངས་རྒྱས་བསྟན་པ་འདི། །ཕྱོགས་ཀུན་ཏུ་དར་ཞིང་རྒྱས་སྙམ་ཡང་། །ཕྱིའི་དགོན་ལྷག་རྒྱས་པ་མ་གཏོགས་པ། །དོན་རྒྱུད་ལ་རྒྱས་པ་དཀའ་མོར་གདའ། །དུས་དེང་སང་བསྟན་འཛིན་ཕལ་ཆ…

ཆེན་རྒྱན་དུ་བཞུགས། །མི་འདིར་འཚོགས་བློ་ཁ་ཆོས་ལ་སྒྱུར། །མཆོག་ཐུན་མོང་དངོས་གྲུབ་སྩལ་དུ་གསོལ། །མདོག་སྔོ་ལྗང་ལྗོན་ཤིང་བདེ་བར་བཞུགས། །ང་ཁུ་བྱུག་ཐག་རིང་རི་ལ་འགྲོ། །དུས་ནམ་ཞིག་སྐད་སྙན་སྒྲོག་བཞིན་དུ། །སླར་ལྗོན་ཤིང་རྩེ་རུ་སླེབས་ནས་འོང་། །མདོག་རབ་མཛེས་མེ་ཏོག་བདེ་བར་བཞུགས། །ང་བུང་བ་ཐག་རིང་ཡུལ་ལ་འགྲོ། །དུས་ནམ་ཞི…

ལ་ཆོས་བཤད་འདི་ལྟར་བྱས། འོ་རྒྱ་གར་གྱི་མི་དེ་རིགས་བཟང་བས་དྲིན་ཅན་གྱི་ཕ་མ་གཉིས་ལ་བརྩི་བཀུར་ཆེ་བས་བསོད་ནམས་སྐྱེས་པ་ཡིན། བོད་རིགས་ངན་ཡིན་པས་ཕ་མ་ལ་བརྩི་བཀུར་མེད་པས་བསོད་ནམས་མ་སྐྱེས་པ་ཡིན། དེས་ན་བུ་ལ་བསོད་ནམས་སྐྱེ་བར་འདོད་པས། ཕ་མ་གཉིས་དྲིན་ཆེ་ཚུལ་བསམས་ནས་དྲིན་གཟོ་བྱ་དགོས་ཞེས་སྨྲས་པས། དད་ཅན་སྦྱིན་བདག་སྙིང་པ…

ཚེ་དགའ་བའི་དྲིན་ཅན་ཕ། །བུ་ཚ་ལ་ལར་ཆོས་བསླབ་རབ་བྱུང་བྱས། །ལ་ལར་ཆུང་མ་ལེན་པའི་དྲིན་ཅན་ཕ། །བུ་མོ་གནས་ལ་འགྲོ་དུས་གོས་རྒྱན་བཏགས། །ནོར་གྱིས་རྫོངས་པ་བརྒྱག་པའི་དྲིན་ཅན་ཕ། །ཉིན་པར་འགྲོ་ཞིང་མཚན་མོ་ཉལ་ན་ཡང་། །སེམས་ཁུར་མ་ལས་ལྷག་པའི་དྲིན་ཅན་ཕ། །བུ་དང་མནའ་མས་ཁྱིམ་སོ་ཟིན་པའི་ཚེ། །ཡོད་ཚད་དགའ་བཞིན་སྤྲོད་པའི་དྲིན་ཅན་ཕ…

ཤ་རུས་ཉོར་ཉོར་ལེན་ན་མེད་པའི་དུས། །ལག་གིས་འཇམ་པོར་བླངས་པའི་དྲིན་ཅན་མ། །མིག་དང་དབང་པོའི་སྒོ་རྣམས་བ ཏོད་པ་ཙམ། །ཁ་འཇམ་ལྕེ་ཡིས་བལྡགས་པའི་དྲིན་ཅན་མ། །མི་གཙང་ལ་སོགས་ཁ་རུ་སོང་བའི་ཚེ། །སྣང་བ་ཞེན་པ་མ་ལོག་དྲིན་ཅན་མ། །བྲང་གི་ནུ་འབུར་འཇམ་ཞིང་རབ་རྒྱས་པའི། །ནུ་ཞོ་ཁ་རུ་བསྣུན་པའི་དྲིན་ཅན་མ། །ཉིན་མཚན་མེད་པར་རུམ་ཕུག་ད…

བསྐྱེད་ཐོན་ནས་ཕ་མ་གཉིས་ལ་བྱམས་མཁན་མང་པོ་བྱུང་ངོ་། །དེའི་ཕྱི་ཉིན་ག་ལེ་བྱས་གཤོང་མོ་ཆེའི་དགོན་པར་སོང་། ཞག་གིས་བསྡད་དགེ་འདུན་པ་རྣམས་ལ་མང་ཇ་བཏང་བསྙེན་བཀུར་ཡག་པོ་བྱས། ཕྱིའི་ཉིན་དམ་པ་གོང་མའི་བྱིན་གྱིས་བརླབས་པའི་མཚར་ལུང་དབེན་པའི་དགའ་ཚལ་དུ་སོང་། ཉི་མ་བཅོ་ལྔ་ཙམ་ལ་གནས་འབྲེལ་བཞག་པའི་ཚེ། མཁས་བཙུན་བཟང་གསུམ་འཛོམ་པ…

རྣམས་དང་མ་འོངས་པའི། །སྐལ་བཟང་གདུལ་བྱར་ཕན་པའི་ཕྱིར། །སྟོན་པའི་གསུང་གི་ཁྱད་ཆོས་མཆོག །དམ་པ་གོང་མའི་ཐུགས་དམ་མཐིལ། །ཀུན་རྫོབ་དོན་དམ་བདེན་པ་ལས། །བརྩམས་པའི་ཟབ་མོ་དབུ་མ་ཡི། །ལྟ་བ་རྟེན་ཅིང་འབྲེལ་འབྱུང་གི །ཆོས་ཤིག་ལེགས་པར་གསུང་དུ་གསོལ། །ཞེས་ཞུས་པའི་ལན་དུ། འོ་བདག་ཅག་གི་སྟོན་པ་ཐབས་མཁས་ལ་ཐུགས་རྗེ་ཆེ་བ་དེ་ཉིད་ཀྱི…

སྟོན་པ་སྨྲ་བ་གཞན་ལས་ཁྱད་པར་དུ་འཕགས་པའི་ཁྱད་ཆོས་བླ་ན་མེད་པར་གཟིགས་ནས། སློབ་དཔོན་གྱི་གཞུང་མང་པོར། བཅོམ་ལྡན་འདས་ལ་རྟེན་འབྱུང་གསུངས་པའི་སྒོ་ནས་བསྟོད་དེ་ཞེས་གསུངས་པ་བཞིན། རྗེ་རིན་པོ་ཆེས་ཀྱང་། རྟེན་འབྲེལ་བསྟོད་པ་ལས། འདི་ཀུན་ངོ་བོས་སྟོང་པ་དང་། །འདི་ལས་འདི་འབྲས་འབྱུང་བ་ཡི། །ངེས་པ་གཉིས་པོ་ཕན་ཚུན་དུ། །གེགས་མེ…

ལྟོས་མེད་དུ་དམིགས་གཏད་ཞིག་པའི་སྟོང་པའང་འོང་བའི་ཚུལ་དང་། རྒྱུ་འབྲས་མི་བསླུ་བའི་གཏན་ཚིགས་དེ་ཉིད་ཀྱིས་རྟགས་གཞན་ལ་ལྟོས་མེད་ཡོད་མཐའ་སོགས་དང་བྲལ་བའམ་སྟོང་པར་གྲུབ་པའི་ཚུལ་ལས་རྒྱུ་འབྲས་མི་བསླུ་བ་ལ་གཏིང་ནས་ངེས་ཤེས་འདྲོངས་ཤིང་། དེ་ཀ་ནས་དམིགས་གཏད་ཐམས་ཅད་ཞིག་པའི་ཞེན་མེད་ཀྱང་འོང་བ་ཡིན་ཞེས་གསུངས་ཤིང་། དེ་དག་གི་གན…

དབྱངས་དངོས་ཁྲི་གུང་ཐང་པས། སྣང་བ་རྒྱུ་མཚན་དུ་བྱས་ཏེ། གདགས་གཞིའི་ངོས་ནས་མ་གྲུབ་པ་དང་། རང་བཞིན་གྱིས་སྟོང་པ་རྒྱུ་མཚན་དུ་བྱས་ཏེ། སྣང་བ་ཅིར་ཡང་འཆར་རུང་བར་བསྒྲུབས་པས། མཐའ་གཉིས་སེལ་ཚུལ་འདི་ནི་གོང་དུ་སྨོས་པ་ལྟར་སྟོང་པ་ཞེས་པ་དང་། རྟེན་འབྱུང་ཞེས་པ་དོན་གོ་ཚུལ་གཅིག་ཏུ་འབབ་པ་ལ་ཐུག་པས། གཏན་ཚིགས་འདི་ལ་མཐའ་གཉིས་ཆར་ས…

པར་འགྱུར་རོ་ཞེས་སླར་ཡང་ཚིགས་སུ་བཅད་ནས་སྨྲས་པ། །ཟབ་མོ་རྟེན་ཅིང་འབྲེལ་འབྱུང་དོན་གཟིགས་པའི། །དངོས་བརྒྱུད་བླ་མ་རྣམས་ལ་གུས་ཕྱག་འཚལ། །ལྟ་བའི་ཡང་རྩེ་དབུ་མ་ཐལ་འགྱུར་བའི། །ལྟ་བ་ཇི་བཞིན་རྟོགས་པར་བྱིན་གྱིས་རློབས། །སྟོན་པའི་གསུང་རབ་ཀུན་གྱི་ཁྱད་ཆོས་མཆོག །འཕགས་མཆོག་ཀླུ་སྒྲུབ་བཞེད་སྲོལ་ལྟ་བའི་གནད། །རྒྱལ་བ་ཡབ་སྲས་བ…

མཚར། །དེ་ལྟར་ཆོས་ཀུན་རང་བཞིན་མེད་པ་དང་། །རྒྱུ་རྐྱེན་རྟེན་འབྲེལ་འཚོགས་ལས་འབྱུང་བའི་ཚུལ། །ཤེས་ན་སངས་རྒྱས་གཉིས་པ་ཀླུ་སྒྲུབ་ཀྱི། །དགོངས་པའི་མཐར་ཐུག་དབུ་མའི་ཁྱད་ཆོས་ཏེ། །སྣང་བཞིན་སྟོང་པས་ཡོད་པའི་མཐའ་དང་བྲལ། །སྟོང་བཞིན་སྣང་བས་མེད་པའི་མཐའ་དང་བྲལ། །སྣང་སྟོང་གཉིས་པོ་རེ་འཇོག་མི་དགོས་པར། གཅིག་ཆར་ཟུང་འཇུག་རྟོགས…

མང་པོ་ཐིམ་པའི་སྣང་བ་ཤར། ལྷ་ལྡན་ཇོ་བོ་དང་བྱིན་རླབས་མཉམ་ཞེས་ཨ་མདོ་ཆོས་འབྱུང་ལས་གསུངས། ཇོ་བོ་བྱིན་རླབས་ཅན་དེའི་སྐུ་མདུན་དུ་དངུལ་ཀོང་ཆེན་པོ་མར་ཁུས་བཀང་ནས་མར་མེ་གསལ་བོར་སྦར། །གཞན་ཡང་བརྒྱ་མཆོད་དང་ཆུ་གཙང་གི་མཆོད་པ་སོགས་དངོས་འབྱོར་ཡིད་སྤྲུལ་གྱི་མཆོད་པ་རྒྱ་ཆེན་པོ་ཕུལ་ནས། གསོལ་བ་བཏབ་བསྔོ་སྨོན་ཀྱང་བྱས་ཉི་མ་མང་…

བྱས་ལས་འབྱུང་ངོ་ཞེས། །ཐམས་ཅད་མཁྱེན་པ་སྟོན་པ་སངས་རྒྱས་གསུངས། །སངས་རྒྱས་གསུང་ལ་ནམ་ཡང་བསླུ་བ་མེད། །དེ་ཕྱིར་ནམ་འཆི་ཆ་མེད་ཚུལ་སོམས་ལ། །ཕྱི་མར་འགྲོ་བའི་མི་ཟད་རྒྱགས་ཕྱེ་རུ། །དམིགས་ལ་མཆོད་སྦྱིན་ཕྱག་སྐོར་ཁ་ཏོན་སོགས། །རྣམ་དཀར་དགེ་བའི་ལས་ལ་འབད་པར་མཛོད། །ལྷ་ཆོས་བྱས་ན་ཕྱི་མར་ནམ་འགྲོ་ཡང་། །རྣལ་འབྱོར་བདག་ཅག་དཔོན་ས…

སངས་རྒྱས་ཀྱི་གོ་འཕང་འཐོབ་པར་བྱ་བའི་ཕྱིར། གང་འདུལ་གྱི་སྐུའི་བཀོད་པ་ཅིར་ཡང་བསྟན་ནས་གང་འཚམ་གྱི་ཆོས་སྟོན་པ་ཡིན་ཏེ། རྣམ་སྣང་མངོན་བྱང་ལས། ང་ཡི་བསྟན་པ་རྣམ་གཉིས་ཏེ། །དམན་པ་མུ་སྟེགས་ཐེག་པ་དང་། །མཆོག་གྱུར་སངས་རྒྱས་ཐེག་པའོ། །ཞེས་གསུངས། སྔོན་སངས་རྒྱས་ཀྱིས་རང་གི་བསྟན་པའི་ཆེ་བ་འབྱིན་ཕྱིར། རྒྱལ་པོ་རྐང་བ་བརྒྱད་པའི་…

པའི་ཆོས་ཡོངས་སུ་འཛིན་པའོ། །ཞེས་གསུངས། ཡང་སྟོན་པ་སངས་རྒྱས་ཀྱིས་བོན་གྱི་སྟོན་པ་གཤེན་རབ་སོགས་སུ་སྤྲུལ་ནས་བོན་གྱི་གཞུང་ཕལ་ཆེར་བསྟན་པ་ཡིན་སྐད། འབྲུག་པ་ཀུན་ལེགས་ཀྱིས། གཤེན་ལྷ་འོད་དཀར་སྤྱན་རས་གཟིགས་དབང་ཡིན། །གཙང་མའི་བོན་དང་ཆོས་ལ་ཁྱད་པར་མེད། །གསུངས། རྒྱལ་བུ་བློ་གྲོས་འཕེལ་གྱིས། རྒྱ་གར་ནང་པའི་བློ་ངོ་ན། །དེ་ནི…

རུས་ཆགས་སྡང་བྱེད་པ་རྣམས། །བསླབས་ཚད་ཆུ་ལ་འབོ་བ་ཡིན། །ཆོས་ལ་དཀར་ནག་མེད་པ་ལ། །གྲུབ་མཐའི་ཁ་འཛིན་ཆོས་ལ་སྨོད། །ཐར་པའི་འཇུ་ཐག་ཆད་པ་ཡིན། །གསུངས། དེས་ན་ཕྱི་རོལ་བ། བོན་པོ། ཧྭ་ཤང་། རྙིང་མ། བཀའ་བརྒྱུད་པ། ས་སྐྱ། དགེ་ལྡན་པ་སོགས་ཕྱི་ནང་གི་ཆོས་ལུགས་གྲུབ་མཐའ་ཐམས་ཅད་ཐུབ་དབང་སྲས་བཅས་ཀྱི་རྣམ་འཕྲུལ་དུ་ཤེས་པར་བྱས། མི་སྤང…

ཁྲོད་ཉམས་དགའ་རྣམས་འགྲིམས་དུས། སྤྲང་པོ་བཞིན་དམན་ས་བཟུང་ནས་ཐམས་ཅད་སྤྱི་བོར་ཁུར། ཕྱི་ནང་གི་གྲུབ་མཐའ་གང་ལའང་དད་གུས་དག་སྣང་སྦྱོང་བཞིན་སོང་བས། གང་དུ་སོང་ཡང་དེ་དག་ཐམས་ཅད་ཀྱིས་ང་ལ་ཡང་མཆོད་བསྟོད་བཀུར་ནས་རང་གཞན་གྱི་དོན་ཐམས་ཅད་འགྲུབ་པ་བྱུང་། དེས་ན་ཁྱེད་རྣམས་ཀྱིས་ཀྱང་དེ་བཞིན་གྱིས་དང་བཟང་གི་ཞེས་བཤད་པས། དེ་ཀུན་གྱ…

པའི་དཀར་ཐིག་མཚོན་བྱེད་ལ་རྟ་གཅིག་ཕུལ། དེ་མ་ཡིན་པའི་གཞན་རྣམས་ཇོ་བོའི་ལྷ་ཁང་གི་ཕྱི་ར་ནང་སྐོར་ལ་ཉམས་གསོ་བྱས། ཇོ་བོ་ཆེན་པོ་ལ་སེང་གེས་བཏེགས་པའི་ཁྲི་དང་། གཡས་གཡོན་གྱི་སྐུ་གཉིས་ཀྱི་ཁྲི་ཡང་གྲུབ་དབང་པདྨ་རང་གྲོལ་གྱིས་ཉམས་གསོ་གསར་བསྐྲུན་མཛད། ནང་གི་མདུན་དུ་མཆོད་ཁྲི་ཆེན་པོ་གསུམ་ཕྱི་ཁྱམས་སྐོར་ལམ་གྱི་ངོས་ལ་ལྡེབས་བྲ…

རྣམས་ཀྱིས་ལྷ་ལྡན་ཇོ་ཤཱཀ་རྣམ་གཉིས་དང་། ཇོ་བོ་འདི་ལ་སོགས་པའི་སྐུ་གསུང་ཐུགས་ཀྱི་རྟེན་ཁྱད་པར་ཅན་བཞེངས། རབ་གནས་བསྔོ་སྨོན་བཀྲ་ཤིས་བྱས་ནས་བཞག་པས། རྗེས་འཇུག་འོ་སྐོལ་རྣམས་ཀྱི་ཕྱོགས་ལ་ཕན་བདེའི་འབྱུང་གནས་སངས་རྒྱས་ཀྱི་བསྟན་པ་དར་ཞིང་། སེམས་ཅན་ལ་བདེ་སྐྱིད་འབྱུང་བ་ཡིན། དེས་ན་རྟེན་ཁྱད་པར་ཅན་རྣམས་ལ་ཉམས་གསོ་བྱས་ཏེ་ཉམ…