གནད་ཀྱི་མན་ངག་གླུ་རུ་ལེན། །ངེས་འབྱུང་བྱང་སེམས་ཡང་དག་ལྟ་བ་དང་། །རིམ་གཉིས་ནང་དུ་མདོ་སྔགས་གནད་འགག་ཚང་། །དེ་འདྲའི་གནད་འགག་ཚང་བའི་ལམ་བཟང་ལ། །དབེན་པར་ཉམས་ལེན་བྱེད་པ་སྐལ་བ་བཟང་། །དེ་ལྟར་ཉམས་ལེན་བྱས་པའི་ལག་རྗེས་ལ། །བསམ་པ་བཟང་ཞིང་ཀུན་ལ་དགའ་སྣང་འབྱོངས། །རིས་མེད་བསྟན་འགྲོ་ཡོངས་ལ་ཕན་ཐོགས་འབྱུང་། །ཀུན་ལ་དེ་འདྲ་ཡ…

མགོན་རྒྱལ་བ་ཚུལ་ཁྲིམས་རྒྱ་མཚོའི་སྤྲུལ་སྐུ་མཁས་གྲུབ་རྒྱ་མཚོ་ཁམས་ཕྱོགས་སུ་འཁྲུངས་པ་དབུས་གཙང་དག་པའི་ཞིང་དུ་གདན་དྲངས་སོང་ཟེར་བའི་གཏམ་སྙན་གོ་ཚེ། ཡིད་སྤྲོ་བའི་ཤུགས་ཀྱིས་སྐྱིད་པའི་རྒྱངས་གླུ་འདི་བླངས་སོ། །རི་རབ་བརྟན་ཅིང་བརྗིད་པ། །གླིང་བཞིའི་དཔལ་དུ་ཆེ་ཞིང་། །ཉི་ཟླ་གཟི་མདངས་འབར་བ། །ནམ་མཁའི་རྒྱན་དུ་མཛེས་སོ། །ཆ…

གླུ་ལེན་པར་གྱུར་ཅིག །ཅེས་བླངས་པས་དེར་འཚོགས་པ་རྣམས་ཀྱང་ཤིན་ཏུ་དགའ་ཞིང་སྤྲོ་བར་གྱུར་ཏོ། །ཡང་ང་འབྲོང་ལུང་ན་ཡོད་དུས་མཁས་བཙུན་བཟང་གསུམ་དང་ལྡན་པའི་བདེ་ཆེན་ཚངས་དབྱངས་ཀྱིས་མཚམས་ཞུས་འདི་ཕུལ་བྱུང་། ཚོགས་ཆེན་གཉིས་རྫོགས་མཚན་དཔེའི་སྐུ། །དྲུག་ཅུའི་དབྱངས་རྣམས་སྒྲོག་པའི་གསུང་། །རང་གཞན་དོན་གཉིས་ལྷུན་འགྲུབ་ཐུགས། །སྲི…

བུའི་ཏོག །བསྐལ་བརྒྱར་མི་གཡོ་བརྟན་པ་རུ། །བཞུགས་སུ་གསོལ་ཞེས་གསོལ་བ་འདེབས། །བསོད་ནམས་དུས་ལས་མི་འདའ་བའི། །དགེ་རྩ་ཆེན་པོ་མ་བསགས་ཤིང་། །ཕྱི་མར་བདེ་སྡུག་གང་མྱོང་དགོས། །རང་གི་ཚེ་འདིའི་བྱ་བས་གོ །དམ་པ་ཁྱེད་ཉིད་མ་གཏོགས་པའི། །ཕྱི་མའི་སྐྱེལ་མ་སུ་ཞིག་འཚོལ། །འདི་ཕྱིའི་ལེགས་ཉེས་སྐྱིད་སྡུག་རྣམས། །དཀོན་མཆོག་གསུམ་དངོས…

དེ་རྣམས་ཀྱི་བརྗོད་བྱའི་ཚིག་མང་ཡང་། །དོན་བསྡུ་ན་རྒྱལ་བ་གཉིས་པ་ཡི། །གསུང་ལམ་རིམ་སྔགས་རིམ་གཉིས་སུ་འདུ། །དེ་དོན་གྱི་གནད་འགག་ཚུར་བསྡུ་ན། །མདོ་ལམ་གྱི་གཙོ་བོ་རྣམ་གསུམ་དང་། །སྔགས་བླ་མེད་བསྐྱེད་རྫོགས་གཉིས་སུ་འདུ། །དེ་རྫོགས་རིམ་འོད་གསལ་མཐར་ཐུག་དོན། །ཆོས་ཕྱག་རྫོགས་དོ་ཧ་རྣམས་ལ་འདུ། །ངས་བཀའ་བསྟན་གཉིས་ཀྱིས་གཙོ་བྱ…

ཞིག་ཡིན། །གཏམ་སྙིང་ནས་སྨྲས་པ་དེ་ལས་ལྷག ། བུ་ཁྱེད་ཀྱིས་མ་བརྗེད་སྙིང་ལ་ཆོངས། །གཞན་མཐོང་ཐོས་སངས་རྒྱས་འཐོབ་པར་སྨོན། །ཡིད་སྨོན་པ་བཞིན་དུ་འགྲུབ་གྱུར་ཅིག །ཅེས་ཕུལ་བ་ཀུན་ལ་བསྟན་པས་སེམས་ལ་ཕན་པོ་བྱུང་། ཁོ་རང་གིས་ཆོས་ཟབ་མོ་ཕྱག་རྫོགས་དོ་ཧ་རྣམས་ཀྱི་དགོངས་དོན་བཞིན་ཉམས་སུ་བླངས་པས་འཆི་ཁར་ལམ་སྣ་ཟིན་པ་ཞིག་བྱུང་ངོ། །ལ…

གསུམ། དཱ་བུ་དཀར་དམར་རས། བལ་སོགས་བྱིན་ནས་དགའ་བར་བྱས། དེ་ན་ཡོད་པའི་བླ་མ་དགེ་སློང་རྣམས་ཀྱིས་རབ་གནས་དང་དགའ་སྟོན་ཡག་པོ་བྱས་སྣང་། ང་བཞི་བའི་ནང་ལ་རེབ་གོང་དུ་མར་འོང་དུས་ཆར་དཀོན་པོ་འདུག་པས། ངས་བླ་མ་དཀོན་མཆོག་ལ་གསོལ་བ་འདི་ལྟར་བཏབ། བླ་མ་དཀོན་མཆོག་གསུམ་ལ་གསོལ་བ་འདེབས། །ཆར་ཆུ་དུས་སུ་འབབ་པར་བྱིན་གྱིས་རློབས། །ལོ་ཕ…

བཅུ་ལྷག་ཙམ་ཕུལ་བས། ངས་བསྔོ་བ་སྨོན་ལམ་གྱི་མཚམས་སྦྱོར་ཡང་དག་བྱས་པས། དེའི་ལོ་གཞན་དང་མི་འདྲ་བའི་ལོ་ལེགས་ཤིག་བྱུང་བས་ཀུན་དགའ་སོང་། དེ་ནས་རྒན་རྒྱུའི་ཉི་མ་ལུང་དུ་སོང་། སྐུ་གཞོགས་འཇམ་དབྱངས་བཞད་པ་རིན་པོ་ཆེ་ལ་མཇལ། ཁོང་ལ་ཞུས་ནས་བླ་བྲང་གིས་རེབ་གོང་གི་མི་རྩི་རྣམས་ལ་རྒྱུ་ནོམ་པ་སྟེར་རྒྱུ་བྱས། ངས་གཟུ་རོགས་བོས་ནས་གཟ…

ཡང་དག་པར་རྫོགས་པའི་སངས་རྒྱས་ཀྱི་གོ་འཕང་རིན་པོ་ཆེ་མྱུར་བ་མྱུར་དུ་འཐོབ་པར་བྱ་བའི་ཕྱིར་དུ། ལམ་རིམ་བློ་སྦྱོང་ཕྱག་ཆེན་དོ་ཧ་སོགས་མདོ་སྔགས་ཆོས་ཀྱི་སྙིང་པོ་རྣམས་ཉམས་སུ་ལེན་པ་ལ་སྦྱོར་དངོས་རྗེས་གསུམ་ཐུན་མཚམས་ཀྱི་བྱ་བ་རྣམས་ཤེས་ནས་ཉམས་སུ་བླངས་ན། ཉམས་ལེན་ཕུན་སུམ་ཚོགས་པ་གསེར་གྱི་རི་བོ་ལྟར་འབྱུང་བར་དགོངས་ནས། རྩ་བའ…

བློ་ལྡན་ཡེ་ཤེས་དར་རྒྱས། དད་གུས་དག་སྣང་ཆེ་བའི་སློབ་བུ་འཕྲིན་ལས་དར་རྒྱས། ངག་དབང་བཀྲ་ཤིས། མཚམས་པ་བསོད་ནམས་རྒྱལ་ལ་སོགས་པའི་དད་ཅན་གྱི་སློབ་མ་མང་པོས་ཀྱང་དགེ་བའི་གསལ་འདེབས་སུ་འདི་ལྟ་བུའི་གདམས་པ་ཞིག་དགོས་ཞེས་ཡང་ཡང་བསྐུལ་ངོར། ལེགས་པར་བརྩམས་ནས་མཇུག་ཏུ་ཚིགས་སུ་བཅད་པའི་མགུར་དབྱངས་འདི་བླངས་སོ། །བླ་མ་རྒྱལ་བ་སྲས་ད…

ཐར་བཞིན། །ཚོགས་གསོག་སྒྲིབ་སྦྱོང་མཛད་ལ་རྗེས་ཡི་རང་། །མདོ་སྔགས་ཆོས་ཀྱི་ཉམས་ལེན་བྱེད་པ་ལ། །སྦྱོར་དངོས་རྗེས་གསུམ་ཐུན་མཚམས་བྱ་བ་རྣམས། །ཤེས་ནས་དེ་བཞིན་ཉམས་སུ་བླངས་གྱུར་ན། །ཉམས་ལེན་ཕུན་སུམ་ཚོགས་པ་ངོ་མཚར་ཆེ། །དེ་ཕྱིར་ནམ་འཆི་ཆ་མེད་ཚུལ་བསམས་ནས། །མྱུར་དུ་སངས་རྒྱས་གོ་འཕང་འཐོབ་འདོད་པའི། །སྐལ་བཟང་ལས་ཅན་སྐྱེ་བོ་ཕོ…

པའི་གླེགས་བམ་ཞེས་བྱ་བ་ཞིག་ཀྱང་བརྩམས། དེ་ཇི་ལྟར་བརྩམས་པའི་ལོ་རྒྱུས་ཅུང་ཟད་ཙམ་ཞིག་བརྗོད་ན། བདག་གིས་སྔོན་དུ་སྤྲུལ་པའི་གླེགས་བམ་མང་པོ་ཞིག་བརྩམས་པ་རྣམས་ལ་བལྟས་ནས། ཨོ་རྒྱན་ཆེན་པོའི་རྗེས་འཇུག་དཔལ་ཆེན་ནམ་མཁའ་འཇིགས་མེད་ཀྱི་སྤྲུལ་སྐུ་རྣམ་གསུམ་དང་། དམག་གསར་རྡོ་རྗེ་འཆང་གི་སྲས་གཉིས། བླ་མ་བཟང་པོ་རྒྱ་མཚོ། རྟོགས་ལྡ…

འཁོར་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་བགྲང་ལས་འདས་པའི་ཚོགས་ཀྱིས་བསྐོར་བའི་ཞལ་གཟིགས་པའི་སྣང་བ་ཤར། དེ་དག་རྣམས་ལ་དངོས་སུ་འབྱོར་བ་དང་ཡིད་ཀྱིས་སྤྲུལ་པའི་མཆོད་པ་རྒྱ་ཆེན་པོ་ཕུལ་ནས་རབ་ཏུ་གུས་པས་ཐལ་མོ་སྦྱར་ཏེ། བདག་གིས་ཆུང་ནས་བཟུང་སྟེ་དུས་ད་བར་དུ་གསོལ་བ་བཏབ་ཀྱང་ལྷ་ཞལ་ད་བར་དུ་མི་གཟིགས་པ་ཐུགས་རྗེ་རེ་ཆུང…

པ་རང་གི་དྲིན་ཅན་རྩ་བའི་བླ་མའི་རྣམ་འཕྲུལ་དུ་གོ་དགོས་ཤིང་། རྩ་བའི་བླ་མ་ཡང་རང་གི་སེམས་ཀྱི་རྣམ་རོལ། སེམས་ཉིད་ཀྱི་ངོ་བོ་ཡང་གདོད་ནས་སྟོང་པ་ནམ་མཁའ་བཞིན་འདུས་མ་བྱས་ཤིང་ལྷུན་གྱིས་གྲུབ་པ། བརྟན་གཡོ་ཀུན་ལ་ཁྱབ་པ། འཁོར་འདས་ཀྱི་འཆར་གཞིར་གྱུར་པ་སྟོང་གསལ་ཆོས་སྐུ་རུ་ངོ་ཤེས་ན་ཆོས་ཀྱི་གཏིང་གོ་བ་ཡིན་གསུངས། ཡང་ཞུས་པ། ད་ན…

པ་སོགས་ཀྱིས་མི་འཇིག་པར། ནང་བའི་ཆོས་པ་ནང་ཕན་ཚུན་གྱིས་ཆོས་ཀྱི་བཟང་ངན་བརྩད་ནས་ཆགས་སྡང་འཐབ་རྩོད་བྱས་བསྟན་པ་འཇིག་པར་གསུངས་པས། དེའི་ཕྱིར་མ་འོངས་པའི་དུས་སུ་ཆོས་པ་འཇིག་རྟེན་པ་སུ་ཞིག་གི་མགོ་ཐོག་ཏུ་བཞག་ཀྱང་། ཆོས་ཀྱི་ཕྱོགས་རིས་ཀུན་ཞི་ནས་དག་སྣང་ཕྱོགས་མེད་དུ་འཆར་བའི་སྔར་མེད་པའི་ལེགས་བཤད། བསྟན་འགྲོ་ཡོངས་ལ་ཕན་པའི་…

དེ་ལ་བརྟེན་ནས་རྩོམ་འདུན་ཡོད་པའི་ཁར། སླར་ཡང་ཆོས་ལུགས་ཡོངས་ལ་དག་སྣང་ཆེ་བའི་ཁྲིམས་ལྡན་མཁན་ཆེན་ཞི་བ་འཚོའི་སྤྲུལ་སྐུ་དང་། རྟོགས་ལྡན་འཁྲུལ་ཞིག་ནམ་མཁའི་རྣལ་འབྱོར་པ་ནམ་མཁའ་རྒྱ་མཚོ། ཐུགས་རྒྱུད་བཟང་ཞིང་བློ་གྲོས་ཆེ་བའི་ཨ་མགྲོན་སྤྲུལ་སྐུ། དད་གུས་ཆེ་བའི་མཚམས་པ་བསོད་ནམས་རྒྱལ། ཆོས་མཐུན་རི་ཁྲོད་པ་དཔལ་རིའི་དགེ་སློང་…

སངས་རྒྱས་རྣམས་དང་འབྲལ་བ་མེད་པར་ཤོག །དངོས་སུ་འབྱོར་དང་ཡིད་ཀྱིས་སྤྲུལ་པའི་ཚོགས། །ཀུན་ཏུ་བཟང་པོའི་མཆོད་སྤྲིན་ལྟ་བུ་ཡིན། །ཕྱོགས་བཅུའི་རྒྱལ་བ་སྲས་དང་བཅས་པ་མཆོད། །རྒྱལ་བ་སྲས་བཅས་འཕྲིན་ལས་འཇུག་པར་ཤོག །བདག་དང་མཁའ་མཉམ་སེམས་ཅན་ཐམས་ཅད་ཀྱིས། །བསགས་པའི་སྡིག་སྒྲིབ་ཉེས་ལྟུང་མ་ལུས་པ། །ཕྱོགས་བཅུའི་རྒྱལ་བ་སྲས་བཅས་སྤྱ…

དར་བ་དང་། །འགྲོ་ཀུན་སངས་རྒྱས་འཐོབ་པའི་རྒྱུ་རུ་བསྔོ། །བསྔོ་བ་སྨོན་ལམ་བཏབ་ཚད་འགྲུབ་པར་ཤོག །ཉོན་མོངས་བརྒྱད་ཁྲི་བཞི་སྟོང་གཉེན་པོ་རུ། །ཆོས་ཕུང་བརྒྱད་ཁྲི་བཞི་སྟོང་ལེགས་གསུངས་པའི། །སྟོན་པ་ཤཱཀྱ་ཐུབ་པའི་བསྟན་པ་དང་། །ཚེ་རབས་ཀུན་ཏུ་འབྲལ་བ་མེད་པར་ཤོག །ཕྱི་རུ་ཉན་ཐོས་བྱང་སེམས་སྤྱོད་པ་སྐྱོངས། །ནང་དུ་གསང་སྔགས་རིམ་ག…

འོག་རོལ་ཏུ། །མངོན་དགའ་ལ་སོགས་ཕྱོགས་བཅུའི་ཞིང་ཀུན་ཏུ། །སོང་ནས་སངས་རྒྱས་ཐམས་ཅད་མཆོད་བྱེད་ཅིང་། །འབྲེལ་ཐོགས་གང་འདོད་ཞིང་དུ་འདྲེན་པར་ཤོག །བསྟན་པ་སྤྱི་དང་ཁྱད་པར་ཐུབ་དབང་གི །བསྟན་ལ་ཕན་པའི་ཨོ་རྒྱན་གླེགས་བམ་འདི། །བསྟན་པ་ནམ་གནས་བར་དུ་ལེགས་གནས་ནས། །བསྟན་དང་འགྲོ་བ་ཡོངས་ལ་ཕན་པར་ཤོག །མདོར་ན་ཆོས་ཀྱི་དབྱིངས་དང་མཉམ…

བཀྲ་ཤིས་ཤོག ། འཁོར་ལོ་རྩིབས་བརྒྱད་གནམ་ལ་བཀྲ་ཤིས་ཤོག །པདྨ་འདབ་བརྒྱད་ས་ལ་བཀྲ་ཤིས་ཤོག །བར་འདིར་འཁོད་ཚད་ཡོངས་ལ་བཀྲ་ཤིས་ཤོག །བཀྲ་ཤིས་ཆེན་པོས་ཕྱོགས་ཀུན་ཁྱབ་གྱུར་ཅིག །ཅེས་སྨོན་ལམ་བཀྲ་ཤིས་བརྗོད་པས། ཞུ་བ་པོ་རྣམས་ཀྱིས་ཀྱང་སྨོན་ལམ་དེ་ཤིན་ཏུ་ངོ་མཚར་ཆེ་ཟེར་རྗེས་སུ་བྲིས་ནས་ཁ་ཏོན་བྱེད་མཁན་ཡང་མང་པོ་བྱུང་ངོ་།། ཡང་བས…