དབུགས་སྟོད་ལ་འཚངས། གདོང་མཆི་མས་གཡོགས་པ་དེ་ཁོང་གིས་གཟིགས་ནས་སྤྱན་ཆབ་གཡོ་ཞིང་ཐུགས་ཀྱིས་མ་བཟོད་པར། དུས་རྒྱུན་དུ་ཐུགས་ག ཙིགས་ཆེ་བའི་འཇའ་ཤེལ་ཁྱད་འཕགས་ཤིག་ཡོད་པ་དེ་བླངས་ནས། འཇའ་ཤེལ་འདི་སྤྱིར་ཁྱོད་སྨོན་ལམ་གྱིས་མཐུ་གྲུབ་པའི་སྐལ་ལྡན་ལས་ཅན་གྱི་སློབ་མ་ཡིན་པ་དང་། སྒོས་འོ་སྐོལ་ཕ་བུ་གཉིས་དམ་གཙང་སེལ་མེད་ཡིན་པའི་སྟ…

ནས་ཨུནེ་མ་མཐོང་ཚེ་ཕར་འགྲོ་མ་ཕོད་པར་ཡང་ཕྱིར་ལོག་ནས་བལྟས་པས། ཨུནེ་ཁྲ་ཆགས་སེ་འདུག་པས་སེམས་འཕྲེང་དྲགས་ནས་ལོག་གམ་སྙམ་པའི་ངང་ནས་ཡང་བསམ་མནོ་ཞིག་ལ་གདམས་ངག་ནི་ཐོབ་ད་རེས་ཕྱིར་ལོག་པ་ལ་དགོས་པ་མི་གདའ། རེ་ཞིག་མཚོ་སྙིང་དུ་སོང་ནས་སླར་ཡང་མཇལ་དུ་འོངས་ན་ཆོག་སྙམ་སྐྱེ་བ་ནས་ཚེ་རབས་ཐམས་ཅད་དུ་ཡང་ཡང་མཇལ་བའི་སྨོན་ལམ་བཏབ་ནས་ད…

ཕུལ། སྒྲུབ་ཆོལ་དང་། རྔ་བོ་ཆེ་བརྡུངས། ཟངས་ཀྱི་དུང་ཆེན་དང་། དུང་དཀར་རྣམས་བུས་ནས། སྙན་གྲགས་ཕྱོགས་བཅུར་རྒྱས་པའི་རྟེན་འབྲེལ་བསྒྲིགས། དེ་ནས་མཆེད་གྲོགས་རྣམས་ཀྱིས་ང་ཕར་ཅུང་ཟད་བསྐྱལ་བའི་སར། །ངས་འོ་སྐོལ་རྣམས་འདུས་ནས་ལོ་མང་པོར་ཆོས་ལྡན་གྱི་བྱ་བ་ལྷན་དུ་བསྒྲུབས་ནས་ད་སོ་སོར་གྱེས་ཏེ་སོང་ནས་ཁ་ཐག་རིང་པོས་བར་ཆོད། སྐྱེ…

ཕྲུག་ཚོ། །ཞལ་མཇལ་རག་བར་དུ་བདེ་བར་བཞུགས། །ང་འདབ་རྒྱས་རྒོད་ཕྲུག་འཕུར་ནས་འགྲོ །གཡུའི་མདོག་ལྟར་མཛེས་པའི་ནགས་ཚལ་གྱི། །སྟག་མ་ཡིས་བསྐྱངས་པའི་སྟག་ཕྲུག་ཚོ། །ཞལ་མཇལ་རག་བར་དུ་བདེ་བར་བཞུགས། །ང་རྩལ་ལྡན་སྟག་ཕྲུག་ལངས་ནས་འགྲོ །མཆོང་ཁྲ་བོ་འདྲ་བའི་རྫ་ཁྲོད་ཀྱི། །འབྲོང་མ་ཡིས་བསྐྱངས་པའི་འབྲོང་ཕྲུག་ཚོ། །ཞལ་མཇལ་རག་བར་དུ་བ…

འབྲས་ཀྱི་ཆོས་དང་། ངེས་དོན་ཟབ་མོ་སྟོང་པ་ཉིད་ཀྱི་མཐར་ཐུག་སེམས་ཁྲིད་བྱས་པས་ཁོང་རྣམས་ཀྱིས་རྟ་ནོར་ལོངས་སྤྱོད་མང་པོ་ཕུལ་ཀྱང་མ་བླངས། ཡོན་བདག་ཅིག་གི་ནང་དུ་སོང་ནས་བཀྲ་ཤིས་བརྗོད་པས། དེར་ཡོན་བདག་མ་དེས་ཁྱེད་ཚང་གིས་ཕ་ཡུལ་དང་ཨ་མ་སོགས་ཨེ་དྲན་གི་ཟེར་བའི་ལན་དུ། །རྩེ་མཚར་ལྟ་བུར་བརྗེད་པ་བཅུ་ཡི་གླུ་འདི་བླངས་སོ། །ཆོས་ཀྱ…

རང་གསལ་རྣལ་འབྱོར་ངའི། །ཀ་དག་ཆོས་སྐུའི་ཕ་ཡུལ་ན། །ཨ་ཕ་ཀུན་ཏུ་བཟང་པོ་ཡོད། །ཨ་མ་ཀུན་ཏུ་བཟང་མོ་ཡོད། བྱང་ཆུབ་སེམས་ཀྱི་ཨ་ཁུ་ཡོད། །མཆོད་གནས་དཀོན་མཆོག་གསུམ་པོ་ཡོད། །ཞང་པོ་ལྷ་དང་བླ་མ་ཡོད། །ཆུང་མ་སྟོང་ཉིད་མཛེས་མ་ཡོད། །ཉམས་རྟོགས་ཡོན་ཏན་ཁྱེའུ་ཡོད། །མོས་གུས་དག་སྣང་ཤ་ཉེ་ཡོད། །དཀར་པོ་དགེ་བཅུའི་ས་ཞིང་ཡོད། །འཛད་མེད་འ…

བའི། །བྱ་བཏང་རྣལ་འབྱོར་ངའི་སྐྱིད་པ། །སྐྱིད་པའི་རྒྱང་གླུ་ཞིག་འཐེན་ནས། །དབེན་གནས་གང་བཟང་ལ་ཆས་འགྲོ །ང་བཞིན་བྱེད་མཁན་ནི་ཡོད་ན། །སྐྱིད་པའི་ཉི་མ་ཞིག་འཆར་ངེས། །འདུལ་རྒྱུའི་དགྲ་བོ་ནི་མི་འདུག །སྐྱོང་རྒྱུའི་བཟའ་ཚང་ནི་མི་སྣང་། །ཉེ་རིང་ཆགས་སྡང་དང་བྲལ་བའི། །བྱ་བཏང་རྣལ་འབྱོར་ངའི་སྐྱིད་པ། །སྐྱིད་པའི་རྒྱང་གླུ་ཞིག་འ…

འཁྲུལ་མེད་ཉམས་རྟོགས་ནི་སྐྱེས་སྣང་། །འབྲེལ་ཐོགས་ཐམས་ཅད་ལ་ཕན་པའི། །བྱ་བཏང་རྣལ་འབྱོར་ངའི་སྐྱིད་པ། །སྐྱིད་པའི་རྒྱང་གླུ་ཞིག་འཐེན་ནས། །དབེན་གནས་གང་བཟང་ལ་ཆས་འགྲོ །ང་བཞིན་བྱེད་མཁན་ནི་ཡོད་ན། །སྐྱིད་པའི་ཉི་མ་ཞིག་འཆར་ངེས། །དེང་སང་གངས་ཅན་གྱི་ཁྲོད་འདིར། །ང་འདྲའི་སྐྱིད་པ་ཞིག་མི་འདུག །སྐྱིད་པའི་རྒྱང་གླུ་ཞིག་འཐེན་ན…

འདྲ་བ་བརྒྱ་ལྷག་ཅིག་ཡོང་བར་འདུག ངས་དེ་རྣམས་ཅི་ཡིན་ནམ་སྙམ་སོང་ནས་བལྟས་པས། གྲོག་ཚང་གི་རྩྭ་ལུད་ཀྱི་ནང་དུ་མེ་ལྷུང་ནས་གྲོག་མ་རྣམས་ཚིག་པར་མ་ཟད། ས་ཐམས་ཅད་ཀྱང་ཚིག་སྟེ་མེ་མ་མུར་དུ་སོང་བ་མཐོང་བས་སྙིང་རྗེ་ཆེན་པོ་སྐྱེས། ཐང་ཆེན་དེ་ན་ཆུ་མེད་རུང་དཀྱིལ་ནས་ཞག་ཅིག་བསྡད། སྐྱབས་འགྲོ་སེམས་བསྐྱེད་ཡན་ལག་བདུན་པ་སོགས་ཚོགས་གས…

ལུས་པ་ཐམས་ཅད་འུར་དིང་གིས་འཕུར་སོང་སྙམ་པའི་དམིགས་པ་ཡག་པོ་བྱས། བསྔོ་བ་སྨོན་ལམ་བཏབ་སྟེ། ཧང་ངའི་རི་རྒན་གྱི་ལུང་པའི་ཆུ་ཁར་འོངས་ཏེ་ཇ་བསྐོལ་ནས་ཞག་གིས་བསྡད། ཕྱི་ཉིན་རི་ཧང་ང་བརྒྱུད་དེ་ཕར་སོང་བས། ཕྱི་དྲོ་ཁ་སྐོམ་ཚེ་ཕྱུག་པོ་ཞིག་གི་སྦྲ་མཐོང་ནས་ཐག་ཉེར་བཏུད་དེ་ཇ་ཞིག་བསླངས་པས། ནང་ནས་བུད་མེད་སྐད་ཕྲ་མོ་ཅན་ཞིག་གིས། འད…

ཤོག །ཅེས་རྩེ་མཚར་དུ་སྨྲས་པས། ཁོའི་མཚང་ལ་ཕོག་ནས། འཛུམ་བཞིན་ནང་དུ་སོང་། ཇ་ཕོན་ཆེ་བ་ཞིག་ཁྱེར་འོངས་ནས་འདི་ཁྱེད་ཀྱིས་ལམ་ནས་བྲོ་ཇ་གྱིས་ཟེར་ཕུལ་བྱུང་། དེ་དུས་དབུལ་པོ་ཞིག་གིས་ང་ལ་ཇ་མང་པོ་ཡོད་པ་མཐོང་ནས། སློང་མོ་བྱས་ཚེ། ཡོན་བདག་མང་པོས་སྔར་བྱིན་པའི་ཇ་བརྡུངས་མ་གླ་བའི་ཁུག་མ་ཆེན་པོ་ཞིག་གི་གང་ཙམ་འདུག་པ་དེ། དབུལ་པོ…

མདུད་པ་ཁྲོལ་ལ་མཆོད་སྦྱིན་དང་ཕྱག་སྐོར་ཁ་ཏོན་སོགས་རྣམ་དཀར་དགེ་བའི་ལས་ལ་འབོད། ཁྱད་པར་དབུལ་པོ་རྣམས་ལ་སྙིང་རྗེ་སྐྱེད་ལ་སྦྱིན་པ་ཐོངས་ཞེས་གླུ་འདི་བླངས་སོ། །དྲིན་ཅན་བླ་མ་རིན་པོ་ཆེ། །འགྲོ་བ་ཡོངས་ལ་ཐུགས་རྗེས་གཟིགས། །ཕྱུག་པོའི་སེར་སྣའི་མདུད་པ་ཁྲོལ། །དབུལ་པོ་ཉམ་ཐག་བརྩེ་བས་སྐྱོངས། །ཚེ་སྔོན་བསོད་ནམས་མ་བསགས་པས། །ཚ…

མ་བུ་གཉིས་ཚེ་འདི་ཕྱིར་སྐྱིད་པོ་ཡོང་ཞེས་སྨྲས་པས། ལགས་སོ་ཟེར་མ་བུ་གཉིས་ཀ་སེམས་དགའ་ཡལ་ལེ་བའི་ངང་དུ་སོང་། དེ་ནས་ཚུར་ཡོངས་ལོ་བུའི་ནང་དུ་ཐོན་ཚེ། སྔོན་ནས་རེབ་གོང་གི་བོན་པོ་ཞིག་དང་མི་སྐྱ་གཅིག་གཉིས་ཀྱིས། བ་ལང་ཁ་ཤས་དེད་ནས་ཡུལ་དུ་འགྲོ་བ་ལ་ཐུག་པས་ང་ལ་ཁྱེད་གང་ནས་ཡིན་ཟེར། དེར་ངས་རྒྱུ་མཚན་རྣམས་བཤད་ཚེ། ཁོང་གཉིས་དགའ…

ཡང་ལྷམ་གྱིས་བཤུས་ཏེ། སྡུག་བསྔལ་མྱོང་བཞིན་དུ་མཚོ་ཉིན་ན་ཨ་རིག་གི་རུ་སྡེ་ཡོད་པའི་ནང་དུ་སླེབས་ནས་ངོ་ཤེས་རྒད་པོ་འཛི་རིས་ཟེར་བའི་ནང་དུ་སོང་། བསྙེན་བཀུར་ལེགས་པོ་བྱས། ཞག་མ་རེ་གཉིས་བསྡད། ཁོས་ང་ལ་འཚོ་བའི་མཐུན་རྐྱེན་དུ་དམིགས་ཏེ། ནས་ཚྭ་སྐྱེ་ཆུང་བ་ཞིག་གི་གང་དང་། མར་རྒྱ་མ་གསུམ་བྱིན་པ་དེ་ཁར་བཞག་ནས། ཨ་རིག་གི་རུ་སྡེ…

གིས་ནོར་ལྷས་ནས། ཨི་ཁྱི་འུར་གྱིས་དེད་ནས་ཁྱོད་ཅི་ལ་འོང་། ངེད་ཚོ་ལ་འགྲུལ་པ་མི་ཆུད། དགའ་ལྡན་པོ། ཚུར་ནོར་ལུག་གི་ལྷས་ལ་མ་ཡོང་ཟེར། ཕྱེ་ཕོར་བ་གང་མི་ཚང་ཞིག་གིས་བྱིན་ནས་ཕྱིར་ལོག་དུས་འདི་སྐད་སྨྲས། བྱ་བཏང་ཚོགས་དྲུག་རང་གྲོལ་ཁྱོད། །ཕྱུག་པོའི་སྒོ་རུ་ཧེབ་ལངས་སོང་། །ཁྱི་ངན་དམག་དཔུང་སྟེང་དུ་བླུགས། །སྟེང་ནས་གྱོན་པའི་ག…

ཞེས་སྨྲས་ནས་དུམ་བུ་གཉིས་ཀ་ལག་པ་གཡས་གཡོན་དུ་བཟུང་ནས་དགོད་ཀྱིན་དགོད་ཀྱིན་འོང་། དེ་ནས་གཤིན་པོ་ལ་དགེ་རྩ་བྱེད་པའི་ཐོག་ཅིག་ཏུ་སོང་ནས་ཕྱེ་རྩམ་ཤིང་ཙེ་དོ་ཙམ་རྙེད་པའི་ཚེ་རང་ལ་འདི་སྐད་སྨྲས། བྱ་བཏང་དགེ་རྩ་བཅའ་སར་རྒྱུག །མི་ཡི་འཕྱ་སྨོད་མང་ན་ཡང་། །བཟའ་བཏུང་ལག་ཏུ་ཡོང་བར་སྣང་། །ཁྱི་ཡིས་མི་འཛིན་བདེ་བར་གདའ། །ཞེས་སྨྲས།…

ཕྱིན་པས་གཉེར་བ་བཟང་པོ་ཞིག་འདུག་ནང་དུ་བོས་ཇ་བླུད་ནས་བསྡད་ཡོད་པའི་ཚེ། གཞན་གྲྭ་པ་འགའ་རེ་ཡོང་གཅིག་གིས་འདི་སུ་རེད་ཟེར། གཉེར་བས་རྩེད་མོ་བྱས་ནས་འདི་ན་ནིང་གི་རི་ཁྲོད་པ་དེའི་སྐུ་སྐྱེས་ཡིན་བྱས་པས་ཐམས་ཅད་དགོད་པར་གདའ། །གཞན་ཡང་གྲྭ་པ་ཞིག་གི་ནང་དུ་སོང་བས། ཁྱོད་འདྲིས་ངེད་ཚོར་སྔར་ཡང་ཕན་བཏགས་ཀ ད་ཕར་ཕར་ཟེར་གོ་རེ་སེར་བ…

འདུ་བའི་ཚེ། །རྣམ་གཡེང་གི་དགྲ་ལས་དབེན་ཕྱིར་བཞག །མི་མེད་ཀྱི་ལུང་སྟོང་འགྲིམ་པའི་ཚེ། །མི་གྲལ་དུ་མི་ཚུད་ཕྱིར་དུ་བཞག །མི་ངན་ངའི་ཚེ་འདི་དྲན་པའི་ཚེ། །མི་ལ་ཡི་རྣམ་ཐར་དྲན་ཕྱིར་བཞག །ཅེས་སྨྲས་པས། གྲྭ་པ་རྒན་པ་ཞིག་ན་རེ། དེ་འདྲ་ཆགས་པོ་བྱུང་ཟེར། དེ་ནས་ཡང་ཨ་རིག་གི་ཁྱིམ་ཚང་མང་པོའི་སྒོར་སོང་ནས་བསླངས་པས། རྒད་པོ་ཞིག་གིས…

འཐབ། །རྩིས་ནི་མི་བཟང་རྩིས་ནི་ངན། །དང་པོ་ནད་ཀྱི་བྱུང་ཚུལ་ནི། །བློ་མ་རིག་འཁྲུལ་བའི་ཐབ་གཞོབ་བྱས། །ཐབ་གཞོབ་དམེ་དེས་རྐྱེན་བྱས་ནས། །ཆོས་དབྱིངས་ཡེ་ཤེས་ལྷ་སྲུང་གྱེས། །ལྷ་དེ་གྱེས་པའི་རང་བཞིན་གྱིས། །བདག་འཛིན་གདོན་དེ་ཁོག་ཏུ་ཞུགས། །ཆགས་སྡང་གཉིས་ཀྱི་ཟུག་རྔུ་ལངས། །གདོན་གྱི་རང་བཞིན་དེ་ལྟར་གདའ། །དེ་ཉིད་བཅོས་པའི་ཐབས…

མར་རྒྱ་མ་དགུ་ཙམ་རྙེད་པ་རྣམས་ཁྱེར་ནས་མེ་སྟག་ཟླ་བ་དང་པོའི་ཚེས་གསུམ་ལ་ཀླུའི་རྒྱལ་པོ་མ་དྲོས་པའི་བློན་བྱང་ཆུབ་སེམས་དཔའ་གནས་པའི་མཚོ་ཁྲི་གཤོག་རྒྱལ་མོའི་དབུས། མ་དང་མཁའ་འགྲོ་དཀར་ཕྱོགས་པ་རྣམས་རང་བཞིན་གྱིས་འདུ་ཞིང་། སྔོན་བྱོན་དམ་པ་གོང་མས་བྱིན་གྱིས་བརླབས་པའི་མཚོ་སྙིང་མ་ཧཱ་དེ་ཝ་ཞེས་ཡོངས་སུ་གྲགས་པའི་གནས་མཆོག་དེར་…