ལག་འཁོར་ཆེ་ཆུང་བཞི་བཅུ་ལྷག་བཞེངས། རྒྱུད་རྒྱལ་གསང་བ་སྙིང་པོ། རྫོགས་ཆེན་མ་རིག་མུན་སེལ། ཞི་ཁྲོའི་ཆོ་ག །བཏགས་གྲོལ། མཐོང་གྲོལ། མ་ཎི་སོགས་ཀྱི་པར་ཆེ་ཆུང་མང་བོ་བརྐོས་ནས་བཀྲ་ཤིས་འཁྱིལ། གནུབས་ཁམས་ར་ཐོ་ནོ་ཅིའི་གདན་ས་རྣམས་ལ་བཞག །ཐུགས་ཀྱི་རྟེན་ལ་གསེར་ཟངས་ལས་གྲུབ་པའི་བདེ་གཤེགས་མཆོད་རྟེན་བརྒྱད་དང་། ས་ལས་གྲུབ་པའི་མ…

སོང་སྦྱོང་བའི་ཆོ་ག་དང་དེའི་རྣམ་བཤད་ཟུང་འཇུག་ལམ་མཆོག་བགྲོད་པའི་ཐེམ་སྐས། ཡི་དམ་ཞི་དྲག་གང་ལ་སྦྱར་ཆོག་པའི་སྦྱིན་སྲེག་བར་ཆད་མུན་པ་སེལ་བའི་ཉི་མ། སྒྱུ་འཕྲུལ་ཞི་ཁྲོའི་སྒོ་ནས་སྐུ་གསུང་རྟེན་རབ་ཏུ་གནས་པའི་ཆོ་ག་འཇིག་རྟེན་གསུམ་གྱི་བདེ་སྐྱིད་པདྨོ་བཞད་པའི་ཉི་མ། རབ་གནས་ཤིན་ཏུ་བསྡུས་པ་དགེ་ལེགས་འོད་འབར། ཚེ་རྟ་མགོན་གས…

བྱ་ཚུལ། དམ་ཅན་གྱི་སྐྱེས་བུ་ཆེན་པོའི་འཕྲིན་བཅོལ་དགོས་འདོད་ཀུན་སྩོལ། ཐོབ་ཡིག་རྣམ་བཞག་གཏན་གྱི་བསོད་ནམས་རིན་ཆེན་ཕུང་པོ། བར་དོའི་ཆོས་བཤད། རོ་བསྲེག་བྱེད་ཚུལ། བསྔོ་བ་སྨོན་ལམ་བཀྲ་ཤིས་ལ་སོགས་པའི་ལེགས་བཤད་ཐམས་ཅད་ཁྱོན་བསྡོམས་པའི་མདའ་ཚད་མའི་པོ་ཏི་ཆེན་པོ་བཞི་ཙམ་མཛད་སྣང་། གཞན་ཡང་ཆོས་ལྡན་གྱི་བྱ་བ། ཡི་གེ་འབྲི་མཆོད་…

གཏན་དང་། །བྱ་བ་ལས་ཀྱི་འཁོར་ལོ་རབ་ཏུ་བསྐོར། །འཆད་རྩོད་རྩོམ་གསུམ་སྒོ་ནས་རྒྱལ་བའི་བསྟན། །འཛིན་སྐྱོང་སྤེལ་ལ་ཁྱེད་ལས་ལྷག་པ་གང་། །གཞན་ཡང་ཆོས་ལྡན་བྱ་བ་མང་པོ་དང་། །ཚོགས་གསོག་སྒྲིབ་སྦྱོང་ཞལ་འདོན་དགེ་སྦྱོར་ལ། །ཉིན་མཚན་མེད་པར་བརྩོན་པར་མཛད་པ་ཡི། །རྣམ་ཐར་བཤད་ན་བརྗོད་ཀྱིས་མི་ལངས་སོ། །དེ་དག་ནང་ནས་བསྟན་པའི་མིག་རྐྱེ…

བར་འཆི་ཁར་ཕན་ངེས་ཀྱི་ཉམས་ལེན་ལ་བརྩོན། ད་ཕྱིན་ཆད་ཡང་ཡང་ཨེ་མཇལ་མི་ཤེས་གསུངས་ནས་ཡུལ་བཟང་ཁྲི་ཀ་བརྒྱུད་ནས་མང་ར་རུ་ཕེབས། ཟླ་བ་གཅིག་ཙམ་མཚམས་ལ་བཞུགས་དུས་སྐུ་ལ་སྙུང་རྒྱུ་ནི་ཆེར་མེད་པར་སྐུ་ཤེད་ཆུང་དུ་ཆུང་དུ་སོང་ཚེ། མདུན་འདུག་པ་རྣམས་ཀྱིས་སྐུ་ཁམས་བདེའམ་དྲིས་པས། ཅུང་མི་བདེ་བ་ཞིག་འདུག་གསུངས། དེ་དུས་ཁོང་གི་ཡབ་ཨ་ཀ་…

ཁོ་བོའི་ཚེ་ཚད་དང་འདུལ་སྐལ་གཉིས་ཀ་རྫོགས་པ་ཡིན། ད་བླ་མ་རིན་པོ་ཆེ་ཐག་ཉེར་ཡོད་ཐོག་འདིར་ཤི་ན་རབ་ཡིན། དངོས་ཉམས་རྨི་ལམ་གང་ལ་བལྟས་ཀྱང་ད་རེ་འཆི་བར་འདུག །ཁྱེད་རྣམས་ང་འཆི་བ་ལ་མྱ་ངན་བྱེད་མི་དགོས། ཁོ་བོ་ལ་ཁ་སང་ནས་བཟུང་མ་མཁའ་འགྲོའི་བསུ་མ་མང་པོ་བྱུང་། རྔ་ཡབ་པདྨ་འོད་ཀྱི་ཕོ་བྲང་དུ་སོང་ནས་སློབ་དཔོན་ཆེན་པོར་མཇལ་བ་དང་།…

ཚོ་སྙིང་རེ་རྗེ་ངུ་མི་དགོས་ཁོ་བོས་ཁ་ཆེམས་ཤིག་ཀྱང་འཇོག་ཅེས་མགུར་འདི་གསུངས་སོ། །སྐྱབས་མགོན་ཡིད་བཞིན་ནོར་བུ་མཆོག །སྤྱི་གཙུག་འཁོར་ལོའི་རྒྱན་དུ་བཞུགས། །ཀུན་གྱིས་བསམ་དོན་ཆོས་བཞིན་དུ། །འགྲུབ་པའི་བྱིན་རླབས་དངོས་གྲུབ་སྩོལ། །བྱ་བྲལ་པདྨ་རང་གྲོལ་ངས། །ཐམས་ཅད་མི་རྟག་སྒྱུ་མར་བསམས། །ནོར་ལ་བསོག་འཇོག་མ་བྱས་པར། །ཡོངས་ཚ…

འདི། །ཀུན་ལ་འཆི་བ་མི་རྟག་པ། །སྟོན་པའི་སློབ་དཔོན་ཡིན་སོམས་ལ། །ཐམས་ཅད་དམ་པའི་ལྷ་ཆོས་མཛོད། །དད་པ་ཆེ་ན་བྱིན་རླབས་འཇུག །དམ་ཚིག་བསྲུངན་དངོས་གྲུབ་འབྱུང་། །ཕན་སེམས་ཆེ་ན་རྒྱལ་བ་མཉེས། །དག་སྣང་སྦྱངས་ན་ཞིང་ཁམས་མཐོང་། །བསོད་ནམས་བསགས་ན་བསམ་དོན་འགྲུབ། །སྟོང་ཉིད་རྟོགས་ན་སྙིང་རྗེ་སྐྱེ། །སྙིང་རྗེ་ཆེ་ན་འགྲོ་དོན་ཡོང་། …

ཕྱིར་དགུང་ལོ་ལྔ་བཅུ་ང་གསུམ་ཐོག་ས་ཁྱིའི་ལོ་ཟླ་བ་བཅུ་གཉིས་པའི་ཚེས་བཅུ་དྲུག་གི་སྔ་དྲོའི་ཉི་མ་རྩེ་ཤར་གྱི་དུས། སྐུ་དྲང་བོར་བསྲངས། སྤྱན་ནམ་མཁའ་ལ་གཟིགས་ནས་ཆོས་ཐམས་ཅད་ཀྱི་རྩ་བ་རང་སེམས་གདོད་མ་གཤིས་ཀྱི་གནས་ལུགས་སྟོང་གསལ་འཛིན་མེད་ཁྱབ་བརྡལ་ཀློང་ཡངས་སྤྲོས་བྲལ་ནམ་མཁའ་ལྟ་བུའི་དགོངས་པ་ལ་མཉམ་པར་བཞག་ནས་གཟུགས་སྐུའི་བཀ…

གྲྭ་བུ་སློབ་སྐྱབས་མེད་མགོན་མེད་རྣམས། །ཕ་ཤི་བའི་དྭ་ཕྲུག་བཞིན་དུ་ལུས། །རྗེ་གྲུབ་དབང་འོད་གསལ་ཉི་མ་ནུབ། །ད་མ་རིག་མུན་པ་སུ་ཡིས་སེལ། །མ་འགྲོ་མགོན་གྲུ་ཆེན་རྒྱ་མཚོར་ཞིག །ད་འཁོར་བའི་མཚོ་ལས་སུ་ཡིས་སྒྲོལ། །སྔར་རྟག་ཏུ་བསྟེན་ནས་ཆོས་ཉན་ཀྱང་། །དུས་ད་ལྟ་བསམས་ན་ཡུད་ཙམ་གདའ། །མགོན་ཁྱེད་སྐུ་ཉི་མ་ཡིད་ལ་ཤར། །སེམས་གདུང་བ་…

དགེ་བའི་མཐུས། །རྗེ་བླ་མའི་ཐུགས་དགོངས་རྫོགས་པ་དང་། །གྲྭ་བུ་སློབ་བསམ་དོན་འགྲུབ་པར་ཤོག །ཅེས་ཕུལ་ནས་ལྷག་པར་མང་པོ་ངུས་ཚེ་བདག་གིས་ཀྱང་མིག་ནས་མཆི་མ་མང་པོ་ཤོར། སྐུ་གཤེགས་ནས་བཟུང་ཉིན་ཞག་དུ་མའི་བར་དུ་འཆི་བ་ཆོས་སྐུ་རུ་གྲོལ་བའི་རྟགས་སུ་ནམ་མཁའ་གཡའ་དག་པ་དང་གཟུགས་འགྲོ་བའི་དོན་ལ་འབྱོན་པའི་རྟགས་སུ་ནམ་མཁའ་གཡའ་དག་པ་ལ་…

རྡོ་རེ་སོགས་དད་ཅན་སློབ་མ་ཡོན་བདག་རྣམས་ཀྱིས་རྟ་མཛོ་ར་ལུག་ཇ་མར་ནས་སོགས་ཀྱི་ཞལ་འདེབས་མང་པོ་བྱས་པ་རྣམས་ཀྱིས་ནང་ནས་སྐུ་ཞབས་གསེར་ཁང་རིན་པོ་ཆེ་དང་། རྫོགས་ཆེན་རིན་པོ་ཆེ། ཤར་ཐམས་ཅད་མཁྱེན་པ། སྤྱང་ལུང་སྤྲུལ་སྐུ་སོགས་ལ་བསྔོ་འབྲེལ་ཕུལ། དགེ་འདུན་སྡེ་ལ་མང་འགྱེད་བཏང་། དབུལ་པོ་རྣམས་ལ་སྦྱིན་གཏོང་བྱས། སྐུ་གདུང་ལ་བརྒྱ་…

བདེ་བ་ལ་བཀོད། སླར་ཡང་སྐུ་ལ་ཐིམ་མ་ཐག་ལྟེ་བ་ནས་ཡེ་ཤེས་ཀྱི་མེ་འབར་བས་སྐུ་གདུང་བསྲེགས་པའི་མེ་ལྕེ་རྣམས་ཀྱང་བཀྲ་ཤིས་པའི་རྟགས་རྫས་བརྒྱད་སོགས་ཀྱི་རྣམ་པར་འབར་ཞིང་དུད་པ་རྣམས་ཀྱང་དཀར་ཞིང་དྭངས་པ་ཡར་འཕྱུར་ནས་ནམ་མཁའ་ལ་འགྲོ་བ་རྣམས་ཀྱང་འཁོར་ལོ་ནོར་བུ་གླང་པོ་ཆེ་སོགས་རྒྱལ་སྲིད་སྣ་བདུན་ཉེ་བའི་རིན་པོ་ཆེ་སྣ་བདུན་གྱི་རྣམ…

མཚུངས། །རིག་གསུམ་མགོན་པོའི་རྣམ་འཕྲུལ་བླ་མ་རྗེ། །འཇིག་རྟེན་ཁམས་འདིར་ཉི་མ་བཞིན་དུ་ཤར། །རིས་མེད་བསྟན་འགྲོར་ཕན་ཐོགས་མཛད་པའི་མཐར། །རྟག་འཛིན་ཅན་རྣམས་ཆོས་ལ་བསྐུལ་བའི་ཕྱིར། །གཟུགས་སྐུ་ཉི་མ་གློ་བུར་ནུབ་ལ་སྐྱོ། །ཀྱེ་ཧུད་འཆི་བ་མགོ་རྔ་མ་མཆིས་པས། །རྒན་རྒོན་འགའ་རེའི་བུ་དེ་སྔོན་ལ་ཤི། །ཤུལ་ནས་མྱ་ངན་བྱེད་པ་ཇི་བཞིན་ད…

མཆོད་རྟེན་མི་ཚད་ཙམ་ཞིག་བཞེངས་སུ་བཅུག །གདུང་རུས་རྣམས་གདན་དྲངས་ནས་གསེར་གྱི་མཆོད་རྟེན་གྱི་ནང་རྟེན་དུ་ཕུལ། འདྲ་སྐུ་ཡང་མི་ཚད་ཙམ་ཞིག་བཞེངས་ནས་གཟུངས་གཞུག་ཕུལ་རབ་གནས་བསྔོ་སྨོན་བྱས། ལོ་རྗེས་མ་ས་ཕག་གི་ལོར་དབོན་པོ་དཀར་དྲིས་སྟག་ཡན་གནས་བརྟན་སོགས་གྲྭ་བུ་སློབ་ཐམས་ཅད་ཀྱིས་དང་བླང་བྱས་ནས་རྩ་བའི་གདན་སར་ཕྱོགས་འདིའི་བསྟ…

རྒྱུ་གང་སོང་ཞིབ་ཏུ་བྲིས་པ་ལ་དགོས་པ་ཆེན་པོ་མི་འདུག་སྙམ་བཏང་སྙོམས་སུ་བཞག་ནས་ཆེར་མ་སྤྲོས། གཞན་ཡང་རེབ་གོང་དང་གནུབས་ཁམས་ར་རྣམས་སུ་གདུང་རུས་ཁྱེར་ནས་སློབ་མ་བུ་ཆེན་རྣམས་ཀྱིས་མཆོད་རྟེན་དང་འདྲ་སྐུ་ཆེ་ཆུང་མང་བོ་བཞེངས་སྐད། རྗེས་འཇུག་གི་སློབ་མ་ལ། རེབ་གོང་ཕུར་ཐོགས་སྟོང་གི་གཙོ་བྱས་མར་ནང་ཚོ་ལྔ། རྨ་ཕ་རིའི་སྒོ་མེ་ཀ་བ…

གྲོལ། སྒོམ་ཆེན་པདྨ་དབང་ཕྱུག །རྒྱལ་པོའི་བཀྲ་ཤིས་འབུམ་དང་། སྤྱང་ལུང་ཨ་ཁུ་སྨན་པ། མཁས་པ་ཨ་ཁྱུང་སྤྲུལ་སྐུ། འགྲོ་མགོན་མགར་རྩེའི་སྨན་རྒན། དམ་ལྡན་ཨ་ཁུ་ཐེག་ཆེན། སེམས་བཟང་དམག་གསར་ཨ་ལགས་རྫོགས་ཆེན་རྣལ་འབྱོར་མཁའ་འགྲོ། མཐུ་སྟོབས་ཐོགས་མེད་རྡོ་རྗེ། རྟོགས་ལྡན་རྡོ་རྗེ་ཆོས་འཕེལ། འཁྲུལ་ཞིག་ཀུན་བཟང་རང་གྲོལ། རིག་འཛིན་གང་…

གཅིག་ཙམ་བྱུང་། དེ་དག་ཕལ་ཆེ་བ་ལ་ལས་ཅན་གྱི་སློབ་མ་མང་པོ་འདུས་ནས་བསྟན་པ་དང་འགྲོ་བའི་དོན་རྒྱ་ཆེན་པོ་བྱས་སོ། །དེ་ལྟར་བཤད་པའི་དགོས་དོན་ནི། སྔོན་གྱི་སངས་རྒྱས་དང་བྱང་ཆུབ་སེམས་དཔའ་རྒྱ་བོད་ཀྱི་མཁས་གྲུབ་གོང་མའི་རྣམ་པར་ཐར་པ་རྣམས་འོ་སྐོལ་རྗེས་འཇུག་རྣམས་ཀྱི་ཉམས་ལེན་དུ་འཁྱེར་དགོས་པ་བཞིན། བདག་གིས་ཀྱང་སྐྱེས་བུ་དམ་པ་…

དག་སྣང་ཆེ། །འགྲོ་ལ་སྙིང་རྗེ་གཞན་ཕན་ཐུགས་བསྐྱེད་བཟང་། །མཁས་གྲུབ་མང་པོའི་དྲུང་ནས་མདོ་སྔགས་གསན། །རི་ཁྲོད་མང་པོ་བསྟེན་པས་ཉམས་ལེན་མཛད། །གདུལ་བྱ་མང་པོ་བསྡུས་ནས་མདོ་སྔགས་ཀྱི། །ཆོས་འཁོར་བསྐོར་ནས་སྨིན་གྲོལ་ལམ་ལ་བཀོད། །བཤད་སྒྲུབ་བསྟན་པའི་རྒྱལ་མཚན་མཐོན་པོ་དེ། །སྲིད་པའི་རྩེ་མོའི་བར་དུ་བསྒྲེངས་པའི་མཐར། །རྟག་འཛིན…

དགེ་ཞེས། དབོན་པོ་དཀར་དྲིས། གླིང་རྒྱའི་དགེ་སློང་སོགས་སྐལ་ལྡན་གྱི་སློབ་མ། དད་ལྡན་གྱི་ཡོན་བདག་ཕོ་མོ་རྣམས་ཀྱིས་བསྐུལ་ངོར། རྒྱལ་ཁམས་ཆོས་ལ་བསྐུལ་བའི་རྣལ་འབྱོར་ཞབས་དཀར་པས། བཀྲ་ཤིས་གཡང་ཆགས་རྨ་ཆུ་ཆེན་པོའི་ཀླུང་འགྲམ། རིན་ཆེན་གསེར་གྱི་བྱེ་མ་ཆགས་པའི་གླིང་མཆོག །རྩི་ཤིང་ནགས་ཚལ་སྣ་ཚོགས་རྒྱས་པའི་སྐྱེད་ཚལ། ནེའུ་གསེང…