ཡོད་དེ། དེ་ལ་ཆུ་སྦྱིན་པས་ནི་དེའི་ལྷག་མའི་དྲི་མ་གསུམ་ཡང་དག་ཅིང་། མཉམ་པའི་ས་བཅུ་ལ་གནས་ནས་ཕྱིར་མི་ལྡོག་པར་འགྱུར་ཞིང་། གང་གི་བྱེད་པ་པོ་དེ་ཡང་རྒྱུད་ཕུན་སུམ་ཚོགས་པ་ནི་ཐོབ་པ་ལྟ་ཅི་སྨོས། འབྲས་བུ་ས་བཅུ་ལ་གནས་པར་འགྱུར་ཞེས་དང་། སྔ་མོ་ཡང་ན་ཕྱི་དྲོ་གོང་། །བཟའ་དང་ཅུང་ཟད་མི་བྲེལ་དུས། གཟུངས་བཀླག་དེ་རྗེས་ཆུ་སྦྱིན་བྱ…

༼ཅ༽ གྲྭ་པ་མངོན་ཤེས་ཅན་གྱི་གཏེར་མ་ཛཾ་དམར་ཆུ་སྦྱིན་བསྡུས་པ་བཞུགས་སོ། །མདུན་དུ་པཾ་ཨོཾ་རཾ་ཡིག་ལས་བྱུང་བའི། །པདྨ་ཟླ་བ་ཉི་མའི་སྟེང་དུ་ཛཾ། །དེ་ལས་འོད་འཕྲོས་འཕགས་པ་ཐམས་ཅད་མཆོད། །སེམས་ཅན་ཀུན་གྱི་དབུལ་བའི་སྡུག་བསྔལ་བསལ། །བྱིན་རླབས་དངོས་གྲུབ་ཚུར་འདུས་ཡོངས་གྱུར་ལས། །ཛཾ་ལྷ་དམར་པོ་གཡས་དཀར་གཡོན་སྔོའི་ཞལ། །ཕྱག་དྲུག…

ལུས་འགྲོ་བའི་རེ་སྐོང་ཕྱག་འཚལ་བསྟོད། །དེའང་ཆུ་སྦྱིན་དུ་འདོན། ཐུགས་ཀའི་ཧཱུྃལས་ཀུ་རུ་ཀུ་ལླེ་དམར། །ལྷ་མོ་ལྕགས་ཀྱུ་ཞགས་པ་འཛིན་པའི་ཚོགས། །གྲངས་མེད་འཕྲོས་ནས་འདོད་དགུ་དབང་སྡུད་གྱུར། །ཞེས་ནུབ་མོ་བསྙེན་པའང་ཉིན་བསྙེན་པའི་དུས་སོ། །ནངས་སྔ་མོར་ཆུ་སྦྱིན། ཅེས་པ་འདི་གྲྭ་པ་མངོན་ཤེས་ཅན་གྱི་གཏེར་ཁ་ལས་བྱུང་བའི་ཛཾ་དམར་གྱ…

༼ཆ༽ གྲྭ་པ་མངོན་ཤེས་ཅན་གྱི་གཏེར་མ་སྨུག་འཛིན་དམར་པོ་ཡམ་ཡུབ་ལས་བྱང་གཏོར་མ་ལ་བརྟེན་ནས་སྒྲུབ་པའི་འདོན་བསྒྲིགས་ཡིད་བཞིན་ནོར་བུ་བཞུགས་སོ།།

དཀོན་མཆོག་གསུམ་དང་ཨརྱ་ཛཾ་བྷ་ལ་ལ་སྐྱབས་སུ་མཆིའོ། །དེང་ནས་སེམས་ཅན་ཐམས་ཅད་ཀྱི་དབུལ་ཕོངས་ཀྱི་སྡུག་བསྔལ་བསལ་བའི་ཕྱིར་མགོན་པོ་ཛཾ་བྷ་ལ་བསྒྲུབ་པར་བྱའོ། །ཨོཾ་སྭ་བྷཱ་ཝ་སོགས། བརྟན་གཡོ་ཐམས་ཅད་སྟོང་པར་གྱུར། དེའི་ངང་ལས་ཨ་ལས་ཟླ་བ་མ་ལས་ཉི་མ་པཾ་ལས་པདྨའི་གདན་གྱི་སྟེང་དུ་ཡི་གེ་ཛཾ་དམར་པོ་ལས་འོད་ཟེར་འཕྲོས། སེམས་ཅན་དབུལ་…

ཤིན་ཏུ་དམར་ཞིང་ཆགས་པ་སྒེག་པའི་ཉམས་དང་ལྡན་པ། ཀླུ་ཆེན་པོ་བརྒྱད་རིན་པོ་ཆེ་དུ་མས་སྤྲས་པ། ཞལ་གཡས་དཀར་བ། གཡོན་སྔོ་བ། རྩ་ཞལ་དམར་བ། ཕྱག་གཡས་དང་པོ་ན་རིན་པོ་ཆེ། བར་པ་ན་ལྕགས་ཀྱུ། གཡོན་དང་པོས་ཐོད་པ་རིན་པོ་ཆེས་བཀང་བ། བར་པ་ན་ཞགས་པ། ཐ་མ་གཉིས་ན་གཏེར་གྱི་ནེའུ་ལེ་བསྣམས་པ་བཙིར་བས་ནོར་བུ་སྐྱུགས་པ། ཞབས་བཞིའི་གནོད་སྦྱིན་…

ཕྱག་བཞི་མ། དང་པོ་གཉིས་མདའ་གཞུ། འོག་མ་གཉིས་ལྕགས་ཀྱུ་ཞགས་པ་བསྣམས་པ། ཡབ་ཡུམ་གཉིས་ཀྱི་གནས་གསུམ་འབྲུ་གསུམ་དང་། ཐུགས་ཀའི་ཛཾ་དང་ཧྲིལས་འོད་འཕྲོས་པས་ཡེ་ཤེས་པ་སྤྱན་དྲངས། ཧཱུྃ། ཕྱོགས་བཅུ་དུས་གསུམ་སངས་རྒྱས་ཐམས་ཅད་ཀྱི། །སྦྱིན་པའི་ཕ་རོལ་ཕྱིན་པའི་རང་གཟུགས་ནི། །རྒྱལ་བ་ཀུན་གྱི་ཡབ་གྱུར་ཛཾ་བྷ་ལ། །མཆོད་པའི་གནས་འདིར་སྤྱ…

གྱི་བདག་པོ་ནོར་སྐྱུགས་ཕོ་དང་མོ། །རིན་ཆེན་ཆར་ཆེན་མྱུར་དུ་འབེབས་པའི་ཕྱིར། །སྐད་ཅིག་ཉིད་ལ་གནས་འདིར་གཤེགས་སུ་གསོལ། །བདག་གི་གནས་ཁང་རིན་ཆེན་གཞལ་ཡས་སུ། །བྱིན་གྱིས་རློབས་ལ་བརྟན་པར་བཞུགས་ནས་ཀྱང་། །སྔོན་གྱི་ཐུགས་དམ་དམ་བཅའ་ཇི་བཞིན་དུ། །འཛད་མེད་གཏེར་གྱི་དངོས་གྲུབ་བསྩལ་དུ་གསོལ། །ཨོཾ་ཨརྱཱ་ཛཾ་བྷ་ལ་ཀུ་རུ་ཀུལླེ་ཡཀྵེ…

རོལ་སྨུག་འཛིན་ཡབ་ཡུམ་དགྱེས་པར་རོལ། །རིན་ཆེན་གདུགས་མཛེས་གསེར་གྱི་ཡུ་བ་ཅན། །དྲི་མེད་གསེར་ཉ་གཡུ་ཡི་གཤོག་པ་མཛེས། །འདབ་བཟང་ངད་ལྡན་སྣ་ཚོགས་པདྨའི་ཚལ། །རིན་ཆེན་གཡས་འཁྱིལ་དཀར་ཟླུམ་སྒྲ་དབྱངས་ཅན། །བདུད་རྩིའི་བུམ་པ་དཔག་བསམ་ཁ་རྒྱན་སྤྲས། །ཡིད་བཞིན་གཏེར་འབྱུང་ཁོང་སེང་དཔལ་བེའུ། །མི་ནུབ་ཆོས་ཀྱི་རྒྱལ་མཚན་རབ་ཏུ་བརྟན། …

རམ་དང་། ཟས་རྣམ་པ་སྣ་ཚོགས་དང་། ནས་ལ་སོགས་པའི་འབྲུ་སྣ་ཚོགས་པ་མང་ཞིང་རྒྱ་ཆེ་བ་གཟུགས་སྒྲ་དྲི་རོ་རེག་བྱ་ཕུན་སུམ་ཚོགས་པར་གྱུར། ཨོཾ་ཨཱཿཧཱུྃ་ཧ་ཧོ་ཧྲཱི༔ ལྗགས་རྡོ་རྗེའི་སྦུ་གུ་ཅན་གྱིས་གསོལ་བས་མཉེས་ནས་ནོར་གྱི་དངོས་གྲུབ་སྩོལ་བར་གྱུར། ཨོཾ་ཛཾ་བྷ་ལ་ཛ་ལེནྡྲ་ཡེ་དྷ་ན་མེ་དྷི་ཧཱུྃསྭཱ་ཧཱ། ཨི་དཾ་བྷ་ལིཾ་ཏ་ཁ་ཁ་ཁཱ་ཧི་ཁཱ་ཧི།…

ཞགས་པ་གཡོན་ན་བསྣམས། །ཐ་གཉིས་ནེའུ་ལེ་བཙིར་ཞིང་རིན་ཆེན་འབེབས། །རྣམ་མང་རིན་ཆེན་ནོར་གྱི་ཆར་འབེབས་པ། །མ་ལུས་འགྲོ་བའི་རེ་སྐོང་ཕྱག་འཚལ་བསྟོད། །སྐུ་ལ་རིན་ཆེན་དུ་མས་རྣམ་པར་བརྒྱན། །ཀླུ་ཆེན་བརྒྱད་དང་ལྷ་ཡི་ན་བཟའ་བཀླུབས། །སྒེག་པའི་ཉམས་ལྡན་འགྲོ་བ་ཀུན་ཡིད་སྡུད། །མགོན་པོ་ཛཾ་བྷ་ལ་ལ་ཕྱག་འཚལ་བསྟོད། །བདག་ལ་ལོངས་སྤྱོད་ན…

༼ཇ༽ གཏོར་སྒྲུབ་ཀྱི་གཞུང་དང་དེའི་ཞལ་གདམས་ཛཾ་དམར་གྱི་ནང་སྒྲུབ་གཏོར་མ་ལ་བརྟེན་པའི་ཟིན་བྲིས་བཞུགས་སོ།།

རྒྱ་གར་སྐད་དུ། ཨརྱཱ་ཛཾ་བྷ་ལ་སཱ་དྷ་ནི་ནཱ་མ། བོད་སྐད་དུ། འཕགས་པ་ཛཾ་བྷ་ལའི་སྒྲུབ་ཐབས་ཞེས་བྱ་བ། འཕགས་པ་ཛཾ་བྷ་ལ་ལ་ཕྱག་འཚལ་ལོ། །དེ་ནས་ཟངས་གཞོང་དུ་ཟན་དང་། ཆང་དང་། ཤ་དང་། མར་དང་། བུ་རཾ་དང་ཟས་ཀྱི་རྣམ་པ་འཛོམ་ཚད་དང་། ནས་ལ་སོགས་པའི་འབྲུ་དང་། མ་འབྱོར་ན་རང་གི་གང་ཟ་བའི་ཁ་ཟས་ཨོཾ་ཧཱུྃ་གིས་བྱིན་གྱིས་བརླབས་ལ་མང་ཞིང་རྒ…

གསོལ་བས་མཉེས། ནོར་གྱི་དངོས་གྲུབ་འབྱུང་བར་བསམ་མོ། །ལན་གསུམ་དུས་མཆོད་པ་ཕུལ་ལ་བསྟོད་པས་བསྟོད། བཛྲ་མུས་རང་གི་སྙིང་གར་བསྡུའོ། །གཏོར་མ་རང་གིས་ལོངས་སྤྱོད། གཏོར་མ་ལ་བརྟེན་ནས་སྒྲུབ་པ་རྫོགས་སོ། །འདིའི་མན་ངག་ལ་རྡུལ་ཚོན་ནམ་རས་བྲིས་གང་རུང་པདྨ་འདབ་བརྒྱད་དམ། མ་འཛོམ་ནས་ཀྱི་ཚོམ་བུ་པདྨ་འདབ་བརྒྱད་བྲིས་པའི་སྟེང་དུ་ཛཾ་ལ…

གསོ་བྲན་མི་དགོས། དེའི་མདུན་དུ་མཆོད་པའི་གཏོར་མ་དེ་དང་འདྲ་བ་རྒྱུན་དུ་གསོ་བྲན་བྱ། དེ་གཉིས་མཐར་མཆོད་པ་སྣ་བདུན་བསྐོར་བཤམས་བྱའོ། །རྒྱུན་དུ་གསོ་བའི་མཐེབ་སྐྱུ་དང་རིལ་བུ། འཛོམས་ན་ཉིན་རེ་ཚོགས་རེ་བྱའོ། །དེའང་ཞོགས་པ་དང་། སྔ་དྲོ་དང་། ཉིན་ཕྱེད་དང་། དགོང་མོ་དང་། མུན་རུབ་དང་། ཉལ་ཁ་སྟེ་ཐུན་དྲུག་གམ། ཉིན་གསུམ་དང་མཚན་བ…

མདུན་གཉིས་ཀའི་ཐུགས་ཀར་ཡུམ། དེའི་ཐུགས་ཀར་པདྨ་ཟླ་བ་ཉི་མའི་སྟེང་དུ། ཛཾ་ཧྲཱིཿཞལ་སྦྱོར་གྱི་མཐར་སྔགས་གཡས་སུ་འཁོར་བ་ལས་འོད་ཟེར་འཕྲོས་པས། ལྕང་ལོ་ཅན་ནས་ཛ་བྷ་ལ་དང་ནོར་སྐྱུགས་ཕོ་མོ། ནུབ་ཕྱོགས་ཨོ་རྒྱན་ཡུལ་གྱི་ཀུ་རུ་ཀུལླེའི་ཕུག་པ་ནས་ལྷ་མོ་རིག་བྱེད་མ་བཅས་ཡབ་ཡུམ་རྣམས་ཁ་བ་བུ་ཡུག་ལྟར་སྐུ་ཆེ་ཆུང་སྣ་ཚོགས་བྱོན་ནས་བདག་མ…

ཚེ། དེ་ལས་འོད་ཟེར་དམར་པོ་ཕྱོགས་བཅུར་འཕྲོས་པས་སངས་རྒྱས་བྱང་སེམས་ཐམས་ཅད་ལ་མཆོད་པ་སྣ་ཚོགས་ཀྱི་སྤྲིན་ཆེན་པོར་གྱུར་ཏེ་མཆོད། སེམས་ཅན་ཐམས་ཅད་ལ་སོ་སོའི་ལོངས་སྤྱོད་ཅི་འདོད་པར་གྱུར་ནས་སྦྱིན་པ་རྒྱ་ཆེན་པོར་གྱུར། བདག་མདུན་གྱི་བར་དུ་འོད་ཟེར་སྔགས་ཕྲེང་ཚུར་འོང་དུས། དེ་ལས་འོད་ཟེར་དམར་པོ་ཕྱོགས་བཅུར་འཕྲོས་པས། སངས་རྒྱས…

ཁད་དུ་མདུན་བསྐྱེད་ཀྱི་ཐུགས་ཀ་ལས་འོད་ཟེར་འཕྲོས་པས་ནམ་མཁས་ཁྱབ་ཚད་ཀྱི་ལྷ་ཡེ་ཤེས་པ་ཕོ་རིགས་ཐམས་ཅད་ཛ་དམར། མོ་རིགས་ཐམས་ཅད་སྒྲོལ་མ་ཀུ་རུ་ཀུལླེར་གྱུར། འཇིག་རྟེན་གྱི་ལྷ་དང་སེམས་ཅན་སྲིད་ཚད་ཕོ་རིགས་ཐམས་ཅད་ནོར་སྐྱུགས་ཕོ་དང་། མོ་རིགས་ཐམས་ཅད་ནོར་སྐྱུགས་མོར་གྱུར་པར་མོས་པ་ཙམ་བྱ། རང་གི་ཐུགས་ཀ་ནས་འོད་ཟེར་དམར་པོ་འཕྲོས…

བསྐྱེད་ལ་ཐིམ་པས། དེ་ལྟར་སངས་རྒྱས་དང་སེམས་ཅན་ཐམས་ཅད་ལ་མཆོད་པ་རྒྱ་ཆེན་པོ་བྱས་པས་ཛཾ་བྷ་ལ་མཉེས་ནས། ཛཾ་བྷ་ལའི་ཞལ་གསུམ་དང་། ནེའུ་ལེ་གཉིས། ནོར་སྐྱུགས་གཉིས་ཀྱི་ཞལ་ཏེ་ཞལ་བདུན་ནས་གསེར་དངུལ་གཡུ་དང་མུ་ཏིག་གཟི་བྱི་རུ་ལ་སོགས་ཟད་མི་ཤེས་པ་བྱུང་ནས་རང་གི་ཁྱིམ་དང་ས་ཕྱོགས་ཐམས་ཅད་ཁྲ་ལྡེམས་སེ་གང་བར་བསྒོམས་ལ་སྔགས་བརྒྱ་སྐོ…

ཡར་བཏེགས་ནས་བཞུགས་པར་བསྒོམ། གཏོར་མ་དེ་བྲན་ལ་ལས་བྱང་ཚར་གཅིག་འདོན་ལ་གཏོར་མ་དེ་ཡང་བསྔོ། དེ་ནས་རྩ་སྔགས་མཇུག་ཏུ་བཛྲ་མུཿ ཞེས་བཏགས་ལ་ལན་གསུམ་བརྗོད་པས་མདུན་བསྐྱེད་དེ་འོད་དུ་ཞུ་ནས་རང་གི་སྙིང་ཁར་ཐིམ། རང་ཡང་མཐའ་ནས་དབུས་སུ་ཡལ་ཏེ་ཐུགས་ཀའི་ཛཾ་ལ་ཐིམ། ཛཾ་ཡང་སྟོང་པར་ཡལ་ནས་རང་སེམས་ངོ་བོ་ཡུད་ཙམ་སྐྱོང་། དེ་ནས་བསྔོ་བ་དང…