བྱེད། །འདིར་གཤེགས་བསང་དང་མཆོད་པ་བཞེས། །རྟེན་རྫས་རྣམས་ལ་བརྟན་ཆོས་ལ། །གསེར་གྱི་འདན་བུར་བརྟན་ཆོས་ལ། །སྒོ་ལྷ་གཞན་དུ་མ་འཁྱམས་ཤིག །ཀྱཻ། ཡང་གཅིག་བསང་ཞིང་མཆོད་པ་ནི། །གདོང་ལྷ་འོད་འཕྲོ་ལ་སོགས་པའི། །གདོང་རིགས་སྲིད་པའི་དགྲ་ལྷ་བསང་། །འགྲུ་མོ་ཕྲོམ་ཕྲོམ་ལ་སོགས་པའི། །འབྲུ་རིགས་སྲིད་པའི་དགྲ་བླ་བསང་། །དབྲ་མོ་དབྲ་དཀར་…

མི་དགེ་བཙོག་མནལ་གཡོས་པ་དང་། །ཐབ་གཞོབ་མནའ་དང་ངན་རྫས་ཀྱི། །ལྷ་དང་སྲུང་མ་མནོལ་བ་རྣམས། །རབ་ཏུ་བསང་ངོ་དག་གྱུར་ཅིག །རྨུགས་འཐིབ་གྲིབ་ཀྱི་ཕོག་པ་བསང་། །དམེ་གྲིབ་ཡུགས་གྲིབ་དམ་ཉམས་གྲིབ། །མི་གཙང་ཟས་གོས་གྲིབ་རྣམས་བསང་། །བསང་གི་མི་བསང་གང་ཡང་མེད། །ཁྲུས་ཀྱི་མི་དག་གང་ཡང་མེད། །མི་གཙང་དྲི་ཡི་ཚོགས་ཀུན་བསང་། །ནམ་མཁའ་བཞི…

རིང་ཁུ་ཡེ་ཕྱུ་གཡང་སྐྱོབས། །ལོངས་སྤྱོད་འཛད་མེད་ནམ་མཁའི་མཛོད། །ཇི་སྲིད་བར་དུ་སྤྱོད་གྱུར་ཅིག །ཅེས་བསང་གི་དུད་སྤྲིན་གྱིས་ཡོ་བྱད་གནས་ཁང་ཀུན་འགེང་བར་བྱའོ། །སྐབས་འདིར་གཡང་སྐྱབས་གང་ཡིན་གྱི་གཞུང་བསང་ནས་ལྔ་བདུན་སོགས་བསྒྲུབ་ཅིང་གཞུང་མཐུན་རྟགས་མཚན་རྨིས་ལྟས་ལེགས་པར་འབྱུང་ངོ་། །ཞེས་རཱ་ག་ཨ་སྱས་སྦྱར་བའོ། །དགེ་བས་འག…

དཔལ་ཆེན་མོ་ཀུན་འདུས་ཀྱི་རྒྱུན་གཏོར་དང་གསོལ་མཆོད་གཅིག་ཏུ་དྲིལ་བ་བཞུགས་སོ།

བཅོམ་ལྡན་ཐུགས་རྗེ་ཅན་ལ་ཕྱག་འཚལ་ནས། །ལྷ་མོ་དཔལ་གྱི་གསོལ་མཆོད་འདི། །འགྲོ་བ་རྣམས་ལ་ཕན་ཕྱིར་བྲི། །ཁྱད་པར་གསང་སྔགས་རྣལ་འབྱོར་པའི། །དཔལ་ལྡན་ལྷ་མོ་ཆེན་མོ་ལ། །མཆོད་བསྟོད་ཕྲིན་ལས་གཞོལ་འདོད་ན། །གཡང་སྒྲུབ་ལས་གསུངས་རང་གཞུང་བཞིན། །དཀྱིལ་འཁོར་བཅའ་གཞི་ལས་ལ་སྦྱོར། །ཀུན་གྱི་ཁ་སྐོང་ལས་གཞུང་བསྲང་། །ཁྱད་པར་ཉ་སྟོང་དུས་ཆ…

བཤམ། །གཏོར་རྫས་འབྲུ་སྣ་ཡིན་པར་བཤད། །སྣོད་གཙང་ནང་དུ་གཏོར་མཆོད་ཚོགས། །ཅི་འབྱོར་བཤམས་ལ་བདག་ཉིད་ཡི་དམ་གྱི། །ཏིང་ངེ་འཛིན་གསལ་བའི་ངང་ལས། །རཾ་ཡཾ་ཁཾ། ལན་གསུམ། ཨོཾ་ཨཱཿཧཱུྃ། ལན་གསུམ་གྱིས་བྱིན་གྱིས་བརླབས་ཤིང་། །གྱེར་སྒོམ་གསལ་འདེབས་འདི་ལྟར་རོ།། རང་ཉིད་ཡི་དམ་ལྷའི་ཐུགས་ཀའི་ས་བོན་ལས་འོད་ཟེར་འཕྲོས་པས་བྱང་ཕྱོགས་ལྕང་…

དབྱངས་ཀྱིས་འདི་སྐད་དོ།། ཧཱུྃ། ཕྱོགས་ནི་ཉི་མ་བྱང་གི་ཕྱོགས། །རི་རབ་ཆེན་པོའི་བྱང་གི་ངོས། །གཉའ་ཤིང་འཛིན་གྱི་རྩེ་མོ་ན། །ལྕང་ལོ་ཅན་གྱི་ཕོ་བྲང་ན། །སྐྱིད་མོའི་ཚལ་བཟང་མེ་ཏོག་འོད། །ཁང་བཟང་གསེར་གྱི་རྒྱལ་མཚན་ན། །བཞུགས་པའི་ལྷ་མོ་ཆེན་མོ་དཔལ། །གྲོགས་མོ་ལྷ་མོ་བརྒྱད་དང་བཅས། །མཚན་ནི་པད་ཕྲེང་དཔལ་ལྡན་མ། །བཀྲ་ཤིས་དཀར་མོ…

གཡོག་གཤེགས་སུ་གསོལ། །དྲག་ཏུ་སྤྱོན་ལ་ལས་མཛོད་ཅིག །དགྲ་རྣམས་བསྒྲལ་ཕྱིར་གཤེགས་སུ་གསོལ། །བགེགས་རྣམས་འདུལ་ཕྱིར་གཤེགས་སུ་གསོལ། །ནད་རྣམས་བཟློག་ཕྱིར་གཤེགས་སུ་གསོལ། །བར་ཆད་སེལ་ཕྱིར་གཤེགས་སུ་གསོལ། །རྐྱེན་རྣམས་བསྒྱུར་ཕྱིར་གཤེགས་སུ་གསོལ། །དངོས་གྲུབ་སྩོལ་ཕྱིར་གཤེགས་སུ་གསོལ། །ཨོཾ་དེ་ཝཱི་ཤྲཱི་བཱ་སུ་དྷ་རི་ཎི་ས་པཱ་ར…

ཆེན་མོ། །པདྨའི་སྤྱན་བྱེད་འོད་ཆེན་མོ། །ཟས་སྦྱིན་རིན་ཆེན་རབ་སྦྱིན་མ། །ཟླ་ཤེས་འཕགས་སྦས་རབ་བཟང་མ། །དབྱངས་ཅན་འཁོར་དང་བཅས་ལ་བསྟོད། །མཆོག་ཐུན་དངོས་གྲུབ་མ་ལུས་སྩོལ། །ཅེས་བཟླས་པ་ལ་འབུང་། ཨོཾ་དྷེ་ཝི་ཤི་བ་སུ་དྷ་རི་ཎི་སྭཱ་ཧཱ། རཏ་ན་ཕ་ལ་སི་ཏི་ན་ན་ཁ་ཏི་པུཎྜི་སིདྡྷི་ཧཱུྃ། ཞེས་ཡང་ཡང་བཟླ། འདི་ལྷ་མོའི་རྒྱུད་ནས་བྱུང་བའ…

ཁས་ལེན་དགོངས་ལ་གཉེར་བྱང་ལོངས། །ཧཱུྃ། མ་གཅིག་ཁྱོད་ལ་གཉེར་གཏད་པ། །སངས་རྒྱས་བསྟན་པའི་བཞུགས་གཉེར་འདི། །བསྟན་པ་འཛིན་པའི་སྐྱེས་བུ་རྣམས། །ཁྱོད་ལ་གཉེར་གཏད་སྲུངས་ཤིག་སྐྱོབས། །སྐུ་དགྲ་སྒྲོལ་ལ་སུན་མ་ཟློག །བླ་མེད་ཆོས་ཀྱི་ཐེག་པ་རྣམས། །ཁྱོད་ལ་གཉེར་གཏད་སྲུངས་ཤིག་རྒྱུ། །སྒྲུབ་པའི་རྟགས་སྟོན་བཀའ་སྐྱོངས་ཤིག །འཕགས་པའི་…

ཆེན་མོ། །བདག་ཅག་རྣལ་འབྱོར་སྒྲུབ་པ་པོ། །རྗེ་ལྟར་བརྟེན་ནོ་དབང་མ་ཆུང་། །མ་ལྟར་བརྟེན་ནོ་སྙིང་མ་རིང་། །སྲིང་ལྟར་བརྟེན་ནོ་ཚུལ་མ་ཞན། །ཆུང་མར་བྱས་སོ་མཚུངས་མ་ཞན། །མཛའ་མོ་བྱས་སོ་གཞུང་མ་ངན། །གཡོག་མོར་བྱས་སོ་རྒན་མ་ལྗི། །བྲན་ལྟར་བརྟེན་ནོ་རྩལ་མ་ཆུང་། །ཕོ་ཉར་བཏང་ངོ་བང་མ་བུལ། །ཤན་པར་བསྐོས་སོ་དགྲ་མ་ཤོར། །སྲུང་མར་བྱས…

དོག །ལུས་དང་གྲིབ་མའི་ཚུལ་དུ་འགྲོགས། །བསྡུ་བ་རྣམ་བཞི་དབང་དུ་སྡུས། །དཔལ་འབྱོར་ཚེ་བསོད་ཉམས་རྟོགས་སྤེལ། །བཅོལ་བའི་ཕྲིན་འགྲུབ་པར་མཛོད་།ཅེས་གཏོར་མ་གཙང་སར་གཤེགས། །འདོད་པའི་དངོས་གྲུབ་ལེགས་སྩོལ་ནས། །ལྷ་མོ་དཔལ་ཆེན་འཁོར་བཅས་ཀྱི། །སྙིང་ཁྲག་དྭངས་མ་འདི་ཡིན་ཏེ། །དམ་ལྡན་རྣམས་ཀྱིས་བརྩོན་པར་བྱ། །དམ་མེད་རྣམས་ལ་འདི་གསང…

ཟབ་གཏོར་མས་ཤིན་ཏུ་དགྱེས། །འདི་ཉིད་རྒྱུན་དུ་བརྟེན་བྱེད་ན། །སྐུ་གཟུགས་བཟོས་ནས་མཛོད་དུ་སྤ། །སྤྱན་གཟིགས་ཀ་ཆ་ཅི་འབྱོར་བཤམས། །དུས་སུ་མཆོད་ཅིང་གཏོར་མ་འབུལ། །དམ་ཚིག་ཡུགས་ས་མཛེ་ཕོ་དང་། །ནལ་དང་རྨུགས་ཀྱི་གྲིབ་ལ་འཛེམ།། ༈ འདི་ལྟར་བྱས་པའི་ལྷ་མོ་དཔལ་ཆེན་མོ། །རབ་ཀྱིས་སྦྲ་ཁྱིམ་དེ་རུ་གནས་འགྱུར་ཏེ། །འབྲིང་གིས་ཞལ་མཇལ་ཐ…

གྱི་ཞིང་དུ་སྐྱེ་བར་ཤོག །དགེའོ། །སརྦ་མངྒ་ལཾ། །བཀྲ་ཤིས་པར་གྱུར་ཅིག ། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ལྷ་མོ་དཔལ་གྱི་གཡང་གི་བྱུང་ཐེམ་དང་བྱུང་ཁུངས་རྣམས་བཞུགས་སོ༔ གཡང་བྱུང་དང་གཡང་ལེན་བཞུགས་སོ། །

དང་པོ་གཡང་བྱུང་ནི༔ ཀྱེ༔ དང་པོ་གཡང་ལེན་གར་སྲིད་ན༔ སྔོན་གྱི་བསྐལ་པ་དང་པོ་ལ༔ ཁ་བ་ཅན་གྱི་རྒྱལ་ཁམས་སུ༔ སྤྱན་རས་གཟིགས་ཀྱི་སྤྲུལ་པ་ལས༔ སྤྲེའུ་བྱང་ཆུབ་སེམས་དཔའ་བྱུང་༔ ཇོ་མོ་སྒྲོལ་མའི་སྤྲུལ་པ་ལས༔ འབད་པ་ཅན་གྱི་སྲིན་མོ་བྱང་༔ དེ་གཉིས་ཐབས་ཤེས་འབྲེལ་བ་ལས༔ གདོང་དམར་ཕོ་མོ་ཐམས་ཅད་བྱུང་༔ མ་ཡི་འབད་པས་མནར་བ་ལས༔ སྤྲེའུ་…

སྲིང་མང་པོ་འཕེལ་བ་ལས༔ དྲན་པ་གསལ་བ་ལྷ་དང་འདྲ༔ གདུག་རྩུབ་ཆེ་བ་ལྷ་མིན་འདྲ༔ གོས་མེད་གཅེར་བུ་དུད་འགྲོ་འདྲ༔ བཀྲེས་སྐོམ་སྡུག་བསྔལ་ཡི་དྭགས་འདྲ༔ ཤིན་ཏུ་སྡུག་བསྔལ་དམྱལ་བ་འདྲ༔ རིགས་དྲུག་སྡུག་བསྔལ་ང་ལ་ཚང་༔ འདི་ལས་ཐབས་ཤིག་ཞུས་པ་ལ༔ སྤྱན་རས་གཟིགས་ཀྱིས་འདི་སྐད་གསུངས༔ སྤྲེའུ་རྒྱལ་པོ་ལེགས་པར་ཉོན༔ ཁྱོད་ཀྱི་བུ་དང་ཚ་བོ་…

འབྱུང་བ་ཆུ་ལ་འཐུང་༔ གོས་ལ་ལྷ་ཡི་ན་བཟའ་གྱོན༔ བསྐལ་པའི་ཕྱྭ་གཡང་དངོས་གྲུབ་ལོངས༔ སྤྱན་རས་གཟིགས་ཀྱིས་དེ་སྐད་གསུངས༔ དེ་ནས་སྤྲེའུ་རྒྱལ་པོ་དེས་སྔགས་འཆང་རྒྱལ་པོ་སྤྱན་དྲངས་ནས༔ ལྷ་གཞི་དཀར་པོའི་སྟེང་དུ་ནི༔ དཀོན་མཆོག་མཆོད་པ་རྒྱ་ཆེན་བཤམས༔ མདའ་དར་དངུལ་དཀར་མེ་ལོང་གཡབ༔ ཁུ་ཡེ་ཟེར་ཞིང་འོ་དོད་བོས༔ ཐུགས་རྗེ་ཆེན་པོའི་བྱི…

འོད་ཟེར་ཤར་ཕྱོགས་གླིང་དུ་འཕྲོས༔ ཡུལ་འཁོར་སྲུང་གི་རྒྱལ་པོ་ལ༔ ལོངས་སྤྱོད་ལྡན་ཞིང་སྐྱེ་བ་བཟང་༔ ཤར་ཕྱོགས་གཡང་རྣམས་བོད་ལ་འོང་༔ བོད་སྐྱེ་བ་བཟང་བ་དེ་ནས་སྲི༔ འོད་ཟེར་ལྷོ་ཕྱོགས་གླིང་དུ་འཕྲོས༔ འཕགས་སྐྱེས་པོ་ཡི་རྒྱལ་པོ་ལ༔ ལོངས་སྤྱོད་ལྡན་ཞིང་དཀོར་ནོར་ཕྱུགས༔ ལྷོ་ཕྱོགས་གཡང་རྣམས་བོད་ལ་འོང་༔ བོད་ལོངས་སྤྱོད་ཆེ་བ་དེ་…