སྤྲུལ་པའི་མེའི་བྱ་ཁྱུང་གིས་གང་བ། ས་གཞི་ཐམས་ཅད་ལྕགས་སྲེག་གི་རང་བཞིན། དབུས་ཀྱི་རི་བོ་མཆོག་རབ་ལ་མེ་མར་མེའི་སྡོང་བུ་ལྟར་འབར་བ། ཨོ་རྒྱན་གྱི་སྐུའི་འོད་ཟེར་ཕོག་པས་སྣང་སྲིད་སྡེ་བརྒྱད་ཀྱི་ཁ་སྣ་མིག་རྣ་བ་རྣམས་ནས་མེ་དཔུང་འུ་རུ་རུ་འབར་བ། ཀླུ་ཐམས་ཅད་རྒྱ་མཚོའི་གཏིང་དུ་བྲོས་པར་བསྒོམས་ལ་གསོལ་བ་བཏབ་བོ། །དེས་ནི་ཆུའི་འ…

འཛམ་བུའི་གླིང་སྔོ་ལྟེམ་མེ་གང་བར་བསམ། ཨོ་རྒྱན་གྱི་བ་སྤུའི་བུ་ག་ནས་ཀྱང་ཆུ་བོའི་རྒྱུན་ཤིང་རྟའི་འཕང་ལོ་ཙམ་བབས་པས་རྩྭ་སྔོ་ཐམས་ཅད་སྔོ་ལྷུབ་ལྷུབ་སྐྱེ་བར་བསམས་ལ་གསོལ་བ་བཏབ་བོ། །མེའི་འཇིགས་པ་སེལ་བའོ། །རླུང་ཐོག་གིས་མཁར་ཁང་འགྱེལ་དོགས་པ་དང་། སྤྲིན་རླུང་གིས་གཏོར་ནས་ཆར་མི་བབ་ན། ཨོ་རྒྱན་གསེར་གྱི་མདོག་ཅན་ཞལ་ནུབ་བྱང…

བཏབ་བོ། །དེ་དག་ནི་རླུང་གི་འཇིགས་པ་སེལ་བའོ། །འབྱུང་བཞིའི་དམིགས་པ་སྣ་ཁ་མང་ཡང་གཅིག་ཏུ་བསྡུས་ནས། ལས་ཚོགས་བརྒྱད་པའོ།། །།ཆོམ་རྐུན་ཡོད་སར་འགྲོའམ་ཚུར་འོང་དོགས་ན། སྤྱི་བོར་ཨོ་རྒྱན་ཕྱག་གཡས་སྐྱབས་སྦྱིན་ཅན་བསྒོམ། སྐུ་ལས་འོད་ཟེར་འཕྲོས་པས་དུར་ཁྲོད་ཀྱི་གནས་ཐམས་ཅད་ནས་དུར་ཁྲོད་ཀྱི་བདག་པོ་དང་བདག་མོ་ཀེང་རུས་ཀྱི་གཟུགས་…

གསོར་ཞིང་གཡོན་སྡིགས་མཛུབ་ཀྱི་རྩེ་ལས་མེ་འབར་བ། ཐུགས་ཉི་ཟླའི་གའུ་ཁ་སྦྱོར་གྱི་བར་དུ་མི་རྟ་བསྲུང་བྱ་རྣམས་ཚུད་པར་བསྒོམ། རང་གི་སྤྱི་བོར་ཨོ་རྒྱན་ཆོས་གོས་པད་ཞྭ། ཕྱག་གཡས་རྡོ་རྗེ་དང་བཅས་པའི་སྐྱབས་སྦྱིན་གྱིས་བདག་ལ་སྐྱོབ་པའི་ཚུལ་དུ་བསྒོམ། རྔ་ཡབ་ནས་དེ་འདྲ་བ་སྤྱན་དྲངས་ནས་རང་དང་སྤྱི་བོའི་ཨོ་རྒྱན་གཉིས་ཀ་ལ་བསྟིམས་ནས…

དུ་བསྒོམ་ཞིང་གསོལ་བ་བཏབ། དགོས་དུས་དམིགས་པ་གསལ་བར་བསྒོམས་ནས་གསོལ་བ་འདེབས་ལོངས་མ་བྱུང་ན་ཡང་། ཨོ་རྒྱན་པདྨ་འབྱུང་གནས་ལ་གསོལ་བ་འདེབས༔ ཞེས་པ་ཁོ་ན་སྔགས་འདོན་པ་ལྟར་བྱའོ། །དེས་རབ་མཚོན་མི་འཁོར། འབྲིང་མི་ཟུག །ཐ་མ་ཡང་ཉེས་ཞབས་མི་འགྲོ་བར་ངེས་ཏེ། ལས་ཀྱི་རྣམ་པར་སྨིན་པ་ནི་མ་གཏོགས་སོ། ལས་ཚོགས་བཅུ་པའོ།། །།དེ་ནས་དུས་ནམ…

རེ་ལྟོས་ཡོད་ཚད་འབྲེལ་བ་ཐོབ་ཚད་ཐམས་ཅད་ཡིད་ཀྱིས་སྤྱན་དྲངས་ལ་བླ་མ་སྐུ་གསུམ་ལ་བསྟིམས་ནས། སྐྱབས་གནས་དཀོན་མཆོག་ཀུན་འདུས་ཀྱི་ངོ་བོར་བསྒོམས་ལ་རང་གིས་ནུས་ན་གསོལ་འདེབས་བསམ་པ་ལྷུན་གྲུབ་མ་འདོན། རང་གིས་མ་ནུས་ན་དམ་ཚིག་གཙང་ཞིང་སྐད་བདེ་བ་ཞིག་ལ་དབྱངས་དང་བཅས་པས་འདོན་བཅོལ། འདོན་རོགས་མེད་ན་རང་གི་ཡིད་ཀྱིས་གསོལ་བ་བཏབ་ནས།…

པར་བྱའོ། །འདི་ཐམས་ཅད་བདག་གིས་ཨོ་རྒྱན་ལ་ཕུལ་ཚར་བ་ཡིན་པས་ད་ནས་དོན་མེད། སུས་ཅི་བྱས་ཀྱང་རུང་སྙམ་དུ་བྱའོ། །དེ་ནས་ཨོ་རྒྱན་གྱི་སྐུ་ལས་ཧྲཱི༔ཡིག་མང་དུ་འཕྲོས་ཏེ། དམྱལ་བར་སྐྱེ་བའི་ལམ་སྒོ་འོག་སྒོ། ཡི་དྭགས་ཀྱི་ལམ་ཁ། དུད་འགྲོའི་ལམ་གསང་གནས། ལྷ་མ་ཡིན་དང་གྲུལ་བུམ་གྱི་སྐྱེ་བའི་སྒོ་རྣ་བ་གཉིས། གནོད་སྦྱིན་དུ་སྐྱེ་བའི་སྒ…

དང་བཅས་པ་སྲན་མ་ཙམ་པ་ཞིག་བསྒོམ། ཧིཀ་བདུན་བརྗོད་པས་ཐིག་ལེ་དེ་སྙིང་གར་འཕར། ཡང་བདུན་བརྗོད་པས་མགྲིན་པར་འཕར། ཡང་བདུན་བརྗོད་པས་སྤྱི་བོར་འཕར། ཡང་བདུན་བརྗོད་པས་སྤྱི་བོ་ནས་ཨོ་རྒྱན་བླ་མ་སྐུ་གསུམ་ཐུགས་ཀར་སིབ་སིབ་ཐིམ་པར་བསྒོམ། དམིགས་པ་དེ་དབུགས་མ་སོང་བར་དུ་རང་གིས་བསྒོམ། འཆི་ཁར་ཡིད་མི་གསལ་ན་རོགས་གཅིག་གིས་ཡང་ཡང་གསལ…

རང་ལུས་སྤྲུལ་སྐུ་ཨོ་རྒྱན་གཞུང་ལྟར་བསྒོམ། དེའི་ཐུགས་ཀར་རང་གི་སྙིང་དེ་ལོངས་སྐུ་ཚེ་དཔག་མེད་ཡབ་ཡུམ་བསྒོམ། དེའི་ཐུགས་ཀར་རང་གི་སེམས་དེ་ཆོས་སྐུ་རྡོ་རྗེ་འཆང་ཡབ་ཡུམ་བསྒོམ། རྡོ་རྗེ་འཆང་གི་ཐུགས་ཀར་ཟླ་བའི་སྟེང་དུ་ཧཱུྃ་མཐིང་ནག་འོད་ཟེར་དང་བཅས་པ་བསྒོམ། རྔ་ཡབ་དང་བདེ་བ་ཅན་དང་འོག་མིན་ནས་གུ་རུ་སྐུ་གསུམ་སྤྱན་དྲངས་རང་ལ་…

དེ་ནས་གཞིའི་འོད་གསལ་སྤྲིན་ཐག་ཆད་པའི་ནམ་མཁའ་ལྟ་བུ་འཆར་དུས་མི་ངོ་ཤེས་པ་འཕྲད་པ་ལྟར་ངོ་ཟིན་ནས་དེའི་ངང་དུ་གནས་པ་ལ་འོད་གསལ་ཟིན་ནས་ཐུགས་དམ་ཟིན་པ་ཟེར་རོ། །དེ་ཡང་ཕྱི་དབུགས་ཆད་མ་ཐག་ཏུ་གདུང་ཆས་ལེགས་པར་བྱས་ལ། བླ་མའམ་མཆེད་གྲོགས་ཞིག་གིས། འདི་ལྟར་མིག་གི་ཡུལ་དུ་སྣང་བ་ཡི༔ ཞེས་པ་ནས། བར་དུ་འོད་གསལ་རང་ངོ་ཤེས་པ་དང་༔ ཞེས…

བཞུགས་ན་བར་དོ་མེད་པ་ཡར་གྱི་ཟང་ཐལ་ཡིན། མཚམས་མེད་པ་བྱས་པའི་སྡིག་པོ་ཆེ་འཕོ་བ་མ་ཐེབ་ན་བར་དོར་བགྲོད་ལོང་མེད་པ་མར་གྱི་ཟང་ཐལ་ཡིན། དེ་མིན་ཐམས་ཅད་བར་དོ་བགྲོད་དགོས་པས། ཞི་བའི་ལྷ་ཚོགས་སྐུ་གཟི་བརྗིད་ཉི་མ་སྟོང་དུས་གཅིག་ལ་ཤར་བ་ལྟར་བལྟ་བས་མི་བཟོད་པ་དང་། ཁྲོ་བོའི་སྐུ་འཇིགས་སུ་རུང་བས་སོད་སོད་རྒྱོབ་རྒྱོབ་ཟེར་བ་དང་། འ…

སེམས་ཀྱི་འཁྲུལ་རྟོགས་ཐམས་ཅད་སྟོང་ཉིད་ཆོས་སྐུའི་རང་རྩལ་ཡིན་སྙམ་ཞིང་། ཨོ་རྒྱན་ལ་གསོལ་བ་འདེབས། བསམ་པ་ལྷུན་གྲུབ་མ་འདོན་པས། འཁྲུལ་སྣང་ཐམས་ཅད་ཞི་ནས་ཨོ་རྒྱན་ཉིད་དངོས་སུ་བྱོན་ཏེ་དག་པའི་ཞིང་ཁམས་སུ་ཁྲིད་པར་ངེས་སོ། །དེ་ལྟར་ཐུགས་དམ་མ་ཟིན་འཕོ་བ་མ་ཐེབ་ན་ཡང་བར་དོ་ཆོད་ནས་གྲོལ་བའི་རྟགས་ལ། ཕུང་པོ་བསྲེག་པ་ན་ལྗགས་དང་སྤ…

འཛིན་ཨ་འཐས་ཆེ་ན། སྤྱི་བོར་ཨོ་རྒྱན་གཞུང་ལྟར་བསྒོམ་ལ་གསོལ་བ་བཏབ། སྐུ་ལས་འོད་ཟེར་འཕྲོས་ཕྱི་ནང་སྣོད་བཅུད་དངོས་པོ་ཐམས་ཅད་ལ་ཕོག་པས་ནམ་མཁའི་འཇའ་དང་ཆུ་ནང་གི་ཟླ་བ་དང་། མེ་ལོང་ནང་གི་གཟུགས་བརྙན་ལྟར་སྣང་ལ་རང་བཞིན་མེད་པར་གྱུར་ཏེ་ཐམས་ཅད་བདེན་པར་མ་གྲུབ་པ་སྒྱུ་མ་རྨི་ལམ་ལྟ་བུ་ཡིན་སྙམ་དུ་ཡང་ཡང་བསྒོམ་པར་བྱའོ། །སྡུག་བས…

ཉལ་བས་འོད་གསལ་ཟིན་ནོ། །འོད་གསལ་ནི་གཉིད་མ་སོང་རྨི་ལམ་མ་རྨིས་ཀྱི་སྐབས་དེར་སེམས་ངོ་ཟིན་ན་དེའི་ངང་ལ་གནས་པ་དེ་འོད་གསལ་ཡིན་ནོ། །ཡང་མགྲིན་པར་པདྨ་འདབ་བཞིའི་དབུས་སུ་ཨོ་རྒྱན་སྐུ་ཚོན་གང་མེ་ཤེལ་མདོག་འོད་འབར་བ་ལ་སེམས་བཟུང་ནས་ཉལ་བས་རྨི་ལམ་ཟིན་ནོ། །རྨི་ལམ་ཟིན་པ་ནི་རྨི་ལམ་ཡིན་པར་ངོ་ཤེས་ནས་བསྐྱེད་རིམ་དང་རྫོགས་རིམ་སོ…

ལ། དེ་ལ་བསྐོར་བ་བྱེད་པའི་མོས་པས་འགྲོ་བར་བྱ་སྟེ། འགྲོ་འདུག་བསྐོར་བའི་གདམས་པའོ། །དེ་ལྟར་འཁྲུལ་པ་གཅོད་པའི་དམིགས་པ་དེ་ཐམས་ཅད་གཅིག་ཏུ་བརྩིས་ནས། ལས་ཚོགས་བཅུ་གསུམ་པའོ།། །།དེ་རྣམས་ཕལ་ཆེར་རང་དོན་ཡིན་པས། གཞན་དོན་མ་བྱས་ན་ཐེག་པ་ཆེན་པོའི་ལམ་དུ་མི་འགྱུར་བས། སྤྱི་བོར་ཨོ་རྒྱན་སྤྲུལ་སྐུ་གཞུང་ལྟར་བསྒོམས་ལ། གསོལ་འདེབས…

དང་མིའི་འཇིག་རྟེན་དཔལ་དང་ལྡན་པའི་ཞིང་ཁམས་སུ་བསྒྱུར། ལྷ་དང་མི་ཐམས་ཅད་རཏྣ་ཐོད་ཕྲེང་རྩལ་ཨོ་རྒྱན་སེར་པོའི་སྐུར་གྱུར། ཨོ་རྒྱན་གྱི་གསང་གནས་ནས་འོད་ཟེར་ལྗང་གུ་འཕྲོས། ལྷ་མ་ཡིན་གྱི་འཇིག་རྟེན་ལས་རབ་རྫོགས་པའི་ཞིང་ཁམས་སུ་བསྒྱུར། ལྷ་མ་ཡིན་ཐམས་ཅད་ཀརྨ་ཐོད་ཕྲེང་རྩལ་ཨོ་རྒྱན་ལྗང་གུ་སྐུ་ཤ་སྟག་ཏུ་གྱུར་ནས། འགྲོ་བ་རིགས་དྲ…

གཅིག་ལ་ནམ་ལངས་སྔ་དྲོ་དགོང་ཆེན་ཉི་ཐལ་སྲོད་ནམ་ཕྱེད་ཐོ་རངས་བདུན་ལ་ཐུན་བཟུང་བའི་ཚུལ་དུ་ལེའུ་རེ་རེ་དམིགས་པ་དང་བཅས་པས་བཏོན་ནས་ཞག་གཅིག་ལ་ལེའུ་བདུན་ཀ་རྫོགས་པར་བྱས་ནའང་རུང་། ཡང་གདན་ཐོག་གཅིག་ཏུ་ལེའུ་བདུན་ཀ་འདོན་བསྒོམ་ཡང་རུང་། རབ་ལེའུ་བདུན་ཀ་ཞག་རེ་ལ་མ་ཆག་པ། འབྲིང་གསུམ་རེ་ཙམ་འདོན་རེས་བྱ། ཐ་མ་ཡང་ལེའུ་རེ་རེ་ཙམ་མ་…

ལེགས་ཉེས་སྨྲ་ཞིང་སྒྲ་སྐད་སྣ་ཚོགས་འབྱིན། །ཐ་མ་རྨི་ལམ་མཚན་མ་འདི་ལྟར་འབྱུང་། །ལུས་ལས་མི་གཙང་རྣག་ཁྲག་འབབས་པ་དང་། །ཁྲུས་བྱེད་ཆས་གོས་དཀར་པོ་གྱོན་པ་དང་། །ཉི་ཟླ་ཤར་དང་མེ་ཏོག་སྣ་ཚོགས་འཐུ། །རི་བོའི་རྩེར་འདུག་གླིང་གཞན་མཐོང་བ་སོགས། །ལས་ངན་སྒྲིབ་པ་དག་པའི་མཚན་མ་ཡིན། །མེ་ཏོག་ཆར་འབབས་བདུད་རྩིའི་རྫོངས་ལ་འཐུང་། །དར་ཕ…

ཡང་། །དགའ་བྲོད་རློམ་སེམས་འཁྲི་བ་རྩད་ནས་བཅད། །ངན་པའི་མཚན་མ་ལྟས་ངན་ཅི་བྱུང་ཡང་། །བག་ཆགས་འཁྲུལ་སྣང་ཡིན་པས་ལམ་དུ་ཁྱེར། །ཐམས་ཅད་སེམས་ལས་བྱུང་བས་སྤྲོས་པ་ཆོད། །སེམས་ཉིད་སྤྲོས་བྲལ་ཆོས་སྐུར་ལ་བཟླའོ། །ཞེས་གསུངས་ཤིང་། ཁྱད་པར་ལས་སྒྲིབ་ཆེ་ཆུང་གིས། །ཨོ་རྒྱན་པདྨ་ང་རང་དང་། །དངོས་ཉམས་རྨི་ལམ་དུ་ཡང་མཇལ། །ལུང་བསྟན་ཆོས་…

འབྱུང་གནས་ངས། །རང་གི་སྒྲུབ་པ་རང་གིས་བརྩམས། །སུ་འཕྲད་བདེ་ཆེན་ཞིང་དུ་སྦྱོར། །ཅེས་དང་། ཚུལ་བཞིན་སྤྱོད་པས་རང་བཞིན་བདེ་ལ་འགོད། །མི་ལུས་དོན་ལྡན་ཡིན་ནོ་རིགས་ཀྱི་བུ། །འདི་ནི་རྗེས་འཇུག་སུ་དང་སུས་བསྒྲུབ་ཀྱང་། །རྔ་ཡབ་གནས་ནས་ཨོ་རྒྱན་པདྨ་ཡིས། །རྒྱུན་ཆད་མེད་པར་ཐུགས་རྗེས་མི་འཛིན་རེ། །ཐེ་%ཚོམ་མེད་པའི་དམ་ཚིག་གཙང་བར་…