བཅད་དེ་ཟླ་བ་དྲུག་ལ་འཚོ་བ་ཅུང་ཟད་ཀྱང་མེད་པས། རྣ་བ་གཅིག་བཞོས་ཤི་ང་གསོལ་ནས་སྐུ་ཉམས་དང་ལྡན་པར་བཞུགས་པས་གྲུབ་ཐོབ་ཆེན་པོར་གྲགས་པ་དེ་དང་། གྲྭ་ཚང་གི་གྲྭ་པ་རྟོགས་ལྡན་ཤཱཀྱ་ཞེས་པ་གཡེར་པའི་ཟླ་བ་ཕུག་ཏུ་ཕྱེ་བྲེ་གསུམ་ཙམ་ལས་མེད་པར་ཕུག་པའི་སྒོ་བརྩིགས་ཏེ་ཟླ་བ་དྲུག་ཏུ་རླུང་གི་བཅུད་ལེན་མཛད་པས་སྐུ་གཟི་བརྗིད་དང་ལྡན་པར་བཞ…

མ་གཏོགས་གསུངས་སྐད་མི་འདུག་པས་སོ། །བདག་ལྟ་བུ་བསོད་ནམས་ཆུང་བའང་རྒྱལ་བ་ཐམས་ཅད་མཁྱེན་པའི་དྲུང་ནས་ཁྲིད་ཟབ་ལ་རྒྱས་པ་དེ་འདྲ་བ་ཐོབ་ཨང་སྙམ་ནས་དགའ་བ་ཡང་ཡང་སྐྱེས་ཏེ། ༧ རཱ་ག་ཨ་སྱས་རང་ལོ་སོ་བཞི་པར་གསོལ་བ་བཏབ་པའོ། ༈ བདེ་མཆོག་ལྷ་ལྔའི་བརྒྱུད་འདེབས་བཞུགས་སོ།། ན་མོ་ཤི་ཙཀྲ་སཾ་ཝ་ར་ཡེ། རྡོ་རྗེ་འཆང་ཆེན་རྡོ་རྗེ་རྣལ་འབྱོར་…

རུ་ཀ་དང་གཉིས་མེད་རྣལ་འབྱོར་མ། །ཕྱོགས་བཞིར་མཁའ་འགྲོ་མཚམས་བཞི་ཐོད་པས་མཚན། །གཞལ་ཡས་དུར་ཁྲོད་པད་རྡོར་མེ་རི་བཅས། །གསོལ་བ་འདེབས་སོ་བདེ་། ཆེན་དངོས་གྲུབ་སྩོལ། །རྒྱུད་ཀྱི་སྲུང་མ་ནག་པོ་བྱ་རོག་མཚན། །སྐུ་གསུང་ཐུགས་དང་དམ་ཚིག་ཡེ་ཤེས་ལྔའི། །དཀྱིལ་འཁོར་སྐྱོང་མཛད་དཔའ་བོ་མཁའ་འགྲོའི་ཚོགས། །གསོལ་བ་འདེབས་སོ་བདེ་ཆེན་དངོས…

འཇུག་ལོངས་སྤྱོད་རྫོགས་སུ་གོམས་པའི་མཐུས། །འཆི་བ་ཆོས་སྐུ་བར་དོ་ལོངས་སྐུ་དང་། །སྐྱེ་བ་སྤྲུལ་པའི་སྐུ་རུ་རྟོགས་བྱས་ཏེ། རྒྱུད་ཀྱི་དགོངས་དོན་འགྲུབ་པར་བྱིན་གྱིས་རློབས། །འཆི་བ་ཞེས་བྱའི་རྣམ་རྟོག་ཤར་བའི་ཚེ། །འཁོར་ལོ་ལྔ་ཡི་དཔའ་བོ་ཌཱཀི་ཡིས། །གདུགས་དང་རྒྱལ་མཚན་བ་དན་རོལ་མོ་དང་། །གླུ་དང་གར་དང་འཇའ་འོད་མེ་ཏོག་ཆར། །སྣ…

པ། །རོལ་པའི་རྡོ་རྗེ་ཡན་ཆད་གཅིག་བརྒྱུད་དུ། །སྙན་དུ་བརྒྱུད་པ་རྣམས་ལ་གསོལ་བ་འདེབས། །ད་ཕྱིན་རྒྱ་ཆེན་སྤེལ་ན་འགྲོ་དོན་ཆེ། །ཞེས་པའི་གནང་བ་ཕག་མོས་རབ་གནང་ནས། །འགྲོ་དོན་རླབས་ཆེན་མཛད་པའི་མཁའ་སྤྱོད་དབང་། །དེ་བཞིན་གཤེགས་པ་རཏྣ་བྷ་དྲ་དང་། །དོན་ལྡན་འཇམ་དཔལ་བཟང་པོ་གོ་ཤྲི་པ། །རང་བྱུང་མཚོ་སྐྱེས་མཉན་པ་མི་བསྐྱོད་རྗེ། །ད…

མཁའ་འགྲོ་ཕོ་ཉ་སོགས། །ཆོས་བདག་སྲུང་མར་བཅས་ལ་གསོལ་བ་འདེབས། །དེ་ལྟར་གསོལ་བ་བཏབ་པའི་བྱིན་རླབས་ཀྱིས། །ཕྱི་རུ་འབྱུང་ལྔ་རིགས་ལྔ་ཁ་དོག་ལྔ། །ནང་དུ་ཕུང་ལྔ་ཁམས་ལྔ་ཉོན་མོངས་ལྔ། །དག་པ་སྐུ་ལྔ་ཡེ་ཤེས་སངས་རྒྱས་ལྔ། །སྦྱང་གཞི་སྦྱོང་བྱེད་ཤེས་པའི་བསྐྱེད་རིམ་གྱིས། །མཁའ་འགྲོ་ལྔ་པོ་འགྲུབ་པར་བྱིན་གྱིས་རློབས། །ལྟོགས་ན་ཟས་དང…

ཡུམ། །དོན་གྱི་ཕག་མོ་རྟོགས་པར་བྱིན་གྱིས་རློབས། །སྤྲུལ་པའི་འཁོར་ལོ་ཨ་ཡིག་ཐུང་ངུའི་གཟུགས། །རབ་ཏུ་འབར་བས་ཕུང་ཁམས་སྐྱེ་མཆེད་སྦྱངས། །བདེ་ཆེན་འཁོར་ལོ་ཧཾ་ཡིག་ཞུ་བའི་རྒྱུན། །རྩ་འཁོར་ཀུན་བཀང་བདེ་སྟོང་དབྱེར་མེད་པ། །བརྡ་ཡི་ཕག་མོ་འགྲུབ་པར་བྱིན་གྱིས་རློབས། །ཆོས་སྐུ་མཁའ་འགྲོ་སེམས་ལ་རབ་རྟོགས་ཏེ། ལོངས་སྐུ་མཁའ་འགྲོ་བ…

གིས་འགྲིམ་པ་དང་། སླར་ཡང་འོད་ཟེར་དམ་པའི་གཙུག་ལག་ཏུ་དབང་བཞི་ཡོངས་རྫོགས་དབང་རྫས་རྣམས་ཕྱག་གིས་ལན་དུ་མར་འགྲིམ་པ་ཞིག་ཐོབ་པས་བཀའ་དྲིན་དྲན་པས་ཕྱིས་གསོལ་འདེབས་འདི་ངོམ་སྟོད་ཀྱི་རི་ཁྲོད་དུ་བྲིས་པའོ། །རྗེ་བཙུན་མ་འདི་རྗེ་ནཱ་རོ་ནས་ད་ཕན་ཞལ་གཟིགས་ཀྱི་རྒྱུན་མ་ཆད་ཅིང་། རྗེ་འདི་ཕས་ཀྱང་བྱང་ངམ་རིང་ཕྱོགས་སུ་ཞལ་གཟིགས་པར་ས…

སློངས། །ཞེས་གསུངས་ཅོད་པན་བཅིང་དེར་གསོལ་བ་འདེབས། །སྔོན་ཚེ་ཐོགས་མེད་ཅེས་བྱའི་པཎྜི་ཏས། །བཞི་གསུམ་ལོ་གྲངས་བར་དུ་ཁྱེད་བསྒྲུབ་ཚེ། །དངོས་སུ་ཞལ་བསྟན་ལྷ་ཡུལ་ཁྲིད་མཛད་ནས། །བྱམས་ཆོས་གསུངས་མཛད་དེ་ལ་གསོལ་བ་འདེབས། །བདེ་བ་ཅན་ན་རྒྱལ་བ་འོད་དཔག་མེད། །དགའ་ལྡན་གནས་ན་རྒྱལ་སྲས་མ་ཕམ་པ། །གངས་རིའི་ཁྲོད་འདིར་ཞྭ་དམར་ཅོད་པན་ཅན…

ལུང་བསྟན་ལས། །ང་ཡི་རྣམ་འཕྲུལ་སྐྱེ་བ་ཉེར་གཅིག་པ། །བྱམས་པའི་བསྟན་པ་རྒྱས་པར་བྱེད་གསུངས་ལྟར། །ཞྭ་དམར་ཉེར་གཅིག་འབྱོན་ལ་གསོལ་བ་འདེབས། །མི་བསྐྱོད་རྗེ་དང་ཆོས་དབྱིངས་རྡོ་རྗེ་སོགས། །ཡེ་ཤེས་སྤྱན་ལྡན་སྐྱེས་བུ་དུ་མ་ཡིས། །བྱམས་ཆེན་དངོས་ཀྱི་སྤྲུལ་པར་མངའ་གསོལ་བ། །ཆོས་ཀྱི་དབང་ཕྱུག་ཞབས་ལ་གསོལ་བ་འདེབས། །དེ་ལྟར་གསོལ་བ་…

བཟླས་ནས། རིང་པོར་མ་ལོན་པ་མྱ་ངན་ལས་འདས་པའི་ཚུལ་བསྟན་ཞེས་དང་། འདི་ཡི་ཚེ་བཟང་སྤྱོད་དང་། ལྷག་པར་བྱམས་སྨོན་ཁོ་ན་འདོན་དགོས་གསུངས་པས། བྱམས་པ་དངོས་ཡིན་པར་ཐག་ཆོད་ནས། རང་གི་ཡང་ལོ་བཅུ་ཙམ་ཞིག་ལ་བྱམས་སྨོན་མ་ཆག་པར་བྱས་ཤིང་ཕྱིས་གསོལ་འདེབས་འདི་བྱས་ཏེ། བྱམས་པ་དངོས་ལས་བྱམས་ཆོས་ཐོབ་ཨང་སྙམ་པ་ཡང་ཡང་བྱུང་བས། ཨ་རཱ་གས་སོ། …

གཏེར་ནས་བཏོན། །ཐེག་ཆེན་གདམ་པས་བོད་ཡུལ་མུན་པ་སེལ། །ཇོ་བོ་བཀའ་དྲིན་ཅན་ལ་གསོལ་བ་འདེབས། །ཁུ་རྔོག་འབྲོམ་གསུམ་རྒྱལ་སྲས་སྐུ་མཆེད་གསུམ། །བརྒྱུད་འཛིན་སྐྱེས་བུ་རྣམས་ལ་གསོལ་བ་འདེབས། །འབྲོམ་སྟོན་ཉིད་ཀྱི་སྤྲུལ་པ་ལུང་བསྟན་པར། །གྲགས་པའི་མིང་ཅན་བདུན་རྒྱུད་འབྱུང་གསུངས་ལྟར། །བཀའ་གདམས་ཆོས་ཚུལ་ལྷད་མེད་འཛིན་མཛད་པ། །གྲགས…

རྡོ་རྗེ་འཛིན། །ཕྱི་རུ་ཉན་ཐོས་ནང་དུ་བྱང་ཆུབ་སེམས། །གསང་བ་རྡོ་རྗེ་ཐེག་པའི་དོན་རྟོགས་ནས། །ཇོ་བོའི་བཞེད་པ་འགྲུབ་པར་བྱིན་གྱིས་རློབས། །ཞེས་པ་འདི་སྔ་སོར་རྗེ་ཞྭ་དམར་ཅོད་པན་འཆང་བ་དྲུག་པའི་ཞལ་སྔ་ནས། བྱང་ཆུབ་ལམ་གྱི་སྒྲོན་མེའི་གཞུང་དང་དེ་ཡི་འགྲེལ་རྒྱན་རྒྱལ་ཚབ་གྲགས་པ་དོན་གྲུབ་ཀྱིས་བསྒྲིགས་པ་དེ་ཐོབ་ཅིང་། ཇོ་བོ་དང…

པར་གྲགས་ལ་གསོལ་བ་འདེབས། །ནཱ་ལེནྡྲ་པས་ཉམས་ཚད་བྱས་པའི་ཚེ། །ཁྲི་མཐོན་ཕྱག་གི་མནན་ཏེ་མི་མངོན་གཤེགས། །སྔར་མ་གྲགས་པའི་བྱང་ཆུབ་སྤྱོད་འཇུག་གསུངས། །ཤེར་ལེའུ་དངོས་དང་དངོས་མེད་ཞེས་པ་ནས། །ནམ་མཁར་ཇེ་མཐོར་གཤེགས་ལ་གསོལ་བ་འདེབས། །ཤར་ཕྱོགས་འཁྲུག་རྩོད་རྫུ་འཕྲུལ་དག་གིས་བསྡུམ། །མུ་སྟེགས་ལྔ་བརྒྱ་འཚོ་བ་ཆད་པ་ལས། །འབྲས་ཆེན་…

ཁྱེད་གསུང་བདུད་རྩིའི་རྒྱུན་ལ་གསོལ་བ་འདེབས། །འགྲོ་བའི་མགོན་པོ་ས་སྐྱ་པཎྜི་ཏས། །བོད་དུ་འགྱུར་བའི་དམ་ཆོས་མཐའ་དག་ལས། །བྱང་ཆུབ་སྤྱོད་འཇུག་གཅིག་པུ་གདམས་ཞེས་གྲགས། །ཁྱེད་གསུང་མཚུངས་བྲལ་དེ་ལ་གསོལ་བ་འདེབས། །ཁྱེད་གསུངས་གདུལ་བྱའི་ཡུལ་དུ་འདྲེན་མཛད་པ། །ལོ་པཎ་མཁས་གྲུབ་བརྒྱུད་པའི་བླ་མ་དང་། །སྙིགས་དུས་འགྲོ་བའི་སྐྱབས་…

གེགས་མེད་འགྲུབ་པར་བྱིན་གྱིས་རློབས། །ཞེས་པ་འདི་ཡུལ་བྱང་ཕྱོགས་རྒྱུད་ཀྱི་པཎྜི་ཏ། འཇམ་དབྱངས་བླ་མ་ཆོས་ཀྱི་སྣང་བ་ཅན་ཞེས་ཡི་དམ་ལྷའི་མཚན་གསོལ་བའི་ཞལ་སྔ་ནས་བྱང་ཆུབ་སེམས་པའི་སྤྱོད་པ་ལ་འཇུག་པ་ལེགས་པར་ཐོབ་པ་འདི་ནི་མདོ་ཕྱོགས་ཀྱི་ཆོས་ཐམས་ཅད་ཀྱི་སྙིང་པོར་འདུག་པས་བཀའ་དྲིན་དྲན་ནས། ཀརྨ་ཨ་རཱ་གས་ཕྱིས་གསོལ་བ་བཏབ་པའོ།། ༈…

བཀའ་བརྒྱུད་དེ་ལ་གསོལ་བ་འདེབས། །གཞན་ཡང་པོ་ཏོ་བ་དང་ཤ་ར་བ། །མཐའ་བྲལ་ཅི་བཞིན་གཟིགས་མཛད་དུས་གསུམ་མཁྱེན། །དབུ་མའི་དོན་བརྒྱུད་རྣམས་ལ་གསོལ་བ་འདེབས། །རས་ཆེན་སྤོམ་བྲག་པ་དང་ཀརྨ་པ། །ཨུ་རྒྱན་པ་དང་རང་བྱུང་རྒྱལ་བ་གཡུང་། །རོལ་པའི་རྡོ་རྗེ་མཁའ་སྤྱོད་དེ་བཞིན་གཤེགས། །རཏྣ་བྷ་དྲ་དོན་ལྡན་འཇམ་དཔལ་བཟང་། །ཆོས་གྲགས་རྒྱ་མཚོ་མཉ…

རབ་བང་སྟོན་ཤེས་རིན་དང་། །བསོད་ནམས་སེང་གེ་བང་སྟོན་བསམ་བཟང་བ། །བང་སྟོན་གཞོན་བསམ་ཐང་ནག་བཀྲས་སེང་ཞབས། །གཞོན་ནུ་བཟང་པོ་ཆོས་གྲགས་གཞོན་རྒྱལ་དང་། །རོང་སྟོན་ཆེན་པོ་བྱམས་ཆེན་རབ་འབྱམས་པ། །འབུམ་ཕྲག་གསུམ་པ་ཀརྨ་ཕྲིན་ལས་ཞབས། །མི་བསྐྱོད་ཞབས་དང་རྒྱལ་བ་དཀོན་མཆོག་འབངས། །དབང་ཕྱུག་རྡོ་རྗེ་སྨྲ་བའི་སེང་གེའི་ཞབས། །འཇམ་དབྱང…

བཀག་ནས། །རང་ཉིད་མཐའ་བྲལ་གྲུབ་མཐའ་བཞག་མེད་པ། །ཚིག་དང་དཔེ་ཡི་མི་མཚོན་ཆེས་ཕྲ་བ། །མཐའ་བྲལ་དབུ་མ་རྟོགས་པར་བྱིན་གྱིས་རློབས། །ཞེས་པ་འདི་སྔ་སོར་ཞྭ་དམར་ཅོད་པན་འཛིན་པ་འཇམ་དབྱངས་གསལ་དུ་བཞད་པའི་ཞལ་སྔ་ནས། དབུ་མ་ལ་འཇུག་པའི་ཚིག་ལེའུ་བྱས་པ་ལེགས་པར་ཐོབ་ཅིང་། རང་གི་ཡང་ཀུན་ཆུབ་པར་བྱས་ནས་ཚོགས་ཆེན་ལ་སྐྱོར་བ་དང་། ལོ་ཡ་ཟུ…

གསོལ་བ་འདེབས། །ཟླ་བའི་གླིང་ན་གནས་པའི་དགྲ་བཅོམ་གྱིས། །ཁྱོད་ཉིད་ཀླུ་སྒྲུབ་སྤྲུལ་པ་ལུང་བསྟན་ཅིང་། །ཁ་ཆེའི་པཎ་ཆེན་ཤཱཀ་ཤཱི་མཆེད་གཉིས་ལ། །མེ་ཏོག་སྐྱེས་སུ་བཀུར་ལ་གསོལ་བ་འདེབས། །མི་མཇེད་བདག་པོ་ཚངས་པ་གདོང་བཞི་ཡིས། །གསེར་གྱི་འཁོར་ལོ་ཕུལ་ནས་ཁྱོད་ཉིད་ལ། །ཆོས་ཀྱི་འཁོར་ལོ་བསྐོར་བར་གསོལ་བཏབ་པས། །དམ་ཆོས་དགོངས་གཅིག་…