ལ། །ལྷག་པར་ཐུགས་རྗེའི་དཔུང་ཆེན་ཆེར་བསྐྱེད་ནས། །ལོ་བརྒྱའི་བར་དུ་བཞུགས་པར་གསོལ་བ་འདེབས། །སྐབས་ཞུས་རྨོ་དང་གཙུག་ཕུའི་གཟིམས་ཁང་ལ། །ན་ཉིན་ལོ་ནས་ཁང་ལས་ལེགས་པར་ཚར། །རྟོགས་ལྡན་རྣམས་ཀྱང་ཐུགས་དམ་འཕེལ་བར་ཡོད། །བདག་ཀྱང་སྐྱབས་གནས་ཉིད་ཀྱི་ཆགས་ཕྱི་དང་། །བསྟན་ལ་གང་ཕན་སྒྲུབ་སྡེ་ཁ་གསོ་དང་། །ཆོས་ར་འབུལ་སྒང་ཟང་ཟིང་མཆོད་…

སླད་ཟང་ཟིང་འབུལ་བ་མི་འཇོག་ཀྱང་། །ད་ནི་རྩེ་གཅིག་བསྒྲུབ་པའི་མཆོད་པ་འབུལ། །དེང་ནས་བཟུང་སྟེ་ཇི་སྲིད་འཚོ་ཡི་བར། །ཚེ་འདིའི་བྱ་བ་སྒྲུབ་པ་བློས་བཏང་ནས། །བྱང་ཆུབ་དོན་དུ་གཉེར་བའི་དམ་བཅའ་འབུལ། །ཚེ་འདིའི་ལྟོ་གོས་གཏམ་ལ་གྱོང་བསྐུར་ནས། །སྒྲུབ་པ་སྙིང་པོར་བྱེད་པའི་དམ་བཅའ་འབུལ། །ལྟོ་ཕྱིར་གྲོང་ཆོག་འདྲེ་འདུལ་མི་བྱེད་ཅིང…

འབུལ་བ་དགུ་ཚན་འདི། །བར་ཆད་མེད་ཅིང་མཐའ་རུ་ཕྱིན་པར་ནི། །སྤྲུལ་པའི་སྐུ་མཆོག་ཁྱེད་ཀྱིས་བྱིན་གྱིས་རློབས། །ཞུ་ཡིག་གཟིགས་རྟེན་བཀྲ་ཤིས་ཁ་བཏགས་དང་། །རྗེ་ཉིད་ཡུན་རིང་བཞུགས་པའི་རྟེན་འབྲེལ་དུ། །ས་གདན་ལེགས་པ་གཅིག་དང་བཅས་ནས་ཀྱང་། །ཚེས་གྲངས་དགེ་བར་རི་བོའི་ཁྲོད་ནས་ཕུལ། །ཞེས་པ་འདི་དྲུང་པ་སྒྲུབ་བརྒྱུད་བསྟན་པ་རྣམ་རྒྱལ…

བྲལ་དུས་འགྱོད་ཀྱང་འཕྱིས། །བློ་གསལ་ན་གཞོན་གྱི་བན་ཆུང་འགའ། །ཡིག་རིས་དང་ཡོན་ཏན་མ་ཤེས་ན། །གོས་བཟང་ཡང་བོང་བུ་རྒྱབ་སེར་ཡིན། །ཅེས་ཕན་པར་སྨྲས་ཚེ་ཀ་ལོང་བྱེད་། །རང་ཤི་རྒས་ལ་ཐུགས་དུས་འགྱོད་ཀྱང་འཕྱིས། །ནོར་འདོད་པས་ཚ་ཁེ་བུན་སྐྱེད་སོགས། །འཕྲལ་དཀའ་ཞིང་གོང་མ་རྣམས་ཀྱིས་ཁྲེལ། །འདི་སྨྲས་ཚེ་མི་དགའི་ངོ་ནག་སྦྱད། །རང་ཆོས་…

ད་འོན་ཀྱང་མི་མཇེད་འཇིག་རྟེན་ཁམས། །དོན་ཕན་གནོད་གཉིས་པོ་འབྱེད་པར་དཀའ། །ལས་ངན་པ་བསླབས་ན་ཕན་དུ་གོ །ཚིག་ངན་པར་སྨྲས་ན་སྡང་བར་མཐོང་། །ངག་ཡང་ཡང་སྨྲས་ན་ཁོང་ཁྲོ་སྐྱེ། །ད་དེ་བས་དམ་བཅའ་ཚིག་གསུམ་འབུལ། །ངས་སྔོན་ཆད་བློ་སེམས་མི་ངན་ཡང་། །ངག་ཚིག་རྩུབ་གང་སྨྲས་མཐོལ་ཞིང་བཤགས། །བདག་འདི་ཕྱིར་སྒྲིབ་པར་མ་གྱུར་ཅིག །ད་དིང་ནས་…

ལ། །ཨེ་མ་ཧོ་སྟེ་ངོ་མཚར་ཆེ། །ཡ་ཀི་རྒྱལ་བའི་ཐུགས་རྒྱུད་དང་། །མ་ཀི་རིགས་དྲུག་གི་འཁྲུལ་སྣང་གཉིས། །དེ་ཆོས་ཉིད་སྟོང་པའི་ངང་དུ་གཅིག །ཡ་ཀི་བྱང་སེམས་ཀྱི་འགྲོ་དོན་དང་། །མ་ཀི་བདུད་ཀྱི་སྡིག་སྟོབས་གཉིས། །དེ་ཆོས་ཉིད་སྟོང་པའི་ངང་དུ་གཅིག །ཡ་ཀི་བདེ་ཆེན་གྱི་ཞིང་ཁམས་དང་། །མ་ཀི་དམྱལ་ཁམས་བཅོ་བརྒྱད་གཉིས། །དེ་ཆོས་ཉིད་སྟོང…

ཀི་རང་གི་སེམས་རྒྱུད་གཉིས། །དེ་ཆོས་ཉིད་སྟོང་པའི་ངང་དུ་གཅིག །ཡ་ཀི་རྣལ་འབྱོར་རང་སེམས་དང་། །མ་ཀི་འགྲོ་དྲུག་གི་སེམས་རྒྱུད་གཉིས། །དེ་ཆོས་ཉིད་སྟོང་པའི་ངང་དུ་གཅིག །དེ་ཚོ་གཅིག་པའི་གཅིག་ལུགས་ཡིན། །ད་མཚར་བའི་མཚར་ལུགས་འདི་ལྟར་གདའ། །ཡར་རྫོགས་པའི་སངས་རྒྱས་ཐོབ་གྱུར་ཀྱང་། །ད་ངོ་བོ་བཟང་དུ་མ་སོང་མཚར། །མར་མནར་མེད་ཀྱི་…

སྟོང་པ་དབྱེར་མེད་པས། །གཞི་དབུ་མའི་མིང་དུ་བཏགས་པ་མཚར། །གཅིག་པ་བཅུ་དང་མཚར་བ་བཅུ། །མཚམས་དམ་པོ་འདག་ཆར་བྱེད་པའི་དུས། །གདོན་དང་སྟོང་ཉམས་མི་འབྱེད་པའི། །ཉམས་མཚར་པོ་ཅིག་ཤར་ནས་སྨྲས་པ་ཡིན། །ཤུ་བྷཾ།། ༈ །།ན་མོ་གུ་རུ་ཌཱཀི་ཡེ། བླ་མ་ཡི་དམ་དབྱེར་མེད་པའི། །གསང་བ་ཡེ་ཤེས་ཞབས་ལ་འདུད། །ཚེ་འདིའི་འདུན་མ་བློས་བཏང་ནས། །རྩེ་ག…

གསུང་ལྷང་ལྷང་ཆོས་སྒྲ་སྒྲོག་པ་མཇལ། །བདག་ལ་ཆོས་འབྲེལ་གནང་དགོས་ཞུས། །དེ་ཚེ་ཡེ་ཤེས་མཁའ་འགྲོ་མས། །སེང་གདོང་ཌཱཀི་གཏོར་དབང་ནི། །མངོན་སུམ་ལྟ་བུར་གསལ་བར་གནང་། །ཞལ་ཕྱག་གསལ་བར་མ་མཐོང་ཡང་། །གཏོར་མ་མགོ་ལ་འབྱོན་པར་སྣང་། །སྐུ་གསུང་ཐུགས་ཡོན་ཕྲིན་ལས་ཀྱི། རྗེས་གནང་ལྔ་པོ་སོ་སོ་ལ། །གཏོར་མ་ལྷ་རུ་གསལ་བ་ཡི། །དཔྲལ་བ་མགྲིན་…

བླ་མ་རྗེ་ཡི་དྲིན། །བལྟ་རྒྱུ་ཡོད་ན་ལྟ་བ་མིན། །ལྟ་བློ་ཡོད་ན་ལྟ་བ་མིན། །ལྟ་བ་བློ་ལས་འདས་པ་ཡིན། །བསྒོམ་རྒྱུ་ཡོད་ན་སྒོམ་པ་མིན། །བསྒོམ་བློ་ཡོད་ན་སྒོམ་པ་མིན། །བསྒོམ་པ་ཡིད་དཔྱོད་བྲལ་བ་ཡིན། །སྤྱོད་རྒྱུ་ཡོད་ན་སྤྱོད་པ་མིན། །སྤྱོད་བློ་ཡོད་ན་སྤྱོད་པ་མིན། །སྤྱོད་པ་བླང་དོར་བྲལ་བ་ཡིན། །ཐོབ་རྒྱུ་ཡོད་ན་འབྲས་བུ་མིན།་ཐ…

བྱས་ནས། །ཁ་སྦད་ཁ་པོ་ཆོས་པ་མཐོལ་ལོ་བཤགས། །ཞེས་པ་རྨི་ལམ་དུ་ཆོས་གཏམ་འགའ་བྱས་པས་བསྒོམ་རྒྱུ་ཡོད་ན་སྒོམ་མིན། བསྒོམ་སྙམ་པའི་བློ་ཡོད་ན་སྒོམ་མིན།ཞེས་སོགས་སྨྲས་པ་རྨིས་ཤིང་ཕྱིར་ནངས་ནས་དེ་དང་མཐུན་པའི་ཉམས་ཤིག་སྐྱེས་པ་ལ་བརྟེན་ནས་སྨྲས་པའོ།། ༈ །།ན་མོ་གུ་རུ་བྷ། གནས་འོག་མིན་ཆོས་དབྱིངས་ཕོ་བྲང་ནས། །རྗེ་རྒྱལ་བའི་སྤྱི་གཟ…

ཕ་གསོལ་བ་འདེབས་སོ་ཐུགས་རྗེས་གཟིགས། །བུ་འཇིགས་པ་ཀུན་ལས་བསྐྱབ་ཏུ་གསོལ། །རྐྱེན་བར་ཆད་ཞི་བར་བྱིན་གྱིས་རློབས། །ནུབ་ལ་ཕྱི་གངས་ཀྱི་ར་བ་ན། །མ་མཁའ་འགྲོའི་དབང་ཕྱུག་མི་ལ་རྗེ། །ཕ་གསོལ་བ་འདེབས་སོ་ཐུགས་རྗེས་གཟིགས། །བུ་འཇིགས་པ་ཀུན་ལས་བསྐྱབ་ཏུ་གསོལ། །རྐྱེན་བར་ཆད་ཞི་བར་བྱིན་གྱིས་རློབས། །ཤར་དྭགས་ལྷ་དཔལ་གྱི་སྒམ་པོ་ན། …

མངའ་བདག་ཡིན་ལགས་པས། །ཚེ་སྔོན་གྱི་ལས་ངན་ཡོད་ན་ཡང་། །དུས་དེ་རིང་ཁྱེད་ཀྱིས་བཟློག་ཏུ་གསོལ། །རྐྱེན་གློ་བུར་གྱི་བར་ཆད་མཆིས་ན་ཡང་།དུས་དེ་རིང་ཞི་བར་མཛད་དུ་གསོལ། །ཞེས་པ་འདི་དག་གཞན་རྐྱེན་ལ་བརྟེན་པའི་འཇིགས་སྐྲག་འགའ་བྱུང་དུས། ཡི་དམ་ལ་གསོལ་བ་བཏབ་པས་རྨི་ལམ་ན། ཤེར་ཕྱིན་རྒྱས་པ་ཡིན་སྙམ་པའི་གླེགས་བམ་མང་པོ་འདུག་པ་གཅིག…

ཕྱི་ལྟར་ཆོས་ཀྱི་རྒྱལ་མཚན་པ། །ནང་ལྟར་རྗེ་བཙུན་རི་མགོ་བ། །གསང་བ་དམ་ཅན་རྒྱ་མཚོའི་གཙོ། །གསོལ་བ་འདེབས་སོ་བྱིན་གྱིས་རློབས། །ཕྱི་ལྟར་རྒྱལ་སྲས་སྨྱུ་གུའི་ཚུལ། །ནང་ལྟར་ཆོས་ཀྱི་གོ་ཆ་སྟེ། །གསང་བ་དཔལ་ལྡན་མགོན་པོ་ཉིད། །གསོལ་བ་འདེབས་སོ་བྱིན་གྱིས་རློབས། །རྒྱལ་བ་རྒྱ་མཚོ་སྤྱན་རས་གཟིགས། །རྒྱ་མཚོ་ལྔ་ཡི་དཀྱིལ་འཁོར་གྱི། …

༈ །།ན་མོ་ལོ་ཀེ་ཤྭ་ར་ཡེ། བདེ་བ་ཅན་གྱི་ཞིང་ཁམས་ན། །ཆོས་སྐུ་སྣང་བ་མཐའ་ཡས་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །པོ་ཊ་ལ་ཡི་གནས་མཆོག་ན། །ལོངས་སྐུ་ཐུགས་རྗེ་ཆེན་པོ་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད…

གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །ལྕང་ལོ་ཅན་གྱི་གནས་མཆོག་ན། །རས་ཆུང་རྡོ་རྗེ་གྲགས་པ་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །རྩ་རླུང་བདེ་དྲོད་གཞལ་ཡས་ན…

སྩོལ། །སྣང་སྲིད་ཟིལ་གནོན་ཕོ་བྲང་ན། །གྲུབ་ཆེན་ཀརྨ་པཀཱི་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །གཉེན་རས་སང་གྷ་ལཀྵ་དང་། །སེམས་དཔའ་རང་བྱུང་རྡོ་རྗེ་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ…

འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །གྲུབ་ཆེན་མཉན་པ་རས་ཆེན་དང་། །ཀུན་མཁྱེན་མི་བསྐྱོད་རྡོ་རྗེ་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །གར་དབང་དཀོན་མཆོག་ཡན་ལག་དང…

ལུས་སྣང་སྟོང་གཟུགས་ཀྱི་སྐུ། །ཡི་དམ་རྒྱལ་བ་རྒྱ་མཚོ་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟློག་ཏུ་གསོལ། །འཆི་མེད་ཚེ་ཡི་དངོས་གྲུབ་སྩོལ། །ན་ཚ་བདེ་སྟོང་ཆོས་ཀྱི་སྐུ། །མཁའ་འགྲོ་གསང་བ་ཡེ་ཤེས་ལ། །མོས་གུས་དྲག་པོས་གསོལ་བ་འདེབས། །ནད་གདོན་བར་ཆད་ཞི་བར་མཛོད། །དུས་མིན་འཆི་བ་བཟ…

བུས་གསོལ་བཏབ་ནས། །བརྒྱལ་ཞིང་འབོག་པའི་ནད་གདོན་རྣམས། །ཞི་ཞིང་མེད་པར་མཛད་དུ་གསོལ། །ལུས་སེམས་བདེ་བར་བྱིན་གྱིས་རློབས། །ཞེས་པ་འདི་རང་གི་ཉེ་གནས་དོན་གྲུབ་ལ་བརྒྱལ་ནད་དྲག་པོ་ཞིག་བྱུང་ནས་ཞག་རེ་རེ་ལ་ཡང་ལན་བཅུ་གཉིས་ཙམ་བརྒྱལ་ནས་འགྲོ་བ་གཅིག་བྱུང་ནས་ཐབས་གང་གིས་ཀྱང་མ་ཕན། འདི་སྔོན་ལས་ཀྱི་འབྲས་བུ་ཅི་ཡིན་ནམ་སྙམ་ནས་ནམ་ས…