ཡུམ་མཆོག་རྡོ་རྗེ་ཕག་མོ་ལ། །གསོལ་བ་འདེབས་སོ་བྱིན་གྱིས་རློབས། །སྣང་སྲིད་དབང་གི་དངོས་གྲུབ་སྩོལ། །ཉི་ཤུ་རྩ་བཞིའི་གནས་མཆོག་ན། །ཐོགས་མེད་རྫུ་འཕྲུལ་སྟོབས་དང་ལྡན། །རིགས་བཞིའི་དཔའ་བོ་མཁའ་འགྲོ་ལ། །གསོལ་བ་འདེབས་སོ་བྱིན་གྱིས་རློབས། །སྣང་སྲིད་དབང་གི་དངོས་གྲུབ་སྩོལ། །ཁྱེད་ལ་གསོལ་བ་བཏབ་པའི་མཐུས། །ཁམས་གསུམ་དབང་དུ་ས…

ན་སྤྱན་རས་གཟིགས། །དབུས་རུ་བྱང་ན་འབྲོམ་སྟོན་རྒྱལ་བའི་མཚན། །ཕུ་ཆུང་བ་དང་སྐྱེར་སྒང་བ་ལ་སོགས། །གང་འདུལ་སྤྲུལ་པ་ཕྱོགས་བཅུར་འགྱེད་མཛད་ཅིང་། །དེང་སང་ཞིང་འདིར་སྤྲུལ་པའི་སྐུ་སྟོན་པ། །ཆོས་དབྱིངས་རྡོ་རྗེའི་ཞབས་ལ་གསོལ་བ་འདེབས། །ཤེས་རབ་རྣམ་གཉིས་རྒྱལ་མཚན་རྣམ་གསུམ་སོགས། །བརྒྱུད་པའི་བླ་མ་ཐུགས་རྗེ་ཆེ་རྣམས་དང་། །བཀའ་…

འཇིག་རྟེན་ལྷ་ལ་སྐྱབས་སུ་མི་འགྲོ་བར། །ཐུགས་རྗེ་གཡེལ་མེད་འགྲོ་ལ་རྟག་ཏུ་གཟིགས། །འཕྲལ་བདེ་ཕུགས་སུ་སྐྱོབ་པའི་ལྷ་ཚོགས་བཞི། །འབྲལ་མེད་སྐྱབས་སུ་འཛིན་པར་བྱིན་གྱིས་རློབས། །རབ་འབྱམས་མདོ་རྒྱུད་ཀུན་ཏུ་གསུངས་པའི་ལྷ། །ལྷ་རེ་སྔགས་རེ་སྤང་བླང་མི་བྱེད་པར། །ཐམས་ཅད་ཐིག་ལེའི་དཀྱིལ་འཁོར་གཅིག་བསྡུས་ནས། །རྗེས་དྲན་ལྔ་དང་ལྡན་…

ཆོས་ཀྱི་སྐུ་ལ་གསོལ་བ་འདེབས། །ངེས་པ་ལྔ་ལྡན་འདྲེན་པ་འོད་དཔག་མེད། །རིགས་ལྔ་ཚེ་ཡི་བདག་པོ་བཅོམ་ལྡན་འདས། །རྒྱལ་བ་རྒྱ་མཚོ་གསང་འདུས་ཐུགས་རྗེའི་ལྷ། །བླ་མ་ལོངས་སྤྱོད་རྫོགས་ལ་གསོལ་བ་འདེབས། །མི་མཇེད་འཛམ་གླིང་བྱེ་བ་ཕྲག་བརྒྱ་ན། །མདོ་སྔགས་བསྟན་པ་ཟུང་དུ་འཇུག་པའི་ཕྱིར། །ཤཱཀ་ཐུབ་པད་འབྱུང་བྱེ་བ་ཕྲག་བརྒྱར་སྤྲུལ། །བླ་མ་…

སྙིང་པོ་དང་། །དྲི་མེད་སྡེ་ལྔ་གླིང་པ་བརྒྱད་ལ་སོགས། །གཏེར་སྟོན་སྤྲུལ་སྐུ་རྣམས་ལ་གསོལ་བ་འདེབས། །རྒྱལ་བ་རང་བྱུང་མཚོ་སྐྱེས་རྡོ་རྗེའི་ཞབས། །ཀུན་མཁྱེན་འབྲུག་ཆེན་ཀུན་དགའ་དཔལ་འབྱོར་དང་། །སྤྲུལ་པའི་ཆོས་རྒྱལ་ཀུན་དགའི་མཚན་ཅན་སོགས། །ཆོས་བདག་སྐྱེས་མཆོག་རྣམས་ལ་གསོལ་བ་འདེབས། །དབང་ཆེན་སྤྲུལ་པ་རྒྱལ་སྲས་ཚེ་དབང་གྲགས། །…

དམ་དངོས་སུ་མོས་ན་དངོས་གྲུབ་མྱུར། །རྩ་བའི་བླ་མའི་ཞབས་ལ་གསོལ་བ་འདེབས། །སློབ་མས་མཆོད་དམ་དབང་བསྐུར་བྱེད་པའི་ཚེ། །དད་ལྡན་རྗེས་སུ་བཟུང་ཕྱིར་སངས་ལྟརྒྱས་རྣམས། །དེ་ཚེ་སློབ་དཔོན་ལུས་ལ་ཞུགས་པར་གསུངས། །ཤིན་ཏུ་ཉེ་བརྒྱུད་དེ་ལ་གསོལ་བ་འདེབས། །སྙིགས་དུས་གཏེར་ལ་མོས་པའི་སྐལ་ལྡན་རྣམས། །དེང་སང་གུ་རུའི་ཞལ་མཐོང་སྨོན་ལམ་བཏ…

གསོལ་བ་འདེབས། །རྟོག་ཚོགས་འཁྲུལ་པའི་རང་གཟུགས་དྲེགས་པའི་ཚོགས། །རྒྱལ་བས་བཀའ་བསྒོས་རྣལ་འབྱོར་བུ་བཞིན་སྐྱོངས། །བསྟན་པའི་བཀའ་སྲུང་བཀའ་ཡི་བྱ་ར་བ། །དམ་ཅན་རྒྱ་མཚོའི་ཚོགས་ལ་གསོལ་བ་འདེབས། །དེ་ལྟར་པད་འབྱུང་བརྒྱུད་པར་བཅས་རྣམས་ལ། །ཁ་ཙམ་མིན་པར་སྙིང་ནས་གསོལ་བཏབ་པས། །སེམས་མེད་ནོར་བུས་དགོས་འདོད་སྩོལ་བ་ལྟར། །བྱིན་རླབས…

གང་ནས་འོང་ཡང་མི་ཤེས་ཤིང་། །ཕྱི་མ་གར་སྐྱེ་ད་ལྟའི་ལས་ལ་རག །རིགས་དྲུག་གང་དུ་སྐྱེས་ཀྱང་སྡུག་བསྔལ་ཆེ། །སྐྱོ་བ་གཏིང་ནས་སྐྱེ་བར་བྱིན་གྱིས་རློབས། །བཙན་ཕྱུག་སྟོབས་འབྱོར་ཆེ་ཡང་རྟག་མི་ཐུབ། །ཚེ་འདིའི་བདེ་སྐྱིད་བསྒྲུབ་ཀྱང་འགྲུབ་པར་དཀའ། །འགྲུབ་ཀྱང་ཡུན་རིང་མི་གནས་མྱུར་དུ་འཇིག །དགོས་མེད་རྒྱུད་ལ་སྐྱེ་བར་བྱིན་གྱིས་རླ…

ངང་དུ་བཞག་པ་ཡི། །འོད་གསལ་མ་བུ་འདྲེས་པར་བྱིན་གྱིས་རློབས། །འཆི་བ་ཆོས་ཀྱི་སྐུ་རུ་སངས་རྒྱས་ནས། །སླར་ཡང་བར་དོ་ལོངས་སྤྱོད་རྫོགས་པའི་སྐུ་། །མཚན་དཔེའི་རྒྱན་དང་ལྡན་པའི་ཡི་དམ་ལྷ། །དག་པའི་སྒྱུ་ལུས་འཆར་བར་བྱིན་གྱིས་རློབས། །ཡི་དམ་ལྷ་དང་དཔའ་བོ་མཁའ་འགྲོའི་ཚོགས། །སྣ་ཚོགས་མཆོད་པས་བདག་གི་མདུན་བསུ་ཞིང་། །ཨོ་རྒྱན་སྣང་བ…

རྗེའི་ཆུ་འཛིན་རབ་འཁྲིགས་ཀྱང་། །གསོལ་འདེབས་དབྱར་སྐྱེས་མགྲིན་རྔ་མི་སྒྲོག་ཅིང་། །ལོག་ལྟའི་རླུང་དམར་རབ་ཏུ་སྦྱད་ལུགས་ཀྱིས། །བྱིན་རླབས་བསིལ་རྒྱུན་ནམ་ཞིག་ལྟའབབ་ན་ཨང་། །རྒྱལ་བསྟན་མཚན་མོའི་མགོན་པོ་ཤར་ན་ཡང་། །ངེས་འབྱུང་བཟང་པོའི་སྤྲིན་དཀར་འཛུམ་མེད་པར། །ཚུལ་མིན་སྤྱོད་པའི་ཆར་མུན་འཁྲིགས་ལུགས་ཀྱིས། །ཐར་བའི་ལམ་བཟང་…

ཚོ་བཞིན། །དམ་ཆོས་སྨྲས་ཀྱང་རང་རྒྱུད་གྱོང་པོ་རང་། །བྱ་བྲལ་ང་ནི་རང་ལ་རང་མ་མགུ། །ད་ནི་རང་གིས་རང་ལ་གྲོས་ཤིག་ཐོབ། །ཅེས་རང་གཞན་འགའ་ལ་བསམས་པས་ཅུང་མ་མགུ་ཞིང་། ཁྱད་པར་དྲུང་རམ་པ་སྟོབས་ཆེན་གྱིས་རྒྱལ་བའི་དབང་པོ་ལ་མ་དད་ནས་ངག་འཁྱལ་འགའ་སྨྲས་ཟེར་བ་དྲན་ནས་སྨྲས་པའོ། །མངྒ་ལཾ།། ༈ །།སྔགས་འཆང་རྣལ་འབྱོར་ཚེ་དབང་བཀྲ་ཤིས་ཀྱི།…

སོང་ནས་མི་གཙང་རྫས་སུ་འགྱུར། །ཞིམ་མངར་ཟས་ཀྱི་སྲེད་པ་རྒྱང་སྟེ་སྒྱུར། །གང་བྱུང་གྱི་ན་ཙམ་ལ་ཆོག་ཤེས་མཛོད། །ཁ་བསྡུས་ཚེ་ཕུད་གྲོང་ཆོག་འདྲེ་རྡུང་ཡང་། །མི་ཚེར་བསྒྲུབ་ཀྱང་ཇེ་ལྟོགས་བརྒྱགས་དུས་མེད། །རང་གི་ཐུགས་དམ་དགེ་སྦྱོར་སད་ལ་འཆོར། །རྙེད་ཚོལ་གྲོང་ཆོག་རློམ་སེམས་རྒྱང་སྟེ་སྒྱུར། །རྐྱེན་ངན་གྲོགས་ཤར་སོམས་ལ་དགེ་སྦྱོ…

སྒོམས། །ནད་ཀྱིས་ཟུག་གཟེར་ཉམ་ཐག་ཆེ་ན་ཡང་། །ཚེ་ཚད་མ་རྫོགས་འཕོ་བ་བྱས་གྱུར་ན། །ལུས་ལྷ་བསད་པའི་ཉེས་པས་དམྱལ་བར་ལྟུང་། །སྡུག་ནས་འཕོ་བ་བསྒོམ་པ་རྒྱང་སྟེ་སྒྱུར། །འདི་བས་དམྱལ་བའི་སྡུག་བསྔལ་ཆེ་ལུགས་སོམས། །ཆོས་རྒྱལ་ཆེན་པོ་ཁྲི་སྲོང་ལྡེའུ་བཙན་དང་། །འབྲོམ་དང་ཕག་གྲུ་འཇིག་རྟེན་གསུམ་མགོན་སོགས། །མཛེ་ནད་དྲག་པོས་ཡུན་རིང་…

ལྟོས་། །སྐྱེ་འགག་གནས་གསུམ་བྲལ་བའི་ཆོས་སྐུ་ཡིན། །ནད་འདི་ཨེ་ཕན་བསམ་པ་རྒྱང་སྟེ་སྒྱུར། །ན་བ་དེ་ཉིད་བསྒོམ་གྱི་མཐིལ་པོར་བསྒྱུར། །འགྲོ་བ་རིགས་དྲུག་སྡུག་བསྔལ་ཐམས་ཅད་དང་། །ཁྱད་པར་འགྲོ་བའི་ནད་རིགས་ཐམས་ཅད་ཀུན། །རང་གི་ན་ས་དེ་ལ་ཧྲིལ་གྱིས་བསྟིམ། །ནད་འདི་ཕན་ན་དགའ་བསམ་རྒྱང་སྟེ་སྒྱུར། །འགྲོ་ཀུན་བདེ་དང་ལྡན་པའི་སྨོན་ལ…

ཆགས་ཞེན་མེད་པར་ཉམས་ལེན་ངང་དུ་སྡོད། །སྤྱི་བོར་ཨོ་རྒྱན་སྣང་བ་མཐའ་ཡས་ལ། །ཁ་ཙམ་མིན་པར་སྙིང་ནས་གསོལ་བ་ཐོབ། །འདི་དུས་འཕོ་བ་ཟླུ། བསྒོམ་ཡང་ཕན་ཡོན་ཆེ། །བརྩེ་སེམས་ཁ་ཆེམས་ཁ་དལ་རྒྱང་སྟེ་སྐུར། །ཉམས་ལེན་ངང་དུ་རིག་པ་རྩེ་གཅིག་བསྒྲིམས། །འབྱུང་བཞིའི་ཐིམ་རིམ་དཀར་ལམ་དམར་ལམ་ཆ་སོགས། །འཁྲུལ་སྣང་འཇིགས་སྐྲག་སྣང་བ་ཅི་བྱུང་ཡང…

བསྐྱེད་རིམ་ནི། །སྣང་ལ་རང་བཞིན་མེད་པའི་འཇའ་ལྟར་བསྒོམས། །ཞི་ཁྲོའི་ལྷ་ལ་འཇིགས་སྐྲག་རྒྱང་སྟེ་སྐྱུར། །དེ་ནས་བར་དོ་ལོངས་སྐུར་སྣང་བ་ཡིན། །དེ་རྟགས་ནམ་མཁར་འཇའ་འོད་འབྱུང་བ་དང་། །སྐུ་གཟུགས་རིང་བསྲེལ་ཡིག་འབྲུ་ལ་སོགས་པ། །མང་པོའམ་ནི་སྣ་གཅིག་ངེས་པར་འབྱུང་། །གཉེན་འདུན་རྣམས་ཀྱང་མྱ་ངན་རྒྱང་སྟེ་སྐྱར། །བར་དོར་གྲོལ་ལ་སྡ…

ཐིག་ལེར་ཉམས་སུ་ལོངས། །ཞེས་པ་འདི་སྔགས་འཆང་ཚེ་དབང་བཀྲ་ཤིས་ནད་དྲག་པོས་ཡུན་རིང་མནར་བ་ལས། ནད་གཞི་ཆེར་མ་ཕན་ཡང་ཟུག་གཟེར་ཆུང་ཞིང་བསྙེན་པ་མང་དུ་འགྲུབ། ད་ཐུགས་དམ་གང་དགའ་འཕོ་བའི་བསྐྱེད་ཆོག་གཅིག་ཀྱང་བྲིས་བསྐུར་ཟེར་བས། ཨ་རཱ་གས་ཐུན་མཚམས་གཅིག་ལ་བྲིས་ནས་ཕུལ་བའོ།། ༈ །།ན་མོ་དཀོན་མཆོག་གསུམ་ལ་ཕྱག་འཚལ་ལོ། །ཕྱོགས་དུས་རྒྱ…

སྒྲིབ་པ་དག་པར་ཤོག །ངན་སོང་གསུམ་གྱི་སྐྱེ་སྒོ་ཆོད་པར་ཤོག །ཐུགས་རྗེ་ཆེན་པོས་བྱིན་གྱིས་བརླབས་པའི་ཞིང་། །མཐོ་རིས་གནས་སུ་ཆོས་ལྡན་ལུས་ཐོབ་སྟེ། །སྐྱེ་བ་ལྔ་ནས་བདེ་བ་ཅན་ཉིད་དུ། །པདྨའི་སྦུབས་ལས་རྫུས་ཏེ་སྐྱེ་བར་ཤོག །འོད་དཔག་མེད་མགོན་མཆོད་པས་མཉེས་བྱེད་ཅིང་། །བྱང་ཆུབ་སྤྱོད་པ་རྒྱ་ཆེན་སྤྱོད་བྱས་ནས། །བླ་མེད་རྫོགས་པའ…

ནས་གསོལ་བ་འདེབས། །རྗེས་འཇུག་བུ་ཡི་སྐྱིད་སྡུག་ཁྱེད་རང་ཤེས། །དམ་བཅའ་མཐའ་རུ་ཕྱིན་པར་བྱིན་གྱིས་རློབས། །དལ་འབྱོར་རྙེད་དཀའ་འཆི་བ་མི་རྟག་པ། །ལས་འབྲས་འཁོར་བའི་ཉེས་དམིགས་བསྒོམ་པ་བཞི། །བུ་ཁྱོད་ལེགས་པར་གོ་བ་ངོ་མཚར་ཆེ། །ཐོབ་དཀའི་དལ་འབྱོར་ཐོབ་པ་མང་ལགས་ཀྱང་། །གཏན་ཕུང་འདུན་མ་བསྒྲུབ་པ་ཤིན་ཏུ་མང་། །ཕལ་ཆེར་རིན་ཆེན་གླ…

ལ་སེར་གོས་གྱོན་པ་མང་ལགས་ཀྱང་། །ངེས་འབྱུང་བསམ་པ་སྐྱེས་པ་ཤིན་ཏུ་དཀོན། །ཕལ་ཆེར་བག་མེད་འཆལ་པའི་དབང་དུ་འགྲོ། །བུ་ཁྱོད་ངེས་འབྱུང་སྐྱེས་པ་ངོ་མཚར་ཆེ། །ཁྲིད་དང་གདམས་ངག་ཞུས་པ་མང་ལགས་ཀྱང་། །ཆོས་དྲེད་གོ་ཡུལ་ལུས་པ་ཤིན་ཏུ་མང་། །ཕལ་ཆེར་འཛིན་ཆགས་སེར་སྣ་སྔར་ལས་ཐུ། །བུ་ཁྱོད་ཚེ་འདི་བློས་བཏང་ངོ་མཚར་ཆེ། །བླ་མའི་དྲུང་དུ་…