ཕྲན་འབུམ་དང་བཅས་པ་ཡི། །ཡུལ་ཕྱོགས་འདི་ཡི་ལྷ་མ་སྲིན། །ཕལ་ཆེར་ཁྱེད་ཀྱི་འབངས་ལགས་པས། །སྔོན་གྱི་ཐུགས་དམ་དམ་བཅས་དགོངས། །ཁྱེད་ཅག་པད་འབྱུང་དམ་གནས་ཏེ། །བདག་གིས་ཨོ་རྒྱན་བཀའ་བཞིན་བསྒྲུབ། །ཨོ་རྒྱན་རྗེས་འཇུག་ཕྲིན་ལས་ཀུན། །བསྒྲུབས་པར་ཁས་བླངས་དུས་ལ་བབ། །འགྲོ་དོན་རྒྱ་ཆེན་འགྲུབ་པར་མཛོད། །ཚ་བའི་ས་རུ་སླེབས་པའི་ནུབ། །ར…

སྨུག་ནག་འཇའ་ཚོན་ནི། །སྔོན་ཆད་མཐོང་མ་མྱོང་བར་དངོས་སུ་སྣང་། །དགོང་མོ་སྒར་གྱི་གན་དྲུང་དུ། །འཇའ་ཚོན་འཐིབ་པ་ལ་ལས་མཐོང་། །ལྷ་མོའི་རྒྱུད་ལས་གསུངས་དང་མཐུན། །ལྷ་མོ་དགྱེས་པའི་རྟགས་སུ་གོ །དེ་ཕྱིར་ཡི་གེར་འཕྲལ་དུ་བྲིས།། ༈ །།ན་མོ་ལོ་ཀེ་ཤྭ་ར་ཡེ། དུས་གསུམ་སངས་རྒྱས་ཐམས་ཅད་ཀྱི། །ཐུགས་རྗེ་ཕྲིན་ལས་ཐམས་ཅད་ཀུན། །གཅིག་བསྡ…

ཕམ་ལྟུང་ལྷ་ཡི་སྡུག་བསྔལ་དེ། །ཨ་ཙ་མ་ལ་སྙིང་རེ་རྗེ། །ཐུགས་རྗེས་ཟུངས་ཤིག་སྤྱན་རས་གཟིགས། །ཐོབ་དཀའི་མི་ལུས་རིན་ཆེན་ཡང་། །ཡད་ཡུད་ནུབ་གཅིག་རྨི་ལམ་ཙམ། །མི་རྟག་འཆི་བ་བྱུང་བའི་ཚེ། །གཏན་བདེ་བྱ་བ་ག་ལ་ཞིག །ཆོས་ལ་འབྲེལ་པ་ཅི་ཡང་མེད། །ཚེ་མ་ཕྱིད་པའི་ངང་གཅིག་ལ། །ཨེ་སྐྱིད་ངང་ལ་སྡུག་གི་ངང་། །དོན་མགོ་ཅི་ཡང་མེད་པ་ལ། །མི་…

ཚེ་ལས་འདས་པ་ཐམས་ཅད་ཀུན། །བདེ་བ་ཅན་གྱི་ཞིང་ཁམས་སུ། །བརྫུས་སྐྱེས་སྤྲུལ་སྐུ་ཐོབ་པར་ཤོག །ཅེས་པ་ཚ་བ་སྒང་སྟོད་དུ། །བྱང་བུ་འགའ་རེ་བྱས་པའི་ཚེ། །སྙིང་རྗེ་དྲག་པོ་གཅིག་སྐྱེས་པས། །འཕྲལ་དུ་ཡི་གེར་བཀོད་པའོ།། ༈ །།ན་མོ་མ་ཧཱ་མུ་དྲ་ཡེ། ཚ་བ་སྒང་གི་སྒང་སྟོད་ན། །སྐུ་ལྷ་གཉན་གྱི་ལྷ་ཞོལ་ན། །ལུང་ནས་བསྟན་པའི་གཏེར་གྱི་གནས། །ཅ…

སེམས་ལ་འདྲེ་ཡང་སེམས། །སེམས་ཉིད་ཡེ་ནས་ཆོས་ཀྱི་སྐུ། །སངས་རྒྱས་ཀུན་དང་དབྱེར་མ་མཆིས། །བདག་གཞན་དབྱེར་མེད་རོ་གཅིག་འདྲེས། །ཚུར་ལ་བལྟས་པས་བདག་མ་མཐོང་། །ཕར་ལ་བལྟས་པས་གཞན་མ་མཐོང་། །རང་གི་སེམས་ལ་ཚུར་བལྟས་པས། །སྨྲ་བསམ་བརྗོད་པའི་ཡུལ་ལས་འདས། །ཕྱི་རོལ་ཡུལ་ལ་ཕར་བལྟས་པས། །ཆུ་ནང་ཤར་བའི་ཟླ་བ་བཞིན། །ངོ་བོ་སྟོང་ལ་རྣམ་པ་…

ཅག་ཤཱཀྱའི་དགེ་སློང་དང་། །དགེ་ཚུལ་དགེ་བསྙེན་མང་ཞིག་ནི། །བཞོན་པ་བྲན་དང་ཉེར་མཁོ་དང་། །ཡོ་བྱད་འཚོ་བའི་རྐྱེན་དང་བཅས། །བསམ་པ་བྱང་ཆུབ་སེམས་བསྐྱེད་ནས། །འགྲོ་བ་དགེ་ལ་བསྐུལ་བ་དང་། །རྒྱུ་འབྲས་དམ་ཆོས་འཆད་པ་དང་། །སྐྱབས་སྡོམ་བསྙེན་གནས་འབོགས་པའི་ཕྱིར། །ངེས་མེད་ཕྱོགས་ཀུན་འཕྱན་པ་ལ། །བར་ཆད་འཚེ་བ་ཤིན་ཏུ་མང་། །གསོལ་བ་འ…

སོལ། །སྲུང་ཞིང་སྐྱབས་པར་མཛད་དུ་གསོལ། །ཆུ་ནི་བདེ་བ་ཅན་གྱི་ཞིང་། །ཆུ་རླབས་ཐུགས་རྗེ་ཆེན་པོ་ཡི། །དཀྱིལ་འཁོར་ཉིད་དུ་བྱིན་རློབས་ལ། བདག་ཅག་མི་ཕྱུགས་ཀ་ཆར་བཅས། །ཉེ་ཞོ་མེད་པར་ཐུགས་རྗེས་ཟུངས། །ས་ནད་ས་སྐྱོན་འཇིགས་པ་ལས། །སྲུངས་ཤིག་ཁྲོ་ཆེན་རྟ་མགྲིན་རྒྱལ། །སྐྱོབས་ཤིག་གསང་བདག་རྡོ་རྗེ་འཛིན། །སྲུངས་ཤིག་མ་ཧཱ་ག་རུ་ཌ། །…

ཅད་བསྒྲུབ་པར་དམ་བཅས་ཤིང་། །གལ་ཏེ་དམ་ལས་འདས་པ་ན། །ལྷ་སྲིན་ཁྱོད་ཀྱི་མགོ་ལུས་སྙིང་། །བཀའ་གཏུན་ཚལ་པ་བརྒྱར་འགས་ཤིང་། །རུལ་མྱག་ཚེ་ཡི་དུས་བྱས་ནས། །ཕྱི་མ་རབ་ཏུ་ཚ་བ་སོགས། །དམྱལ་ཁམས་བཅོ་བརྒྱད་ཁ་བརྒྱུད་ནས། །མྱ་ངན་འོ་དོད་འབོད་གྱུར་པའི། །དམོད་པ་སློབ་དཔོན་པདྨ་དང་། །དམོད་པ་ལྷ་སྲིན་ཀུན་གྱིས་བོར། །དེ་ཡི་དམ་ཚིག་དྲན་པ…

ཀྱིས། །ཁས་བླངས་དམ་ཚིག་མི་ཉམས་སམ། །རང་དམ་རང་གིས་བཀྲལ་ལགས་སམ། །བཀའ་ཡི་ཆད་པས་མི་སྡིགས་སམ། །རྡོ་རྗེ་དམྱལ་བར་མི་འཚེར་རམ། །མཐུ་རྩལ་ནུས་པ་མི་ལྡན་ནམ། །དེ་བས་དམ་ལ་མ་འདའ་བར། །དགྲ་རྐུན་ཆུ་དང་ས་སྐྱོན་སོགས། །བར་ཆད་ཐམས་ཅད་ད་སོལ་ཅིག །སྣོད་ལྡན་སློབ་མ་ད་བསྡུས་ཤིག །མི་རྣམས་དགེ་ལ་ད་སྐུལ་ཞིག །ཨོ་རྒྱན་ཐུགས་རྗེ་ད་མ་གཡེལ།…

རང་དམ་སྲུང་དགོས་ཡོད་ན་སྲུངས། །ང་ནི་གཞན་དོན་སེམས་བསྐྱེད་པས། །སྒྱུ་ལུས་འཇིགས་ཀྱང་འགྱོད་པ་མེད། །རང་སེམས་སྐྱེ་མེད་ཆོས་ཀྱི་སྐུ། །སྐྱེ་འཆི་མེད་པའི་གདེང་ཞིག་རྟོགས། །ཨེ་བདེན་མངོན་ཤེས་ཅན་ཀུན་ལྟོས། །སྡུར་མའི་དཔའ་གཏམ་ཧ་ཧ་ཧ། །ཀུ་རེའི་ནང་ན་དོན་དམ་ཡོད། །རྣལ་འབྱོར་ཉམས་ལ་ཅི་ཡང་འཆར། །ད་ལྟ་ཉམས་ལ་ཤར་ནས་བྲིས། །དོན་དང་ལ…

སྤྱན་བསྒྲད་ཅིང་། །ཀྲང་ཀྲང་ཀྲིང་ཀྲིང་སྒྲ་སྒྲོགས་པོས། །ཆར་བདག་ཀླུ་གཉན་ས་བདག་ཀུན། །སྐྲག་ཅིང་དངངས་ནས་འོག་གི་ཕྱོགས། །རིམ་དགུ་ས་ཡི་འོག་ཏུ་སོང་། །ས་གཞི་ལྕགས་སྲེག་ས་གཞི་ལ། །རི་རབ་ལྕགས་སྲེག་སྡོང་པོ་སྟེ། །སྣང་སྲིད་ལྷ་འདྲེ་ཐམས་ཅད་ཀྱི། །དབང་པོའི་སྒོ་ལྔ་ཐམས་ཅད་ནས། །བསྐལ་པའི་མེ་དཔུང་འུ་རུ་རུ། །མེ་སྟག་ཁྱུང་དམར་སྐར…

བརྟན་མའི་བསུ་བ་ཡིན་ནམ་སེམས། །ཚ་བའི་ཡུལ་དུ་སླེབས་པའི་དུས། །རབ་རིབ་འཁྲུལ་པའི་རྨི་ལམ་ན། །བུད་མེད་མཛེས་ཤིང་ཡིད་འོང་བ། །རིན་ཆེན་དུ་མས་བརྒྱན་པ་ཤུལ། །སྐུ་སྟོད་གཅེར་བུ་ཡོད་པ་ཅིག །ཆགས་པའི་སྣང་བ་མ་ཡིན་པར། །རང་དང་མཉམ་དུ་འདུག་པ་ལ། །ལུས་ལ་མཐུན་ཚུལ་ལག་གིས་ཕུར། །དེ་བཞིན་བུད་མེད་ཤ་རྒྱས་པ། །གཡུ་བོ་ཆེ་ཡི་རྒྱན་ཅན་ལ། །…

དེ་མ་ཐག་ཏུ་འཇའ་ལྟར་ཡལ། །དེ་ནས་བདག་གི་བསམ་པ་ལ། །གཙོ་མོ་དེ་ནི་ཡེ་ཤེས་པ། །ཕལ་པས་མཇལ་རྒྱུ་མེད་པར་གོ །ཆོ་འཕྲུལ་སྣ་ཚོགས་སྟོན་པ་ནི། །འཁོར་གྱི་སྨན་མོ་འབུམ་ཕྲག་རྣམས། །མགུར་དང་མཐོང་བ་འདོན་མཁན་ནི། །ཕོ་ཞིག་བསྒྱུར་ཞེས་འཁོར་གཅིག་སྟེ། །སྐྱེ་བོ་ཕལ་པའི་རྨི་ལམ་ན། །ཆགས་པ་སྤྱོད་པར་རྨི་བ་སོགས། །ཀུན་དགའ་མ་ཞེས་བྱ་བ་གཅིག །…

འདུད་འབུལ་བ་ལ་སོགས་བྱས། །དེ་ནས་གངས་ཆེན་འབུལ་ཕྱུག་ཞོལ། །དབང་ཁྲིད་བདུན་གསུམ་ཙམ་དུ་བཙུགས། །འབྲང་རྗེ་རྒྱལ་པོ་བཙུན་མོ་དང་། །སྲས་དང་བློན་འབངས་བཅས་པ་དང་། །རི་སྒྲིས་ཁག་གསུམ་བླ་མ་རྣམས། །སེར་མོ་བ་ཡང་མང་པོ་ལ། །དབང་ལུང་ཁྲིད་སོགས་ཤིན་ཏུ་འཕེལ། །རབ་བྱུང་བསྙེན་རྫོགས་གསུམ་དང་བཅས། །དགེ་ཚུལ་དགེ་སློང་བསྒྲུབ་མཁན་ཡང་། །ས…

སེར་འགའ། །གུས་འདུད་ཕྱག་ཀྱང་འཚལ་བ་རྨིས། །དེ་ནས་ཡར་འོང་སྐ་ལྷའི་དྲུང་། །བཙུན་གཟུགས་ལུས་ཚད་རྩག་གསུམ་ཙམ། །ལུས་པོ་ཧ་ཅང་མི་གསལ་ལ། །སྐེད་པར་ཨོ་རྒྱན་གཏེར་ཕུར་ནི། །རིང་ཐུང་འདོམ་པ་གསུམ་གསུམ་ཙམ། །ཤིན་ཏུ་གསལ་ཞིང་ལེགས་པ་བཅུག །དེ་འདྲ་ཞིག་ནི་མཐོང་སྙམ་པ། །ཨོ་རྒྱན་ཆེན་པོའི་བཀའ་སྡོད་པ། །སྐུ་ལྷ་ངང་ཡག་ཡིན་ནམ་སྙམ། །དེ་ནས…

ཆེ། །ཞན་པའི་སྡུག་ཡུས་མ་ཡིན་པར། །ཤུགས་འབྱུང་དད་པ་འཕེལ་བར་བྱུང་། །ཧོམ་གཉིས་བར་དུ་བསྡད་པའི་ནུབ། །རྨི་ལམ་འོད་གསལ་འདྲེས་པའི་སྐབས། །ངོ་མཚར་ལྟད་མོ་ཅི་ཡང་མཐོང་། །བརྟན་མའི་ཕོ་བྲང་ཤེལ་གུར་དེ། །དྲུང་ན་ཡོད་ལྟར་མཐོང་སྙམ་བྱེད། །སྐུ་གཟུགས་གསལ་པོ་མ་མཐོང་ཡང་། །བརྟན་མ་དྲུང་དེར་ཡོད་སྙམ་བྱེད། །དེ་ཚེ་བདག་གིས་འདི་སྐད་སྨྲ…

ཏུ་ཕྱིན། །རང་གིས་རང་ལ་ཁྲིད་བཙུགས་སྙམ། །དམིགས་པ་འགའ་རེ་བསྒོམས་པ་རྨིས། །དེ་ནས་བདག་གིས་པཎ་ཞྭ་གྱོན། །ལུས་ལ་ཐུལ་པ་གཅིག་གྱོན་ནས། །འོག་ཏུ་རྟ་བཟང་གཅིག་ཞོན་ནས། །ལག་ཏུ་དུང་དཀར་ཆེན་པོ་གཅིག །འབུད་ཅིང་འབུད་ཅིང་སོང་བ་སོགས། །རེས་འགའ་རྨི་ལམ་རེས་འགའ་ནི། །འོད་གསལ་ཟིན་པ་བསྲེ་མར་བྱུང་། །ཉམས་མཚར་ཕྱིར་ནངས་ཡི་གེར་བྲིས།། །…

དུ་སོལ། །འཕགས་མ་ལོ་མ་གྱོན་མ་ལ། །གསོལ་བ་འདེབས་སོ་ཐུགས་རྗེས་གཟིགས། །ཁྱེད་ཀྱི་མཚན་ཙམ་བརྗོད་པས་ཀྱང་། །མི་ནད་ཐམས་ཅད་ཞི་བ་ཡི། །བདེན་པ་དེ་ཡིས་བདག་ཅག་རྣམས། །ནད་ཡམས་གནོད་པ་ཞི་གྱུར་ཅིག །མ་གཅིག་དུད་སོལ་ལྷ་མོ་ལ། །གསོལ་བ་འདེབས་སོ་ཐུགས་རྗེས་གཟིགས། །ཁྱེད་ཀྱི་མཚན་ཙམ་ཤེས་པས་ཀྱང་། །མི་ནད་ཐམས་ཅད་ཞི་གསུངས་པའི། །བདེན་པས…

འཕྲུལ། །བགེགས་དང་འདྲེ་ཀུན་རང་གི་སེམས། །བདུད་དང་བར་ཆད་རང་གི་སེམས། །ཆོ་འཕྲུལ་རྣམ་རྟོག་རང་གི་སེམས། །རང་སེམས་ཡེ་ནས་ཆོས་ཀྱི་སྐུ། །སྟོང་པ་ཉིད་ལ་ཅི་ཡང་འཆར། །རང་ངོ་རང་གིས་མ་ཤེས་ན། །འདྲེ་དང་གདོན་ལ་ཟད་པ་མེད། །ལྟས་ངན་བརྒྱད་ཅུ་རྩ་གཅིག་དེ། །དུས་གཅིག་སྤྲིན་ལྟར་གཏིབས་ན་ཡང་། །རང་སེམས་འཁྲུལ་པའི་རང་གཟུགས་ལས། །གཞན་ནས་…

བ་ཡིན། །དེ་སྐད་རཱ་ག་ཨ་སྱས་སྨྲས། །རྣལ་འབྱོར་རཱ་ག་ཨ་སྱ་ང་། །དེ་རིང་ཉམས་ཀྱི་སྣང་བ་ལ། །གང་བྱས་སྐྱིད་པའི་ཉམས་ཤིག་ཤར། །ནད་མེད་སྐུ་ཚེ་རིང་ན་སྐྱིད། །རང་གཞན་དོན་གཉིས་འཕེལ་བས་སྐྱིད། །མྱུར་དུ་ཤི་ན་དེ་བས་སྐྱིད། །འདུ་བྱེད་སྡུག་བསྔལ་བྲལ་བས་སྐྱིད། །བདེ་ཆེན་ཞིང་དུ་འགྲོ་བས་སྐྱིད། །འོད་དཔག་མེད་དང་མཇལ་བས་སྐྱིད། །གདུལ་…