རང་དམ་ཚིག་གཙང་རྟགས་ཡིན་ནམ་སེམས། །ཐུགས་དགྱེས་ཚུལ་ལུགས་གཉིས་བདག་རྐྱེན་གནང་། །ཉམས་རྨི་ལམ་འཁྲུལ་པའི་སྣང་བ་ལ། །གྲོགས་དགེ་བཤེས་འགས་གུས་ཚུལ་དབང་ཞུ་རྨིས། །དེའི་ཕྱིར་ནངས་ནས་རི་གླིང་ཕལ་ཆེར་གྱིས། །དབང་ཆོས་ཀྱི་འབྲེལ་པ་ཞུ་བྱུང་བས། །ལྷ་ཡི་དམ་རབ་འབྱམས་དབང་ལུང་སོགས། །ཞག་དགུ་རུ་དབང་ལུང་རྒྱ་ཆེར་འཕེལ། །དེ་ནས་དགའ་ལྡན་ད…

ཚེ། །ངལ་དུབ་ཀྱི་འོ་རྒྱལ་ཐོས་པ་དྲན། །ཐག་དེ་ཙམ་རིང་བ་མི་འདུག་སྟེ། །མི་བདག་གིས་སྙན་བརྒྱུད་ཐོབ་འདོད་པའི། །རྟེན་འབྲེལ་གྱི་ཆེ་བ་ཡིན་པར་གོ། །གཉེན་པོ་ཨ་བོ་གེར་མཛོ་དང་། །ཐག་ཧ་ཅང་མི་རིང་ས་རུ་ཞག །དེར་དམིགས་པ་གཏད་པས་དཀར་གཏོར་ཕུལ། །མི་བཙུན་གཟུགས་ཤིན་ཏུ་ཆས་བཟང་ཞིག །མི་བདག་ལ་ཕྲུག་དམར་གདིང་བ་དང་། །དར་དམར་པོ་ཁ་གང་མཇ…

དྭངས་བ་དང་། །འཇའ་སྤྲིན་འཇའ་འོད་ཟུག་པའང་བྱུང་། །འདོད་ཆོས་དབང་ལུང་དཔེ་ཆ་ཆོད། །རེ་ཞིག་བསམ་པ་འགྲུབ་པར་བྱུང་། །དབོན་པོ་གཉིས་ལའང་བསྐོ་ཇ་གནང་། །རྒྱལ་བ་རྒྱ་མཚོའི་སྒྲུབ་སྐོར་གྱི། །གླེགས་བམ་བཞེངས་པར་བྱས་པའི་ཚེ། །རྨི་ལམ་དྲུང་སྐྱིད་རིན་པོ་ཆེས། །རྒྱལ་བ་རྒྱ་མཚོའི་གླེགས་བམ་འདི། །གཉན་པས་གཞན་ལ་སྟོན་པ་དང་། །སྤེལ་མི་ར…

མ་ཡལོ་ལོ་ཉེས་འབྲུ་བཟང་འབྱུང་། །ཁྱེད་རང་ཚང་ལ་མུ་གེ་མེད། །ད་ལམ་མགོ་ཐོན་ལེགས་པོ་འོང་། །ཞེས་པའི་ཚིག་འགའ་ཐོས་སྙམ་བྱེད། །དཔོན་གྱིས་ཆར་ཞུས་བྱས་བྱུང་བས་། །གློ་བུར་ཆར་འབེབས་གདམས་པ་དང་། །མཚོ་དང་ཆུ་མིག་འགའ་ལ་ཕྱིན། །ཉམས་དང་རྨི་ལམ་གནས་སྐབས་སུ། །ཆུ་བོ་འབྲུག་དང་མཚོ་ཆེན་དང་། །ཀླུ་བདུད་དགེ་བསྙེན་ཆེན་པོ་དེ། །བླ་རྟ་སྔ…

འགྲོ་བ་སེམས་ཅན་དོན་གྱི་ཕྱིར། །སྐྱེ་བ་བདུན་རེ་ལེན་པ་ཡི། །ཁས་ལེན་མཛད་ནས་བྱོན་པ་ཡིན། །ཟེར་བའི་སྒྲ་ཞིག་རྣ་བས་ཐོས། །ཡང་ནི་ལོ་རྒྱུས་འདི་འདྲ་ཐོས། །ཤིན་ཏུ་སྡིག་ཆེན་མི་གཉིས་ནི། །མནར་མེད་དམྱལ་བར་སྐྱེས་པ་དེ། །འདྲེན་ཕྱིར་བྱང་ཆུབ་སེམས་དཔའ་གཅིག །དམྱལ་བའི་ཡུལ་དུ་བྱོན་པ་ལ། །དམྱལ་བ་གཉའ་མ་ཐམས་ཅད་ལ། །མི་དེ་གར་ཡོད་དྲིས…

གསེར་མདོག །སྐུ་ཚད་འདོམ་པ་བརྒྱད་ཅུ་ཙམ། །མཚུར་ཕུའི་ལྷ་ཆེན་ལས་ཆེ་བ། །སྐུ་གཟུགས་མ་ཡིན་ཐུབ་པ་དངོས། །དངོས་སུ་བཞུགས་ནས་གདའ་བ་ལ། །འཁོར་དུ་ཉན་ཐོས་དགེ་སློང་ནི། །ཐོ་རེ་ལོ་ངེ་བ་ཞིག་འདུག །དེ་འདྲ་མཐོང་བའི་སྣང་བ་བྱུང་། །ཉམས་དང་རྨི་ལམ་འདྲེས་མཚམས་ཏེ། །ཉིན་མོ་གཉིད་ཡུར་སྐབས་ཡིན་པས། །ཉེ་གནས་ཀྱིས་ནི་གཉིད་སྐྱོག་པས། །དེ་ད…

ན། །འབྲོང་པའི་དཔོན་གྱིས་སྤྱན་དྲངས་སླེབས། །ཉམས་དང་རྨི་ལམ་མཚམས་ཤེད་ན། །རྟ་ནི་དཀར་པོ་སྒ་བཅས་ཅན། །གཉིས་ནི་གུར་གྱི་དྲུང་དུ་བྱུང་། །དེ་མ་ཐག་ཏུ་བཙུན་པ་ནི། །རྒྱ་བོ་ཆས་བཟང་འཇིགས་པ་གཅིག །བདག་ལ་མཇལ་ཕྱིར་གུར་སྒོར་བྱུང་། །འབྲོང་པ་བན་ཐུང་ཞེས་བྱ་བའི། །འབྲོང་པའི་ལྷ་དེ་ཡིན་ནམ་སྙམ། །དེ་ཡི་གསོལ་ཁ་ཉུང་བསྡུས་བྲིས། །སྔོན…

སོང་། །ཆས་བཟང་བུད་མེད་རྒྱན་ཅན་གཉིས། །བདག་ལ་སྐོར་བ་བྱེད་པ་ཡང་། །ཉམས་དང་རྨི་ལམ་མཚམས་སུ་མཐོང་། །དཔལ་ལྡན་ས་སྐྱའི་གདན་ས་བར། །གླེ་མདའ་དགོན་པའི་དགེ་འདུན་སོགས། །སྐྱ་སེར་ཁྲོམ་ཚོགས་ཇེ་ཆེར་རྒྱས། །ཞག་དགུར་དབང་ལུང་ཁྲིད་སོགས་འཕེལ། །བན་བོན་སྐྱ་སེར་ཐམས་ཅད་ཀྱིས། །གུས་འདུད་ཆེ་ཞིང་འགྲོ་དོན་འགྲུབ། །དགེ་བ་བསྔོ་སྨོན་རྒྱས…

བཀའ་སྲུང་ཚོགས། །གསོན་ཅིག་དགོངས་ཤིག་གཏེར་སྲུང་ཚོགས། །ད་དུས་སྙིགས་མའི་ཡང་མཐའ་འདིར། །སངས་རྒྱས་བསྟན་པ་ནུབ་ལ་ཁད། །གསང་སྔགས་བསྟན་པ་གཟུགས་བརྙན་ཙམ། །གཏེར་རྙིང་ཐམས་ཅད་ཉམས་པའི་དུས། །དམ་ཆོས་ཀུན་གྱི་ངད་པ་ཡལ། །ནད་མུག་མཚོན་གསུམ་མེ་ལྟར་འབར། །བདུད་དང་བར་ཆད་རླུང་ལྟར་འཚུབ། །གློ་བུར་བར་ཆད་ཐོག་ལྟར་འབེབས། །འདི་ལ་ཐུགས་རྗ…

རིག་འཛིན་མི་འགྱུར་རྡོ་རྗེ་ལ། །ལུང་བསྟན་ཁ་བྱང་ད་ལྟ་གནོང་། །དཔལ་མགོན་ནག་པོ་ཆོས་སྐྱོང་རྗེ། །ཨོ་རྒྱན་བྱེ་བ་ཕྲག་བརྒྱ་ཡི། །གཏེར་སྲུང་གཙོ་བོ་ཁྱོད་ལགས་ན། །ས་གཏེར་མི་འགྱུར་རྡོ་རྗེ་ལ། །ད་ལྟ་ཉིད་དུ་སྤྲད་པར་ཞུ། །སྡེ་དཔོན་སུམ་ཅུ་དྲེགས་བཅོ་བརྒྱད། །བརྟན་མ་དགེ་བསྙེན་དམ་ཚིག་ཅན། །ཨོ་རྒྱན་བཀའ་ལས་མི་འདའ་ན། །གཉེར་དུ་གཏད…

དར་རྒྱས་ནས། །འགྲོ་ཀུན་ཚེ་གཅིག་ལུས་གཅིག་ལ། །ཆོས་ཉིད་ཟད་སར་འཁྱོལ་ནས་ཀྱང་། །སངས་རྒྱས་གཞོན་ནུ་བུམ་སྐུ་ཡི། །ཀློང་དུ་མངོན་པར་བྱང་ཆུབ་ཤོག། །།ན་མོ་རཏྣ་ཏྲ་ཡཱ་ཡ། དུས་ཆེན་སྤྲེའུ་ཟླའི་ཚེས་བཅུ་ལ། །བདག་གི་གཞན་ཕན་སྨོན་ལམ་འདི། །གེགས་མེད་འགྲུབ་པར་སྤྱན་རས་གཟིགས། །རྒྱལ་བ་རྒྱ་མཚོས་བྱིན་གྱིས་རློབས། །ད་ནི་ཟླ་བ་ཕྱེད་དང་དྲ…

ཤོག །རྐྱེན་ཟློག་འབྲེལ་པ་ཐོབ་པ་ཀུན། །དུས་དང་དུས་མིན་འཆི་བ་ཟློག །བྱང་ཆུབ་ཐོབ་པའི་རྒྱུ་རུ་ཤོག །མཐོང་ཐོས་མི་མིན་འབྱུང་པོ་ཀུན། །བྱང་ཆུབ་སེམས་དང་ལྡན་པར་ཤོག །འབུ་སྲིན་དུད་འགྲོ་མཐོང་ཐོས་ཀུན། །མ་འོངས་བདག་གི་གདུལ་བྱར་གྱུར། །སྤྲུལ་པས་བྱང་ཆུབ་ལམ་འགོད་ཤོག །ཤ་ཁྲག་འོ་ཞོ་མར་ལ་སོགས། །ཁ་རུ་མྱངས་བའི་དུད་འགྲོ་ཀུན། །བདེ…

༈ ན་མོ་ལོ་ཀེ་ཤྭ་ར་ཡེ། དེ་ནས་རྫག་གི་ལུང་པ་ན། །རིན་འོད་དཔོན་གྱིས་གདན་དྲངས་སླེབས། །སྒར་ཕབ་ཡུད་ཙམ་འཐུམ་པའི་ཚེ། །བུ་ཆུང་གཞོན་ནུ་མཛེས་པ་ནི། །མགོ་ཡི་སྐྲ་བཞར་བཙུན་པའི་མགོ །ལུས་ལ་གོས་དཀར་གྱོན་པ་ནི། །བཞི་བཅུ་ཙམ་ཞིག་བདག་གི་མདུན། །གུས་འདུད་ཐལ་མོ་སྦྱར་ཏེ་འདུག །ལྷ་ཐོག་ཡེ་བརྫུ་ཡིན་ནམ་སེམས། །དེ་ཡི་གསོལ་ཁ་རྒྱས་བསྡུས…

ལ་དབང་ལུང་དང་། །ཁྲིད་སོགས་འགྲོ་དོན་ཆེ་བར་བྱུང་། །རྡོ་རྗེ་སྤུན་གྱུར་བཛྲ་མཚན། །གཉིས་དང་མཇལ་ཞིང་དག་སྣང་འཕེལ། །དབང་ལུང་འདོད་པ་མ་རྫོགས་ཀྱང་། །ད་ནི་འགྲོ་ཤོམ་གྱིས་ཟེར་བའི། །ལུང་བསྟན་བྱུང་ཕྱིར་མྱུར་བར་བཀྱག །དེ་ནས་གྲགས་སེང་དཔོན་ཚང་གིས། །སྤྱན་དྲངས་དེ་ཡི་སྡེ་དཀྱིལ་གཅིག་ཏུ་ཕྱིན། །ན་ཐང་ཆུ་མིག་མང་པོ་ཅན། །སྒར་མཐའ་…

ཡུལ་དེའི་གཞི་བདག་གདུག་རྩུབ་ཆེ། །སྨར་ཁམས་སྟོད་སྨད་ཐམས་ཅད་དུ། །གང་དུ་སེར་བ་བརྒྱབ་ན་ཡང་། །རྫ་གསེང་སྙི་ཚལ་ལོ་མ་ཕྱིན། །ས་ཕྱོགས་དེ་རུ་བླ་མ་རྣམས། །ཕེབས་ཚེ་ཐོག་འབྲུག་སེར་བ་རྒྱོབ། །ས་སྐྱོན་སྡང་སོགས་ཆོ་འཕྲུལ་ཆེ། །ཟེར་བའི་གྲགས་ཆེན་འདུག་ནའང་། །དཀར་གཏོར་ཕུལ་ཞིང་ཨོ་རྒྱན་གྱི། །སྔོན་གྱི་དམ་ཚིག་དམ་བརྡར་བྱས། །རྩུབ་ཆག…

གློག་འོད་དང་། །ཁ་བ་ཆར་པ་ཆེན་པོ་བབ། །ཚེས་གཅིག་ནམ་ལངས་ཉམས་སྣང་ལ། །མི་དམར་ཁ་ཤོ་རྟ་དམར་ཅན། །མི་སྔོན་གོས་སྔོན་རྟ་སྔོན་ཅན། །མི་ནག་རྟ་ནག་མི་གསལ་ཞིང་། །སྒར་གྱི་ནང་དུ་བྱུང་ཙམ་གྱིས། །སྤུ་གྲི་མཆེད་གསུམ་ཡིན་པར་ཤེས། །འདི་གསུམ་ཅི་ལ་ཡིན་སྙམ་པས། །འདི་གསུམ་སྔར་ནས་ཡོད་པ་ཡིན། །ཟེར་བའི་སྒྲ་ཞིག་གྲག་བྱུང་བས། །དེ་དུས་གཏེར…

དང་མཚར་བ། །བུམ་སྒྲུབ་བུམ་པར་འབྲུག་སྒྲ་འདྲའི། །སྒྲ་གྲག་ནམ་མཁརཞག་གཉིས་བར། །ཁ་དོག་སྣ་ལྔའི་འཇའ་སྤྲིན་གོང་། །བུམ་ཁང་འཇའ་ཡི་ཀ་བ་ཟུག །གསང་སྔགས་རྙིང་མའི་དགེ་འདུན་ལ། །བརྒྱ་སྟོང་ཙམ་དང་ཁྱད་པར་དུ། །ཀཿཐོག་དྲུང་པ་ལ་སོགས་པའི། །མཁས་གྲུབ་ཀུན་གྱིས་སྤྱི་བོར་བཀུར། །སྡེ་ཆེན་ཀུན་གྱིས་གུས་པས་བཏུད། །དེ་འདྲའི་གཏམ་སྙན་ཐོས་པ་…

ཡང་ལུས་མ་བདེ། །གསང་སློང་སེམས་རྒྱུད་རབ་ཏུ་འཁྲུགས། །དེ་ནས་ཏིང་འཛིན་དགོངས་པ་བསྐྱེད། །རྩུབ་འཁྲུག་ཐམས་ཅད་རབ་ཏུ་ཞི། །སྐྱབས་བདུད་ས་དཀར་བ་ལ་སོགས། །བླ་མ་བཅུ་གསུམ་ཙམ་དང་ནི། །དགེ་འདུན་དྲུག་ཅུ་ཙམ་དང་ནི། །ཁྲོམ་འཚོགས་ཤིན་ཏུ་མང་པོ་ལ། །དབང་ལུང་ཁྲིད་སོགས་འགྲོ་དོན་འགྲུབ། །དང་པོ་དེ་རུ་སླེབ་མ་ཐག །ཡུད་ཙམ་འཐུམ་པའི་ཉམས་སྣ…

བ། །རལ་པས་སོག་འདབ་ཁེབས་པ་ལ། །ཁོག་སྨད་བྲག་རིའི་ནང་དུ་ནུབ། །ཁོག་སྟོད་བདག་ལ་དགའ་ཞིང་གུས། །ང་ནི་བོན་པོ་ཡིན་ལགས་ཟེར། །ཐོ་རས་ནས་ནི་སྔོ་ལྷུག་ལྷུག །སྒོ་བ་གང་ནི་ཕུལ་བྱུང་བ། །ཉམས་རྨི་འདྲེས་པའི་འཁྲུལ་སྣང་ལ། །བྱུང་ཕྱིར་ཕྱིར་ནངསཀ་བསྟོད་གཅིག །དེ་ངོས་མི་ལ་ཕན་ཕྱིར་བྲིས། །སྐུ་མཐུ་ཆེ་བ་མ་ལགས་ཏེ། །ཨོ་རྒྱན་རྗེ་ཡི་བཀའ་ད…

གརྟེན་འབྲེལ་གཅིག་པའི་གནད། །ད་ནི་ཁོ་བོ་ངེས་ཤེས་སྐྱེས། །ད་ལོ་མངོན་སུམ་གཏན་ལ་ཕེབས། །ནང་དུ་འདོད་པ་ཡོད་པའི་ཚེ། །གདུལ་བྱ་འོང་བར་དཀའ་འོ་ཞེས། །བཀའ་བརྒྱུད་བླ་མས་གསུངས་པ་དེ། །ད་ལོ་མངོན་སུམ་ཉམས་སུ་མྱོང་། །ནང་དུ་འདོད་པ་མེད་པའི་ཚེ། །གདུལ་བྱ་ཆར་ལྟར་བབ་པ་དེ། །ད་ལོ་མངོན་སུམ་ཉམས་སུ་མྱོང་། ངོ་སྲུང་གང་འོས་བྱས་པ་ཡི། །མ…