ལ་གསོལ་བ་འདེབས། །སྐྱེ་མེད་འགག་མེད་གནས་མེད་གསུམ། །རྣམ་ཐར་གསུམ་ལ་གསོལ་བ་འདེབས། །ཆོས་སྐུ་ལོངས་སྐུ་སྤྲུལ་སྐུ་གསུམ། །འབྲས་བུ་གསུམ་ལ་གསོལ་བ་འདེབས། །དབྱིངས་དང་ཐིག་ལེ་ལུག་རྒྱུད་གསུམ། །རྫོགས་ཆེན་གསུམ་ལ་གསོལ་བ་འདེབས། །གཤིན་རྗེ་རྟ་མགྲིན་ཕྱག་རྡོར་གསུམ། །ཁྲོ་བོ་གསུམ་ལ་གསོལ་བ་འདེབས། །འཇམ་དབྱངས་སྤྱན་གཟིགས་ཕྱག་རྡོར…

འབོད། །ད་ནི་ཟླ་ཕྱེད་གསུམ་ཙམ་ལ། །འགྲོ་དོན་བསྡུ་བ་རྣམ་བཞི་སྩོལ། །དེ་ནས་ལོ་གྲངས་བཅུ་ཕྲག་གསུམ། །སྒོ་གསུམ་མཚམས་ལ་བར་ཆད་མེད། །སྡོམ་གསུམ་མཐའ་རུ་ཕྱིན་པ་དང་། །སྐུ་གསུམ་འབྲས་བུ་ཐོབ་པ་ཞིག །རེ་ས་གཞན་མེད་རྩ་གསུམ་མཁྱེན། །གིག་ཐང་ཆོས་རིའི་ཚེས་གསུམ་ལ། །གསོལ་བཏབ་དོན་དང་ལྡན་གྱུར་ཅིག །རཱ་ག་ཨ་སྱས་གསུངས་སོ། །དགེ་ལེགས་འཕེ…

ཆོས་ར་འདི་རུ་འོང་ཚད་ལ། །ཡམས་ནད་ཆུ་དང་གདོན་སོགས་ཀྱིས། །བར་ཆད་སྲུངས་ཤིག་ཆོས་སྐྱོང་ཚོགས། །མཐོང་གྲོལ་དྲན་གྲོལ་རེག་གྲོལ་དང་། ཐོས་པ་ཙམ་གྱིས་རྒྱུད་གྲོལ་བར། །བྱིན་གྱིས་རློབས་ཤིག་སྤྱན་རས་གཟིགས། །བར་ཆད་སོལ་ཅིག་གསང་བའི་བདག །དངོས་གྲུབ་སྩོལ་ཅིག་ཕག་མོ་ཡུམ། །བྱིན་ཆེན་ཕོབ་ཅིག་རིག་འཛིན་རྣམས། །མཐུན་རྐྱེན་སྒྲུབས་ཤིག་ཛ…

འགྲིགས་ནས། །འགྲོ་དོན་རྒྱ་ཆེན་འགྲུབ་པར་ཤོག །ཅེས་པ་སྒྲ་རྒྱལ་འབྲུག་གི་ལོ། །མགོ་ཡི་ཟླ་བའི་ཚེས་བཅུ་ལ། །བཀའ་བརྒྱད་བཙུགས་སྐབས་རྟེན་འབྲེལ་བྲིས། །ཀརྨ་ཨ་རཱ་གས་སོ།། ༈ །།ན་མོ་རཏྣ་ཏྲ་ཡཱ་ཡ། དཀོན་མཆོག་གསུམ་དང་རྩ་བ་གསུམ། །བཀའ་སྲུང་དམ་ཅན་རྒྱ་མཚོ་ཡི། །བདེན་པ་ཆེན་པོའི་མཐུ་སྟོབས་ཀྱིས། །དབང་ཆོས་འདི་ལ་བར་ཆད་མེད། །བདེ་སྐྱ…

བདེན་པས་མ་ཕམ་ཚེ་འཕེལ་ཤོག །འཇིག་རྟེན་ཁམས་ན་འཇིགས་པས་སུ་སྐུག་པ། །སྐྱོབ་པར་ཐོག་མར་ཞལ་བཞེས་ཕྱག་མྱུར་བ། །འཕགས་མ་སྒྲོལ་མར་མ་ཕམ་སྐྱབས་སུ་མཆི། །ནད་དང་དུས་མིན་འཆི་བའི་འཇིགས་ལས་སྐྱོབ། །གང་ཞིག་ཤིན་ཏུ་སྙིགས་མར་གྱུར་ཚེ་ཡང་། །ཐུགས་རྗེ་བྱིན་རླབས་ལྷག་པར་མྱུར་བ་ཅན། །པདྨ་འབྱུང་གནས་ཁྱེད་ལ་འོ་དོད་འབོད། །རྗེས་འཇུག་མ་ཕམ་…

མྱུར་མ། །སྒྲོལ་མ་ཉི་ཤུ་རྩ་གཅིག་ལ། །གསོལ་བ་འདེབས་སོ་ཕྱག་མྱུར་སྐྱོངས། །བདག་དང་བདག་ལ་ལྟོས་པ་རྣམས། །རིམས་ནད་དྲག་པོའི་འཚེ་བ་ཟློག །ལྷོ་ཕྱོགས་སངས་རྒྱས་ཞིང་ཁམས་ནས། །ཡིད་བཞིན་འཁོར་ལོ་སྤྱན་རས་གཟིགས། །སེམས་དཔའ་བྱེ་བ་ཕྲག་དང་བཅས། །གློག་བཞིན་མྱུར་བར་འདིར་གཤེགས་ལ། །བདག་དང་བདག་ལ་ལྟོས་པ་རྣམས། །རིམས་ནད་འཚེ་བ་མྱུར་དུ་…

རྐྱེན་ཁ་ད་ལྟ་ཟློག །བདག་གིས་བྲིས་པའི་ཡི་གེའི་དོན། །མངོན་ཤེས་དྲུག་དང་རྡོ་རྗེ་ཡི། །སྤྱན་དང་སྙན་མངའ་ཁྱེད་ལགས་པས། །དོན་གྱི་འབྲས་བུ་མཆིས་པར་མཛོད། །ཅེས་པ་རང་གི་སློབ་བུ་བརྩོན་འགྲུས་རྒྱ་མཚོ་སོགས་རིམས་ནད་ཀྱི་འཚེ་བ་ཆེན་པོས་བྲོ་འཚལ་དུས་བྲིས།། ༈ །།ན་མོ་ལོ་ཀེ་ཤྭ་ར་ཡ། ཐུགས་རྗེ་ཆེན་པོ་སྤྱན་རས་གཟིགས། །དེ་རིང་བདག་ལ་ཐ…

རེ་ལང་ཚོད་ཨ་ཙ་མ། །རང་གཞན་ཐམས་ཅད་འདི་དང་འདྲ། །ཨུ་དོགས་བསམ་ཞིང་རང་མགོ་འཁོར། །འཆི་བདག་ཐོག་ཏུ་ཕྱིན་ཙམ་ན། །སྨན་དང་སྔགས་དང་དམིགས་པ་དང་། །སྲུང་ཟློག་ཀུན་གྱི་ནུས་པ་རྡུགས། །དཔེར་ན་ད་རེས་མ་ཕམ་བཞིན། །ཐམས་ཅད་ཆོས་ཉིད་འདི་དང་མཚུངས། །ཉམས་ལེན་དམ་ཆོས་བསྒྲུབ་བསམ་ཡང་། །ལོང་མེད་མ་ཕམ་ཤི་དང་འདྲ། །ངོ་སྤྱོད་མངོན་སུམ་འདི་ལ་ལ…

པ་དང་། །གཏོར་མ་རྒྱལ་བ་རྒྱ་མཚོ་སོགས། །ཐམས་ཅད་ཆག་མེད་རེམ་པ་དང་། །དབང་བསྐུར་བརྒྱ་ཕྲག་མང་པོ་དག །ཐོབ་པ་ལ་སོགས་དུས་གསུམ་དུ། །དགེ་བའི་རྩ་བ་ཅི་བསགས་ཀུན། །ཕྱོགས་བཅུའི་སངས་རྒྱས་ཀུན་ལ་འབུལ། །མཆོད་སྤྲིན་ནམ་མཁའ་མཉམ་གྱུར་ཅིག །དེ་ཡི་དགེ་བ་གཅིག་བསྡུས་ཏེ། །མར་གྱུར་སེམས་ཅན་ཀུན་ལ་བསྔོ། །ཀུན་ཀྱང་སངས་རྒྱས་མྱུར་ཐོབ་ཤོག །…

ངག་བཅད་སྨྲེ་སྔགས་ཡི་གེར་བྲིས། ༈ །ན་མོ་མ་ཧཱ་ཀ་རུ་ཎི་ཀཱ་ཡེ། ཐུགས་རྗེ་ཆེན་པོ་སྤྱན་རས་གཟིགས། །རྡོ་རྗེའི་སྙན་དང་ཡེ་ཤེས་སྤྱན། །དུས་དྲུག་སེམས་ཅན་ཐམས་ཅད་ལ། །བུ་གཅིག་བཞིན་དུ་བརྩེར་དགོངས་པ། །དེང་འདིར་བདག་ལ་དགོངས་སུ་གསོལ། །ང་ཡི་ཉེ་གནས་མ་ཕམ་དེ། །གཤིན་རྗེའི་སྐྱེས་བུས་ཁྲིད་ནི་ཐལ། །ར་མདའ་མཛོད་ཅིག་སྤྱན་རས་གཟིགས། །འ…

བར་དོ་འདི་ཉིད་ནས། །རྩལ་པོ་ཆེ་ཡིས་མདའ་འཕང་བཞིན། །བདེ་ཆེན་ཞིང་དུ་སྐྱེ་བ་ཅིག །ཐུགས་རྗེས་ཟུངས་ཤིག་སྤྱན་རས་གཟིགས། །སྤྱིར་ནི་འབྲེལ་ཐོགས་ཚེ་འདས་ཀུན། །ཁྱད་པར་ཉེ་གནས་མ་ཕམ་གྱི། །སྐྱིད་སྡུག་རེ་ས་ང་བས་མེད། །ང་ཡི་རེ་ས་སྤྱན་རས་གཟིགས། །འབྲེལ་ཐོགས་ཚེ་འདས་ཐམས་ཅད་དང་། །མ་ཕམ་ཐུགས་རྗེས་མ་བཏང་ཞིག །རང་དང་ལས་འབྲས་དབང་བཙན་…

བདེ་བ་ཅན་གྱི་ཞིང་ཁམས་སུ། །སྐད་ཅིག་ལག་པ་བརྐྱང་བསྐུམ་ལ། །འདྲེན་པར་མཛོད་ཅིག་སྤྱན་རས་གཟིགས། །སྣང་བ་མཐའ་ཡས་སྤྱན་སྔ་རུ། །ཐུགས་དམ་ཞལ་བཞེས་མ་སྙེལ་ཞིག །ཞིང་དེར་མེ་ཏོག་པདྨ་ཡི། །སྦུབས་ལ་སྐྱེ་བ་ལེན་པ་རུ། །བྱིན་གྱིས་རློབས་ཤིག་སྤྱན་རས་གཟིགས། །ཁྱད་པར་ཨོ་རྒྱན་རིན་པོ་ཆེ། །ཁྱེད་ལ་འབོད་ཅིང་ཤི་བའི་མི། །མ་ཕམ་བདེ་ཆེན་ཞིང…

བདེན་པ་ཡིས། །བུ་ཉེ་གནས་མ་ཕམ་རྣམ་ཤེས་དེ། །མི་བདག་གི་མདུན་འདིར་མཆིས་གྱུར་ན། །ཚིག་འདི་དག་མངོན་སུམ་ཐོས་གྱུར་ཅིག །བུ་མ་ཕམ་ཆུང་ནས་ཆོས་སྒོར་ཞུགས། །དབང་བཀའ་ལུང་རྒྱ་མཚོ་ལྟ་བུར་ཐོབ། །ད་སྡོམ་པ་དམ་ཚིག་མ་ཉམས་པར། །ཁྱོད་ཤི་བ་མ་ཡིན་གྲུབ་པ་ཡིན། །དུས་སྙིགས་དུས་ཆོས་མགོ་ཐོན་པ་དཀའ། །ཁྱོད་ཤི་བས་སྡུག་རྒྱུ་མེད་དོ་བུ། །རྗེ་…

མཚོ་དངོས་སུ་གྱུར། །དེ་ལྷ་སྐུ་ཕྱག་རྒྱ་ཆེན་པོ་ཡིན། །དེ་སྒོམ་མཁན་སེམས་ལ་ཧྲིག་གེ་ལྟོས། །སེམས་སྟོང་པ་གཟུགས་དང་དངོས་པོ་མེད། །དེ་ཆོས་སྐུ་ཀུན་བཟང་ཡབ་ཡུམ་ཡིན། །དེ་སྟོང་པའི་ངང་ནས་གཟུགས་ཀྱི་སྐུ། །དཔེ་ནམ་མཁར་ཤར་བའི་འཇའ་ཚོན་བཞིན། །ལུས་ཡི་དམ་རྒྱལ་བ་རྒྱ་མཚོ་བསྒོམ། །བུ་མ་ཡེངས་མ་འཁྲུལ་མ་ཕམ་པ། །ལུས་ཤ་ཁྲག་ཕུང་པོ་བྱ་ཡི…

གར་བཞུགས་པའི་ཞིང་ཁམས་ཡིད་ལ་ཟུང་། །ནུབ་བདེ་བ་ཅན་གྱི་ཞིང་ཁམས་ན། །དཔལ་བཅོམ་ལྡན་སངས་རྒྱས་འོད་དཔག་མེད། །དེ་དངོས་སུ་དམ་ཆོས་གསུང་ཞིང་ཡོད། །ལྷ་ཡི་དམ་ཐུགས་རྗེ་ཆེན་པོ་དང་། །དཔལ་ཕྱག་ན་རྡོ་རྗེ་མཐུ་ཆེན་ཐོབ། །དེ་ཐམས་ཅད་དེ་ན་དངོས་སུ་བཞུགས། །དེ་མཇལ་ལ་ཡུད་ཙམ་སྔ་འཕྱི་ཡོད། །གནས་འཁོར་བ་སྡུག་བསྔལ་རྒྱ་མཚོ་འདིར། །སྔོན་གྲང…

མཇལ་ནས་ཀྱང་། །གསུང་དམ་ཆོས་ཞུ་བ་སྙིང་ལ་ཆོངས། །ཞིང་དེ་ན་སྡུག་བསྔལ་མིང་ཡང་མེད། །དུས་རྟག་ཏུ་བདེ་སྐྱིད་ཕུན་སུམ་ཚོགས། །དུས་རྟག་ཏུ་སངས་རྒྱས་མཇལ་བ་དང་། །དུས་རྟག་ཏུ་དམ་ཆོས་ཉན་པ་དང་། །དུས་རྟག་ཏུ་ཆོས་ལ་སྤྱོད་ཆོག་པས། །གདན་མེ་ཏོག་པདྨའི་ཟེའུ་འབྲུ་ལ། །བུ་མ་ཕམ་སྐྱེ་བ་ལེན་པ་ཡི། །སེམས་ཐེ་ཚོམ་མེད་པར་འདུན་པ་གཏོད། །བུ་མ…

མཁྱེན། །དུས་ངན་སྙིགས་མའི་ཡང་མཐའ་འདིར། །ནད་མུག་མཚོན་གསུམ་རླུང་ལྟར་འཁྲུག །དགྲ་ཇག་ཆོམ་རྐུན་མེ་ལྟར་འབར། །བདུད་དང་ལྷ་སྲིན་ཁ་རླངས་འཕྱོ། །འདི་འདྲ་ཁྱེད་ཀྱི་འདུལ་ཞིང་ལགས། །བར་ཆད་རྐྱེན་ངན་ཐམས་ཅད་སོལ། །བསམ་པ་ལྷུན་གྱིས་གྲུབ་པ་ཞིག །ཨོ་རྒྱན་ཆེན་པོ་ཁྱེད་རང་མཁྱེན། །ཐེ་ཚོམམེད་པར་གསོལ་བ་འདེབས། །བློ་སྙིང་བྲང་གསུམ་ཁྱེད…

རྡོ་རྗེ་ལ། །འཆི་མེད་ཚེ་ཡི་དངོས་གྲུབ་སྩོལ། །ས་གཏེར་མྱུར་དུ་ཐོན་ནས་ཀྱང་། །གཏེར་སར་བསྟན་པ་དར་བ་གཅིག །སྟོན་པ་སྣང་བ་མཐའ་ཡས་མཁྱེན། །པོ་ཊ་ལ་ཡི་གནས་མཆོག་ནས། །གཏེར་ཆོས་ཡི་དམ་སྤྱན་རས་གཟིགས། །ཐུགས་རྗེ་ཆེན་པོ་ཞི་དང་ཁྲོ། །མི་འགྱུར་རྡོ་རྗེ་སྲུང་སྐྱོབ་མཛོད། །བར་ཆད་བདུད་ཀྱིས་མི་ཚུགས་ཤིང་། །ས་གཏེར་གསར་དུ་ཐོན་པ་ཡི། །…

ཟིན་མི་འགྱུར་རྡོ་རྗེ་ལ། །དབང་སྐལ་ཆོས་རྣམས་ད་མྱུར་སྤྱོད། །ཕ་ནོར་བུ་ལ་མི་གཏད་དམ། །པད་འབྱུང་དམ་ལ་མི་གནས་སམ། །རང་གི་དམ་ཚིག་རང་འདྲ་ལ། །དེ་བས་དམ་ལ་མ་འདའ་བར། །མི་འགྱུར་རྡོ་རྗེའི་སྡོང་གྲོགས་མཛོད། །དགྲ་དང་བགེགས་ཀྱི་བར་ཆད་ཟློག །དབང་སྐལ་ཆོས་རྣམས་ཕྱག་ཏུ་སྤྱོད། །པད་འབྱུང་བསྟན་པ་རྒྱས་པར་མཛོད། །རྒྱལ་གྱི་ཟླ་བའི་ཡར་…

གཟིགས། །མྱ་ངན་མི་འདའ་བཞུགས་དགོས་ཞེས། །ཞུ་བ་ཕུལ་ཕྱིར་བཏང་ན་ཡང་། །བཞུགས་པའི་ཐབས་མེད་མྱ་ངན་འདས། །ང་ལས་ནུས་ཀྱི་རྒྱལ་པོ་ཡང་། །གླིང་བཞི་ལྷ་གནས་ཕྱེད་དབང་བ། །ལྟུང་ནས་སྨྲེ་སྔགས་དང་བཅས་པས། །དེ་ཚོ་ཐོས་པའི་ཡུལ་ཡིན་ཀྱང་། །མངོན་སུམ་རྒྱལ་བ་ཡབ་སྲས་དང་། །བོད་སོག་རྒྱལ་པོ་དབང་ཆེན་འགའ། །སྐུ་རིམ་སྨན་དཔྱད་ནུས་པ་རྡུགས། །འ…