བལྟས། །དུར་གར་འདེབས་ཀྱི་བློ་ཕུག་སྣང་བ་སྤུན། །ཕྱི་ལུང་པའི་བཟང་ངན་དཔྱད་པར་དཀའ། །དུར་ས་དཔྱད་ལ་བསླབ་པས་ང་རེ་སུན། །ཡར་ལྷ་གསོལ་དང་གཡང་བླངས་ལྷ་ཐོ་བརྩེགས། །མར་འདྲེ་བཀར་གླུད་མདོས་སྲི་མནན་རིགས། །ཕྱོགས་འདི་རུ་དར་བ་ཕལ་ཆེར་བསླབས། །དུས་ད་རུང་མིང་དོན་མི་འཕྲོད་པའི། །ཡས་གླུད་མདོས་འགའ་མོ་རྩིས་གཞུང་ན་གདའ། །གླུད་ཡས་བོན…

ལོ་ཉི་ཤུ་རྩ་ལྷག་བསླབ་པ་རྣམས། །ད་རུང་ཡང་བསྡུས་གྲྭ་བསླབས་ཤིང་གདའ། །ང་ལོ་ཤས་ཀྱི་མཐའ་ཆོད་ག་ལ་ཡོང་། །ཞེ་སྡང་ཡང་འཕེལ་ཞིང་གོས་ལག་ཟད། །བསྡུས་གྲ་ཡང་བསླབས་པས་ང་རེ་སུན། །རྣམ་འབྲེལ་གྱི་ཁྱབ་རྐང་འགའ་ཡང་བཟུང་། །རིག་པ་གཞུང་ལུགས་ཀྱི་རྒྱ་མཚོ་དང་། །དཔལ་འཇམ་དབྱངས་བཞེད་པའི་གླེགས་བམ་ལ། །ཟིན་ཐུན་དང་དཔེ་ལྟས་མང་དུ་བྱས། །ཚད་…

ཅི་བཞིན་དཔོག་པ་ག་ལ་ཞིག །ཆོས་དབུ་ཕར་ལ་བསླབ་ལོ་བྱས་པས་སུན། །ཆོས་འདུལ་མཛོད་གཞུང་དང་འགྲེལ་པ་བལྟས། །དོན་གོ་བའི་རྣམ་སྤྱོད་བག་རེ་ཤར། །དོན་དེ་དག་ལ་བགྲོ་གླེང་བག་ཆགས་བཞག །དོན་ཅི་བཞིན་ཤེས་པ་ག་ལ་ཞིག །ཆོས་འདུལ་མཛོད་ལ་བསླབ་ལོ་བྱས་པས་སུན། །ཆོས་ནང་དོན་དང་དགོངས་གཅིག་བློ་ལ་བཟུང་། །གཞུང་དེ་ཡི་འགྲེལ་ཆེན་མང་དུ་བལྟས། །ཆོ…

དེས་བྱུང་རེད། །ད་རི་ཁྲོད་གཅིག་འགྲིམས་ཀྱང་སྲུང་འཁོར་སོགས། །འདི་མི་དགོས་བསམ་པ་གཅིག་མི་གདའ། །བདག་ཡོན་ཏན་ལ་སྣ་ཁ་མང་བས་སུན། །ས་ཐོབ་ཀྱི་སྐྱེས་ཆེན་མ་གཏོགས་པ། །སོ་སྐྱེ་ཤེས་རབ་ཅི་ཆེ་ཡང་། །ཕྱི་ཐོས་པའི་སྒྲོ་འདོགས་མི་ཆོད་དེ། །དཔེ་ནམ་མཁའ་འདོམ་པས་འཇལ་བ་བཞིན། །དུས་སྙིགས་མའི་མི་ཚེ་ཡུད་ཙམ་འདི། །ཚིག་ཐ་སྙད་སྦྱིན་པས་མག…

ལ། །བརྒྱུད་ལྡན་གྱི་གདམས་པ་ཐོབ་གྱུར་ན། །རྣམ་གཡེང་གི་འདུ་འཛི་རྒྱང་བསྲིངས་ནས། །གཅིག་ཏུ་ཕུར་ཚུགས་སྒྲུབ་ནུས་ན། །ཉམས་རྟོགས་དང་གོ་བ་གཉིས་ཀ་སྐྱེ། །གཅིག་ཤེས་ཀུན་གྲོལ་ཞིག་འོང་བར་མཆིས། །ཞེས་སྨྲས་སོ།། ༈ །།མི་རྟག་འཆི་བ་སྙིང་ལ་གཟིར་བའི་གླུ་དགེ་སྦྱོར་གྱི་ལྕགས་འདེབས་ཞེས་བྱ་བ། ན་མོ་གུ་རུ་སརྦ་ཡེ། རྗེ་བཀའ་དྲིན་ཅན་ལ་གས…

ཤེས་རྫུ་འཕྲུལ་ཅན། །འདི་རྣམས་ཀྱང་བྲོས་ས་མ་རྙེད་འདས། །ད་མི་འཆི་ས་རུ་བྲོས་ས་མེད། །དུས་ནམ་ཟླ་མི་སྡོད་འགྱུར་ཞིང་འགྲོ། །ལོ་ཟླ་བ་མི་སྡོད་ཡུད་ཡུད་ཟད། རང་འཆི་དང་ཉེ་བ་མ་ཚོར་རམ། །ཚེ་ཡུད་ཡུད་ཟད་པར་མ་ཤེས་པར། །དུས་ནམ་ཟླ་ཞིག་སོང་ན་དགའ་སྣང་བྱེད། །ཨ་བསམ་ཆུང་གི་སྙིང་མེད་སྙིང་རེ་རྗེ། །དཔེ་བཤའ་ལུག་ཤན་པས་བཟུང་བ་བཞིན། །ཁ…

ཐིགས་གཅིག །གཏམ་ཁ་ཆེམས་འཇོག་དུས་ཞིག་ནམ་འོང་ན། །ཕྱི་སྐྱ་ལུས་བཟོད་མེད་ན་ཚས་མནར། །ནང་རྣམ་ཤེས་འཁྲུལ་སྣང་འཇིགས་སྐག་ཆེ།།གནམ་སྡིབ་པ་འདྲ་ཞིག་ནམ་འོང་ན། །ལུས་གཅེས་ཤིང་འཕོངས་པ་ཐག་པས་བཅིངས། །གོས་དྲོ་འཇམ་བྲག་ཕུག་སྟོང་པར་དོར། །མལ་ཕྱགས་མས་འཕྱགས་དུས་ཤིག་ནམ་འོང་ན། །ལུས་མེར་བསྲེགས་ཐལ་བ་རླུང་གིས་ཁྱེར། །དེ་ཡང་ན་བྱ་ཁྱི་ག…

ལོངས། །གཏན་གྱི་སོ་ནམ་ཞིག་ད་རེས་རེམ། །ཞེས་སྨྲས་སོ།། ༈ །།ལུས་ལ་སྙིང་པོ་ལེན་ལུགས་ཚུལ་ཁྲིམས་བསྔགས་པའི་གླུ་འཕགས་པའི་གཎྜི་ཞེས་བྱ་བ། ན་མོ་ཤཱཀྱ་མུ་ནེ་ཡེ། བསྟན་པའི་གཙོ་ལ་གསོལ་བ་འདེབས། །བསྟན་དང་མཐུན་པར་བྱིན་གྱིས་རློབས། །མི་མཇེད་འཛམ་གླིང་བྱེ་བ་བརྒྱར། །སྤྲུལ་སྐུ་སངས་རྒྱས་སྟོང་རྩ་གཉིས། །རབ་ཏུ་བྱུང་ནས་རྫོགས་སངས་ར…

དེ་བས་བླུན་པར་ཤེས་པར་བྱ། །བྱིས་པས་སྤུ་གྲི་ཡི་རྩེ་མོ་ལ། །སྦྲང་རྩི་འགོས་པར་ལྡགས་འདོད་ནས། །ལྕེ་ཉིད་སྡུག་བསྔལ་བྱེད་པ་ལྟར། །ཆགས་སོགས་སྡུག་བསྔལ་སྤྱོད་བྱས་ན། །ཉེས་པ་ཆེན་པོའི་རྩ་བར་འགྱུར། །འཁོར་བ་སྡུག་བསྔལ་རྒྱ་མཚོ་ལས། །གཟིངས་དང་གྲུ་ཡིས་མི་སྒྲོལ་ཏེ། །ཚུལ་ཁྲིམས་གྲུ་ཡིས་སྒྲོལ་བར་བྱེད། །ཚུལ་ཁྲིམས་གཟིངས་ནི་གྲུ་ཡ…

དམ་ཆོས་ཐམས་ཅད་ཀུན་མཁས་ཀྱང་། །ཚུལ་ཁྲིམས་སྣོད་དང་མི་ལྡན་ན། །དེ་ཡིས་རང་གཞན་དོན་མི་འགྲུབ། །ཚུལ་ཁྲིམས་གཙང་ལྡན་ཚིག་གཅིག་ཤེས། །དེས་ཀྱང་རང་གཞན་ཕན་པར་ནུས། །ཆོས་ཀྱི་ཕུང་པོ་གཞན་དག་རྣམས། །བསྟན་པ་ཡིན་ཡང་སྟོན་པ་མིན། །ང་ནི་མྱ་ངན་འདས་གྱུར་ནས། །འདི་ནི་ཁྱོད་ཀྱི་སྟོན་པ་ཞེས། །འདུལ་བ་སྟོན་པ་དངོས་དང་མཚུངས། །དེས་ན་ལུས་ཀྱི…

པོ་དྲིན་ཅན་ཆོས་རྗེ་ལ། །གསོལ་བ་འདེབས་སོ་བུ་ལ་བྱིན་གྱིས་རློབས། །བསོད་ནམས་དགེ་ཚོགས་རྒྱལ་སྲིད་འབྱུང་བའི་གཞི། །དད་པའི་ནོར་ནི་འཁོར་ལོ་རིན་པོ་ཆེ། །མོས་གུས་གསོལ་འདེབས་འཁོར་ལོ་བསྐོར་བྱས་ན། །བྱིན་རླབས་དངོས་གྲུབ་དཔལ་ལ་སྤྱོད་པར་ངེས། །ཚེ་རབས་ཀུན་ཏུ་དགོས་འདོད་ཀུན་འབྱུང་བའི། །གཏོང་བའི་ནོར་ནི་ནོར་བུ་རིན་པོ་ཆེ། །རྒྱ…

བའི་དབང་དུ་མི་འཆོར་བའི། །ངོ་ཚ་ཤེས་པའི་ནོར་ནི་གླང་ཆེན་མཆོག །ཚུལ་ཁྲིམས་སྐྱེས་བུ་ངོ་ཚའི་གླང་པོར་བསྐྱོན། །འཁོར་བའི་ཆུ་བོ་ངེས་པར་དེ་ཡིས་སྒྲོལ། །མ་རིག་བདག་འཛིན་དགྲ་དཔུང་འཇོམས་མཛད་པ། །ཤེས་རབ་ནོར་ནི་དམག་དཔོན་རིན་པོ་ཆེ། །སོ་སོ་རང་རིག་རང་གི་གོ་མཚོན་གྱིས། །འཁོར་བའི་གཡུལ་བཟློག་ཐར་པའི་ཆོས་སྲིད་རྒྱས། །འཁོར་བའི་རྒ…

མེད། །རང་ཤི་བའི་དུས་ལ་བབ་པའི་ཚེ། །རྒྱལ་ཟེར་བའི་གཏམ་དེ་རྗེས་མི་འབྲང་། །ལས་དཀར་ནག་གང་སྤྱད་གྲིབ་བཞིན་འཁོར། །ཁོ་སྟག་ཤར་རྣམས་དཔའ་སྡར་གྱི་སྒྲ་ལ་ཆགས། །ཁོ་བྲོས་སོ་འཐབ་མོ་ཟེར་བའི་སྒྲ། །ཚིག་དེ་ལ་ཆགས་ནས་རང་སྲོག་སྐྱེལ། །ཁོས་འཐབ་བོ་ཟེར་བའི་སྒྲ་སྙན་དེ། །སང་བར་དོར་ཕན་མེད་གནོད་པ་ཆེ། །བཙུན་ཆོས་པས་ཀྱང་གཏམ་དེ་བློས་མ་ཐ…

དབྱིངས་སུ་བསྒྱུར་ན་བསམ། །ཕོ་འབྲིང་གོས་འདི་བློས་མ་ཐེངས། །ཕྲུག་དར་རས་སྤུ་ཤུན་རིན་གྱིས་ཉོས། །དེ་ཁྱིམ་དུ་སྦས་ཤིང་མི་སྤུན་གྱོན། །ནང་རྒྱུ་ཡོད་ཚུལ་ནི་མིས་ཀྱང་ཤེས། །སང་བར་དོར་གོས་མེད་གཅེར་བུར་འགྲོ། །བཙུན་གསར་པ་རྣམས་ཀྱང་གོས་ལ་ཆགས། །ནང་འདུལ་ཁྲིམས་མི་གཟབ་ཕྱི་གོས་གཟབ། །ཚད་འདུལ་བ་ལས་བཀག་པའི་ཆ་རྩག་འདོད། །འདི་ལྷབ་…

གཅིག་ནས་མི་གཙང་ཕུང་པོར་འགྱུར། །ད་ཟས་ལ་སྙིང་པོ་ཅི་གདའ་ལྟོས། །ཟས་རིན་ཐང་ཆེ་བ་ཅི་ཟོས་ཀྱང་། །ཞག་གཉིས་གསུམ་ཙམ་གྱིས་བཀྲེས་མི་སེལ། །ཟས་འགང་ཆེན་ལ་སྙིང་པོ་ཅི་ཡོད་སེམས། །ཚེ་འདི་ལ་ཟས་སྐོམ་ཕུན་ཚོགས་ཀྱང་། །སང་བར་དོ་ཕན་ཆད་བཀྲེས་ཤིང་སྐོམ། །ཟས་འབྱོར་ཡོད་ནམ་ཕུགས་ཅི་ཡོད་སྙམ། །ཟས་ཤུགས་འབྱུང་དུ་བྱུང་ན་ལུས་ལྷ་མཆོད། །དེ་…

མཐོང་མཐིང་ལས་འཁྲུངས་པའི་འདབ་བརྒྱད་ཀྱི་པདྨ། །བཀྲག་མདངས་ཟིལ་དངར་ལྡན་དུས་དཀོན་མཆོག་ལ་མཆོད་དང་། །དུས་ཀྱི་བ་མོ་ཐེབས་དུས་རང་དབང་ནི་མེད་པས། །རྟེན་གསུམ་མཆོད་པའི་དྲུང་དུ་སྙོགས་མཛོད་དབྱར་སྐྱེས་ཀྱི་པུཎྜེ། །དལ་འབྱོར་བཅོ་བརྒྱད་དང་ལྡན་པའི་མི་ལུས་རིན་ཆེན། །རྩ་རླུང་དར་ལ་བབ་དུས་དམ་ཆོས་ལ་འབུངས་དང་། །རྒན་རྒོན་ནད་ཀྱིས་…

ཚེག་སྒྲ་འབྱིན་དུས་རང་དབང་ནི་མེད་པས། །རྟེན་གསུམ་འོད་ཀྱིས་གསལ་བའི་སྣང་གསལ་གྱི་དྷི་པཾ། །ཉམས་ཁྲིད་ཟབ་མོ་ཐོབ་པའི་སྒོམ་ཕྲུག་ནི་གསར་པ། །བདེ་གསལ་ཉམས་རྟོགས་སྐྱེ་དུས་ཕུར་ཚུགས་སུ་བསྒོམ་མཛོད། །རྣམ་གཡེང་རླུང་གིས་ཁྱེར་ན་རང་དབང་ནི་མེད་པས། །རི་ཁྲོད་དབེན་པ་བརྟེན་མཛོད་བྱ་བྲལ་གྱི་སྒོམ་ཆེན། །ཏིང་བདུན་གཙང་མ་རུ་བཤམས་པའི་…

རོལ་མོ། །དབང་ཁྲིད་གདམས་ངག་མཁས་པའི་ཚད་ལྡན་གྱི་བཤེས་གཉེན། །ཁམས་བཟང་དུས་ལ་བབ་དུས་འགྲོ་དོན་རེ་མཛོད་དང་། །བགྲེས་རྒུད་འདས་ལ་ཐུག་ཚེ་རང་དབང་ནི་མེད་པས། །ཐར་པའི་ལམ་བཟང་རེ་སྟོན་མཛོད་བསྟན་པའི་གསལ་བྱེད། །བློ་གསལ་ལག་བདེས་བཞེངས་པའི་ལྷ་བཤོས་ནི་གཙང་མ། །རྒྱན་ལྡན་བཀྲག་མདངས་བཟང་ཚེ་དཀྱིལ་འཁོར་ལ་མཆོད་དང་། །འབག་བཙོག་དྲི་མ…

འཁྱམས་པའི་ཚེ། །ལུས་ནི་མ་བླངས་བྱ་བ་མེད། །ལུས་ཀྱི་ཤ་ཁྲག་བསགས་ན་ཡང་། །སྟོང་གསུམ་འཇིག་རྟེན་བས་ཀྱང་ཆེ། །ཁྲག་ནི་རྒྱ་མཚོ་བས་ཀྱང་མང་། །གཉེན་རྣམས་ཤི་བའི་མྱ་ངན་གྱིས། །མཆི་མ་བསགས་ན་རོལ་མཚོ་ཙམ། །དགྲ་བསད་མགོ་བོ་བཅད་པ་དག །བསགས་ན་རི་བོའི་གཏོས་དང་མཉམ། །དེ་རྣམས་དོན་མེད་སྟོང་ལས་རེད། །ཕན་པ་མེད་ཅིང་གནོད་པ་ཆེ། །སྡིག་སྒྲ…

གཅོད་བྱེད་པ་མཐོང་། །མི་ཤ་ཐུག་པའི་དགྲ་བོ་ཡང་། །གཉེན་སྦྲེལ་བཟའ་ཚང་བསྡེབ་པ་མཐོང་། །འཁོར་བའི་ཆོས་ལ་སྙིང་པོ་མེད། །སྒྱུ་མ་རྨི་ལམ་ཡུལ་དང་མཚུངས། དགྲ་ལ་དགྲ་ཡིན་བསམ་པ་ཡིས། །མནར་སེམས་སྡང་སེམས་གདུག་རྩུབ་དང་། །གཉེན་ལ་གཉེན་ཡིན་བསམ་པ་ཡིས། །ཆགས་ཞེན་ཤི་སར་འཐམ་པ་འདི། །དོན་མ་གོ་བའི་རྟགས་སུ་གདའ། །སྡང་བའི་དགྲ་བོ་སུ་ལ་ཡང…