ཚོགས་དངོས་སུ་བཞུགས། །ལྷོ་བྲག་ཕུག་རིང་གཅིག་དེ་ན་གདའ། །ལྟེ་བ་སྤྲུལ་པའི་འཁོར་ལོ་དེ། །བདུད་རྩི་ཡོན་ཏན་གནས་མཆོག་ཡིན། །ཆེ་མཆོག་ལྷ་ཚོགས་དངོས་སུ་བཞུགས། །ཡར་ལུང་ཤེལ་བྲག་གཅིག་དེ་ན་གདའ། །གསང་གནས་བདེ་སྤྱོད་ཀྱི་འཁོར་ལོ་དེ། །ཕྲིན་ལས་ཕུར་པའི་གནས་མཆོག་ཡིན། །རྡོ་རྗེ་གཞོན་ནུ་དངོས་སུ་བཞུགས། །སེང་གེ་རྫོང་གསུམ་གཅིག་དེ་ན…

གསང་བའི་ནོར་བུ་ཏི་སེའི་གངས། །ལྷ་དབང་ཕྱུག་ཆེན་པོའི་གནས་ཆེན་ཡིན། །བདེ་སྟོང་གི་ལྷ་ཚོགས་ཅིར་ཡང་བཞུགས། །དབབ་ཟློག་གིས་གངས་བསྐོར་གཅིག་དེ་རུ་མཛོད། །ལུས་རྩ་གནས་ཉི་ཤུ་རྩ་བཞི་དེ། །ཡུལ་ཉི་ཤུ་རྩ་བཞིའི་གནས་ཆེན་ཡིན། །དཔའ་བོ་ཌཱཀི་དཔག་མེད་བཞུགས། །སྤྱོད་པ་གཅིག་མཛད་ན་དེ་རུ་མཛོད། །ལྟེ་འོག་སོར་བཞི་གཏུམ་མོའི་གནས། །ཨ་ཐུང་…

ལ། །འཁོར་འདས་ཀྱི་རྩ་རྒྱུད་རང་དབང་ཐོབ། །རྒྱུད་དེ་ལ་མ་འདུས་རྒྱུད་གཞན་མེད། །རྒྱུད་གཞུང་ཡང་གཞན་ལ་ཞན་དོན་མེད། །འཁོར་འདས་ཀྱི་རྩ་བ་རང་སེམས་ལ། །མ་བསྒྲུབས་སངས་རྒྱས་ཀྱི་གནད་མཚང་གོ །ཐ་མལ་རང་གི་གདམས་ངག་ཤེས། །གདམས་ངག་ཀྱང་གཞན་ནས་ཚོལ་དོན་མེད། །ཁྲིད་བརྒྱ་སྟོང་གིས་སྐྱེས་སོ་རང་སེམས་རྟོགས། །བདེ་གསལ་མི་རྟོག་གི་ཉམས་མྱོང…

ཟུངས། །གཞི་གདོད་མའི་གནས་ལུགས་རྟོགས་ནས་ཀྱང་། །མགོན་ཁྱེད་དང་མཉམ་པར་བྱིན་གྱིས་རློབས། །གནས་འོག་མིན་དག་པའི་ཞིང་ཁམས་ལྟར། །དཔལ་རིགས་ལྔ་བཅོམ་ལྡན་རྡོ་རྗེ་འཆང་། །བཀའ་རྒྱུད་སྡེ་བཞི་ཡི་ལྷ་ཚོགས་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ལམ་བསྐྱེད་རྫོགས་བརྟན་པ་ཐོབ་ནས་ཀྱང་། །ལྷ་ཁྱེད་དང་མཉམ་པར་བྱིན་གྱིས་རློབས། །གནས་འ…

བདག་གསོལ་བ་འདེབས་སོ་ཐུགས་རྗེས་ཟུངས། །བཀའ་མདོ་རྒྱུད་དགོངས་པ་རྟོགས་ནས་ཀྱང་། །ལྷ་ཁྱེད་དང་མཉམ་པར་བྱིན་གྱིས་རློབས། །གནས་ལྕང་ལོ་ཅན་གནས་བྱེ་བ་བརྒྱར། །དཔལ་གསང་བདག་བྱེ་བ་ཕྲག་བརྒྱ་དང་། །གྲངས་དེ་སྙེད་མ་མགོན་ལྕམ་དྲལ་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སྟོབས་ནུས་པའི་བྱིན་རླབས་ཆེར་འབར་ནས། །ལྷ་ཁྱེད་དང་མཉམ་པར་…

རྗེ་གྲུབ་ཆེན་བརྒྱད་ཅུ་རྩ་བཞི་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །ཆོས་མདོ་སྔགས་དགོངས་པ་མངོན་གྱུར་ནས། །རྗེ་ཁྱེད་དང་མཉམ་པར་བྱིན་གྱིས་རློབས། །གནས་གངས་ཅན་བོད་ཀྱི་ཞིང་ཁམས་ནས། །དཔལ་མྱེས་དབོན་རྣམ་གསུམ་ལོ་པཎ་ཚོགས། །རྗེ་བཀའ་བརྒྱུད་བླ་མ་ཐམས་ཅད་ལ། །བདག་གསོལ་བ་འདེབས་སོ་ཐུགས་རྗེས་ཟུངས། །སེམས་རང་རིག་ཆོས་སྐུའི…

བསྐྱེད། །དོན་དབྱེར་མེད་ཆུ་ལ་ཆུ་བཞག་བཞིན། །མི་བདག་ལ་དབྱེར་མེད་གཅིག་པར་མཛོད། །ཅེས་པ་གསོལ་བ་འདེབས་པའི་གླུ་བྱིན་རླབས་ཀྱི་ཆར་འབེབས་ཞེས་བྱ་བ་སྤྱི།། ༈ །།ན་མོ་ཤཱཀྱ་མུ་ནེ་ཡེ། ཤཱཀྱའི་ཏོག་ལ་ཕྱག་འཚལ་ལོ། །བསམ་བློ་ཅིག་ཐོངས་དང་སྐལ་ལྡན་ཀུན། །ངན་སོང་གསུམ་དུ་སྐྱེ་བའི་གྲངས། །ས་ཆེན་འདི་ཡི་རྡུལ་གྲངས་ཙམ། །མཐོ་རིས་ལྷ་མིར་…

དཀོན། །མི་བྱེད་ཁ་མེད་བྱ་བ་མང་། །དགོས་ངོ་ཤེས་པ་དམ་ཆོས་དེ། །བྱེད་བསམ་ངང་ལ་འགྲུབ་དུས་མེད། །ནད་རིགས་གདོན་རིགས་རླུང་ལྟར་འཚུབ། །ཚེ་ཚད་ཐུབ་པ་རེ་རེ་ཙམ། །ད་རུང་མི་འོང་བསམ་དུས་གཅིག །གཤིན་རྗེའི་ཕོ་ཉ་གཏུག་གིས་སླེབས། །རིམ་གྲོ་སྨན་གྱི་ནུས་པ་རྡུགས། །ཤི་བར་ཤེས་ཀྱང་བྱ་ཐབས་མེད། །ལུས་ནི་ཟུག་གཟེར་དྲག་པོས་མནར། །སེམས་ནི་…

ལྐུགས་རང་ཤ་ཟ། །ཉེས་མེད་རིན་ཆེན་སྲོག་དང་འབྲལ། །ལྷ་དང་མི་དང་ལྷ་མ་ཡིན། །གནས་སྐབས་ཅུང་ཟད་སྐྱིད་ན་ཡང་། །དུག་དང་འདྲེས་པའི་ཁ་ཟས་བཞིན། །ཡུད་ཙམ་སྐྱིད་ཀྱང་ཕུགས་སུ་རྡུགས། །དེ་ལྟར་འགྲོ་བ་རིགས་དྲུག་ཏུ། །གཅིག་ནས་གཅིག་ཏུ་སྐོར་ར་རེ། །འཁོར་བས་འཁོར་བ་ཞེས་སུ་གྲགས། །སྐྱེ་དང་རྒ་དང་ན་དང་འཆི། །སྡུག་བསྔལ་རྒྱ་ཆེན་གྲངས་མང་ཕྱ…

ཉམས་དང་རྟོགས་པ་ཐམས་ཅད་ཀུན། །བླ་མའི་བྱིན་རླབས་ཞུགས་ན་སྐྱེ། །དེ་ཕྱིར་གསོལ་འདེབས་རྒྱུན་དུ་བྱ། །སེམས་ཅན་སངས་རྒྱས་ཁྱད་པར་ཡང་། །རང་སེམས་དག་དང་མ་དག་ཡིན། །ཀུན་ལ་དག་སྣང་ཕྱོགས་མེད་སྦྱོངས། །ཉམས་ལེན་ཡོད་དང་མེད་པ་ཡང་། །ཡེངས་དང་མ་ཡེངས་ཁྱད་པར་ཡིན། །མ་ཡེངས་རང་སེམས་ངོ་བོ་ལྟོས། །དེ་ཚོ་གསེར་ལུའི་ཐུགས་ལ་ཞོག །ཅེས་སྨྲས་ས…

མེད་པ་མ་ཡིན་རང་སེམས་གསལ། །ཧྲིག་གེ་ཡེ་རེ་རྗེན་ནེ་བ། །དེ་ཉིད་ཕྱག་རྒྱ་ཆེན་པོ་ཡིན། །ལོག་ནས་མ་ཚོལ་གསེར་ལུ་བ། །མི་གནས་ཕྱོགས་བཅུར་རྒྱུག་ན་ཡང་། །ཆུ་རླབས་ཆུ་ཡིན་ངོ་བོ་གཅིག །འཕྲོས་པས་སྐྱོན་མེད་གསེར་ལུ་བ། །རེས་འགའ་མི་གསལ་འཚུབ་ན་ཡང་། །ནམ་མཁའི་གསལ་འགྲིབ་ཅི་བཞིན་དུ། །གསལ་དང་མི་གསལ་ཁྱད་པར་མེད། །རང་ངོ་མཐོང་བ་གཅིག་པ…

བསྒོམ་ཡུན་ཤི་དང་མཉམ་པ་དགོས། །ངང་ཐུང་མ་བྱེད་གསེར་ལུ་བ། །ཡུན་དུ་སྐྱོང་བར་བྱས་གྱུར་ཀྱང་། །བོགས་དང་ཡར་སྐྱེད་མེད་འདྲ་ཡང་། །བྱིས་སྦ་བསམ་མནོས་ཟིན་པ་བཞིན། །སྙེམས་མེད་བོགས་སྐྱེད་ཤུགས་ལ་འབྱུང་། །འདོད་ཐག་མ་ཉེ་གསེར་ལུ་བ། །སྔོན་གྱི་གྲུབ་ཆེན་ཕལ་ཆེར་ཡང་། །ལོ་གྲངས་བཅུ་གཉིས་བསྒོམས་པས་གྲོལ། །དེ་ལ་སོམས་མཛོད་གསེར་ལུ་བ།…

ཏེའི་ཤེར་སྙིང་དང་། །ཕ་རོལ་ཕྱིན་པའི་གླེགས་བམ་ཀློག །བ་སོགས་སྒོ་ནོར་བཤས་མ་བྱེད། །མ་གྱུར་འགྲོ་ལ་སྙིང་རྗེ་བསྒོམ། །ཙ་ཐོར་ཡན་གྱི་ཡིག་དྲུག་བསྐུལ། །ཚ་སོགས་ཚོང་ལ་གཡོ་སྒྱུ་སྤོངས། །ཛ་རེ་ཛོ་རེའི་འགྲོ་འདུག་དུས། །ཝ་ལེ་ཡེ་རེ་སེམས་ལ་ལྟོས། །ཞྭ་ལྟར་བླ་མ་སྤྱི་བོར་བསྒོམ། །ཟ་འཐུང་ཚོགས་ཀྱི་འཁོར་ལོར་བསྒོམ། །འ་རེ་འུ་རེའི་རྣ…

སྔགས་རྒྱལ་པོ་ཡི་གེ་དྲུག །གངས་ཅན་ཁྲོད་པའི་ཆོས་སྐལ་ཡིན། །ཁྱད་པར་མདོ་ཁམས་ཕོ་མོ་ལ། །ཡི་གེ་དྲུག་པའི་བཀའ་བབས་ཡོད། །བྱང་ཆུབ་སེམས་དཔའ་ས་དྲུག་པའི། །བསོད་ནམས་དགེ་རྩ་གང་ཡོད་པས། །ཡིག་དྲུག་ལན་གཅིག་བསོད་ནམས་ཆེ། །བསྐྱེད་རིམ་སྒོམ་ལུགས་མང་ན་ཡང་། །སྐད་ཅིག་དྲན་རྫོགས་སྒོམ་པ་འདི། །དབང་པོ་རབ་ཀྱི་བསྐྱེད་རིམ་ཡིན། །མཁའ་ལ་འཇ…

དེ་ལྟར་སྒོམ་མཁན་རང་གི་སེམས། །སེམས་ནི་སྐྱེ་མེད་ཆོས་ཀྱི་སྐུ། །བསྒོམ་དུས་ཉིད་ནས་སྟོང་པའི་ངང་། །སྟོང་པའི་ངང་ནས་གསལ་བར་སྣང་། །དེ་ལ་བསྐྱེད་རྫོགས་ཟུང་འཇུག་ཟེར། །བདེ་བ་ཅན་དུ་སྐྱེ་བའི་ཐབས། །ཡིག་དྲུག་སྒོམ་བཟླས་མཆོག་ཏུ་ཟབ། །བདེ་ཆེན་ཞིང་དུ་སྨོན་ལམ་ཐོབ། །སྤྲང་པོ་ང་ཡི་སྙིང་གཏམ་ཡིན། །ངས་ཀྱང་དེ་ལྟར་ཉམས་སུ་བླངས། །ཁྱ…

བོ། །ཡི་གེ་དྲུག་པ། །རྒྱུན་དུ་ཐོན་དང་། །སྡིག་སྒྲིབ་འདག་གོ །བླ་མ་རྗེ་ལ། །གསོལ་བ་ཐོབ་དང་། །ཉམས་རྟོགས་སྐྱེའོ། །རང་སེམས་ངོ་བོ། །རྒྱུན་དུ་སྐྱོང་དང་། །ཕྱག་རྒྱ་ཆེན་པོ། །དེ་རང་ཡིན་ནོ། །བསམ་པ་བཟང་པོས། །སྨོན་ལམ་ཐོབ་དང་། །གང་འདོད་འགྲུབ་བོ། །བདེ་ཆེན་ཞིང་དུ། །སྨོན་ལམ་ཐོབ་དང་། །སྐྱེ་བར་སླའོ། །ད་ནི་ཚེ་ཡང་། །སུམ་གཉི…

བཞག །བླ་མ་ཨོ་རྒྱན་དབྱེར་མེད་དེ། །མི་འབྲལ་སྤྱི་བོའི་གཙུག་ཏུ་བསྒོམ། །ཅི་མཛད་ཁྱེད་ཤེས་བློ་སྙིང་གཏོད། །གསོལ་བ་མཆི་མ་འཁྲུག་པར་ཐོབ། །དེ་ནས་རང་ལ་དབྱེར་མེད་བསྟིམ། །མ་བཅོས་རང་སེམས་ངོ་བོ་ལྟོས། །བལྟས་པས་མི་མཐོང་ངང་ལ་ཞོག །རང་སེམས་གདོད་ནས་ཆོས་ཀྱི་སྐུ། །མ་བཅོས་བཞག་པས་ཕྱག་རྒྱ་ཆེ། །བཅོས་ཤིང་བསྒོམས་པས་འཁྲུལ་པའི་བློ།…

སྨྲ་བསམ་བརྗོད་དུ་མེད་པ་ལ། །འདི་ཡིན་འདི་མིན་ཅི་ཡང་མེད། །འཁོར་འདས་སྣོད་བཅུད་ཐམས་ཅད་ཀུན། །རང་གི་སེམས་དང་དབྱེར་མེད་འདྲེས། །ཡེངས་དང་མ་ཡེངས་འཁྲུལ་མ་འཁྲུལ། །ཁྱད་མེད་ངོ་བོའི་ཀློང་དུ་འདྲེས། །ཕྱི་རོལ་སྣང་བ་སྣ་ཚོགས་འདི། །ཆུ་ཟླ་འཇའ་ཚོན་ལྟ་བུ་མཐོང་། །མ་རྟོགས་འགྲོ་ལ་སྙིང་རྗེ་སྐྱེད། །དེ་ལ་བསྒོམ་ཆེན་མིང་བཏགས་ཙམ། །ཙ…

ལ། །སྒོམ་ཇི་ལྟར་བཏབ་ཀྱང་སྐྱེ་མ་ཐུབ། །ད་ཁྱོད་རང་མ་ཧེ་གཅིག་བསྒོམ་གསུངས། །དེ་བསྒོམས་པས་མགོ་ལ་རྭ་ཅོ་སྐྱེས། །ད་མ་ཧེ་ཐུགས་རྗེ་ཆེན་པོར་བསྒོམ། །དེ་གསུངས་ནས་བསྒོམས་པས་དངོས་སུ་འགྲུབ། །ལྷ་ཐུགས་རྗེ་ཆེན་པོ་དངོས་སུ་མཇལ། །གསུང་ཡི་གེ་དྲུག་མ་རང་བྱོན་གནང་། །མཆོག་ཐུན་མོང་གཉིས་ཀྱི་དངོས་གྲུབ་ཐོབ། །དཔལ་གྲུབ་ཆེན་ཀླུ་ཡི་དབ…

ཡེངས་རྩད་མོའི་རྐུན་འཁྱམས་དེས། །འཛིན་ཟིན་ཐུན་གྱི་རྟ་ཕོ་འཁྱེར་ཉན་གདའ། །བུ་མ་ཡེངས་བརྩོན་འགྲུས་ཀྱི་བྱ་ར་ལྟོས། །གྲོགས་རྡོ་རྗེ་སྤུན་གྱི་ནགས་ཁྲོད་ན། །ཚིག་ངན་པ་གཤིས་གྱོང་གིས་རྐུན་འཁྱམས་དེས། །ཆོས་དག་སྣང་གི་རྟ་ཕོ་འཁྱེར་ཉན་གདའ། །བུ་བཟོད་པ་དག་སྣང་གི་བྱ་ར་ལྟོས། །ལུས་ཐོབ་དཀའ་འཇིག་སླའི་ནགས་ཁྲོད་ན། །དུས་ངེས་མེད་འཆི…