པ་དེ་བཞིན་དུ། །རང་གི་ལུས་དང་ངག་ཀྱང་དེ་ཡི་ངང་། །སངས་རྒྱས་སེམས་ཅན་ཀུན་ཀྱང་དེ་ཡི་ངང་། །བདག་གཞན་དབྱེར་མེད་གཅིག་ཏུ་འདྲེས་པར་ཤོཕྱི་རོལ་ནམ་མཁའ་དེ་བཞིན་རང་གི་སེམས། །ས་རྡོ་རི་བྲག་རྩི་ཤིང་ནགས་ཚལ་སོགས། །ཐམས་ཅད་རང་གི་སེམས་དང་དབྱེར་མེད་པར། །སྣང་སེམས་དབྱེར་མེད་གཅིག་ཏུ་འདྲེས་པར་ཤོག །དགྲ་ཡིས་གཅོད་ཅིང་ཚིག་ངན་སྨྲ་བ་ད…

དབྱེར་མེད་གཅིག་ཏུ་འདྲེས། །སེམས་ལས་གཞན་པའི་རིགས་དྲུག་མེད་རྟོགས་ནས། །འཁོར་བར་འཁྱམས་པའི་དོགས་པ་མེད་པར་ཤོག །སངས་རྒྱས་ཐུགས་དང་རང་སེམས་དབྱེར་མེད་འདྲེས། །རང་སེམས་མངོན་དུ་གྱུར་པ་མ་གཏོགས་པ། །སངས་རྒྱས་གཞན་ན་མེད་པའི་དོན་རྟོགས་ནས། །སངས་རྒྱས་གཞན་ནས་ཐོབ་འདོད་མེད་པར་ཤོག །དོན་ལ་འཆི་བ་ཅེས་བྱ་མ་གྲུབ་ཀྱང་། །ནམ་ཞིག་འཆི…

ངང་ལ་ཡུན་རིང་གནས་པར་ཤོག །དེ་ལ་མི་གནས་རྣམ་ཤེས་འཕོ་བའི་ཚེ། །རིག་འཛིན་དཔའ་བོ་མཁའ་འགྲོའི་ཚོགས་རྣམས་ཀྱང་། །མེ་ཏོག་ཆར་འབེབས་རོལ་མོའི་སྒྲ་དང་བཅས། །བདེ་བ་ཅན་གྱི་ཞིང་དུ་ཁྲིད་པར་ཤོག །ཞིང་དེར་པདྨའི་སྦུབས་ལ་བརྫུས་སྐྱེས་ནས། །མཚན་དང་དཔེ་བྱད་ལྡན་པའི་ལུས་ཐོབ་ནས། །སྐྱེས་མ་ཐག་ཏུ་པདྨའི་ཁ་བྱེ་ནས། །འོད་དཔག་མེད་པའི་ཞལ་མཆ…

དང་། །རྒྱལ་བ་སྲས་བཅས་ཀུན་གྱི་བདེན་པའི་མཐུས། །སྨོན་ལམ་འདི་དག་གེགས་མེད་འགྲུབ་གྱུར་ཅིག །ཅེས་པ་འདི་ཨ་ནུ་ཚེ་རིང་འབུམ་གྱི་བཞེད་པ་ལྟར། ༧ ཀརྨ་ཨ་རཱ་གས་མགྱོགས་པར་བྲིས་པའོ། །མངྒ་ལཾ། ཤུ་བྷཾ།། །། ༧ ཁམས་སྟོད་ནང་ཆེན་འབང་སྒང་བཟོ་རིག་གནས་མདོ་གསང་སྔགས་ཆོས་འཕེལ་གླིང་དཔེ་རྙིང་ཉམས་གསོ་ཁང་གིས་བསྒྲིགས་ཏེ་པར་བསྐྲུན་ཞུས།།

ཐུགས་རྗེ་ཆེ་དངོས་ཀརྨ་ཆགས་མེད་རིན་པོ་ཆེའི་ཞལ་གདམས་ཐོར་བུའི་སྐོར་ལས། དགེ་བཤེས་ཀུན་དགའ་ཉི་མ་ལ་གནང་བའི་ཞལ་གདམས་བཞུགས་སོ། །

ན་མོ་གུ་རུ་ལོ་ཀི་ཤྭ་ར་ཡེ། དབོན་པོ་དགེ་བཤེས་ཀུན་དགའ་ཉི་མ་ཁྱེད། །སྐུ་ན་གཞོན་ཀྱང་བློ་གྲོས་རྒན་པོར་གྱུར། །ཆོ་ག་དབང་བསྐུར་བསྐང་ཟློག་ས་རིས་སོགས། །ཉེར་མཁོའི་སྐུ་ཡོན་ཐམས་ཅད་ཐུགས་སུ་ཆུད། །བླ་མ་དམ་པའི་གདུང་འཚོབ་གྱུར་འདུག་པས། །བདག་ཀྱང་ས་ཐོབ་ལྟ་བུའི་དགའ་བ་སྐྱེས། །དེ་ཕྱིར་གནད་འགག་སྙིང་གཏམ་ཚིག་གསུམ་ཞུ། །ཐོབ་དཀའི་…

པ་སྙིང་གཏམ་ཡིན། །རང་ཉིད་ངན་སོང་གཡང་ས་སྤང་བ་དང་། །བསྟན་པའི་མིག་རྐྱེན་ལ་ཡང་ཕན་པ་དང་། །སྦྱིན་བདག་རྣམས་ཀྱང་དང་བ་འདྲེན་པའི་གནད། །ཚུལ་ཁྲིམས་སྲོག་ལྟར་སྲུང་བ་སྙིང་གཏམ་ཡིན། །དབུས་གཙང་གྲྭ་ས་བཟང་དགུ་འགྲིམས་ན་ཡང་། ཡོན་ཏན་བསླབ་ལས་ལྷག་པ་བྱ་རྒྱུ་མེད། །རང་ཉིད་མྱུར་དུ་མཁས་པར་འགྱུར་བའི་གནད། །ཡོན་ཏན་གར་འདུག་ལེན་པ་སྙིང…

གནད། །ཡི་དམ་དངོས་སུ་བསྒོམ་པ་སྙིང་གཏམ་ཡིན། །དེ་སྔོན་མ་མཇལ་ཆོས་འབྲེལ་མ་ཐོབ་ཀྱང་། །དེང་སང་ཀར་ལུགས་སྐུ་ན་གཞོན་པ་རྣམས། །རྒྱལ་དབང་བཅུ་པའི་གདུལ་བྱ་ཡིན་པའི་གནད། །རྩ་བའི་བླ་མ་འཛིན་པ་སྙིང་གཏམ་ཡིན། །བླ་མ་བགྲེས་པའི་ཆགས་ཕྱི་དགོས་པའི་ཕྱིར། །རྩེ་གཅིག་མཚམས་དང་སྒྲུབ་པ་མ་ཁོམས་ཀྱང་། །འགྲོ་འདུག་སྤྱོད་པ་ལམ་དུ་ཁྱེར་བའི་ག…

གནད། །ལུས་སེམས་ཁོང་ལྷོད་འགྱུ་བ་རང་འགྲོར་བཏང་། །མ་ཡེངས་ཙམ་དུ་དྲན་པའི་རྒྱངས་སོ་བཙུགས། །ལྷོད་དེ་ཤིག་གེ་བཞག་པ་སྙིང་གཏམ་ཡིན། །བྱིང་རྨུག་འཐིབས་ན་ལྷག་མཐོང་སྐྱེ་བའི་གནད། །ལུས་སེམས་བསྒྲིམ་ལ་ལྟ་སྟངས་ནམ་མཁར་གཏད། །གང་ཤར་རིག་པའི་ངོ་ལ་ཅེར་རེ་ལྟ། །སེང་ངེ་ཡེ་རེ་བཞག་པ་སྙིང་གཏམ་ཡིན། །སྟོང་ཉིད་སྙིང་རྗེ་ཟུང་དུ་འཇུག་པ་ད…

འདས་སོགས། །སྐྱེ་བར་སླ་ཞིང་ཡོན་ཏན་ཆེ་བའི་གནད། །བདེ་སྨོན་རྒྱུན་དུ་འདོན་པ་སྙིང་གཏམ་ཡིན། །བྱང་ཆུབ་སྒྲུབ་ལ་བར་ཆད་མི་འབྱུང་ཞིང་། །འདི་ཕྱིར་བཀྲ་ཤིས་བདེ་ལེགས་འབྱུང་བའི་གནད། །སྙིང་གཏམ་བཅོ་ལྔ་ལྡན་པའི་སྙིང་གཏམ་འདི། །ཁྱེད་ཀྱི་སྙིང་གི་ཐིག་ལེ་མཛད་པར་ཞུ། །ཞེས་པ་འདི་དགེ་བཤེས་ཀུན་དགའ་ཉི་མས་སྐུ་ཡོན་ལེགས་པོར་བསླབ་འདུག…

དོན་དེ་ལ་སོམས་ལ་ཉམས་ལེན་འབུང་། །ད་ཡེངས་མེད་འདི་སྒོམ་གྱི་དངོས་གཞི་ཡིན། །ཕར་ཕྱེས་ནམ་ཆོས་ཕུང་བརྒྱད་ཁྲི་དེ། །ཚུར་བསྡུས་ན་ངོ་སྤྲོད་ཚིག་གསུམ་ཡིན། །ཆོས་ཕྱག་ཆེན་རྫོགས་ཆེན་དབུ་མ་སོགས། །མིང་སྙན་པོའི་ཆོས་མིང་ཅི་བཏགས་ཀྱང་། །དོན་རང་སེམས་རིག་རིག་ཏུར་ཏུར་འདི། །དེ་མ་བཅོས་རང་ངོ་སྐྱོང་ལ་འདུས། །དེ་རང་ངོ་རང་གིས་མ་བསྐྱང…

ལྡན་པས་འགྲོ། །དོན་སྐྱེ་མེད་དོན་དམ་གྱི་སྐོར་བ་ཡིན། །སེམས་མ་ཡེངས་མཉམ་བཞག་གི་ངང་ནས་ཉལ། །དེ་འོད་གསལ་འཛིན་པའི་གདམས་པ་ཡིན། །སེམས་རང་ངོ་མཐོང་བའི་སྐད་ཅིག་ལ། །སྔོན་བསྐལ་པ་སྟོང་དུ་བསགས་པ་ཡི། །སྡིག་ཉེས་ལྟུང་ཐམས་ཅད་དག་པར་བཤད། །སྒྱུ་གསེར་སྲང་སྟོང་ཕྲག་མང་པོ་ཞིག །དེ་ཡར་མཆོད་དང་མར་སྦྱིན་བྱས་པ་བས། །དོན་རང་སེམས་སྐད་ཅ…

ཉམས་ལེན་མ་བྱུང་ན། །དུས་ནམ་དུ་ཉམས་ལེན་འོང་བར་སེམས། །ད་སྙིང་ལ་རུས་པ་བྱེད་རེ་རན། །ཞེས་པ་དགེ་སློང་ཨ་རཱ་གས་གདམས་པའོ། དགེའོ། །ལྟ་སྒོམ་སྤྱོད་འབྲས་ཀྱི་ཞལ་གདམས་བཞུགས་སོ། ན་མོ་གུ་རུ་དྷརྨེ་ཤྭ་ར་ཡེ། དྲིན་ཅན་བླ་མ་རྗེ་བཙུན་ལ། །གསོལ་བ་འདེབས་སོ་ཐུགས་རྗེས་ཟུངས། །ཆོས་རྣམས་ཐམས་ཅད་མདོར་བསྡུས་ན། །ལྟ་སྒོམ་སྤྱོད་པ་འབྲས་བུ…

ཡིན། །སེམས་འཛིན་དམིགས་རིམ་མང་པོ་དེ། །ཁྲིད་སྟོན་རྣམས་ལ་མཁོ་ལགས་ཀྱང་། །ཉམས་ལེན་བྱེད་ན་དགོས་རྒྱུ་ཆུང་། །དམིགས་རིམ་མང་པོ་རྣམ་རྟོག་ཡིན། །རྣམ་རྟོག་མ་རིག་འཁྲུལ་པ་ཡིན། །དཔེར་ན་དར་གྱི་བཀྱིགས་དང་འདྲ། །སྤྱོད་པའི་ས་མཚམས་མ་ལགས་ཀྱང་། །མ་ཡེངས་ངང་ནས་ཤུགས་འབྱུང་སྤྱོད། །མི་ལ་རས་པའི་སྤྱོད་པ་ཡིན། །སེམས་བསྲུང་སྡོམ་པ་ཀུན…

མེད་ཞང་གིས་གསུངས། །ལྟ་སྒོམ་སྤྱོད་པ་འབྲས་བུའི་གླུ། །འཕྲལ་དུ་ཉམས་ལ་ཤར་ནས་སྨྲས། །མཁས་པ་རྣམས་ཀྱི་ས་ཁྲེལ་ལགས་ཀྱང་། །ཉམས་ལེན་མཁན་འགའི་སེམས་ལ་འཕྲོད། །བཤད་པའི་གཞུང་དང་མི་མཐུན་ཀྱང་། །མན་ངག་སྙན་བརྒྱུད་དོན་དང་མཐུན། །ཞེས་སྒོམ་ཆེན་རྣམས་ལ་ཨ་རཱ་གས་མགུར་དུ་གདམས་པའོ།། །།དྲིན་ལྡན་ཕ་ལ་བྱམས་པ་སྒོམ་དགོས་ཚུལ་གྱི་ཞལ་གདམས་…

ཆས་བསགས་པའི་ནོར་རྫས་རིམ་གྲོར་བཏང་། །ཅུང་ཟད་སྨྲ་འམ་ཡར་ཡར་སོས་ཐུབ་ན། །འདི་འདྲ་ཐུབ་ཟེར་རབ་དགའ་ཐོབ་ལྟར་དགའ། །སྣབ་ལུད་ཁས་འཇིབ་གཅིན་རྟག་ཁྱོར་བས་འཕོ། །ཞིམ་པོ་ཁམ་གང་རྙེད་ཀྱང་ཟ་མི་བྲ། །ང་ཡི་བུ་ལ་ཁྱེར་ཟེར་ཨམ་འཕྲག་བཅུག །གོས་ཀྱི་གང་ལེགས་གང་མཛེས་བུ་ལ་བཀོན། །རང་ཉིད་ཧྲལ་ཧྲུལ་གོས་ཀྱིས་ཆོག་པར་འཛིན། །ནོར་རྫས་ལེགས་པ་ད…

མི་འཇུ་མ་ཟོས་ལྟོགས། །འཆི་བདག་གཤིན་རྗེས་ཟིན་རྟགས་ཚང་ན་ཡང་། །ང་ལ་ཤི་དུས་མེད་ཟེར་ཤི་སྔོན་འདེབས། །རྒས་པའི་སྡུག་བསྔལ་མངོན་དུ་གྱུར་པ་ལ། །འདི་ལས་སྙིང་རྗེའི་གནས་གཞན་ཅི་ཞིག་ཡོད། །འདི་འདྲའི་སྡུག་བསྔལ་རྒྱ་མཚོའི་བོགས་མཐོང་ཡང་། །སྙིང་རྗེའི་བྱམས་པའི་སེམས་ཀྱིས་མི་སྐྱོང་བར། །ཚིག་ངན་དབང་ཆེ་ཐུབ་ཐུབ་བྱེད་པ་ནི། །ཆོས་པའ…

ཏུ་གཉན་ཕྱིར་རོ། །དེ་ཕྱིར་སངས་རྒྱས་རབ་ཏུ་བྱུང་ཁ་ཡང་། །ཕ་ལ་ཕྱག་འཚལ་བསྐོར་བ་བྱས་ཏེ་གཤེགས། །དེ་བཞིན་སྔོན་གྱི་མཁས་གྲུབ་ཕལ་ཆེར་ཡང་། །ཕ་དང་མ་ལ་ཕྱག་འཚལ་བསྐོར་བ་མཛད། །གྲུབ་ཐོབ་ཆེན་པོ་མི་ཏྲ་ཛོ་ཀི་ཡིས། །ཕ་མའི་ལྷམ་ཀྲད་དབུ་རྒྱན་མཛད་ཅེས་ཐོས། །རྒྱ་གར་པཎ་ཆེན་སློབ་དཔོན་དཔའ་བོ་ཡིས། །མ་ཡི་གཡོག་མཛད་མ་ཁོལ་ཞེས་སུ་གྲགས། །…

མཆོད་པའི་གནས་སུ་རིགས་བྱས་ནས། །འཇམ་པའི་ངག་དང་བྱམས་པའི་སེམས་ཀྱིས་ནི། །ཇི་ལྟར་ནུས་པས་བཀུར་སྟི་བྱ་བར་རིགས། །དེ་སྐད་འཕྲལ་དུ་ཡིད་ལ་གང་དྲན་རྣམས། །རྐྱེན་གྱིས་བསྐུལ་བས་མྱུར་དུ་བྲིས་པའོ། །ཨ་རཱ་གས་སོ།། ༈ །།གནད་ཀྱི་ཞལ་གདམས་ནི། ན་མོ་གུ་རུ། ཆོས་ཁྲིད་བརྒྱ་སྟོང་ཞུས་ན་ཡང་། །འཆི་བ་སྙིང་ནས་མ་དྲན་ན། །དམ་ཆོས་འགྲུབ་པའི་ར…

འཇིག །འདུས་མཐའ་བྲལ་དང་བསག་མཐའ་འཛད། །འདི་དག་མི་འབྱུང་སྲིད་མི་འགྱུར། །བསྐལ་པ་ཆགས་ནས་ད་ལྟའི་བར། །མ་ཤི་ལུས་པ་གཅིག་མི་གདའ། །འཆི་བདག་ལས་ཀྱི་གཤིན་རྗེ་དེས། །དགྲ་གཉེན་རྒས་གཞོན་ཁྱད་མེད་པར། །མཐོ་དམན་མེད་པར་ཐམས་ཅད་ཁྲིད། །འཆི་བའི་དུས་ལ་བབ་ཙ་ན། །དམ་པའི་ཆོས་ཤིག་མ་གཏོགས་པ། །སྐྱབས་མགོན་རེ་ས་གཞན་ན་མེད། །ཉེ་དུ་མཐུན་གྲ…