སྦྱིན་འབྲས་བསོད་ནམས་མི་ལྡན་ཞིང་། །ཡི་དམ་ཆོས་སྐྱོང་བྱིན་རླབས་མ་ཞུགས་ན། །ཡོན་ཏན་ཆེ་ཡང་གདུལ་བྱ་འདུ་ངེས་མེད། །དབུས་གཙང་ཀུན་ལ་གྲགས་པའི་རབ་འབྱམས་དང་། །ཀུན་དྷ་ར་དང་འབྱེད་པ་འབུམ་རམ་པ། །དབུས་གཙང་ཀུན་ཏུ་སྤྲང་འཁྱམས་བྱེད་པ་མཐོང་། །ཀ་ཡེ་གསོན་དང་སྐྱ་སེར་འདོད་པ་ཅན། །རང་གིས་བསོད་ནམས་ཆེ་ཆུང་གང་བསགས་པའི། །ཚེ་འདིར་ལོང…

ཉིད། །འགྲོ་ལ་ཕན་ཕྱིར་ནོར་ལྷའི་སྐུར་སྤྲུལ་པ། །འདི་ནི་ཚེ་རབས་གཏན་གྱི་སྐྱབས་གནས་སུ། །སྔགས་སྒྲ་བྱ་དང་རི་དྭགས་ཀྱིས་ཐོས་ཀྱང་། །ངན་སོང་སྐྱེ་སྒོ་ཆོད་པ་རྒྱལ་བས་གསུངས། །ཁྱད་པར་ཡི་གེ་བཅུ་པོ་འདི་ཉིད་ལ། །ཕན་ཡོན་བསམ་ལས་འདས་ཤིང་བརྗོད་མི་ལང་། །ཆུ་སྦྱིན་མཆོད་བསྟོད་གཏོར་བསྔོས་བྱས་ན་ཡང་། །སངས་རྒྱས་ཐམས་ཅད་མཆོད་དང་བསོད་…

པ། །ག་ཤལ་མགོ་རློན་སྙིང་ཕྲེང་སེ་རལ་ཁར། །ང་རོ་འབྲུག་སྒྲ་ཧཱུྃ་ཕཊ་ཐུག་ཆོམ་ཅན། །ཅ་ཅོ་སྒྲོག་པའི་གཤིན་རྗེ་འབུམ་དང་བཅས། །ཆ་ལུགས་མ་རུངས་བདུད་དང་སྲིན་པོའི་གཟུགས། །ཇ་ཆང་སྨན་རཀ་གཏོར་མ་འདི་བཞེས་ལ། །ཉ་རྒྱས་ཟླ་ལྟར་དགེ་ལེགས་རྒྱས་པར་མཛོད། །ཏ་ཐཱ་ག་ཏའི་བསྟན་སྲུང་ཆེན་པོ་ཁྱོད། །ཐ་མལ་བྱད་མ་ལྷ་སྲིན་གནོད་པ་ཀུན། །ད་ནི་བཟློག…

བྱེད་གདོན་དང་བྱད་མའི་ཚོགས། །ཤ་ཟོ་ཁྲག་འཐུང་རུས་མུར་ལྤགས་པ་གྱོན། །ས་དང་ལམ་གྱི་བར་ཆད་ཐམས་ཅད་ཟློག །ཧ་ཧ་ཧི་ཧི་བཞད་པའི་གད་རྒྱང་ཅན། །ཨ་ལ་ལ་ཞེས་ངོ་མཚར་དངོས་གྲུབ་སྩོལ། །ཅེས་པ་རྟ་ལོ་གྲོ་ཞུན་ཟླ་བའི་ཉི་ཤུའི་ཐོ་རངས་སྐོར་འཇམ་དཔལ་དུག་གདོང་གིས་གཏོར་ཟློག་བྱས་དུས་བསྟོད་པའོ། །མངྒ་ལཾ། ན་མོ་རཏྣ་ཏྲ་ཡཱ་ཡ། བདག་ནི་བསྟན་པ་སྤ…

མའི་གསུང་སྒྲུབ་ལས། །རང་དོན་འཁྲི་བ་ཅུང་ཟད་མ་མཆིས་ལ། །གལ་ཏེ་མཆིས་ན་བན་བོན་སྲུང་མར་བཤགས། །དབང་མེད་རྗེ་བོའི་དབང་དུ་གྱུར་པ་ལ། །ལག་ནི་ཉེས་ཀྱང་ཡིད་སེམས་ཉེས་པ་མེད། །དེ་ཕྱིར་བན་བོན་སྲུང་མས་བཟོད་པར་བཞེས། །ཕྱི་ནང་རྩོད་པ་བསྟན་པ་སྤྱི་ཡི་ལུགས། །ཡིན་ཕྱིར་ཆོས་སྲུང་རྣམས་ཀྱིས་སྲུང་སྐྱོབ་མཛོད། །ནང་པར་གྱུར་ཀྱང་ཚུལ་ཁྲིམ…

དེ་དོན་ཡེ་ཤེས་པ་དང་འཇིག་རྟེན་པའི། །ལེགས་ཉེས་སྟངས་འཛིན་རྣམས་ཀྱིས་དགོངས་པར་མཛོད། །ཅེས་བཟློག་པ་དུས་སྨྲས་སོ། །ཡེ་རྟ་མཆོག་རྒྱལ་པོ་ཧེ་རུ་ཀ །ཁ་དོག་ཆར་སྤྲིན་གཏིབས་པ་ལྟ་བུའི་མདོག །ག་ཤལ་ཁྲག་འཛག་མི་མགོའི་ཕྲེང་བས་བརྒྱན། །ང་རོ་ཧཱུྃ་ཕཊ་རྟ་སྐད་དྲག་པོའི་སྒྲ། །ཅ་ཅོའི་ངུར་སྒྲ་དང་བཅས་བདུད་དགྲ་མནན། །ཆ་ལུགས་བེར་ནག་དཔའ་ཆ…

ཁྱེད་ནི། །ཞྭ་ལྟར་སྤྱི་བོར་བཀུར་ཞིང་བསྙེན་སྒྲུབ་ན། །ཟ་བྱེད་ལྷ་སྲིན་སྡེ་བརྒྱད་དྲེགས་པའི་ཚོགས། །འ་འུར་འབྲུག་སྒྲ་ཆོ་འཕྲུལ་ཆེན་པོ་བཅས། །ཡ་མ་རཱ་ཙ་ལ་སོགས་སྡེ་བརྒྱད་འཁོར། །རྭ་ཅན་འབུམ་གྱི་འཁོར་དང་ཡང་འཁོར་བཅས། །ལ་ཆེན་བདག་ཅག་སློབ་འབངས་བརྒྱུད་པར་བཅས། །ཤ་ནས་བརྩེ་བའི་མ་ལྟར་སྲུང་སྐྱོབ་དང་། །ས་དང་ལམ་གྱི་བར་ཆད་ཐམས་ཅ…

ཆོས་ཉན། །ཐ་མལ་རང་རེ་སོ་སོའི་སྐྱེ་བོ་ཡི། །བླ་མ་དེ་འདྲ་བསྟེན་པའི་སྐལ་པ་མེད། །ནམ་མཁའ་བར་སྣང་སངས་རྒྱས་སྤྲུལ་པའི་སྐུ། །རྟག་ཏུ་གང་བར་བཞུགས་ཀྱང་མ་མཇལ་ཏེ། །མ་རིག་འཐིབ་པོས་སྒྲིབ་པས་བསྒྲིབས་པ་ཡིན། །ད་ལྟར་ཕྱོགས་བཅུའི་འཇིག་རྟེན་ཁམས་རྣམས་སུ། །སངས་རྒྱས་གྲངས་མེད་ཆོས་འཁོར་བསྐོར་ན་ཡང་། །རང་རེ་རྣམས་ཀྱིས་མི་མཐོང་སྒྲིབ…

མ། །དེ་ཕྱིར་རང་རེ་ཆོས་སྒོར་བཅུག་པ་དང་། །དབང་ལུང་ཁྲིད་གསུམ་ཐོབ་པའི་བླ་མ་དེ། །སངས་རྒྱས་ཡིན་རུང་སེམས་ཅན་ཡིན་ཀྱང་རུང་། །སངས་རྒྱས་ཀུན་བས་རང་ལ་བཀའ་དྲིན་ཆེ། །དེ་ཕྱིར་དྲིན་ཅན་རྩ་བའི་བླ་མ་ཟེར། །བླ་མ་དེ་ཡིས་བསྟན་པའི་དམ་ཆོས་རྣམས། །རང་གིས་རྩེ་གཅིག་ཉམས་སུ་བླངས་ནུས་ན། །སྒྲིབ་པ་ཇེ་སྲབ་གྱུར་ནས་མ་འོངས་དུས། །སངས་རྒྱས…

ཕྱིར། །ཐ་མར་བླ་མར་འབུལ་བ་བྱེད་པ་ཡང་། །དབང་བསྐུར་དུས་དེར་ཕུལ་བར་བྱས་ན་ནི། །ཡི་དམ་དེ་དང་དངོས་སུ་ཕུལ་དང་འདྲ། །བརྒྱ་སྟོང་འགྱུར་གྱིས་ཕན་ཡོན་ཆེ་བར་གསུངས། །རང་ཉིད་གོ་བ་ཤེས་རབ་རྒྱ་ཆེ་བས། །དབང་ཆོག་ཐམས་ཅད་བློ་ལ་བྱང་ནས་ཀྱང་། །སྔོན་དུ་བླ་མ་ཞིག་ལས་མ་ཐོབ་ན། །བདག་འཇུག་བླངས་ཀྱང་དབང་ནི་མི་ཐོབ་ལ། །གཞན་ལ་བསྐུར་ན་མཚམས་…

གཞན་ལ་བཤད་ན་ཕན་ཡོན་ཆེ་བ་ཡིན། །ཕ་རོལ་སྐལ་པ་ལྡན་རྣམས་ཉམས་རྟོགས་སྐྱེ། །མ་སྐྱེས་ན་ཡང་ལུང་ཐོབ་ཕན་ཡོན་འབྱུང་། །དེ་ཡང་དང་པོའི་བླ་མ་དེ་ཡི་དྲིན། །སྔོན་དུ་བླ་མས་སྡོམ་ལུང་མ་ཐོབ་ན། །སྡོམ་པ་བསྲུང་ཡང་སྡོམ་པའི་ཕན་ཡོན་མེད། །བསོད་ནམས་ཡོད་ཀྱང་བར་མའི་དགེ་བ་སྟེ། །སངས་རྒྱས་ཐོབ་པའི་རྒྱུ་རུ་དེ་མི་འགྱུར། །སྡོམ་པ་ཐོབ་ནས་བསྲ…

སངས་རྒྱས་དེ་དང་དབྱེར་མེད་དུ། །བསྒོམ་ནས་རྩེ་གཅིག་གསོལ་བ་བཏབ་བྱས་ན། །སངས་རྒྱས་ཐུགས་རྗེ་བྱིན་རླབས་ཆེ་བ་དང་། བླ་མ་དེ་དང་འབྲེལ་བ་ཡོད་པའི་ཕྱིར། །སངས་རྒྱས་དེ་ཡི་བྱིན་རླབས་མྱུར་དུ་འཇུག །བླ་མ་ཡིན་ན་སངས་རྒྱས་ཡིན་ངེས་པའི། །ཡབ་སྲས་ལྟ་བུ་སྐུ་དངོས་བསྒོམ་པ་ན། །དམིགས་པ་ཟིན་སླ་བྱིན་རླབས་མྱུར་བ་དང་། །དད་པ་དག་སྣང་འཕེལ…

བར་འདོད་ན་འཇམ་པའི་དབྱངས། །ལོངས་སྤྱོད་ཆེ་བར་འདོད་ན་ཛཾ་བྷ་ལ། །ཉམས་རྟོགས་སྐྱེ་བར་འདོད་ན་རྡོ་རྗེ་འཆང་། །ཡང་ན་མི་ལ་རས་པ་དྭགས་པོ་སོགས། །གང་འདོད་བསྒོམ་པས་དངོས་གྲུབ་གང་འདོད་འབྱུང་། །དཔེར་ན་ཡིད་བཞིན་ནོར་བུ་རིན་ཆེན་འདྲ། །དེ་ཕྱིར་བླ་མ་སངས་རྒྱས་རིན་པོ་ཆེ། །རང་གི་བླ་མ་དེ་ཉིད་སངས་རྒྱས་དང་། །སེམས་ཅན་སུ་ཡིན་ཁྱད་ནི་…

ཐམས་ཅད་བླ་མའི་སྐུ། །ཡི་དམ་དཀྱིལ་འཁོར་ལྷ་ཀུན་བླ་མའི་གསུང་། །མཁའ་འགྲོ་ཆོས་སྐྱོང་ཐམས་ཅད་བླ་མའི་ཐུགས། །ནོར་ལྷ་གཏེར་བདག་བླ་མའི་ཡོན་ཏན་ཏེ། །མཁའ་འགྲོ་སྲུང་མ་བླ་མའི་ཕྲིན་ལས་ཏེ། །དེ་ཕྱིར་སངས་རྒྱས་ཐམས་ཅད་འདུས་པའི་སྐུ། །དེ་དོན་ལམ་འབྲས་སོགས་ནས་རྒྱ་ཆེར་གསུངས། །གསང་སྔགས་རིག་སྔགས་གཟུངས་སྔགས་ཐམས་ཅད་ནི། །བླ་མ་མེད་ན་…

གུས་ཁོ་ནས་ཕྱག་ཆེན་རྟོགས་པ་སྐྱེས། །འོན་ཀྱང་གསོལ་བ་འདེབས་ཡུལ་བླ་མ་དེ། །སངས་རྒྱས་ཡིན་ངེས་སྙིགས་དུས་རྙེད་དཀའ་བས། །བླ་མའི་མཚན་ཉིད་ཐམས་ཅད་ཚང་བ་ཡི། །སོ་སོའི་སྐྱེ་བོའི་རང་གི་བླ་མ་ལ། །སངས་རྒྱས་དངོས་ཀྱི་མོས་གུས་བྱ་བར་གསུངས། །བླ་མ་མཚན་ཉིད་ཚང་བ་མ་རྙེད་ན། །ཡོན་ཏན་ཤས་ཆེ་སྐྱོན་ནི་ཆ་ཆུང་བ། དེ་ལ་དབང་ལུང་འབྲེལ་བ་ཞུ་ར…

འདས་ཁ་ཞལ་ཆེམས་བཞག་པ་ཡིན་པར་གསུངས། །དེ་ཕྱིར་ཀུན་གྱིས་དེ་ལྟར་གསོལ་བ་ཐོབ། །རྟོགས་པ་སྐྱེ་དང་བོགས་འདོན་གེགས་སེལ་ཐབས། །མོས་གུས་གསོལ་འདེབས་འདི་ལས་ཟབ་པ་ནི། །གཅིག་ཀྱང་མེད་དོ་ཉམས་རྟོགས་སྐྱེ་འདོད་ན། །བླ་མའི་རྣལ་འབྱོར་ཐུན་བཞིར་ཉམས་སུ་ལོངས། །དེ་ལ་ཀརྨ་པ་ཡི་ཐུན་བཞི་དང་། །ཞྭ་དམར་པ་ཡི་བླ་སྒྲུབ་འདི་ཉིད་དང་། །སྔོན་འགྲ…

ཏུ་བཟང་དང་རྡོ་རྗེ་འཆང་། །རྡོ་རྗེ་སེམས་དཔའ་གསང་བའི་བདག །ཧེ་རུ་ཀ་དཔལ་པདྨ་འབྱུང་། །གསང་སྔགས་སྟོན་པ་རྣམས་ལ་འདུད། །གསར་རྙིང་རྒྱུད་སྡེ་རྒྱ་མཚོའི་དོན། །གསང་སྔགས་བླ་ན་མེད་པ་དེ། །ཉམས་སུ་ལེན་པར་བྱེད་པ་ལ། །བསྡུ་ན་གཞི་ལམ་འབྲས་བུ་གསུམ། །གཞི་ནི་ཤེས་པ་གང་ཆེ་ཞིང་། །ལམ་ནི་ཉམས་སུ་བླངས་གལ་ཆེ། །འབྲས་བུ་གནས་སྐབས་མཐར་ཐུག…

ཆོས་ཀྱི་དབྱིངས། །ཆོས་ཉིད་ཆོས་སྐུ་ཀུན་ཏུ་བཟང་། །སངས་རྒྱས་ཀུན་གྱི་ཐུགས་རྒྱུད་དང་། །སེམས་ཅན་ཀུན་གྱི་སེམས་ཉིད་དང་། །རང་གི་སེམས་ཉིད་དབྱེར་མེད་དེ། །རྒྱ་གར་ཆུ་དང་བོད་ཀྱི་ཆུ། །ལུང་པའི་དབང་གིས་སོ་སོ་ཡང་། །ཆུ་ཡི་ངོ་བོ་གཅིག་དང་འདྲ། །ངོ་བོ་སྟོང་ལ་ཁྱད་པར་མེད། །རང་བཞིན་གསལ་ལ་རྗེན་པར་གཅིག །སྣ་ཚོགས་འགག་མེད་འཆར་བ་གཅ…

ཡང་། །ཡེ་ནས་རྒྱལ་བ་རིགས་མཆོག་ལྔ། །ཁམས་ལྔ་ཡུམ་ཆེན་ལྔ་ཡིན་ཏེ། །ཚོགས་བརྒྱད་ཡུལ་བརྒྱད་སེམས་དཔའ་དང་། །སེམས་མ་ཡབ་ཡུམ་བཅུ་དྲུག་ཉིད། །རྐང་ལག་ལྷུ་སོགས་ཁྲོ་བོ་བཅུ། །དེ་བཞིན་སྣོད་ཀྱི་འཇིག་རྟེན་ཡང་། །ས་ཆུ་མེ་རླུང་ནམ་མཁའ་ལྔ། །ཡུམ་ཆེན་ལྔ་ཡི་ངོ་བོ་ཉིད། །ཡེ་ནས་དག་པ་ལྷུན་གྲུབ་ཡིན། །སྐྱེ་བ་བསྐྱེད་པའི་རིམ་པ་སྟེ། །འཆི་…

གཤེགས། །དེ་འདྲ་སྔར་དུས་མང་བར་གསུངས། །སྒྲིབ་པ་འཐུག་པའི་གང་ཟག་རྣམས། །ངོ་སྤྲོད་ཆོས་ཀྱིས་མི་གྲོལ་ཏེ། །འོ་མ་མར་གྱི་རྒྱུ་ཡིན་ཡང་། །མ་བཤིག་བར་དུ་མར་མི་འབྱུང་། །དེ་ཕྱིར་ཉམས་ལེན་གལ་ཆེའོ། །རང་ལུས་ཡེ་ནས་ལྷ་ཡི་སྐུ། །ཡིན་ལ་ཡིན་བཞིན་བསྐྱེད་རིམ་བསྒོམ། །སྦྱང་གཞི་ལུས་སེམས་ངག་དང་གསུམ། །སྦྱོང་བྱེད་ལྷ་སྔགས་ཏིང་འཛིན་ནོ།…