གནས་འགྱུ་ངོ་ཤེས་ཞི་གནས་ཡིན། །ངོ་ཤེས་ཙམ་དེས་མི་ཆོག་པར། །གནས་དུས་གནས་ནི་ཡོད་བསམ་པའི། །འཛིན་པ་དེ་ཡིས་མི་ཆོག་པར། །གནས་མཁན་ངོ་བོ་ཅི་ལྟར་སྣང་། །ཧྲིག་གེ་རྗེན་ནེ་བལྟས་པ་ན། །གནས་པ་ཅི་ཡང་མི་དྲན་པའི། །ངོ་བོ་སྟོང་པ་ལྷག་གེར་མཐོང་། །གནས་པའི་སྟེང་ནས་ལྷག་མཐོང་ཤར། །གནས་པ་ཀྱི་ལེ་གནས་པ་དང་། །ངོ་བོ་སྟོང་པར་འདུག་པ་གཉིས།…

འགྱུ་མི་རིག་མི་གསུམ། །སེམས་ཉིད་གཅིག་པུ་ཁོ་རང་ལ། །བྱེད་ལས་གསུམ་དུ་མཚར་བ་ལ། གནས་པ་འགྱུ་བ་གཉིས་པོ་ནི། །རེས་མོས་ཡིན་གྱིས་མཉམ་དུ་མེད། །གནས་འགྱུ་ངོ་མཐོང་གླུ་ཆུང་འདི། །ཁྲིད་མ་ཐོབ་ལ་ཕན་ཕྱིར་སྨྲས། །ཁྲིད་ཐོབ་རྣམས་ཀྱིས་མི་ཁྲེལ་ཞུ། །མངྒ་ལཾ།། ༈ །།ན་མོ་མཉྫ་ཤྲཱི་ཡེ། ཤེས་རབ་ཆེན་པོ་འཇམ་དཔལ་དབྱངས། །ཆོས་སྐུ་མཁྱེན་ལ་ཕྱ…

ཡོན་མེད། །དེ་བས་ཚོགས་བསགས་སྒྲིབ་སྦྱང་འབད། །ཆོས་ཀུན་སྟོང་ཉིད་ཡིན་སྙམ་པའི། །མོས་པ་བྱེད་ཅིང་ཚོགས་བསགས་པའི། །བསྐལ་པ་གྲངས་མེད་གཅིག་གི་དུས། །དེ་བས་སྟོང་ཉིད་རྟོགས་པར་འགྱུར། །དེ་སྐད་གསུངས་པ་མདོ་ཡི་ལུགས། །མདོ་ཡི་ལུགས་ལ་དེ་ལྟར་བདེན། །བླ་མེད་སྔགས་ཀྱི་ལུགས་འདི་ལ། །ཚེ་གཅིག་སངས་རྒྱས་ཐོབ་གསུངས་པ། །སྟོང་ཉིད་རྟོགས་པ…

སྐྱོང་དུ་བཅུག །དེ་ནས་ཞི་གནས་ཆགས་ཐུབ་ན། །ལྷག་མཐོང་ངོ་བོ་སྤྱད་པར་བྱ། །ཞི་ལྷག་ཟུང་དུ་འཇུག་པ་ནི། །བདེ་གསལ་མི་རྟོག་འཆར་བའི་མཐར། །ཆུ་ཟླ་ལྟ་བུར་སྣང་སྲིད་ཀུན། །ཆོས་ཀྱི་བདག་མེད་མངོན་སུམ་དུ། །རྟོགས་ན་ཉམས་ལེན་གོ་ཆོད་གསུངས། །གྲུབ་མཐའ་འདི་ཉིད་འཆང་བ་ཡི། །དགེ་བཤེས་དེང་སང་ས་སྟེང་ཁྱབ། །མདོ་ལུགས་ཕྱག་ཆེན་ཡིན་པར་གསུངས།…

ཕྱིར་གནས་འགྱུ་སྐྱོང་ལུགས་དེ། །ལེགས་པར་ཤེས་ནས་མ་སྐྱུར་ན། །དེ་ལས་ལྷག་པ་མེད་པ་སྟེ། །གེགས་དང་གོལ་ས་ཤོར་བ་ཡང་། །རྣམ་རྟོག་འཛིན་པ་ཕྲ་མོ་རེ། །མ་བཅོས་རང་བབ་སྐྱོང་ཤེས་ན། །གེགས་དང་གོལ་ས་ཅི་ཡང་མེད། །རྒྱ་བོད་གྲུབ་ཐོབ་ཐམས་ཅད་ཀྱང་། །ཉམས་ལེན་འདི་ཡིས་གྲོལ་བ་ཡིན། །རྡོ་རྗེ་འཆང་ནས་ད་ལྟའི་བར། །སྙན་ནས་སྙན་དུ་བརྒྱུད་པ་ཡིན…

གཉིས་ཉིན་པར་སྨྲས་པའོ། །སྒོམ་ཆེན་རྣམས་ཀྱིས་མི་ཁྲེལ་ཞུ།། ༈ །།ན་མོ་མ་ཧཱ་མུ་ཏྲ་ཡེ། །དང་པོ་གནས་འགྱུ་ངོ་བསྐྱངས་ནས། །ལུས་གནད་བཅས་ནས་སྐྱོང་བསམ་ཛ། །འགྱུ་བ་རྟ་རྒོད་སྲབ་མེད་འདྲ། །ལ་ནས་རྒྱུག་ཅིང་ལུང་ནས་མཆོང་། །འགྱུ་བ་བྱིས་པ་བསམ་མེད་འདྲ། །མི་བྱེད་དགུ་བྱེད་ཅ་ཅོ་བྱེད། །འགྱུ་བ་ཨ་ནེ་སྤྲེའུ་འདྲ། །འདུག་ཚུགས་མེད་དོ་བྱ་…

ན་སྲོག་རླུང་འབྱུང་། །དེ་དུས་བླ་མའི་གདམས་ངག་དགོས། །འགྱུ་བ་སྐྱོན་དུ་མ་བལྟ་ཞིག །གང་འགྱུ་རིག་པ་ཁོ་ནས་ཆོག །འགྱུ་བ་གཅིག་ནི་ངོས་ཟིན་ན། །ཡེ་ཤེས་གཅིག་ནི་སྐྱེ་བ་ཡིན། །འགྱུ་བ་བརྒྱ་ལ་ཡེ་ཤེས་བརྒྱ། །འགྱུ་བ་སྟོང་ལ་ཡེ་ཤེས་སྟོང་། །འགྱུ་བ་མང་ན་ལེགས་པ་ཡིན། །ལར་ནི་འགྱུ་བ་གནས་པ་གཉིས། །ཆུ་དང་ཆུ་རླབས་འདྲ་བ་སྟེ། །བཟང་ངན་ཁྱ…

ན་མོ་མ་ཧཱ་མུ་ཏྲ་ཡེ། གནས་འགྱུ་ཡུན་དུ་བསྲུངས་བ་ན། །ཉམས་ནི་གཉིས་པ་འཆར་བའི་ཚེ། །སེམས་ནི་ཟླ་སྐར་འཕྲོག་འཛོམ་འདྲ། །རེས་འགའ་དལ་ལ་རེས་འགའ་བྲེལ། །སེམས་ནི་ལུང་རོང་ཆུ་དང་འདྲ། །རེས་འགའ་གནས་ལ་རེས་འགའ་འཚུབ། །སེམས་ནི་བུ་ཆུང་ཁེར་འགྲོས་འདྲ། །རེས་འགའ་འདུག་ཅིང་རེས་འགའ་རྒྱུག །གནས་དུས་སེམས་དགའ་སྤྲོ་བ་སྐྱེད། །འཚུབ་དུས་མི་…

གཞིང་བསྒོམས་ན་གསལ། །རེས་འགའ་ངེས་ཤེས་བློ་སེམས་དྲོ། །རེས་འགའ་ཐེ་ཚོམ་ཡིད་མི་ཆེས། །ངེས་ཤེས་སྐྱེས་ན་ང་རྒྱལ་སྤངས། །ཐེ་ཚོམ་བྱུང་ཡང་མི་སྐྱུར་སྐྱོང་། །འདི་ཙམ་ཁྲིད་ཕོག་རེ་རེ་ནས། །སྐྱེས་པ་ཤིན་ཏུ་མང་བ་ཡིན། །དཔལ་མགོན་འཕགས་པ་ཀླུ་སྒྲུབ་ཀྱིས། །ཐེ་ཚོམ་ཙམ་ཞིག་སྐྱེས་ན་ཡང་། །འཁོར་བ་ཧྲུལ་པོར་བྱེད་པར་འགྱུར། །གསུངས་པའི་ས་…

བློ་སེམས་བདེ། །ཡེངས་སྐབས་ཐ་མལ་འཁྲུལ་པ་འབྱམས། །མ་ཡེངས་ཉམས་ལེན་གསལ་པོ་འཆར། །ཉིན་བར་བརྩོན་འགྲུས་ཆེ་བ་དང་། །སྒྲིབ་པ་ཆུང་བའི་རིགས་འགའ་ལ། །འདི་ནས་རྨི་ལམ་བན་བུན་ཟིན། །དད་པ་དག་སྣང་ཆེ་རུ་འགྲོ། །རི་ཁྲོད་གཅིག་ཏུ་འདུག་འདོད་ཆེ། །འདི་སྐབས་གནས་འགྱུ་གང་ཤར་ལ། །དེ་ཡི་ངོ་བོ་ཧྲིག་གེར་བལྟ། །སྟོང་པ་ཉིད་དུ་ལྷག་གེ་འཆར། །ངོ…

གནས། །ས་ཁམས་པ་ཡི་རིགས་རྣམས་ལ། །འགྱུ་བ་གཏན་ནས་མེད་མེད་འདྲ། །དེ་མིན་ལན་རེ་འགྱུ་བ་འདི། །དྭངས་བའི་མཚོ་ལ་ཉ་འཁྱུག་འདྲ། །འགྱུ་བས་གནས་པ་བཤིགས་མི་ནུས། །འདི་ལ་དགོངས་ནས་ཇོ་བོ་རྗེས། །ཞི་གནས་མཚོ་ཆུང་འདྲ་བ་ལ། །ལྷག་མཐོང་ཉ་མོ་འཁྱུག་འདྲ་གསུངས། །འདི་དུས་ངོ་བོ་མ་བལྟས་པར། །མེ་རེ་གནས་པའི་ངང་དེ་ནི། །དོན་ལ་མཚན་མེད་ཞི་གནས་…

ཆེ། །འགྲོ་འདུག་བྱ་བྱེད་མང་དྲགས་ན། །ཉམས་དེ་ལྷ་དྭངས་བཞིན་དུ་ཡལ། །ཐ་མལ་ལོག་པར་འགྲོ་དོགས་ཡོད། །ཉམས་ནི་བཞི་པའི་ས་མཚམས་སུ། །རཱ་ག་ཨ་སྱས་སྨྲས་པ་འདིས། །གསར་བུ་རྣམས་ལ་ཕན་ཐོགས་ཤོག། ༈་།།ན་མོ་མ་ཧཱ་མུ་ཏྲ་ཡེ། །གོལ་ས་གསུམ་སོགས་མང་པོ་ཡང་། །ཉམས་ཀྱི་འཆར་སྒོ་རེ་རེ་ལ། །ཆགས་ཞེན་འཛིན་པ་དམ་པོ་ཡི། །མཆོག་ཏུ་བཟུང་བ་གོལ་ས་ཡང་།…

སེམས་ངོ་བོ་མ་སྐྱོང་ན། །སྐྲག་འཇིགས་ཆེ་ཙམ་མ་གཏོགས་པ། །ཉམས་རྟོགས་ལོག་ནས་འོང་རྒྱུ་མེད། །མི་མེད་ལུང་སྟོང་འགྲིམ་ན་ཡང་། །རང་སེམས་ངོ་བོ་མ་སྐྱོང་ན། །སེམས་རྩ་སྐྱོ་ཙམ་མ་གཏོགས་པ། །རྟོགས་པ་ལོག་ནས་འཆར་རྒྱུ་མེད། །རེས་འགའ་བླ་མ་ཚོལ་ན་བསམ། །མཁས་བཙུན་བླ་མ་བརྒྱ་བསྟེན་ཀྱང་། །ལུང་རྒྱ་ཆེ་ཙམ་མ་གཏོགས་པར། །རང་སེམས་ངོ་བོ་མ་སྐ…

ཕོངས། །བསོགས་པས་སོགས་པ་འགའ་ཡང་མེད། །རྟོགས་པ་ནང་ནས་ཤར་ཙམ་ན། །སེམས་ལ་ཞེ་འདོད་མེད་ན་ཡང་། །ཟས་ནོར་ལོངས་སྤྱོད་ཆར་ལྟར་འབེབས། །རེས་འགའ་གྲོགས་ཀྱི་སྣང་བ་འཆར། །མཐུན་གྲོགས་བརྩེ་གདུང་ཅི་ཆེ་ཡང་། །ཚིག་ངན་གཅིག་གི་གནད་མི་ཁྱག །མཐུན་གྲོགས་དགྲ་རུ་ལང་བ་མང་། །གྲྭ་འཁོར་ཕུན་སུམ་ཚོགས་ན་ཡང་། །འཆི་ཚེ་གྲོགས་མེད་གཅིག་པུར་འཁྱམས…

སྟེགས་ལུགས། །ཤུགས་ཀྱིས་བྱུང་ན་བགག་མི་དགོས། །མ་ཡེངས་ངང་ནས་ཟས་ཟ་བ། །ཟག་མེད་ཚོགས་ཀྱི་འཁོར་ལོ་ཡིན། །ཁོ་བོ་མི་ལ་རས་པ་ངས། །ཟ་ཞིང་ཟ་ཞིང་བསྒོམ་ཙ་ན། །ཟ་འཐུང་ཚོགས་འཁོར་གདམས་ངག་ཡོད། །གསུངས་པའི་དོན་ཡང་དེ་ལ་དགོངས། །རང་སེམས་རྒྱུན་དུ་བསྲུང་ནུས་ན། །དུག་ལྔ་མི་དགེ་རང་འགགས་ཡིན། །ཐབ་ཀྱི་མེ་ལ་ཆུ་བླུག་ན། །སྐར་ཁུང་རྩིག་ཁུ…

ཤར་ངོ་བོ་སྟོང་པ་རྣམས། །རོ་སྙོམས་སྐོར་དྲུག་དེ་ལ་འདུས། །སྣང་སྲིད་འཁོར་འདས་ཐམས་ཅད་ཀྱང་། །རང་སེམས་ལས་ཀུན་རྡུལ་ཙམ་མེད། །དེ་ལས་སྣང་སྲིད་མི་འདའ་ན། །འཁོར་ལོས་སྒྱུར་རྒྱལ་ཕྱག་རྟགས་འདྲ། །ཕྱག་རྒྱ་ཆེན་པོའི་རང་སེམས་ཉིད། །དེ་ལ་མ་རྫོགས་གཅིག་ཀྱང་མེད། །རྫོགས་ཆེན་ཁྲེགས་ཆོད་རང་གི་སེམས་། །དེ་ཤེས་ཤེས་བྱ་ཀུན་གྱི་རབ། །ཤེས་…

ཡེ། །ཉམས་ལེན་ངོ་བོ་སྐྱོང་བའི་ངང་། །རང་སེམས་ལྷན་ནེ་གནས་པ་དང་། །ངོ་བོ་སྟོང་པར་གནས་པ་གཉིས། །དབྱེར་མེད་ཞིག་ལྷག་ཟུང་དུ་འཇུག །དེ་ལ་མ་ཡེངས་རྩེ་གཅིག་ཏུ། །མར་མེ་རླུང་གིས་མ་བསྐྱོད་ལྟར། །ས་ལེ་སེང་ངེ་ཡེ་རེ་བ། །རེས་འགའ་རྣམ་རྟོག་འགྱུ་ན་ཡང་། །ཆུ་དང་རླབས་བཞིན་རང་སར་ཞི། །སྐབས་འགའ་ཡེངས་ཚེ་ཐ་མལ་པ། །མ་ཡེངས་བསྒོམ་ཚེ་རྗེ…

རྩེ་གཅིག་གནས་པས་རྩེ་གཅིག་ཟེར། །དེ་ཡང་ལྟ་ས་ལྟ་རྒྱུ་གཉིས། །སོ་སོར་ཡོད་པ་འདྲ་བ་ལ། །ཧྲིག་གེ་རྗེན་ནེ་ས་ལེ་བ། །ངེས་ཤེས་འཛིན་པ་ཆེན་པོ་ཅན། །དཔེར་ན་གཅན་གཟན་སེང་གེ་དེ། །གོམ་པ་འདོར་ཞིང་མི་འགྲོ་སྟེ། །མཆོང་རྒྱང་ཆེན་པོ་བྱེད་ནས་འགྲོ། །དེ་ནས་ཕྱི་མིག་ལྟ་བྱས་ནས། །ཅི་ཙམ་མཆོང་ཐུབ་ཚུར་ལ་ལྟ། །དེ་བཞིན་རྩེ་གཅིག་རྣལ་འབྱོར་པ…

པར་གནས། །གཞུང་ནས་བཤད་དང་མཚུངས་པར་འགྱུར། །ཐོད་རྒལ་བ་ཡི་གང་ཟག་དེ། །ལས་འཕྲོ་བཟང་སྟེ་བར་ཆད་རྒོད། །མ་རན་དུས་ནས་རྟོགས་པ་སྐྱེ། །སྐྱེ་རན་ཙམ་ནས་ཕྱིར་ལ་ཞེན། །རེས་མཐོ་རེས་དམའ་རྟགས་མི་ཐུབ། །རེས་འགའ་བྱ་བཏང་གྲུབ་ཐོབ་འདྲ། །རེས་འགའ་མི་ནག་སྡིག་ཅན་འདྲ། །ཕོག་ཏུ་བབ་དང་མི་ཕོག་ནི། །བློ་རྒོད་སྐྱེ་ཞིང་སྙིང་ཁམས་ཆེ། །རེས་འགའ…

སྟེ། །དེ་ལྟར་རབ་འབྲིང་དགུ་པོ་ཡི། །ནང་དུ་གང་ཟག་ཕལ་ཆེར་འདུ། །བླ་མ་ཉམས་ཆེན་གྱིས་བརྟགས་ནས། །རིགས་ནི་གང་ཡིན་ངོས་བཟུང་ནས། །གང་ལ་གང་ཕན་གེགས་སེལ་དང་། །བོགས་འདོན་སོ་སོར་གལ་ཆེ་བའི། །གཅིག་ལ་ཕན་པའི་ངོ་སྤྲོད་དེས། །ཀུན་ལ་ཕན་པའི་ངེས་པ་མེད། །གཅིག་ལ་གནོད་པའི་སྤྱོད་ལམ་དེ། །ཀུན་ལ་གནོད་པའི་ངེས་པ་མེད། །སྨན་པ་མཁས་པས་རྩ་ཆ…