བྱིན་གྱིས་རློབས། །འོག་མིན་མཚུར་ཕུའི་དགོན་པ་ན། །དཔལ་ལྡན་དུས་གསུམ་མཁྱེན་པ་ལ། །གསོལ་བ་འདེབས་སོ་བྱིན་གྱིས་རློབས། །འབྲུག་དང་ར་ལུང་དགོན་པ་ན། །གྲུབ་ཐོབ་གླིང་རྗེ་རས་ཆེན་ལ། །གསོལ་བ་འདེབས་སོ་བྱིན་གྱིས་རློབས། །གུང་ཐང་འཚལ་གྱི་དགོན་པ་ན། །འགྲོ་མགོན་སྐྱེ་མེད་ཞང་སྟོན་ལ། །གསོལ་བ་འདེབས་སོ་བྱིན་གྱིས་རློབས། །འབྲི་གུང་ད…

གྱིས་རློབས། །པོ་ཊ་ལ་ཡི་ཕོ་བྲང་ན། །ཡི་དམ་རྒྱལ་བ་རྒྱ་མཚོ་ལ། །གསོལ་བ་འདེབས་སོ་བྱིན་གྱིས་རློབས། །ནུབ་ཕྱོགས་ཨོ་རྒྱན་ཕོ་བྲང་ན། །ཡུམ་མཆོག་རྡོ་རྗེ་ཕག་མོ་ལ། །གསོལ་བ་འདེབས་སོ་དངོས་གྲུབ་སྩོལ། །བསིལ་བ་ཚལ་གྱི་དུར་ཁྲོད་ན། །ཆོས་སྐྱོང་མ་མགོན་ལྕམ་དྲལ་ལ། །གསོལ་བ་འདེབས་སོ་བར་ཆད་སོལ། །སྣང་སྲིད་ཡེ་ནས་ཆོས་ཀྱི་སྐུ། །གནས་ལ…

མེད་རྟོགས་པ་ཡིས། །རང་རྒྱུད་གྲོལ་བར་བྱིན་གྱིས་རློབས། །ཕྱོགས་རིས་མེད་པའི་སྙིང་རྗེ་ཡིས། །གཞན་དོན་ཕྱོགས་མེད་འགྲུབ་པར་ཤོག །ཅེས་པ་ཤིང་མོ་སྦྲུལ་གྱི་ལོ། །སྤྲེལ་གྱི་ཟླ་བའི་བཅུ་བཞི་ལ། །ཤོག་བུ་གཏད་ནས་བྱུང་བས་བྲིས།། ༈ །ན་མོ་སརྦ་བྷ་དྲ་ཡེ། སངས་རྒྱས་ཀུན་བས་སྔར་སངས་རྒྱས། །ཆོས་སྐུ་ཀུན་ཏུ་བཟང་པོ་ལ། །གསོལ་བ་འདེབས་སོ་ཐ…

ཤྲཱི་སེང་ཧ་ལ། །གསོལ་བ་འདེབས་སོ་ཐུགས་རྗེས་ཟུངས། །རྒྱ་བོད་འགྲོ་བ་འདྲེན་པའི་དཔལ། །བི་མ་ལ་དང་རྒྱལ་བ་མདོ། །གསོལ་བ་འདེབས་སོ་ཐུགས་རྗེས་ཟུངས། །པད་འབྱུང་མཚོ་རྒྱལ་བེ་རོ་སོགས། །རྫོགས་ཆེན་བརྒྱུད་པའི་བླ་མ་ལ། །གསོལ་བ་འདེབས་སོ་ཐུགས་རྗེས་ཟུངས། །མདོ་སྒྱུ་སེམས་གསུམ་ལ་སོགས་པའི། །ཐེག་པ་དགུ་ཡི་ལྷ་ཚོགས་ལ། །གསོལ་བ་འདེབས་ས…

འགྲོ་བ་སྒྲོལ། །དེང་སང་ལྔ་བརྒྱ་ཐ་མའི་དུས། །ཚེ་ཐུང་བར་ཆད་རྐྱེན་མགོ་རྒོད། །བསྒོམ་པའི་ཆོས་ཀྱིས་གྲོལ་བར་དཀའ། །བསྒོམ་མི་དགོས་པར་ཐོས་གྲོལ་དུ། །བདག་སོགས་གྲོལ་བར་བྱིན་གྱིས་རློབས། །མ་བསྒོམ་སངས་རྒྱས་ཐོབ་པའི་ཐབས། །ཆོས་སྐུ་ཀུན་ཏུ་བཟང་པོའི་གསུངས། །ཨོ་རྒྱན་ཆེན་པོའི་ཁྱད་ཆོས་ཏེ། །ཡེ་ཤེས་མཁའ་འགྲོའི་སྙིང་ཁྲག་སྟེ། །གཏད…

བཟང་། །ཀུ་སུ་ལུ་གཉིས་ཇོ་བོ་གསེར་གླིང་པ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །སྟོན་པ་འཇམ་དབྱངས་ཀླུ་སྒྲུབ་ཨཱརྱ་དེ། །ཟླ་གྲགས་རིག་པའི་ཁུ་བྱུག་ཆེ་ཆུང་གཉིས། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །རྡོ་རྗེ་འཆང་ཆེན་ཏེ་ལོ་ནཱ་རོ་པ། །ཌོམྦི་པ་དང་དཱི་པཾ་ཀ་ར་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རླ…

འགྲོ་ཀུན་ཕ་མ་ཡིན་པར་ཐག་ཆོད་ནས། །བདག་བས་གཞན་གཅེས་འགྲོ་བ་ཕྱོགས་མེད་ལ། །སྙིང་རྗེ་བཟོད་མེད་སྐྱེ་བར་བྱིན་གྱིས་རློབས། །རང་སྐྱོན་མི་སྦེད་གཞན་སྐྱོན་མི་བལྟ་བར། །དག་སྣང་ཕྱོགས་མེད་འབྱོང་བར་བྱིན་གྱིས་རློབས། །འཁོར་འདས་ཆོས་ཀུན་སྒྱུ་མ་ཆུ་ཟླ་བཞིན། །དོན་དམ་སེམས་བསྐྱེད་སྐྱེ་བར་བྱིན་གྱིས་རློབས། །ཚོགས་གཉིས་ཟུང་འཇུག་ཕར་…

བྱེད་པར་བཤད། །རང་རེ་མི་རུ་སྐྱེས་པ་འདི། །སྔ་མ་གང་ནས་འོང་པ་དང་། །དེ་རུ་སྐྱེས་པའི་རྒྱུ་དང་རྐྱེན། །འདི་རུ་ཅི་ཙམ་འདུག་ལོང་ཡོད། །དེ་ནས་གར་འགྲོ་མི་ཤེས་པར། །ཟས་གོས་ནོར་དང་དགྲ་གཉེན་གྱི། །དོན་དུ་སྡིག་མང་བསགས་པ་འདི། །དུད་འགྲོ་ཉིད་ལས་ཁྱད་མ་མཆིས། །དེ་དག་མངོན་ཤེས་མི་ལྡན་པས། །མི་ཤེས་པ་ནི་བདེན་མོད་ཀྱིས། །ཐམས་ཅད་མཁྱ…

ཆེན་བརྒྱད་ཅུ་དང་། །བོད་ཀྱི་གྲུབ་ཐོབ་དཔག་མེད་ཀྱིས། །སེམས་ཅན་གྲངས་མེད་གྲོལ་ན་ཡང་། །རང་རེ་མ་གྲོལ་ད་རུང་ལུས། །བསམ་བློ་བཏང་ན་ཡི་རེ་མུག །སེམས་ཅན་ཚད་མེད་གྲངས་མེད་དེ། །ནམ་ཡང་འཕེལ་འགྲིབ་ཟད་པ་མེད། །བར་སྣང་སྟོང་པ་འདི་ཀུན་ནས། །ཤིང་རྟའི་འཕང་ལོའི་ཚད་ཙམ་དུ། །ལུས་མ་ཐོབ་པའི་རྣམ་ཤེས་དང་། །ལུས་ཐོབ་རིགས་དྲུག་ཐམས་ཅད་གཉི…

ལུས་སྐྱེ་བའི་ཕ་མའི་མངལ། །དེ་ཡང་གར་འགྲོ་ཆ་མེད་ལ། །རུས་སྦལ་ལོང་བ་དང་འདྲ་བ། །རང་སེམས་མ་རིག་པས་བསྒྲིབས་པ། །ལོ་བརྒྱའི་མཚམས་ཙམ་ཚེ་འཕོས་ནས། །སྐྱེ་བ་ལེན་པའི་དུས་དེ་དང་། །སྔོན་ནས་ཕ་དང་མར་གྱུར་པའི། །ལས་འཕྲོ་འཛོམ་པར་དཀའ་བའི་དཔེ། །དེ་ཡང་ཅི་ཕྱིར་དཀའ་ཞེ་ན། །མི་ལུས་གཙང་མ་ཐོབ་པའི་རྒྱུ། །ཚུལ་ཁྲིམས་གཙང་མ་ཡིན་ན་ཡང་། །…

ནས་མེད། །ད་རེས་ཤཱཀ་ཐུབ་བསྟན་པ་མཇལ། །ཤཱཀྱའི་བསྟན་པ་དར་སྐབས་ཀྱང་། །ལུས་འཕགས་གླིང་དང་སྒྲ་མི་སྙན། །བ་ལང་སྤྱོད་དང་གླིང་གསུམ་ན། །དམ་ཆོས་དར་བ་མ་ཡིན་ནོ། །འཛམ་བུ་གླིང་ཆེན་འདི་ན་ཡང་། །མཐའ་འཁོབ་བརྒྱ་དང་རྩ་བརྒྱད་དང་། །ཡང་འཁོབ་སྟོང་དང་རྩ་གཉིས་ལ། །ཆོས་ཞེས་བྱ་བ་ངོ་མི་ཤེས། །མི་རུ་སྐྱེས་ཀྱང་དུད་འགྲོ་འདྲ། །དཔེར་ན་རས་…

བསྟན་པ་གནས་དང་དེ་རྗེས་འཇུག །གཞན་ཕྱིར་སྙིང་རྩེས་སྟོན་པ་སྟེ། །དེ་ལྟར་དལ་འབྱོར་བཅོ་བརྒྱད་རྣམས། །རང་རེ་རྣམས་ལ་ཚང་འདུག་གོ །གླིང་གཞན་མི་དང་མཐའ་འཁོབ་མིས། །ཚེ་སྔོན་ལས་ལ་སྤྱོད་པའི་ལས། །ཕྱི་མ་ཕན་ཆད་བདེ་བ་ཡིས། །དགེ་བའི་ལས་འབྲས་བསགས་མི་ཤེས། །འཛམ་གླིང་ལས་ཀྱི་ས་པར་ཞེས། །ད་རེས་རང་དབང་རང་ལ་ཡོད། །ཅི་བྱེད་གདམ་ཁ་རང་ལ་…

སུ། །སྐྱེ་བར་འདོད་ན་བྱེད་པས་ཆོག །གསང་སྔགས་ཟབ་མོ་ལ་བརྟེན་ནས། །ཡུན་རིང་དཀའ་ཐུབ་སྡུག་སྒུར་དང་། །དཀའ་ཚེགས་ཆེན་པོ་མི་དགོས་པར། །བར་དོར་མངོན་པར་སངས་རྒྱས་པའི། །གདམས་ངག་ཐོབ་ན་སླ་བར་སྣང་། །དེ་ཕྱིར་མི་ལུས་ཐོབ་ཚད་ཀུན། །རང་གི་འདོད་པ་དང་བསྟུན་ནས། །ངེས་པར་ཆོས་སྒོར་ཞུགས་ཤིག་ཅེས། །མི་རྒན་ང་ཡིས་ཕྱི་འཕྲེང་བཞག །གལ་ཏེ་ཆ…

བསྒོམ་མི་དགོས་པའི་ཟབ་ཆོས་ཉོན། །དེས་ཀྱང་མི་ལུས་དོན་ལྡན་འགྲུབ། །ཞེ་ཆོད་དམ་བཅའ་མི་ལྡན་པའི། །སྡོམ་པ་ཞུས་ནས་མི་སྲུང་བ། །ལག་པ་གཉིས་ཀས་གྱད་རྡོ་བླངས། །རང་གི་མགོ་ལ་བསྒྲུབ་པ་འདྲ། །རང་མགོ་མ་བཅོག་གཞོན་པ་ཚོ། །ཕན་ཡོན་ཉེས་དམིགས་ཤེས་ན་ཡང་། །དགེ་སྒྲུབ་སྡིག་སྤང་མི་བྱེད་པ། །སྨོན་པ་ཆུ་ལ་འཕྱོངས་བ་འདྲ། །སྨྱོ་སྤྱོད་མ་བྱེད…

མ་བསྒྲུབས་ན། །རིན་ཆེན་གླིང་ནས་སྟོང་ལོག་ཡིན། །སྟོང་ལོག་ཙམ་ཡང་མི་བྱེད་པར། །སྡིག་པའི་ཁུར་པོ་ཁུར་འགྲོ་བ། །ལས་ངན་དེ་དག་སྙིང་རེ་རྗེ། །དལ་འབྱོར་མི་ལུས་རིན་པོ་ཆེ། །ཉིན་གཅིག་འཁྱགས་དང་ལྟོགས་མི་ཁྱག །ན་ན་སྨན་དང་རིམ་གྲོ་འུར། །ན་དོགས་འཆི་དོགས་བསད་དོགས་དང་། །བརྡུང་དོགས་རྒྱག་དོགས་རྩིས་ཆེན་ནོ། །བསྲུང་བ་བརྒྱ་ཡིས་བསྲུ…

ནས། །ཚེ་འདིས་བྱ་བ་བློས་བཏང་སྟེ། །བརྩོན་འགྲུས་དར་དྲག་ཡུན་རིང་བས། །ཚེ་གཅིག་སངས་རྒྱས་སར་གཤེགས་པའི། །བཀའ་བརྒྱུད་བླ་མ་ཐམས་ཅད་ལ། །གསོལ་བ་འདེབས་སོ་ཐུགས་རྗེས་གཟིགས། །བདག་དང་དེ་ལ་ལྟོས་པ་རྣམས། །འཆི་བ་དྲན་པར་བྱིན་གྱིས་རློབས། །འདུས་བྱས་མཚན་ཉིད་མི་རྟག་པས། །རྟག་པར་གནས་པ་གཅིག་ཀྱང་མེད། །སྐྱེས་མཐའ་འཆི་དང་བརྩེགས་མཐའ་…

འདི་རུ་ཡང་། །དབྱར་དགུན་སྟོན་དཔྱིད་རིམ་བཞིན་འགྱུར། །ལོ་དང་ཟླ་བ་རིམ་བཞིན་འཛད། །ཞག་པོ་གཅིག་གི་ཚེ་ལ་ཡང་། །ཉི་ཟླ་ཤར་ནུབ་རིམ་བཞིན་འགྱུར། །དུས་ཚོད་སྐད་ཅིག་སྔ་ཕྱི་ལ། །རིམ་བཞིན་མི་རྟག་ཡད་ཡུད་ཟད། །འདི་ལྟར་འཇིག་རྟེན་ཕྱི་སྣོད་འདིས། །མི་རྟག་དངོས་སུ་སྟོན་བཞིན་དུ། །འཆི་བ་མི་དྲན་བསླ་ཚབས་ཆེ། །འཛམ་གླིང་ཆེ་ལ་ངེས་པ་མེད…

དཀའ། །བླ་མ་སློབ་དཔོན་བསྟེན་ན་ཡང་། །ཡོན་ཏན་སྣ་རེ་སློབ་པ་ལས། །ངེས་དོན་འཆད་དང་འཕྲད་པར་དཀའ། །དེ་ནས་ལོ་ཡང་མང་ཞིག་ལོན། །ཡོན་ཏན་འགའ་ཡང་ཧོས་གོ་ལོབས། །ཆོས་ཀྱི་དེ་ཉིད་ཕྱོགས་གོ་ཡང་། །ལུས་ཀྱི་བཙུན་ཚུགས་གང་མཛེས་དང་། །ཆོ་ག་དབང་བསྐུར་སྦྱིན་སྲེག་སོགས། །གྲ་ཐུབ་གཅིག་ལ་དམིགས་རྩེ་གཏད། །དེ་ནས་ཁྲིད་སོགས་ཟབ་ཆོས་ཐོབ། །ཉམས་…

བྱེད། །བྱས་ཀྱང་སྔོན་ལས་དབང་ཆེ་བས། །སྐྱིད་བརྒྱགས་འཛོམས་པའི་དུས་མ་མཆིས། །ཁྱིམ་ཐབས་བྱས་ན་ལྷག་པར་ཐུ། །དགེ་སྡིག་ཤེས་ཀྱང་འཛེམ་དོགས་མེད། །མི་དགེ་སྣ་ཚོགས་ཤེས་བཞིན་བྱེད། །ཚེ་ཚད་བཞི་བཅུ་ཁ་རལ་ལ། །ཕྱིན་ཀྱང་འཆི་བསམ་ཡིད་ལ་མེད། །གཤིན་རྗེའི་ཁྲམ་ལ་ཐེབས་ན་ཡང་། །རིམ་གྲོ་སྨན་གྱིས་ཨེ་བསླུས་རེ། །མི་བསླུས་ཤི་བར་ཤེས་ན་ནི། …

མི་རྟག་འཆི་བ་མ་དྲན་སྐྱོན། །དམ་ཆོས་ཚུལ་བཞིན་བསྒྲུབས་ན་ཡང་། །ཆོས་མགོ་མ་ཐོན་ཕྱིར་ལྷུང་བ། །མི་རྟག་འཆི་བ་མ་དྲན་སྐྱོན། །ཡོན་ཏན་ཉམས་ལེན་འཛོམས་ན་ཡང་། །བརྟན་པ་མ་ཐོབ་ཞེ་སྙོམས་པ། །མི་རྟག་འཆི་བ་མ་དྲན་སྐྱོན། །སྟོབས་ལྡན་རྒྱལ་བློན་དཔོན་རིས་རྣམས། །འཁྲུག་པ་མི་བསོད་ཚབས་ཆེ་བ། །མི་རྟག་འཆི་བ་མ་དྲན་སྐྱོན། །ཐ་མལ་སྐྱེས་པ་བ…