མདོ་ནས་གསུངས་པའི་གདན་གཅིག་དང་། །བྱ་རྒྱུད་ནས་གསུངས་སྨྱུང་གནས་ཀྱི། །སྡོམ་ལུང་ཁྲོམ་ཆོས་བྱེད་པ་ལེགས། །ཅིའི་ཕྱིར་སྡོམ་པ་མ་ཐོབ་པར། །བསྲུངས་ཀྱང་སྡོམ་པར་མི་འགྱུར་རོ། །རང་རེ་རབ་ཏུ་བྱུང་བ་རྣམས། །སྡོམ་པ་ཞུ་དུས་ངེས་འབྱུང་གི །བསམ་པ་མེད་ན་ཚད་ལྡན་གྱིས། །སྡོམ་པ་སྐྱེ་བར་དཀའ་ན་ཡང་། །དང་པོ་གྱ་ཚོམ་ཞུས་ན་ཡང་། །ཕྱིས་ནས་བ…

ཀྱང་། །བཤགས་སྡོམ་ཚད་དུ་མ་ཕྱིན་ན། །ལུས་ངན་རེ་རེ་ལེན་ངེས་པས། །དགེ་འདུན་སྡེ་དང་ཉེ་བ་ན། །གསོ་སྦྱོང་གྲ་རུ་འགྲོ་བ་གཅེས། །མ་འཛོམས་ན་ཡང་རང་ཉིད་ཀྱིས། །གསོ་སྦྱོང་བྱིན་རླབས་བྱ་བ་ཡིན། །རི་ཁྲོད་ལ་སོགས་གཅིག་པུ་ལ། །ཞི་གནས་གསོ་སྦྱོང་བྱ་བ་གཅེས། །ཉ་མཚམས་ཐུབ་པའི་དུས་ཆེན་དུས། །གནས་བཅུ་ཐུབ་དབང་སྐུ་བཤམས་ཤིང་། །མཎྜལ་སྤོས་…

སྡོམ་པ་གཙང་བར་བསྲུང་བ་ན། །ཤི་ཡང་ཤི་བ་མ་ཡིན་ཏེ། །མི་ལུས་ལྷ་ལུས་གདམས་པས་ཆོག །སྡོམ་པ་ཤོར་ན་ཤི་ལས་ཐུ། །སྐྱེ་བ་འབུམ་ཕྲག་བཞི་བརྒྱའི་བར། །ལུས་ངན་ངན་སོང་ཁོ་ན་འགྲིམ། །ཚེ་འདིར་ཚུལ་ཁྲིམས་ལྡན་པའི་མི། །འཕགས་པ་རྣམས་ཀྱི་སྤྱན་ལ་མཛེས། །སྐྱེ་འགྲོ་ཀུན་གྱིས་བཀུར་བར་འགྱུར། །ཚུལ་ཁྲིམས་འཆལ་ན་ཀུན་གྱིས་སྨད། །བདེ་གཤེགས་བཀའ་འ…

༈ །།ན་མོ་མ་ཧཱ་ཀཱ་རུ་ཎི་ཀ་ཡེ། རྫོགས་པའི་སངས་རྒྱས་ཐོབ་པ་ཡི། །ས་བོན་ཆུ་ལུད་སྟོན་ཐོག་ལྟར། །ཐོག་མཐའ་བར་གསུམ་གལ་ཆེ་བ། །བྱང་ཆུབ་སེམས་བསྐྱེད་ནོར་བུ་འདྲ། །རྒྱ་ཆེན་སྤྱོད་པའི་རྒྱུད་ཀྱི་ལུགས། །སེམས་བསྐྱེད་སུ་ཡིན་ལ་མི་སྐྱེ། །དོན་དམ་སེམས་བསྐྱེད་ཆོ་ག་ལ། །བཞེད་པ་མི་མཐུན་རྩོད་པ་མང་། །ཟབ་མོ་ལྟ་བའི་རྒྱུད་ཀྱི་ལུགས། །སེ…

འགྲོ་བ་འདྲེན་པ་ཡི། །སེམས་བསྐྱེད་ཙམ་ཞིག་མེད་ཐབས་མེད། །མེད་ན་ཆོས་ལ་བརྩོན་ན་ཡང་། །ཐེག་དམན་ཉན་ཐོས་ལམ་དུ་གོལ། །ཉན་ཐོས་ལམ་དུ་གོལ་བ་ན། །འཁོར་བའི་སྡུག་བསྔལ་ཀུན་བྲལ་ཡང་། །སངས་རྒྱས་ཐོབ་ལ་བར་གཅོད་པས། །ཐེག་པ་ཆེན་པོའི་ལུགས་ལ་ནི། །ངན་སོང་ལྟུང་ལས་དེ་ལོད་དོ། །དེ་ཕྱིར་ཐུགས་དམ་དགེ་སྦྱོར་རམ། །དགེ་ཕྱོགས་བྱ་བ་གང་སྒྲུབ་ཀ…

གསུངས། །བྱང་ཆུབ་སེམས་དཔའི་ཉམས་ལེན་ནི། །བདག་གཞན་བརྗེ་བ་ཡིན་ན་ཡང་། །ས་ཐོབ་འཕགས་པ་མ་ལགས་པས། །དངོས་སུ་བརྗེ་བ་མི་ནུས་ཀྱང་། །ཡིད་ཀྱི་བསྒོམས་པས་བསོད་ནམས་ཐོབ། །དེ་ཕྱིར་བཏང་ལེན་དམིགས་པ་ལ། །རྒྱུན་དུ་མ་ཆག་ཐུགས་དམ་བྱ། །བྱམས་པའི་གོ་ཆ་བསྲུང་བའི་མཆོག །སྟོང་ཉིད་ལྟ་བའི་ངང་ཉིད་ལས། །བཏང་ལེན་དམིགས་པ་བསྒོམ་པ་ནི། །བྱམས་ཆ…

ཡང་ཟབ་མོའི་གདམས་ངག་ཡིན། །དགེ་བཤེས་ཕྲིན་ལས་ཐུགས་ལ་ཞོག །ཅེས་སྨྲས་སོ། །སྔགས་ཀྱི་སྡོམ་པ་མ་སྐྱེས་པ། །གསར་དུ་སྐྱེ་བར་བྱ་བ་དང་། །སྐྱེས་པ་འཕེལ་ཞིང་རྒྱས་པ་དང་། །ཉམས་པ་སོར་ཆུད་བསྐང་བའི་ཕྱིར། །དབང་ནི་རང་གི་ཞུ་བའམ། །གཞན་ལ་བསྐུར་བར་བྱ་བ་ལ། །རྡོ་རྗེ་སློབ་དཔོན་མཚན་ཉིད་ནི། །ཅི་བཞིན་ཚང་བ་དཀོན་པའི་ཕྱིར། །སློབ་དཔོན་སྐ…

ཆེན་བི་མ་མི་ཏྲ་ཡིས། །རྣམ་འཇོམས་བླ་མེད་ལུགས་སུ་མཛད། །པཎ་ཆེན་ཛེ་ཏཱ་རི་པ་ཡིས། །བྱ་རྒྱུད་ཚེ་དཔག་ལྷ་དགུ་ཡང་། །རྣལ་འབྱོར་རྒྱུད་ལྟར་ཉམས་ལེན་མཛད། །སྤྱིར་གྱི་རྙིང་མའི་སྒྲུབ་ཆེན་དང་། །གསར་མའི་སྒྲུབ་མཆོད་དོན་གཅིག་པར། །ས་ཆོག་རྡུལ་ཚོན་དཀྱིལ་འཁོར་དང་། །ཕྱི་ནང་མཚམས་གཅོད་སོགས་བྱས་ན། །དུས་བཞིར་ཆོ་ག་གཞུང་བསྲང་ཞིང་། །…

མའི་རྫོགས་ཆེན་རྒྱུད་རྣམས་མཚུངས། །དེ་ཡི་རྗེས་འབྲང་ཨོ་རྒྱན་དང་། །པཎ་ཆེན་རྡོ་རྗེ་གདན་པའི་ལུགས། །བོད་ཀྱི་རྒྱལ་སྟོན་པཎ་དྷ་སད། །དེང་སང་དགེ་ལུགས་ཕལ་ཆེར་མཚུངས། །ད་ནང་རང་གི་ཡི་དམ་གྱིས། །བདག་བསྐྱེད་ཆོ་ག་སྔོན་སོང་བས། །འཕྲལ་དུ་རྗེས་གནང་བྱེད་པའི་ཚེ། །དེ་ཉིད་གནས་འགྱུར་ལྷ་དེར་བསྒོམ། །མདུན་བསྐྱེད་སྐད་ཅིག་དྲན་རྫོགས་…

མཁས་པ་སྐྱ་སེར་འདྲ། །རྒྱས་བསྡུས་སྐབས་དང་བསྟུན་མོད་ཀྱིས། །དབང་སྒྲུབ་ཆ་ཚང་མ་བྱས་པའི། །དབང་ནི་བདག་གིས་བསྐུར་རེ་ཀན། །ནད་པ་དང་ནི་མི་ནག་པ། །སྤེལ་རེ་བསྒྲུབ་རེ་མེད་པ་ཡིས། །མི་ཁོམ་མྱུར་དུ་འགྲོ་དགོས་པས། །ད་ལྟ་དབང་དགོས་ཟེར་བྱུང་དུས། །སྐད་ཅིག་དྲན་རྫོགས་ཏིང་འཛིན་གྱིས། །དབང་བསྐུར་དགོས་པ་འགའ་རེ་བྱུང་། །ལོ་བརྒྱད་ལོན…

སྒྲུབ་ཆེན་དབང་སྒྲུབ་ཁྲིད་གསུམ་སྦྲེལ། །དབང་བསྐུར་ཤིན་ཏུ་རྒྱས་པ་ཡི། །ཕྱག་ལེན་ཕྱོགས་འདིར་མི་ཀུན་གྱིས། །མིག་གིས་མཐོང་བར་བྱས་པ་ལ། །དབང་སྒྲུབ་མ་བྱས་དབང་བསྐུར་ཞེས། །འཕྱས་གདང་བྱེད་པ་བྱུང་བ་ཡང་། །སྔོན་གྱི་ལས་ངན་དག་པ་ཡི། །ལས་སློང་མ་ཉེས་ཁ་ཡོག་སྟེ། །སྒྲིབ་པ་དག་པའི་དགའ་བ་བསྒོམ། །དེ་ལྟར་སྐྱབས་སེམས་དབང་བསྐུར་གྱིས།…

དེ་ལྟར་ཙམ་མིན་ན་ཡང་དྲན་རྫོགས་སུ་བསྐྱེད་རིམ་བསྒོམ་ཐུབ་ཙམ་ཡོད་སྨྲས་ཤིང་། དེའི་དོན་དྲན་ནས་འདི་བྲིས་པ་དབང་ལུང་ཐོབ་པར་ཐེ་ཚོམ་སེལ་བའོ།། ༈ །།ན་མོ་ཤཱཀྱ་མུ་ནེ་ཡེ། སངས་རྒྱས་བསྟན་ལ་ཞུགས་ནས་ནི། །དེ་ཡི་བྱ་བ་བསྒྲུབ་དགོས་ཏེ། །བསྟན་པ་ལུང་དང་རྟོགས་པ་གཉིས། །བཤད་དང་སྒྲུབ་པ་གཉིས་ཀྱིས་འཛིན། །བླ་མེད་བྱང་ཆུབ་བསྒྲུབ་པ་ཡི། …

དོགས་ནས། །རང་ལ་མེད་ཅིང་མི་ཤེས་ཀྱང་། །གཞན་ལ་ཞུས་པ་ངོ་ཚ་ནས། །རང་གིས་དབང་ལུང་མ་ཐོབ་ཀྱང་། །ཕ་མྱེས་གོང་མའི་བཞག་ཡིན་ཞེས། །དབང་བསྐུར་ཆོ་ག་རོ་བསྲེག་སོགས། །མི་ཚེ་ཕུད་པར་བྱེད་པ་ཡང་། །ཆོས་ལ་བརྟེན་པའི་སྡིག་ཆེན་པོ། །མཚམས་མེད་ལས་ཀྱང་ཐུ་བ་ནི། །རྒྱུད་སྡེ་རྣམས་ནས་རྒྱ་ཆེར་གསུངས། །རང་གི་ལུང་རྒྱུན་ཐོབ་ངེས་དེ། །ཕན་པའི་བ…

པའོ། །རྒྱུད་གཞུང་ལུང་འདྲེན་མི་བྱེད་པར། །ཐ་མལ་སོ་སོའི་ཡུལ་སྐད་ཀྱིས། །ངོ་སྤྲོད་ནན་ཏན་བྱེད་པ་ནི། །རྒན་མོའི་མཛུབ་ཁྲིད་ཅེས་བྱའོ། །སློབ་མ་རྟོགས་པ་སྐྱེས་རིམ་གྱིས། །རིམ་པར་བཤད་པ་མ་གཏོགས་པ། །དུས་གཅིག་ཚང་བར་མི་བཤད་པ། །རྟོགས་ལྡན་ཉམས་ཁྲིད་བྱ་བ་ཡིན། །དེ་ནི་ཕྱག་ཆེན་ལམ་འབྲས་སོགས་། །ཁྲིད་གཞུང་ཉིད་དང་མཐུན་པ་ལགས། །རྫ…

དམིགས་པ་གསོལ་འདེབས་སོ་སོ་དང་། །གོ་བསྟུན་ཕྱག་ལ་ནན་ཏན་བསྐྱེད། །ངོ་སྤྲོད་གུད་དུ་མི་དགོས་པར། །བྱིན་རླབས་སྟོབས་ཀྱིས་གང་སྐྱེས་སྐྱོངས། །དེ་ནི་རྒོད་ཚང་པ་ལ་ནི། །ཕག་མོའི་གནང་བའི་མན་ངག་ལགས། །འབྲུག་ཆེན་ཀརྨ་བསྟན་འཕེལ་ལུགས། །ཉིན་རེ་བཞིན་དུ་ཐུན་མོང་དང་། །ཐུན་མོང་མིན་པའི་སྔོན་འགྲོ་ཡིས། །ཆོས་བཤད་དམིགས་པ་བསྐྱར་ཞིང་སྤ…

མཐོང་། །བསྟན་པ་སྤྱི་ཡི་ལུགས་ལ་ནི། །རང་ཉིད་ཉམས་རྟོགས་མི་མཐོ་ཡང་། །རང་གིས་ལེགས་པར་འཆད་ཤེས་ན། །འོན་པས་བུས་པའི་དུང་སྐད་ལྟར། །ལས་ཆེན་ཡོད་ན་ཕན་སྲིད་ཅིང་། །གལ་ཏེ་ཕན་པར་མ་གྱུར་ཀྱང་། །ལུང་གིས་བསྟན་པ་འཆད་ཉན་ཡིན། །ཕན་ཡོན་ཡོད་ཀྱི་ཉེས་མེད་གསུངས། །བཀའ་བརྒྱུད་གོང་མའི་བཞད་པ་ལ། །རྩེ་གཅིག་རབ་ལ་མན་ཆད་ཀྱིས། །གཞན་ལ་ཁྲིད…

ཚར་བརྐོས་ཕོར་ལྟ་བུའོ། །འོན་ཀྱང་བླ་མར་ཁྲིད་ལུང་ཐོབ། །དྭགས་པོ་དུས་མཁྱེན་རྒོད་ཚངས་སོགས། །དེ་ལ་དངོས་སུ་མ་མཇལ་ཡང་། །བརྒྱུད་པའི་ནང་དུ་བཞུགས་པ་དེ། །རྩ་བའི་བླ་མར་བཟུང་བྱས་ནས། །མོས་གུས་རྩེ་གཅིག་གསོལ་བཏབ་ན། །རྟོགས་པ་སྐྱེས་པར་སོ་སོ་ཡིས། །ཞལ་གྱིས་བཞེས་པ་བཀའ་དྲིན་ཆེ། །དེ་ཕྱིར་བདག་གི་སློབ་བུ་ལ། །བདག་ལས་རྟོགས་པ་མཐ…

བྱེད་ཅིང་སྤོངས་བར་གོ །རྒྱུན་དུ་བཀག་པ་མ་ཡིན་ཏེ། །ཞི་གནས་སྒོམ་ཚེ་སྤང་བ་ཡིན། །ཕྱག་དང་བསྐོར་བ་རྣམ་གཡེང་གྱིས། །ཞི་གནས་སྐྱེ་བར་ག་ལ་གསུངས། །ཞི་གནས་སྐྱེ་བར་མ་གྱུར་ན། །ལྷག་མཐོང་སྐྱེ་བར་མི་འགྱུར་ཏེ། །སྤྲིན་ཚོགས་སྲབ་པའི་ཆར་པ་འདྲ། །དབང་རྒྱུན་ལུང་རྒྱུན་སྤེལ་དང་ཞུ། །ཐོས་བསམ་ལུང་གི་བསྟན་པ་ལགས། །དེ་ལ་ངོ་ཚ་ག་ལ་དགོས།…

འཛབ་དབྱངས་སོགས་མ་འཆུགས་པར་བྱས་པ་ལ། རྩེད་མོར་གོ་ནས་རྐང་བྲོ་འདི་སུས་བསླབ་པ་ཡིན་ཟེར་བ་རྣམས་དྲན་ནས་སྨྲས་སོ། །འདི་ལ་གོ་བ་སྐྱེ་རྒྱུ་མང་དུ་ཡོད།། ༈ །།ན་མོ་བཛྲ་དྷ་ར་ཡེ། ཕྱི་མ་ལྷ་མིའི་བདེ་སྐྱིད་འདོད། །ངན་སོང་གསུམ་དུ་ལྟུང་དོགས་པས། །དགེ་སྒྲུབ་སྡིག་སྤངས་སྡོམ་པ་བསྲུངས། །དལ་འབྱོར་མི་ལུས་ལ་སོགས་པ། །བསྔོ་སྨོན་དེ་ལྟར…

མེད། །ཐེག་དམན་ཉན་རང་ཐེག་པ་འོ། །འགྲོ་ཀུན་སངས་རྒྱས་ཐོབ་འདོད་བློས། །བྱང་ཆུབ་མཆོག་ཏུ་སེམས་བསྐྱེད་ནས། །ཕར་ཕྱིན་བཅུ་པོ་ཉམས་བླངས་ན། །བསྐལ་པ་གྲངས་མེད་གཅིག་གི་སོར། །སྟོང་ཉིད་རྟོགས་ནས་ས་དང་པོ། །རབ་ཏུ་དགའ་བ་ཐོབ་པར་འགྱུར། །དེ་ནས་བསྐལ་པ་གྲངས་མེད་གཅིག །མ་དག་ས་བདུན་བགྲོད་ནས་ནི། །ས་བརྒྱད་མི་གཡོའི་ས་ནོན་ནོ། །དེ་ནས་བ…