བརྒྱ་ཡི་བར། །ལུས་ངན་ལེན་ལ་གཟུར་རྒྱུ་མེད། །དེ་ལ་སྐྲག་པ་མ་བརྗེད་ཅིག །གཟུགས་མཛེས་ཕུན་སུམ་ཚོགས་པ་དང་། །གོས་བཟང་དར་ཟབ་གྱོན་པ་དང་། །རྒྱན་བཟང་གསེར་དངུལ་རྒྱན་བཏགས་ཀྱང་། །སངས་རྒྱས་བྱང་སེམས་ལྷ་འདྲེ་ཡི། །སྤྱན་ལ་མཛེས་རྒྱུ་མེད་པ་ཡིན། །སྡོམ་པ་གཙང་བའི་མི་དེ་ནི། །གཟུགས་བཙོག་གོས་རུལ་རྒྱན་མེད་ཀྱང་། །ལྷ་འདྲེ་མི་གསུམ་ས…

རྟེན་ལ། །ངོ་ཚ་སེམས་ལ་བག་ཡོད་མཛོད། །དལ་འབྱོར་རྙེད་དཀའ་ཞེས་བྱ་བའི། །ཆོས་ཐུན་ཉམས་ལེན་དེ་ལ་འདུས། །ཐོབ་པར་དཀའ་བའི་མི་ལུས་འདི། །རྫ་མ་འདྲ་སྟེ་ནམ་ཞིག་ཆག །རྫ་ཁོ་མི་ཆག་མི་སྲིད་ཅིང་། །མི་ལུས་མི་འཆི་མི་སྲིད་ཅིང་། །དེ་ཡང་ནམ་འཆི་ངེས་པ་མེད། །རྒས་ནས་འཆི་བ་རེ་རེ་ཙམ། །སང་ཕོད་སྔའམ་ཕྱི་མ་སྔ། །ཟླ་བ་རྒྱབ་རེས་ཕྱི་མ་གཉིས། …

དགེ་འདུན་བླ་མའི་ཆགས་ཕྱི་ཡིན། །སྒྲིབ་པ་དག་པས་དགའ་བསམས་ན། །ཕྱག་བསྐོར་གནས་རི་བསྐོར་དང་མཉམ། །འཚོགས་ཆུང་བསྐལ་པའི་བོང་རྒན་དང་། །སྒྲུབ་བརྒྱགས་འགེལ་བའི་གཡག་རྒན་ཚོ། །ཞབས་རྗེས་རིང་བསྲེལ་བྱུང་བ་མང་། །མི་བྱེད་ཁ་མེད་དཀའ་འཚེར་གྱི། །བསམ་པ་རྣམ་པར་མ་དག་ན། །གཡོག་པོ་བླ་མེད་དོན་གོ་ཆུང་། །ཟིན་ཐུན་ཡོན་ཏན་སློབ་པ་ཡང་། །ཐོས…

ཡོན་ཆེན་པོ་ཐོབ་པར་བཤད། །ཞེ་ལ་དད་གུས་མེད་ན་ཡང་། །འཕྲལ་དུ་ཟས་གོས་རེ་བ་དང་། །སྐྱོན་ནི་འོང་དོགས་ཁོ་ན་ཡི། །གང་ཟེར་ཉན་པའི་གྲྭ་པ་ནི། །འཇིག་རྟེན་ལུགས་ཀྱི་དཔོན་གཡོག་ཡིན། །བླ་མའི་སློབ་མར་མི་ཐེ་སྟེ། །འཇིག་རྟེན་བཟའ་ཚང་མི་དང་འདྲ། །བླ་མའི་སློབ་མ་བྱེད་པ་དང་། །བླ་མའི་བཟའ་ཚང་བྱེད་པ་གཉིས། །འཁོར་དུ་འདུས་པ་ཁྱད་མེད་ཀྱང་…

རྣམས། །རང་གིས་ཉམས་ལེན་བཙལ་བ་ནི། །དེ་ལ་བརྩོན་ན་དེ་གས་ཆོག །དེ་དག་བརྩོན་པར་མི་བྱེད་ན། །མཚམས་ལ་བསྡད་ཀྱང་ཕྱི་བ་འདྲ། །གྲྭ་པ་བྱས་ཀྱང་གཡོག་པོ་འདྲ། །མང་པོའི་གསེབ་ཏུ་འདུག་པའི་དུས། །གཞན་གྱི་སྐྱོན་ལ་བལྟ་མི་རུང་། །བལྟས་ན་སྐྱོན་གྱི་ཕུང་པོར་མཐོང་། །དག་སྣང་མི་འཕེལ་ཚོགས་ངན་སོགས། །རང་ཉིད་སྐྱོན་ལ་རང་གིས་བརྟག །གཞན་སྐྱོ…

ནས་དམ་ཆོས་མ་གཏོགས་པ། །ཅིས་ཀྱང་དགོས་པ་མེད་པ་ཡི། །ཞེན་པ་གཏིང་ནས་རང་ལོག་པ། །དེ་འདྲ་ཡིད་ལ་བཅང་བ་ན། །ཆོས་པ་བཟང་པོ་འོང་བ་ཡིན། །འཆི་བ་མི་རྟག་བསྒོམ་པ་ཡི། །ཆོས་ཐུན་ཉམས་ལེན་དེ་ལ་འདུས། །རང་གིས་བྱས་པའི་སྡིག་ལྟུང་དེ། །སངས་རྒྱས་ཀྱིས་ཀྱང་སེལ་བར་དཀའ། །རང་གིས་བྱས་པའི་དགེ་བའི་འབྲས། །བདུད་ཀྱི་རྒྱལ་པོས་འཕྲོག་མི་ནུས། །ན…

ཀྱང་། །སྐྱེ་བ་ལྔ་བརྒྱར་ཕྱུག་པ་དང་། །རིགས་མཐོ་གཟུགས་བཟང་བདེ་སྐྱིད་ཐོབ། །རྒྱ་འགྲོ་དབུས་སྐོར་བྱེད་པ་ཡི། །ཁེ་སྐྱེད་རྣམས་ཀྱི་དོ་ཟླ་མིན། །དེ་ཕྱིར་དགེ་བ་ཆུང་ཆུང་ཡང་། །བརྙས་པར་མི་བྱེད་ཅི་ཐུབ་འབད། ༈ །དཔེར་ན་ཐ་མལ་མི་རྣམས་ཀྱིས། །ཚེ་འདིར་ཕྱུག་པོ་ཅི་འདོད་ནས། །སོ་ནམ་ཚོགས་གསོག་ཐབས་དུ་མས། །རྒྱུ་ནི་གསོག་པར་བྱེད་པ་ལྟ…

འོག་རྟ་ཁལ་མ་རྣམས། །བཟང་བའི་ཚོང་དཔོན་བཀྱག་དང་འདྲ། །རྒྱུ་འབྲས་ཆོས་ཐུན་ཉམས་ལེན་ཡིན། ༈ །ངན་སོང་གསུམ་གྱི་སྡུག་བསྔལ་ནི། །བཤད་པས་མི་རྫོགས་ཡིད་ཆེས་དཀའ། །དུད་འགྲོའི་སྡུག་བསྔལ་ཆུང་ཤོས་ཅིག །གཡུང་དྭགས་ཡིན་ཏེ་བཤའ་བསད་འདི། །རང་ལ་བབ་ན་ཅི་འདྲ་ཁམས། །མེ་སྟག་ཕོག་པའི་ཚ་ན་དང་། །དགུན་ཁ་གོས་སྲབ་འདར་ལུགས་ལ། །ཚ་དམྱལ་གྲང་དམྱ…

ཆག་མེད་ཐོན། །དེ་རུ་སྐྱེ་བའི་ལྷ་དང་སྔགས། །རྒྱལ་བ་རྒྱ་མཚོ་ཡི་དམ་མཛོད། །ཁྱད་པར་ཞིང་ཁམས་དེ་ཉིད་ཀྱི། །སྒྲུབ་ཐབས་མེ་ཏོག་ཆུ་སྐྱེས་མ་གནམ་ཆོས་ཀྱི་བདེ་ཆེན་ཞིང་སྒྲུབ་ཡིན་པ་འདྲ། །ཆགས་མེད་བསྙེན་པ་ཕྲེང་སྐོར་གྱིས། །དེ་ཡིས་འཁོར་བའི་ཉེས་དམིགས་ཀྱི། །ཆོས་ཐུན་དོན་རྩ་ཚང་བ་ཡིན། ༈ །འཁོར་བ་སྡུག་བསྔལ་རྒྱ་མཚོ་ལས། །འཇིག་རྟེན་…

ནས། །ཐར་དུས་མེད་ལ་སྙིང་རྗེ་བསྒོམ། །དེ་ཀུན་བདེ་ལ་འགོད་ནུས་པ། །ཡང་དག་རྫོགས་པའི་སངས་རྒྱས་ཡིན། །དེ་ཉིད་བསྒྲུབསན་འགྲུབ་པའི་ཕྱིར། །རང་ཉིད་སངས་རྒྱས་ཐོབ་བྱས་ཏེ། །འགྲོ་བ་སེམས་ཅན་འདྲེན་པའི་ཕྱིར། །བདག་གིས་དགེ་སྦྱོར་བྱའོ་ཞེས། །ད་ནང་སེམས་བསྐྱེད་ཅིག་བསྒོམས་པས། །དེ་ཉིན་དགེ་སྦྱོར་བྱས་ཚད་ཀུན། །སངས་རྒྱས་ཐོབ་པའི་རྒྱུ་…

འདྲ་བདུན་ནམ་ཉེར་གཅིག་ཙམ། །རྒྱུན་དུ་བསྒོམསཔར་བྱས་པ་ན། །སྡིག་པ་ཤིན་ཏུ་ཆེ་ཡང་དག །བསོད་ནམས་དཔག་ཏུ་མེད་པ་ཐོབ། །འཕྲལ་དུ་ནད་གདོན་བར་ཆད་ཞི། །ཕུགས་སུ་སངས་རྒྱས་འབྲས་བུ་ཐོབ། །བློ་སྦྱོང་ཁྲིད་ཀྱི་སྙིང་པོ་ཡིན། །ནད་གདོན་སྡུག་བསྔལ་སྡིག་སྒྲིབ་རྣམས། །རང་ལ་བསྟིམ་པའི་དམིགས་པ་དེ། །གལ་ཏེ་བློ་ཡིས་མ་སྤོབསན། །རང་ཉིད་རྒྱལ་བ་…

ཕྲེང་གཡས་སུ་འཁོར། །དེ་ལས་བདུད་རྩི་འོ་མའི་རྒྱུན། །བབས་པས་སྐུ་ལུས་ངང་ལྟེམས་གང་། །ཞབས་གཡས་མཐེ་བོང་རྩེ་མོ་ནས། །བདུད་རྩི་ཆང་བཙག་བཞིན་དུ་བབ། །རང་གི་སྤྱི་བོའི་ཚངས་བུག་ནས། །ལུས་གང་ནད་གདོན་སྡིག་སྒྲིབ་ཀུན། །འོག་སྒོ་རྐང་པའི་མཐིལ་ནས་ནི། །དུད་ཁུ་སོལ་ཁུ་འདྲ་བ་བྱུང་། །ལུས་ཀུན་བདུད་རྩིས་གང་བ་ཡི། །ཤེལ་དཀར་བཞིན་དུ་དང…

ཚོགས་ཆེན་བསགས་པའི་ཐབས། །འདི་འདྲ་ངོ་མཚར་དཔག་ཏུ་མེད། །དེ་བཞིན་དབྱར་ཁའི་མེ་ཏོག་ཚལ། །སྟོན་ཁའི་ལོ་ཐོག་ཤིང་ཐོག་སོགས། །མིག་གིས་གང་མཐོང་ཐམས་ཅད་ཀྱང་། །དཀོན་མཆོག་གསུམ་ལ་ཕུལ་བར་བསྒོམ། །དངོས་སུ་ཕུལ་དང་འདྲ་བར་གསུངས། །སྒྲིབ་སྦྱོང་རྡོར་སེམས་དམིགས་ཐུན་དང་། །མཎྜལ་ཁྲིད་རིམ་བརྗེད་ཐོ་ཡིན། ༈ །དེ་ནས་བྱིན་རླབས་འཇུག་པ་དང་།…

པ་ནི། །འདོན་བསྒོམ་སྦྲགས་མ་ཆགས་མེད་གྱིས། །དངོས་གཞི་ཉམས་ལེན་བསྐྱེད་རྫོགས་གཉིས། །བསྐྱེད་རིམ་རྒྱལ་བ་རྒྱ་མཚོ་ནི། །ལྷ་དགུ་ལྷ་ལྔ་གང་འདོད་བསྒོམ། །གསར་མའི་ཆོས་ལ་དད་ཆེ་ན། །ལྷ་དགུ་གསར་མ་ཁ་རྐྱང་ཡིན། །གསར་རྙིང་གཉིས་ཀ་ལ་དད་ན། །ལྷ་ལྔ་གསར་རྙིང་གཉིས་ཀ་ཡིན། །ཆ་ལུགས་ལྷ་གྲངས་བསྒོམ་ལུགས་རྣམས། །ཆོ་གའི་གཞུང་ལ་བསམ་བློ་ཐོང་…

བཞི་ཡི་སྤྱི་སྒྲུབ་ཡིན། །སྔགས་དང་སྙིང་པོ་གྲངས་མེད་ཀྱང་། །ཡིག་བཅུ་ཡིག་དྲུག་འདྲ་བ་མེད། །སངས་རྒྱས་སྟོང་གི་སྙིང་པོ་ཡིན། །ལྷ་འདི་དང་ནི་སྔགས་འདི་ལ། །འདི་ཕྱི་བར་གསུམ་བློ་གཏད་ཆོས། །ཚེ་ལ་བར་ཆད་མ་བྱུང་ན། །དུང་གཅིག་ཨེ་ཐོན་སྙིང་ལ་འཆང་། །འདི་ལས་ཟབ་ཅིང་ལྷག་པའི་ཆོས། །ངས་ནི་བཙལ་བས་མ་རྙེད་དོ། །བདག་ཀྱང་གསར་རྙིང་དུ་མ་ཡ…

ན། །སྒྲིབ་པ་ཆུང་ན་དངོས་སུ་འོང་། །མར་མེ་ཡོན་ཆབ་འཛིན་པ་དང་། །གཏོར་མ་མི་རུལ་མི་འཁེང་དང་། །སྔགས་ཀྱི་སྒྲ་དང་ལུང་བསྟན་ཚིག །བར་སྣང་ཁམས་ནས་གྲག་པ་དང་། །ནམ་མཁའི་ཁམས་ནི་བར་སྣང་ལ། །ལྷ་དང་བླ་མ་ཡིག་འབྲུ་མཐོང་། །འབྲིང་ལ་ཉམས་ལ་འབྱུང་བ་སྟེ། །གཉིད་པ་མ་ཡིན་མ་གཉིད་མིན། །གཉིད་ཡུལ་འདྲ་བའི་སྐབས་ལ་འབྱུང་། །ཐ་མ་རྨི་ལམ་གསལ་པ…

ཧ་ཅང་རྣམ་རྟོག་སྤངས། །དེ་ཡི་བར་ཆད་དངོས་གྲུབ་འགྱུར། །དང་པོ་རེས་འགའ་བསྐྱེད་རིམ་བསྒོམ། །དེ་ནི་སུན་ནམ་མི་གསལ་ན། །དེ་ནས་སེམས་ཀྱི་ངོ་བོ་བལྟ། །དང་པོ་དེ་གཉིས་རེས་མོས་བྱ། །ཕྱིས་ནས་ཟུང་འཇུག་ཨེ་ཐུབ་ཚད། །སེམས་ཀྱི་སེམས་ལ་ལྟ་བ་འདི། །རྗེ་བཙུན་མི་ལ་རས་ཆེན་དང་། །རང་བྱུང་རྡོ་རྗེའི་ལྟ་བ་ཡིན། །གང་ཤར་བཟོ་བཅོས་མི་བྱེད་པར།…

ནམ་སྐབས་ཡུད་ཙམ་རེད། །ལུས་གནད་རྣམ་སྣང་ཆོས་བདུན་བཅའ། །རྟེན་འབྲེལ་ལུས་ལ་བསྒྲིག་པ་ན། །རྟོགས་པ་སེམས་ལ་འཆར་བ་ཡིན། །འདི་བསྒོམ་གཏད་སོ་མེད་པ་རུ། །མ་ཡེངས་དྲན་པའི་གསལ་འདེབས་བྱ། །རེས་འགའ་གསལ་སྟོང་རྗེན་ལྷང་ངེ་། །ངེས་ཤེས་སྙིང་ནས་སྐྱེས་ན་ཡང་། །དེ་ལ་ང་རྒྱལ་རློམ་སེམས་སྤོངས་། །མེར་རེ་འཁྱིལ་ལེ་འགྱུ་བ་ཉུང་། །ལུས་བདེ་སེ…

མཉམ། །རེས་འགའ་སྟོང་པ་ཧད་དེ་བ། །ལྟ་རྒྱུ་ཅི་ཡང་མེད་པ་འདྲ། །དེ་དུས་དེ་རང་ངང་ལ་ཞོག། ༈ །།ཕྱག་རྒྱ་ཆེན་པོའི་རྟོགས་པ་དེ། །།འདོད་པ་ཆེ་བས་སྐྱེ་བ་མིན། །ཤེས་རབ་ཆེ་བས་སྐྱེ་བ་མིན། །རྟོགས་སྤྱོད་མང་ཡང་སྐྱེ་བ་མིན། །ཡོན་ཏན་མཁས་ཀྱང་སྐྱེ་བ་མིན། །བྱིན་རླབས་སྟོབས་ཀྱིས་སྐྱེ་དགོས་ཏེ། །བྱིན་རླབས་འཇུག་པར་བྱེད་པ་ལ། །མོས་གུས་ད…

ཡིན་ཞིང་གང་ཡང་མིན། །ངག་ནས་བརྗོད་རྒྱུ་མེད་པ་ལ། །སེམས་ལ་འདི་ཡིན་གཏད་སོ་མེད། །སྔར་གྱི་ཉམས་རྣམས་ཤུན་པར་བུད། །ངོ་བོ་མཐོང་བའི་དུས་ཚོད་ཡིན། །ད་རུང་ཡེངས་ན་ཐ་མལ་པ། །མ་ཡེངས་དྲན་རྫི་ཡང་ཡང་བརྟེན། །དེ་རྣམས་རྫོགས་པ་ཆེན་པོའི་སྐབས། །གཞི་ཡི་ཁྲེགས་ཆོད་ཉམས་ལེན་ཡིན། །ཕྱག་རྫོགས་གཉིས་ལ་ཁྱད་པར་མེད།། ༈ །།དེ་ནས་རྫོགས་ཆེན་ཁོ…