རིམ་པ་ཅུང་ཟད་ཉམས་སུ་བླངས་པའི་ཉམས་ཡིག་ཉུང་ངུ་གཅིག་བཞུགས་སོ། །ན་མོ་མ་ཧཱ་མུ་ཏྲ་ཡེ། མཚུངས་མེད་བླ་མའི་ཞབས་ལ་འདུད། །ནུབ་གཅིག་ཉལ་བའི་རྨི་ལམ་ལ། །ཁང་པ་འདྲ་བ་གཅིག་གི་ནང་། །སྐྱེས་མཆོག་མར་པ་ལོ་ཙཱ་དེ། །མཁའ་སྤྱོད་གནས་སུ་བྱོན་གྲོགས་རེད། །བྷན་གཅིག་གི་ནང་དུ་ནི། །ནས་གསར་ཐུལ་ཧྲུལ་བཀང་བྱས་ནས། །དེ་ལ་བདུད་རྩི་རིལ་བུ་ཡི། …

རྟོགས་པ་འོད་གསལ་ཆེན་པོའི་བར། །ཤིན་ཏུ་གསལ་བར་བསྒོམ་པ་རྨིས། །ཕྱིར་ནངས་འདི་དང་བར་དོ་རུ། །འོད་གསལ་བསྒོམ་པའི་མན་ངག་གིས། །གོ་བ་བླ་ན་མེད་པ་རྙེད། །རྒྱལ་པོ་ཨིནྡྲ་བོ་དྷི་དང་། །དབྱེར་མེད་བླ་མ་ཀརྨ་པ། །གསོལ་བ་བཏབ་པའི་ཐུགས་རྗེར་གོ །དེ་སྔོན་གསང་འདུས་མི་བསྐྱོད་པའི། །བསྐྱེད་རྫོགས་བསྒོམས་པར་མ་བྱས་ཀྱང་། །རྒྱལ་བ་གཅིག་ས…

གསལ་བར་མཐོང་། །དེ་ཡིས་རྐྱེན་བྱས་སེམས་ངོ་ལ། །ཧྲིག་གེ་ས་ལེ་གནས་པ་བྱུང་། །ཆེད་དུ་འོད་གསལ་མ་བཟུང་ཡང་། །རྗེ་བཙུན་བླ་མའི་བཀའ་དྲིན་གྱིས། །འབད་མེད་ཡང་ཡང་ཟིན་ཅིང་གདའ། །བདག་ཕོ་སྒོ་བཟང་བ་མ་ལགས་ཏེ། །བློ་གཏད་རྗེ་ལ་བྱས་པས་ཡིན། །གུ་ཧྱ། ཡང་རང་ལོ་སོ་དྲུག་ལོན་པ་ཡིས། །ནག་པ་ཟླ་བའི་ཉེར་གཅིག་ལ། །ལུས་རབ་ཏུ་དུལ་བས་རྐྱེན་བྱ…

འཇིགས་མཁན་སྟེང་དུ་ཧྲིག་གེར་བཞག །དེ་མ་ཐག་ཏུ་འཇིག་སྐྲག་ཞི། །བདེ་བའི་ངང་ལ་ལྷན་ནེ་གནས། །དེ་ནས་རང་མདུན་ཕ་ཀི་ན། །མེ་སྟག་འཚུབ་མ་ལྟ་བུ་ཡིས། །དམར་དང་ཚུབས་ཚུབས་བྱུང་བའི་མོད། སྔར་ལྟར་འཇིགས་སྐྲག་ཆེ་བར་བྱུང་། །འདི་ཉིད་དམར་ལམ་ཡིན་འདུག་སྙམ། །འཇིགས་མཁན་སྟེང་དུ་ཧྲིག་གེར་བཞག །དེ་ནས་བདེ་བའི་ངང་དུ་ཞི། །ལུས་པོ་འགུལ་སྐྱོ…

མེད་རློམ་སེམས་བྱ་དོགས་མེད། །ས་མཱ་ཡ་གྱ་ཧྱ། ༈ ཡང་ཤིང་སྤྲེལ་རང་ལོ་སོ་དྲུག་སར། །མཚམས་དམ་པོ་འདག་སྦྱར་བྱས་པའི་དུས། །ནུབ་གཅིག་གཉིད་མ་ཐག་ཏུ་ནི། །མིག་གི་ཐད་ཀ་དེ་ཉིད་དུ། །འོད་ཀྱིས་རྣམ་པ་འདྲ་བ་ཡིས། །ཉིན་མོ་བལྟས་ལྟར་གསལ་བར་སྣང་། །དེ་ནས་དེ་ཡི་ངང་ཉིད་ལ། །གསལ་མཁན་དེ་ཡི་ངོ་བོ་ལ། །ཧྲིག་གེ་རྗེན་ནེ་བཞག་པ་ཡིས། །གསལ་སྟོ…

འདོད་པས། །སེམས་འགྱུ་བ་ལན་གྲངས་དུ་མ་འཕྲེང་། །རྒྱུད་སྡེ་ཕས་ཨི་གཡར་ཐེ་ཚོམ་ཆེ། །གསེར་དངུལ་བཀྲ་མའི་གླེགས་བམ་ཆུང་ངུ་ཞིག །ང་ཡི་ལག་ཏུ་འདུག་པའི་ཉམས་སྣང་བྱུང་། །གླེགས་བམ་ལེགས་པར་གཡར་བར་འདུག་གི་སྙམ། །ཕྱི་ཉིན་གླེགས་བམ་གདན་འདྲེན་སྔ་མོར་སོང་། །ད་ལྟ་གདན་འདྲེན་ཕྱིན་ཡོད་སྙམ་ཙམ་ན། །ཉམས་ཀྱི་སྐབས་ལ་གར་གདའ་མཐོང་སྣང་བྱུང…

ཡི་གཙུག་ལག་ཕྱིན། །གཙུག་ལག་ཁང་ཆེན་བསམ་གྱིས་མི་ཁྱབ་པའི། །ཕྱི་ཡི་ཁྱམས་ལ་བདག་ཉིད་ཕྱིན་ནས་བལྟས། །ཀ་བ་ཀ་ཞུ་འདོམ་པས་མི་ཁྱིག་ཙམ། །ཐམས་ཅད་རྡོ་ལས་གྲུབ་པ་འདྲ་བ་འདུག །གཙུག་ལག་འདི་ཡི་ཆེ་ཆུང་ཅི་ཡིན་སྨྲས། །དེ་ཚེ་གཅིག་གིས་བདག་ལ་འདི་སྐད་སྨྲས། །གཙུག་ལག་འདི་ལ་རྩག་གསུམ་ཡོད་པ་ཡིན། །སྟེང་ཁང་ཆུང་བ་དེ་ཡི་ཚད་དང་ནི། །རི་བོ་ཆ…

བཀུག་འཇིགས་ཚུལ་སྟོན་པའི་རྨི་ལམ་བྱུང་། །གསང་སྔགས་རྒྱུད་སྡེ་ཤིན་ཏུ་གཉན་པར་གོ །ཚོགས་འཁོར་ལན་འགའ་བསྐོར་ཞིང་གསོལ་བ་བཏབ། །འཇམ་པའི་དབྱངས་དང་རྡོ་རྗེ་རྣལ་འབྱོར་མ། །ནམ་མཁར་བྱོན་ནས་བྱིན་གྱིས་བརླབས་སྣང་ནི། །ཉམས་དང་རྨི་ལམ་སྐབས་སུ་གསལ་བར་བྱུང་། །མ་ནོར་གོ་བ་ཅུང་ཟད་སྐྱེས་སམ་སྙམ། །རྩེ་གཅིག་དད་པས་རྒྱུད་ལ་བལྟས་པ་ཡི། །…

དཔག་ཏུ་མེད་པ་ལ། །གསང་སྔགས་ཆོས་ནི་དཔག་མེད་གསུངས་པར་རྨིས། །རྒྱུད་འབུམ་བལྟས་ཚེ་འཁྲུལ་སྣང་བྱུང་ཚུལ་ཏེ། །གཞན་ལ་བཤད་ན་ཧ་ཧའི་གད་རྒྱང་འཕེལ། །འོན་ཀྱང་བདག་གིས་དད་པའི་ཤུགས་དང་ནི། །གསང་སྔགས་རྒྱུད་སྡེའི་བྱིན་རླབས་ཡིན་ནམ་སེམས། །ཉམས་མཚར་ཡི་གེའི་རིས་སུ་བྱས་པ་ཡིན། །ཞེས་པ་གནས་མདོ་ཀརྨ་ཆགས་མེད་ཀྱིས་བགྱིས་པའོ།། ༈ །།ཡང་ར…

བའི་དབང་པོའི་ཞལ་ནས། རང་ལུས་རྡོ་རྗེ་ཕག་མོའི་ཐུགས་ཀར་བསྒོམ་ལ། སྐུའི་བ་སྤུའི་བུ་ག་ནས་མཚོན་ཆ་སྣ་ཚོགས་འཕྲོས་པས་གནོད་བྱེད་ཐམས་ཅད་ཕྱེ་མར་བརླགས་ཏེ། རི་རབ་དང་ཁྲོ་ཆུའི་ཕ་བང་མང་པོ་སྤྲོས་ནས་མནན་པར་བསྒོམ། དམིགས་པ་འདི་བསྒོམ་ལ་ཕ་རོལ་གྱི་གནོད་པ་འོང་མི་སྲིད་ཅིང་། གཤེད་མའི་ནང་དུ་སོང་ཡང་མཐོང་མི་སྲིད་པར་འདུག་གསུངས་ནས། …

ལོན་པའི་དུས། །མཚམས་བསྡམས་བསྙེན་སྒྲུབ་བྱེད་པའི་ཚེ། །སྒྲུབ་ཁང་འདི་ཉིད་རྨིང་སྟེང་ནུབ། །རབ་རིབ་འཁྲུལ་བའི་རྨི་ལམ་ན། །མཆོད་རྟེན་འདྲ་བའི་བང་རིམ་ནི། །བཅུ་གསུམ་དཀར་གསུམ་ཟས་ཀྱིས་ཁེངས། །དེ་ལ་འཛེགས་ནས་སྟེང་དུ་ཕྱིན། །དེ་ལ་ལུང་བསྟན་ཡི་གེ་གཅིག །སྣང་བའི་ཚིག་ལ་འདི་སྐད་གདལ། །བཅུ་གསུམ་སྒྲུབ་པའི་བང་རིམ་ལ། །བྱང་ཆུབ་སྙིང…

ཚད་བཙུགས་པ་རྨིས། །མ་འོངས་གནས་ཀྱི་ལུང་བསྟན་ཡིན། །དགོན་གནས་ལུང་བསྟན་བརྡའ་ཙམ་མོ།། །།ཨེ་མ་ཧོ། སྣོད་ལྡན་སློབ་མ་ལུང་བསྟན་ནི། །བླ་མ་ཐུགས་རྗེ་ཆེན་པོ་ལ། །རྩེ་གཅིག་གསོལ་བ་བཏབ་པའི་དུས། །འཁྲུལ་པའི་རྨི་ལམ་རྫུན་སྣང་ལ། །རེ་མགོ་ཁེབ་པའི་ཡིག་ཆེན་ལ། །ཡིག་འབྲུ་དབང་གི་ཁ་དོག་ཅན། །བདག་གི་སློབ་མའི་ལུང་བསྟན་མཐོང་། །ད་ལྟའི་ར…

ངང་། །གསུང་ནི་གསལ་དག་སྒྲ་དང་བཅས། །ནད་གདོན་བར་ཆད་མི་འབྱུང་ཞིང་། །མི་རབས་བཅོ་ལྔའི་བར་དུ་ནི། །ཕ་རྗེས་བུ་ཡིས་སླེབས་པ་འོང་། །དེ་སྐད་གསལ་བར་ཚིག་ཏུ་གསུངས། །དེ་ལ་འཁྲུལ་པ་མི་མངའ་ན། །བདག་གི་ཆོས་བརྒྱུད་འཛིན་བྱེད་ཅིང་། །སྤྲང་པོ་བདག་དང་མཉམ་པ་ཡི། །བླ་རབས་བཅོ་ལྔ་འབྱུང་ངམ་སྙམ། །ད་ལྟ་སྨྲས་ན་ཀུན་གྱིས་འཕྱ། །མ་འོངས་ང་ཡ…

དག་གི །གྲོ་བའི་གྲངས་ཁ་ཡིན་ནམ་སྙམ། །འཁྲུལ་པའི་རྨི་ལམ་བདེན་ཆ་མེད། །བདེན་ཞེན་རློམ་སེམས་མ་མཆིས་ཀྱང་། །ཉམས་མཚར་སྤྲོ་བ་སྐྱེད་ཕྱིར་བྲིས། །ཐོག་ཏུ་ཕོག་རུང་མ་ཕོག་རུང་། །རྨི་ལམ་རྨིས་རབས་ཡིན་པའི་ཕྱིར། །བདག་ལ་རྫུན་གྱི་ཉེས་པ་མེད། །ཨ་རཱ་གས་སྨྲས་དོན་ཡོད་པར་གྲུབ་པའོ། །སརྦ་མངྒ་ལཾ།། ༧ ཁམས་སྟོད་ནང་ཆེན་འབང་སྒང་བཟོ་རིག་ག…

ན་མོ་གུ་ར་ཝེ། སྐྱབས་གནས་ཕྱོགས་བཅུའི་རྒྱལ་བ་སྲས་བཅས་མང་ལགས་ཀྱང་། །རྩ་བའི་བླ་མ་དཀོན་མཆོག་ཀུན་འདུས་རང་ཡིན་པར་འདུག་གོ །དམ་ཆོས་ཕུང་པོ་བརྒྱད་ཁྲི་བཞི་སྟོང་ནི་མང་ཡང་། །དམ་ཆོས་ཀུན་འདུས་ཡི་གེ་དྲུག་པ་རང་ཡིན་པར་འདུག་གོ །ཚོགས་བསགས་སྒྲིབ་བྱང་བྱ་ཐབས་བརྒྱད་སྟོང་ཁྲི་འབུམ་ཡོད་ཀྱང་། །སྟབས་བདེ་ཕན་ཡོན་ཆེ་བ་ནི་ཕྱག་དང་བསྐ…

རང་གི་མ་རིག་པ་འདི་ཡིན་པར་འདུག་གོ །སེམས་ངོ་མ་མཐོང་མ་མཐོང་ཟེར་ཡང་སེམས་ཀྱི་ངོ་བོ་ཅིར་ཡང་མ་གྲུབ་པ་འདི་ཡིན་པར་འདུག་གོ །སྒོམ་ཆེན་སྒོམ་ཆེན་ཟེར་ཡང་འདི་སྒོམ་གྱི་དམིགས་གཏད་མེད་པ་འདི་ཡིན་པར་འདུག་གོ །ལྟ་བ་ལྟ་བ་ཟེར་ཡང་རང་སེམས་རང་གི་ལྟ་བ་འདི་ཡིན་པར་འདུག་གོ །སྤྱོད་པ་སྤྱོད་པ་ཟེར་ཡང་དགེ་སྒྲུབ་སྡིག་སྤང་བརྩོན་པ་འདི་ཡི…

ལ་ཞོག་ཅིག །བཞག་པས་མི་འདུག་རྒྱུག་ན། །གར་འགྲོ་ལྟོས་ལ་ཐོངས་ཤིག །ནམ་ཞིག་འཆི་བའི་དུས་དེར། །ཕྱི་དབུགས་ཆད་པའི་མཚམས་ནས། །གསལ་སྟོང་ཚུར་ལ་འཆར་བ། །དེ་དུས་ངོས་བཟུང་གྱིས་ཤིག །དུས་དང་རྣམ་པ་ཀུན་ཏུ། །སྐྱེ་སླ་ཕན་ཡོན་ཆེ་བའི། །བདེ་བ་ཅན་དུ་སྐྱེ་བར། །རྒྱུན་དུ་སྨོན་ལམ་ཐོབ་ཅིག །ཅེས་དྲག་མགོན་གྱིས་བསྐུལ་ངོར། རཱ་ག་ཨ་སྱས་ཚེས་…

ཀུན་གྱི་འཕྲོག་གོ་ཞེས། །དེ་བསམ་ཞིང་སྐྱོ་བ་སྙིང་ནས་སྐྱེས། །ནོར་ལོངས་སྤྱོད་ལ་སྙིང་པོ་མི་འདུག་པས། །རང་སྒྲུབ་པ་བྱས་པ་སྐྱིད་དུ་ཚོར། །བུ་སྐྱིད་དུ་ཚོར་རོ་རྟོགས་ལྡན་པ། །རྗེ་མཁས་གྲུབ་ལུང་རིགས་ཉི་མ་དེ། །གནུབ་སངས་རྒྱས་ཡེ་ཤེས་སྤྲུལ་པར་གྲགས། །ལྷ་ཁྲོ་ཆུ་བསྒྲུབ་པའི་བརྒྱུད་པར་འཁྲུངས། །དཔལ་རྡོ་རྗེ་འཇིགས་བྱེད་སྒྲུབ་པའ…

རྟོགས་ལྡན་པ། །བུ་བརྩོན་འགྲུས་བསྐྱེད་དེ་བལ་པོ་བ། །ཁ་བྱིང་བ་སེང་བླའི་དབྱངས་ཆུང་འདི། །སེམས་སྐྱོ་ཤས་སྐྱེས་ནས་བུ་ལ་སྤྲིང་། །ཞེས་རཱ་ག་ཨ་སྱས་སྨྲས་པའོ། །ན་མོ་གུ་རུ་ཤིནྟཾ་ཀྲོ་དྷ་ཡེ། དཔོན་དད་ལྡན་ཀརྨ་ཚེ་བརྟན་པས། །ཆོས་ཉིད་བར་དོ་དྲུག་གི་ངོ་སྤྲོད་ལ། །སྔོན་དེ་ལས་མང་ཙམ་དགོས་གསུངས་པས། །དུས་ད་ལྟ་ངེད་རང་ཡོན་མཆོད་རྣམས།…