པ་ཞི་གནས་ཡིན་ཟེར་མོད། མཁས་པ་གཞན་རྣམས་ཀྱང་ཐུན་རེ་རེ་ཞིང་བརྟག་དཔྱད་མི་དགོས་ཀྱང། དང་པོ་བརྟག་དཔྱད་ཐག་ཆོད་པར་ལུང་རིགས་ཀྱི་སྒོ་ནས་ངེས་ཤེས་སྐྱེ་བ་རེ་དགོས་གསུངས་ལ། དེ་རྣམས་ནི་སྤྲོས་པ་ཕྱི་ནས་གཅོད་པའི་ལུགས་ཡིན་ནོ། །འདིར་དགེ་བཤེས་བྱ་ཡུལ་བའི་ཞལ་ནས། ཐབ་ཀའི་མེ་སོད་ན་སྐར་ཁུང་གི་དུ་བ་རང་འགགས་སུ་འགྲོ་བ་ཡིན། ཞེས་གསུང…

མཚན་ཉིད་ལྟོས། །དམིགས་སུ་མེད་པའི་མ་བཅོས་རང་སར་ཞོག །གཞན་དུ་མ་ཚོལ་ངོ་བོ་རྟོགས་པར་གྱིས། །ཞེས་དང་། མ་གཅིག་ལབ་སྒྲོན་གྱི། དེ་བཞིན་རང་སེམས་ངོ་ཤེས་ན། །སངས་རྒྱས་གཞན་ནས་བསྒྲུབ་མི་དགོས། །ཞེས་དང་། རྗེ་མར་པས། འཁོར་བ་སྐྱོན་དུ་མི་ལྟ་ཞིང་། །མྱ་ངན་འདས་ལ་མི་རེ་བ། །ཐ་མལ་ཤེས་པ་རང་ལུགས་དེ། །མ་བཅོས་སོ་མ་ཉིད་དུ་ཞོག །ཅེས་གས…

རེ་མདའ་བ་གཞོན་ནུ་བློ་གྲོས་ཀྱིས། འཁོར་འདས་དབྱེར་མེད་རོ་གཅིག་ཕྱག་རྒྱ་ཆེ། །ཡོད་མེད་རྟག་ཆད་སྤང་བ་གཉུག་མའི་སེམས། །ཞེས་རང་སེམས་དེ་ཉིད་ལྟ་བའི་དངོས་གཞིར་གསུངས་སོ། །སེམས་ཀྱི་རྩ་བ་འདི་ཆོད་ན་ཆོས་ཐམས་ཅད་ཀྱི་རྩ་བ་དུས་གཅིག་ལ་ཆོད་ནས་གཅིག་ཤེས་པས་ཀུན་གྲོལ། ཆུ་བརྒྱ་ཟམ་པ་གཅིག་གི་འོག་ཏུ་ཚུད། བྱ་བརྒྱ་འུར་རྡོ་གཅིག་གིས་དེ…

ལས། སེམས་ནི་རིན་ཆེན་སྒྲོན་མེ་ཡིས། །མ་རིག་མུན་པའི་རང་བཞིན་གསལ། །སེམས་ཀྱི་ཟླ་བ་ཤར་བ་ཡིས། །འདོད་ཆགས་ལ་སོགས་གདུང་བ་སེལ། །སེམས་ཀྱི་ཐུགས་རྗེས་ཆར་ཕབ་པས། །ཉོན་མོངས་ཐལ་བ་ཚིམ་པར་བྱས། །རང་ལས་མ་གཏོགས་གཞན་སྣང་དང་། །སེམས་ལས་མ་གཏོགས་སངས་རྒྱས་ནི། །ཡོད་མིན་བཙལ་བར་མི་བྱའོ། །ཞེས་དང་། གང་ལ་སེམས་ཀྱི་དམ་པ་རིན་ཆེན་དེ། །རྟ…

ཚུལ་ཁྲིམས་འཆལ་པ་དམ་ཚིག་ཉམས་རྣམས་ཀྱི། །བསྡམས་ཤིང་གསོ་བའི་མཆོག་ཀྱང་འདི་ཡིན་ནོ། །བཀྲེས་སྐོམ་འཇིགས་ཚོགས་སྡུག་བསྔལ་དུ་མ་ཡི། །མགོན་དང་སྐྱབས་ཀྱི་མཆོག་ཀྱང་འདི་ཡིན་ནོ། །ནད་དང་དུག་སོགས་སྡུག་བསྔལ་དུ་མ་ཡི། །གསོ་བའི་སྨན་གྱི་མཆོག་ཀྱང་འདི་ཡིན་ནོ། །ཞེས་དང་། དོན་ཡང་དག་པར་བསྟན་པའི་མདོ་ལས། སེམས་ཀྱི་རང་བཞིན་ཤེས་ན་ཆོས་ཐ…

ཆུབ་སྟེ། །ཞེས་གསུངས། མདོར་ན་སེམས་སྟོང་ཉིད་ཕྱག་རྒྱ་ཆེན་པོའི་དོན་འདི་མ་རྟོགས་ན། བསྐལ་པ་གྲངས་མེད་པ་བྱེ་བ་འབུམ་དུ་ཚོགས་བསགས་སྒྲིབ་པ་སྦྱང་ཡང་འཁོར་བ་ནས་ཐར་མི་སྲིད་པ་མདོ་རྒྱུད་མན་ངག་ཐམས་ཅད་ནས་གསུངས་པས། དམ་པའི་ཆོས་ཐམས་ཅད་ཀྱི་སྲོག་རྩ་ཡིན་པར་ཤེས་པར་བྱའོ། །དེ་ལྟར་ཐག་ཆོད་པའི་ལྟ་བ་དེ་ཉིད་བསྒོམས་པས་ཉམས་སུ་ལེན་ཚུལ…

དགག་སྒྲུབ་མེད་པར་མ་ཡེང་ཙམ་དུ་སྐྱོང་བས་ཆུ་དང་རླབས་བཞིན་རང་གྲོལ་དུ་འགྲོ། འབྲིང་དྲན་རྟོག་ནམ་ཤར་དེའི་ངོ་བོ་ལ་ཅེར་གྱིས་བལྟས་པས་རང་ཞིར་འགྲོ། ཐ་མ་དྲན་རྟོག་རེ་སྐྱེས་ཙ་ན་དེའི་བྱུང་གནས་སོགས་རྩད་བཅད་པས་གཞི་མེད་རྩ་བྲལ་དུ་རྟོགས་ཙམ་ན། སྨྱུག་མའི་ནགས་ཚལ་ནས་སྨྱུག་མ་གཅིག་བཅད་ནས་ནང་སྙིང་པོ་མེད་པར་སྟོང་པར་མཐོང་ཙམ་ན་སྨྱ…

གསུངས་སོ། །ཇོ་བོ་གསེར་གླིང་པས། རྒྱངས་ཀྱིས་སྐྱུར་ལ་ལྷོད་ཀྱིས་ཀློད། །ཤིགས་ཀྱི་ཤིག་ལ་འབོལ་ལེ་ཞོག །ཅེས་དང་། ཇོ་བོ་ཨ་ཏི་ཤས། ཆོས་ཐམས་ཅད་རང་གི་སེམས་སུ་ཤེས་པར་བྱས་ལ་སེམས་ཀྱི་ངང་དུ་བཞག །སེམས་རང་སར་བཞག །སེམས་ཀློད་ལ་བཞག །སེམས་རང་གར་བཞག་།སེམས་ལྷུག་པར་བཞག །ཅེས་གསུངས། ས་ཆེན་ཀུན་དགའ་སྙིང་པོས། གཉིས་མེད་ཕྱག་རྒྱ་ཆེན་…

དགུར་གསུངས་ཏེ། སོ་མར་བཞག །ལྷུག་པར་བཞག །རང་གར་བཞག །འདི་ག་ལྟར་བཞག །མ་བཅོས་པར་བཞག །གཟའ་གཏད་མེད་པར་བཞག །ཨ་ཕྱ་དེ་བཞག །རང་ཐང་དུ་བཞག །རྩོལ་བ་མེད་པར་བཞག །ཅེས་རྣམ་གྲངས་དགུར་གསུངས་སོ། །དེ་ཉིད་ཀྱི་དོན་རྒྱལ་བ་ཨོ་རྒྱན་པས་བཀྲོལ་བ་ནི། དེ་ཡང་སོ་མར་བཞག་བྱ་བ་དེ། འདི་ལྟར་སྣང་བ་འདི་རང་སེམས་སུ་ཐག་ཆོད་པའི་གདེང་ལ་བཅས་བཅོས…

པ་དེ་ཉིད་སྐྱེ་བཅུག་ནས་འགེགས་ཀྱང་མི་འགེགས་སྤང་ཡང་མི་སྤང་། ཞེན་ཀྱང་མི་ཞེན། བློས་བཟོ་གང་ཡང་མི་བྱེད་པར་རང་བཞིན་དུ་འཇོག་པའོ། །འདི་ག་ལྟར་བཞག་པ་ནི། དེ་ལས་འགོག་པ་བཞིན། སྐྱོང་བ་བཞིན། གཉེན་པོར་གཏོང་བ་བཞིན། གང་བྱས་ཀྱང་དེ་རང་རྟོག་པ་ཡིན་པས། རྣམ་རྟོག་གང་སྣང་གང་ཤར་རང་ལུགས་སུ་འཇོག་པའོ། །མ་བཅོས་པར་བཞག་པ་ནི། བྱ་བ་བྱེ…

ཙམ་དུ་བཞག་པའོ། །དེ་ལྟར་བཞག་ཐབས་དགུའི་གནད་ཟིན་ཅིང་བཏང་སྙོམས་དང་ལེ་ལོར་མ་ཤོར་བར་ཐམས་ཅད་བཟོས་བཅོས་མེད་པའི་ཆོས་སྐུ་ལྷུན་གྲུབ་ཏུ་ཐོབ་པ་ཡིན་ཞེས་འབྱུང་ངོ་། །དེ་ནས་ཤོར་ས་བཞི་ལ་གཤིས་ཤོར་ནི། མདོ་རྒྱུད་ཀྱི་གོ་བ་སྐམ་པོ་ལ་བརྟེན་ནས་ཉམས་མྱོང་མེད་པར་ལུང་དང་རིགས་པས་དཔྱད་ན་སྟོང་ཉིད་དེ་ལ་འདི་འདྲ་བ་ཞིག་ཡོད་སྙམ་པའི་ངེས་…

ཆགས་ན་གཟུགས་ཁམས་གནས་རིས་བཅུ་བདུན། མི་རྟོག་པ་རྟོགས་མེད་ལ་ཆགས་ཤིང་ཞེན་ན་གཟུགས་མེད་པའི་སྐྱེ་མཆེད་མུ་བཞིར་གོལ་བས། བདེ་གསལ་མི་རྟོག་པའི་ཉམས་བཟང་པོ་ཅི་བྱུང་ཡང་དེ་ལ་ཆགས་ཤིང་ཞེན་པ་སྤངས་ལ་གང་ཤར་གྱི་ངོ་བོ་ལ་ལྟའོ། །འཕྲང་གསུམ་དགྲར་ལོང་བསལ་བ་ནི། ཆོས་ཐམས་ཅད་སྟོང་པ་ཉིད་ཡིན་པས་དགེ་སྡིག་གིས་ཕན་གནོད་མེད་སྙམ་ནས་སྤྱོད་པ…

གདོན་ཉོན་མོངས་སོགས་ལམ་དུ་འཁྱེར་ཚུལ་ནི། གཞུང་ལས། མྱོང་བ་དེས་ཆགས་སྡང་ལ་སོགས་པའི་ཉོན་མོངས་དྲག་པོ་ནམ་སྐྱེས་ཀྱང་རྒྱས་འདེབས་ན་ཚ་ལ་སོགས་པའི་སེམས་ལ་ངལ་བ་དང་སྐྲག་སྔངས་སོགས་གང་བྱུང་རྒྱས་འདེབས་ནས། ཞེས་གསུངས་པས། འདོད་ཆགས་རང་ཁར་ཤོར་ན་ཡི་དྭགས་ཀྱི་ས་བོན་ཡིན། འདོད་ཆགས་དེའི་ངོ་བོ་ལ་བལྟས་པས་རང་བཞིན་མེད་པར་གྲོལ་བ་དེ་ས…

སོ། །ཉོན་མོངས་ལམ་ཁྱེར་རོ། །དུག་ལྔ་སྤང་བ་ནི་ཐེག་པ་ཐུན་མོང་གི་ལུགས་ཏེ་དམན་པའོ། །ན་ཚ་ལམ་ཁྱེར་ལ་རབ་ཟུག་གཟེར་དེའི་ངོ་བོ་ལ་ཅེ་རེ་བལྟས་ནས་ཀློད་དེ་བཞག་པས་ནད་རང་བཞིན་མེད་པ་ཆོས་སྐུ། ནའོ་སྙམ་པ་རང་བཞིན་གསལ་བ་ལོངས་སྐུ། ཟུག་གཟེར་གྱི་རྟོག་པ་མ་འགག་པར་འཆར་བ་སྤྲུལ་སྐུ། དེ་གསུམ་དབྱེར་མེད་པ་ངོ་བོ་ཉིད་སྐུ་སྟེ། དེའི་ངང་ལ…

ཀྱི་རང་སེམས་ཐིག་ལེ་དཀར་པོ་དབུ་མ་ནས་ཐོན་པ་རྡོ་རྗེ་ཕག་མོར་གྱུར་པས། གྲི་གུག་གི་ཐོད་པ་བྲེག་དེར་བེམ་པོར་བཅུག་པས་ཨོཾ་ཨཱཿཧཱུྃ་གིས་བདུད་རྩིར་བྱིན་བརླབས་ནས། རང་འདྲ་བའི་ཌཀི་བྱེ་བ་གྲངས་མེད་ཀྱི་ཐོད་པའི་བདུད་རྩི་བཅུས་ནས། བླ་མ་དཀོན་མཆོག་ཡི་དམ་ལྷ་ཚོགས། ཆོས་སྐྱོང་སྲུང་མ་འགྲོ་བ་རིགས་དྲུག་ལན་ཆགས་གདོན་བགེགས་ཐམས་ཅད་མཆོ…

ལམ་ལྟ་བུ་བདེན་གྲུབ་མེད་པའི་ངེས་ཤེས་བྱ། སྡུག་ནས་སྙིང་མི་དགའ་འམ་གཟེར་ན་སྙིང་དཀྱིལ་དུ་ངོ་བོ་བླ་མ་ལ་རྣམ་པ་ཡི་གེ་བམ་ཡིག་དཀར་པོ་ལས་བདུད་རྩི་འོ་མ་ལྟར་བབ། །སྙིང་ལྟེམ་གྱིས་ཁེངས་པར་བསམས་པས་བདེའོ། །དངོས་ཉམས་རྨི་ལམ་གང་དུ་ཡང་སྐྲག་སྔངས་བྱུང་ངམ་འཇིགས་སྐྲག་དྲག་པོས་ཅི་བྱ་གཏོལ་མེད་ན་དེ་རང་གི་ངོ་བོ་ལ་བལྟས་པས་སྟོང་ཉིད་…

བྲལ་ནམ་མཁའ་ལྟ་བུའི་ཉམས་འཆར་རོ། །མདོར་ན་དུས་ཐམས་ཅད་དུ་མ་ཡེངས་དྲན་པའི་རྒྱང་སོ་ཙམ་གྱི་ངང་ནས་ལྷོད་དེ་ཀློད་ནས་ཡག་འདོད་དང་མ་ཉན་དོག་གི་བཟོ་བཅོས་མེད་པར་ཤུགས་འབྱུང་དུ་སྐྱོང་བ་གནད་ཆེའོ། །རྗེ་ཕག་གྲུས། སེམས་ཉིད་ཀྱི་ནམ་མཁའ་ཡངས་པ་ལ། །རྣམ་རྟོག་གི་སྤྲིན་ཚོགས་མ་དངས་ན། །མཁྱེན་གཉིས་ཀྱི་གཟའ་སྐར་མི་བཀྲ་བས། །སེམས་མི་རྟོག…

བཟོད་པ་བརྟན་པོས་ངན་སོང་སྡུག་བསྔལ་སྤངས། །ཞེས་གསུངས་སོ། །དེ་ལ་རྩེ་གཅིག་ཆུང་དུ་ནི་སེམས་བདེ་བ་དང་གསལ་སེང་ངེ་བ་དང་། དེ་རང་བཞིན་མེད་པར་སྟོང་ཉིད་དུ་ཤེས་པའི་ངོ་བོ་ལེགས་པར་འཕྲོད་ནས། རེས་འགའ་མ་བསྒོམས་ཀྱང་རྟོགས་པ་དེ་གསལ་ཡེ་རེ་ཚུར་འཆར་བ་འབྱུང་། རེས་འགའ་ལུས་གནད་དང་གཟབ་ནས་བསྒོམ་ཡང་རྣམ་རྟོག་འཕྲོ་རྒོད་ཆེ་ཞིང་མ་བདེ་…

རྣམ་རྟོག་ཅི་ཤར་ཡང་སྒོམ་ལ་མི་གནོད་པར་རྣམ་རྟོག་སྒྲོམ་དེའི་ངང་དུ་ལྷན་ལྷན་ཞི། བདེ་གསལ་མི་རྟོག་པ་སྔར་ལས་ཆེར་སོང་། སྒོམ་ལ་ངེས་ཤེས་ཆེར་སྐྱེས། །དད་པ་དག་སྣང་ཆེར་འགྲོའོ། །དེ་དུས་ངེས་ཤེས་དྲག་པོ་དང་དེ་དང་འགྱུ་བ་བསྲེ་ཞིང་བསྒོམ། ངེས་ཤེས་དེ་རང་གི་ངོ་བོ་ལ་ཅེ་རེ་ལྟའོ། །དེ་ནས་ཆེན་པོ་ནི་གསལ་སྟོང་དེ་རྒྱུན་རིང་དུ་གནས། ར…

འདེབས་པ་གལ་ཆེའོ། །འདི་ཡན་ཉམས་ཁོ་ན་ཤས་ཆེ་རྩེ་གཅིག་ཉམས་ཀྱི་འཁོར་ཡུག་ཟེར། ད་རུང་རྟོགས་པ་མ་ཤར་བས་ཞི་གནས་སམ། གནས་པའི་ཕྱོགས་སུ་གཏོགས་སོ། །རྩེ་གཅིག་ནར་མའི་བུ་དང་འདྲ། །སྐྱེས་པ་མང་སྟེ་ཁས་ལེན་ཉུང་། །ཞེས་པས་འདི་ཡི་བར་སྐྱེས་ཙམ་མང་ཡང་མཐོ་འདོད་ནས་ང་ཡིན་ཟེར་མཁན་དཀོན་ནོ། །དེ་ཡང་རྣམ་གཡེང་གི་རྟོག་པ་ཞི་ནས་ཉམས་ལེན་སེམས…