ཀུན་ལ་ཕན་པའི་ཕྱིར། །ད་རེས་འཆི་བ་ཆོས་སྐུར་སྦྱང་བྱས་ནས། །རྫོགས་པའི་སངས་རྒྱས་བསྒྲུབ་པའི་སེམས་བསྐྱེད་བསྒོམ། །ལུས་དང་ལོངས་སྤྱོད་ཉེ་དུ་ནོར་རྫས་སོགས། །ཆགས་དང་ཞེན་པའི་འཁྲི་བ་གཏན་ནས་ཆོད། །ཆགས་ཀྱང་ཆགས་ནས་འདུག་པའི་དབང་ནི་མེད། །མི་རྟག་སྒྱུ་མ་རྨི་ལམ་ཡིན་པར་སོམས། །རང་སེམས་ཐིག་ལེ་དབུ་མའི་ལམ་ནས་འཕང། །འོད་དཔག་མེད་པའ…

སྐྱོངས། །ག་ཟེར་ན་གཟེར་མཁན་ངོ་བོ་དེ་ལ་ལྟོས། །འགྲོ་བ་ཀུན་གྱི་ན་གོ་ཆོད་པར་སྒོམས། །ལྤགས་བཞི་སར་ལྷུང་ས་ནི་ཆུར་ཐིམ་རྟགས། །ཡིད་ཀྱི་ཡུལ་དུ་སེར་པོའི་སྣང་བ་འཆར། །དེ་ལ་བལྟས་པས་སེར་པོའི་ངོ་བོ་སྟོང་། །ཡུམ་ཆེན་སངས་རྒྱས་སྤྱན་མའི་སྐུ་ཐོབ་འགྱུར། །ཁ་དང་སྣ་སྐམ་ལྕེ་ནི་གྲེ་ཁུང་འགྲོ། །ཆུ་ནི་མེར་ཐིམ་ཡིད་ཡུལ་དཀར་པོ་འཆར་། །…

ངེས་པ་ཡིན། །ལྟེ་འོག་མ་ལས་ཐོབ་པའི་ཐིག་ལེ་ནི། །ཨ་ཐུང་ཕག་མོའི་ངོ་བོ་གྱེན་དུ་འཕར། །ཕྱི་རྟགས་ཉི་མ་འཆར་འདྲའི་དམར་ལམ་འཆར། །ནང་རྟགས་མེ་ཁྱེར་ལྟ་བུར་དམར་ཕྲོམ་ཕྲོམ། །འདོད་ཆགས་ལས་གྱུར་རྟོག་པ་བཞི་བཅུ་འགག །མཆོག་དགའི་ཡེ་ཤེས་སྐད་ཅིག་གཉིས་ལ་སྐྱེ། །དེ་ཉིད་ངོས་བཟུང་དེ་ཡི་ངོ་བོར་ལྟོས། །འདོད་ཆགས་རྣམ་དག་བཅོམ་ལྡན་སྣང་མཐའ་…

སྐྱེ། །མ་ཡེངས་དེ་ཡི་ངོ་བོར་ལྟོས་མཛོད་དང་། །ངོས་ཟིན་ན་ནི་ཡུན་རིང་གནས་པ་ཡིན། །གནས་ན་གཏི་མུག་རྣམ་དག་རྣམ་སྣང་མཛད། །ཐུགས་ཀྱི་རྡོ་རྗེའི་གོ་འཕང་ཐོབ་པར་འགྱུར། །ཐིག་ལེ་དཀར་དམར་ཕྲད་པ་མཐོང་བ་དེ། །མ་དག་པ་ཡི་ཕྱི་མའི་ཕ་མར་མཐོང་། །ཕྱི་མ་གར་སྐྱེའི་ལུས་ཀྱང་ཡུད་ཙམ་འཆར། །དག་པ་རྣམས་ཀྱིས་ཡི་དམ་ཡབ་ཡུམ་མཐོང་། །འདི་སྐབས་ཞི…

སེར་འབྱུང་། །དེ་ལྟར་ཐིག་ལེའི་གནས་ནི་མ་འཆུག་གོང་། །ནག་ལམ་ཡལ་རྗེས་གཞི་ཡི་འོད་གསལ་འཆར། །ཕྱི་རྟགས་སྐྱ་རེངས་འཆར་འདྲ་ཅུང་ཟད་གསལ། །སྤྲིན་ཐག་ཆད་པའི་ནམ་མཁའ་ཇི་བཞིན་དུ། །ཚུར་ལ་འཆར་ཞིང་རྣམ་རྟོག་འཛིན་པ་མེད། །ལྷན་ཅིག་སྐྱེས་དགའི་ཡེ་ཤེས་ཕྱག་རྒྱ་ཆེ། །སྐད་ཅིག་བཞི་ཡི་ཡུན་བར་ཀུན་ལ་འཆར། །དེ་ཉིད་ངོས་ཟིན་ཡུན་རིང་གནས་པ་ན།…

ཐོས་གྲོལ་གཞུང་ནས་གསུངས་པ་ཡིན། །ས་པཎ་ལུགས་ལ་སྐེ་རྩ་ཆད་མ་ཐག །མགྲིན་པ་དར་གྱིས་དམ་དུ་བཅིང་པར་གསུངས། །བུམ་པ་མིན་ཡང་མགུལ་ཆིངས་དགོས་ཞེས་བཤད། །དེ་གཉིས་གནད་འགག་གཅིག་ཏུ་བབ་པ་ཡིན། །ཕྱི་དབུགས་ཆད་ནས་ཡུན་ནི་མི་བསྲིང་བར། །གདུང་བཅས་རྣམས་ཀྱང་མགྱོགས་ཤིང་ལེགས་པར་བྱས། །དེ་ནས་ངོ་སྤྲོད་གདབ་པའི་དུས་སུ་ཡང་། །དང་པོ་ཉིད་ནས་མ…

ཕྱལ་ཆད་ཅི་ཡང་མེད་པ་མིན། །ས་ལེ་སིང་ངེ་ཝ་ལེ་གསལ་བ་འདི། །རང་རིག་ཡེ་ཤེས་ཕྱག་རྒྱ་ཆེན་པོ་ཡིན། །ངོ་བོ་སྟོང་པ་ཅི་ཡང་མ་གྲུབ་པ། །རྣམ་པ་འགགས་མེད་གསལ་དྭངས་ཝ་ལེ་བ། །དབྱེར་མེད་འདི་ཀ་ཆོས་སྐུ་སངས་རྒྱས་ཡིན། །རང་རིག་གསལ་སྟོང་འོད་ཀྱི་ཕུང་པོ་འདི། །དང་པོའི་སངས་རྒྱས་འོད་མི་འགྱུར་བ་ཡིན། །རང་གི་སེམས་ཉིད་ཡེ་ནས་སངས་རྒྱས་ལ། །…

དུ་བརྗོད། །ཀྱེ་མ། སྐལ་ལྡན་རིགས་ཀྱི་བུ། །སྙིང་ག་ཆོས་ཀྱི་འཁོར་ལོ་ན། །ཙིཏྟ་རིན་ཆེན་སྙིང་གི་དབུས། །པདྨ་ཉི་ཟླ་བརྩེགས་པའི་སྟེང་། །དྲིན་ཆེན་རྩ་བའི་བླ་མ་དེ། །རྡོ་རྗེ་འཆང་གི་ཆ་ལུགས་རྫོགས། །མཚན་དང་དཔེ་བྱད་རྒྱུན་དང་ལྡན། །འོད་དང་འོད་ཟེར་འབར་ཞིང་གདའ། །སངས་རྒྱས་ཐམས་ཅད་འདུས་པའི་སྐུ། །བླ་མ་ཆོས་སྐུ་རྡོ་རྗེ་འཆང་། །ཁྱ…

གདའ། །མ་ཡེངས་དེ་ཡི་ངང་ལ་ཞོག །སངས་རྒྱས་ཟེར་བའི་གཡེར་པོ་ཆེ། །ད་ནི་ཐོབ་ལ་ཁད་དུ་གདའ། །སྐལ་ལྡན་ཁྱོད་ལས་སྐྱིད་པ་མེད། །ཅེས་བརྗོད་གསལ་འདེབས་དེ་ཡིས་ཆོག །ཉམས་རྟོགས་མེད་པའི་བསྐྱེད་རིམ་མཁན། །དེ་ལ་གསལ་འདེབས་འདི་ལྟར་བརྗོད། །ཀྱེ། གསོན་དང་སྐལ་ལྡན་རིགས་ཀྱི་བུ། །དགྲ་འཆི་བདག་གཤིན་རྗེ་དབང་ཆེ་བས། །ཁྱོད་མི་རྟག་ཚེ་ལས་འདས་…

བརྙན་བཞིན། །ཁྱོད་རིག་པ་རྩེ་གཅིག་དེ་ལ་གཏོད། །ཁྱོད་ནམ་ཞིག་ལུས་སེམས་བྲལ་བའི་ཚེ། །ཁྱོད་བར་དོའི་ཡིད་ལུས་མི་འཆར་བར། །ལུས་ཡི་དམ་ལྷ་ཡི་སྐུར་གྱུར་ནས། ཤུ་ལྷ་དེ་དང་དབྱེར་མེད་སངས་རྒྱས་ཏེ། །དོན་ཕྱག་རྒྱ་ཆེན་པོའི་རིག་འཛིན་ཐོབ། །དོན་དེ་ཕྱིར་ཐུགས་དམ་ཡུན་རིང་ཟུངས། །ཚིག་དེ་སྐད་ལན་གསུམ་དབྱངས་བཅས་བརྗོད། །དེས་ཐུགས་དམ་བརྟ…

བདེ་སྟོང་ཕྱག་རྒྱ་ཆེན་པོ་ཡིན། །སེམས་གསལ་རིག་སྟོང་རྗེན་ལྷང་ངེ་བ། །དེ་མཆོག་ཏུ་མ་འཛིན་ངོ་བོར་ལྟོས། །དོན་གསལ་སྟོང་ཕྱག་རྒྱ་ཆེན་པོ་ཡིན། །དོན་ཅི་ཡང་མ་གྲུབ་སྟོང་པ་ཉིད། །དེ་སྟོང་པར་འཛིན་པའི་འཁྲི་བ་ཆོད། །སེམས་གང་ཤར་མ་བཅོས་སོ་མར་ཞོག །ཁྱོད་ཡུན་རིང་ཐུགས་དམ་ཟུངས་མཛོད་དང་། །ཁྱེད་སྟོང་ཉིད་རྟོགས་པ་མངོན་དུ་གྱུར། །སང་ལ…

གྲོལ་འདོད་དམ། །ཐུགས་དམ་གྲོལ་དང་མ་གྲོལ་མི་འབྱེད་དམ། །ཐུགས་དམ་ཟིན་དང་མ་ཟིན་ཐེ་ཚོམ་ན། །འཕོ་བ་འདེབས་པ་འདི་ནི་ཤིན་ཏུ་ལེགས། །དེ་སྐད་རྟ་ལོ་ཐ་སྐར་ཚེས་གཉིས་ཀྱི། །དགོང་ཐུན་རཱ་ག་ཨ་སྱས་སྨྲས་པ་སྟེ། །སྒོམ་ཆེན་ཀརྨ་བཱིརྱས་ཡི་གེར་བྲིས། །ལེའུ་ཞེ་བཞི་པའོ་མངྒ་ལཾ།། །།

༼བི༽ རི་ཆོས་མཚམས་ཀྱི་ཞལ་གདམས་ལས། ཡེ་ཤེས་དང་འཇིག་རྟེན་གྱི་ཆོས་སྐྱོང་སྤྱིའི་སྒྲུབ་ཐབས་ཕྲིན་ལས་རྒྱ་མཚོའི་རླབས་ཕྲེང་ཅེས་བྱ་བ་བཞུགས་སོ། །ན་མོ་གུ་རུ་མ་ཧཱ་ཀཱ་ལ་དྷམཱ་པཱ་ལ་ཡེ།། སྔགས་ཆུང་གསར་བུ་ཐོས་རྒྱ་ཆུང་བ་ལ། །ཕན་ཕྱིར་ཆོས་སྐྱོང་སྤྱི་སྒྲུབ་གདམས་པ་བྲི། །དམ་ཅན་རྒྱ་མཚོས་བཀའ་གནང་བྱིན་གྱིས་རློབས། །མ་མགོན་ལ་སོགས་ཡ…

ཡིན་ན་པདྨ་འདབ་བརྒྱད་བྲི། །དེ་སྟེང་ཁྲི་འམ་མཉྫིལ་བཞག་པའི་སྟེང་། །ཟངས་ལྕགས་ཐོད་པ་ལ་སོགས་གང་འོས་སྣོད། །དེ་ནང་སོ་སོའི་གཏོར་མ་རྒྱན་ལྡན་བཤམས་། །འཁོར་རྣམས་གཏོར་ཆུང་ལྷ་གྲངས་འབྱོར་ནི་བཅའ། །འཁོར་རྣམས་མེད་ཀྱང་རུང་སྟེ་གཙོ་བོས་ཆོག །རྩེ་ལ་སོ་སོའི་ཙཀཱི་བཙུགས་པར་བྱ། །ཡོད་ན་ཐང་སྐུ་རྒྱབ་ནས་ཚུར་ལ་བཤམ། །ཡང་ན་གཏོར་མའི་ཐོ…

རིར་ར་ཤ་དམ་ཅན་མཛོ་ཤ་སྤང་། །གཟའ་དང་དམ་ཅན་བཙན་རིགས་ར་ཤ་ལེགས། །ཀླུ་ཡི་རིགས་ལ་ཤ་ཆང་སྤང་བར་བྱ། །མཐའ་སྐོར་མཆོད་པ་སྣ་བདུན་སྐོར་བཤམ་བྱེད། །ཡོན་ཆབ་ཁྲག་དང་འོ་མ་ཞི་དྲག་ཁྱད། །ཐུན་མཚམས་འབུལ་རྒྱུའི་གཏོར་ཆུང་མང་དུ་བསག །བགེགས་བསྐྲད་མཚམས་གཅོད་ལ་སོགས་སྤྱི་དང་མཐུན། །དེ་ནས་རང་གི་ཡི་དམ་བདག་བསྐྱེད་བྱ། །དེ་ཡི་བསྙེན་པ་ཅུང་…

རྟོགས། །དེ་ནི་ལྟ་བ་གྱད་ཀྱི་ལྷ་ཞེས་བྱ། །དེ་ཡོད་རྩུབ་ཆག་འཁུ་ལྡོག་འབྱུང་མི་སྲིད། །བླ་མ་རིགས་བདག་དམ་ཆོས་སྙིང་གི་ནོར། །དམ་ཚིག་གཙང་ཞིང་། སྙིང་ནས་བྱང་ཆུབ་སྒྲུབ། །བསྟན་དང་བླ་མའི་དོན་ལ་སེམས་ཁུར་ཆེ། །ཡེ་ཤེས་ཆོས་སྐྱོང་ཕ་ཁུ་མ་སྲིང་ཚུལ། །འཇིག་རྟེན་ཆོས་སྐྱོང་སྤུན་དང་སྙིང་གི་གྲོགས། །ཁ་ཙམ་མིན་པ་སྙིང་ནས་དེ་ཡོད་ན། །བ…

རྩི་འདྲེས་པའི་སྤོས་ནི་ཀླུ་ལ་སྤང་། །ཅི་ཡང་མེད་ན་ཤུག་དུད་ཙམ་གྱིས་འོང་། །དང་པོ་ཡིན་གྱི་རྒྱུན་དུ་དགོས་པ་མིན། །ཡེ་ཤེས་པ་ལ་སོ་སོར་གཏོར་ཆོག་ནས། །ཉིན་བར་ཐུན་གསུམ་མཚན་དང་ཐུན་བཞི་བྱེད། །མ་མགོན་ལ་སོགས་གཏོར་ཆོག་རྒྱས་པའི་རིགས། །སྔ་དྲོ་མངོན་རྟོགས་ནས་བཟུང་བསྟོད་པ་ཡན། །ཉིན་གུང་གསོལ་ཁ་དགོང་མོ་བསྐང་གསོལ་དང་། །མཚན་མོ་…

དབུ་ནི་རང་གི་སྙིང་ཐད་སླེབ་པ་ཙམ། །གཙོ་འཁོར་རྒྱན་དང་ཆ་ལུགས་མངོན་རྟོགས་བཞིན། །ཐུགས་ཀར་ཞི་བ་ཡིན་ན་ཟླ་བ་དང་། །དྲག་པོ་ཡིན་ན་ཉི་མའི་གདན་གྱི་སྟེང་། །རང་སྲོག་ས་བོན་མཐའ་མར་སྔགས་ཀྱིས་བསྐོར། །རང་གི་ཐུགས་ལས་འོད་ཟེར་འཕྲོས་པ་ཡིས། །ཁོ་ཡི་ཐུགས་ཀའི་ས་བོན་སྔགས་ལ་ཕོག །དཔེར་ན་རླུང་འཁོར་ལ་ནི་རླུང་ཕོག་བཞིན། །ཕོ་རིགས་གཡས་འ…

ཉུང་ཙམ་ཞིག་བཟླས། །དེ་ནི་བསྙེན་པའི་དམིགས་རིམ་ཡིན་པའོ། །དེ་ཚེ་སྐྱེས་པ་བུད་མེད་ཆས་བཟང་དང་། །སློབ་དཔོན་བཙུན་པ་ཁྲིམས་ལྡན་དཔོན་རིགས་དང་། །དམག་དང་ཁྲོམ་ཚོགས་ངོ་མི་ཤེས་པ་ཡི། །འདུ་འཚོགས་ཟང་ཟིང་བླ་རྟགས་སྲོག་ཆགས་རྨིས། །སྒོ་བརྡུང་ཁང་པ་འཚགས་དང་ཐུག་ཆོམ་དང་། །རླུང་ཐོག་སེར་ཕྲན་ཆར་དྲག་འབྲུག་སྒྲ་འབྱུང་། །དངོས་ཉམས་སེམས…

ཐིམ། །དམིགས་པ་དེ་ཉིད་བསྒོམ་ཞིང་ཞག་གསུམ་བསྙེན། །དེ་ཚོ་སྔར་རྨིས་སྐྱེས་པ་བུད་མེད་ཚོགས། །དེ་འདྲས་གུས་འདུད་ཕྱག་སྐོར་བྱེད་པ་དང་། །དཀར་གསུམ་ཟས་གོས་འབྲུ་དང་རིན་ཆེན་ཚོགས། །དངོས་སུ་བག་དྲོ་བྱིན་ཆགས་རིག་པ་དྭངས། །དེ་ཚེ་སྒྲུབ་པའི་དྲོད་ཚད་གཏན་དུ་ཕེབས། །དེ་ནས་ཞག་གཅིག་ལས་སྦྱོར་བྱ་བ་ནི། །ལྷ་དེ་ཞི་དྲག་གང་ཡིན་དེ་དང་བསྟ…