རླུང་དང་ཡ་མ་འདྲེས་ན་རྟགས་འདི་འོངས། །རླུང་རྟགས་གསེབ་ཏུ་ཡ་མས་འཐེན་སྡོད་བྱེད། །སྦུན་དང་འཆོར་སྡོད་མནན་ན་མི་བཟོད་བས། །ངོ་བོ་རླུང་ཡིན་ཡ་མ་ཁུར་དུ་ཁུར། །མི་ནོར་རྟགས་སུ་མིག་ལ་ལོང་བརྩེ་{བསླང་རྩལ་རྩེའང་}འོང་། །བླ་སྐེད་གཟེར་དང་རླུང་རྩར་ཁྲིད་པ་འོང་། །ཁ་ཅིག་འདི་ལ་མཁལ་རྩའི་ནད་དུ་འཛིན། །སྐམ་དང་ཚ་བས་རླུང་རྩའི་ནང་བཅད…

གཏིང་ན་ཁྲག་ཚད་ཕྱི་རྟགས་རླུང་དུ་སྟོན། །མི་ནོར་རྟགས་སུ་མིག་རྩ་ལྕེ་རྩ་དམར། །གཉིད་ཆེ་ཁ་མི་སྐོམ་པ་དང་ག་འགགས། །སྨན་པ་བླུན་པོས་བད་རླུང་ནད་དུ་འཛིན། །ཚ་བཅུད་སྨན་གྱིས་ཁྲག་རོ་གཏིང་ནས་བསླང་། །རླུང་གཟེར་བཞིན་དུ་གཟེར་ནས་ཁྲག་གིས་འཆི། །བ་ཤ་ཀ་ཡིས་བྱེར་བ་དབུས་སུ་སྡུད། །ཙན་དན་དཀར་པོས་གབ་པ་གཏིང་ནས་སློང་། །ཨུཏྤལ་སྔོན་པོ…

སྦྱར། །བྱིང་ཞིང་འཐིབ་ན་རུ་ཐུང་གཉིས་པོ་གཏར། །བད་ཀན་མཆིན་ཚད་ཁྲག་ཚད་གཏར་བར་བྱ། །ཡང་སྐྱེས་བུ་གཅིག་གི་ལུས་པོ་ལ། །ཆམས་པ་ལས་བྱུང་རིམས་རྒོད་གངས་ལྟར་ཉིལ། །དེ་ལ་སྦྱོར་བ་ཁ་ཟས་བཅུད་ཟོས་པས། །མུན་ལྟར་གཏིབས་པའི་ཚ་བ་ཆར་མུན་འདྲ། །སྨན་པ་བླུན་པོས་རླུང་དང་ཁྲག་ཏུ་འཛིན། །རླུང་བཅོས་བྱས་པས་ཚ་བས་དོན་སྣོད་ཟིན། །གཏར་ཁ་སྔས་པ་བ…

སྐེམ་དང་ཚ་སྨན་སྦྱར། །ཚ་བ་ཁོལ་བུར་ལུས་ནས་གབ་པ་ཡོད། །གྲང་རླུང་སྟོབས་ཀྱིས་མགོ་ལུས་མེད་པར་སྐྲངས། །འདི་ཡི་རྟགས་སུ་རླུང་དང་ཚད་རྟགས་ཚང་། །ཚ་ཆུ་གྲང་ཆུར་བསྒྱུར་བ་གོང་བཞིན་བྱ། །ཡང་ན་སྐྱེས་བུ་གཅིག་གི་ལུས་པོ་ལ། །མཁྲིས་པའི་ནད་ཞུགས་མཁྲིས་པའི་ཚད་པ་རྒྱས། །དེ་ལ་བསིལ་སྨན་བཏང་བས་རླུང་སྐྱེས་པས། །མཁྲིས་པ་དེད་ནས་མཆིན་མཁྲ…

དང་ལྡན། །བླུན་པོ་རྣམས་ཀྱིས་གློ་བའི་ནད་དུ་འདོད། །རྟོག་དཔྱོད་ཅན་གྱིས་སུར་ཡ་ཡིན་ཞེས་ཟེར། །ལེགས་པར་བརྟགས་ན་ནད་རིགས་གསུམ་ཀ་ཚང་། །དེ་ལ་སྲོ་ལོ་རྒུན་འབྲུམ་མ་ནུ་དང་། །གུར་གུམ་སུག་སྨེལ་ཅུ་གང་ཨ་{གསེར་མདོག}རུ་ར། །འབྲུག་རུས་ཙན་དན་{དཀར་པོ}ཏིག་ཏ་བ་ཤ་ཀ །ལེགས་པར་སྦྱར་ལ་སྨན་རྟ་ན་སོ་བསྟུན། །སྙིང་གསང་བསྲེག་དང་གློ་གསང་ག…

གྲང་ཤུམ་བྱེད། །མཁྲིས་པའི་རྟགས་སུ་མིག་ནག་ཤ་མདོག་སེར། །བད་ཀན་རྟགས་སུ་ཁ་ཟས་ངན་པས་གནོད། །དལ་འཐེན་མཁྲང་འབུར་རང་བཞིན་གསུམ་དང་ལྡན། །ཆུ་ལ་མི་འགྱུར་སྟེང་འོག་བར་དང་གསུམ། །རང་བཞིན་ཚང་ན་གུར་གུམ་བ་ཤ་ཀ །ཀ་པེད་དོམ་མཁྲིས་མཚལ་དཀར་ལ་སོགས་པ། །རྩ་བའི་གདམས་པ་ལེའུར་བསྒྲིགས་ལ་ལྟོས། །བཤལ་དང་གཏར་ཀ་མེ་བཙའ་ལ་སོགས་བྱ། །མཚེར་པའ…

ནད་ལས་གྲོལ། །ལྒང་པའི་གནས་སུ་མཁྲིས་པ་གབ་པ་མེད། །ཆུ་རྒྱུས་གསེབ་ཏུ་ཆུ་སེར་ཞུགས་པ་མེད། །རུས་པའི་གསེབ་ཏུ་བད་ཀན་ཞུགས་པ་མེད། །དབང་པོའི་གནས་སུ་དབབ་ནད་ཟེར་དཔྱད། བད་ནད་ཞུགས་པ་མེད། །ངོས་འཛིན་མེད་ན་དེ་ཡི་བཅོས་ཐབས་མེད། །དེ་རྟགས་ལྡན་ན་ལེགས་པར་བརྟགས་བྱས་ཏེ། །ངོ་བོ་གསལ་ན་བཅོས་ཀ་སོ་སོར་བྱ། །ཞེས་གསུངས་པ་རྣམས་ཀྱི་ཉམས་…

གེར་བཀོད་ནས་སློབ་མ་དམ་པ་ལྷ་བཙུན་ཡེ་ཤེས་འོད་ལ་གནང་བ་ནས་རིམ་པར་བརྒྱུད་པ་སྟེ། རྗེ་ཉིད་ཀྱི་ཞལ་ནས། བདག་གི་སྔོན་ཆད་གསོ་དཔྱད་རྒྱུད་ཐོས་པ། །ཀུན་རྡའི་རྒའི། གླིང་དུ་ལྕང་ལོ་ནག་པོ་ཐོས། །ནུབ་ཕྱོགས་དྲང་སྲོང་མེ་བཞི་འཇུག་ལས་སོ། །ཝ་ར་ན་སེར་ཡན་ལག་ཙ་ན་ཀ་ཡི་བཀའ་སོགས། བརྒྱད་པ་དང་། །སྲོ་མ་ར་ཙ་ཕན་པའི་མདོ་དང་ནི། །རིན་ཆེན་ས…

ལ་ཡི་ཚལ་དུ་ལྷ་མོ་ཉིད་དང་{འཕགས་པ་ཡབ་ཡུམ་དང་མཁའ་འགྲོ་གསུམ་གྱིས་དངོས་དང་སྤྲུལ་པ་མཛད་ནས་གསུངས། མཆན།}མཇལ། །ཞུས་ལན་སྐོར་གསུམ་གདམས་ངག་ཁ་འཐོར་དང་། །རྨ་རྩའི་གདམས་ངག་འཆི་མེད་བཅད་འབྱོར་ཐོབ། །བྷནྡྷའི་གླིང་དུ་ལྷ་མོའི་དངོས་གྲུབ་ཐོབ། །ཐང་ལ་འབར་གྱི་ཞིང་ཁམས་གསུམ་པ་དང་། །ངོ་བོ་གསོ་དཔྱད་སྒྲོན་མེ་སྐོར་གསུམ་ཐོས། །ཉི་ཤུ་…

ཟེར་གནད་དང་རྒྱུད་རིགས་དྲུག་ཅུ་ལྔ། །དེ་ལ་སོགས་པའི་གསང་བའི་གདམས་པ་རྣམས། །མ་ནོར་སོ་སོར་བདག་གིས་ཀུན་ཐོས་ནས། །ཌཱཀྐི་རང་བཞིན་མཁའ་སྤྱོད་གནས་སུ་གཤེགས། །བར་ཆད་མི་འབྱུང་གསོལ་བ་བཏབ་ནས་ཀྱང་། །བུ་སློབ་སེམས་ཅན་འགྲོ་བའི་ལུང་བསྟན་གསུངས། །ལུས་སེམས་གདུང་བས་ལྷ་མོའི་གསུང་སྒྲོས་རྣམས། །དད་དང་འདུན་པས་ཡི་གེའི་རིས་སུ་བྲིས། …

བརྒྱུད་འཛིན་དུ་གྱུར་ཅིང་གསོ་དཔྱད་འཛིན་པ་མི་ཕམ་འཇམ་དབྱངས་རྒྱ་མཚོ་ཞེས་བྱ་བས་བདག་ཉིད་ཆེན་པོ་དེ་ལ་གསོལ་བ་བཏབ་ནས་ཆུ་སྟག་རྒྱལ་ཟླའི་ཚེས་སྐོར་ལ་པདྨ་བསམ་གཏན་བདེ་ལྡན་གླིང་ཞེས་པ་རྫོགས་ཆེན་རུ་དམ་གྱི་ཡང་ཁྲོད་རང་གནས་ཀྱི་ཁང་བུར་ཡི་གེར་སྤེལ་བ་དགེ་ལེགས་སུ་གྱུར་ཅིག །མངྒ་ལཾ། ༈ །སྭ་སྟི། བཅུ་ཕྲག་རིག་གནས་མཁའ་ལ་རྒྱུ་སྐར་བ…

བདུད་རྩི་སྙིང་པོའི་རྒྱུད་ཀྱི་འགྲེལ་པ་དྲང་སྲོང་ཞལ་ལུང་ལས་དུམ་བུ་བཞི་པ་ཕྱི་མའི་རྒྱུད་ཀྱི་རྩ་མདོ་ཆུ་མདོའི་ཊཱི་ཀ་བཞུགས་སོ། །

ན་མོ་གུ་རུ་མཉྫུ་ཤྲཱི་བྷེ་ཥ་ཛ་རཱ་ཛཱ་ཡ། ཕྱི་མ་ཕྲིན་ལས་ཀྱི་རྒྱུད་འདི་འཆད་པ་ལ། མཚམས་སྦྱར་བ། གླེང་གཞི་དང་གླེང་སློང་གི་ཚིག་དང་། རྒྱུད་དོན་དངོས་བཤད་པ་དང་གཉིས། དང་པོ་ནི།གོང་དུ་མན་ངག་གི་རྒྱུད་གསུངས་ཚར་བའི་རྗེས་ཐོག་དེ་མ་ཐག་པ་དེ་ནས་སྟོན་པ་བཅོམ་ལྡན་འདས་འཚོ་མཛད་སྨན་གྱི་བླ་བཻཌཱུཪྻ་འོད་ཀྱི་རྒྱལ་པོ་དེས་དགོས་འདོད་འབྱ…

གསང་བར་འདུས་པ་ལས། རྒྱལ་བ་ཐམས་ཅད་ཀྱི་བྱ་བ་གྲུབ་པའི་ཡེ་ཤེས་ཀྱི་བདག་ཉིད་སངས་རྒྱས་དོན་ཡོད་གྲུབ་པའི་ངོ་བོ་ཡིན་པ་ལ། སྐབས་འདིར་སྨན་པའི་རྒྱལ་པོ་ཉིད་ཀྱི་ཕྲིན་ལས་ལས་སྤྲུལ་པའི་སྟོན་པ་དྲང་སྲོང་རིག་པའི་ཡེ་ཤེས་ཞེས་བྱ་བ་ཞིག་ཏུ་སྣང་བར་མཛད་དེ་མདུན་གྱི་བར་སྣང་ལ་བཞུགས་པ་དེ་ལ། གསུང་ལས་སྤྲུལ་པའི་དྲང་སྲོང་ཡིད་ལས་སྐྱེས་ཞེ…

འབྲིང་ཐ་མའི་དོན་དུ་གསུངས་ལགས་ན། ད་ནི་ཕྱི་མའི་རྒྱུད་ལ་ཇི་ལྟར་བསླབ་པར་བགྱི་བ་འཚོ་མཛད་སྨན་པའི་རྒྱལ་པོས་བདག་ཅག་ལ་བཤད་དུ་གསོལ། ཞེས་ཞུས་ཏེ་གླེང་བསླད་བ་ན་སྟོན་པས་བཀའ་སྩལ་པ། གཉིས་པ་རྒྱུད་དོན་དངོས་བཤད་པ་ལ། སྤྱིར་བསྟན་པ་དང་བྱེ་བྲག་ཏུ་བཤད་པ་གཉིས། དང་པོ་ནི། ཀྱཻ་དྲང་སྲོང་ཆེན་པོ་ཡིད་ལས་སྐྱེས། རྒྱུད་བཞིའི་ཐ་མ་ཕྱི་…

ཡང་རྒྱུད་འདིར་བསྟན་པ་ཐམས་ཅད་དབྱེ་བ་བགྲངས་ན་སྟོང་དང་གཉིས་སུ་ཡོད་ཀྱང་། མདོར་བསྡུས་ན་སྨན་དཔྱད་ཟས་སྤྱོད་བཞི་ལ་འདུ་ཞིང་། སྨན་ལ་ཞི་བྱེད་དང་སྦྱོང་བྱེད་གཉིས་དང་། ཞི་བྱེད་ལའང་ཚ་བ་ཞི་བར་བྱེད་པ་བསིལ་སྨན་དང་གྲངས་བ་ཞི་བྱེད་དྲོད་སྨན་གཉིས། སྦྱོང་བྱེད་ཀུན་ལ་སྨན་གྱི་ངོ་བོས་དྲག་སྦྱོང་དང་འཇམ་སྦྱོང་གཉིས་ཏེ་སྨན་ལ་སྤྱིར་…

ཏེ་གསོ་བའི་ཐབས་ལག་ཏུ་ལེན་པ་གསུམ་དུ་འདུ་ལ། །དེ་ལ་བརྟག་ཐབས་རེག་མཐོང་གཉིས་ཀྱིས་ནད་གང་ཡིན་ངོས་བཟུང་། དེ་ལའང་འཁྲུལ་པའི་གཞི་འབྱུང་སྲིད་པས་གནད་ཀྱི་གལ་འགགས་བཞི་ཡིས་དཔྱད་པ་ལ་ནོར་འཁྲུལ་འབྱུང་བའི་དོགས་འཕྲང་བསལ། གསོ་ཚུལ་དགུ་ཡིས་ནད་དང་གཉེན་པོ་མ་འཛོལ་བར་སྤྲད། གསོ་ཐབས་ལག་ལེན་བཅོ་བརྒྱད་ཀྱིས་ནད་ཀྱི་དཔུང་གཞོམ་པ་སྟེ། …

སྨན་པ་གཉིས་ལ་བརྡའ་སྦྱོར་ཞིང་འཕྲིན་པ་བྱེད་པ་ལྟ་བུ་ནི་རྩ་ཡིན་པས་དེ་ལ་བརྟག་པ་ནི་ཤིན་ཏུ་གལ་ཆེ་ཞིང་། དེ་བརྟག་པར་བྱེད་པ་ལ་སྔོན་འགྲོ་ཟས་སྤྱོད་བསླབ་པ་ནས་བླ་རྩ་བརྟག་པའི་བར་གྱིས་སྤྱི་དོན་བཅུ་གསུམ་གྱིས་བསྟན་པ་བཞིན་རྒྱས་པར་བཤད་པ་ལ། དང་པོ་སྔོན་འགྲོ་ཟས་སྤྱོད་ལ་བསླབ་པ་ནི། སང་ཉིན་རྩ་བལྟ་བའི་དེ་རིང་ལྟ་བུ་ནས་ཀྱང་ཤ་ཆང…

བས་རྐྱེན་དེ་དག་སྤང་ནས་དལ་བར་བྱས་ན་རང་བཞིན་ནད་ཁམས་ཀྱི་རྩ་གང་ཡིན་དེ་ཇི་ལྟར་ཡིན་པ་རང་སོ་ན་གསལ་ལོ། །ད་ལྟར་རྩ་གློ་བུར་དུ་བལྟ་བར་བྱེད་ན་ཡང་དེ་དུས་ནད་པ་དབུགས་རང་མལ་ཚུད་པ་ཅན་དུ་བྱ་སྟེ། ངལ་བ་དང་རྒྱུག་པ་སོགས་ཀྱིས་དབུགས་མལ་དུ་མ་ཚུད་པའི་སྐབས་ན་རྩ་ཡང་འཚུབ་པ་འོང་བས་དབུགས་མ་རྒོད་པའི་སྐབས་སུ་བལྟ་བ་དང་། དབུགས་རྒོད་པ…