ཡེ་གདོད་མ་ནས་ཆོས་ཀྱི་སྐུར་བཞུགས་པ་འདི་དང་དབྱེར་མེད་པའི་ལྷ་ཁྱེད་རྣམས་དང་མ་མོཇལ་ཏེ༔ བདག་མེད་པ་ལ་བདག་དང་གཞན་གཉིས་སུ་འཛིན་པའི་འཁྲུལ་པའི་རྟོག་པས་བསྒྲིབས་ཏེ༔ རང་གིས་རང་མ་རིག་པའི་དབང་གིས་བཅས་པ་དང་༔ རང་བཞིན་གྱི་ཁ་ན་མ་ཐོ་བའི་སྡིག་ལྟུང་ཉམས་ཆག་ཏུ་གྱུར་པའི་ལས་ཅི་བགྱིས་པ་ཐམས་ཅད༔ ལྟ་བ་འཁོར་འདས་དབྱེར་མེད་ཆོས་དབྱིང…

དགེ་ལེགས་མཛོད༔ ཧ་ཧ་ཧ་ཧ་ཧོ༔ ཧཱ་བཞི་ནི་ཚད་མེད་པ་བཞིའམ་དགའ་བ་བཞི༔ ཧོནི་དགྱེས་པ༔ བྷ་ག་ཝཱན༔ བཅོམ་ལྡན་འདས་གུ་རུ་བླ་མ༔ སརྦ་ཏུ་ཐཱ་གཱ་དྷྱ༔ དེ་བཞིན་གཤེགས་པ་ཀུན་གྱི༔ མཱ་མེ་མུཉྩ་གུ་རུ་བྷུ་ཝུ༔ བདག་མ་འདོར་བླ་མ་མཛོད༔ མ་ཧཱ་ས་མ་ཡ་ས་ཏྭ་ཨཱ༔ དམ་ཚིག་སེམས་དཔའ་ཆེན་པོ་སྐྱེ་བ་མེད་པའོ༔ སྐབས་འདིར་དྲག་པོར་སྒྲུབ་ཅིང་ཞི་བར་བསྙེན…

བཟླས་པས་ཆོག་གོ༔ དེ་ཡང་ལས་བྱང་འདི་ཁོ་ན་ལ་བརྟེན་ནས་སྒྲུབ་པ་བྱེད་ན༔ དང་པོ་ཆོས་སྐུ་སྣང་བ་མཐའ་ཡས་སྒྲུབ་སྟེ༔ གུར་དྲག་གི་ལས་བྱང་ཚར་རྗེས༔ སྤྱི་གཙུག་ཁྱུང་གི་ར་བར་ནོར་བུའི་ཏོག་གི་རྩེར་སྣང་བ་མཐའ་ཡས་ཀྱི་ཐུགས་ཀར་ཟླ་བའི་སྟེང་དུ་ཧཱིཡིག་དམར་པོ་འགྲེངས་ཏེ་གནས་པའི་མཐར་སྔགས་ཕྲེང་དམར་པོ་གཡས་ཕྱོགས་སུ་འཁོར་བ་དང་༔ འཁོར་སངས…

ཐུན་མཇུག་ཏུ༔ སྣང་བ་མཐའ་ཡས་སངས་རྒྱས་སྟོང་དང་བཅས་པའི་དཔྲལ་བ་ནས་འོད་ཟེར་དཀར་པོ་འཕྲོས༔ རང་གི་དཔྲལ་བར་ཐིམ་སྐུའི་དབང་དང་བྱིན་རླབས་ཐོབ༔ མགྲིན་པ་ནས་འོད་ཟེར་དམར་པོ་འཕྲོས༔ རང་གི་མགྲིན་པར་ཐིམ་གསུང་གི་དབང་དང་བྱིན་རླབས་ཐོབ༔ ཐུགས་ཁ་ནས་འོད་ཟེར་སྔོན་པོ་འཕྲོས༔ རང་གི་སྙིང་ཁར་ཐིམ་ཐུགས་ཀྱི་དབང་དང་བྱིན་རླབས་ཐོབ༔ སྐུའི་ཆ…

འཛིན་ཚེ་ཉིད་བསྒྲུབ་པར་བྱ༔ མཆོག་ཐུན་མོང་རང་དོན་གཞན་དོན་གང་བསྒྲུབས་ཀྱང་༔ རྣལ་འབྱོར་པ་ཚེ་རིང་ན་དོན་འགྲུབ་པས༔ ཚེ་སྒྲུབ་ལ་ནན་ཏན་བྱ་བ་ནི་པདྨ་རྒྱལ་པོ་ང་ཡི་ཐ་ཚིག་གོ༔ ཞེས་གསུངས་པས་སྔགས་འདི་དང་དམིགས་པ་འདི་ལ་ནན་ཏན་བྱ༔ གསང་སྒྲུབ་ནས་གསུངས་པ་ལྟར་སྤྲུལ་སྐུ་འོད་དཔག་མེད་བསྒོམ་ན༔ བདུད་རྩི་ལྷུང་བཟེད་དུ་བསྡུ་བ་མ་གཏོགས་…

བྱའི་སྔགས་གཡས་སུ་འཁོར་བ༔ གྲུ་མོར་གསེར་གྱི་ཌཱ་མ་རུ་བཀལ་བ་ལས་ཧཱུྃ་གི་སྒྲ་རང་གྲག་ཏུ་གྲགས་པས༔ སྟོང་གསུམ་ཐམས་ཅད་ཧཱུྃ་གི་སྒྲ་དི་རི་རི་བསྐལ་པའི་འབྲུག་སྒྲ་ལྟར་གྲགས་པས༔ བླ་མ་སྐུ་གསུམ་རྒྱ་བོད་ཀྱི་རིག་འཛིན་བརྒྱུད་པ་དང་བཅས་པ་ཡི་དམ་རྒྱུད་སྡེ་དྲུག་གི་ལྷ་ཚོགས༔ ལྷ་ཞི་བ་དང་ཁྲོ་བོ་རབ་འབྱམས་སྲིད་ཚད་དང་༔ ཡུལ་ཉི་ཤུ་རྩ་བ…

བྱིན་གྱིས་བརླབས༔ ཐུགས་ཀའི་ཧཱུྃ་ལས་འོད་ཀྱི་ཐིག་ལེ་མཐིང་ཀ་ཧཱུྃ་གིས་མཚན་པ་འཕྲོས༔ རང་གི་ཐུགས་ཀར་ཐིམ༔ ཐུགས་ཀྱི་དབང་བསྐུར་སེམས་ཐུགས་རྡོ་རྗེར་བྱིན་གྱིས་བརླབས༔ ལྟེ་བའི་ཧི༔ལྗང་གུ་ལས་འོད་ཀྱི་ཐིག་ལེ་ལྗང་གུ་ཧཱིས་མཚན་པ་འཕྲོས༔ རང་གི་ལྟེ་བར་ཐིམ༔ ཡོན་ཏན་གྱི་དབང་བསྐུར་སྐུ་གསུམ་དབྱེར་མེད་ངོ་བོ་ཉིད་རྡོ་རྗེར་བྱིན་གྱིས་…

ཡིན་ཏེ༔ ཉི་མ་ཤར་དུས་ཁ་བྱེ་ཞིང་ཟླ་བ་ཤར་དུས་ཁ་ཟླུམ་པ་པདྨའི་རིགས༔ ཟླ་བ་ཤར་དུས་ཁ་བྱེ་ཞིང་༔ ཉི་མ་ཤར་དུས་ཁ་ཟླུམ་པ་ནི༔ ཀུ་མུཏྟའི་རིགས་ཡིན་ནོ༔ དོན་གྱི་དབང་དུ་ནི༔ མེ་ཏོག་པདྨ་ནི་མི་གཙང་ལུད་ཀྱི་ནང་དུ་འཁྲུངས་ན་ཡང་༔ མི་གཙང་བས་མ་གོས་པ་ལྟར༔ ཨོ་རྒྱན་རིན་པོ་ཆེའི་སེམས་ཅན་གྱི་དོན་ལ་འཁོར་བའི་གནས་འདིར་བཞུགས་ཀྱང་འཁོར་བའི…

ཨཱཿའཇུག་པ་མང་ཡང་༔ འདིར་སྩོལ་ཅིག་ཅེས་པར་འགྱུར་བས༔ སྐུ་གསུང་ཐུགས་ཀྱི་རྡོ་རྗེ་སློབ་དཔོན་པདྨ་ཐོད་ཕྲེང་རྩལ་རྡོ་རྗེ་དམ་ཚིག་འདིར་བྱོན་དངོས་གྲུབ་བཟང་པོ་སྩོལ་ཅིག༔ ཅེས་པའོ༔ སྔོན་དུ་གུ་རུ་ཞི་བའི་བསྙེན་པ་མ་སོང་ན༔ འདི་ལ་རབ་བྱེ་བ་འབྲིང་བདུན་འབུམ་ཐ་ན་ཡང་སུམ་འབུམ་ཐེམ་པར་བྱའོ༔ དེ་ནས་ཨ་ཙིག་བསྙེན་ཀྱང་སློང་དང་ཆོ་འཕྲུལ་…

འགྲེངས་ཏེ་གནས་པ༔ གཡས་ཕྱོགས་སུ་དང་པོ་དལ་བུ་རྗེས་ནས་ཇེ་མགྱོགས་སུ་འཁོར་བར་བྷེ་དག་ནི་བསྙེན་པ་ཡིན་ལ༔ སྔགས་ཕྲེང་འཁོར་བཞིན་པ་ལས་འོད་ཟེར་འཕྲོས་པས་རྔ་ཡབ་གླིང་དུ་ཨོ་རྒྱན་རིན་པོ་ཆེའི་ཐུགས་ཀར་ཕོག༔ སྐད་ཅིག་གིས་གུ་རུ་དྲག་པོའི་སྐུར་གྱུར་པ་ལས༔ དེའི་སྐུ་ལས་གུ་རུ་དྲག་པོའི་སྐུ་ཆེ་ཆུང་སྣ་ཚོགས་པ༔ གསུང་སྔགས་ཕྲེང་བྱི་རུའི…

གཙོ་བོའི་ཞལ་དུ་ཞུགས༔ གོ་ཆའི་ལྷ་རྣམས་ཀྱིས་ཀྱང་སྐུ་ལུས་བརྒྱུད་སྦྱོར་མཚམས་ནས་ཐོན༔ རང་གི་སྦྱོར་མཚམས་ནས་ཡར་ཞུགས༔ ཐུགས་ཀར་ཐིམ་དེ་ཡང་དང་པོ་འོད་ཟེར་དང་ཕྱིས་ནས་འོད་ཟེར་སྔགས་ཕྲེང་དུ་བསྒྱུར་ཏེ༔ ཕར་འཕྲོས་དུས་མཆོད་པའི་ཚུལ་དང་ཚུར་འོང་དུས་དངོས་གྲུབ་ཀྱི་ཚུལ་ལོ༔ དེ་ལྟར་ཡབ་ཡུམ་མམ་བདག་མདུན་གྱི་བར་སྔགས་ཕྲེང་ཀྱི་ལི་ལི་འ…

ལ་ཉི་ཟེར་ཕོག་པ་ལྟར་དག་ནས༔ དམྱལ་བ་ཐམས་ཅད་རྡོ་རྗེ་དྲག་པོ༔ ཡི་དྭགས་ཐམས་ཅད་པདྨ་དྲག་པོ༔ དུད་འགྲོ་ཐམས་ཅད་བུདྡྷ་དྲག་པོ༔ ལྷ་དང་མི་གཉིས་རིཏྟ་དྲག་པོ༔ ལྷ་མ་ཡིན་ཀརྨ་དྲག་པོ་རྩལ་གྱི་སྐུ་ཤ་སྟག་ཏུ་གྱུར༔ སྣོད་ཀྱི་འཇིག་རྟེན་ཡང་གདོད་ནས་རྣམ་པར་དག་པའི་གཞལ་ཡས་ཁང་གི་རང་བཞིན་དུ་གྱུར་ཏེ་སེམས་ཅན་ཐམས་ཅད་དྲག་པོ་རིགས་ལྔའི་སྐུར་…

ཀྱང་དེའི་ངང་ལ་ཉལ་ན་འོད་གསལ་ཟིན་པར་བཤད༔ སྔགས་ཨར་ཙིག་ནི༔ ཨར་ཅིག་མ་ཡིན༔ ཨ་ཙིག་ཡིན་ཏེ༔ མཁར་དྲུང་གི་པར་མ་ལ་ཡང་ཨ་ཅིག་ཡོད༔ དྲག་པོ་ཁྲག་འཐུང་རོལ་པའི་རྩ་རྒྱུད་ལས༔ ང་ནི་དུས་གསུམ་སངས་རྒྱས་དང་༔ བདེ་གཤེགས་ཐམས་ཅད་འདུས་པའི་སྐུ༔ སངས་རྒྱས་ཀུན་འདུས་ལྷ་གཅིག་ཡིན༔ སྔགས་ཀྱང་བདེ་གཤེགས་སྤྱི་སྒྲུབ་ལས༔ ང་ལ་སྒོས་སུ་རྡུལ་ཙམ་མེད…

ཡིན༔ ལྷ་སྲིན་འདུས་པའི་གཉའ་གནོན་ཡིན༔ སྡེ་བརྒྱད་འདུས་པའི་སྙིང་གཟེར་ཡིན༔ ཙིག་ཧུ་ཁྲི་ཕྲག་གཅིག་གིས་སྡེ་བརྒྱད་ཐུལ༔ སྟོང་ཕྲག་གཅིག་གིས་དམ་སྲི་ཆོམ༔ བརྒྱ་ཕྲག་གཅིག་གིས་རྒྱལ་བསེན་ཆུན༔ མཆོག་ལ་འབུམ་ལས་མི་དགོས་སོ༔ འབུམ་ཕྲག་ཉི་ཤུ་སོང་བའི་མི༔ རྟོགས་ལྡན་རྣལ་འབྱོར་དབང་ཕྱུག་ཡིན༔ ལྷ་སྲིན་སྡེ་བརྒྱད་དེ་ལ་སྐྱོབས༔ སྲ་བའི་གོ…

འགྱུར༔ ཡོན་ཏན་ཐམས་ཅད་འདི་ལ་ཚང་༔ སྐྱོན་རྣམས་ཐམས་ཅད་འདི་ཡིས་སེལ༔ དངོས་གྲུབ་ཐམས་ཅད་འདི་ལས་འབྱུང་༔ དཔེར་ན་ཡིད་བཞིན་ནོར་བུ་འདྲ༔ ལུས་ལ་བདེ་དྲོད་མེ་ལྟར་འབར༔ མི་ནོར་ཟས་གསུམ་ཆར་ལྟར་འབབ༔ དཔའ་བོ་མཁའ་འགྲོ་སྤྲིན་ལྟར་འདུ༔ ཕྱི་ནང་ཆོས་སྐྱོང་བྲན་ལྟར་ཉན༔ ཕྲིན་ལས་ཅི་སྒྲུབ་ཐོགས་རྡུགས་མེད༔ གང་འདོད་སྔགས་ཀྱི་ཤམ་བུ་བསྒྱུར༔…

པ་དང་མ་བྱོན་པ་དང་ད་ལྟར་གྱི་དུས་གསུམ་གྱི་སངས་རྒྱས་ཕྱོགས་བཅུའི་རྒྱལ་བ་སྲས་བཅས་ཀྱི་སྐུ་ལ་མཉེས་པའི་མཆོད་པ་ཕུལ༔ སྐུའི་བྱིན་རླབས་ཐམས་ཅད་མ་ལུས་པ་ཀུན་འོད་ཟེར་དེས་བསྡུས་ནས༔ འཕགས་པ་འཇམ་དཔལ་གྱི་སྐུ་ལ་ཐིམ་པས་སྐུའི་ནུས་པ་བསྐྱེད་དེ་སངས་རྒྱས་ཐམས་ཅད་ཀྱི་སྐུ་རྡོ་རྗེའི་ངོ་བོར་གྱུར་པར་བསམ༔ ཨོཾ་ཧྲིལླི་ཝི་ཀྲི་ཏཱ་ན་ན་ཧཱུ…

བྱེད་ཀྱི་བསྙེན་པ་ཡང་ཐེམ་པར་འགྱུར་ཞིང་༔ ས་བླ་ས་འོག་ས་སྟེང་གི་སེམས་ཅན་ཐམས་ཅད་ཀྱི་འཁྲུལ་པའི་དྲི་མ་ཐམས་ཅད་སྦྱངས་ནུས་ཏེ༔ རྒྱུད་ལས༔ ཁྱོད་ཀྱི་ཧྲིའི་གསང་སྔགས་གང་༔ ས་གསུམ་པ་ཡི་འཁྲུལ་པ་སེལ༔ ཅེས་གསུངས༔ རང་ཉིད་དྲག་པོའི་མགྲིན་པར་རྟ་མགྲིན་གྱི་ཐུགས་ཀར་པདྨ་དམར་པོའི་ཟེའུ་འབྲུར་ཨཱཿཡིག་དམར་པོ་ལས་འོད་ཟེར་ཕྱོགས་བཅུར་འཕྲ…

ཞུགས་ལ་སྡུག་བསྔལ་ཚར་ཆོད༔ ཅེས་པའོ༔ རྟ་མགྲིན་རྣམ་པར་བཀོད་པའི་མདོ་ལས༔ རྟ་མགྲིན་གྱི་མཚན་དང་སྔགས༔ བྱ་དང་རི་དྭགས་ཀྱི་རྣ་བར་གྲག་ཀྱང་༔ ངན་སོང་གི་སྐྱེ་སྒོ་ཆོད་ནས་ཕྱི་མ་བྱང་ཆུབ་སེམས་དཔའ་འགྲོ་བའི་དོན་བྱེད་ནུས་པར་འགྱུར་བར་གསུངས་ན༔ འདི་ཡི་བསྙེན་པ་བྱས་ན་ཕན་ཡོན་སྨོས་ཅི་དགོས༔ དྲག་པོའི་ཐུགས་ཁའི་ཕྱག་རྡོར་གྱི་ཐུགས་ཀའི…

བདེ་བ་ཅན་དུ་སྐྱེ་བར་གསུངས༔ སྔགས་དེ་བཟླ་ཚེ་ཐུགས་ཀའི་ཧཱུཾ་དེ་ལས་འོད་འཕྲོས་པས༔ འདས་པ་དང་མ་བྱོན་པ་ད་ལྟར་གྱི་དུས་གསུམ་གྱི་སངས་རྒྱས་ཐམས་ཅད་ཀྱི་ཐུགས་ལ་མཉེས་པའི་མཆོད་པ་ཕུལ༔ དེ་རྣམས་ཀྱི་ཐུགས་ཀྱི་ཡེ་ཤེས་དང་མཁྱེན་པ་ཐམས་ཅད་མ་ལུས་པ་ཀུན་འོད་མཐིང་ཀའི་རྣམ་པར་བསྡུས་ནས༔ རང་གི་ཐུགས་ཀའི་ཕྱག་ན་རྡོ་རྗེའི་ཐུགས་ཀར་ཐིམ་པས་ཐ…

ནི་ཚར་གཅོད་པ་སྟེ༔ མཁའ་འགྲོ་སྡེ་ལྔས་སྡུག་བསྔལ་ཚར་ཆོད་བདེ་བར་བསྒྱུར༔ ཞེས་དོན་འགྱུར་རོ༔ ཡཀཱ་མེ་དབལ་གྱི་ཐུགས་ཀའི་ཧཱུཾ་ལས་འོད་ཟེར་ལྗང་ནག་འཕྲོས་པས༔ འདས་པ་དང་མ་བྱོན་པ་དང་ད་ལྟར་གྱི༔ དུས་གསུམ་གྱི་སངས་རྒྱས་དང་ཁྲོ་བོ་ཐམས་ཅད་ལ་འོད་ཟེར་དེས་མཉེས་པའི་མཆོད་པ་ཕུལ༔ དེ་ཐམས་ཅད་མ་ལུས་པ་ཀུན་གྱི་ཕྲིན་ལས་ཀྱི་ནུས་མཐུ་ཐམས་ཅད…