ཀྱང་༔ ཆོས་འདི་མི་ནུབ་འཕེལ་ཞིང་རྒྱས་པ་དང་༔ འདི་ཉིད་ཉམས་སུ་ལེན་པ་ལ་སྡོང་གྲོགས་མེལ་རྩེ་མ་གཡེལ་ཅིག༔ འདི་རྩོམ་བསམ་པ་ཡིད་ལ་མེད་ཀྱང་༔ རིག་འཛིན་ཆེན་པོ་ཀརྨ་འདུལ་བའི་བཀའ་ཡིས་བསྐུལ་བའི་སྟབས་ཀྱིས་བྱུང་བ་སྟེ༔ གུ་དྲག་མེ་རླུང་འཁྱིལ་པ་ཉམས་སུ་ལེན་པའི་ཕྱི་རབས་ཀྱི་དགེ་བཤེས་དང་སྔགས་ཆུང་གསར་བུ་རྣམས་ལ་ལོང་བ་ལ་མིག་བྱིན་པ་…

གུ་རུ་དྲག་པོའི་ལས་བྱང་མེ་རླུང་འཁྱིལ་པའི་ངག་ཁྲིད་ཟིན་བྲིས་བཞུགས་པའི་དབུའོ༔ མ་ཧཱ་ཡོ་གའི་ལུགས་སྤྱིའི་ཐུན་མོང་ངོ་༔

ན་མོ་གུ་རུ་པདྨ་ཀྲོ་དྷ་ཡེ༔ འདིར་གུ་རུ་དྲག་པོ་མེ་རླུང་འཁྱིལ་བའི་ངག་ཁྲིད་ཅུང་ཟད་གཅིག་བཀོད་ན༔ སྤྱིར་གསང་སྔགས་རྙིང་མའི་ལུགས་ལ༔ ལས་བྱང་ཆོ་གའི་རིགས་ཐམས་ཅད་ལ༔ རིགས་བཞིར་ངེས་ཏེ༔ མ་ཧཱ་ཡོ་གའི་ལུགས་ཀྱི་ཆོ་ག༔ ཨ་ནུ་ཡོ་གའི་ལུགས་ཀྱི་ཆོ་ག། ཨ་ཏི་ཡོ་གའི་ལུགས་ཀྱི་ཆོ་ག༔ གསུམ་ཀ་འདྲེས་མའི་ལུགས་ཀྱི་ཆོ་ག་དང་བཞིར་འོང་ངོ་༔ དེ…

བསྐྲད་རྒྱུ་ཡང་ང་བདག་གཟུང་འཛིན་སོགས་སུ་བྱས་ནས༔ དངོས་གཞི་ལྷ་ཡང་སྐད་ཅིག་ལ་གཤིས་སྟོང་ཉིད་ལྟ་བའི་རྩལ་དེ་ཉིད་རྣམ་པ་ལྷའི་སྐུར་སྣང་ཙམ༔ དེ་ལ་སྤྱན་འདྲེན་སོགས་མི་དགོས་རང་སེམས་དེ་ལས་གཞན་དུ་ཡེ་ཤེས་པ་མེད་ཀྱང་༔ དེ་ལྟར་མ་རྟོགས་པའི་རྟོག་པ་སྦྱང་ཕྱིར་སྤྱན་འདྲེན་བྱས་ཀྱང་མི་འགལ༔ མཆོད་པ་ཐམས་ཅད་ཀྱང་དུག་ལྔ་ཡེ་ཤེས་ལྔར་མཆོད་…

ལྔ་དང་ཡེ་ཤེས་ལྔ་བསྐུལ་ཏེ་དུག་ལྔ་འདུལ་བ༔ རྟ་བྲོ་ཡང་དུག་ལྔའི་མགོ་ལ་ཡེ་ཤེས་ལྔས་མནན་པ་སོགས་མདོར་ན་ཉམས་ལེན་རྫོགས་ཆེན་གྱི་དོན་གཅིག་པུ་ལ་དཀྱིལ་འཁོར་ཆོ་གའི་རྣམ་པར་གསུང་པ་སྟེ༔ དཔེར་ན་ཞི་ཁྲོ་དགོངས་པ་རང་གྲོལ་གྱི་ལས་བྱང་འབྲིང་པོ་ལྟ་བུ་ཡིན་པས༔ དེ་འདྲ་བའི་ཆོ་ག་ལ་བསྐྱེད་རིམ་གྱི་དམིགས་པ་རྒྱུ་གུ་ཕྲེང་བྱ་མི་དགོས༔ ལྟ་…

མེ་ཏོག་ཕྲེང་མཛེས་ལྟ་བུ་ཡིན་ནོ༔ དེ་ལྟར་ལུགས་གཉིས་པོ་དེ་དག་ནང་གི་ཏིང་ངེ་འཛིན་ཁོ་ན་གཙོ་ཆེ་བས༔ མངོན་རྟོགས་ངག་ཏུ་མ་བརྗོད་ཀྱང་ཆོག༔ ཏིང་ངེ་འཛིན་གསལ་མ་ཐེབས་ན་ཆོ་ག་བཏོན་ཀྱང་ཚང་བར་མི་འགྱུར་རོ༔ ཨ་ཏི་ལུགས་ལ་རང་གི་ལུས་དམ་ཚིག་སེམས་དཔའ༔ རང་སེམས་ཡེ་ཤེས་སེམས་དཔའ༔ རླུང་འབྱུང་འཇུག་རྡོ་རྗེའི་བཟླས་པ་ཡིན་པས་ཡིན་པ་ལ་ཡིན་པ…

ཡོ་གའི་ལུགས་རཏྣ་ལུགས་ཀྱི་གུ་རུ་ཞི་དྲག་ཕུར་པ༔ ཆོས་དབང་ལུགས་ཀྱི་བཀའ་བརྒྱད་སོགས་ཡིན་ཏེ༔ དེ་ཡང་གསར་རྙིང་བསྲེ་མར་བྱེད་ན་བདེ་དགྱེས་ཕག་མོ་རྒྱལ་བ་རྒྱ་མཚོ་སོགས་ཀྱིས་ཁོག་ཕུབ་ན་དེའི་ནང་མཆོད་བྱིན་རླབས་དང་སྔོན་འགྲོ་སྐྱབས་སེམས་བདག་བསྐྱེད་སྔོན་དུ་བཏང་རྗེས༔ གུ་རུ་ཞི་དྲག་སོགས་འདོན་ན་སྔོན་འགྲོ་མི་དགོས་སོ༔ རྙིང་མ་ཁ་རྐ…

རྐང་གི་གཟར་བུས་ལན་གསུམ་ཕྱར་ལ་བཞག༔ གཏོར་མ་དང་ཕྱི་མཆོད་ཡང་བྱིན་བརླབས་ནས༔ མཆོད་པ་འབྱུང་པོས་བརླམ་དོགས་ཀྱིས༔ གུ་རུ་དྷེ་ཝ་ཌཱཀྐི་ནི་སརྦ་པཱུ་ཙ་ཧོ༔ ཞེས་རྩ་བ་གསུམ་ལ་སྔགས་མཆོད་བྱ༔ དེ་ནས་དཀར་གཏོར་གསེར་སྐྱེམས་གཉིས་མཆོད་གཡོག་པས་བཟུང་སྟེ་བསྔོས་ཏེ་ཕུལ༔ བགེགས་གཏོར་ཡང་དེ་བཞིན་བསྔོས་ལ་ཕུལ་ལོ༔ ༈ འདིར་མ་ཧཱ་ཡོ་གའི་ལུགས་ཀ…

ཡིན་པས་སོ༔ དེ་ལ་འབྲུ་འགྲེལ་དང་བཤད་པའི་ན་ཡམ་མང་ན་ཡི་གེ་མང་ལ༔ ལག་ཐོག་ཏུ་ཉམས་སུ་མི་ལོན་པ་ཞིག་འབྱུང་བས་འདིར་བསྒོམ་བྱ་རགས་རིམ་ཙམ་བརྗོད་ཀྱི༔ ཕལ་ཆེར་གཞུང་ཉིད་ནས་འདོན་སྒོམ་གསལ་ཕྱིར༔ གསལ་པོ་རྣམས་མི་བཀྲོལ༔ ཅུང་ཟད་གོ་དཀའ་བ་རྣམས་བཤད་དོ༔ ༈ དེ་ལ་ཧཱུྃ་ཞེས་བརྗོད་པ་ཙམ་གྱིས་རང་ཉིད་དྲག་པོ་དཔའ་གཅིག་གམ་ཀརྨ་དྲག་པོ་རྩལ་དུ…

རྩིབས་བྱེ་བ་བརྒྱ་སྟོང་ཞྭ་ཐེབས་ཁ་སྦྱོར་ལྟ་བུའམ༔ འཁོར་ལོ་ཆུང་ངུ་མང་པོ་སོ་འཐབ་འཁོར་བའི་གུར༔ དེ་རྒྱབ་རལ་གྲི་སོ་འཐབ་གུར༔ དེ་རྒྱབ་སྣ་ཚོགས་རྡོ་རྗེ་ཁ་གདེངས་བ་རྩེ་འཐབ་འཁོར་བ་མང་པོའི་གུར༔ དེ་རྒྱབ་ཕུར་པ་སོ་ཕྱིར་བསྟན་གུར༔ དེ་རྒྱབ་མེ་རི་ཁ་དོག་ལྔ་ལྡན་གྱི་གུར་ཟླུམ་པོ་སྒོ་ང་ལྟ་བུ་རླུང་ཡང་མི་ཐར་བ༔ གུར་དེ་དག་གི་བར་མཚ…

པའི་དཀྱིལ་འཁོར༔ འོག་མིན་ཆོས་ཀྱི་དབྱིངས༔ ཡུལ་ཉེར་བཞི་སོགས་ནས་རྩ་བ་གསུམ་གྱི་ལྷ་ཚོགས་ཐམས་ཅད་རོལ་མོའི་སྒྲ་དང་སྤོས་ཀྱི་དྲི་ངད༔ དར་གྱི་ན་བཟའ་ལྷབ་ལྷུབ་སོགས་ནམ་མཁའ་གང་བར་བྱོན་ནས༔ རྣལ་འབྱོར་པ་རྣམས་དང་སྒྲུབ་རྫས་གནས་ཁང་མཆོད་གཏོར་ཐམས་ཅད་བྱིན་བརླབས་ཏེ༔ གནས་ནི་ཨོ་རྒྱན་གྱི་ཡུལ༔ གནས་ཁང་གཞལ་ཡས་ཁང་༔ གྲོགས་དཔའ་བོ་ཌཱཀྐ…

རྒྱས་རྣམས་ཀྱི་ཐུགས་ཀ་དང་སྦྱོར་མཚམས་ནས་བདུད་རྩི་བྱང་སེམས་ཀྱི་རྒྱུན་སྤྱན་དྲངས་ནས་ཐིམ་པས་ཡེ་ཤེས་ཀྱི་བདུད་རྩི་ཁ་དོག་ཤེལ་འདྲ་བ༔ རོ་སྦྲང་རྩི་འདྲ་བ༔ ཟག་མེད་ཀྱི་བདེ་བ་བསྐྱེད་པའི་ནུས་པ་ཅན་དང་༔ བྷནྡྷའི་སྣོད་སྟོང་གསུམ་ཙམ་གྱི་ནང་དུ་གཏོར་མ་ཡེ་ཤེས་བདུད་རྩིའི་རྒྱ་མཚོ་རོ་བརྒྱ་ནུས་པ་སྟོང་དང་ལྡན་པ་ཁ་དོག་དྲི་རོ་ནུས་པ་…

རྗེས་སུ་བྱུང་བ་ནི་གལ་སྨན་རཀ་ཆེ་བའི་དབང་དུའོ༔ དེ་ནས་གསར་མ་ལ་རྡོར་སེམས་སྒོམ་བཟླས་འབྱུང་བའི་དོད་པོ་ལ༔ འདིར་བཤགས་པ་བྱ་བ་ནི་དམ་ཚིག་ཉམས་ཆག་ཡོད་པས་བསྒྲུབ་ཀྱང་མི་འགྲུབ་པའི་ཕྱིར༔ ཉམས་ཆག་མ་ཚོར་བ་ཡང་བྱུང་དགོས་པས་བཤགས་ཚིག་གོ་སླ༔ དེ་ནས་གསར་མ་ལ་ཚད་མེད་བཞི་བསྒོམ་པའི་དོད་དང་མཚུངས་པར་ཏིང་ངེ་འཛིན་རྣམ་གསུམ་བསྒོམ་སྟེ༔ …

མ་འདས་པའི་ཕྱིར་རྒྱུའི་ས་བོན་ཧཱུྃ་བསྒོམ་པ་རྒྱུའི་ཏིང་ངེ་འཛིན་ཏེ༔ ཏིང་འཛིན་འདི་གསུམ་ལ་ཁྲིད་ཐམས་ཅད་ཀྱི་སྙིང་པོ་ཟབ་ཆོས་ཐམས་ཅད་ཀྱི་རྩ་བ་ཏིང་ངེ་འཛིན་ཐམས་ཅད་ཀྱི་སྤྱི་སྡོམ་ཆེན་པོ་ཡོད་པས་གོ་ཞིང་ཉམས་སུ་ཅི་ལོན་བྱ་བ་གལ་ཆེ༔ དེ་ནས་གསར་མ་བས་སྲ་བྷ་དང་ཤུ་ནྱ་ཏཱས་སྣོད་བཅུད་སྟོང་པར་སྦྱང་བའི་དོད་པོ༔ འདིར་ཧཱུྃ་ལས་རཾ་ཡཾ་ཁ…

རྩིག་པ་རིམ་པ་དྲུག༔ ལྷ་བརྒྱད་ཀ་བ་སོགས་ཁྲོ་བོའི་དཀྱིལ་འཁོར༔ དུར་ཁྲོད་བརྒྱད་སྤྱི་ལྟར་ལས་གྲུབ་ཐོབ་བརྒྱད་ནི་བཀའ་བརྒྱུད་ཀྱི་རིག་འཛིན་བརྒྱད་བསྒོམ༔ མེ་རིའི་ཕྱི་རོལ་དུ་རིན་པོ་ཆེའི་བྲག་རི་ཁྲ་བོས་བསྐོར་བར་བྷེ༔ དཀྱིལ་འཁོར་དབུས་སུ་པད་ཉི་རོ་གདན་ན་བཀའ་བརྒྱད་སོགས་ལ་བྱོལ་སོང་གཙོ་བརྒྱད༔ ཞི་བའི་རིགས་ལ་པད་ཉི་སོགས་བསྒོམ…

བསྐྱེད་རྒྱུ་ཡིན་ལ༔ རཏྣ་ལུགས་ལ་སྤྱི་བོར་ཨོ་རྒྱན་སྤྲུལ་སྐུ༔ དེ་གནས་འགྱུར་གསང་འདུས་ཡབ་ཡུམ༔ རང་རྟ་མགྲིན་གྱི་ཐུགས་ཀར་བུདྡྷ་ཐོད་ཕྲེང་༔ དེ་རྒྱབ་སྐུ་བཞི་དང་མཚན་བརྒྱད༔ དེ་རྒྱབ་གིང་བཅུ་དྲུག་སྟེ་ཁྱད་པར་ཆེའོ༔ གུར་དྲག་གི་འཁོར་ལྷ་རྣམས་ཐུགས་ཀ་ནས་སམ༔ སྦྱོར་མཚམས་ནས་སྤྲོས་ཏེ་གདན་སོ་སོར་བཞག་དགོས་ཏེ༔ ཡབ་ཡུམ་གསལ་བའི་ཐུག…

ཤར་སྒོའི་དྲུང་དུ་འཁོད་ནས་མཆོད་བསྟོད་བྱེད་པའི་ལུགས་རྣམས་གསར་མ་སྟེ༔ འདིར་དེ་རྣམས་ལ་ཡིན༔ འོན་ཀྱང་དེ་དང་ཆ་འདྲ་བར་རྙིང་མ་ལ་ཡང་རེ་རེ་ཙམ་འོང་༔ རྙིང་མ་རང་ལུགས་མངོན་རྟོགས་ཚར་གཅིག་གིས་བདག་མདུན་བུམ་གསུམ་གཏོར་མ་ལྷར་བསྐྱེད་པ་དང་དུས་བཞི་དུས་གཅིག་ལ་བསྐྱེད་པ་ཡིན༔ སྤྱན་འདྲེན་ཡང་དུས་གཅིག་བྱ་བའོ༔ ཡང་བསྡུས་པ་དཀྱིལ་འཁོར…

ལ༔ བདག་སྐྱོབ་ལྷ་དང་རིག་འཛིན་ལྷ༔ ཞེས་སོགས་གསུངས་པའི་དོན་ཏེ་དོན་འདི་དག་གནད་ཆེན་པོ་ཕལ་གྱིས་རྟོགས་དཀའ་བ་ཡིན་ནོ༔ དགོས་ཆེད་ཅི་ཞེ་ན། བདག་མདུན་སྔགས་འཁོར་དུས་བར་དུ་རྡོ་ར་མེ་རིས་མི་ཆོད་པའི་གནད་ཡོད་དོ༔ དེ་ནས་དྲག་པོ་ལ་གོ་ཆའི་ལྷ་བྷེ་ཞོར་དབང་བསྐུར་སོང་སྟེ༔ བདག་ལ་དབང་བསྐུར་བྱིན་གྱིས་རློབས༔ ཞེས་སོགས་ཀྱིས་ལན་གསུམ་བྱ…

གསོལ་བརྗོད་པས་དམ་ཚིག་པ་ལ་དབྱེར་མེད་དུ་ཐིམ་ནས་བཞུགས་པར་དམིགས༔ དེ་ནས་ཕྱག་འཚལ་བ་བདག་གིས་མདུན་ལ་ཨ་ཏི་པཱུ་ཧོ་ཞེས་འཚལ་བས༔ མདུན་བསྐྱེད་ཀྱིས་པྲ་ཏི་ཛ་ཧོ༔ཞེས་ཕྱག་ལེན་མཛད་པར་བསྒོམ་པ་ཡང་མོད་ཀྱི༔ འདིར་རང་གི་ཐུགས་ཀ་ནས་སྤྲུལ་པའི་མཆོད་པའི་ལྷ་མོ་གྲངས་མེད་དཔག་ཏུ་མེད་པ་སྤྲུལ་ཏེ༔ བདག་མདུན་བུམ་པ་གཏོར་མའི་ལྷ་ཚོགས་ཐམས་ཅད་…

གཞུང་བཅོས་པ་འཕང་བས་སོ༔ རྒྱས་པར་སྤྲོ་ན་སྨན་མཆོད་མཚན་དོན་སྦྱར་གསུངས་པ་ལྟར་སྦྱར་ན་རུང་སྟེ༔ ཆོས་སྐུ་སྣང་བ་མཐའ་ཡས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ལོངས་སྐུ་ཐུགས་རྗེ་ཆེན་པོའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ སྤྲུལ་སྐུ་པདྨ་འབྱུང་གནས་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ མཁའ་འགྲོ་ཡེ་ཤེས་མཚོ་རྒྱལ་ཞལ་དུ་ས…