བཞི་དེ་ལ་ཚང་། །ཁ་སྣ་གསང་བཤང་སྒོ་བཞི་སྟེ། །པགས་པ་རྡོ་རྗེའི་རྭ་བ་གུར། །བ་སྤུ་མེ་དཔུང་ཕྱོགས་ཀུན་ཁྱབ། །སྙིང་ནི་པདྨ་འདབ་བརྒྱད་དེ། །བྱང་སེམས་དཀར་དམར་ཉི་ཟླའི་གདན། །རྩ་འཁོར་རྣམས་ནི་འཁོར་གྱི་གདན། །།ཕུང་པོ་ལྔ་ནི་དྲག་པོ་ལྔ། །ཁམས་ལྔ་དེ་ཡི་ཡུམ་ལྔ་སྟེ། །གནས་ལྔའི་རྩ་མདུད་ཐིག་ལེ་ལྔ། །གོ་ཆ་ལྷ་ལྔའི་ངོ་བོ་ཡིན། །རྐང་ལག…

གཟུགས་སུ་བསྒོམ་མི་དགོས། །ལྕེ་རྐན་སྦྱོར་བས་བརྗོད་མི་དགོས། །ཕྲེང་བ་བྲལ་བའི་བཟླས་པ་སྟེ། །ཞག་གཅིག་ཉི་ཁྲི་གཅིག་སྟོང་དང་། །དྲུག་བརྒྱའི་གྲངས་དང་མཉམ་པ་ཡི། །སྔགས་ཀྱི་བཟླས་པ་ཐེམ་པར་འགྱུར། །ཚེ་ཡི་བར་ཆད་སེལ་བ་དང་། །རྩོལ་བ་མི་དགོས་ཡི་དམ་འགྲུབ། །འབྲུ་གསུམ་རྡོ་རྗེའི་བཟླས་པ་འདི། །གསར་རྙིང་རྒྱུད་སྡེ་ཀུན་ནས་གསུངས། །ད…

དབུ་མ་མཐིང་གསལ་ཆོས་སྐུ་མཚོན། །གཡས་སུ་རོ་མ་དམར་པོ་སྟེ། །ལོངས་སྤྱོད་རྫོགས་སྐུའི་ངོ་བོ་ཉིད། །གཡོན་དུ་རྐྱང་མ་དཀར་པོ་སྟེ། །སྤྲུལ་པའི་སྐུ་ཡི་ངོ་བོ་ཉིད། །དེ་ལྟར་རྩ་གསུམ་སྒོམ་པ་དེས། །བདེ་གསལ་མི་རྟོག་ཉམས་གསུམ་སྐྱེ། །སྤྱི་བོ་བདེ་ཆེན་འཁོར་ལོ་རུ། །རྩ་འདབ་སུམ་ཅུ་སོ་གཉིས་དཀར། །ཅུང་ཟད་སྒྲུབ་པ་གདུགས་ལྟ་བུ། །རྩ་མདུད…

འགྲོ་དཀར་མོ་བཅུ་དྲུག་བསྒོམ། །གཡས་ཕྱོགས་སེར་མོ་བཅུ་དྲུག་སྟེ། །རྒྱབ་ཕྱོགས་དམར་མོ་བཅུ་དྲུག་དང་། །གཡོན་ཕྱོགས་ལྗང་མོ་བཅུ་དྲུག་སྟེ། །ཀུན་ཀྱང་རང་རྟགས་གྲི་ཐོད་ཅན། །ཀུན་ཀྱང་ཞལ་ནི་གཙོ་མོར་གཟིགས། །གསང་གནས་རྩ་འདབ་ཉི་ཤུ་བརྒྱད། །རྩ་འདབ་འཕྲད་བསྟན་འཁོར་ལོའི་དབྱིབས། །རྩ་མདུད་དབུས་སུ་མེ་དབལ་ཉིད། །རྩ་འདབ་མེ་དབལ་ཉི་ཤུ་…

དང་། །ཐུགས་ཀར་གཤིན་རྗེ་གཤེད་པོར་བསྒོམ། །ལྟེ་བའི་གོང་དུ་བདུད་རྩི་འཁྱིལ། །ལྟེ་བར་མི་གཡོ་མགོན་པོ་དང་། །དེ་བཞིན་བརླ་གཡས་འདོད་པའི་རྒྱལ། །བརླ་གཡོན་ཁམས་གསུམ་རྣམ་པར་རྒྱལ། །གསང་བའི་གནས་སུ་སྟོབས་པོ་ཆེ། །ཐམས་ཅད་མཐིང་ནག་ཞལ་གཅིག་པ། །ཕྱག་གཉིས་གཡས་པས་ཐོ་བ་དང་། །གཡོན་པས་ལྕགས་ཀྱུ་འཛིན་པར་བསྒོམ། །ཟློག་པ་ལ་སོགས་དྲག་ལས…

ལྟར་འཁྱིལ་བ་ལས། །རྒྱ་སྐད་ཀུཎྜ་ལཱི་ཞེས་པ། །བོད་སྐད་འཁྱིལ་པ་ཞེས་བྱའོ། །ཞེ་སྡང་གཤིན་རྗེ་ལྟ་བུའོ། །གནོད་སེམས་མཚོན་ཆ་ཅི་བཏབ་ཀྱང་། །བཟོད་པའི་གོ་ཆ་ལྡན་པ་ལ། །གནོད་པར་མི་ནུས་བྱང་ཆུབ་གྲོགས། །ཞེ་སྡང་འཇོམས་པའི་གཤེད་མ་སྟེ། །རྒྱ་སྐད་ཡ་མཱན་ཏ་ཀ་ལ། །བོད་སྐད་གཤིན་རྗེའི་གཤེད་དུ་འཇུག །བརྩོན་འགྲུས་མྱུར་མགྱོགས་རྟ་མཆོག་སྟ…

དབྱུག་པ་སྔོན་པོ་ཞིག །གྱེན་དུ་བསླང་བ་ཅི་བཞིན་དུ། །ཡ་ཡོ་ཀྱག་ཀྱོག་མེད་པ་རུ། །བྱང་ཆུབ་ལམ་ལ་ཏ་ལེར་འགྲོ། །རྒྱ་སྐད་ནི་ལན་ཏན་སྟེ། །བོད་སྐད་དབྱུག་པ་སྔོན་པོ་ཡིན། །སྟོབས་ཀྱི་ཕ་རོལ་ཕྱིན་པ་ནི། །ས་བརྒྱད་ཐོབ་དུས་ཕལ་ཆེར་རྫོགས། །ས་བཅུ་ཡན་ནས་སྟོབས་བཅུ་རྫོགས། །སྟོབས་ནི་ཆེན་པོ་བསམ་མི་ཁྱབ། །རྒྱ་སྐད་མ་ཧཱ་བ་ལ་སྟེ། །བོད་སྐ…

གྲགས། །འོན་ཀྱང་སོ་སོར་ངོས་འཛིན་ནི། །གསལ་བར་བཤད་པར་མ་མཐོང་ཡང་། །འཕྲལ་དུ་ཉམས་ལ་ཤར་ནས་སྨྲས། །རྣལ་འབྱོར་ཉམས་ལ་ཅི་ཡང་ཤར། །འགལ་བར་གྱུར་ན་མཐོལ་ཞིང་བཤགས། །མདོ་ལུགས་ཕ་རོལ་ཕྱིན་བཅུ་ལ། །སྐུ་མདོག་ཕྱག་མཚན་མེད་ན་ཡང་། །གསང་སྔགས་རྣམ་པ་ལམ་བྱེད་པས། །ཁྲོ་བཅུའི་སྐུ་རུ་བསྒོམ་པ་དེས། །ཕ་རོལ་ཕྱིན་བཅུ་ཐོབ་པར་འགྱུར། །དཔེར་ན་…

རླུང་གསུམ་སྦྱངས་བ་སྟེ། །ན་སོ་གཞོན་ཞིང་ནད་མེད་པས། །བརྩོན་འགྲུས་དྲག་པོས་ཉམས་བླངས་ན། །ལམ་རྟགས་ཡོན་ཏན་མྱུར་དུ་འཆར། །རླུང་ནི་གཡས་གསུམ་གཡོན་ནས་གསུམ། །མཉམ་དུ་གསུམ་བཏང་ལན་དགུར་བུས། །སྣ་རྩེ་སོར་ནི་བཅུ་གཉིས་ནས། །རླུང་ནི་ཁ་དོག་ལྔ་ལྡན་པ། །འོད་ཀྱི་སྟོང་སྐུད་ལྟ་བུ་རུ། །བྱུང་ནས་ལུས་ཀྱི་ནང་ཞུགས་བསྒོམ། །དལ་བུས་རྡུབ་…

བབས། །ཐིག་ལེ་རྣམས་ལ་དེ་ཕོག་པས། །ལུས་ཀྱི་ལྷ་རྣམས་སྔར་བཞིན་དུ། །སྐད་ཅིག་ཉིད་ལ་གསལ་བཏབ་སྟེ། །སྔར་ལས་བཀྲག་མདངས་གཟི་བརྗིད་ནི། །དགུ་འགྱུར་ཙམ་གྱི་ཆེ་བར་བསམ། །དེ་ནས་མེ་ཡིས་ལུས་ཀུན་གང་། །ནད་གདོན་སྡིག་སྒྲིབ་ཉམས་ཆག་དང་། །མ་དག་རྣམ་སྨིན་ཤ་ཁྲག་ལུས། །བསྲེགས་ནས་ཡེ་ཤེས་མཆོག་གི་ལུས། །དྲག་པོ་དངོས་ཀྱི་སྐུར་གྱུར་བསམ།་།ད…

ནོ། །ལས་བྱང་མངོན་རྟོགས་འདོན་མི་དགོས། །མཚམས་ནི་བསྡམས་རུང་མ་བསྡམ་རུང་། །རང་སེམས་ངོ་བོ་སྐྱོང་བ་སྟེ། །རྣམ་རྟོག་བསྒོམ་དུ་ཤར་བའི་ཚེ། །བསྐྱེད་རྫོགས་ཟུང་འཇུག་བསྒོམ་པ་ནི། །ཉམས་ལེན་སྟོང་པ་ཉིད་ཀྱི་གཤིས། །དེ་དང་མ་བྲལ་བ་ཡི་ངང་། །མཁའ་ལ་འཇའ་ཚོན་ཤར་བ་ལྟར། །དྲན་རྫོགས་དྲག་པོའི་དཀྱིལ་འཁོར་བསྒོམ། །ཕྱི་རོལ་སྣོད་ཀྱི་འཇིག…

ངག་མཚམས་ཤོར་བའི་སྐྱོན་མི་འབྱུང་། །བདག་བསྐྱེད་དཀྱིལ་འཁོར་འཛམ་གླིང་ཁྱབ། །བདག་བསྐྱེད་གུར་དྲག་རི་རབ་ཙམ། །བསྒོམས་པས་ལྷོ་ནུབ་རྔ་ཡབ་གླིང་། །མདུན་བསྐྱེད་དཀྱིལ་འཁོར་ལྷུན་གྱིས་གྲུབ། །དེ་རུ་བཞུགས་པའི་ཨོ་རྒྱན་དངོས། །མདུན་དེར་དྲག་པོའི་སྐུ་རུ་བསྒོམ། །འཁོར་རྣམས་མདུན་དུ་དྲག་པོའི་འཁོར། །གལ་ཏེ་ལས་བྱང་འདོན་ན་ཡང་། །མཆོ…

ཐོག་རྣམས། །ཆེ་ཞིང་རོ་མཆོག་བརྒྱད་དང་ལྡན། །བྱ་རིགས་སྐད་སྙན་འབྲུག་སྒྲ་འཇིག །དེ་དག་ཕྱི་ཡི་མཆོད་པར་དམིགས། །སྟོང་གསུམ་འཇིག་རྟེན་ཁམས་འདི་ན། །ཁྱི་ནག་རྟ་ནག་ཟ་ལེ་འབྲི། །ཌཱ་ཀིའི་མཚན་ལྡན་ན་ཆུང་ཚོགས། །དེ་སོགས་བསྐང་བའི་རྫས་རྣམས་ཀྱང་། །འཇིག་རྟེན་ཁམས་སུ་ཡོད་རྣམས་འབུལ། །ཆེད་དུ་རྩོལ་བསྒྲུབ་དགོས་པ་མིན། །རྗེས་ཆོག་གཤེགས…

སྤྱོད་པ་སྟེ། །དོན་ལ་འདུ་ཤེས་གསུམ་པར་འཇུག །རྟོགས་པ་མཐོན་པོའི་སྤྱོད་པ་ཡིན། །རྒྱུན་དུ་དེ་ཡི་ངང་དུ་གནས། །འཆི་དུས་ཐིག་ལེ་དཀར་དམར་གཉིས། །སྙིང་ཁར་འཕྲད་དུས་ནག་ལམ་འཆར། །དེ་ཚེ་ཡི་དམ་ལྷ་ཡི་སྐུ། །ཝལ་ཙམ་འཆར་བས་རྐྱེན་བྱས་ཏེ། །སྔར་གྱི་བསྐྱེད་རྫོགས་ཟུང་འཇུག་དེ། །དྲན་ནས་དེ་ཡི་ངང་ལ་གནས། །ལུས་སེམས་བྲལ་བར་གྱུར་ནས་ཀྱང་།…

ཉམས་ལེན་མདོ་ཙམ་བཤད་ཟིན་ཏེ། །གོ་རིམ་དང་པོ་གསར་བུ་ཡི། །སྤྲོས་པར་དགའ་ཞིང་སྤྲོས་པ་ལྕོགས། །དེ་ཕྱིར་དཀྱིལ་འཁོར་ལ་སོགས་པ། །མ་ཧཱ་ཡོ་ག་ཉམས་སུ་བླངས། །དེ་ནས་ན་སོ་ཁོད་ལ་ཕྱིན། །རྩ་རླུང་དར་ལ་བབས་པའི་དུས། །ལུས་དཀྱིལ་ཨ་ནུ་ཡོ་ག་བསྒོམ། །རླུང་ལ་འབད་པས་རྟགས་མྱུར་ཐོན། །དེ་ནས་རྒས་ཤིང་འཁོག་པའི་དུས། །ལྟ་སྒོམ་སྤྱོད་པའི་དོན་…

ཕྱི་ནང་གསང་བའི་དཀོན་མཆོག་གསུམ། །ཐམས་ཅད་དེ་ལ་འདུས་པར་བསྒོམ། །ཐུགས་ནི་སངས་རྒྱས་ཀུན་འདུས་ཡིན། །གསུང་ནི་དམ་ཆོས་ཀུན་འདུས་ཡིན། །སྐུ་ནི་དགེ་འདུན་ཀུན་འདུས་ཡིན། །སྐུ་ནི་བླ་མ་ཀུན་འདུས་ཡིན། །གསུང་ནི་ཡི་དམ་ཀུན་འདུས་ཡིན། །ཐུགས་ནི་མཁའ་འགྲོ་ཀུན་འདུས་ཡིན། །ཡོན་ཏན་ནོར་ལྷ་ཀུན་འདུས་ཡིན། །ཕྲིན་ལས་ཆོས་སྐྱོང་ཀུན་འདུས་ཡིན…

འདོན་ཀྱང་རུང་། །དེ་འོག་བྱ་ཁྱུང་དཀར་པོ་འདི། །སྐུ་ཡི་རིགས་ཀྱི་ཁྱུང་ཡིན་ཏེ། །ཅུང་ཞིག་ཁྱུང་གི་ཞི་བ་ཡིན། །ཁྱུང་དམར་གསུང་དང་ཁྱུང་ནག་ཐུགས། །ཁྱུང་སེར་ཡོན་ཏན་ཁྱུང་ལྗང་ནི། །ཕྲིན་ལས་ཁྱུང་ཡིན་ཁྱུང་ཁྲ་ཡིན། །ཡེ་ཤེས་མཆོག་གི་ཁྱུང་དུ་བཤད། །དྲུག་པོ་གང་འདོད་བསྒོམས་པས་ཆོག །ཁྱུང་དཀར་འཇམ་ཞིང་ཁྱུང་དམར་རྣོ། །ཁྱུང་ནག་ལྡིང་ཆ…

རྟེན་དུ། །གཙུག་ཏོར་འོད་ཟེར་འབྱུང་གནས་ཞེས། །མངོན་པར་སངས་རྒྱས་ལུང་ཡང་བསྟན། །དེ་འོག་དབུ་སྐྲའི་གསེབ་ཏུ་ནི། །ཞི་བ་ཐོད་ཕྲེང་རྩལ་བསྒོམ་པ། །དྲག་པོའི་གོང་གནོན་ཚུལ་དུ་ཡིན། །བསྙེན་སྒྲུབ་དུས་སུ་གཞུང་ལྟར་ཏེ། །དྲག་ལས་ལ་སོགས་བྱེད་པའི་དུས། །སྣང་བ་མཐའ་ཡས་འཁོར་ལ་ཡང་། །རིགས་བཞི་སངས་རྒྱས་བསྒོམ་པ་སྟེ། །རྣམ་སྣང་ནུབ་ཏུ་བས…

ཁྲི་སྲོང་ལྡེའུ་བཙན་ལ་ཐོད་ཅན། །ས་གནོན་མཉམ་བཞག་རྒྱལ་པོའི་ཆས། །ཕྱག་ན་རྡོ་རྗེ་གོས་སྔོན་ཅན། །ཞལ་གསུམ་ཕྱག་དྲུག་འཁོར་ཆེན་ལྟར། །ཡང་ན་ཕྱག་ས་བསྒོམ་ཡང་རུང་། །དེ་བཞིན་ཡཀཱ་མེ་དབལ་ཡང་། །ཞལ་གསུམ་ཕྱག་དྲུག་གཏེར་གོང་ལྟར། །ཡང་ན་ཕྱག་གཉིས་བསྒོམ་ཡང་རུང་། །རྟ་མགྲིན་ཞལ་གསུམ་ཕྱག་དྲུག་པ། །གསང་འདུས་ལྟར་དུ་བསྒོམ་པའམ། །ཡང་ན་ཞལ་…

མ་འདུས་པ་ནི་གཅིག་ཀྱང་མེད། །སོ་སོར་བརྗོད་ཀྱིས་ག་ལ་ལོངས། །མཚན་བརྗོད་ཚིག་འབྲུ་རེ་རེ་ལའང་།་།ལྷ་གྲངས་གཉིས་རེ་གསུམ་རེ་འདུག །དེ་དག་ཐམས་ཅད་འདི་ལ་འདུས་། །ཁྱད་པར་འཇམ་དཔལ་སྐུ་བསྒྲུབ་སྔགས། །མཉྫ་ཤྲཱི་ཡེ་ཞེས་པ་ནི། །འཇམ་དཔལ་ཞི་བའི་སྔགས་ཡིན་ལ། །ཡ་མཱན་ཏ་ཀ་ཁྲོས་པའི་སྔགས། །ཞི་ཁྲོ་གཉིས་ཀ་འདི་ལ་ཚང་། །དེ་ཕྱིར་ཞི་བ་བསྙེན་…