འཁོར་བ་མཐའ་མེད་དུ་འཁྱམས་པའི་སེམས་ཅན་ཐམས་ཅད་སྙིང་རེ་རྗེ་བསམས་པ་བྱས་ལ༔ དྷརྨ་དྷཱ་ཏུ་སྭ་བྷ་ཝ་ཤུདྡྷོཉཧཾ༔ ཆོས་ཀྱི་དབྱིངས་རང་བཞིན་གྱིས་དག་པའོ༔ གསུམ་པ་རྒྱུ་ཡི་ཏིང་ངེ་འཛིན་ནི༔ རྒྱུ་ཡི་ཡི་གེ་ཧེ་རུ་ཀའི་ས་བོན་ཧཱུྃ་ཡིན་པས་སྣ་དྲངས་ཏེ༔ ཆོས་ཐམས་ཅད་རྟེན་ཅིང་འབྲེལ་བར་འབྱུང་བའི་རྒྱུ་དང་འབྲས་བུའི་ངང་ཚུལ་ཅན་ཏེ་རྒྱུ་ལས་མ…

པས་འཇིག་རྟེན་འཇིག་པ་དང་སྒོ་བསྟུན་ནས༔ བར་སྣང་དུ་རང་སེམས་རྒྱུའི་ཡི་གེ་ཧཱུཾ་ལས་རཾ་འཕྲོས་པས་མེའི་བསྐལ་པས་འཇིག་རྟེན་གྱི་དངོས་འཛིན་ཐམས་ཅད་བསྲེགས༔ ཡཾ་འཕྲོས་པས་རླུང་གི་བསྐལ་པས་རྣམ་རྟོག་གཟུང་འཛིན་ཐམས་ཅད་གཏོར༔ ཁཾ་འཕྲོས་པས་ཆུའི་བསྐལ་པས་བག་ཆགས་ཞེན་སྣང་ཐམས་ཅད་བཀྲུས༔ དེ་ལྟར་མ་དག་པ་དག་པར་བྱེད་པའི་ཡི་གེ་འབྲུ་གསུམ་འ…

ལས་རཀྟའི་རྒྱ་མཚོ་ཟླུམ་པོ་ཁྲག་དག་པའི་ངོ་བོ་བསྟན༔ སུཾ་ལས་གསེར་གྱི་ས་གཞི་གྲུ་བཞི་ས༔ ཤ་རྣམ་པར་དག་པའི་ངོ་བོ༔ ཀེ་ལས་རུས་པའི་རི་རབ་བང་རིམ་བཞི་པ༔ རུས་པ་དག་པའི་ངོ་བོ༔ རཾ་ལས་བསྐལ་པའི་མེ་ཆེན་འབར་བ་དྲོད་དག་པའི་ངོ་བོའི་དབུས་སུ་ཧཱུཾ་ལས་རི་རབ་ཀྱི་སྟེང་དུ་ཡེ་ཤེས་ཀྱི་གཞལ་ཡས་ཁང་ཕོ་བྲང་ཕྱི་ནཱང་གི་བཀོད་པ་ཐམས་ཅད་ཡོངས་སུ…

བཅས་པ༔ རིན་པོ་ཆེ་སྣ་ལྔའི་རྩིག་པ་ལ་ནང་ནས་རིམ་བཞིན་པདྨ་རཱ་ག་དང་བཻཌཱུརྱ་དང་གསེར་དང་ཤེལ་དང་མར་གད་ལས་གྲུབ་པ༔ རྩིག་པ་རེ་ལ་ཞེང་དུ་ཁྲུ་རེ་འཕངས་སུ་འདོམ་ཕྱེད་གསུམ་ལྷགས་པའི་སྟེང་ན༔ ཐོད་པ་སྐམ་རློན་རྙིང་པ་གསུམ་གྱིས་རྩིག་པ་ལ༔ བར་མཚམས་ཁྲག་ཞག་གིས་བསྡམས་ཤིང་༔ གནམ་ལྕགས་འབར་བའི་གཟེར་གྱིས་བསྣམས་པ༔ ལྟ་བརྒྱད་ཀྱི་ཀ་བ༔ ཀླུ…

རྒྱལ་མཚན་བརྒྱད༔ ཕོ་བྲང་གི་སྟེང་མཆོད་རྟེན་བུམ་པ་སུལ་བརྒྱད་བྲེ་དང་བཅས་པའི་སྟེང་དུ་གདུགས་ཏོག་ཆོས་འཁོར་ཉི་ཟླ་དར་དཔྱང་གིས་སྤྲས་པ༔ ཕོ་བྲང་གི་ཕྱི་རོལ་དུ་ཤར་དུ་དུར་ཁྲོད་ཆེན་པོ་བསིལ་བའི་ཚལ༔ ལྷོར་སྐུ་ལ་རྫོགས་པ༔ ནུབ་ཏུ་ལང་ཀ་བརྩེགས་པ༔ བྱང་དུ་པདྨ་བརྩེགས་པ༔ ཤར་ལྷོར་ལྷུན་གྲུབ་གཏེར༔ ལྷོ་ནུབ་ཏུ་གསང་ཆེན་རོལ་པ༔ ནུབ་བྱ…

ཡིན༔ རང་བྱུང་གི་མེ་བརྒྱད་ལ་གནས་པའི་ཕྲ་མེན་བརྒྱད་ནི་སེང་ཧ་མ་བརྒྱད་དོ༔ གཞན་ཡང་དཔའ་བོ་དང་མཁའ་འགྲོ་མ་དཔག་ཏུ་མེད་པ༔ རོ་ལངས་དང་འདྲེ་དང་སྲིན་པོ་དང་ཤ་ཟའི་ཚོགས༔ བྱ་གཅན་དང་རོ་གསར་རྙིང་དང་ཀེང་རུས་ཀྱི་ཚོགས་དང་བཅས་པའོ༔ པདྨའི་ར་བ་དུར་ཁྲོད་ཀྱི་ཕྱིར་བྱེད་པ་དང་ནང་དུ་བྱེད་པའི་ལུགས་གཉིས་ཡོད་དེ༔ འདིར་དཀྱིལ་འཁོར་གྱི་འོག…

བསྒྲིགས་པའོ༔ དེ་རྒྱབ་ཏུ་རིན་པོ་ཆེའི་བྲགཱ་རི་ཆེན་པོས་ལྕགས་རི་ལྟར་བསྐོར་བ༔ དེ་རྒྱབ་རི་རབ་ཀྱི་ཟུར་བཞིའི་སྟེང་དུ་གཏེར་གྱི་བུམ་པ་ཆེན་པོ་བཞིའི་ཁ་ནས་སྐྱེས་པའི་དཔག་བསམ་གྱི་ཤིང་ལོ་མ་མེ་ཏོག་རྒྱས་ཤིང་འབྲས་བུ་རིན་པོ་ཆེ་སྣ་ཚོགས་པ་སྨིན་པས་མཛེས་པའོ༔ དེ་ཡང་ཆོ་ག་རྒྱས་པ་རྣམས་ལ་ནི་དང་པོའི་སྲུང་འཁོར་དེ་བསྡུས་ནས་མེད་ཀྱང…

གྲུབ་པའི་དཀྱིལ་འཁོར་ཆ་གཅིག༔ དེ་ལྟར་སྒྲུབ་པ་དང་དབང་དུས་དཀྱིལ་འཁོར་ཆ་ལྔ་མངོན་རྟོགས་གཅིག་གིས་སྒོམ༔ བསྐང་བ་དང་ཟློག་པའི་དུས་བདག་མདུན་གཉིས་ཀྱིས་ཆོག༔ དེ་ཐམས་ཅད་ཕྱི་ནས་བལྟས་ན་ནང་གསལ་བ་ནཱང་ནས་བལྟས་ན་ཕྱི་གསལ་བའི་སྲུང་འཁོར་གྱི་བར་དུ་ཟང་ཐལ་དུ་གསལ་བ༔ འཇའ་དང་འོད་ཕུང་ཐིག་ལེ་ཐིག་ཕྲན་གྱི་ཀློང་བཀྲག་མདངས་གསལ་ཞིང་དྲི་མ…

བོན༔ སཱུརྱ་མ་དྷ་ལ་ཉི་མའི་དཀྱིལ་འཁོར༔ ཨ་ཟླ་བའི་ས་བོན༔ ཙཎཱ་མ་དྷུ་ལ་ནི་ཟླ་བའི་དཀྱིལ་འཁོར༔ པཾ་པདྨའི་ས་བོན༔ པདྨ་མ་དྷུ་ལ་ནི༔ པདྨའི་དཀྱིལ་འཁོར་རམ་གདན༔ བྷཾ་གྱིས་བྱིན་གྱིས་བརླབས༔ ཧཱུྃ་གིས་སྡུག་བསྔལ་འཇོམས་པ༔ སྤུ་ར་ན་སྤྲོ་བ༔ ཕཊཀྱིས་ཚར་གཅོད་པ་སྟེ༔ གདན་དེ་ལས་འོད་ཟེར་འཕྲོས་པས་བདུད་བཞི་དང་ལོག་འདྲེན་ཐམས་ཅད་ཀྱི་སྟོབ…

བུམ་པ་སོགས་སྤྱི་ལྟར་དཀྱིལ་འཁོར་གྱི་ཕོ་བྲང་གི་ཆོས་འབྱུང་ཨེ་ཡི་སྟེང་༔ བདུད་བཞི་དམ་སྲི་ཕོ་མོ་དང་པདྨ་ཉི་ཟླའི་དཀྱིལ་འཁོར་གྱི་སྟེང་དུ༔ ནམ་མཁའ་ནས་རང་གི་སེམས་ཉིད་ཀྱི་ངོ་བོ་རྒྱུ་ཡི་ཡི་གེ་ཧཱུྃ་དམར་པོ་འོད་ཀྱི་རང་བཞིན་དེ་བབས་ནས་བཞུགས་པ་ལས་འོད་ཟེར་ཕྱོགས་བཅུར་སྤྲོས༔ སངས་རྒྱས་ཐམས་ཅད་མཆོད་སེམས་ཅན་རྣམས་ཀྱི་སྒྲིབ་པ་ས…

དགུར་རྟོགས་པའི་བརྡར་སྤྱན་དགུ་གྱེན་ཐུར་ཐད་དཀར་གཟིགས་པ༔ གཡས་ཞལ་དཀར་པོ་བཞད་པ༔ གཡོན་ཞལ་སྔོན་པོ་རྔམ་པ༔ དབུས་ཞལ་དམར་པོ་གཤེ་བ༔ ཕྱག་གཡས་གསུམ་གྱི་དང་པོས་གནམ་ལྕགས་ཀྱི་རྡོ་རྗེ་རྩེ་དགུ་ལྷ་ཚངས་པའི་གྲུ་གང་པ་ནམ་མཁའ་ལ་ཕྱར་བ༔ ཧཱུྃ་དགུ་ཕཊ་དགུ་རཾ་དགུས་མཚན་པ་ཀླད་ལ་བསྐོར་བ༔ བར་པས་རྡོ་རྗེས་མཚན་པའི་གྲི་གུག་ཐུར་དུ་འཕྱང་བ༔ …

རློན་གྱི་དོ་ཤལ༔ སྦྲུལ་གྱི་ཆུན་འཕྱང་༔ རུས་པའི་རྒྱན་དྲུག་སྟེ་བཏགས་པའི་རྒྱན་དྲུག་བཏགས་པ༔ སྐུ་སྟོད་ལ་གླང་ཆེན་གྱི་ཀོ་བའི་སྟོད་གཡོགས༔ ཞིང་ཆེན་གྱི་པགས་པའི་རྐེད་དཀྲིས༔ སྟག་གི་པགས་པའི་ཤམ་ཐབས་ཏེ་བགོ་བའི་གོས་གསུམ་མནབས་པ༔ དེ་ལྟར་བྱུག་པའི་རྫས་གསུམ་གཅིག་ཏུ་བརྩིས་པས་དུར་ཁྲོད་ཀྱི་ཆས་བརྒྱད༔ སོ་སོར་བརྩིས་པའི་དཔལ་གྱི་…

སྒོམ༔ དེ་ཡང་ལས་བྱང་འདི་རང་གི་བསྐྱེད་པ་མ་ཧཱ་ཡོ་གའི་ལུགས་ཡིན་པས༔ སྐུ་ལུས་ཀྱི་ནང་དུ་རྩ་འཁོར་སོགས་སྒོམ་དགོས་པ་ནི་མ་ཡིན་ནོ༔ དེ་གཏེར་སྟོན་སྐུ་ཚེའི་སྟོད་ལ༔ མཁར་ཆུ་དཔལ་གྱི་ཕུག་རིང་ནས་དྲག་པོའི་ཆོས་སྐོར་རྣམས་གཏེར་ནས་བཏོན་ཏེ༔ དེ་ལ་ལས་བྱང་ལ་སབ་རྒྱུའི་གོ་ཆ་ལྷ་ལྔ་ནི་མེད་པར་འདུག་པས་གཏེར་སྟོན་ཉིད་ཀྱིས་མཛད་པའི་ཉུང་ང…

ཤེས་མཚོ་རྒྱལ་གྱིས༔ མ་འོངས་སྐལ་ལྡན་ལས་འཕྲོ་ཅན་གྱི་དོན༔ གསེར་གྱི་མཎྜལ་ཕུལ་ནས་ཡང་ཡང་ཞུས༔ ཡི་གེ་མི་དགོས་སྙན་བརྒྱུད་དྲུག་ཏུ་འཛིན༔ ཅེས་གསུངས༔ བདག་ཉིད་མངོན་རྫོགས་རྒྱལ་པོར་བསྒོམ་དགོས་པ་ལ༔ དཔེར་ན་ས་མདོར་རྫོང་བཙུན་པོ་དངའདུ་བ་ལ༔ དེ་ལ་གཅེས་པའི་རྫོང་དེ་སྲུང་བའི་དཔའ་བོ་གྲྭ་ཁྲུབ་ཅན་ཞིག་དགོས༔ དེའི་ཕྱིར་ན་གུ་རུ་དྲག་…

འཛིན་ཅིང་གཡོན་དྲིལ་བུ་དཀུར་བརྟེན་པ༔ སྐུ་ལ་རུས་པ་དང་རིན་པོ་ཆེས་བརྒྱན་ཅིང་ཞབས་གཉིས་སེམས་དཔའི་སྐྱིལ་ཀྲུང་གིས་བཞུགས་པ༔ འདི་དང་ཆེ་མཆོག་དང་བཛྲ་ཧེ་རུ་ཀ་རྡོ་རྗེ་འཆང་རྣམས་དོན་གཅིག༔ དེའི་ཐུགས་ཀ་རུ་པདྨ་ཉི་ཟླའི་སྟེང་དུ་རྡོ་རྗེ་སྔོན་པོ་རྩེ་ལྟ་པ་གྱེན་དུ་འགྲེང་བའི་ལྟེ་བ་ལ༔ ཐིག་ལེ་དཀར་དམར་མཚོན་པས་ཉི་མ་འོག་དང་ཟླ་བ་ས…

སྐོར་བར་བསྒོམས་པས་ཡི་དམ་སྤྱོང་བློང་མི་འོང་ཞིང་དངོས་གྲུབ་མྱུར་དུ་ཐོབ་པའི་གནད༔ ཧཱུྃ་ཡིག་ནི་དཔེར་ན་ཟངས་སྨྲའི་སྦྲ་གུ་ཀུག་ནས་ཧཱུྃ་ཡིག་བཟོས་པ་ལྟ་བུའི་ནང་སྟོང་པ་ཡིན་ཏེ༔ ཧཱུྃ་གི་མགོ་སྐྱེའི་ནང་དུ་ཕག་མོ་སོགས་མཁའ་འགྲོ་རིགས་ཀྱི་ཡི་དམ་བསྒོམ་ཡང་རུང་༔ ཧ་ཁོག་པའི་ནང་དེར་རང་གི་བླ་སྲོག་རྣམ་ཤེས་ཀྱི་ངོ་བོ་ནཱཾ་ཡིག་ལྗང་གུ…

པས་འཁུ་ལྡོག་མི་འོང་བའི་གནད་དེ༔ སྡེ་བརྒྱད་ཀྱི་སྲོག་རང་གི་ཐུགས་ཀར་ཡོད་པས་རང་སྲོག་རང་གིས་མི་གཅོད་པ་བུ་རྟིས་བཟུང་བ་ལྟ་བུའོ༔ དེ་ལྟར་ཧཱུཾ་ཡིག་གི་ནང་དུ་དེ་རྣམས་མི་ཤོང་སྙམ་ན༔ དངོས་པོ་གཟུགས་ཅན་སྣོད་དུ་བཅུག་པ་ལྟ་བུ་ཡིན་ན་མི་ཤོང་བ་བདེན་ཏེ༔ འདི་ཡིད་ལ་བསམ་པས་ཆོག་པས་བསམ་མི་རུང་བ་ཅི་ཡོད༔ བསམས་པས་ཆོག་གམ་ཞེ་ན༔ རྒྱ་ག…

ནག༔ སྤྱན་གསུམ་དབུ་སྐྲ་ཐོར་ཅོག་ལ་མཆེ་བ་ཅུང་ཟད་གཙིགས་པ༔ ཕྱག་གཡས་ཁུཊཾ་ནཱམ་མཁའ་ལ་གཡུག་ཅིང་༔ གཡོན་པས་ཐོད་ཁྲག་ཐུགས་ཀར་བསྐྱིལ་བ༔ གྲུ་མོ་གཡས་པ་ན་གསེར་གྱི་ཌཱ་མ་རུ་བཀལ་བ་སྐུ་གཅེར་བུར་སྟག་གི་ཤམ་ཐབས༔ ཞབས་གཉིས་བཞེངས་པའི་སྟབས་སུ་བཞུགས་པ་སྐུ་ལ་རུས་པའི་རྒྱན་དྲུག་གསོལ་བ་ཞལ་ནཱས་ཧཱུྃ་ཧཱུྃ་ཕཊ་ཕཊབློ་བྷོ་དང་ནི༔ ཕོ་ཝེ་ཨ་ར…

འདི་དྲག་སྔགས་ཡིན་པས་ནོན་དཀའ་བ་ནོན་པའི་གནད་ཡིན༔ གོ་ཆའི་མངོན་རྟོགས་རྣམས་ཀྱི་ཚིག་མཇུག་འདིར༔ སྤྲོ་བསྡུའི་དམིགས་པ་རེ་བཤད་པ་ནི༔ འདིར་ཚར་གཅིག་འདོན་ཆེ་སྒོམ་ལུང་མེད་པས་རྗེས་ནས་སོ་སོའི་བསྙེན་པའི་སྐབས་སུ་སྒོམ་པ་ཕྱག་ལེན་ཡིན་པས་འདིར་མི་བཤད༔ ཐོད་ཕྲེང་རྩལ་གྱི་སྤྱི་གཙུག་པད་ཉིའི་སྟེང་དུ༔ མཁའ་ལྡིང་ག་རུ་ཊ་སྐུ་མདོག་དཀར…

ཟླའི་གདན་རེ་རེའི་སྟེང་དུ༔ བཅོམ་ལྡན་འདས་པདྨ་རིགས་ཀྱི་བདག་པོ༔ སྣང་བ་མཐའ་ཡས་ནི་ཞལ་གཅིག་ཕྱག་གཉིས་སྐུ་མདོག་པདྨ་རཱ་ག་ལྟར་དམར་བ། ཞབས་གཉིས་རྡོ་རྗེའི་སྐྱིལ་ཀྲུང་གིས་བཞུགས་ཤིང་༔ ཕྱག་གཉིས་མཉམ་བཞག་གི་སྟེང་དུ་ཚེ་བུམ་འཛིན་པ་ལ་ལོངས་སྐུ་ཚེ་དཔག་མེད་པའམ་སྤྲུལ་སྐུ་ཆོས་གོས་ཅན་བསྒོམ་ཡང་རུང་བར་གསང་སྒྲུབ་ནས་གསུངས༔ འདབ་མ་ས…