བ༔ དེང་ཕྱིན་ཆད་མི་ནོར་གང་ལ་ཡང་གནོད་པ་མ་བྱེད༔ ཁྱིམ་སྒོ་ལམ་སྲང་དུ་མ་འགྲིམ༔ གཞན་དུ་དེངས་ཤིག༔ གལ་ཏེ་ཡི་གེ་འདི་མཐོང་བཞིན་དུ་གནོད་པ་བྱེད་ན༔ བྱིན་རླབས་ཀྱི་རྩ་བ་བཀའ་བརྒྱུད་བླ་མ་རྣམས་ཀྱི་བཀའ་བདེན་པ་དང་༔ དངོས་གྲུབ་ཀྱི་རྩ་བ་ཡི་དམ་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཀྱི་རྩ་བ་ཆོས་སྐྱོང་སྲུང་མ་རྣམས་ཀྱི་བཀའ་བ…

མཆོག་རྟ་མགྲིན་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཐུགས་མཆོག་ཕྱག་ན་རྡོ་རྗེའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཡོན་ཏན་མཁའ་འགྲོ་སྡེ་ལྔའི་ལྷ་ཚོགས་རྣམས་ཀྱི་བཀའ་བདེན་པ་དང་༔ ཕྲིན་ལས་ཡཀྵ་མེ་དབལ་གྱི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྤྲུལ་པ་ཁྱུང་ཆེན་འབར་བའི་ལྷ་ཚོགས་རྣམས་ཀྱི་བཀའ་བདེན་པ་དང་༔ སྟོབས་ལྡན་སྡིག་པ་ན…

འབྱུང་པོ་ལས་ངན་མནའ་ཟན་འདིའི༔ མགོ་བོ་ཚལ་པ་སྟོང་དུ་ཁོས་ཤིག༔ ལུས་དུམ་བུ་སྟོང་དུ་ཁོས་ཤིག༔ སྙིང་དུམ་བུ་བརྒྱད་དུ་གཏུབས་ཤིག༔ མིག་འབྲས་གཉིས་ཐང་ལ་ལྷུང་ཞིག༔ སྙིང་ཁྲག་ལས་མཁན་རྣམས་ཀྱི་དཔའ་ཟས་གྱིས་ཤིག༔ དམ་ཉམས་རུ་ཏྲ་འདི་མཐའི་རྒྱ་མཚོའི་ཕ་རོལ་དུ་སྒྲོལ་ཅིག༔ གནོད་བྱེད་ཨུ་ཙ་ཏ་ཡ་མཱ་ར་ཡ་ཕཊ༔ སོད་ཅིག༔ ཤམ།ཤམ༔ ༧ ཁམས་སྟོད་སྒ…

གུ་རུ་དྲག་པོའི་རྒྱུན་བསྙེན་བྱེད་པ་ལ་ཉེ་བར་མཁོ་བའི་ཟིན་བྲིས་ཕྱག་རྒྱ་ཆེན་པོ་ལྔ་ལྡན་གྱི་དོན་རྩ་བཞུགས་པའི་དབུ་ཕྱོགས་ལགས་སོ།།

ན་མོ་པྲ་ཝཱ་ཀ་ར་ཀྲོ་དྷ་ཡེ། དལ་འབྱོར་མི་ལུས་ཐོབ་པར་དཀའ། །ཨེ་བདེན་འབུ་སྲིན་གྲངས་ལ་ལྟོས། །ནམ་འཆི་ཆ་མེད་ངེས་པར་འཆི། །ཨེ་བདེན་གཞོན་ཤི་ཚོ་ལ་ལྟོས། །རྒྱུ་འབྲས་བསླུ་མེད་ངེས་པར་སྨིན། །ཨེ་བདེན་འདྲ་ཡི་མི་ཀུན་ལ། །སྐྱིད་སྡུག་ཚེ་ཡི་རིང་ཐུང་ལྟོས་། །འཁོར་བའི་སྡུག་བསྔལ་བཟོད་བླག་མེད། །ཨེ་བདེན་བཤས་ལུག་ཚོ་ལ་ལྟོས། །རང་ཐོག…

སྔགས་ཐེག་པ་ཡིན། །དེ་ལ་རྒྱ་ཆེ་གྲངས་མང་ཡང་། །དེང་སང་སྙིགས་མ་ལྔ་བརྒྱའི་དུས། །ཆོས་གཞན་བྱིན་རླབས་ཡལ་བའི་དུས། །ལྷ་གཞན་ཐུགས་རྗེ་རྡུགས་པའི་དུས། །པདྨ་འབྱུང་གནས་ཐུགས་རྗེ་མྱུར། །དེང་སང་སྣང་སྲིད་ལྷ་འདྲེའི་ཚོགས། །ཁ་འཕྱུར་ཞི་བས་མི་ཐུལ་དུས། །གུ་རུ་དྲག་པོར་བཞེངས་པ་ཟབ། །དབང་ལུང་ཟབ་མོའི་རྒྱུད་སྨིན་ཅིང་། །ཞི་བསྙེན་རབ་…

ཕྱག་རྒྱ་ཆེན་པོ་ལྔ་ལྡན་ཡིན། །འདི་ཡི་ཁོག་ནས་ཉམས་ལེན་མཛོད། །དེ་ཡི་ཞལ་གདམས་གོ་བདེ་བ། །ལུང་འདྲེན་བཤད་པ་ན་ཡམ་བསྐྱུར། །ཉམས་ལེན་རྒན་མོའི་མཛུབ་ཚུགས་འདི། །ཉམས་སུ་ལོངས་དང་འདི་ཕྱིར་བདེ། །དང་པོ་ད་ནངས་བསམ་པ་ལ། །ཕ་མ་སེམས་ཅན་ཐམས་ཅད་ཀུན། །འཁོར་བའི་སྡུག་བསྔལ་ལས་གྲོལ་ནས། །རྫོགས་པའི་སངས་རྒྱས་འཐོབ་པའི་ཕྱིར། །བདག་གི་གུ་ར…

བཞི་ཡི། །ངག་ནུས་ལ་སོགས་མ་བསམ་ཡང་། །རང་བཞིན་ཤུགས་ལས་འབྱུང་བ་ཡིན། །ལོ་ནི་གཏིང་ནས་ཡག་ཐུབ་ན། །སོག་ཕུབ་ཞོར་ལ་འབྱུང་དང་འདྲ། །བྱང་ཆུབ་སེམས་ཀྱི་རྟ་ཕོ་ལ། །གཞན་ཕན་གྱི་དཀྱུས་ཐག་མ་བཅད་ན། །ཁྲོམ་ལྷ་མིའི་བདེ་སྐྱིད་མི་འབྱུང་བས། །ལར་སེམས་བསྐྱེད་འདི་ལ་ནན་ཏན་མཛོད། །དེ་ལྟར་གསུངས་ལྟར་ལྔ་ལྡན་དང་པོའོ།། ༈ །།མདོ་ལུགས་སངས་རྒ…

རང་གི་ཕུང་པོ་ལྔ་པོ་དེ་རྣམས་ནི། །ཡེ་ནས་དྲག་པོ་རིགས་ལྔའི་ངེས་ཤེས་བསྐྱེད། །རང་གི་ཁྲག་ནི་རྡོ་རྗེ་མཁའ་འགྲོ་མ། །རང་གི་ཤ་ནི་རིན་ཆེན་མཁའ་འགྲོ་མ། །རང་གི་དྲོད་ནི་པདྨ་མཁའ་འགྲོ་མ། །རང་གི་དབུགས་ནི་ཀརྨ་མཁའ་འགྲོ་མ། །ལུས་ནང་སྟོང་པའི་སྒྲུབ་ནི་གང་ཡོད་རྣམས། །སངས་རྒྱས་མཁའ་འགྲོའི་ངོ་བོར་ངེས་ཤེས་བསྐྱེད། །སྤྱི་བོའི་རྩ་མདུ…

འདོན་ཞིང་སྤྱན་འདྲེན་བྱས་པ་སྟེ། །མངོན་རྟོགས་གཅིག་གིས་བདག་མདུན་དུས་གཅིག་བསྐྱེད། །སྤྱན་འདྲེན་ཚེ་ན་ལྷ་ཚོགས་དཔག་མེད་པ། །ཁ་བ་བུ་ཡུག་ལྟར་དུ་སྤྱན་དྲངས་ཏེ། །བདག་མདུན་སོ་སོར་ཐིམ་པར་བསྒོམ་པ་སྟེ། །བདག་གི་ཐུགས་ལས་མཆོད་པའི་ལྷ་མོ་ནི། །གྲངས་མེད་སྤྲུལ་ཏེ་བདག་བདུན་སོ་སོ་ལ། །མཆོད་བསྟོད་ལ་སོགས་སོ་སོར་བྱེད་པར་བསྒོམ། །གལ…

ན་ཡང་། །འདོན་རྒྱུ་ཚང་ཡང་དོན་ལ་ཚང་བ་མིན། །དེ་ཡང་ཆ་ལུགས་གསལ་བོར་མ་ཟིན་ན། །ཐང་སྐུ་ལེགས་པར་ཡང་ཡང་ལྟ་ཞིང་བསྒོམ། །རྒྱན་དང་ཆ་ལུགས་མ་འཆུགས་གསལ་བ་ནི། །ཐང་སྐུ་ལེགས་པོ་ལྟར་དུ་གསལ་བ་ན། །དེ་ལ་བསྐྱེད་རིམ་རྣམ་པ་གསལ་བ་ཟེར། །རྒྱན་ཆ་གསལ་ན་ལོངས་སྤྱོད་ཆེ་བ་ཡིན།་།མེ་རི་གསལ་ན་བར་ཆད་ཉུང་བ་ཡིན། །ཞབས་དང་པད་གདན་གསལ་ན་སྡོད་ཚུ…

ལོངས་སྤྱོད་རྫོགས་པའི་ཞིང་ཁམས་སངས་རྒྱས་རྣམས། །རྒྱན་དང་ཆ་ལུགས་བརྡ་རིས་བསྟན་པ་ནི། །འཁོར་རྣམས་ཆོས་ཀྱི་དོན་རྣམས་ཁོང་དུ་ཆུད། །ཚིག་གི་སྒོ་ནས་ཆོས་ནི་གསུང་མི་དགོས་། །དེ་ཕྱིར་གུ་དྲག་ལོངས་སྤྱོད་རྫོགས་སྐུ་ཡིན། །རྒྱན་དང་ཆ་ལུགས་རྣམས་ནི་ཆོས་ཀྱི་བརྡ། །ཡིན་གྱི་མི་ཡི་ཤ་ཚུགས་ལྟ་བུ་མིན། །ཞལ་གསུམ་ཆོས་སྐུ་ལོངས་སྐུ་སྤྲུལ་…

དངུལ་རྡོ་ལ་ནི་དངུལ་གྱི་རྒྱུ་ཡོད་ཕྱིར། །ལེགས་པར་བསྲེགས་ན་དངུལ་ནི་འབྱུང་བ་ལྟར། །རང་ལུས་ཡི་དམ་ལྷ་ཡི་ངོ་བོ་རུ། །གསར་རྙིང་རྒྱུད་སྡེ་ཀུན་ནས་གསུངས་པའི་ཕྱིར། །ཡིན་ལ་ཡིན་བཞིན་སྒོམ་པ་དངོས་སུ་གྲུབ། །གཞི་ཡི་གུ་དྲག་སེམས་ཅན་ཐམས་ཅད་ཡིན། །ཡིན་ལ་ཡིན་པར་མ་ཤེས་འཁོར་བར་འཁྱམས། །ལམ་གྱི་གུ་དྲག་དབང་གི་རྒྱུད་སྨིན་ཅིང་། །གུ་…

བཙན་ས་མ་ཟིན་ན། །མ་མཁའ་འགྲོའི་འཁོར་ཚོགས་མི་འདུ་བས། །ལུས་ཡི་དམ་ལྷ་ལ་ནན་ཏན་མཛོད། །ཅེས་གསུངས་ལྔ་ལྡན་གཉིས་པའི་དོན།། ༈ །།རང་ཉིད་གུ་དྲག་གསལ་བའི་དབུ་སྐྲའི་གསེབ། །པདྨ་ཉི་ཟླ་བརྩེགས་པའི་གདན་སྟེང་དུ། །དཀོན་མཆོག་ཀུན་འདུས་རྩ་གསུམ་གཅིག་འདུས་ལྷ། །པདྨ་འབྱུང་གནས་མཐིང་ནག་སྤྱན་གསུམ་པ། །ཁྲོ་འཛུམ་སྟག་ཤམ་རུས་པའི་རྒྱན་ཆ་ཅན…

འགྲོའི་ཚོགས། །ཆར་ལྟར་བྱོན་ནས་རང་ཡུམ་ཁྲོས་མར་ཐིམ། །དེ་ལྟར་ཐིམ་པས་ཡེ་ཤེས་ཐིམ་པ་དང་། །དབང་བསྐུར་བྱིན་རླབས་ཐམས་ཅད་དུས་གཅིག་ཐོབ། །སྤྱི་བོར་པད་འབྱུང་བླ་མ་ཀུན་འདུས་ལ། །དད་གུས་གདུང་ཤུགས་བསྐྱེད་ཅིང་གསོལ་འདེབས་ཀྱི། །ཚུལ་དུ་སྔགས་འདི་ཅི་ནུས་བཟླ་བར་བྱ། །ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛསིདྡྷི་ཕ་…

དྲག་གསལ་བ་ཡི། །ཐུགས་ཀར་གསེར་གྱི་མཆོད་རྟེན་བུམ་པའི་ནང་། །ཕྱག་རྡོར་གསལ་བའི་ཐུགས་ཀར་ཉི་མའི་སྟེང་། །ཡེ་ཤེས་སེམས་དཔའ་བཛྲ་ཧེ་རུ་ཀ །བདེ་མཆོག་གསང་འདུས་ཀྱེ་རྡོར་མཱ་ཡཱ་དང་། །ཆེ་མཆོག་རྡོར་འཆང་རྡོ་རྗེ་སེམས་དཔའ་རྣམས། །ཐམས་ཅད་དོན་གཅིག་མིང་གི་རྣམ་གྲངས་ཡིན། །མཐིང་ནག་ཁྲོ་འཛུམ་རྡོ་རྗེ་དྲིལ་བུ་འཛིན། །ཞབས་གཉིས་རྡོར་སྐྱ…

འབྲུ་དལ་བུས་གཡས་སུ་འཁོར། །དེ་ནས་ཇེ་མགྱོགས་ཤིན་ཏུ་མགྱོགས་པར་འཁོར། །ཟླ་སྐར་ཕྲེང་བ་ལྟ་བུའི་བཟླས་པའོ། །དེ་ནས་དེ་ལས་འོད་ཟེར་སྣ་ཚོགས་འཕྲོས། །སངས་རྒྱས་བྱང་སེམས་བླ་མ་ཡི་དམ་ཚོགས། །འོད་ཟེར་དེ་ཕོག་ཟག་མེད་མཆོད་པར་གྱུར། །སྐུ་གསུང་ཐུགས་མཉེས་བྱིན་རླབས་དངོས་གྲུབ་ཀུན། །འོད་ཟེར་ཚུལ་དུ་འདུས་ནས་རིང་ལ་ཐིམ་། །སླར་ཡང་འོད་…

ལྷ་སྲིན་བྲན་དུ་ཁོལ། །འབུམ་ཙམ་བཟླས་པས་མཆོག་གི་དངོས་གྲུབ་ཐོབ། །འབུམ་ཕྲག་ཉི་ཤུ་ཐམ་པ་བཟླས་པ་ནི། །ལྷ་འདྲེ་རྣམས་ལ་བཀའ་ཤོག་བསྐུར་ནས་ཀྱང་། །དེ་ལ་ཉན་ཅིང་གང་བཅོལ་ཕྲིན་ལས་སྒྲུབས། །བར་དོའི་སྐབས་སུ་ཨོ་རྒྱན་ཡབ་ཡུམ་གྱིས། །ལམ་སྣ་ང་འདོད་ཞིང་ཁམས་བགྲོད། །འཇའ་འོད་རིང་བསྲེལ་སྐུ་གདུང་འབྱོན་པར་གསུངས། །དེ་ནི་སྒྲུབ་པ་ཞེས་བྱ…

ལ་མཆོད་པ་ཚུར་ལ་དངོས་གྲུབ་ཚུལ། །བདག་མདུན་བར་དུ་འཁོར་ཚེ་སྔགས་ཕྲེང་ལས། །འོད་ཟེར་མེ་ཡི་ཚྭ་ཚྭ་ལྟ་བུ་ཡིས། །གནོད་བྱེད་གདོན་བགེགས་བསྲེག་ཅིང་ཚར་བཅད་བསྒོམ། །གལ་ཏེ་བདག་བསྐྱེད་ཁོ་ན་ཡིན་ན་ནི། །བདག་ཉིད་ཡབ་ཀྱི་ཞལ་ནས་ཡུམ་གྱི་ཞལ། །ཡུམ་གྱི་བྷ་ག་ནས་ནི་རང་ཉིད་ཀྱི། །རྡོ་རྗེའི་ལམ་ནས་རང་གི་ཐུགས་ཀར་ཐིམ། །དྲག་པོའི་ཡུམ་ནི་ཁྲ…