ན་མོ་པྲ་ཝཱ་ཀ་ར་ཀྲོ་དྷ་ཡེ༔ རིག་འཛིན་ཁྲོས་པའི་རྒྱལ་ལ་ཕྱག་འཚལ་ནས༔ དེ་ཡི་ཞལ་ཤེས་མན་ངག་ཅུང་ཟད་བཀོད༔ ཆོས་བདག་སྲུང་མས་བཀའ་ཡི་གནང་བ་སྩོལ༔ དེ་ཡང་འདི་ཡི་བཤད་པ་རྒྱས་པ་ནི༔ ཡི་གེར་འཇིགས་ཕྱིར་སྤྲོས་པ་སྐྱུངས་ནས་དོན་རྩ་ཚིག་གསུམ་ཞུ་ན༔ གནས་ཕུན་སུམ་ཚོགས་པ་བདེ་བ་ཅན་གྱི་ཞིང་ཁམས་ན༔ སྟོན་པ་ཕུན་སུམ་ཚོགས་པ་སངས་རྒྱས་སྣང་བ་མཐ…

སྤྲུལ་པ་མཛད་པའི་ཚེ༔ སྤྱན་རས་གཟིགས་ཀྱིས་ཞུས་པའི་ངོར༔ གུ་རུ་ཞི་བ་སྐུ་གསུམ་གྱི་རྒྱུད་སུམ་བརྒྱ་དང་ཉེར་བཞི༔ དེ་ཚུར་བསྡུས་པ་པད་སྡོང་རྩ་བའི་རྒྱུད་དང་༔ རྩ་རྒྱུད་པད་སྡོང་བརྩེགས་པ་དང་༔ སྐུ་གསུང་ཐུགས་ཡོན་ཏན་ཕྲིན་ལས་ཀྱི་རྒྱུད་ལྔ་རྣམས་གསུངས་རྗེས༔ རིག་འཛིན་དྲག་པོར་ཁྲོས་པའི་རྒྱུད་གང་ཡིན་ཞེ་ན༔ ཞེས་སོགས་ཞུས་ངོར༔ གུ་…

གཏད༔ དེས་བྲག་ཕུག་མ་ར་ཏི་ཀར་ཨོ་རྒྱན་ཉིད་ལ་གཏད་དོ༔ སྤྱིར་གུ་རུ་ཞི་དྲག་གི་སྐོར་ཐམས་ཅད་རྒྱུད་དེ་རྣམས་ལ་བརྟེན་པ་ཡིན་མོད་ཀྱང་༔ བྱེ་བྲག་དགོས་པ་རེ་ལ་བརྟེན་ནས་མཛད་པའི་ལོ་རྒྱུས་སོ་སོར་ཡོད་པ་ལས༔ འདི་ནི་བསམ་ཡས་སུ་རྒྱལ་པོ་བེ་ཀར་གྱི་སྡིག་པ་ར་ཙ་ཆེན་པོར་སྤྲུལ་ནས་བསམ་ཡས་ཧས་པོ་རི་ཁར་བཅུག་འཇིག་རྟེན་གཡོ་ཞིང་འགུལ་བའི་ཆོ…

ཐམས་ཅད་མཐུན་སྣང་གྲུབ་པ་དང་གཉིས༔ གནམ་སྐས་བྲག་ནས་རྟ་མགྲིན་གསང་འདུས་བཏོན་དུས༔ ཁྲོམ་ཆེན་པོ་བསྡུས་ནས་བྲག་བཤིགས་ནས་ཐམས་ཅད་ཀྱིས་མཐོང་བར་བཏོན་ནས་བོད་ཁམས་ཡིད་ཆེས་པ་དང་གསུམ༔ ཐུགས་རྗེ་ཆེན་པོ་གསང་འདུས་ཀྱི་བུམ་བསྒྲུབས་བྱས་ནས་སྐྱེ་བདུན་རིལ་བུ་དང་པོ་བཀྱེས་དུས་ཁྲོམ་ཁྲི་ཕྲག་བདུན་འཚོགས་པ་ཐམས་ཅད་ཀྱིས་མཐོང་སར༔ མེ་ཏོག་ག…

བཀྲ་ཤིས་པའི་ལུང་བསྟན་ཡོད་པ་དང་༔ གཏེར་ཆོས་གཞན་ལས་ཀྱང་འདི་ཁྱད་པར་དུ་འཕགས་པ་ཡིན༔ ཁྱད་པར་རཏྣ་གླིང་པ་ལ་ཨོ་རྒྱན་ཉིད་ཀྱི་ལུང་བསྟན་པའི་སྤྲུལ་པའི་ཁྱེའུ་ལྔའི་རང་བཞིན་དོན་ལ་སྤྱོད་ཅེས་གསུངས་པ་ལྟར༔ སྐུའི་སྲས་ལྔ་ཡོད་པའི་ནང་ནས་གཅིག་དགེ་ལུགས་ཀྱི་བསྙེན་རྫོགས་མཛད་ནས༔ དམྱལ་སྡེ་དྲུག་ཅེས་པའི་དགེ་ལུགས་ཀྱི་དགོན་པ་དྲུག་ཙམ་…

ཆགས་ལམ་ནོར་བས་སྐུ་ཚེའི་བར་ཆད་བྱུང་༔ ཨོ་རྒྱན་གླིང་པའི་གཉེར་པ་དབང་ཆེ་བས་གཏེར་ཤོག་མ་བཤུས་པ་མཁའ་འགྲོས་གདན་དྲངས༔ བཀའ་ཆད་ཁོ་རང་སྲས་ཀྱིས་བཀྲོངས༔ ཀརྨ་གླིང་པས་ཆོས་ཕྱེད་ཙམ་ཐོན་པ་ལས་འདས༔ པདྨ་གླིང་པས་བཏོན་པས་གཏེར་ཤོག་ཕྱེད་ཙམ་ཆུ་ལ་ཤོར་ནས༔ ཕྱེད་ཙམ་ཁོ་རང་གི་ཉམས་ཐོག་ནས་རྩོམ་དགོས་པ་བྱུང་༔ འཇའ་ཚོན་སྙིང་པོས་རབ་བྱུང་མཛ…

རྒྱ་ཆེར་གསུངས་པ༔ ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་འཛིན་གྱི་མདོ་སྡེ་ལས༔ མདོ་སྡེ་གཏེར་དུ་སྦས་ཚུལ༔ མཐར་གཏེར་ནས་འདོན་ཏེ་བྱང་ཕྱོགས་སུ་དར་ཚུལ་ལུང་བསྟན་པ་དང་༔ ཇོ་བོ་རྗེས་ལྷ་ས་ནས་བཀའ་ཆེམས་གཏེར་ནས་བཏོན་པ་སོགས་དང་༔ རྗེ་ཐམས་ཅད་མཁྱེན་པ་ན་རིམ་གྱིས་ཉང་གི་གཏེར་མ་རྟ་མགྲིན་ལྕགས་རལ་ཅན་ལ་ཐུགས་དམ་མཛད་པ་ལ་ཡང…

འཁོར་མི་དགོས་གཏོར་མཆོད་ཙམ་གྱིས་ཆོག༔ མདུན་བསྐྱེད་ལ་བརྟེན་ན་རབ་རྡུལ་ཚོན་འབྲིང་རས་བྲིས་དཀྱིལ་ཐང་༔ ཐ་མ་འབྲུའི་ཚོམ་བུ་ལྷ་གྲངས༔ མ་འཕྲོད་ན་ཐང་སྐུའམ་མེད་ན་ཡི་དམ་གཏོར་མའི་སྟོད་ཆ་མདུན་བསྐྱེད་ལ་བརྟེན་པར་བྱ༔ དབང་བསྐུར་རམ་སྒྲུབ་པ་བྱེད་ན་གཏོར་མ་རིན་ཆེན་འབར་བ་གཅིག་བཤམ༔ དེ་ཡང་མདུན་བསྐྱེད་གྱི་རྟེན་བྱ༔ རྒྱུན་དུ་གསོ་མ…

རྒྱས་པར་སོང་ན་དེས་འཐུས་སོ༔ དེ་ནས་རང་ཉིད་ཀརྨ་དྲག་པོ་རྩལ་ལྗང་ལ་དམར་མདངས་ཅན་དུ་སྐད་ཅིག་ལ་བསྐྱེད༔ ཧཱུཾ་ང་ནི་ཁྲོ་རྒྱལ་འཇིགས་པའི་སོགས༔ བགེགས་ལ་བཀའ་བསྒོ༔ སུམྦྷ་ནི་ཤར༔ བྷཾཏྟཱ་ལྷོ༔ གྷིཥྛ་པ་ཡ་ནུབ༔ ཨཱ་ན་ཡའི་བྱང་གི་བགེགས་བསྐྲད་པར་བསམ༔ དེ་ལྟར་བཀའ་བསྒོས་པས་མི་ཉན་མི་འགྲོ་བ་རྣམས་དྲག་པོའི་བསྐྱེད་དེ༔ རང་གི་སྐུ་ལས་ཁྲོ…

མེད་པར་དུམ་བུ་གཅིག་ཏུ་གྱུར་པ༔ བྷི་ཤྭ་ཀྲོ་དྷ་ནི་ཁྲོ་བོ་སྣ་ཚོགས་སྟེ་སྲུང་འཁོར་དེ་དག་གི་བར་མཚམས་སུ་ཁྲོ་ཆུང་མང་པོ་སྐར་ལྟར་འཁྲུགས་རླུང་ལྟར་འཚུབ༔ ཧཱུྃ་དང་ཕཊ་ཀྱི་སྒྲ་འབྲུག་ལྟར་སྒྲོག་ཅིང་ལ་ལས་ནང་དུ་ཞལ་གཟིགས་ནས་སྲུང་བའི་ལས་མཛད༔ ལ་ལས་ཞལ་ཕྱིར་གཟིགས་ནས་ཟློག་པའི་ལས་མཛད་པར་བསྒོམ་ཞིང་༔ སྦྱིན་བདག་སོགས་བསྲུང་བྱ་ཐམས་…

འདི་ལྟ་བུའི་གསང་སྔགས་བླ་ན་མེད་པའི་ལྟ་སྒོམ་སྤྱོད་གསུམ་ལ་དུས་ནམ་ཡང་འདའ་རེ་ཀན་སྙམ་དུ༔ ཧཱུྃ་བདེ་གཤེགས་རྒྱལ་བ་ནས། ས་མ་ཏི་ཛའི་བར་བརྗོད་དོ༔ དེ་ལྟ་བུའི་ལྟ་སྒོམ་ལ་གནས་ན་སངས་རྒྱས་ཐམས་ཅད་ཀྱི་བྱིན་གྱིས་བརླབས་པའི་ཆོས་ཉིད་ཡིན་མོད༔ འོན་ཀྱང་ཐུགས་རྗེའི་བྱིན་རླབས་བསྐུལ་ཞིང་བྱིན་ཕབ་པ་ནི༔ གནས་དང་གང་ཟག་དང་སྒྲུབ་རྫས་ཐམས་…

ནས༔ ཐམས་ཅད་བདག་དང་དཀྱིལ་འཁོར་ལ་ཐིམ་པར་བྷེ་ཞིང་༔ ཧཱུྃ་དབང་དྲག་རོལ་པའི་སོགས་ནས་ཨ་ཝེ་ཤ་ཡ་ཨ་ཨཱའི་བར་དུ་གྱེར་རོ༔ དེ་ནས་སྐབས་འདིར་གཏོར་མ་བྱིན་རླབས་དང་བདུད་རྩི་མཆོད་པ་བྱིན་རླབས་གཞན་ནས་ཁ་སབ་སྲོལ་ཡོད་ཀྱང་༔ གཏེར་གཞུང་འདི་མ་བཅོས་པ་རང་ཟབ༔ བཅོས་པ་ལེགས་ལེགས་འདྲ་ཡང་བྱིན་རླབས་ཉམས་པར་གསུངས་པས༔ གཞུང་སྔགས་ཀྱི་མཆོད་པ་བ…

ལོ་ཅན་དུ་གནས་པའི་རཀྟའི་རྒྱ་མཚོ་ཆེན་པོར་གྱུར་ཏེ༔ ལྷ་མོ་ཡང་རཀྟ་ལ་ཐིམ་པར་བསམས་ནས༔ མ་ཧཱ་རཀྟ་སོགས༔ དེ་ནས་སྨན་རཀ་གཏོར་གསུམ་གྱི་རླངས་པ་ལས་སྐུ་གསུང་ཐུགས་ཀྱི་རིག་མ་ལྔ༔ མཆོད་པའི་ལྷ་མོ་རིན་པོ་ཆེའི་གཞོང་པ་ཐོགས་པ་བྱེ་བ་དུང་ཕྱུར་ཚོགས་ཀྱི་ཡོ་བྱད་སྣ་ཚོགས་དང་༔ མེ་ཏོག་བདུག་སྤོས་སོགས་མཆོད་པའི་ཡོ་བྱད་དུ་མ་ཐོགས་པར་བསྒོམ…

ན་གོ་བ་དེ་ཡིད་ལ་བཀོད༔ ཐ་མ་ཆོས་ཐམས་ཅད་རང་བཞིན་གྱི་སྟོང་ཞིང་བདག་མེད་པ་ཡིན་བསམ་པ་ཙམ་བྱས་ལ༔ ཧཱུྃ༔ ཆོས་རྣམས་ཞེས་པ་ནས་ཤུདྡྷོཉཧཾ་ཞེས་པའི་བར་བརྗོད༔ དེ་ལྟར་ཆོས་ཐམས་ཅད་ཡེ་ནས་ཡེ་ཤེས་ཀྱི་སྙིང་པོ་ཅན༔ སྟོང་ཉིད་ཆོས་སྐུ་རྗེན་པ་ཡིན་ཀྱང་༔ དེ་མ་ཤེས་པར་འཁོར་བར་འཁྱམས་པའི་སེམས་ཅན་སྙིང་རེ་རྗེ་སྙམ་དུ་བསྒོམ༔ འདི་སྟོང་ཉིད་སྙ…

བག་ཆགས་དང་ཞེ་སྡང་བཀྲུས༔ ནམ་མཁའ་སྤྲིན་མེད་པ་ལྟ་བུའི་ཆོས་ཀྱི་དབྱིངས་ཀྱི་མཁའ་ཀློང་རྡོ་རྗེ་བཙུན་མོའི་བྷ་གའི་རང་བཞིན་དུ་གྱུར༔ ཧཱུྃ་དེ་ལས་ཨེ་ཡཾ་ར་སུཾ་ཀེ་རཾ་ཧཱུྃ་འཕྲོས་པས་འབྱུང་བ་རིམ་བརྩེགས་གཞལ་ཡས་ཁང་༔ དུར་ཁྲོད་བརྒྱད་རྡོ་ར་མེ་རི་དབུས་ཉི་ཟླ་པདྨ་རོ་གདན་དང་བཅས་པ་སྒོམ་ལུགས་དཀྱིལ་འཁོར་སྤྱི་དང་འདྲའོ༔ ཧཱུྃ་བྷི་ཤྭ…

གཙོ་ཆེ་བས༔ མདུན་བསྐྱེད་ཀྱི་ཤར་སྒོའི་དྲུང་དུ་བདག་བསྐྱེད་ཀྱི་དཀྱིལ་འཁོར་བསྐྱེད༔ དེ་ཡང་གཙོ་གང་ཆེ་བའི་རྡོ་ར་མེ་རི་ནི་གུར་ཕུབ་པ་ལྟར་བར་མཚམས་མེད་པ༔ དཀྱིལ་འཁོར་ཁྱམས་ཀྱི་དཀྱིལ་འཁོར་གཞན་རྣམས་ཀྱི་རྡོ་ར་མེ་རི་ནི་དགོན་པའི་ལྕགས་རི་ལྟར་སྟེང་ཧད་པོར་ཡོད་པར་བསྒོམ་པ་མན་ངག་གོ༔ དེ་མ་བྱས་ན་བདག་མདུན་བར་སྲུང་འཁོར་གྱིས་ཆོད…

གནས་འགྱུར་ནས་བྱོན༔ བདེ་བ་ཅན་ནས་འོད་དཔག་མེད༔ རི་རབ་འབར་བའི་རྩེ་མོ་ནས་བྱ་ཁྱུང་༔ འོག་མིན་ཕོ་བྲང་ནས་འཇམ་དཔལ༔ དབང་དྲག་རོལ་པའི་དཀྱིལ་འཁོར་ནས་པདྨ་དབང་ཆེན༔ ལྕང་ལོ་ཅན་ནས་གསང་བདག་སོགས་བྱོན་ཅིང་རང་རང་ལ་ཐིམ་པར་བསྒོམ༔ སླར་ཡང་སངས་རྒྱས་ཀྱི་ཞིང་ཁམས་ཐམས་ཅད་ནས་སངས་རྒྱས་བྱང་སེམས་བླ་མ་ཡི་དམ་ཐམས་ཅད་གུ་རུ་དྲག་པོའི་ལྷ་ཚོག…

བདག་ཐ་མལ་པའི་ལུས༔ ལྷའི་གྲངས་དང་མཉམ་པར་སྤྲུལ་ནས༔ བདག་མདུན་གྱི་དཀྱིལ་འཁོར་གྱི་ནང་གི་བར་ཁྱམས་སུ་འཁོད་དེ༔ ལག་ན་པདྨ་དང་ཟླ་བ་དང་ཉི་མ་གསུམ་བརྩེགས་ཀྱི་གདན་རེ་རེ་བཟུང་ནས༔ ལྷ་སོ་སོར་ཕུལ་བས་སོ་སོའི་གདན་ལ་ཐིམ་པས་སྔར་ལས་ཅུང་ཟད་ཆེ་ཞིང་གཟི་མདངས་ཆེ་བར་བསྒོམས་ལ༔ ཧཱུཾ་དུར་ཁྲོད་ཆེན་པོ་སོགས༔ ཏིཥྛ་ལྷན་བར་བརྗོད༔ དེ་ནས་བད…

ནས་བདག་ལུས་དེ་དག་སྐད་ཅིག་ལ་མཆོད་པའི་ལྷ་མོ་དཔག་ཏུ་མེད་པར་གྱུར་ཏེ་ཕྱི་མཆོད་མེ་ཏོག་བདུག་སྤོས་སོགས༔ ནང་མཆོད་འདོད་ཡོན་ལྔ༔ གསང་བ་བདེ་སྟོང་གི་མཆོད་པ༔ ཕྱག་ན་བྷན་ཐོགས་པས་ནང་མཆོད་བདུད་རྩིའི་རྒྱ་མཚོ་ནས་བཅུས་ཏེ་སོ་སོར་མཆོད་པར་བསྒོམ༔ སྐབས་འདིར་ལ་ལས་སྨན་མཆོད་དང་གཏོར་བསྔོས་གཉིས་ཡང་ཕྱེ་མ་ཤེས་པའི་ཉབ་ཉོབ་ཚིགས་བཅད་མང་…

པའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ བཀའ་བབས་ཆོས་བདག་ཉེར་ལྔའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ དྲིན་ཆེན་རྩ་བརྒྱུད་བླ་མའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཡི་དམ་དབང་དྲག་པདྨའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཆོས་བདག་མཁའ་འགྲོ་སྡེ་ལྔའི་ཞལ་དུ་སརྦ་པཉྩ་ཨ་མྲྀ་ཏ་ལ་ཁ་རཾ་ཁཱ་ཧི༔ ཆོས་སྐྱོང་བདུད་མགོན…