བྱེད་པ་སྨྱོན་པ་ཡིན། །ཞེས་གསུངས་པ་ལྟར་རོ། །དེས་མཚོན་ཏེ་སྡོད་ས་རི་ཁྲོད་དུ་བསྡད་ཀྱང་བསམ་རྒྱུ་རྙེད་བཀུར་སྙན་གྲགས་ཁོ་ན་བསམ་པ་དང་སྒོམ་ལྟར་སྣང་ལ་མགོ་འཁོར་བ་ནི་དོན་མེད་ཁོ་ན་ཡིན་པས། འཇམ་མགོན་ས་པཎ་གྱིས། དམ་པའི་གདམས་པས་སྤྲོས་པ་མ་ཆོད་པར། །ཞི་གནས་བྱིང་པོ་ཞིག་ལ་སེམས་བཟུང་ནས། །གཏི་མུག་མུན་པ་ཡང་ཡང་སྤེལ་བྱེད་པ།། ཕྱི…

པ་ཅན། །སེང་གེ་གངས་ལ་གནས་པའི་སྒོམ་ཆེན་ཡིན། །ཞེས་པ་ལྟ་བུ་ལྟ་སྒོམ་སྤྱོད་གསུམ་གྱི་ཡང་རྩེར་སོན་ཞིང་དོན་གཉིས་ཕུན་སུམ་ཚོགས་པ་སྒྲུབ་ནུས་པ་ཞིག་བྱུང་ན་ལེགས་ལ། མ་མཐའ་འང་། ཐེག་མཆོག་སྒྲུབ་པ་ཚུལ་བཞིན་མ་ནུས་ཀྱང། །དབང་བཞིའི་དམ་ཚིག་མེ་ཏོག་ཆུན་པོ་ན། །མགོ་ཡི་ཐོད་བཞིན་རབ་ཏུ་སྲུང་བྱེད་ན། །སྲིད་པ་མྱུར་དུ་སྒྲོལ་བའི་སྒོམ་ཆ…

མཐུན་གྱི་ཡོ་བྱད་ཕྲན་ཚེགས་སྒྲུབ་དགོས་པ་རྣམས་ཀྱང་ཞར་ལ་ཚགས་སུ་ཚུད་པར་བྱ། ནོར་རྫས་ཡོ་བྱད་ཀྱང་ཆོག་ཤེས་ཀྱིས་ཚོད་མ་བཟུང་བར་མཁོ་བའི་བསམ་མནོ་ཁོ་ན་བཏང་ན་སྲེད་པ་ཇེ་ཆེར་སོང་ནས་མི་དགོས་དགུ་དགོས་ཤིང། ཇི་ཙམ་ཡོད་ཀྱང་ཆོག་རྒྱུ་མེད་པ་ཞིག་འབྱུང་སྟེ། ཚོམས་ལས། གངས་ཅན་དང་ནི་མཉམ་པ་ཡི། །གསེར་གྱི་རི་བོ་ཡོད་གྱུར་ཀྱང། །ནོར་དེས…

པ་བཀའ་གདམས་གླེགས་བམ་ལས། འཕྲལ་ལ་ཟས་འཚོ་བྱ་དང་འདྲ། །ཀག་སྟེ་ལང་བས་གཞིས་རྫོགས་པ། །གསུངས་པ་དེ་བཞིན་ཞིག་བྱུང་ན་བཀའ་གདམས་གོང་མའི་གསུང་སྒྲོས་ལས། སྔར་ངའི་ཁས་ཟས་མི་རྙེད་པ་ལ། ད་ཟས་ཀྱིས་ངའི་ཁ་མི་རྙེད་པར་འདུག་གསུངས་པ་ལྟར་འགྲོ་བ་ཀུན་གྱི་མཆོད་པའི་གནས་སུ་འགྱུར་བ་མ་གཏོགས་ཡོ་བྱད་ཀྱིས་བྲེལ་མི་སྲིད་པས་ཁ་རག་སྒོམ་ཆུང་གིས…

སྐུ་དྲང་པོར་བསྲང་ཞིང་དབུ་ཅུང་ཟད་སྒུར་ཏེ་ལོ་ཡག་གི་སྙེ་མ་ལྟར་བཞུགས་པ་ལས། ཁ་བཏུམ་གཞོག་གཅུས། གཡས་ལྟ་གཡོན་ལྟ། ཀ་བ་དང་རྩིག་པ་ལ་བསྙེ་བ། ལོང་གཏམ་སྨྲ་བ། གཞན་ལ་མིག་བརྡ་དང་མཆུ་ཚུགས་བྱེད་པ། ཟླ་གམ་གྱི་མདུན་ཕྱེ་ནས་སྡོད་པ་སོགས་སྤྱོད་ལམ་མི་མཛེས་པའི་རིགས་སྤངས་ཏེ་ཚུལ་དང་མཐུན་པར་བཞུགས། ཚོགས་འདོན་གྱི་རིམ་པ་རྒྱུན་ཆགས་སུ…

འཇིགས་བྱེད། ཚེས་བཅུ་ལ་བདེ་མཆོག །ཚེས་བཅུ་གསུམ་ལ་བདེ་ལམ། ཚེས་བཅོ་ལྔ་ལ་གསང་འདུས། ཉི་ཤུ་ཐམ་པ་ལ་མི་འཁྲུགས་པ། ཉི་ཤུ་ལྔ་ལ་བདེ་མཆོག་གི་བདག་འཇུག །ཉི་ཤུ་བརྒྱད་ལ་བླ་མཆོད་དང་ཕྱག་ཆེན། ཉི་ཤུ་དགུ་ལ་མགོན་ཆོས་ལྷ་མོ་གསུམ་གྱི་བསྐང་གསོ་བཅས་དུས་བཟང་དགུ་རེ་དང། རྒྱུན་པར་ཚེས་ལྔ། ཚེས་བཅུ། ཉི་ཤུ། ཉེར་ལྔ་མ་གཏོགས་པའི་དུས་བཟང་ལ…

འགྲོ་བའི་ཚེ་མཆིལ་ལྷམ་མི་བགོ་བ། འགྲོ་བའི་ཚེ་གཟན་སྐྱོར་བྱས་ནས་ཟླུམ་པོར་བགོ་བ་སོགས་སྤྱོད་ལམ་གང་གི་ཚེའང་སྟོན་པའི་བཅས་པ་རྗེས་སུ་དྲན་པའི་ཤེས་བཞིན་གྱིས་ཟིན་པ་བྱས་ན་ཚོགས་གསོག་སྒྲིབ་སྦྱོང་རླབས་པོ་ཆེ་ཞོར་ལ་འགྲུབ་པས་དོན་ཆེ་བ་ཡིན་གྱི། རྒྱུན་པར་སྒོ་གསུམ་བག་མེད་རྒྱ་ཡན་དུ་བཏང་ནས་ཆོས་བྱེད་དུས་ཤིག་ཟུར་ན་ཡོད་པ་བཞིན་བ…

སྒོམ་པ་གཉིས་ལྷན་དུ་སྡོད་པ་མི་བྱེད་ཅིང། བདུན་ཅུ་བརྒལ་བས་གང་ཡང་མི་འཛོམ་པ་མ་གཏོགས་གྲྭ་པ་བསྟེན་མི་ཆོག །གྲྭ་པ་གཤེགས་པའི་ཆས་སོགས་ཉོ་ཚོང་གང་ལའང་ཡུལ་དུས་ཀྱི་རིན་ཐང་ཚད་མ་མ་གཏོགས་གཅིག་གིས་གཅིག་ལ་བཙོང་ཕྱོགས་མི་བྱ། གཞན་གྱིས་ཉོ་བའི་བར་དུ་མི་འཚང་ཞིང་རིན་ཐང་འོས་ངེས་བཅད་པ་ལས་ཆད་ལྷག་ཏུ་མི་འཇལ། འདི་ནས་ཕྱོགས་གཞན་ལ་གྲོ…

པ་ལྟ་བུ་བསམ་བློ་ཞིབ་ཏུ་བཏང་ནས་ཚེ་མཇུག་རི་ཁྲོད་འདིར་སྐྱེལ་ཐུབ་པ་ཞིག་བྱེད་དགོས་སྙམ་ནས་ཡོང་བ་ཡིན་སྟབས། རྒྱལ་སྲས་ཞི་བ་ལྷས། དང་པོར་འབྱོར་པ་བརྟག་ནས་ན། །བརྩམ་མམ་ཡང་ན་མི་བརྩམ་བྱ། །བརྩམས་ནས་ལྡོག་པར་མི་བྱ་འོ། །ཞེས་གསུངས་པ་བཞིན་དམ་བཅའ་མཐར་ཐོན་པ་ཞིག་བྱེད་པ་མ་གཏོགས་གཡས་འགྲོ་གཡོན་འགྲོ་མང་པོའི་འགོ་མི་རྩོམ། ལོ་རེ་བ…

བསྒྱུར་བྱེད་དགོས་བྱུང་ནའང། བྲེ་དང་སྲང་གཡོ་སྒྱུས་མགོ་སྐོར་སོགས་དགེ་འདུན་ལོག་འཚོ་ལ་སྦྱོར་བའི་ཞབས་འདྲེན་བྱེད་མི་རུང་སྟེ། ཟླ་བ་སྒྲོན་མའི་མདོ་ལས། ལས་གང་སངས་རྒྱས་ཀྱིས་ནི་རྟག་སྨད་པ། །སྲང་དང་ཚད་ལ་གཡོ་སྒྱུ་བྱེད་པར་ཞུགས། །དེ་འདྲ་སྡིག་པ་ཉོན་མོངས་ལས་བྱས་པ། །ལས་ངན་བྱེད་པ་དེ་དག་ངན་སོང་འགྲོ། །ཞེས་གསུངས་སོ། །མདོར་ན…

ཆུད་ཟོས་སུ་མ་སོང་བ་ཞིག་མཛད་ན་ངེས་པར་གཏན་གྱི་བདེ་སྐྱིད་འགོ་ཚུགས་པ་ཞིག་འོང་སྟེ། མཉམ་མེད་ཇོ་བོ་ཆེན་པོས། རང་གི་སེམས་ལ་ཆོངས་དང་ཁ་ཚིག་མིན་གྱི་གྲོས་ལ་གསན་པར་རིགས། །དེ་ལྟར་མཛད་ན་བདག་ཀྱང་དགའ་ལ་རང་གཞན་ཀུན་ཡང་སྐྱིད་པར་མཆིས། །ཞེས་དང། ཀུན་མཁྱེན་འཇམ་དབྱངས་བཞད་པའི་ཞལ་ནས། ཆོས་བྱེད་ན་དེ་བཞིན་མཛད་ན་དགའ། །དེ་སུས་བྱས་ས…

ཡིད་དགའ་ཆོས་འཛིན་གྱི་བཅའ་ཡིག་ཟུར་འདེབས་བཞུགས་སོ།། ཨོཾ་བདེ་ལེགས་སུ་གྱུར་ཅིག །དེའང་ཁྲི་ཐོག་ལྔ་བཅུ་པ་ཞལ་སྔ་ནས་དགེ་འདུན་ཕུན་ཚོགས་ལ། ཀུན་མཁྱེན་འཇམ་དབྱངས་བཞད་པའི་རྡོ་རྗེ་མདོ་སྨད་དུ་ཕེབས་ཀར། ངེད་ཀྱིས་དགོན་པ་བཏབ་འཇོག་རྒྱུ་ཡིན་པས་སླར་ཁྱེད་རང་ཚོས་སྐྱོང་དགོས་ཞེས་དགོངས་གཞི་ཅན་གྱི་བཀའ་གནང་བ་ལྟར། སྐུ་ཚེ་དེར་དགའ་ལ…

ཆོད་པ་དང་དགོན་པའི་འཛིན་སྐྱོང་ཡང་དག་གནང། དེ་སྐབས་དགོན་འདིར་འཆད་ཉན་ལེགས་ཀྱང་ཉེ་སྐོར་དུ་སྒྲུབ་གྲྭ་མེད་པས་བཤད་སྒྲུབ་གཉིས་ལྡན་དུ་བྱ་བར་དགོངས་ཤིང། དགོན་པའི་བྱང་སྐྱོར་ལྟ་བུར་ཕན་པའི་རྟེན་འབྲེལ་ལའང་དགོངས་ཏེ་སྒྲུབ་སྡེ་འདི་བཏབ། ཆོས་འདུལ་བའི་ཀུན་སྤྱོད་གཙང་མ་གཞིར་བྱས་ཏེ་བསྟན་པ་ཡོངས་རྫོགས་ཀྱི་ཉམས་ལེན་ཚང་བའི་སྒོམ་…

མྱོང་བ་གལ་ཆེ། སྡེ་འདིར་འོངས་པའི་དགོས་དོན་ཚོགས་གསོག་སྒྲིབ་སྦྱོང་གི་ཆེད་ཡིན་ལ། ཞལ་འདོན་གྱི་རིམ་པ་འདི་སྐྱེས་བུ་དམ་པ་གོང་མ་རྣམས་ཀྱིས་གནད་གང་ཆེ་ཐམས་ཅད་ཕྱོགས་གཅིག་ཏུ་བསྒྲིགས་ནས་བཞག་པ་ཡིན་པས། འདི་ཇི་ལྟ་བ་ཞིག་བྱུང་ན་དེ་ལས་ལྷག་པ་རང་གི་ཤག་ཏུའང་བྱེད་རྒྱུ་མེད་པར་མ་ཟད་དགེ་འདུན་མི་ཕྱེད་འདུན་པའི་སྟོབས་ཀྱིས་ཚོགས་སུ…

ལྗོངས་རྒྱུ་སོགས་ཀྱི་སྐབས་སུ་སྦ་འཁར་བསྣམས་སྲོལ་ཡོད་པ་བཞིན་རབ་འཁར་གསིལ་དང། དེ་མིན་ཡང་སྦ་དང་སྨྱུག་མ་གདོང་དྲུག་གི་དབྱུག་པ་ཅོད་པན་དང་དྲིལ་ཆུང་སོགས་གྲ་འགྲིགས་པ་དགོས་ཀྱི། ལྕང་དབྱུག་རེའི་རྩེར་རས་ཤུར་བཏགས་པ་ལྟ་བུ་བཟུང་མི་ཆོག །གྲྭ་ཅན་པག་ཁུག་སོགས་ཀྱང་དགོན་དང་མཐུན་པ་བྱེད། ༼ཅཉ༽ཆོས་ཉན་ཚུལ་དང་ཉན་པའི་ཡུལ་ཚུལ་དང་མཐུ…

གཅིག །དགུང་མོ་བརྡ་བཏང་ནས་མུན་སྲོས་ཀྱི་བར་དུ་ཐུན་གཅིག་དང། དེ་ནས་སྲོད་ཡོལ་གྱི་བར་ཐུན་གཅིག་བྱེད། ཐུན་བརྡ་སྔ་འཕྱི་དུས་དུས་ཀྱི་ཉི་ཚོད་ལ་ཆ་བཞག་སྟེ་ཆ་མཉམ་པའི་ཁུར་ལེན་གཉེར་པས་བྱེད་ཅིང། གནས་བརྟན་གྱིས་ཀྱང་བཀོད་པས་ཁྱབ་པར་བྱ། ཇ་བཞེས་ནའང་ཞོགས་ཀ་ནམ་མ་ལང་གོང་དང། དགུང་མོ་མུན་སྲོས་ཙམ་མ་གཏོགས་མེ་བཏང་མི་ཆོག །ཐུན་གྱི་ས…

ཀླུ་སྒྲུབ་ཀྱིས། ནོར་རྣམས་ཀུན་གྱི་ནང་ན་ཆོག་ཤེས་པ། །རབ་མཆོག་ལགས་པར་ལྷ་མིའི་སྟོན་པས་གསུངས། །ཀུན་ཏུ་ཆོག་ཤེས་མཛོད་ཅིག་ཆོག་མཁྱེན་ན། །ནོར་མི་བདོག་ཀྱང་ཡང་དག་འབྱོར་པ་ལགས། །གསུངས་པ་ལྟར་ཆོག་ཤེས་ན་ཡོ་བྱད་མི་མང་ཡང་དཔལ་ཕུན་སུམ་ཚོགས་པའི་དགའ་བ་ཉམས་སུ་མྱོང་ལ། ཆོག་མ་ཤེས་ན་ནོར་ཇི་ཙམ་མང་བ་བཞིན་གསོག་བསྲུང་གི་སྡུག་བསྔལ་མ…

ཚོད་ལ་བལྟས་ན། དེ་ཚུན་ལ་འཆི་བདག་སླེབ་ཉེན་ཡོད་པས་ཕྱི་མར་ཕན་ངེས་ཀྱི་ཆོས་ཤིག་སྒྲུབ་དགོས་རྒྱུ་ཡིན་ཞིང། ད་ལྟ་ཆོམ་རྐུན་སོགས་ཀྱིས་རྒྱུ་ནོར་སྣ་རེ་ཕྲོགས་ཀྱིས་དོགས་ནས་སྐྲག་ཅིང་གཉིད་མི་འོང་པ་ལ་བལྟས་ནའང། འཆི་བདག་སླེབ་དུས་ཟས་གོས་དང་ཕྲལ་བས་མི་ཆོག །ནོར་རྫས་དང་ཕྲལ་བས་མི་ཆོག །ཁང་ཁྱིམ་ཡུལ་འཁོར་དང་ཕྲལ་བས་མི་ཆོག །གཉེན་མ…

པ་དེ་བརྣབ་སེམས་ཡིན་པས་རྙེད་པའི་སྒོ་འགོག་པ་མ་གཏོགས་ཕན་ཐོགས་རྒྱུ་ཅིའང་མེད་པ་ནི། རིན་ཆེན་ཕྲེང་བ་ལས། བརྣབ་སེམས་ཡིད་ལ་རེ་བ་འཇོམས། །ཞེས་གསུངས་པ་བཞིན་ནོ། །དེས་ན་སྦྱིན་བདག་གི་བཟང་ངན་དང་གཉེར་པའི་གཏོང་སྒོ་ཕྲ་སྦོམ་གྱི་གླེང་མོ་མངོན་ཚན་ཆེ་བ་རྒྱུན་པར་མི་བྱེད། འོན་ཀྱང་གཉེར་པ་ཁོ་རང་ཡང་ཕྱི་མའི་དོན་བསམ་ནས་འོང་མཁན་ཡིན…

པའམ་ནམ་དུས་ངན་པས་སྦྱིན་བདག་རྙེད་དཀའ་བ་བྱུང་སྟེ། ཐབས་མེད་པར་དུས་བཟང་གི་སྔ་ཕྱིར་སྦྱིན་བདག་བྱུང་བ་དུས་བཟང་དང་གསེག་སྤྲོད་དགོས་ཤར་ཚེ་དགེ་འདུན་རྣམས་ནས་ཀྱང་གནས་ཚུལ་གཟིགས་ཏེ་ཐུགས་ཀྱི་དགོངས་པ་ཁྲོལ་བ་བྱེད། མདོར་ན་བསམ་རྒྱུའི་གཙོ་བོ་ལྟོ་གོས་སུ་མ་སོང་བར་བློ་ཁ་ཆོས་ཕྱོགས་སུ་འཁོར་བའི་གཏན་གྱི་དགོས་དོན་མ་འཆུག་པ་བྱེད།…