བསྒྱུར། དགེ་འདུན་པ་རྣམས་མཐོང་ཐོས་ཀྱི་མཛད་པ་དང༌། རྗེ་ཉིད་ཐག་རིང་དུ་འབྱོན་པའི་ངང་ཚུལ་ལ་སྐྱོ་བས་གདུངས་ཏེ་འབྲལ་མི་ཕོད་པར་གྱུར། རིགས་སྨྲའི་ཁྱུ་རྒྱན་ངང་པའི་རྒྱལ་པོ་དེས། །དབུས་གཙང་ཆོས་ཀྱི་རོལ་མཚོ་བསྙེགས་པ་ན། །ཆོས་མཐུན་རིགས་སྨྲའི་དར་འབོད་ཐལ་སྐད་དང༌། །ལྷན་ཅིག་འདུས་ཚོགས་ངང་མོ་སྐྱོ་བས་གདུངས། །དེ་དུས་ཀུན་མཁྱེན་…

ཀླུང༌། །ཐག་རིང་ཡུར་བར་ཇི་ལྟ་ཇི་ལྟར་གཞོལ། །དེ་ལྟ་དེ་ལྟར་ཡིད་ཀྱི་དྲན་པའི་རྒྱུན། །ཡོངས་འཛིན་གདེངས་ཅན་གནས་དེར་མངོན་པར་འཁྱིལ། །དགོན་པའི་གཞུང་ནས་སྐྱེལ་མ་རིམ་པ་གསུམ་དང་བཅས་རིམ་གྱིས་ཕེབས་པར་ཝང་གི་ཨུ་རྒེ་དང༌། ཚ་གན་ནོ་མོན་ཧན་ནས་ཀྱང་བསུ་སྐྱེལ་ཇ་ཐབ་སོགས་བསྙེན་བཀུར་གང་དྲག་ཞུས། ལམ་འཁོད་ཀྱི་མཚོ་སྔོན་ཐོར་གོད་ཁ་གསུམ…

རོལ་རྩེད་ཀྱིས། །ཐུབ་བསྟན་བྱི་དོར་བགྱིད་པ་པོ། །ཆོས་གྲྭ་ཆེ་དེར་དགའ་བཞིན་ཞུགས། །པདྨོའི་མཚོ་ལ་ངང་མོ་བཞིན། །དེ་ནས་བཀྲ་ཤིས་ལྷུན་པོར་ཕེབས་ཏེ་པཎ་ཆེན་ཐམས་ཅད་མཁྱེན་པ་བློ་བཟང་དཔལ་ལྡན་ཡེ་ཤེས་ལ་དངུལ་སྲང་ཉིས་བརྒྱ། རྟ་བཟང་ཉི་ཤུ། གོས་དར་རས་ཟམ་སོགས་ཀྱི་མཆོད་སྤྲིན་ཐོག་བརྟན་བཞུགས་འབྲེལ་ཆགས་ཞུས་པར་དགྱེས་པའི་བཀའ་ལན་སྩལ།…

སྲང་བརྒྱ་སོགས་ཀྱི་དངོས་འབུལ་བཏེག །གཞུང་ནས་བཞུགས་ཁྲི་རྒྱབ་ཡོལ་དཀར་སྤྲོའི་གཞིས་ལེན་གང་རྒྱས་མཛད། ལྷ་ལྡན་སྨོན་ལམ་ལ་མང་ཇ་གཉིས་དང་དངུལ་སྲང་སྟོང་དང་དྲུག་བརྒྱ་ལྷག་གིས་དངུལ་ཞོ་རེའི་འགྱེད། ཟམ་སོ་དགུ་བརྒྱ་ལྷག་གིས་གསུང་ཆོས་རྭ་བ་དྲུག་སྟོང་བརྒལ་བར་རས་འགྱེད། འབྲས་སྤུངས་ཚོགས་ཆེན་ལ་དངུལ་ཞོ་འགྱེད། སྒོ་མང་གྲྭ་ཚང་ལ་ཞོ་…

གཟིགས་རྟོག་དང་བགྲོ་གླེང་ལ་བཞེངས་པར་མཛད། ཆོས་གྲྭ་ཆག་མེད་ངོས། གསེར་འཕྲེང་གི་སྐབས་དང་པོ། ཡིག་ཆའི་ཕར་ཕྱིན། ལེགས་བཤད་སྙིང་པོའི་སྟོད་ཆ་སོགས་ཐུགས་འཛིན་མཛད། དགུན་ཆོས་ལ་འཛིན་གྲྭ་སྐབས་དང་པོར་ཕེབས། དགུང་ལོ་ཉི་ཤུ་པ་ལྕགས་གླང་ལ་རྩེའི་མཇལ་ཁ་དང་ལྷ་ལྡན་སྨོན་ལམ་མ་གཏོགས། སྐྱོར་སྦྱངས་རྩོད་གྲྭ་སྔར་རྒྱུན་ལྷོད་མེད་དང༌། དྲ…

ཞིང༌། གསོལ་དཔོན་རབ་འབྱམས་པས་བྱ་བྲལ་ཆོས་འབྱོར་སོགས་དགེ་བཤེས་གྲགས་གང་ཆེ་སྐུ་མདུན་དུ་བོས་ནས་འཕྲོས་པ་གནང་བཅུག་ཀྱང༌། རྒྱ་གཞུང་དང་དཀའ་གནད་ལ་འཇུག་པ་ཉུང་ཞེས་གསུངས་པ་ཐོས་ཏེ་གྲགས་སྐམ་ཙམ་གྱིས་ཐུགས་མི་ཁེངས་ཤིང༌། གཞན་དང་མི་མཉམ་པའི་མཁྱེན་དཔྱོད་ཀྱི་གཏེར་དུ་གྱུར་པའི་ཁྱད་ཆོས་བླ་ན་མེད་པའོ། །སྔ་ཕྱི་འཛིན་གྲྭ་གཏུག་སྐབས་…

པའི་སྦྱངས་པའི་ཡོན་ཏན་ལྷུར་བཞེས་ཤིང། སྔ་ཆབ། ཕྱི་ཆབ། ཡོ་བྱད་བྱིན་རླབས་སོགས་འདུལ་བའི་ལག་ལེན་ཕྲ་མོ་རེ་ཡང་མ་ཉམས་པར་ཕྱག་ལེན་དུ་བཏབ་པས་ཚུལ་ཁྲིམས་ཀྱི་ཕུང་པོ་ཡོངས་སུ་རྫོགས་པའི་གནས་བརྟན་ཉེ་བར་འཁོར་ལྟ་བུར་གྱུར། ཕྱག་མཛོད་རབ་འབྱམས་པ་དགེ་འདུན་གྲགས་པ་ཞི་བར་གཤེགས་པའི་དགེ་སྒྲུབ་རྒྱ་ཆེར་མཛད་ཅིང༌། ཐུགས་ངལ་བའི་སྐྱོ་ཤས་…

སོགས་ཀྱིས་གཏན་ལ་ཕབ་པ་ལྟར་ཡང་དག་པའི་ལྟ་བ་ཕྱིན་ཅི་མ་ལོག་པར་རྙེད་པའི་སྨྲ་བའི་ཁྱུ་མཆོག་ཏུ་གྱུར། ཟབ་མོ་རྟེན་འབྱུང་གཟིགས་པའི་རྣམ་དཔྱོད་ཀྱིས། །དངོས་པོར་སྨྲ་བའི་གླང་ཆེན་འདར་བྱེད་ན། །དེང་དུས་སྨྲ་མཁས་རི་དྭགས་ཚོགས་རྣམས་ཀྱིས། །འགྲན་དུ་མེད་ཅེས་བསྔགས་པ་བྱིས་པའི་གཏམ། །སྐབས་དེར་ལྷ་རམས་པའི་མཚན་བཏགས་གཏད་པའི་སྟབས་ཀྱིས…

དོན་རྣམས་ཝལ་གྱིས་ས་ལེར་འཆར་ཐུབ་པ་ཡོད་གསུངས་ཤིང༌། རྣམ་ཐར་སྤྲིང་ཡིག་ལས་ཀྱང༌། གཞུང་ཆེན་སོ་སོའི་རྩ་བ་རྒྱ་བོད་ཀྱི། །འགྲེལ་པ་མཐའ་དཔྱོད་བཅས་ལ་སྦྱངས་པ་ཡིས། །ཤེས་ལོ་ཐོས་ལོའི་རྣམ་གྲངས་བརྒྱ་ཕྲག་བརྒལ། །རྩྭ་སྦུར་མེ་མཆེད་ལྟ་བུའི་རྣམ་ཐར་ཡིན། །ཞེས་ཁེངས་སྐྱུང་དང་བཅས་གསུངས་པ་ལྟར་རོ། །རྒན་གཞོན་ཀུན་གྱིས་དྲི་གཏུགས་དང་དོ…

ཞལ་གདམས་ལྷུག་པར་མནོས། བདེ་ལམ་ལ་ཟིན་བྲིས་མཛད་ཀྱང་འབྲས་སྤུངས་སུ་ཆོས་ཐོག་ཚུགས་པའི་སྟབས་ཀྱིས་མཇུག་ཅུང་ཟད་ལུས། བདེ་མཆོག་ལཱུ་ཨི་པའི་དབང་དང་བསྐྱེད་རྫོགས་ཀྱི་ཁྲིད་ཞལ་ཤེས་དང་བཅས་པ་དགྱེས་བཞིན་དུ་གནང་བས་དེ་ནས་བཟུང་སྟེ་ཐུགས་དམ་གྱི་སྙིང་པོར་མཛད་ཅིང་མན་ངག་བཀའ་བབས་ཀྱི་བུ་ཆེན་དུ་སྣང༌། འཇམ་དཔལ་ཞལ་ལུང་གི་ཁྲིད་གནང་སྐབ…

རང་གི་བྱ་བ་བྱེད། །དེས་ན་སྲས་བཅས་རྒྱལ་བས་འགྲོ་བ་རྣམས། །སྐྱོང་བའི་འཕྲིན་ལས་ལྷུན་གྱིས་གྲུབ་འདི་སོམས། །དགུང་ལོ་ཉེར་གསུམ་པ་ཤིང་འབྲུག་ལ་ཡང་རྒྱལ་བའི་དགོངས་པ་དང་མཐུན་པར་ཚུལ་ཁྲིམས་རྣམ་དག་གིས་གཞི་བཟུང་བའི་ཐོས་བསམ་གཤའ་མ་སྔར་རྒྱུན་ལྟར་གནང་བས་གསུང་རབ་མཐའ་དག་གདམས་པར་གཟིགས་པའི་མཁྱེན་དཔྱོད་ཀྱིས་འཆད་རྩོད་རྩོམ་གསུམ་ལ…

བ་ཐམས་ཅད་སུན་ཕྱུང་སྟེ། ཕྱི་ནང་གི་གྲུབ་མཐའ་ཡོངས་ཀྱི་གཞི་ལམ་འབྲས་གསུམ་གྱི་གནས་ཚུལ་ལག་མཐིལ་གྱི་རྫས་ལྟར་གསལ་བར་གྱུར། ཞལ་ནས། སྐུ་ཞབས་རིན་པོ་ཆེ་ནས་ང་རང་ལ་དོན་གྱི་སྤྱི་ཁོག་གམ། གཞུང་ཆེན་པོ་ཞིག་གི་གཞི་རྟེན་མེད་པར་དཔེ་མང་ཀློག་པ་འདི་ཤེས་རབ་འཆལ་བའི་རྒྱུ་ཡིན། རྗེའི་གསུང་རབ་གཞིར་བཞག །གཞུང་ཐམས་ཅད་ཀྱི་དགོངས་དོན་གཅི…

ཡིག་ཆ་དང༌། བོད་ཀྱི་མཁས་པ་སྔ་མ་སོ་སོའི་གསུང་ལ་གཟིགས་རྟོག་གནང་བས་བཤད་པ་ཡང་དག་དང་ལྟར་སྣང་གི་ཁྱད་པར་དང༌། རྗེ་བླ་མའི་རིང་ལུགས་ཀྱི་གནད་ཕྲ་ཞིང་ཕྲ་བ་ཡང་མ་འདྲེས་པར་འབྱེད་པ་དང༌། ཚིག་གཅིག་གི་དོན་ལ་ཡང་མདོ་སྔགས་ཐམས་ཅད་སྡུད་པའི་ནང་བྱན་ཆུད་པ་བྱུང༌། འདི་ཡང་རྒྱལ་བ་འབྲོམ་གྱི་གསུང་ལས། ང་ཐོས་པའི་དུས་ན་བསམ་སྒོམ་གཉིས་ཀ་བ…

ཞེས་བཀའ་སྩལ་བའི་དོན་གོ་བར་གྱིས་ཤིག །ལོ་དེའི་དགུན་ཆོས་སྐབས་དངུལ་སྲང་སྟོང་དང་ལྔ་བརྒྱ་མ་ལོང་ཙམ་དང༌། ཁ་དར་སུམ་སྟོང་ལ་ཉེ་བས། འབྲས་སྤུངས་ཚོགས་ཆེན་ལ་མང་ཇའི་ཐོག་དངུལ་ཞོ་འགྱེད། སྒོ་མང་གྲྭ་ཚང་ལ་ཞོ་བཞི་སྐར་ལྔ་རེ་དང༌། ཁ་དར་རེ། སྔགས་པ་གྲྭ་ཚང་ལ་ཉིན་བདེ་མ་རེའི་འགྱེད་དང༌། བྱ་བྲལ་ཁམས་ཚན་ལ་བལ་ཊམ་རེའི་འགྱེད་བཏང༌། སྒོ་…

འབྲེལ་ཚད་དོན་ལྡན་དུ་མཛད་དོ། །ཆགས་མེད་སྤྲིན་ལས་ལྷོད་ལྷོད་བབས་པ་ཡི། །ཟང་ཟིང་ཆར་རྒྱུན་ཡང་ཡང་སྦྲེངས་པ་འདིས། །མང་མང་གདུལ་བྱ་རྫས་ཀྱིས་འབྲེལ་ལྡན་རྣམས། །གང་གང་རེ་འབྲས་དེ་དེར་ཐེ་ཚོམ་མེད། །གྲྭ་སྐོར་གྱི་ཉིན་རྒྱལ་དབང་རིན་པོ་ཆེ་དང༌། ཚ་རྡོར་ནོ་མོ་ཧན་འཁོར་བཅས་ཀྱང་ཁྱམས་རའི་སྟེང་དུ་བཞུགས་གདན་འཇགས། སྙན་གྲགས་ཀྱི་སྟབས་…

ཞིག་གིས་དུས་ཀྱི་མཐའ་འདིར་རྗེ་ཡབ་སྲས་ཀྱི་གྲལ་དུ་འོས་པའི་མཁས་བཙུན་བཟང་འཛོམ་གྱི་སྐྱེས་ཆེན་དམ་པ་འདི་འདྲ་ཕེབས་པ་སྐལ་བ་བཟང་ཞེས་བསྔགས་བརྗོད་བུང་བའི་དབྱངས་སྙན་མཁས་བླུན་ཡོངས་ཀྱི་མགྲིན་པའི་པད་མཚོར་ལྷན་ཅིག་སྐྱེས་པའི་རོལ་མོ་ལྟ་བུར་གྱུར་པ་ནི་དབུས་གཙང་ཆོས་ཀྱི་ཞིང་དུ་གྲགས་པའི་རང་རྟགས་རྨད་དུ་བྱུང་བའོ། །དེ་ལྟར་ཡང་རྣ…

བཤད་སྒྲུབ་ཡ་མ་བྲལ་བར་ཐོས་བསམ་སྒོམ་གསུམ་དང༌། འཆད་རྩོད་རྩོམ་གསུམ་གཅིག་གྲོགས་སུ་གཅིག་སོང་བའི་རྣམ་ཐར་དང༌། སྔོན་གྱི་མཁས་པ་ཆེན་པོ་དག་ལ་འགྲན་བཟོད་པའི་ལེགས་བཤད་ཀྱི་མཛོད་དང་མཁྱེན་པའི་གཏེར་དུ་གྱུར་པའི་གཏན་ཚིགས་རྨ་མེད་པ་ཉིད་དོ། །དམ་བཅའ་གྲུབ་རྗེས། ཡབ་རྗེ་མཆོག་ནས་ལྷ་སར་མི་ཏྲ་བརྒྱ་རྩ། རྡོ་རྗེ་འཕྲེང་བ། སྒྲུབ་ཐབས་ར…

སོགས་སོ་སོའི་འདོད་སྦྱར་གྱི་ཆོས་བཀའ་མང་དུ་གནང༌། སྔ་ཕྱིར་ཀུན་མཁྱེན་མཆོག་ལ་མན་ངག་ལྐོག་ཁྲིད་དང་དོགས་གཅོད་དུ་མ་ཡང་ཡང་ཞུས་པ་དང༌། བཀའ་ཆོས་སོགས་སྐབས་དུ་མར་མདོ་སྔགས་ཀྱི་གསུང་བཤད་ཐང་མར་བདལ་བ་ལ་བརྟེན་ནས། སྡེ་སྣོད་གསུམ་དང་རྒྱུད་སྡེ་བཞིའི་དགོངས་དོན་ལ་འཕྱུག་མེད་ཀྱི་གཟེར་ཐེབས་པ་བྱུང༌། དགའ་ལྡན་དུ་བྱོན་ནས་རྗེ་རིན་པོ…

ད་རེས་ཀྱང་དེ་བཞིན་གསུངས་ཨེ་ཡོང་ཞུས་པར། ཁྱེད་ཀྱི་ཞལ་ནས་བླ་མའི་གསུང་གཅོག་མི་ནུས་པའི་གསུང་དེ་འདྲ་ཡོང་བའིེ་རེ་བ་ཡོད། བླ་མ་འཇམ་དབྱངས་བཞད་པ་རིན་པོ་ཆེ་ལ་ངས་བསྟུན་པས་ཆོག་གསུངས། ཡབ་རྗེ་མཆོག་བོད་དུ་ཕེབས་ནས་རིང་མིན་གྱི་སྐབས་ཤིག་གསུང་འཕྲོས་ཆེད་གཏད་ལ། ང་རང་སྐྲ་སྔར་ལས་ཀྱང་དཀར་བ་འདི་ལྟར་ན་ཚོད་མཐོ་ཡང༌། ཁྱེད་ལེན་པའི…

མདོ་སྨད་དུ་ཕེབས་དགོས་གཞིར་བཞག་གི་གསུང་སྒྲོས་ཡོད་བཞིན་དང༌། ཉིན་གཅིག་སྐྱབས་མགོན་མཆོག་དང། ཀློང་རྡོལ་རིན་པོ་ཆེ། རྗེ་འདི་ཉིད་རྣམ་གསུམ་ཞལ་འཛོམ་སར་ཀློང་རྡོལ་རིན་པོ་ཆེ་ནས། བསྟན་པ་བྱང་ནས་བྱང་དུ་དར་བ་དེ་བཀྲ་ཤིས་འཁྱིལ་ཡིན་པ་རེད་ཨང་ཞེས་སྐུ་ཞབས་རིན་པོ་ཆེར་དྲིས་པར་སྐུ་ཞབས་ནས། དེ་འདྲ་ཟེར་གི་འདུག །བཀྲ་ཤིས་འཁྱིལ་ལ་ད…