སྐྱབས་ཡུལ་དཔག་ཏུ་མེད་པ་རྣམས་ཡིད་ཀྱིས་བསམས་ཏེ། ཨོཾ་ན་མོ་མཉྫུ་ཤྲི་ཡེ། ན་མཿསུ་ཤྲི་ཡེ། ན་མོ་ཨཏྟམ་ཤྲི་ཡེ་སྭཱཧཱ། ཞེས་ཕྱག་སྟོང་འགྱུར་གྱི་སྔགས་དང་སྦྲགས་པས་བརྐྱང་ཕྱག་གསུམ་གྱིས་ཐོག་དྲངས་ལྟུང་བཤགས་གཅིག་གམ། གསུམ་ལ་སོགས་པའི་སྒོས་ཕྱག་འཚལ། དེ་ནས། ན་མོ་རཏྣ་ཏྲ་ཡཱ་ཡ། ཨོཾ་ན་མོ་བྷ་ག་ཝ་ཏེ། བཛྲ་སཱ་ར་པྲ་མརྡ་ནེ། ཏ་ཐཱ་ག་ཏཱ་…

འབྲལ་མ་གྱུར། །ཅེས་ཚད་མེད་བཞི་བསྒོམ། བྱམས་པ་དང་མི་འཇིགས་པའི་སྦྱིན་པའང་དེས་འགྲུབ། འགྲོ་ཀུན་སྲིད་ཞིའི་འཇིགས་པ་ལས་སྒྲོལ་ཕྱིར། །རྫོགས་པའི་བྱང་ཆུབ་ཐོབ་པར་འདོད་པའི་སེམས། །དེང་ནས་བཟུང་སྟེ་སངས་རྒྱས་མ་ཐོབ་པར། །སྲོག་གི་ཕྱིར་ཡང་མི་བཏང་བཟུང་བར་བགྱི། །ཇི་ལྟར་སྔོན་གྱི་བདེ་གཤེགས་ཀྱིས། །བྱང་ཆུབ་ཐུགས་ནི་བསྐྱེད་པ་དང༌།…

ཆེན་ཁྲི། །ཆུ་སྐྱེས་ཉི་ཟླ་རྒྱས་པའི་དཀྱིལ་འཁོར་སྟེང༌། །རྩ་བའི་བླ་མ་ཁྱབ་བདག་རྡོ་རྗེ་འཆང༌། །སྐུ་མདོག་སྔོན་པོ་ཞལ་གཅིག་ཕྱག་གཉིས་ཀྱིས། །རྡོར་དྲིལ་བཟུང་ནས་རང་འདྲའི་ཡུམ་ལ་འཁྱུད། །མཚན་དཔེའི་གཟི་འབར་རིན་ཆེན་རྒྱན་མང་མཛེས། །ཡིད་འཕྲོག་ལྷ་རྫས་གོས་ཀྱི་ན་བཟའ་ཅན། །དྲན་པ་ཙམ་གྱིས་གདུང་བ་ཀུན་སེལ་ཅིང༌། །སྐྱབས་མཆོག་མ་ལུས་…

པར་ལེགས་བསྔགས་པའི། །བླ་མ་༴ མཆོག་དང་ཐུན་མོང་དངོས་གྲུབ་མ་ལུས་ཀུན། །མགོན་ཁྱོད་ཚུལ་བཞིན་བསྟེན་པའི་རྗེས་འགྲོ་བར། །མཐོང་ནས་ལུས་དང་སྲོག་ཀྱང་ཡོངས་བཏང་སྟེ། །ཁྱོད་མཉེས་ཁོ་ན་སྒྲུབ་པར་བྱིན་གྱིས་རློབས། །དེ་ལྟར་གསོལ་བ་བཏབ་པས་བླ་མ་མཆོག །རང་གི་སྤྱི་བོའི་གཙུག་ཏུ་ས་མ་ཛཿ །སླར་ཡང་དགྱེས་བཞིན་རང་དང་རོ་གཅིག་གྱུར། །ཅེས་བླ་…

བཅུ་དང༌། །སོར་བཤགས་བཞི་དང་ཉེས་བྱས་ནི། །བརྒྱ་རྩ་བཅུ་གཉིས་བསྡོམས་པ་ཡིས། །ཉིས་བརྒྱ་ལྔ་བཅུ་རྩ་གསུམ་དང༌། །གཞན་ཡང་གཞིས་བསྡུས་ལྟུང་བ་སོགས། །བཤགས་ཤིང་སླན་ཆད་སྡོམ་པར་བགྱི། །དེ་བཞིན་བྱང་ཆུབ་སེམས་དཔའ་ཡི། །སྡོམ་པའི་མི་མཐུན་ཕྱོགས་གྱུར་པ། །རྩ་བའི་ལྟུང་བ་བཅོ་བརྒྱད་དང༌། །ཉེས་བྱས་ཞེ་དྲུག་ལ་སོགས་པ། །ཚུལ་ཁྲིམས་གསུམ་དང…

པའི་ཚུལ་མཁས་གྲུབ་ཐམས་ཅད་མཁྱེན་པའི་གསུང་དུ་བལྟ་བར་བྱའོ། །དེ་ནས་ཁྲིད་ཡིག་རྒྱས་བསྡུས་ཅི་རིགས་སམ། མ་མཐའ་ཡང་བྱིན་རླབས་སྤུངས་ཞུས་ལྟ་བུའི་སྟེང་ནས་ལམ་རིམ་ཡོངས་རྫོགས་ལ་ཤར་སྒོམ་དང༌། སྐབས་ཐོབ་ཀྱི་དམིགས་སྐོར་རེ་རེ་རྒྱས་པར་སྐྱོངས། གཏོར་མ་བརྒྱ་རྩ་སོགས་ཀྱང་བྱེད་ན་ཐུན་འདིའི་མཐར་བྱ། དེ་ནས་དྲོས་ཀྱི་ཚ་བཞེས་གྲུབ་ནས་གནས…

ཧཱུཾ་གིས་སངས་རྒྱས་བྱང་སེམས་ཐམས་ཅད་དང༌། ཨོཾ་དེ་ཝ་ཌཱ་ཀི་ནཱི་ཤྲཱི་དྷརྨ་པཱ་ལ་ས་པ་རི་ཝཱ་ར་བཛྲཱ་ནཻ་ཝིདྱཱ་ཨཱཿ ཧཱུཾ་གིས་ཡི་དམ་མཁའ་འགྲོ་ཆོས་སྐྱོང་དང་བཅས་པ་ལ་འབུལ། ཨོཾ་ཨ་གྲ་པིཎྜ་ཨ་ཤི་བྷྱཿ སྭཱཧཱ། ཞེས་པས་ཕུད་ལ་དབང་བའི་འབྱུང་པོ་ལ་ཆངས་བུ་གཅིག་དང༌། ཨོཾ་ཧ་རི་ཏེ་སྭཱཧཱ། ཨོཾ་ཧ་རི་ཏེ་མཧཱ་བཛྲ་ཡཀྵི་ཎི་ཧ་ར་ཧ་ར་སརྦ་པཱ་པཾ་མ…

ག་ཏཱ་ཡ། ཨརྷ་ཏེ་སམྱཀྶཾ་བུད་དྷཱ་ཡ། ཏངྱ་ཐཱ། ཨོཾ་རཏྣེ་རཏྣེ་མཧཱ་རཏྣེ་རཏྣ་བི་ཛ་ཡེ་སྭཱཧཱ། འདི་བསྐོར་བར་མ་ཟད་ཕྱག་སྟོང་འགྱུར་དུ་ཡང་གསུངས་སོ། །ཡང་སྐོར་བའི་སྔགས། ན་མོ་ད་ཤ་དིཀྵི་ཀཱ་ལ་སརྦ་རཏྣ་ཏྲ་ཡཱ་ཡ། ན་མཿ པྲ་དཀྵ་སུ་པྲ་དཀྵ་སརྦ་པཱ་པཾ་བི་ཤོ་དྷ་ནི་སྭཱཧཱ། ཞེས་པ་འདི་ཡང་ཕན་ཡོན་ཆེ་བས་བརྗོད། དེ་ལྟར་སྐོར་བ་མང་ཉུང་འཚམ་པ་ཞ…

ཐམས་ཅད་མཁྱེན་པའི་གསུང་གི་སྡོམ་ཚིག་གམ། དེ་ལས་ཅུང་བསྡུས་པ་བྱེད་ན་འདི་ལྟ་སྟེ། གང་གི་བཀའ་བཞིན་བསྒྲུབ་བྱས་ན། །འདི་ཕྱིའི་དོན་རྣམས་མ་ལུས་པ། །བདེ་བླག་ཉིད་དུ་སྩོལ་མཛད་པའི། །ཐུབ་པའི་དབང་པོ་ལ་ཕྱག་འཚལ། །རྙེད་དཀའ་དལ་བའི་རྟེན་ཐོབ་ཅིང༌། །རྒྱལ་བའི་བསྟན་པ་ལ་ཞུགས་ནས། །དགེ་སློང་སྡོམ་པ་ཐོབ་རྣམས་ཀྱིས། །བསླབ་པ་བསྲུང་བའི་…

ལྷག་མའི་སྡེ་ཚན་ནི། །ཁུ་བ་འབྱིན་པར་བྱེད་པ་དང༌། །བུད་མེད་དག་ལ་རེག་པ་དང༌། །ཡུལ་དེར་འཁྲིག་ཚིག་སྨྲ་བ་དང༌། །འཁྲིག་པའི་བསྙེན་བཀུར་བསྔགས་པ་དང༌། །ཕོ་མོ་གཉིས་སྤྲད་སྨྱན་བྱེད་དང༌། །མ་གསོལ་ཚད་འདས་མ་དག་གཞིར། །ཁང་པ་རྩིག་པར་བྱེད་པ་དང༌། །གནས་དེར་ཁང་ཆེན་རྩིག་པ་དང༌། །དགེ་སློང་རྣམ་པར་དག་པ་ལ། །ཕམ་པས་སྐུར་བ་འདེབས་པ་དང༌། …

སོ་ནས། །རང་ལ་སྟེར་བར་བསྔགས་པའི་གོས། །འབུལ་ལོང་མེད་པས་ལེན་པ་དང༌། །བསྐུར་བ་ཡི་ནི་སྤང་བ་དང༌། །ཡུལ་དེར་དཀོན་ཞིང་རིན་ཆེ་བའི། །སྲིན་བལ་ལས་ནི་སྟན་བྱེད་དང༌། །བལ་ནག་འབའ་ཞིག་ལས་བྱེད་དང༌། །དེ་ཆ་གཉིས་བསྲེས་སྟན་བྱེད་དང༌། །སྟན་བཤམས་སྤྱད་བཟོད་ཡོད་བཞིན་དུ། །ལོ་དྲུག་ནང་དུ་གཉིས་བྱེད་དང༌། །གདིང་བ་གསར་པ་བྱེད་པའི་ཚེ། །ག…

སློང་གཞན་ལ་སྐྱོན་བརྗོད་དང༌། །དབྱེ་ཕྱིར་ཕྲ་མ་བྱེད་པ་དང༌། །རྩོད་པ་སྤོར་འདོད་སྐྱོ་སྔོགས་དང༌། །ཉེ་དུ་མིན་པའི་བུད་མེད་ལ། །ཁྲིམས་གྲོགས་མེད་པར་ཆོས་སྟོན་དང༌། །མ་རྫོགས་ལྷན་ཅིག་འདོན་པ་དང༌། །གཞན་གྱི་ཕམ་ལྷག་གནས་ངན་ལེན། །མ་རྫོགས་པ་ལ་བརྗོད་པ་དང༌། །མི་ཆོས་བླ་མ་དགོས་མེད་དུ། །མ་རྫོགས་འཕགས་མིན་སྨྲ་བ་དང༌། །ཞལ་ཏ་བ་ལ་དག…

དགེ་སློང་མ་ཡིས་བསྔགས་བརྗོད་ནས། །སྦྱོར་བཅུག་ཟས་ནི་ཟ་བ་དང༌། །དགོས་མེད་ཡང་ཡང་ཟ་བ་དང༌། །མུ་སྟེགས་ཁྱིམ་དུ་ཞག་གཅིག་ཏུ། །འདུག་སྟེ་ཟས་གཉིས་ཟ་བ་དང༌། །ཅི་བདེར་བསྟབ་པ་མ་ཡིན་པར། །ལྷུང་བཟེད་དོ་ལྷག་ཕྱེད་ལེན་དང༌། །དུས་རུང་ཟས་སྤངས་ཡང་ཟ་དང༌། །སྤངས་ལ་བཟའ་བཅའ་སྟོབ་པ་དང༌། །དགེ་སློང་བཞིར་ལོང་འདུས་ཟ་དང༌། །དུས་མིན་ཁ་ཟས་ཟ་…

ཆུ་ལ་རྩེ་བར་བྱེད་པ་དང༌། །ཁྲིམས་གྲོགས་མེད་པར་བུད་མེད་དང༌། །ལྷན་ཅིག་ཉལ་བར་བྱེད་པ་དང༌། །དགེ་སློང་དངངས་པར་བྱེད་པ་དང༌། །གཞན་གྱི་གོས་སོགས་སྦེད་པ་དང༌། །དགེ་སློང་གཞན་ལ་བྱིན་པའི་གོས། །གདེང་མེད་རང་གིས་ལོངས་སྤྱོད་དང༌། །གཞི་མེད་ལྷག་མའི་སྐུར་འདེབས་དང༌། །ཁྲིམས་གྲོགས་མེད་པར་བུད་མེད་དང༌། །འགྲོགས་ནས་འགྲོ་བར་བྱེད་པ་ད…

གཤེགས་ཆོས་གོས་བྱེད་པ་སྟེ། །ལྟུང་བྱེད་འབའ་ཞིག་དགུ་བཅུ་འོ། །སོ་སོར་བཤགས་པའི་སྡེ་ཚན་ནི། །སྐྱེ་བོའི་རྒྱུན་ལུགས་གྲོང་ལམ་དུ། །དགེ་སློང་མ་ལས་ཟས་ལེན་དང༌། །བསྐོ་བཤམས་ལོག་བྱེད་དགེ་སློང་མ། །མ་བཟློག་གྲོང་དེར་ཟས་ཟ་དང༌། །དགེ་འདུན་རྣམས་ཀྱི་ཐུགས་བརྩེ་བས། །བསྡམས་པའི་ཁྱིམ་ལས་ཟས་ལེན་དང༌། །འཇིགས་བཅས་མ་བསལ་ཁྱིམ་པ་ལས། །བ…

དང་བརླ་བསྣོལ་དང༌། །ལོང་སྟེང་ལོང་བུ་བཞག་པ་དང༌། །ཁྲི་འོག་རྐང་པ་དགུག་པ་དང༌། །རྐང་པ་སོ་སོར་བརྐྱངས་པ་དང༌། །འདོམས་ནི་སྣང་བར་འདུག་པ་དང༌། །ཟས་ནི་ལེགས་པར་མ་བླངས་དང༌། །ཁ་ད་ཆད་དུ་བླངས་པ་དང༌། །འབྲས་ཆན་དང་ནི་ཚོད་མ་དག །མཉམ་པོ་ཉིད་དུ་བླངས་པ་དང༌། །མཐར་ཆགས་སུ་ནི་མ་བླངས་དང༌། །ཡིད་མ་གཏད་པར་བླངས་པ་དང༌། །བཟའ་བ་དང་ནི་བཅའ…

འབག་ཆུ་ཅི་བདེར་འདོར་བ་དང༌། །ཟས་ལྷག་ལྷུང་བཟེད་ནང་ལྡུགས་དང༌། །ལྷུང་བཟེད་གཞི་མེད་འཇོག་པ་དང༌། །ལྷུང་བཟེད་གད་ཁར་འཇོག་པ་དང༌། །ལྷུང་བཟེད་གཡང་སར་འཇོག་པ་དང༌། །ལྷུང་བཟེད་དཀན་གཟར་འཇོག་པ་དང༌། །འགྲེང་སྟེ་ལྷུང་བཟེད་བཀྲུ་བ་དང༌། །ལྷུང་བཟེད་གད་ཁར་བཀྲུ་བ་དང༌། །ལྷུང་བཟེད་གཡང་སར་བཀྲུ་བ་དང༌། །ལྷུང་བཟེད་དཀན་གཟར་བཀྲུ་བ་དང…

གོ་ཆ་གྱོན་ཞིང་ཉན་པ་སྟེ། །དེ་དག་རྣམས་ལ་ཆོས་བཤད་དང༌། །འགྲེང་སྟེ་བཤང་གཅི་བྱེད་པ་དང༌། །བཤང་གཅི་མཆིལ་སྣབས་སྐྱུགས་པ་སོགས། །ཆུ་ཡི་ནང་དུ་འདོར་བ་དང༌། །རྩྭ་སྔོན་སྐྱེས་པའི་ས་དག་ཏུ། །བཤང་གཅི་ལ་སོགས་འདོར་བ་དང༌། །དགོས་མེད་འདོམ་གང་ལས་མཐོ་བའི། །ཤིང་ལ་འཛེག་པར་བྱེད་པ་སྟེ། །ཉེས་བྱས་བརྒྱ་དང་བཅུ་གཉིས་སོ། །དེ་ལྟར་བསླབ་པའ…

དང༌། །ལོག་པར་ལྟ་བ་འཛིན་པ་དང༌། །གྲོང་ལ་སོགས་པ་འཇིག་པ་དང༌། །བློ་སྦྱང་མ་བྱས་སེམས་ཅན་ལ། །སྟོང་པ་ཉིད་ནི་བརྗོད་པ་དང༌། །སངས་རྒྱས་ཉིད་ལ་ཞུགས་པ་དག །རྫོགས་པའི་བྱང་ཆུབ་བཟློག་པ་དང༌། །སོ་སོར་ཐར་པ་ཡོངས་སྤངས་ཏེ། །ཐེག་པ་ཆེ་ལ་སྦྱོར་བ་དང༌། །སློབ་པའི་ཐེག་པས་ཆགས་ལ་སོགས། །སྤོང་བར་འགྱུར་བ་མིན་ཞེས་འཛིན། །ཕ་རོལ་དག་ཀྱང་འཛིན…

སོགས། །ཁྲོས་པ་རྣམས་ནི་ཡལ་བར་འདོར། །ཕ་རོལ་ཤད་ཀྱིས་ཆགས་པ་སྤོང༌། །ཁྲོ་བའི་སེམས་ཀྱི་རྗེས་སུ་འཇུག །རྙེད་བཀུར་འདོད་ཕྱིར་འཁོར་རྣམས་སྡུད། །ལེ་ལོ་ལ་སོགས་སེལ་མི་བྱེད། །ཆགས་པས་བྲེ་མོའི་གཏམ་ལ་བརྟེན། །ཏིང་ངེ་འཛིན་གྱི་དོན་མི་འཚོལ། །བསམ་གཏན་སྒྲིབ་པ་སྤོང་མི་བྱེད། །བསམ་གཏན་རོ་ལ་ཡོན་ཏན་ལྟ། །ཉན་ཐོས་ཐེག་པ་སྤོང་བར་བྱེད།…