ཚོའི་ཐད་ཀར་བབས་ནས་འོང་བའི་ཚེ་མཐའ་བའི་ནང་ན་ཡོད་པ་ཚོ་སླེབས་བྱུང་གསུངས་པས་སྔར་སྨྲས་པ་དེ་མངོན་མཁྱེན་གྱིས་གསན་པར་གོ་ནས་དད་གུས་སྐྱེས་ཤིང་འཇིགས་ཞུམ་པ་བྱུང༌། རྒྱུད་པ་གྲྭ་ཚང་སྤྱི་ནས་གསོལ་བ་བཏབ་པ་ལྟར་གོང་སྨོས་ཀྱི་ཉན་མཁན་རྣམས་ལ་དཔལ་གསང་བ་འདུས་པ་མི་བསྐྱོད་རྡོ་རྗེ་ལྷ་སོ་གཉིས་ཀྱི་དབང་བཞི་ཡོངས་རྫོགས་དང༌། ལཱུ་ཨི་པའ…

ཕྲེང་བ་ཞེས་ཚིག་ཉུང་བས་འཛིན་སྐྱོར་སླ་ཞིང་བློ་མཆོག་དམན་ཀུན་གྱིས་གོ་བདེ་བ་གྲུབ་མཐའི་གནད་འགག་རྣམས་ཆ་ཚང་བར་འདྲིལ་བའི་ལེགས་བཤད་དྲི་མ་མེད་པ་འདི་ཉིད་ལྗགས་རྩོམ་མཛད། དམེ་ཤུལ་དཀར་པོ་གཤོང་དུ་དགོན་པ་ཞིག་འདེབས་བཞེད་ནས་ཟླ་བ་བདུན་པའི་ཚེས་ལ་དེར་བྱོན། བསང་མཆོད་བཏང་བའི་ཚེ་མདུན་རིའི་ཐད་ནས་འཇའ་ཚོན་ཞིག་ཤར་བས་ནམ་མཁའ་ཁྱབ་པ…

པ་ཨུརྒེ་གྲྭ་ཚང་གི་བླ་མར་བསྐོས་པའི་རྗེས་སུ་རྒྱུད་པ་བླ་མ་དབུ་མཛད་བློ་བཟང་སྦྱིན་པ་རྒྱུད་པའི་ཁྲི་དང༌། རྡོ་རམས་པ་ནམ་མཁའ་རྒྱལ་མཚན་བླ་མ་དབུ་མཛད་དུ་བསྐོ་བཞག་གནང༌། ཧོར་ཟླ་དགུ་པའི་ནང་དུ་སྣང་རའི་བྱམས་ཆེན་གསར་བཞེངས་ཀྱི་རབ་གནས་ལ་བྱོན་ཏེ་བཀྲ་ཤིས་སྙེ་མའི་སྒོ་ནས་དམ་ཡེ་དབྱེར་མེད་དུ་བྱས་པའི་དགེ་མཚན་གྱི་གཟི་འོད་ཁོར་ཡུ…

གཉིས་སྐུ་འཕྲེང་དུ་མར་འབྲེལ་བའི་ཐུགས་བསྐྱེད་ཀྱི་དོན་བཞིན་དུ་བསྟན་འགྲོ་སྤྱི་དང་བྱེ་བྲག་གི་མགོན་དུ་ཞབས་པད་རྡོ་རྗེའི་ཁམས་ལྟར་བརྟན་དགོས་པའི་གསོལ་འདེབས་ནན་ཅན་ཞུས་པར་དགྱེས་པའི་བཀའ་ལན་དང༌། ཆོས་གྲྭར་བཀའ་ཆོས་གནང་དགོས་ཀྱི་གསོལ་བ་བཏབ་པར་ཚོགས་ཡོངས་ལ་རྗེ་བདག་ཉིད་ཆེན་པོས་སྟོན་པ་ཐུབ་པའི་དབང་པོར་རྟེན་འབྱུང་གསུངས་པའི…

ལས་སྐྱབས་ཐེའི་ཇིའི་བུ་ཐོ་ཡོན་རབ་རྒྱས་སོགས་འགྲུལ་སྡེབ་ཁ་ཤས་འབྱོར་བས་ཚོགས་སུ་གདན་དྲངས་ཏེ་གསེར་དངུལ་སོགས་འབུལ་བ་སྤམ་མཐོ་བ་ཕུལ་ནས་ཞབས་པད་ཡུན་བརྟན་གྱི་གསོལ་འདེབས་ཞུས། ཚོགས་པར་མང་འགྱེད་ཀྱིས་བསྙེན་བཀུར་ཡང་དག་བསྒྲུབས། མཆོད་གནས་བླ་མ་ཞིག་ཞུས་པར་དུས་འཁོར་དཔོན་སློབ་རབ་བརྟན་རྒྱ་མཚོ་ལ་བཀའ་ཕེབས། ཤིང་རྟའི་གནམ་ལོ་གས…

རྩིས་བྱས་པར་མངལ་གྱི་བྱིས་པ་དེས་ཨ་མ་ཁྱོད་ཀྱི་ལམ་མགོ་ངས་ཐོན་ཡོང་ང་རྗེ་རིན་པོ་ཆེའི་སྐྱེ་བ་ཡིན་ཟེར་བ་ཞིག་རྨིས་པ་སོགས་ལ་དཔག་ན། རྗེ་འདིར་འཇམ་དབྱངས་ཟུར་ནས་འཇུག་དགོས་པ་ཞིག་རང་མིན་ནམ་སྙམ། བསྒྲུབ་བྱ་དུ་མ་དགེ་ཚུལ་དང་བསྙེན་རྫོགས་བསྒྲུབ་པ། བསྟན་པ་སྤྱི་དགོས་ཀྱི་རིམ་གྲོར་མཆོད་ཁང་ཆེན་མོའི་ཕྱོགས་བཞིར་ཞི་རྒྱས་དབང་དྲག…

དབང་ཆེན་ཉིན་གཉིས་ལ་རྒྱས་པར་བཀའ་དྲིན་བསྐྱངས། སྟ་གོན་གྱི་ནུབ་མོ་ཁྲག་རློན་པ་ཞིག་བཏུང་བ་རྨིས་ཏེ་བཙོག་གྲིབ་ལྟ་བུ་ཞིག་ཡིན་ནམ་སྙམ་ཡང་སྙན་འབུལ་ཞུས་པར་ཤིན་ཏུ་ལེགས་གསུངས་ནས་བརྩེ་བས་དབུགས་དབྱུང་མཛད། མཇུག་ཏུ་པཎ་ཆེན་བློ་བཟང་ཆོས་རྒྱན་གྱིས་མཛད་པའི་དཔའ་བོ་གཅིག་པའི་ལྗགས་ལུང་སྩལ་ཏེ། ངེད་ཀྱིས་སྔར་སྟོང་སྐོར་རིན་པོ་ཆེའི…

ཚེས་བཅུ་བདུན་ལ་དེ་ཕྱོགས་སུ་ཆིབས་བསྐྱོད། ལམ་ནས་སྐུ་དངོས་དཔོན་གཡོག་ཉུང་བསྡུས་སྔོན་ལ་ཕེབས་ཏེ་ཧོ་ཤུ་རྗེས་སུ་ལུས་པ་རྒྱ་གྲོང་ཞིག་ཏུ་ཞག་བབས་བྱས་ཡོད་པར་མཚན་མོ་ཆར་ཐོག་ཆེན་པོ་བརྒྱབ་ནས་ཕན་ཚུན་ཐམས་ཅད་འུར་ཟིང་ཆེ་བར་བྱུང༌། གནས་ཚང་གི་ཁང་པ་ཡང་ཆུས་ཁྱེར་ལ་ཁད་ཙམ་བྱུང་བའི་ཚེ་རྗེ་ཉིད་ལ་གསོལ་བ་དྲག་ཏུ་བཏབ་པས་རིམ་གྱིས་ཇེ་འ…

རིན་འབྱུང་དང༌། ལྷོ་བྲག་སྙན་བརྒྱུད་ཀྱི་རྗེས་གནང་སོགས་ཟབ་པ་དང་རྒྱ་ཆེ་བའི་ཆོས་ཀྱི་བདུད་རྩིའི་དགའ་སྟོན་ཆར་བཞིན་ཕབ་སྟེ་སྐལ་བཟང་ཡིད་ཀྱི་ཞིང་སར་ལེགས་ཚོགས་བྱེ་བའི་འབྲས་བཟང་སྨིན་པར་མཛད། དེའི་སེང་བར་དུ་སྐྱེ་བོ་ཕོ་མོ་བརྒྱ་དང་བཅོ་ལྔར་དགེ་བསྙེན་གྱི་སྡོམ་པ་ཕོག །དེར་གསང་ཆེན་བསྟན་པ་འཛིན་པའི་རྒྱུད་གྲྭ་ཞིག་ཀྱང་གསར་འད…

དང༌། ཆོས་རྒྱལ་ཕྱི་ནང་གསང་གསུམ་གྱི་རྗེས་གནང་སོགས་འདོད་ཆོས་མང་དུ་སྩལ། བསྙེན་གནས་དགེ་བསྙེན་རབ་བྱུང་དགེ་ཚུལ་སོགས་ཆེས་མང་བ་དང༌། བསྙེན་རྫོགས་བརྒྱ་དང་སོ་གཅིག་བསྒྲུབས། ཀླུ་སྐྱབས་དཔོན་པོའི་ཡཱ་མོན་ནས་གདན་དྲངས་ཏེ་རྒྱ་ལུགས་ཀྱི་བསྙེན་བཀུར་གྱ་ནོམ་པ་ཞུས། ཏེའི་ཐུང་བྲག་དགོན་ཟེར་བའི་དབེན་གནས་ཁྱད་འཕགས་ཤིག་ཡོད་པ་དེར་ཡང…

དང་པོ་གཉིས་དང་བཞི་པ། དྲང་ངེས་རྣམ་འབྱེད་ཆེན་མོ། རྣམ་བཤད་སྙིང་པོ་རྒྱན། རྣམ་བཤད་དགོངས་པ་རབ་གསལ། ཆོས་མངོན། ཡིག་ཆའི་འདུལ་བ་ཡོངས་རྫོགས། བསམ་གཏན་གྱིས་ལེགས་བཤད་སྙིང་པོ། ཕར་ཕྱིན་གྱི་སྐབས་ཕལ་ཆེར། ཡིག་ཆའི་འདུལ་བ་དང་དབུ་མ་རྒྱས་པ་ཡོངས་རྫོགས། ཆོ་ཧོར་སྦྱིན་པས་ཡིག་ཆའི་དབུ་ཕར་གཉིས་ཡོངས་རྫོགས། ཟུར་བཀོལ་རྒྱས་པ་བཞི། དག…

ལོང་ཤིན་ཏུ་ཆེ་བ་ཞིག་ཡོད་པར་གཟུ་ཆིངས་གནང་སྟེ་དགེ་བའི་ལམ་ལ་སྦྱར། རྒྱུད་པ་གྲྭ་ཚང་སྤྱིས་གསོལ་བ་བཏབ་པ་བཞིན་ཁྲི་གདན་ཟུར་སྤྲུལ་སྐུ་ཆེ་ཆུང་བཀའ་རམས་དགེ་བཤེས་སོགས་ཧྲག་བསྡུས་ལྔ་བརྒྱ་སྐོར་ལ་བཞི་པའི་བཅུ་གཅིག་ནས་བཟུང་ཉིན་བཅུ་གསུམ་གྱི་བར་རིམ་ལྔ་གསལ་སྒྲོན་གྱི་བཤད་ལུང་རྒྱས་པ་རྒྱུད་འགྲེལ་བསྟན་བཅོས་མཐའ་དག་གི་དགོངས་པ་བ…

རྣམ་པར་དག་ཅིང་དབང་བཤད་འབྱམས་ཀླས་པ་མཇུག་ཏུ་དངོས་གྲུབ་ཐམས་ཅད་ཀྱི་རྩ་བ་དམ་ཚིག་དང་སྡོམ་པ་མིག་གི་འབྲས་བུ་བཞིན་དུ་བསྲུང་དགོས་ཚུལ་གྱི་བསླབ་བྱ་ནན་ཏན་དང་བཅས་སྩལ། མཇུག་གི་ཉི་མ་ཁ་ཤས་ཀྱི་རིང་ནམ་མཁའི་ངོས་ཐམས་ཅད་འཇའ་སྤྲིན་ཁ་དོག་སྣ་ལྔ་པས་ཁྱབ་པ་སོགས་ལྟས་ཡ་མཚན་པ་མང་དུ་བྱུང༌། ཚེས་བཅུ་བདུན་ལ་གདན་སར་བབས་ཏེ། སྨད་སོག་གི་…

དང༌། གྲྭ་པ་ཞིག་མ་བདེ་བའི་དོན་དུ་ཐུགས་བརྟག་ཞུས་པར། ཤོ་ཞིག་བསྒྲིལ་བར་བཅུ་གསུམ་བབས་འདུག་པ་བརྟག་པ་ཞུ་བ་པོས་མཐོང་སྣང་ཡང་མོ་མི་བཟང་གསུངས་པར་གྲྭ་པ་དེ་ཉིད་གཤེགས་སོང་བ་སོགས་འཕྲལ་ཕུགས་ལེགས་ཉེས་ཞུས་ཚད་ཀྱི་རིགས་ལ་འཕྲལ་དེར་ཕོ་གདོན་མོ་གདོན་ཐམས་ཅད་ཐལ་བྱུང་དུ་མི་གསུང་ཡང་གསུང་གི་བབས་ལ་བརྟག་ཤེས་ན་དོན་རྩ་ལ་ཅུང་ཟད་ཙམ་ཡ…

བཙུགས་པས་མ་འགྱངས་པར་པོ་ཏི་སྟོང་ཕྲག་བརྒལ་བ་བྱུང་སྟེ་བསྟན་རྒྱུན་ལ་ཤིན་ཏུ་ཕན་པར་སོང༌། ཁེ་ཐཱ་ཕྱོགས་ནས་དཔོན་པོ་བསྟན་འཛིན་དང་རྒྱ་མཚོ་སོགས་ཀྱིས་གདན་དྲངས་པ་ལྟར་ཆིབས་བསྐྱོད། དཔོན་འབངས་སོ་སོས་རང་རང་གི་འབྱོར་བསྟུན་གྱི་བསྙེན་བཀུར་ཕུ་དུད་བླ་ན་མེད་པ་ཞུས། རྔ་བ་ནས་གདན་འདྲེན་ཞུས་ཏེ་ཕེབས་པར་དམེ་དཔོན་པོས་གཙོས་བླ་དཔོན་…

ཟོར་མགོན་པོ་ངོ་གཡོག་སུམ་བརྒྱ་ཙམ་འོངས་ཏེ་ཐུགས་རྗེ་ཆེན་པོའི་དབང་ཆེན་ཞུས་ཤིང་གཞན་ཡང་འགོ་ལོག་གི་དཔོན་ཁག་དུ་མ་མཇལ་བར་འོང༌། ཕྱིར་ཕེབས་ལམ་ནས་སོག་ཚང་སྐུ་སྐྱེ་སོགས་འཚམས་རིང་སྐ་བར་མ་དང༌། གླིང་པའི་དཔོན་པོ་ཕྱག་རྡོར་སྐྱབས་སོགས་ཀྱིས་བསྙེན་བཀུར་ཞུས་པར་སོ་སོའི་འདོད་པ་བསྐངས་ཏེ། བཅུ་གཅིག་པའི་ཚེས་ལ་གདན་སར་བབས། གྲྭ་པ་ར…

ལར་སྐྱེས་ནས། །ལྷ་ཐུགས་རྗེ་ཆེན་པོའི་ཞལ་མཐོང་ཤོག །ཅེས་པའི་སྨོན་ཚིག་ལྗགས་རྩོམ་གནང་སྟེ་ལོ་ལྟར་མ་ཎི་པས་ཁྲོམ་དཀྱིལ་དུ་དགེ་བསྐུལ་གྱི་མགུར་དབྱངས་འཐེན་པའི་སྲོལ་བཙུགས། ཚོགས་ཆེན་ཁྲི་ཐོག་པ་བསོད་ནམས་དབང་རྒྱལ་གྱིས་ཞུས་ངོར་ཁོང་དང༌། རབ་འབྱམས་པ་བློ་བཟང་འཇིགས་མེད། མཛོ་དགེ་བློ་བཟང་དཀོན་མཆོག་སོགས་ལ་འཁྲུལ་འཁོར་ཁམས་གསུམ་…

ལས་གྲོལ་ནས་དད་གུས་ཚད་མེད་པ་རྙེད། བྱམས་པའི་བསྟོད་པ་ཚངས་པའི་ཅོད་པན་མའི་འགྲེལ་པ་ཞིག་གཟིགས་ནས་བསྟོད་པ་འདིའི་འོང་ལུགས་མདོ་སྡེ་རྒྱན་སྤྱི་ཁོག་དང་བསྟུན་དགོས་པ་མ་ཤེས་པར་འདུག་གསུངས་དེ་མ་ཐག་ས་བཅད་ཅིག་གསར་རྩོམ་མཛད། རྗེ་འདིས་གཞུང་གང་དང་གང་ལ་གཟིགས་ཙམ་ནས་ས་བཅད་ལེན་པ་ལ་ཐོགས་པ་མི་མངའ་བ་ནི་གསུང་རབ་མཐའ་དག་ལ་ནང་བྱན་ཆུད…

སྤྲུལ་བའི་སྐུ་བསྟན་པ་རྒྱ་མཚོ་སོགས་ཕྱོགས་ཀྱི་བླ་གྲྭ་དུ་མ། མགོ་རྟ་སྤྲུལ་སྐུ་སོགས་གདན་སའི་གྲྭ་པ་འགའ་ཞིག་དང༌། གཞན་ཡང་དད་འདུས་ཀྱི་སེར་སྐྱ་སྟོང་ཕྲག་བརྒལ་བར་ཉེར་གཉིས་ནས་བཟུང་ཉིན་བཅོ་བརྒྱད་ཀྱི་རིང་ལ་རྡོ་རྗེ་འཕྲེང་བ་དང་ཀྲྀ་ཡ་སྦྲགས་པའི་དཀྱིལ་འཁོར་ཞེ་ལྔའི་དབང་ཡོངས་སུ་རྫོགས་པར་གནང༌། འདི་ལོ་ཐན་པ་ཆེ་བས་རྩེ་ཆུ་ཆད་…

ཁྲི་ཐོག་པ་བསོད་ནམས་དབང་རྒྱལ་སོགས་ནས་སྐྱབས་མགོན་ཉིད་ཀྱི་རྣམ་ཐར་ལྗགས་རྩོམ་ཞུས་པར་ཞལ་བཞེས་མཛད་ཅིང་བཀའ་མཆིད་ལས་འཕྲོས་ཏེ་སྐུ་ན་ཕྲ་མོའི་ཚེ་བསྲུང་བ་བྱེད་མཁན་གྱི་གྲུབ་ཐོབ་ཉོབ་ཀྱི་སྐུ་སྐྱེ་ཟེར་བ་དེ་སྒོ་མང་གྲུབ་ཐོབ་དངོས་ཡིན་ཚུལ་གསུངས་པ་ལ་དཔག་ན་སྔ་ཕྱིའི་འབྲེལ་ངོ་མཚར་བ་ཞིག་བསྒྲིགས་རྒྱུ་ཡོད་པར་སྣང༌། རྗེས་སོར་ཁྲི…