དགོས་པའི་གཙོ་བོ་ནི། སྤྱིར་དབུས་གཙང་བསྟན་པའི་འབྱུང་ཁུངས་ཡིན་མོད་ཀྱང་དུས་དབང་གིས་ཆོས་རྒྱུན་འགངས་ཆེ་བ་དུ་མ་ཉམས་ཆག་ཏུ་གྱུར་པ་ཐུགས་ཀྱིས་མ་བཟོད་པར་སྔོན་ཀུན་མཁྱེན་གོང་མའི་དུས་ཀྱང་དཔལ་ལྡན་སྲད་རྒྱུད་ཀྱི་གདམས་པ་ཐུན་མོང་མ་ཡིན་པ་རྣམས་ཆད་ལ་ཐུག་པའི་ཚེ་དཀའ་བ་བརྒྱ་ཕྲག་གི་སྒོ་ནས་གསལ་བར་མཛད་པ་བཞིན་དུ་འཇམ་མགོན་བསྟན་པའ…

མེད་རིགས་པའི་དཔྱད་པ་འདོར་དགོས་ཀྱང༌། །རྒྱུ་མཚན་མེད་པའི་ཚིག་ལ་འཇུག་འགྱུར་བ། །བླུན་པོའི་ཡིད་ཆེས་དད་པའི་གཟུགས་བརྙན་ཡིན། །གསུངས་པ་བཞིན་གྱི་བསྟེན་ཚུལ་སོགས་ཕྱོགས་གང་ནའང་དུས་དབང་གིས་ཆེས་མང་བར་ཡོད་མོད་ཀྱང༌། རྗེ་བླ་མ་འདིས་ནི་ཆོས་བཀའ་གང་དང་གང་གནང་བའི་ཚེ་ཐོག་མར་ཀུན་སློང་བཅོས་ཚུལ་རྒྱས་བསྡུས་གང་ཡིན་ཡང་སློབ་མའི་ཡི…

གཅིག་མ་དག་པ་དང་ཆད་པ་མི་སྲིད་པར་རྫོགས་སྐྱེན་པ་དང༌། དབང་ལུང་རྗེས་ཁྲིད་རེ་རེའི་མཐར་ཡང་བརྒྱུད་པ་བར་མ་ཆད་པ་འདི་དང་འདི་ལྟ་བུ་ལས་དུས་འདིའི་ཚེ་གནས་འདི་ནས་གྲོགས་འདི་ལྟ་བུ་དང་ལྷན་ཅིག་ཏུ་གསན་ཚུལ་སོགས་ཞིབ་ཏུ་གསུངས་པས་ཆོས་ཀྱི་རྒྱུས་ཤེས་པའི་དཔྱོད་ལྡན་མཐའ་དག་གི་ཡིད་རང་དབང་མེད་པར་འཕྲོག་པ་ཞིག་ཡོད་ཅིང༌། རྗེ་ཉིད་གངས་ཅ…

ཆོས་སུ་མ་སོང་བར་གང་ཞིབ་དང༌། གསུང་རབ་རིན་པོ་ཆེ་བཞེངས་པའི་ཕན་ཡོན་གྱིས་ཐུགས་འཕྲོག་སྟེ་ཡོ་བྱད་ལ་མ་གཙགས་པར་སྤུས་གཙང་བ་གཙོར་འདོན་བྱས་པས་པོ་ཏི་རེ་རེ་ལ་དངུལ་སྲང་བཅོ་བརྒྱད་རེ་སོང་ཞིང༌། དེ་ལྟར་གསར་དུ་བྲིས་པ་དང་སྔོན་གྱི་དཔེ་རྙིང་ཤིན་ཏུ་དག་ཅིང་བྲིས་ཤོག་ལེགས་པ་རྣམས་ལ་ཡོན་གཟབ་རྒྱས་ཕུལ་ཏེ་བླངས་པ་དང༌། གཞན་གྱིས་དད་འ…

འཇམ་མགོན་བསྟན་པའི་སྙིང་པོ་མཐའ་དབུས་ཀུན་ཏུ་སྤེལ་བ་ལ་ཐུགས་བསྐྱེད་ཆབས་ཅིག་པའི་དགེ་མཚན་གྱི་ལྟས་སུ་ཐེ་ཚོམ་མེད་ཅིང་དེ་ལས་ཀྱང་ལྷག་པའི་གསང་བ་བསམ་མི་ཁྱབ་ཀྱི་མཛད་པ་ཞིག་དཔོག་རྒྱུ་ཡོད་དམ་སྙམ་སྟེ་གཟུ་བོར་གནས་པའི་མཁས་པ་རྣམས་ཀྱིས་དགོངས་པར་མཛོད་ཅིག །སྨྲས་པ། ལྷག་བསམ་ཆུ་ལྡན་ཆར་སྤྲིན་ཟབ་མོའི་ཀློང༌། །ལྟ་བའི་བདེ་འཐུང་རྒ…

འཛུམ་དཀར་གྱིས་སྒེག་ཞལ་གྱི་འོ་མཚོ་རུ། །མཁུར་ཚོས་དམར་བའི་མེ་ཏོག་རྩེ་མོ་ན། །ཡིད་འོང་ཟུར་མིག་གཡོ་བའི་བྷྲ་མ་རཿ། །སྨིན་མའི་ཟློས་གར་རོལ་བ་དེ་ཡིས་སྐྱོངས། །དེ་ནས་གོང་ས་རིན་པོ་ཆེ་ནས་གནང་བའི་གདུགས་དང་རྟ་དར་སོགས་མཁན་ཆས་རྣམས་སྤྲད་དེ་ཕེབས་པ། གཞུང་ནས་མགྲོན་གཉེར་སོགས་རྩེ་དྲུང་བཅུ་སྐོར་དང༌། རྗེ་དྲུང་སྤྲུལ་བའི་སྐུ། འ…

དེ་སྤྱིར་མི་འཐུས་པའི་ལུགས་ཡིན་ཀྱང་རྗེ་ཉིད་ཀྱི་ཕེབས་བཞུད་སྐུ་དོན་སྒྲུབ་རྒྱུ་སོགས་ལ་གེགས་ཆ་མེད་པའི་མཐུན་རྐྱེན་དུ་སོང་བར་འདུག་པས་དཀར་ཕྱོགས་ལ་དགའ་བའི་ལྷ་རྣམས་ཀྱིས་འཕྲིན་ལས་བསྒྲུབས་པ་ཡིན་པར་གདོན་མི་ཟའོ། །དེ་ནས་རིམ་གྱིས་ཕེབས་ཏེ་མཚོ་མོ་རར་བཞུགས་པའི་ཚེ་སྟག་ཕུ་སྤྲུལ་བའི་སྐུ་རིན་པོ་ཆེ་བློ་བཟང་ཆོས་ཀྱི་དབང་ཕྱུག…

བར་དུ་ཆོས་ཐུན་རེ་རེ་ཆག་མེད་དུ་གནང་ཞིང་ཞར་ལ་ལྗགས་རྩོམ་ཡང་འགའ་ཞིག་མཛད། དེ་སྐབས་གདན་ས་ནས་ཆིབས་བསུ་འོང་བ་རྣམས་འབྲི་ཆུ་ཁར་སླེབས་ཏེ་ཟླ་བ་ཁ་ཤས་སོང་ཡང་ནམ་ཕེབས་ཀྱི་གསལ་ཆ་མ་ཚོར་བས་སྨན་པ་ཤེས་རབ་དཔོན་གཡོག་ལྡང་ལ་འོག་མ་བརྒྱུད་དེ་སྔོན་ལ་སོང་བ་ཤག་ཆུ་ཁར་སླེབས་པ་ན་རྗེ་ཉིད་ལྡང་ལ་གོང་མ་ནས་ཕེབས་པའི་གཏམ་ཐོས་ཏེ་རྗེས་བསྙེག…

བསུ་བ་མང་གིས་བསུས་ཏེ། ཆུ་དམར་ལེབ་ཏུ་འབྱོར། ཞག་ལྔར་བཅག་མལ་གནང་སྟེ་བསུ་བ་རྣམས་ནས་སྐྱབས་མགོན་མཆོག་དང་ཞབས་འབྲིང་དུ་འོང་བ་ཁོ་བོ་ཅག །དགའ་ལྡན་བྱང་རྩེའི་བླ་མ། སྒོ་མང་དཔོན་སློབ་ངག་དབང་དགེ་ལེགས་ཀྱི་སྤྲུལ་བའི་སྐུ་སོགས་དྲག་ཞན་མཐའ་དག་ལ་སྟོན་མོ་ཤིན་ཏུ་གཟབ་རྒྱས་བསྟར། མདུན་ནས་ཀྱང་བསུ་མི་ལྔ་བཅུ་ཙམ་འོང་བ་ཐམས་ཅད་ལ་སྟོ…

ཚེས་བཅུ་གཅིག་ལ་གདན་ས་ནས་འོངས་པའི་ཆིབས་བསུ་བ་རྒྱུད་པའི་བླ་མ་དབུ་མཛད། དུས་འཁོར་རྡོ་རྗེ་འཛིན་པ་སོགས་རྟ་པ་ལྔ་བཅུ་ལྷག་ཙམ་གྱིས་བསུས་ཏེ་དཔག་ཆུང་ཞེས་པར་བཞུགས་ཞག་གནང༌། དེ་སྐབས་རྨ་ཆུ་ལ་བྱང་ཕྲན་བུ་ལས་མི་རྒྱུག་པས་རྒྱུས་ཡོད་རྣམས་ཟླ་བ་དེའི་ཉི་ཤུའི་ངོ་ཙམ་ལ་དར་ལམ་ཆགས་ཨེ་ཐུབ་སྙམ་པའི་ཚོད་དུ་འདུག་ཅེས་གླེང་ཚུལ་དང༌། བྱང…

ཡང་དར་ལམ་ཆགས་པའི་གཏམ་མི་འདུག་ཀྱང༌། འདིར་ཕེབས་བགྲོད་ཕེར་ཙམ་གྱི་དར་ལམ་ཕྲ་མོ་ཞིག་གློ་བུར་དུ་ཆགས་པ་ནི་རྗེ་ཉིད་ཀྱི་ཐུགས་རྗེ་དང་རྨ་རྒྱལ་སྤོམ་རས་འཕྲིན་ལས་ཚུལ་བཞིན་དུ་བསྒྲུབས་པའི་ནུས་མཐུར་མཁས་བླུན་ཐམས་ཅད་མགྲིན་གཅིག་ཏུ་གླེང༌། བཅུ་བདུན་ལ་གདན་ས་ནས་བླ་བྲང་ཕྱག་མཛོད་ཆེན་མོ་དཔོན་གཡོག་དང༌། ཐོར་གོད་བླ་མ་ངག་དབང་དོན་ག…

ཚེས་བཞི་ལ་གདན་ས་ནས་ཚོགས་ཆེན་ཁྲི་ཐོག་པ་རབ་བརྟན་རྒྱ་མཚོ། ཁྲི་ཟུར་བསོད་ནམས་དབང་རྒྱལ་རྣམ་གཉིས་ཀྱིས་གཙོས་སུམ་བརྒྱ་སྐོར་དང༌། ཨ་མཆོག་དགོན་པ། ཁྱོམ་ཐོག །གཙོས། མཛོ་དགེ །རེབ་ཚ། ཆོས་རྫོང༌། བྲག་དཀར་སོགས་དགོན་ལག་དུ་མའི་བླ་མ་ལས་སྣེ་བཅས་རྟ་པ་སྟོང་ཕྲག་ལྷག་ཙམ་གྱིས་སོ་སོར་བསུས། ཚེས་ལྔ་ལ་བསང་གི་ལྷ་སྡེའི་སྐྱ་སེར་བརྒྱ་ཕྲ…

ཐུབ་བསྟན་ཕོ་བྲང་དུ་ཕྱག་ཕེབས། བླ་བྲང་ཆེན་མོ་དང་སྤྱི་སོ་ནས་བཞུགས་གྲལ་རྒྱས་པ། སྨད་སོག་ཐུན་མོང་གི་སྟོན་ཆེན། འདི་ཀའི་ནང་ཆེན་ཁག་དང༌། ཕྱོགས་ཀྱི་དགོན་ལག་སོ་སོ་སྦྱིན་བདག་ཕལ་ཆེ་བས་རིམ་པ་བཞིན་གསོལ་སྟོན་གཟབ་རྒྱས་ཟླ་བ་གཅིག་ཙམ་གྱི་བར་དུ་ཉིན་བཞིན་བསྟར། བཅུ་གཉིས་པའི་ཚེས་བདུན་ལ་ཚོགས་ཆེན་དུ་མང་ཇ་གསུམ་གྱི་ཐོག་ཕྲུག་དམར…

གཉིས་ཀྱི་བསྐང་གསོ་རྒྱས་པར་བཏང་སྟེ་དབུས་ཕྱོགས་སུ་ཕེབས་བཞུད་སྐོར་གྱི་བསྟན་འགྲོའི་དོན་རྣམས་ལ་འཕྲིན་ལས་སྡོང་གྲོགས་གཡེལ་མེད་ཚུལ་བཞིན་བསྒྲུབས་པའི་གཏང་རག་གི་མཆོད་སྤྲིན་སྤྲོས། དགུང་ལོ་དྲུག་ཅུར་ཕེབས་པ་མེ་མོ་ལུག་གི་ལོ་ཚེས་གཅིག་གི་ཉིན་ལྕང་སྐྱ་རྡོ་རྗེ་འཆང་ལོ་སྔ་མར་གཤེགས་པའི་གནས་ཚུལ་ལ་བརྟེན། རྗེ་ཉིད་ནས་ལོ་གསར་མ་…

ལ་བསྙེན་རྫོགས་ཀྱི་སྡོམ་པ་གནང་སྟེ་བསླབ་པ་ཡོངས་སུ་རྫོགས་པའི་གཞི་ལ་བཀོད། གཉིས་པའི་ཚེས་ལ་སྔ་སོར་རྗེ་ཉིད་ནས་ངོས་འཛིན་གནང་བ་ལྟར། རྡོ་རྗེ་འཆང་མཚན་སྒྲོགས་མཁན་པོ་བློ་བཟང་དར་རྒྱས་ཀྱི་སྤྲུལ་སྐུ་ཁོང་གི་གྲྭ་པ་རྣམས་ཀྱིས་བཀྲ་ཤིས་འཁྱིལ་དུ་བཞུགས་ཆེད་གདན་དྲངས་པར་བཀུར་གཟོས་ཆེན་པོ་གནང༌། གཙུག་ཕུད་ཕུལ་བར་དགེ་བསྙེན་དང་རབ་…

པར་རབ་གནས་དང་སྐྱེ་བོ་དུ་མར་བསྙེན་གནས་ཀྱི་སྡོམ་པ་གནང༌། ཀ་མདོའི་འདུ་ཁང་གསར་བསྐྲུན་ལ་ཡང་རབ་གནས་མཛད་ཅིང་ཚེས་ཉེར་གསུམ་ལ་བླ་མ་ལས་སྣེ་ཁག་གིས་བསུ་བ་སེར་སྦྲེང་དང་བཅས་སྐུ་འབུམ་དུ་བབས། སྨན་པ་བླ་མ་མི་ཉག་སྤྲུལ་སྐུ་ཚུལ་ཁྲིམས་བསྟན་པའི་ཉི་མས་ཞུས་ངོར་སྨན་པ་གྲྭ་ཚང་ལ་མན་ངག་ལྷན་ཐབས་ཀྱི་ལུང་དང༌། ཚོགས་ཆེན་དང་རྒྱུད་པ་སོ་ས…

བྱེ་བ་ཁྲག་ཁྲིག་ཏུ་ཡང་ཐར་པ་མེད་པ་རྡོ་རྗེ་དམྱལ་བའི་བུད་ཤིང་སྐམ་པོ་ཡིན་ནོ། །སྐུ་འབུམ་དུ་བཞུགས་སྐབས། ཁྲི་ཆེན་རྒྱ་ནག་པའི་སྤྲུལ་བའི་སྐུ་ངག་དབང་ཐུབ་བསྟན་དབང་ཕྱུག་དཔལ་ལྡན་འཕྲིན་ལས་རྒྱ་མཚོ་དབུས་སུ་བྱོན་པའི་ལམ་ནས་སྐུ་འབུམ་དུ་ཕེབས་པར་ངེད་ཀྱི་བླ་མའི་སྤྲུལ་སྐུ་ཡིན་གསུངས་ཏེ་མཇལ་བར་ཕེབས་ནས་དངོས་འབུལ་བསྟར། ཕྱི་ཉིན་…

ཁར་མཁར་སྒང་དགོན་པ། སྣ་ཀྱ་སྒར་པ་སོགས་དང༌། རྨ་ཆུའི་ཚུར་ཁ་ནས་རོང་པོ་མར་ནང་དགོན་པ། ཀ་རིང་སྒར་པ་སོགས་དགོན་ཁག་དུ་མ་དང་མི་སྡེ་འགའ་ཞིག་གིས་གདན་དྲངས་ཏེ་བསྙེན་བཀུར་ཞུས་པ་སོ་སོའི་ཡིད་ཀྱི་རེ་འབྲས་སྨིན་པར་མཛད་དེ་བཞི་པའི་ཉི་ཤུ་གསུམ་ལ་གདན་སར་ཕེབས། དབྱིག་ཀྱ་སྤྲུལ་སྐུ་སོགས་བསྒྲུབ་བྱ་ཉིས་བརྒྱ་སྐོར་ལ་བསྙེན་རྫོགས་ཀྱི་ས…

སྨིན་རྒྱས། འདུས་པ་འཕགས་སྐོར་གྱི་གཞུང་ཆེན་དུ་མའི་ཁོག་ཕུབ། དམ་པ་གོང་མའི་བཞེད་སྲོལ་མི་འདྲ་བས་ཟུར་བརྒྱན་པ་དང༌། རྡོ་རམས་པ་དགེ་འདུན་དཔལ་བཟང་གིས་ཞུས་ངོར་འཇིགས་བྱེད་བཅུ་གསུམ་མའི་དབང་སོགས་ཆོས་ཀྱི་འཁོར་ལོ་རྒྱ་ཆེན་བསྐོར། མཛོ་དགེ་རི་ཁྲོད་པ་བསྟན་འཛིན་གྱིས་ཞུས་ངོར་ཁོང་དཔོན་གཡོག་ཉུང་བསྡུས་ལ་སྐྱེས་རབས་ཀྱི་ལུང་གནང༌།…

མགོན་ཉིད་ལ་གསོལ་བ་བཏབ་སྟེ་ནང་དུ་གདན་དྲངས་ནས་འཇིགས་བྱེད་ཞི་བའི་སྦྱིན་སྲེག་ཅིག་མཛད་པའི་ཐུགས་རྗེ་ལ་བརྟེན་ནས་ཉེར་འཚེ་ཐམས་ཅད་ལྷག་མེད་དུ་ཞི་བས་བཀའ་དྲིན་བླ་ན་མེད་པར་གྱུར། དྲུག་པའི་ཚེས་བཅུ་སྐོར་ལ་དཀའ་བཅུ་མཁས་མཆོག་གིས་ཞུས་ངོར་འཇིགས་བྱེད་བསྐྱེད་རྫོགས་གཉིས་ཀྱི་ཁྲིད་དང་དཔའ་བོ་གཅིག་པའི་རྗེས་གནང་སྩལ། བཅུ་བདུན་ནས་…